अथ खलु मैत्रेयो बोधिसत्त्वो महासत्त्वो भगवन्तम् एतद् अवोचत् ॥ भगवंश् छत्त्रानुशंसां तव वाणीं श्रुत्वा प्रमोदं प्राप्तवान् ॥ पुनर् अपि जिनस्य प्रकृतौ स्तूपे धातुम् आरोप्यते च यत् । फलं तेषां कथं नाथ वद त्वं ज्ञानसागर
atha khalu maitreyo bodhisattvo mahāsattvo bhagavantam etad avocat // bhagavaṃś chattrānuśaṃsāṃ tava vāṇīṃ śrutvā pramodaṃ prāptavān // punar api jinasya prakṛtau stūpe dhātum āropyate ca yat / phalaṃ teṣāṃ kathaṃ nātha vada tvaṃ jñānasāgara
Sanskrit only: no published translation is held for this verse.
तस्मिन् समये सो ऽपि भगवांल् लोकानुकम्पार्थम् इह गृध्रकूत एव विहरति ॥ भगवान् आह ॥ साधु शृणु महासत्त्व धात्वारोपणजं फलम् । पुण्यं तद् विशेषं च वक्ष्यामि सर्वबोधये
tasmin samaye so 'pi bhagavāṃl lokānukampārtham iha gṛdhrakūta eva viharati // bhagavān āha // sādhu śṛṇu mahāsattva dhātvāropaṇajaṃ phalam / puṇyaṃ tad viśeṣaṃ ca vakṣyāmi sarvabodhaye
Sanskrit only: no published translation is held for this verse.
पुनर् अपि इतो दक्षिणेन पथा गच्छन् पश्यति । मस्तके ऽयोमयचक्रं भ्रामयन् पूयशोणितं प्रसरति शिरसो ऽस्य । तं दृष्ट्वा कथयति । अयं विधा कस्माद् दुःप्रसह्यदुःखी कः ॥ स तम् आह ॥ मातुर् अपकाराद् इमं दुःप्रसह्यदुःखम् । अथ स पुनर् अपि इतो दक्षिणेन पथा गच्छन् पश्यति । महाकायो महोच्छ्रायपर्वतोदरसंनिभः । स्वकेशरोमप्रतिच्छन्नाङ्गः सूचीच्छिद्रोपमामुखः
punar api ito dakṣiṇena pathā gacchan paśyati / mastake 'yomayacakraṃ bhrāmayan pūyaśoṇitaṃ prasarati śiraso 'sya / taṃ dṛṣṭvā kathayati / ayaṃ vidhā kasmād duḥprasahyaduḥkhī kaḥ // sa tam āha // mātur apakārād imaṃ duḥprasahyaduḥkham / atha sa punar api ito dakṣiṇena pathā gacchan paśyati / mahākāyo mahocchrāyaparvatodarasaṃnibhaḥ / svakeśaromapraticchannāṅgaḥ sūcīcchidropamāmukhaḥ
Sanskrit only: no published translation is held for this verse.
पदे सुगतसंपदां सपदि सत्प्रतिष्ठो भुवि प्रकाशितयशा भवत्य् अखिलसत्त्वधात्वाश्रयः । समुन्नततरस्थिरप्रकृतिसंपदा संश्रितो जिनप्रतिकृतौ जनेन यदि धातुर् आरोप्यते
pade sugatasaṃpadāṃ sapadi satpratiṣṭho bhuvi prakāśitayaśā bhavaty akhilasattvadhātvāśrayaḥ / samunnatatarasthiraprakṛtisaṃpadā saṃśrito jinapratikṛtau janena yadi dhātur āropyate
Sanskrit only: no published translation is held for this verse.
शक्रीं समन्ताद् अधिगम्य लक्ष्मीं द्वीपांश् च भुक्त्वा चतुरो नरेन्द्राः । अन्ते विशुद्धं पदम् आप्नुवन्ति धातोः समारोपणतो जिनस्य
śakrīṃ samantād adhigamya lakṣmīṃ dvīpāṃś ca bhuktvā caturo narendrāḥ / ante viśuddhaṃ padam āpnuvanti dhātoḥ samāropaṇato jinasya
Sanskrit only: no published translation is held for this verse.
दृश्यन्ते कान्तिमन्तः शशधरवदनाः सुभ्रुवो दीर्घनेत्रा मर्त्या यन् मर्त्यलोके वरकनकनिभाः क्षान्तिसौरत्ययुक्ताः । पृथ्वीं यच् चापि राजा जलनिधिवसनां पालयंश् चक्रवर्ती तत् सर्वं बुद्धबिम्बे भवति तनुभृतां धातुम् आरोप्य भक्त्या
dṛśyante kāntimantaḥ śaśadharavadanāḥ subhruvo dīrghanetrā martyā yan martyaloke varakanakanibhāḥ kṣāntisauratyayuktāḥ / pṛthvīṃ yac cāpi rājā jalanidhivasanāṃ pālayaṃś cakravartī tat sarvaṃ buddhabimbe bhavati tanubhṛtāṃ dhātum āropya bhaktyā
Sanskrit only: no published translation is held for this verse.