Dhananjaya: Dasarupaka 2

नेता विनीतो मधुरस्त्यागी दक्षः प्रियग्वदः । रक्तलोकः शुचिर्वाङ्मी रूढवंशः स्थिरो युवा

netā vinīto madhurastyāgī dakṣaḥ priyagvadaḥ / raktalokaḥ śucirvāṅmī rūḍhavaṃśaḥ sthiro yuvā

Sanskrit only: no published translation is held for this verse.

बुद्ध्युत्साहस्मृतिप्रज्ञाकलामानसमन्वितः । शूरो दृढश्च तेजस्वी शास्त्रचक्षुश्च धार्मिकः । भेदैश्चतुर्धा ललितशान्तोदात्तोद्धतैरयम्

buddhyutsāhasmṛtiprajñākalāmānasamanvitaḥ / śūro dṛḍhaśca tejasvī śāstracakṣuśca dhārmikaḥ / bhedaiścaturdhā lalitaśāntodāttoddhatairayam

Sanskrit only: no published translation is held for this verse.

निश्चिन्तो धीरललितः कलासक्तः सुखी मृदुः । सामान्यगुअयुक्तस्तु धीरशान्तो द्विजादिकः

niścinto dhīralalitaḥ kalāsaktaḥ sukhī mṛduḥ / sāmānyagu.ayuktastu dhīraśānto dvijādikaḥ

Sanskrit only: no published translation is held for this verse.

महासत्त्वोऽतिगम्भीरः क्षमावानविकत्थनः । स्थिरो निगूढाहङ्कारो धीरोदात्तो दृढव्रतः

mahāsattvo'tigambhīraḥ kṣamāvānavikatthanaḥ / sthiro nigūḍhāhaṅkāro dhīrodātto dṛḍhavrataḥ

Sanskrit only: no published translation is held for this verse.

दर्पमात्सर्यभूयिष्ठो मायाछद्मपरायणः । धीरोद्धतस्त्वहङ्कारो चलश्चण्डो विकत्त्थनः

darpamātsaryabhūyiṣṭho māyāchadmaparāyaṇaḥ / dhīroddhatastvahaṅkāro calaścaṇḍo vikattthanaḥ

Sanskrit only: no published translation is held for this verse.

स दक्षिणः शठो धृष्टः पूर्वां प्रत्यन्यया हृतः । दक्षिणोऽस्यां सहृदयः गूढविप्रियकृत् शठः । व्यक्ताङ्गवैकृतो धृष्टोऽनुकूलस्त्वेकनायिकः

sa dakṣiṇaḥ śaṭho dhṛṣṭaḥ pūrvāṃ pratyanyayā hṛtaḥ / dakṣiṇo'syāṃ sahṛdayaḥ gūḍhavipriyakṛt śaṭhaḥ / vyaktāṅgavaikṛto dhṛṣṭo'nukūlastvekanāyikaḥ

Sanskrit only: no published translation is held for this verse.

पताकानायकस्त्वन्यः पीठमर्दो विचक्षणः । तस्यैवानुचरो भक्तः किञ्चिदूनश्च तद्गुणैः

patākānāyakastvanyaḥ pīṭhamardo vicakṣaṇaḥ / tasyaivānucaro bhaktaḥ kiñcidūnaśca tadguṇaiḥ

Sanskrit only: no published translation is held for this verse.

एकविद्यो विटश्चान्यो हास्यकृच् च विदूषकः । लुब्धो धीरोद्धतस्तब्धः(?) पापकृद् व्यसनी रिपुः

ekavidyo viṭaścānyo hāsyakṛc ca vidūṣakaḥ / lubdho dhīroddhatastabdhaḥ(?) pāpakṛd vyasanī ripuḥ

Sanskrit only: no published translation is held for this verse.

शोभा विलासो माधुर्यं गाम्भीर्यं धैर्यतेजसी । ललितौदार्यमित्यष्टौ सत्त्वजाः पौरुषा गुणाः

śobhā vilāso mādhuryaṃ gāmbhīryaṃ dhairyatejasī / lalitaudāryamityaṣṭau sattvajāḥ pauruṣā guṇāḥ

Sanskrit only: no published translation is held for this verse.

नीचे धृणाधिके स्पर्धा शोभायां शौर्यदक्षते । गतिः सधैर्या दृष्टिश्च विलासे सम्मितं वचः

nīce dhṛṇādhike spardhā śobhāyāṃ śauryadakṣate / gatiḥ sadhairyā dṛṣṭiśca vilāse sammitaṃ vacaḥ

Sanskrit only: no published translation is held for this verse.

श्लक्ष्णो विकारो माधुर्यं सङ्क्षोभे सुमहत्यपि । गाम्भीर्यं यत्प्रभावेन विकारो नोपलक्ष्यते

ślakṣṇo vikāro mādhuryaṃ saṅkṣobhe sumahatyapi / gāmbhīryaṃ yatprabhāvena vikāro nopalakṣyate

Sanskrit only: no published translation is held for this verse.

व्यवसायादचलनं स्थैर्यं विघ्नकुलादपि । अधिक्षेपाद्यसहनं तेजः प्राणात्ययेष्वपि

vyavasāyādacalanaṃ sthairyaṃ vighnakulādapi / adhikṣepādyasahanaṃ tejaḥ prāṇātyayeṣvapi

Sanskrit only: no published translation is held for this verse.

शृङ्गाराकारचेष्टात्वं सहजं ललितं मृदु । प्रियोक्त्याजीविताद् दानमौदार्यं सदुपग्रहः

śṛṅgārākāraceṣṭātvaṃ sahajaṃ lalitaṃ mṛdu / priyoktyājīvitād dānamaudāryaṃ sadupagrahaḥ

Sanskrit only: no published translation is held for this verse.

स्वान्या साधारणस्त्रीति तद्गुणा नायिका त्रिधा । मुग्धा मध्या प्रगल्भेति स्वीया शीलार्जवादियुक्

svānyā sādhāraṇastrīti tadguṇā nāyikā tridhā / mugdhā madhyā pragalbheti svīyā śīlārjavādiyuk

Sanskrit only: no published translation is held for this verse.

मुग्धा नववयःकामा रतौ वामा मृदुः क्रुधि । मध्योद्यद्यावनानङ्गा मोहान्तसुरतक्षमा

mugdhā navavayaḥkāmā ratau vāmā mṛduḥ krudhi / madhyodyadyāvanānaṅgā mohāntasuratakṣamā

Sanskrit only: no published translation is held for this verse.

धीरा सोत्प्रासवक्रोक्त्या मध्या साश्रु कृतागमम् । खेदयेद् दयितं कोपादधीरा परुषाक्षरम्

dhīrā sotprāsavakroktyā madhyā sāśru kṛtāgamam / khedayed dayitaṃ kopādadhīrā paruṣākṣaram

Sanskrit only: no published translation is held for this verse.

यौवनान्धा स्मरोन्मत्ता प्रगल्भा दयिताङ्गके । विलीयमानेवानन्दाद् रतारम्भेऽप्यचेतना

yauvanāndhā smaronmattā pragalbhā dayitāṅgake / vilīyamānevānandād ratārambhe'pyacetanā

Sanskrit only: no published translation is held for this verse.

सावहित्थादरोदास्ते रतौ धीरेतरा क्रुधा । सन्तर्ज्य ताडयेन् मध्या मध्याधीरेव तं वदेत् । द्वेधा ज्येष्ठा कनिष्टा चेत्यमुग्धा द्वादशोदिताः

sāvahitthādarodāste ratau dhīretarā krudhā / santarjya tāḍayen madhyā madhyādhīreva taṃ vadet / dvedhā jyeṣṭhā kaniṣṭā cetyamugdhā dvādaśoditāḥ

Sanskrit only: no published translation is held for this verse.

अन्यस्त्री कन्यकोढा च नान्योढाङ्गिरसे क्वचित् । कन्यानुरागमिच्छातः कुर्यादङ्गाङ्गिसंश्रयम्

anyastrī kanyakoḍhā ca nānyoḍhāṅgirase kvacit / kanyānurāgamicchātaḥ kuryādaṅgāṅgisaṃśrayam

Sanskrit only: no published translation is held for this verse.

साधारणस्त्री गणिका कलाप्रागल्भ्यधौर्त्ययुक् । छन्नकामसुखार्थाज्ञस्वतन्त्राहंयुपण्डकान्

sādhāraṇastrī gaṇikā kalāprāgalbhyadhaurtyayuk / channakāmasukhārthājñasvatantrāhaṃyupaṇḍakān

Sanskrit only: no published translation is held for this verse.

रक्तेव रञ्जयेदाढ्यान् निःस्वान् मात्रा विवासयेत् । रक्तैव त्वप्रहसने नैषा दिव्यनृपाश्रये

rakteva rañjayedāḍhyān niḥsvān mātrā vivāsayet / raktaiva tvaprahasane naiṣā divyanṛpāśraye

Sanskrit only: no published translation is held for this verse.

आसामष्टाववस्थाः स्युः स्वाधीनपतिकादिकाः । आसन्नायत्तरमणा हृष्टा स्वाधीनभर्तृका

āsāmaṣṭāvavasthāḥ syuḥ svādhīnapatikādikāḥ / āsannāyattaramaṇā hṛṣṭā svādhīnabhartṛkā

Sanskrit only: no published translation is held for this verse.

मुदा वासकसज्जा स्वं मण्डयत्येष्यति प्रिये । चिरयत्यव्यलीके तु विरहोत्कण्ठितोन्मनाः

mudā vāsakasajjā svaṃ maṇḍayatyeṣyati priye / cirayatyavyalīke tu virahotkaṇṭhitonmanāḥ

Sanskrit only: no published translation is held for this verse.

ज्ञातेऽन्यासङ्गविवृते खण्ड्तेर्ष्याकषायिता । कलहान्तरितामर्षाद् विधूतेऽनुशयार्तियुक्

jñāte'nyāsaṅgavivṛte khaṇḍterṣyākaṣāyitā / kalahāntaritāmarṣād vidhūte'nuśayārtiyuk

Sanskrit only: no published translation is held for this verse.

विप्रलब्धोक्तसमयमप्राप्तेऽतिविमानिता । दूरदेशाब्तरस्थे तु कार्यतः प्रोषितप्रिया । कामार्ताभिसरेत् कान्तं सारयेद् वाभिसारिका

vipralabdhoktasamayamaprāpte'tivimānitā / dūradeśābtarasthe tu kāryataḥ proṣitapriyā / kāmārtābhisaret kāntaṃ sārayed vābhisārikā

Sanskrit only: no published translation is held for this verse.

चिन्तानिःश्वासखेदाश्रुवैवर्ण्यग्लान्यभूषणैः । युक्ताः षडन्त्या द्वे चाद्ये क्रोडौज्ज्वल्यप्रहर्षितैः

cintāniḥśvāsakhedāśruvaivarṇyaglānyabhūṣaṇaiḥ / yuktāḥ ṣaḍantyā dve cādye kroḍaujjvalyapraharṣitaiḥ

Sanskrit only: no published translation is held for this verse.

दूत्यो दासी सखी कारूर्धात्रेयी प्रतिवेशिका । लिङ्गिनी शिल्पिनी स्वं च नेतृमित्रगुणान्विताः

dūtyo dāsī sakhī kārūrdhātreyī prativeśikā / liṅginī śilpinī svaṃ ca netṛmitraguṇānvitāḥ

Sanskrit only: no published translation is held for this verse.

यौवने सत्त्वजाः स्त्रीणामलङ्कारास्तु विंशतिः । भावो हावश्च हेला च त्रयस्तत्र शरीरजाः

yauvane sattvajāḥ strīṇāmalaṅkārāstu viṃśatiḥ / bhāvo hāvaśca helā ca trayastatra śarīrajāḥ

Sanskrit only: no published translation is held for this verse.

शोभा कान्तिश्च दीप्तिश्च माधुर्यं च प्रगल्भता । औदार्यं धैर्यमित्येते सप्त भावा अयत्नजाः

śobhā kāntiśca dīptiśca mādhuryaṃ ca pragalbhatā / audāryaṃ dhairyamityete sapta bhāvā ayatnajāḥ

Sanskrit only: no published translation is held for this verse.

लीला विलासो विच्छित्तिर्विभ्रमः किलकिञ्चितम् । मोट्टायितं कुट्टमितं बिब्बोको ललितं तथा । विहृतं चेति विज्ञेया दश भावाः स्वभावजाः

līlā vilāso vicchittirvibhramaḥ kilakiñcitam / moṭṭāyitaṃ kuṭṭamitaṃ bibboko lalitaṃ tathā / vihṛtaṃ ceti vijñeyā daśa bhāvāḥ svabhāvajāḥ

Sanskrit only: no published translation is held for this verse.

निर्विकारात्मकात् सत्त्वाद् भावस्तत्राद्यविक्रिया । हेवाकसस्तु शृङ्गारो हावोऽक्षिभ्रूविकारकृत्

nirvikārātmakāt sattvād bhāvastatrādyavikriyā / hevākasastu śṛṅgāro hāvo'kṣibhrūvikārakṛt

Sanskrit only: no published translation is held for this verse.

स एव हेला सुव्यक्तशृङ्गाररससूचिका । रूपोपभोगतारुण्यैः शोभाङ्गानां विभूषणम्

sa eva helā suvyaktaśṛṅgārarasasūcikā / rūpopabhogatāruṇyaiḥ śobhāṅgānāṃ vibhūṣaṇam

Sanskrit only: no published translation is held for this verse.

मन्मथावापितच्छाया सैव कान्तिरिति स्मृता । अनुलबणत्वं माधुर्यं दीप्तिः कान्तेस्तु विस्तरः

manmathāvāpitacchāyā saiva kāntiriti smṛtā / anulabaṇatvaṃ mādhuryaṃ dīptiḥ kāntestu vistaraḥ

Sanskrit only: no published translation is held for this verse.

निःसाध्वसत्वं प्रागल्भ्यं औदार्यं प्रश्रयः सदा । चापलाविहता धैर्यं चिद्वृत्तिरविकत्थना

niḥsādhvasatvaṃ prāgalbhyaṃ audāryaṃ praśrayaḥ sadā / cāpalāvihatā dhairyaṃ cidvṛttiravikatthanā

Sanskrit only: no published translation is held for this verse.

प्रियानुकरणं लीला मधुराङ्गविचेष्टितैः । तात्कालिको विशेषस्तु विलासोऽङ्गक्रियादिषु

priyānukaraṇaṃ līlā madhurāṅgaviceṣṭitaiḥ / tātkāliko viśeṣastu vilāso'ṅgakriyādiṣu

Sanskrit only: no published translation is held for this verse.

आकल्परचनाल्पापि विच्छित्तिः कान्तिपोप(?)कृत् । विभ्रमस्त्वरया काले भूषास्थानविपर्ययः

ākalparacanālpāpi vicchittiḥ kāntipopa(?)kṛt / vibhramastvarayā kāle bhūṣāsthānaviparyayaḥ

Sanskrit only: no published translation is held for this verse.

क्रोधाश्रुहर्षभीत्यादेः सङ्करः किलकिञ्चितम् । मोट्टायितं तु तद्भावभावनेष्टकथादिषु

krodhāśruharṣabhītyādeḥ saṅkaraḥ kilakiñcitam / moṭṭāyitaṃ tu tadbhāvabhāvaneṣṭakathādiṣu

Sanskrit only: no published translation is held for this verse.

सानन्दान्तः कुट्टमितं कुप्येत् केशाधरग्रहे । गर्वाभिमानादिष्टेऽपि बिब्बोकोऽनादरक्रिया

sānandāntaḥ kuṭṭamitaṃ kupyet keśādharagrahe / garvābhimānādiṣṭe'pi bibboko'nādarakriyā

Sanskrit only: no published translation is held for this verse.

सुकुमाराङ्गविन्यासो मसृणो ललितं भवेत् । प्राप्तकालं न यद् ब्रूयाद् व्रीडया विहृतं हि तत्

sukumārāṅgavinyāso masṛṇo lalitaṃ bhavet / prāptakālaṃ na yad brūyād vrīḍayā vihṛtaṃ hi tat

Sanskrit only: no published translation is held for this verse.

मन्त्री स्वं वोभयं वापि सखा तस्यार्थचिन्तने । मन्त्रिणा ललितः शेषाः मन्त्रिस्वायत्तसिद्धयः

mantrī svaṃ vobhayaṃ vāpi sakhā tasyārthacintane / mantriṇā lalitaḥ śeṣāḥ mantrisvāyattasiddhayaḥ

Sanskrit only: no published translation is held for this verse.

ऋत्विक्पुरोहितौ धर्मे तपस्विब्रह्मवादिनः । सुहृत्कुमाराटविका दण्डे सामन्तसैनिकाः

ṛtvikpurohitau dharme tapasvibrahmavādinaḥ / suhṛtkumārāṭavikā daṇḍe sāmantasainikāḥ

Sanskrit only: no published translation is held for this verse.

अन्तःपुरे वर्षवराः किराता मूकवामनाः । म्लेच्छाभीरशकाराद्याः स्वस्वकार्योपयोगिनः

antaḥpure varṣavarāḥ kirātā mūkavāmanāḥ / mlecchābhīraśakārādyāḥ svasvakāryopayoginaḥ

Sanskrit only: no published translation is held for this verse.

ज्येष्ठमध्याधमत्वेन सर्वेषां च त्रिरूपता । तारतम्याद् यथोक्तानां गुणानां चोत्तमादिता । एवं नाट्ये विधातव्यो नायकः सपरिच्छदः

jyeṣṭhamadhyādhamatvena sarveṣāṃ ca trirūpatā / tāratamyād yathoktānāṃ guṇānāṃ cottamāditā / evaṃ nāṭye vidhātavyo nāyakaḥ saparicchadaḥ

Sanskrit only: no published translation is held for this verse.

तद्व्यापारात्मिका वृत्तिश्चतुर्धा तत्र कैशिकी । गतिनृत्यविलासाद्यैर्मृदुः शृङ्गारचेष्टितैः । नर्मतैस्फिञ्जतत्स्फोटतद्गैभैश्चतुरङ्गिका

tadvyāpārātmikā vṛttiścaturdhā tatra kaiśikī / gatinṛtyavilāsādyairmṛduḥ śṛṅgāraceṣṭitaiḥ / narmataisphiñjatatsphoṭatadgaibhaiścaturaṅgikā

Sanskrit only: no published translation is held for this verse.

वैदग्ध्यक्रीडितं नर्म प्रियोपच्छन्दनात्मकम् । हास्येनैव सशृङ्गारभयेन विहितं त्रिधा

vaidagdhyakrīḍitaṃ narma priyopacchandanātmakam / hāsyenaiva saśṛṅgārabhayena vihitaṃ tridhā

Sanskrit only: no published translation is held for this verse.

आत्मोपक्षेपसम्भोगमानैः शृङ्गार्यपि त्रिधा । शुद्धमङ्गं भयं द्वेधा वाग्वेषचेष्टितैः । सर्वं सहास्यमित्येवं नर्मास्टादशधोदितम्

ātmopakṣepasambhogamānaiḥ śṛṅgāryapi tridhā / śuddhamaṅgaṃ bhayaṃ dvedhā vāgveṣaceṣṭitaiḥ / sarvaṃ sahāsyamityevaṃ narmāsṭādaśadhoditam

Sanskrit only: no published translation is held for this verse.

नर्मस्फिञ्जः सुखारम्भो भयान्तो नवसङ्गमे । नर्मस्फोटस्तु भावानां सूचितोऽल्परसो लवैः

narmasphiñjaḥ sukhārambho bhayānto navasaṅgame / narmasphoṭastu bhāvānāṃ sūcito'lparaso lavaiḥ

Sanskrit only: no published translation is held for this verse.

छन्ननेत्रप्रतीचारो नर्मगर्भोऽर्थहेतवे । अङ्गैः सहास्यनिर्हास्यैरेभिरेषात्र कैशिकी

channanetrapratīcāro narmagarbho'rthahetave / aṅgaiḥ sahāsyanirhāsyairebhireṣātra kaiśikī

Sanskrit only: no published translation is held for this verse.

विशोका सात्त्वती सत्त्वशौर्यत्यागदयाजवैः । संलापोत्थापकावस्यां साङ्घात्यः परिवर्तकः

viśokā sāttvatī sattvaśauryatyāgadayājavaiḥ / saṃlāpotthāpakāvasyāṃ sāṅghātyaḥ parivartakaḥ

Sanskrit only: no published translation is held for this verse.

संलापको गभीरोक्तिर्नानाभावरसा मिथः । उत्थापकस्तु यत्रादौ युद्धायोत्थापयेत् परम्

saṃlāpako gabhīroktirnānābhāvarasā mithaḥ / utthāpakastu yatrādau yuddhāyotthāpayet param

Sanskrit only: no published translation is held for this verse.

मन्त्रार्थदैवशक्त्यादेः साङ्घात्यः सङ्घभेदनम् । प्रारब्धोत्थानकार्यान्यकरणात् परिवर्तकः

mantrārthadaivaśaktyādeḥ sāṅghātyaḥ saṅghabhedanam / prārabdhotthānakāryānyakaraṇāt parivartakaḥ

Sanskrit only: no published translation is held for this verse.

एभिरङ्गैश्चतुर्धेयं सात्त्वत्यारभटी पुनः । मायेन्द्रजालसङ्ग्रामक्रोधोद्भ्रान्तादिचेष्टितैः । सङ्क्षिप्तिका स्यात् सम्फेटो वस्तूत्थानावपातने

ebhiraṅgaiścaturdheyaṃ sāttvatyārabhaṭī punaḥ / māyendrajālasaṅgrāmakrodhodbhrāntādiceṣṭitaiḥ / saṅkṣiptikā syāt sampheṭo vastūtthānāvapātane

Sanskrit only: no published translation is held for this verse.

सङ्क्षिप्तवस्तुरचना सङ्क्षिप्तिः शिल्पयोगतः । पूर्वनेतृनिवृत्त्यान्ये नेत्रन्तरपरिग्रहः

saṅkṣiptavasturacanā saṅkṣiptiḥ śilpayogataḥ / pūrvanetṛnivṛttyānye netrantaraparigrahaḥ

Sanskrit only: no published translation is held for this verse.

सम्फेटस्तु समाघातः क्रुद्धसंरब्धयोर्द्वयोः । मायाद्युत्थापितं वस्तु वस्तूत्थापनमिष्यते । अवपातस्तु निष्क्रामप्रवेशत्रासविद्रवैः

sampheṭastu samāghātaḥ kruddhasaṃrabdhayordvayoḥ / māyādyutthāpitaṃ vastu vastūtthāpanamiṣyate / avapātastu niṣkrāmapraveśatrāsavidravaiḥ

Sanskrit only: no published translation is held for this verse.

एभिरङ्गैश्चतुर्धेयं नार्थवृत्तिरतः परा । चतुर्थी भारती सापि वाच्या नाटकलक्षणे

ebhiraṅgaiścaturdheyaṃ nārthavṛttirataḥ parā / caturthī bhāratī sāpi vācyā nāṭakalakṣaṇe

Sanskrit only: no published translation is held for this verse.

कैशिकीं सात्त्वतीं चार्थवृत्तिमारभटीमिति । पठन्तः पञ्चमीं वृत्तिमौद्भटाः प्रतिजानते

kaiśikīṃ sāttvatīṃ cārthavṛttimārabhaṭīmiti / paṭhantaḥ pañcamīṃ vṛttimaudbhaṭāḥ pratijānate

Sanskrit only: no published translation is held for this verse.

शृङ्गारे कौशिकी वीरे सात्त्वत्यारभटी पुनः । रसे रौद्रे च बीभत्से वृत्तिः सर्वत्र भारती

śṛṅgāre kauśikī vīre sāttvatyārabhaṭī punaḥ / rase raudre ca bībhatse vṛttiḥ sarvatra bhāratī

Sanskrit only: no published translation is held for this verse.

देशभाषाक्रियावेषलक्षणाः स्युः प्रवृत्तयः । लोकादेवावगम्यैता यथौचित्यं प्रयोजयेत्

deśabhāṣākriyāveṣalakṣaṇāḥ syuḥ pravṛttayaḥ / lokādevāvagamyaitā yathaucityaṃ prayojayet

Sanskrit only: no published translation is held for this verse.

पाद्यं तु संस्कृतं नॄणामनीचानां कृतात्मनाम् । लिङ्गिनीनां महादेव्या मन्त्रिजावेश्ययोः क्वचित्

pādyaṃ tu saṃskṛtaṃ nṝṇāmanīcānāṃ kṛtātmanām / liṅginīnāṃ mahādevyā mantrijāveśyayoḥ kvacit

Sanskrit only: no published translation is held for this verse.

स्त्रीणां तु प्राकृतं प्रायः शूरसेन्यधमेषु च । पिशाचात्यन्तनीचादौ पैशाचं मागधं तथा

strīṇāṃ tu prākṛtaṃ prāyaḥ śūrasenyadhameṣu ca / piśācātyantanīcādau paiśācaṃ māgadhaṃ tathā

Sanskrit only: no published translation is held for this verse.

यद्देशं नीचपात्रं यत् तद्देशं तस्य भाषितम् । कार्यतश्चोत्तमादीनां कार्यो भाषाव्यतिक्रमः

yaddeśaṃ nīcapātraṃ yat taddeśaṃ tasya bhāṣitam / kāryataścottamādīnāṃ kāryo bhāṣāvyatikramaḥ

Sanskrit only: no published translation is held for this verse.

भगवन्तो वरैर्वाच्या विद्वद्देवर्षिलिङ्गिनः । विप्रामात्याग्रजाश्चार्या नटीसूत्रमृतौ मिथः

bhagavanto varairvācyā vidvaddevarṣiliṅginaḥ / viprāmātyāgrajāścāryā naṭīsūtramṛtau mithaḥ

Sanskrit only: no published translation is held for this verse.

रथी सूतेन चायुष्मान् पूज्यैः शिष्यात्मजानुजाः । वत्सेति तातः पूज्योऽपि सुगृहीताभिधस्तु तैः

rathī sūtena cāyuṣmān pūjyaiḥ śiṣyātmajānujāḥ / vatseti tātaḥ pūjyo'pi sugṛhītābhidhastu taiḥ

Sanskrit only: no published translation is held for this verse.

भावोऽनुगेन सूत्री च मार्षेत्येतेन सोऽपि च । देवः स्वामीति नृपतिर्भृत्यैर्भट्टेति चाधमैः

bhāvo'nugena sūtrī ca mārṣetyetena so'pi ca / devaḥ svāmīti nṛpatirbhṛtyairbhaṭṭeti cādhamaiḥ

Sanskrit only: no published translation is held for this verse.

आमन्त्रणीयाः पतिवज् ज्येष्ठमध्याधमैः स्त्रियः । समा हलेति प्रष्या च हञ्जे वेश्याज्जुका तथा

āmantraṇīyāḥ pativaj jyeṣṭhamadhyādhamaiḥ striyaḥ / samā haleti praṣyā ca hañje veśyājjukā tathā

Sanskrit only: no published translation is held for this verse.

कुट्टिन्यम्वेत्यनुगतैः पूज्या वा जरती जनैः । विदूषकेण भवती राज्ञी चेटीति शब्द्यते

kuṭṭinyamvetyanugataiḥ pūjyā vā jaratī janaiḥ / vidūṣakeṇa bhavatī rājñī ceṭīti śabdyate

Sanskrit only: no published translation is held for this verse.

चेष्टागुणोदाहृतिसत्त्वभावान् अशेषतो नेतृदशाविभिन्नान् । को वक्तुमीशो भरतो न यो वा यो वा न देवः शशिखण्डमौलिः

ceṣṭāguṇodāhṛtisattvabhāvān aśeṣato netṛdaśāvibhinnān / ko vaktumīśo bharato na yo vā yo vā na devaḥ śaśikhaṇḍamauliḥ

Sanskrit only: no published translation is held for this verse.