Chāndogya Upaniṣad 6.2

सद् एव सोम्येदम् अग्र आसीद् एकम् एवाद्वितीयम् । तद् धैक आहुर् असद् एवेदम् अग्र आसीद् एकम् एवाद्वितीयम् । तस्माद् असतः सज् जायत

sad eva somyedam agra āsīd ekam evādvitīyam | tad dhaika āhur asad evedam agra āsīd ekam evādvitīyam | tasmād asataḥ saj jāyata

Sanskrit only: no published translation is held for this verse.

कुतस् तु खलु सोम्यैवं स्याद् इति होवाच । कथम् असतः सज् जायेत । सत् त्व् एव सोम्येदम् अग्र आसीद् एकम् एवाद्वितीयम्

kutas tu khalu somyaivaṃ syād iti hovāca | katham asataḥ saj jāyeta | sat tv eva somyedam agra āsīd ekam evādvitīyam

Sanskrit only: no published translation is held for this verse.

तद् ऐक्षत । बहु स्यां प्रजायेयेति । तत् तेजो ऽसृजत । तत् तेज ऐक्षत । बहु स्यां प्रजायेयेति । तद् अपो ऽसृजत । तस्माद् यत्र क्व च शोचति स्वेदते वा पुरुषस् तेजस एव तद् अध्य् आपो जायन्ते

tad aikṣata | bahu syāṃ prajāyeyeti | tat tejo 'sṛjata | tat teja aikṣata | bahu syāṃ prajāyeyeti | tad apo 'sṛjata | tasmād yatra kva ca śocati svedate vā puruṣas tejasa eva tad adhy āpo jāyante

Sanskrit only: no published translation is held for this verse.