Library·Chandogya-Upanisad (Chandogyopanisad) with commentary·3·3.12
यत एवमतिशयफलैषा ब्रह्मविद्यातः सा प्रकारान्तरेणापि वक्तव्येति गायत्री वा इत्याद्यारभ्यते ।
yata evamatiśayaphalaiṣā brahmavidyātaḥ sā prakārāntareṇāpi vaktavyeti gāyatrī vā ityādyārabhyate /
Sanskrit only: no published translation is held for this verse.
या वै सैवंलक्षणा सर्वभूतरूपा गायत्री, इयं वाव सा येयं पृथिवी ।
yā vai saivaṃlakṣaṇā sarvabhūtarūpā gāyatrī, iyaṃ vāva sā yeyaṃ pṛthivī /
Sanskrit only: no published translation is held for this verse.
या वै सा पृथिवी गायत्रीयं वाव सेदमेव ।
yā vai sā pṛthivī gāyatrīyaṃ vāva sedameva /
Sanskrit only: no published translation is held for this verse.
यद्व तत्पुरुषे शरीरं गायत्रीदं वाव तत् ।
yadva tatpuruṣe śarīraṃ gāyatrīdaṃ vāva tat /
Sanskrit only: no published translation is held for this verse.
सैषा चतुष्पदा षडक्षरपदा छन्दोरूपा सती भवति गायत्री षड्विधा वाग्भूतपृथिवीशरीरहृदयप्राणरूपा सती षड्विधा भवति ।
saiṣā catuṣpadā ṣaḍakṣarapadā chandorūpā satī bhavati gāyatrī ṣaḍvidhā vāgbhūtapṛthivīśarīrahṛdayaprāṇarūpā satī ṣaḍvidhā bhavati /
Sanskrit only: no published translation is held for this verse.
तावानस्य गायत्र्याख्यस्य ब्रह्मणः समस्तस्य महिमा विभूतिविस्तारः ।
tāvānasya gāyatryākhyasya brahmaṇaḥ samastasya mahimā vibhūtivistāraḥ /
Sanskrit only: no published translation is held for this verse.
यद्वै तत् त्रिपादमृतं गायत्रीमुखेनोक्तं ब्रह्मेतीदं वाव तदिदमेव ।
yadvai tat tripādamṛtaṃ gāyatrīmukhenoktaṃ brahmetīdaṃ vāva tadidameva /
Sanskrit only: no published translation is held for this verse.
अयं वाव स यो ऽयमन्तः पुरुषे शरीर आकाशो यो वै सो ऽन्तः पुरुष आकाशः ॥८ ॥
ayaṃ vāva sa yo 'yamantaḥ puruṣe śarīra ākāśo yo vai so 'ntaḥ puruṣa ākāśaḥ //8 //
Sanskrit only: no published translation is held for this verse.
अयं वाव स यो ऽयमन्तर्हृदये हृदयपुण्डरीक आकाशः ।
ayaṃ vāva sa yo 'yamantarhṛdaye hṛdayapuṇḍarīka ākāśaḥ /
Sanskrit only: no published translation is held for this verse.