हे गादन ! गदयति पूर्वमभिभाषयतीति गादनः । तस्य संबुद्धिः पूर्वभिभाषिन्नित्यर्थः । तादृशाय ते राज्यम् । पौररामाकाटनकेतन पौररामाणां पोरस्त्रीणां काटनकेतन मत्स्यकेतन रामामदनेत्यर्थः । हे सिगन सिङ्गभूपाल । मनसा वीराय मेलायनाय । मा च इला च मेते लक्ष्मीभूम्यौ तयोरयनं मार्गः मेलायनं तस्मै मेलायनाय लक्ष्मीभूमिनिवासस्थानायेत्यर्थः । तादृशाय ते राज्यमिति प्रजापालनसामर्थ्यरूपकर्मास्तु सर्वोत्कर्षेण भूयादिति संस्कृतभाषा प्रतीयते । मेलायनायेत्यादिपदेषु भद्रमभवद्वे त्याद्यार्थवाचिषु तद्देशभाषाविदुषामान्ध्रभाषा च प्रतीयते । तदयं भाषाश्लेषः । एवं संस्कृतप्राकृतादिभाषाश्लेषास्तु तत्र तत्र महाकविप्रबन्धेषु चित्रतरेषु स्वयमनुसंधेयाः । अनुप्रासस्तु वर्णानामावृत्तिरविदूरगा । अव्यापको व्यापकश्चेत्ययं द्वेधा समासतः
he gādana ! gadayati pūrvamabhibhāṣayatīti gādanaḥ / tasya saṃbuddhiḥ pūrvabhibhāṣinnityarthaḥ / tādṛśāya te rājyam / paurarāmākāṭanaketana paurarāmāṇāṃ porastrīṇāṃ kāṭanaketana matsyaketana rāmāmadanetyarthaḥ / he sigana siṅgabhūpāla / manasā vīrāya melāyanāya / mā ca ilā ca mete lakṣmībhūmyau tayorayanaṃ mārgaḥ melāyanaṃ tasmai melāyanāya lakṣmībhūminivāsasthānāyetyarthaḥ / tādṛśāya te rājyamiti prajāpālanasāmarthyarūpakarmāstu sarvotkarṣeṇa bhūyāditi saṃskṛtabhāṣā pratīyate / melāyanāyetyādipadeṣu bhadramabhavadve tyādyārthavāciṣu taddeśabhāṣāviduṣāmāndhrabhāṣā ca pratīyate / tadayaṃ bhāṣāśleṣaḥ / evaṃ saṃskṛtaprākṛtādibhāṣāśleṣāstu tatra tatra mahākaviprabandheṣu citratareṣu svayamanusaṃdheyāḥ / anuprāsastu varṇānāmāvṛttiravidūragā / avyāpako vyāpakaścetyayaṃ dvedhā samāsataḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.