Library·Chandogya-Upanisad (Chandogyopanisad) with commentary·5·5.1
यो ह वै वसिष्ठं वसितृतममाच्छादयितृतमं वसुमत्तमं वा यो वेद स तथैव वसिष्ठो ह भवति स्वानां ज्ञातीनाम् ।
yo ha vai vasiṣṭhaṃ vasitṛtamamācchādayitṛtamaṃ vasumattamaṃ vā yo veda sa tathaiva vasiṣṭho ha bhavati svānāṃ jñātīnām /
Sanskrit only: no published translation is held for this verse.
यो ह वै प्रतिष्ठां वेद स चास्मिंल्लोके ऽमुष्मिंश्च परे प्रतितिष्ठति ह ।
yo ha vai pratiṣṭhāṃ veda sa cāsmiṃlloke 'muṣmiṃśca pare pratitiṣṭhati ha /
Sanskrit only: no published translation is held for this verse.
यो ह वै सम्पदं वेद तस्मा अस्मै दैवाश्च मानुषाश्च कामाः सम्पद्यन्ते ह ।
yo ha vai sampadaṃ veda tasmā asmai daivāśca mānuṣāśca kāmāḥ sampadyante ha /
Sanskrit only: no published translation is held for this verse.
यो ह वा आयतनं वेदाऽयतनं ह स्वानां भवत्याश्रयो भवतीत्यर्थः ।
yo ha vā āyatanaṃ vedā'yatanaṃ ha svānāṃ bhavatyāśrayo bhavatītyarthaḥ /
Sanskrit only: no published translation is held for this verse.
अथ ह प्राणा एवं यथोक्तगुणाः सन्तो ऽहंश्रेयस्यहं श्रेयानस्म्यहं श्रेयानस्मीत्येतस्मिन्प्रयोजने व्यूदिरे नाना विरुद्धं चोदिर उक्तवन्तः ॥६ ॥
atha ha prāṇā evaṃ yathoktaguṇāḥ santo 'haṃśreyasyahaṃ śreyānasmyahaṃ śreyānasmītyetasminprayojane vyūdire nānā viruddhaṃ codira uktavantaḥ //6 //
Sanskrit only: no published translation is held for this verse.
ते ह - तै हैवं विवदमाना आत्मनः श्रेष्ठत्वविज्ञानाय प्रजापतिं पितरं जनयितारं कञ्चिदेत्योचुरुक्तवन्तो हे भगवन्को नो ऽस्माकं मध्ये श्रेष्ठो ऽभ्यधिको गुणैरित्येवं पृष्टवन्तः ।
te ha - tai haivaṃ vivadamānā ātmanaḥ śreṣṭhatvavijñānāya prajāpatiṃ pitaraṃ janayitāraṃ kañcidetyocuruktavanto he bhagavanko no 'smākaṃ madhye śreṣṭho 'bhyadhiko guṇairityevaṃ pṛṣṭavantaḥ /
Sanskrit only: no published translation is held for this verse.
एवं परीक्षितेषु वागादिष्वथानन्तरं ह स मुख्यः प्राण उच्चिक्रमिषन्नुत्क्रमितुमिच्छन्किमकरोदित्युच्यते ।
evaṃ parīkṣiteṣu vāgādiṣvathānantaraṃ ha sa mukhyaḥ prāṇa uccikramiṣannutkramitumicchankimakarodityucyate /
Sanskrit only: no published translation is held for this verse.
अथ हैनं वागादयः प्राणस्य श्रेष्ठत्वं कार्येणाऽपादयन्त आहुर्बलिमिव हरन्तो राज्ञे विशः ।
atha hainaṃ vāgādayaḥ prāṇasya śreṣṭhatvaṃ kāryeṇā'pādayanta āhurbalimiva haranto rājñe viśaḥ /
Sanskrit only: no published translation is held for this verse.
श्रुतेरिदं वचो युक्तमिदं वागादिभिर्मुख्यं प्राणं प्रत्यभिहितं यस्मान्न वै लोके वाचो न चक्षूंषि न श्रोत्राणि न मनांसीति वागादीनि करणान्याचक्षते लौकिका आगमज्ञा वा ।
śruteridaṃ vaco yuktamidaṃ vāgādibhirmukhyaṃ prāṇaṃ pratyabhihitaṃ yasmānna vai loke vāco na cakṣūṃṣi na śrotrāṇi na manāṃsīti vāgādīni karaṇānyācakṣate laukikā āgamajñā vā /
Sanskrit only: no published translation is held for this verse.