Dhanvantari-nighaṇṭu (in part) 1

गुडूच्यमृतवल्ली च छिन्ना छिन्नरुहामृता छिन्नोद्भवामृतलता धारा वत्सादनी स्मृता

guḍūcyamṛtavallī ca chinnā chinnaruhāmṛtā chinnodbhavāmṛtalatā dhārā vatsādanī smṛtā

Sanskrit only: no published translation is held for this verse.

सैवोक्ता सोमवल्ली च कुण्डली चक्रलक्षणा प्रोक्ता नागकुमारी च छिन्नाङ्गी ज्वरनाशिनी

saivoktā somavallī ca kuṇḍalī cakralakṣaṇā proktā nāgakumārī ca chinnāṅgī jvaranāśinī

Sanskrit only: no published translation is held for this verse.

जीवन्ती मधुपर्णी च तन्त्रिका देवनिर्मिता वयःस्था मण्डली सौम्या विशल्यामृतसम्भवा

jīvantī madhuparṇī ca tantrikā devanirmitā vayaḥsthā maṇḍalī saumyā viśalyāmṛtasambhavā

Sanskrit only: no published translation is held for this verse.

रसायनी मृत्तिका च चन्द्रहासा भिषग्जिता अन्या कन्दोद्भवा कन्दामृतकन्दगुडूचिका

rasāyanī mṛttikā ca candrahāsā bhiṣagjitā anyā kandodbhavā kandāmṛtakandaguḍūcikā

Sanskrit only: no published translation is held for this verse.

पिण्डामृता बहुच्छिन्ना सा चोक्ता कन्दरोहिणी गुडूची स्वरसे तिक्ता कषायोष्णा गुरुस्तथा त्रिदोषजन्तुरक्तार्शःकुष्ठज्वरहरा परा

piṇḍāmṛtā bahucchinnā sā coktā kandarohiṇī guḍūcī svarase tiktā kaṣāyoṣṇā gurustathā tridoṣajanturaktārśaḥkuṣṭhajvaraharā parā

Sanskrit only: no published translation is held for this verse.

गुडूच्यायुष्प्रदा मेध्या तिक्ता संग्राहिणी बला ज्वरतृट्पाण्डुवातासृक्छर्दिमेहत्रिदोषजित्

guḍūcyāyuṣpradā medhyā tiktā saṃgrāhiṇī balā jvaratṛṭpāṇḍuvātāsṛkchardimehatridoṣajit

Sanskrit only: no published translation is held for this verse.

गुडूची कफवातघ्नी पित्तमेदोविशोषिणी रक्तवातप्रशमनी कण्डूविसर्पनाशिनी

guḍūcī kaphavātaghnī pittamedoviśoṣiṇī raktavātapraśamanī kaṇḍūvisarpanāśinī

Sanskrit only: no published translation is held for this verse.

कन्दोद्भवा गुडूची च कटूष्णा संनिपातहा विषघ्नी ज्वरभूतघ्नी वलीपलितनाशिनी

kandodbhavā guḍūcī ca kaṭūṣṇā saṃnipātahā viṣaghnī jvarabhūtaghnī valīpalitanāśinī

Sanskrit only: no published translation is held for this verse.

अतिविषा शुक्लकन्दा ज्ञेया विश्वा च भङ्गुरा श्यामकन्दा प्रतिविषा शृङ्गी चोपविषा विषा

ativiṣā śuklakandā jñeyā viśvā ca bhaṅgurā śyāmakandā prativiṣā śṛṅgī copaviṣā viṣā

Sanskrit only: no published translation is held for this verse.

आर्द्रा श्वेता विरूपा च विषदा पित्तवल्लभा घुणप्रियातिसारघ्नी बालानां रोगनाशिनी

ārdrā śvetā virūpā ca viṣadā pittavallabhā ghuṇapriyātisāraghnī bālānāṃ roganāśinī

Sanskrit only: no published translation is held for this verse.

कटूष्णातिविषा तिक्ता कफपित्तज्वरापहा आमातीसारकासघ्नी विषच्छर्दिविनाशिनी

kaṭūṣṇātiviṣā tiktā kaphapittajvarāpahā āmātīsārakāsaghnī viṣacchardivināśinī

Sanskrit only: no published translation is held for this verse.

मूर्वा मधुरसा देवी पृथक्पर्णी त्रिपर्ण्यपि देवश्रेणी स्वादुरसा स्निग्धपर्णी च मोरटा

mūrvā madhurasā devī pṛthakparṇī triparṇyapi devaśreṇī svādurasā snigdhaparṇī ca moraṭā

Sanskrit only: no published translation is held for this verse.

मूर्वा स्वादुरसा चोष्णा हृद्रोगकफवातजित् कुष्ठकण्डूवमीमेहविषमज्वरनाशिनी

mūrvā svādurasā coṣṇā hṛdrogakaphavātajit kuṣṭhakaṇḍūvamīmehaviṣamajvaranāśinī

Sanskrit only: no published translation is held for this verse.

मोरटः कीर्णपुष्पश्च पीलुपुष्पो मधुस्रवः तेजनी दीर्घमूला च पुरुषः क्षीरमोरटः

moraṭaḥ kīrṇapuṣpaśca pīlupuṣpo madhusravaḥ tejanī dīrghamūlā ca puruṣaḥ kṣīramoraṭaḥ

Sanskrit only: no published translation is held for this verse.

ज्वरघ्नो मुखवैरस्यतृष्णादाहविनाशनः कफपित्तहरश्चासौ विज्ञेयः क्षीरमोरटः

jvaraghno mukhavairasyatṛṣṇādāhavināśanaḥ kaphapittaharaścāsau vijñeyaḥ kṣīramoraṭaḥ

Sanskrit only: no published translation is held for this verse.

मञ्जिष्ठा कालमेषी च समङ्गा विकसारुणा मञ्जुका रक्तयष्टी च भाण्डी योजनवल्ल्यपि

mañjiṣṭhā kālameṣī ca samaṅgā vikasāruṇā mañjukā raktayaṣṭī ca bhāṇḍī yojanavallyapi

Sanskrit only: no published translation is held for this verse.

क्षेत्रिणी विजया रक्ता रक्ताङ्गी वस्त्रभूषणा जिङ्गी भण्डी तथा काला गण्डाली कालमेषिका

kṣetriṇī vijayā raktā raktāṅgī vastrabhūṣaṇā jiṅgī bhaṇḍī tathā kālā gaṇḍālī kālameṣikā

Sanskrit only: no published translation is held for this verse.

मञ्जिष्ठा मधुरा स्वादे कषायोष्णा गुरुस्तथा कफोग्रव्रणमेहास्रविषनेत्रामयाञ् जयेत्

mañjiṣṭhā madhurā svāde kaṣāyoṣṇā gurustathā kaphogravraṇamehāsraviṣanetrāmayāñ jayet

Sanskrit only: no published translation is held for this verse.

धन्वयासो दुरालम्भा ताम्रमूली च कच्छुरा दुरालभा च दुःस्पर्शा यासो धन्वयवासकः

dhanvayāso durālambhā tāmramūlī ca kacchurā durālabhā ca duḥsparśā yāso dhanvayavāsakaḥ

Sanskrit only: no published translation is held for this verse.

दुरालम्भा स्वादुशीता तिक्ता दाहविनाशिनी विषमज्वरतृट्छर्दिमेहमोहविनाशिनी

durālambhā svāduśītā tiktā dāhavināśinī viṣamajvaratṛṭchardimehamohavināśinī

Sanskrit only: no published translation is held for this verse.

यासो यवासको ऽनन्तो बालपत्त्रो ऽधिकण्टकः दूरमूलः समुद्रान्तो दीर्घमूलो मरूद्भवः

yāso yavāsako 'nanto bālapattro 'dhikaṇṭakaḥ dūramūlaḥ samudrānto dīrghamūlo marūdbhavaḥ

Sanskrit only: no published translation is held for this verse.

यवासकः स्वादुतिक्तो ज्वरतृड्रक्तपित्तनुत् वासकः सिंहपर्णी च वृषो वासाथ सिंहिका आटरूषः सिंहमुखो भिषङ्माताटरूषकः

yavāsakaḥ svādutikto jvaratṛḍraktapittanut vāsakaḥ siṃhaparṇī ca vṛṣo vāsātha siṃhikā āṭarūṣaḥ siṃhamukho bhiṣaṅmātāṭarūṣakaḥ

Sanskrit only: no published translation is held for this verse.

आटरूषो हिमस्तिक्तः पित्तश्लेष्मास्रकासजित् क्षयहृच्छर्दिकुष्ठघ्नो ज्वरतृष्णाविनाशनः

āṭarūṣo himastiktaḥ pittaśleṣmāsrakāsajit kṣayahṛcchardikuṣṭhaghno jvaratṛṣṇāvināśanaḥ

Sanskrit only: no published translation is held for this verse.

खदिरो रक्तसारश्च गायत्री दन्तधावनः कण्टकी बालपत्त्रश्च जिह्मशल्यः क्षतक्षमः

khadiro raktasāraśca gāyatrī dantadhāvanaḥ kaṇṭakī bālapattraśca jihmaśalyaḥ kṣatakṣamaḥ

Sanskrit only: no published translation is held for this verse.

खदिरः स्याद्रसे तिक्तो हिमः पित्तकफास्रनुत् कुष्ठामकास्रकण्डूतिकृमिदोषहरः स्मृतः

khadiraḥ syādrase tikto himaḥ pittakaphāsranut kuṣṭhāmakāsrakaṇḍūtikṛmidoṣaharaḥ smṛtaḥ

Sanskrit only: no published translation is held for this verse.

खदिरः श्वेतसारोऽन्यः सोमवल्कः पथिद्रुमः श्यामसारो नेमिवृक्षः कार्मुकः कुब्जकण्टकः

khadiraḥ śvetasāro'nyaḥ somavalkaḥ pathidrumaḥ śyāmasāro nemivṛkṣaḥ kārmukaḥ kubjakaṇṭakaḥ

Sanskrit only: no published translation is held for this verse.

श्वेतस्तु खदिरस् तिक्तः शीतः पित्तकफापहः रक्तदोषहरश्चैव कण्डूकुष्ठविनाशनः

śvetastu khadiras tiktaḥ śītaḥ pittakaphāpahaḥ raktadoṣaharaścaiva kaṇḍūkuṣṭhavināśanaḥ

Sanskrit only: no published translation is held for this verse.

निम्बो नियमनो नेता पिचुमन्दः सुतिक्तकः अरिष्टः सर्वतोभद्रः प्रभद्रः पारिभद्रकः

nimbo niyamano netā picumandaḥ sutiktakaḥ ariṣṭaḥ sarvatobhadraḥ prabhadraḥ pāribhadrakaḥ

Sanskrit only: no published translation is held for this verse.

निम्बस्तिक्तरसः शीतो लघुः श्लेष्मास्रपित्तनुत् कुष्ठकण्डूव्रणान् हन्ति लेपाहारादिशीलितः

nimbastiktarasaḥ śīto laghuḥ śleṣmāsrapittanut kuṣṭhakaṇḍūvraṇān hanti lepāhārādiśīlitaḥ

Sanskrit only: no published translation is held for this verse.

अपक्वं पाचयेच्छोफं व्रणं पक्वं विशोधयेत् महानिम्बः स्मृतो द्रेकी कार्मुको विषमुष्टिकः केशमुष्टिर्निम्बवरो रम्यको ऽक्षीब एव च

apakvaṃ pācayecchophaṃ vraṇaṃ pakvaṃ viśodhayet mahānimbaḥ smṛto drekī kārmuko viṣamuṣṭikaḥ keśamuṣṭirnimbavaro ramyako 'kṣība eva ca

Sanskrit only: no published translation is held for this verse.

कैडर्यः पिचुमन्दश्च निम्बोऽरिष्टो वरत्वचः छर्दिघ्नो हिङ्गुनिर्यासः प्रियशालश्च पार्वतः

kaiḍaryaḥ picumandaśca nimbo'riṣṭo varatvacaḥ chardighno hiṅguniryāsaḥ priyaśālaśca pārvataḥ

Sanskrit only: no published translation is held for this verse.

महानिम्बो रसे तिक्तः शीतः पित्तकफापहः कुष्ठरक्तविनाशी च विसूचीं हन्ति शीलितः

mahānimbo rase tiktaḥ śītaḥ pittakaphāpahaḥ kuṣṭharaktavināśī ca visūcīṃ hanti śīlitaḥ

Sanskrit only: no published translation is held for this verse.

किराततिक्तको हैमः काण्डतिक्तः किरातकः भूनिम्बो ऽनार्यतिक्तश्च किरातो रामसेनकः

kirātatiktako haimaḥ kāṇḍatiktaḥ kirātakaḥ bhūnimbo 'nāryatiktaśca kirāto rāmasenakaḥ

Sanskrit only: no published translation is held for this verse.

नेपालः कथितश्चान्यो जातिभेदो ज्वरान्तकः महातिक्तश्च तिक्तश्च निद्रारिः संनिपातहा

nepālaḥ kathitaścānyo jātibhedo jvarāntakaḥ mahātiktaśca tiktaśca nidrāriḥ saṃnipātahā

Sanskrit only: no published translation is held for this verse.

किरातको रसे तिक्तो ऽनुष्णशीतो लघुस्तथा श्लेष्मपित्तास्रशोफार्तिकासतृष्णाज्वरापहा

kirātako rase tikto 'nuṣṇaśīto laghustathā śleṣmapittāsraśophārtikāsatṛṣṇājvarāpahā

Sanskrit only: no published translation is held for this verse.

कटुका मत्स्यशकला मत्स्यपित्ता च रोहिणी कृष्णभेदा काण्डरुहा नाम्ना कटुकरोहिणी

kaṭukā matsyaśakalā matsyapittā ca rohiṇī kṛṣṇabhedā kāṇḍaruhā nāmnā kaṭukarohiṇī

Sanskrit only: no published translation is held for this verse.

अशोकरोहिणी तिक्ता चक्राङ्की शकुलादनी कटुरोहिण्यरिष्टा च प्रोक्ता तिक्तकरोहिणी

aśokarohiṇī tiktā cakrāṅkī śakulādanī kaṭurohiṇyariṣṭā ca proktā tiktakarohiṇī

Sanskrit only: no published translation is held for this verse.

आमघ्नी शतपर्वा च विप्राङ्गी जननी जना कटुका पित्तजित्तिक्ता कटुः शीतास्रदाहजित् बलासारोचकान् हन्ति विषमज्वरनाशिनी

āmaghnī śataparvā ca viprāṅgī jananī janā kaṭukā pittajittiktā kaṭuḥ śītāsradāhajit balāsārocakān hanti viṣamajvaranāśinī

Sanskrit only: no published translation is held for this verse.

मुस्ता चाम्बुधरो मेघो घनो राजकसेरुकः भद्रमुस्तो वराहोऽब्दो गाङ्गेयः कुरुविन्दकः

mustā cāmbudharo megho ghano rājakaserukaḥ bhadramusto varāho'bdo gāṅgeyaḥ kuruvindakaḥ

Sanskrit only: no published translation is held for this verse.

जीमूतोऽथ वृषध्वाङ्क्षी जलदोऽथ बलाहकः नादेयः पिण्डमुस्तोऽन्यो नागरः परिकीर्तितः

jīmūto'tha vṛṣadhvāṅkṣī jalado'tha balāhakaḥ nādeyaḥ piṇḍamusto'nyo nāgaraḥ parikīrtitaḥ

Sanskrit only: no published translation is held for this verse.

मुस्ता तिक्तकषायातिशिशिरा श्लेष्मरक्तजित् पित्तज्वरातिसारघ्नी तृष्णाकृमिविनाशिनी

mustā tiktakaṣāyātiśiśirā śleṣmaraktajit pittajvarātisāraghnī tṛṣṇākṛmivināśinī

Sanskrit only: no published translation is held for this verse.

जलमुस्तं दाशपुरं वानेयं परिपेलवम् कैवर्तमुस्तं शैवालं जलजं च शुकाह्वयम्

jalamustaṃ dāśapuraṃ vāneyaṃ paripelavam kaivartamustaṃ śaivālaṃ jalajaṃ ca śukāhvayam

Sanskrit only: no published translation is held for this verse.

जलजं तिक्तकटुकं कषायं कान्तिदं हिमम् मेध्यं वातान्ध्यवीसर्पकण्डूकुष्ठविषापहम्

jalajaṃ tiktakaṭukaṃ kaṣāyaṃ kāntidaṃ himam medhyaṃ vātāndhyavīsarpakaṇḍūkuṣṭhaviṣāpaham

Sanskrit only: no published translation is held for this verse.

पर्पटः स्यात्पर्पटको वरतिक्तः सुतिक्तकः रजो रेणुश्च पांशुश्च कवचो वर्मकण्टकः

parpaṭaḥ syātparpaṭako varatiktaḥ sutiktakaḥ rajo reṇuśca pāṃśuśca kavaco varmakaṇṭakaḥ

Sanskrit only: no published translation is held for this verse.

पर्पटः शीतलस्तिक्तः पित्तश्लेष्मज्वरापहः रक्तदाहारुचिग्लानिमदभ्रमविनाशनः

parpaṭaḥ śītalastiktaḥ pittaśleṣmajvarāpahaḥ raktadāhāruciglānimadabhramavināśanaḥ

Sanskrit only: no published translation is held for this verse.

बालकं वारि तोयं च ह्रीवेरं जलमम्बु च केश्यं वज्रमुदीच्यं च पिङ्गमाचमनं कचम्

bālakaṃ vāri toyaṃ ca hrīveraṃ jalamambu ca keśyaṃ vajramudīcyaṃ ca piṅgamācamanaṃ kacam

Sanskrit only: no published translation is held for this verse.

बालकं शीतलं तिक्तं पित्तश्लेष्मविसर्पजित् ज्वरकुष्ठातिसारघ्नं केश्यं श्वित्रव्रणापनुत्

bālakaṃ śītalaṃ tiktaṃ pittaśleṣmavisarpajit jvarakuṣṭhātisāraghnaṃ keśyaṃ śvitravraṇāpanut

Sanskrit only: no published translation is held for this verse.

पटोलः कुलकः प्रोक्तः पाण्डुकः कर्कशच्छदः

paṭolaḥ kulakaḥ proktaḥ pāṇḍukaḥ karkaśacchadaḥ

Sanskrit only: no published translation is held for this verse.

राजीफलः पाण्डुफलो राजनामामृताफलः वीर्यगर्भप्रतानश्च कुष्ठहा कासमुक्तिदः

rājīphalaḥ pāṇḍuphalo rājanāmāmṛtāphalaḥ vīryagarbhapratānaśca kuṣṭhahā kāsamuktidaḥ

Sanskrit only: no published translation is held for this verse.

पटोलं कटुकं तिक्तमुष्णं पित्तविरोधि च कफासृक्कण्डुकुष्ठानि ज्वरदाहौ च नाशयेत्

paṭolaṃ kaṭukaṃ tiktamuṣṇaṃ pittavirodhi ca kaphāsṛkkaṇḍukuṣṭhāni jvaradāhau ca nāśayet

Sanskrit only: no published translation is held for this verse.

पटोली स्याद्द्वितीयान्या स्वादुपत्त्रफला च सा पटोलस्य तु पर्यायैर्योजयेद्भिषगुत्तमः

paṭolī syāddvitīyānyā svādupattraphalā ca sā paṭolasya tu paryāyairyojayedbhiṣaguttamaḥ

Sanskrit only: no published translation is held for this verse.

पटोलपत्रं पित्तघ्नं वल्ली चास्य कफापहा फलं त्रिदोषशमनं मूलं चास्य विरेचनम्

paṭolapatraṃ pittaghnaṃ vallī cāsya kaphāpahā phalaṃ tridoṣaśamanaṃ mūlaṃ cāsya virecanam

Sanskrit only: no published translation is held for this verse.

हरिद्रा पीतिका पिङ्गा रजनी रञ्जिनी निशा गौरी वर्णवती पीता हरिता वरवर्णिनी

haridrā pītikā piṅgā rajanī rañjinī niśā gaurī varṇavatī pītā haritā varavarṇinī

Sanskrit only: no published translation is held for this verse.

हलदिका भद्रलता ज्ञेया वर्णविलासिनी विषघ्नी च जयन्ती च दीर्घरङ्गा तु रङ्गिणी

haladikā bhadralatā jñeyā varṇavilāsinī viṣaghnī ca jayantī ca dīrgharaṅgā tu raṅgiṇī

Sanskrit only: no published translation is held for this verse.

हरिद्रा स्वरसे तिक्ता रूक्षोष्णा विषमेहनुत् कण्डूकुष्ठव्रणान् हन्ति देहवर्णविधायिनी

haridrā svarase tiktā rūkṣoṣṇā viṣamehanut kaṇḍūkuṣṭhavraṇān hanti dehavarṇavidhāyinī

Sanskrit only: no published translation is held for this verse.

विशोधनी कृमिहरा पीनसारुचिनाशिनी अन्या दारुहरिद्रा च पीतद्रुः पीतचन्दनम्

viśodhanī kṛmiharā pīnasārucināśinī anyā dāruharidrā ca pītadruḥ pītacandanam

Sanskrit only: no published translation is held for this verse.

निर्दिष्टा काष्ठरजनी सा च कालेयका स्मृता कालीयकं दारुनिशा दार्वी पीताह्वपीतका

nirdiṣṭā kāṣṭharajanī sā ca kāleyakā smṛtā kālīyakaṃ dāruniśā dārvī pītāhvapītakā

Sanskrit only: no published translation is held for this verse.

कटंकटेरी पर्जन्या पीतदारु पचम्पचा हेमवर्णवती पीता हेमकान्ता कुसुम्भका

kaṭaṃkaṭerī parjanyā pītadāru pacampacā hemavarṇavatī pītā hemakāntā kusumbhakā

Sanskrit only: no published translation is held for this verse.

तिक्ता दारुहरिद्रा स्याद् रूक्षोष्णा व्रणमेहजित् कर्णनेत्रमुखोद्भूतां रुजं कण्डूं च नाशयेत्

tiktā dāruharidrā syād rūkṣoṣṇā vraṇamehajit karṇanetramukhodbhūtāṃ rujaṃ kaṇḍūṃ ca nāśayet

Sanskrit only: no published translation is held for this verse.

शटी शठी पलाशा च ज्ञेया पृथुपलाशिका सुगन्धमूला गन्धाली षड्ग्रन्था सुव्रता वधूः

śaṭī śaṭhī palāśā ca jñeyā pṛthupalāśikā sugandhamūlā gandhālī ṣaḍgranthā suvratā vadhūḥ

Sanskrit only: no published translation is held for this verse.

चन्द्राणी चन्द्रगन्धा च दुर्विधेयेति संज्ञिता

candrāṇī candragandhā ca durvidheyeti saṃjñitā

Sanskrit only: no published translation is held for this verse.

शटी स्यात्तिक्ततीक्ष्णोष्णा संनिपातज्वरापहा

śaṭī syāttiktatīkṣṇoṣṇā saṃnipātajvarāpahā

Sanskrit only: no published translation is held for this verse.

कफोग्रव्रणकासघ्नी वक्त्रशुद्धिविधायिनी अन्या गन्धपलाशी च स्थूलका तिक्तकन्दका

kaphogravraṇakāsaghnī vaktraśuddhividhāyinī anyā gandhapalāśī ca sthūlakā tiktakandakā

Sanskrit only: no published translation is held for this verse.

तापसी ज्वलनी चैव हरिद्रापत्त्रकन्दका कासश्वासहरा हिध्माज्वरशूलानिलापहा

tāpasī jvalanī caiva haridrāpattrakandakā kāsaśvāsaharā hidhmājvaraśūlānilāpahā

Sanskrit only: no published translation is held for this verse.

शटी स्वर्या गन्धमूला कषायकटुका सरा मूलं पुष्करमूलं च पौष्करं पुष्कराह्वयम् काश्मीरं पुष्करजटा धीरं तत् पद्मपत्त्रकम्

śaṭī svaryā gandhamūlā kaṣāyakaṭukā sarā mūlaṃ puṣkaramūlaṃ ca pauṣkaraṃ puṣkarāhvayam kāśmīraṃ puṣkarajaṭā dhīraṃ tat padmapattrakam

Sanskrit only: no published translation is held for this verse.

तिक्तं पुष्करमूलं तु कटूष्णं कफवातजित् ज्वरारोचककासघ्नं शोफाध्मानविनाशनम्

tiktaṃ puṣkaramūlaṃ tu kaṭūṣṇaṃ kaphavātajit jvarārocakakāsaghnaṃ śophādhmānavināśanam

Sanskrit only: no published translation is held for this verse.

श्वासं हिक्कां जयत्येव सेव्यमानं शनैः शनैः भार्ङ्गी गर्दभशाकं च पद्मा ब्राह्मणयष्टिका अङ्गारवल्ली फञ्जी च सैव ब्रह्मसुवर्चला

śvāsaṃ hikkāṃ jayatyeva sevyamānaṃ śanaiḥ śanaiḥ bhārṅgī gardabhaśākaṃ ca padmā brāhmaṇayaṣṭikā aṅgāravallī phañjī ca saiva brahmasuvarcalā

Sanskrit only: no published translation is held for this verse.

शक्रमाता च कासघ्नी भृङ्गजा भार्गवा मता भार्ङ्गी स्यात्स्वरसे तिक्ता चोष्णा श्वासकफापहा

śakramātā ca kāsaghnī bhṛṅgajā bhārgavā matā bhārṅgī syātsvarase tiktā coṣṇā śvāsakaphāpahā

Sanskrit only: no published translation is held for this verse.

गुल्मज्वरासृग्वातघ्नी यक्ष्माणं हन्ति पीनसम् पाठाम्बष्ठाम्बष्ठकी च प्राचीना पापचेलिका वरतिक्ता बृहत्तिक्ता पाठिका स्थापनी वृकी

gulmajvarāsṛgvātaghnī yakṣmāṇaṃ hanti pīnasam pāṭhāmbaṣṭhāmbaṣṭhakī ca prācīnā pāpacelikā varatiktā bṛhattiktā pāṭhikā sthāpanī vṛkī

Sanskrit only: no published translation is held for this verse.

मालती च वरा देवी त्रिवृतान्या शुभा मता पाठा तिक्तरसा वृष्या विषघ्नी कुष्ठकण्डुनुत्

mālatī ca varā devī trivṛtānyā śubhā matā pāṭhā tiktarasā vṛṣyā viṣaghnī kuṣṭhakaṇḍunut

Sanskrit only: no published translation is held for this verse.

छर्दिहृद्रोगज्वरजित् त्रिदोषशमनी परा पाठातिसारशूलघ्नी कफपित्तज्वरापहा

chardihṛdrogajvarajit tridoṣaśamanī parā pāṭhātisāraśūlaghnī kaphapittajvarāpahā

Sanskrit only: no published translation is held for this verse.

श्वासारिः पद्मतीर्थं च पद्मं पुष्परसागमम् वृक्षरोहं शूलहरं समूलं सुखसम्भवम्

śvāsāriḥ padmatīrthaṃ ca padmaṃ puṣparasāgamam vṛkṣarohaṃ śūlaharaṃ samūlaṃ sukhasambhavam

Sanskrit only: no published translation is held for this verse.

कट्फलः सोमवल्कश्च श्रीपर्णी कुमुदा तथा महाकुम्भा च कुम्भीका भद्रा भद्रवतीति च

kaṭphalaḥ somavalkaśca śrīparṇī kumudā tathā mahākumbhā ca kumbhīkā bhadrā bhadravatīti ca

Sanskrit only: no published translation is held for this verse.

कट्फलः कफवातघ्नो गुल्ममेहाग्निमान्द्यजित् रुचिष्यो ज्वरदुर्नामग्रहणीपाण्डुरोगहा

kaṭphalaḥ kaphavātaghno gulmamehāgnimāndyajit ruciṣyo jvaradurnāmagrahaṇīpāṇḍurogahā

Sanskrit only: no published translation is held for this verse.

देवदारु स्मृतं दारु सुराह्वं किलिमं च तत् स्नेहविद्धं महादारु भद्रदार्विन्द्रदारु च

devadāru smṛtaṃ dāru surāhvaṃ kilimaṃ ca tat snehaviddhaṃ mahādāru bhadradārvindradāru ca

Sanskrit only: no published translation is held for this verse.

देवकाष्ठं भद्रकाष्ठं पूतिकाष्ठं सुदारु च सुरदार्विन्द्रवृक्षश्च तथैवामरदारु च

devakāṣṭhaṃ bhadrakāṣṭhaṃ pūtikāṣṭhaṃ sudāru ca suradārvindravṛkṣaśca tathaivāmaradāru ca

Sanskrit only: no published translation is held for this verse.

देवदारु रसे तिक्तं स्निग्धोष्णं श्लेष्मवातजित् आमदोषविबन्धाध्मानप्रमेहविनिवर्तकम्

devadāru rase tiktaṃ snigdhoṣṇaṃ śleṣmavātajit āmadoṣavibandhādhmānapramehavinivartakam

Sanskrit only: no published translation is held for this verse.

कत्तृणं सकलं भूति भूतिदं रोहिषं तृणम् ध्यामकं श्यामकं पौरं पाटलं देवदण्डकम्

kattṛṇaṃ sakalaṃ bhūti bhūtidaṃ rohiṣaṃ tṛṇam dhyāmakaṃ śyāmakaṃ pauraṃ pāṭalaṃ devadaṇḍakam

Sanskrit only: no published translation is held for this verse.

कत्तृणं श्वासकासघ्नं हृद्रोगशमनं परम् विसूच्यजीर्णशूलघ्नं कफपित्तास्रनाशनम्

kattṛṇaṃ śvāsakāsaghnaṃ hṛdrogaśamanaṃ param visūcyajīrṇaśūlaghnaṃ kaphapittāsranāśanam

Sanskrit only: no published translation is held for this verse.

कपटं च सुमङ्गल्यं चिडा गन्धवधूस् तथा तरुणं तरुणी तारा वातभूतविनाशनी

kapaṭaṃ ca sumaṅgalyaṃ ciḍā gandhavadhūs tathā taruṇaṃ taruṇī tārā vātabhūtavināśanī

Sanskrit only: no published translation is held for this verse.

कफवातहरा चोष्णा दीपनी रक्तदोषजित् गुण्ठो वृत्तगुणः शुण्ठः शृङ्गभेदीभमूलकः शुण्ठं कुण्ठं तृणशुण्ठो वर्तुलः पृथुकन्दकः

kaphavātaharā coṣṇā dīpanī raktadoṣajit guṇṭho vṛttaguṇaḥ śuṇṭhaḥ śṛṅgabhedībhamūlakaḥ śuṇṭhaṃ kuṇṭhaṃ tṛṇaśuṇṭho vartulaḥ pṛthukandakaḥ

Sanskrit only: no published translation is held for this verse.

कषायानुरसः स्वादुः शीतलो मूत्रकृच्छ्रहा रक्तपित्तहरो गुण्ठो रजःशुक्रविशोधनः

kaṣāyānurasaḥ svāduḥ śītalo mūtrakṛcchrahā raktapittaharo guṇṭho rajaḥśukraviśodhanaḥ

Sanskrit only: no published translation is held for this verse.

शृङ्गी कर्कटशृङ्गी च कुलीरा कर्कटाह्वया कुलीरशृङ्गी वक्रा च महाकोषा नताङ्गिनी

śṛṅgī karkaṭaśṛṅgī ca kulīrā karkaṭāhvayā kulīraśṛṅgī vakrā ca mahākoṣā natāṅginī

Sanskrit only: no published translation is held for this verse.

चन्द्रास्पदा विषाणी च शृङ्गी वनजमूर्धजा तिक्ता कर्कटशृङ्गी च गुरुश्चोर्ध्वसमीरजित्

candrāspadā viṣāṇī ca śṛṅgī vanajamūrdhajā tiktā karkaṭaśṛṅgī ca guruścordhvasamīrajit

Sanskrit only: no published translation is held for this verse.

कासश्वासार्त्तियक्ष्मघ्नी वान्तितृष्णारुचीर् जयेत् अजशृङ्गी मेषशृङ्गी सर्पदंष्ट्रा च वर्तिका द्वितीया दक्षिणावर्ता वृश्चिकाली विषाणिका

kāsaśvāsārttiyakṣmaghnī vāntitṛṣṇārucīr jayet ajaśṛṅgī meṣaśṛṅgī sarpadaṃṣṭrā ca vartikā dvitīyā dakṣiṇāvartā vṛścikālī viṣāṇikā

Sanskrit only: no published translation is held for this verse.

अजशृङ्गी हिमा स्वादुः शोफतृष्णावमीर् जयेत् चक्षुष्या श्वासहृद्रोगविषकासार्त्तिकुष्ठनुत्

ajaśṛṅgī himā svāduḥ śophatṛṣṇāvamīr jayet cakṣuṣyā śvāsahṛdrogaviṣakāsārttikuṣṭhanut

Sanskrit only: no published translation is held for this verse.

शालिपर्णी स्थिरा सौम्या त्रिपर्ण्यतिगुहा ध्रुवा विदारिगन्धांशुमती दीर्घमूलांशुपत्त्रिका

śāliparṇī sthirā saumyā triparṇyatiguhā dhruvā vidārigandhāṃśumatī dīrghamūlāṃśupattrikā

Sanskrit only: no published translation is held for this verse.

शालिपर्णी रसे तिक्ता गुरूष्णा वातदोषजित् विषमज्वरमेहार्शःशोफसन्तापनाशनी

śāliparṇī rase tiktā gurūṣṇā vātadoṣajit viṣamajvaramehārśaḥśophasantāpanāśanī

Sanskrit only: no published translation is held for this verse.

आलकं पालकं दग्धं सबलं भूमिगन्धिकम् ज्वलनाभं विशुद्धं च गन्धं वोटं कुसुम्भकम्

ālakaṃ pālakaṃ dagdhaṃ sabalaṃ bhūmigandhikam jvalanābhaṃ viśuddhaṃ ca gandhaṃ voṭaṃ kusumbhakam

Sanskrit only: no published translation is held for this verse.

पृश्निपर्णी पृथक्पर्णी कलशी धावनी गुहा शृगालविन्नाङ्घ्रिबलापर्णी क्रोष्टुकपुच्छिका

pṛśniparṇī pṛthakparṇī kalaśī dhāvanī guhā śṛgālavinnāṅghribalāparṇī kroṣṭukapucchikā

Sanskrit only: no published translation is held for this verse.

पृश्निपर्णी रसे स्वादुर् लघूष्णास्रत्रिदोषजित् कासश्वासप्रशमनी ज्वरतृड्दाहनाशिनी

pṛśniparṇī rase svādur laghūṣṇāsratridoṣajit kāsaśvāsapraśamanī jvaratṛḍdāhanāśinī

Sanskrit only: no published translation is held for this verse.

सर्पानुकारिणी तन्वी दीर्घपर्णी च पर्णिका कुमुदातिगुहा चैव विषघ्नी सैव कीर्तिता

sarpānukāriṇī tanvī dīrghaparṇī ca parṇikā kumudātiguhā caiva viṣaghnī saiva kīrtitā

Sanskrit only: no published translation is held for this verse.

बृहती सिंहिका कान्ता वार्ताकी राष्ट्रिका कुली विषदा स्थूलकण्टाकी महती तु महोटिका

bṛhatī siṃhikā kāntā vārtākī rāṣṭrikā kulī viṣadā sthūlakaṇṭākī mahatī tu mahoṭikā

Sanskrit only: no published translation is held for this verse.

सिंहिका कफवातघ्नी श्वासशूलज्वरापहा छर्दिहृद्रोगमन्दाग्निम् आमदोषांश्च नाशयेत्

siṃhikā kaphavātaghnī śvāsaśūlajvarāpahā chardihṛdrogamandāgnim āmadoṣāṃśca nāśayet

Sanskrit only: no published translation is held for this verse.

कण्टकारी तु दुःस्पर्शा क्षुद्रा व्याघ्री निदिग्धिका कण्टालिका कण्टकिनी धावनी दुष्प्रधर्षिणी

kaṇṭakārī tu duḥsparśā kṣudrā vyāghrī nidigdhikā kaṇṭālikā kaṇṭakinī dhāvanī duṣpradharṣiṇī

Sanskrit only: no published translation is held for this verse.

कण्टकारी कटुस्तिक्ता तथोष्णा श्वासकासजित् अरुचिज्वरवातामदोषहृद्गदनाशिनी

kaṇṭakārī kaṭustiktā tathoṣṇā śvāsakāsajit arucijvaravātāmadoṣahṛdgadanāśinī

Sanskrit only: no published translation is held for this verse.

कण्टकारीद्वयं तिक्तं वातामकफकासजित् क्षुद्रिकायाः फलं ज्ञेयं कटु तिक्तं ज्वरापहम्

kaṇṭakārīdvayaṃ tiktaṃ vātāmakaphakāsajit kṣudrikāyāḥ phalaṃ jñeyaṃ kaṭu tiktaṃ jvarāpaham

Sanskrit only: no published translation is held for this verse.

कण्डूकुष्ठकृमिघ्नं च कफवातहरं तथा लक्ष्मणा क्षेत्रदूती च सितसिंही कुवार्तिका सुश्वेता कण्टकारी च दुर्लभा च महौषधी

kaṇḍūkuṣṭhakṛmighnaṃ ca kaphavātaharaṃ tathā lakṣmaṇā kṣetradūtī ca sitasiṃhī kuvārtikā suśvetā kaṇṭakārī ca durlabhā ca mahauṣadhī

Sanskrit only: no published translation is held for this verse.

कासघ्नी क्षुद्रमाता च क्वचिद्वार्ताकिनी विदुः वनजा किंचिद् आटव्या कपटा कपटेश्वरी

kāsaghnī kṣudramātā ca kvacidvārtākinī viduḥ vanajā kiṃcid āṭavyā kapaṭā kapaṭeśvarī

Sanskrit only: no published translation is held for this verse.

मलिना मलिनाङ्गी च कटुवार्त्ताकिनीति च गर्दभी बहुवाहा च चन्द्रपुष्पा प्रियंकरी

malinā malināṅgī ca kaṭuvārttākinīti ca gardabhī bahuvāhā ca candrapuṣpā priyaṃkarī

Sanskrit only: no published translation is held for this verse.

वृन्ताकी वार्त्तिका वृन्ता भण्टाकी भण्टिका मता वृन्ताकं स्वादु तीक्ष्णोष्णं कटुपाकमपित्तलम्

vṛntākī vārttikā vṛntā bhaṇṭākī bhaṇṭikā matā vṛntākaṃ svādu tīkṣṇoṣṇaṃ kaṭupākamapittalam

Sanskrit only: no published translation is held for this verse.

कफवातहरं हृद्यं दीपनं शुक्रलं लघु गोक्षुरः स्याद्गोक्षुरको भक्षकः स्वादुकण्टकः गोकण्टको भक्षटकः षडङ्गः कण्टकत्रिकः

kaphavātaharaṃ hṛdyaṃ dīpanaṃ śukralaṃ laghu gokṣuraḥ syādgokṣurako bhakṣakaḥ svādukaṇṭakaḥ gokaṇṭako bhakṣaṭakaḥ ṣaḍaṅgaḥ kaṇṭakatrikaḥ

Sanskrit only: no published translation is held for this verse.

श्वदंष्ट्रो बृंहणो वृष्यस्त्रिदोषशमनोऽग्निकृत् शूलहृद्रोगकृच्छ्रघ्नः प्रमेहविनिवर्तकः

śvadaṃṣṭro bṛṃhaṇo vṛṣyastridoṣaśamano'gnikṛt śūlahṛdrogakṛcchraghnaḥ pramehavinivartakaḥ

Sanskrit only: no published translation is held for this verse.

बिल्वः शलाटुः शाण्डिल्यो हृद्यगन्धो महाफलः शैलूषः श्रीफलः श्र्याह्वः कर्कटः पूतिमारुतः

bilvaḥ śalāṭuḥ śāṇḍilyo hṛdyagandho mahāphalaḥ śailūṣaḥ śrīphalaḥ śryāhvaḥ karkaṭaḥ pūtimārutaḥ

Sanskrit only: no published translation is held for this verse.

लक्ष्मीफलो गन्धगर्भः सत्यकर्मा दुरारुहः वातसारो ऽरिमेदश्च कण्टकाढ्यो ऽसिताननः

lakṣmīphalo gandhagarbhaḥ satyakarmā durāruhaḥ vātasāro 'rimedaśca kaṇṭakāḍhyo 'sitānanaḥ

Sanskrit only: no published translation is held for this verse.

बिल्वमूलं त्रिदोषघ्नं छर्दिघ्नं मधुरं लघु बिल्वस्य तु फलं बालं स्निग्धं संग्राहि दीपनम्

bilvamūlaṃ tridoṣaghnaṃ chardighnaṃ madhuraṃ laghu bilvasya tu phalaṃ bālaṃ snigdhaṃ saṃgrāhi dīpanam

Sanskrit only: no published translation is held for this verse.

कटुतिक्तकषायोष्णं तीक्ष्णं वातकफापहम् विद्यात्तदेव संपक्वं मधुरानुरसं गुरु

kaṭutiktakaṣāyoṣṇaṃ tīkṣṇaṃ vātakaphāpaham vidyāttadeva saṃpakvaṃ madhurānurasaṃ guru

Sanskrit only: no published translation is held for this verse.

विदाहि विष्टम्भकरं दोषहृत् पूतिमारुतम् अग्निमन्थोऽग्निमथनस्तर्कारी वैजयन्तिका वह्निमन्थो ऽरणी केतुः श्रीपर्णी कर्णिका जया

vidāhi viṣṭambhakaraṃ doṣahṛt pūtimārutam agnimantho'gnimathanastarkārī vaijayantikā vahnimantho 'raṇī ketuḥ śrīparṇī karṇikā jayā

Sanskrit only: no published translation is held for this verse.

नादेयी वह्निमथनो द्वितीयश् चाग्निमन्थनः रक्ताङ्गो मन्थनश्चैव स चैवारणिको मतः

nādeyī vahnimathano dvitīyaś cāgnimanthanaḥ raktāṅgo manthanaścaiva sa caivāraṇiko mataḥ

Sanskrit only: no published translation is held for this verse.

तर्कारी कटुका तिक्ता तथोष्णानिलपाण्डुजित् शोफश्लेष्माग्निमान्द्यामविबन्धांश्च विनाशयेत्

tarkārī kaṭukā tiktā tathoṣṇānilapāṇḍujit śophaśleṣmāgnimāndyāmavibandhāṃśca vināśayet

Sanskrit only: no published translation is held for this verse.

श्योनाकः शुकनासश्च कट्वङ्गोऽथ कटंभरः मयूरजङ्घो ऽरलुकः प्रियजीवः कुटन्नटः

śyonākaḥ śukanāsaśca kaṭvaṅgo'tha kaṭaṃbharaḥ mayūrajaṅgho 'ralukaḥ priyajīvaḥ kuṭannaṭaḥ

Sanskrit only: no published translation is held for this verse.

स प्रोक्तः पृथुशिम्बश्च टिण्टुको दीर्घवृन्तकः भल्लूकः शिल्लकः फल्गुवृन्ताको जम्बुको मतः

sa proktaḥ pṛthuśimbaśca ṭiṇṭuko dīrghavṛntakaḥ bhallūkaḥ śillakaḥ phalguvṛntāko jambuko mataḥ

Sanskrit only: no published translation is held for this verse.

टिण्टुकः शिशिरस्तिक्तो वस्तिरोगहरः परः पित्तश्लेष्मामवातातीसारकासारुचीर्जयेत्

ṭiṇṭukaḥ śiśirastikto vastirogaharaḥ paraḥ pittaśleṣmāmavātātīsārakāsārucīrjayet

Sanskrit only: no published translation is held for this verse.

काश्मर्या काश्मरी हीरा काश्मर्यो मधुपर्ण्यपि श्रीपर्णी सर्वतोभद्रा गम्भारी कृष्णवृन्तका

kāśmaryā kāśmarī hīrā kāśmaryo madhuparṇyapi śrīparṇī sarvatobhadrā gambhārī kṛṣṇavṛntakā

Sanskrit only: no published translation is held for this verse.

श्रीपर्णी स्वरसे तिक्ता गुरूष्णा रक्तपित्तजित् त्रिदोषश्रमदाहार्त्तिज्वरतृष्णाविषाञ्जयेत्

śrīparṇī svarase tiktā gurūṣṇā raktapittajit tridoṣaśramadāhārttijvaratṛṣṇāviṣāñjayet

Sanskrit only: no published translation is held for this verse.

पाटलोक्ता तु कुम्भीका ताम्रपुष्पाम्बुवासिनी स्थाली वसन्तदूती स्यादमोघा कालवृन्तिका

pāṭaloktā tu kumbhīkā tāmrapuṣpāmbuvāsinī sthālī vasantadūtī syādamoghā kālavṛntikā

Sanskrit only: no published translation is held for this verse.

पाटला तु रसे तिक्ता गुरूष्णा पवनास्रजित् पित्तहिक्कावमीशोफकफारोचकनाशिनी

pāṭalā tu rase tiktā gurūṣṇā pavanāsrajit pittahikkāvamīśophakaphārocakanāśinī

Sanskrit only: no published translation is held for this verse.

द्वितीया पाटला श्वेता निर्दिष्टा काष्ठपाटला सा चैव श्वेतकुम्भीका कुबेराक्षी फलेरुहा

dvitīyā pāṭalā śvetā nirdiṣṭā kāṣṭhapāṭalā sā caiva śvetakumbhīkā kuberākṣī phaleruhā

Sanskrit only: no published translation is held for this verse.

पाटलायाः गुणैस् तद्वत् किंचिन् मारुतकृद् भवेत् जीवकः शृङ्गकः क्ष्वेडो दीर्घायुः कूर्चशीर्षकः ह्रस्वाङ्गः मधुरः स्वादुः प्राणदश्चिरजीव्यपि

pāṭalāyāḥ guṇais tadvat kiṃcin mārutakṛd bhavet jīvakaḥ śṛṅgakaḥ kṣveḍo dīrghāyuḥ kūrcaśīrṣakaḥ hrasvāṅgaḥ madhuraḥ svāduḥ prāṇadaścirajīvyapi

Sanskrit only: no published translation is held for this verse.

जीवकः मधुरः शीतो रक्तपित्तानिलाञ्जयेत् दाहज्वरक्षयान् हन्ति कफशुक्रविवर्धनः

jīvakaḥ madhuraḥ śīto raktapittānilāñjayet dāhajvarakṣayān hanti kaphaśukravivardhanaḥ

Sanskrit only: no published translation is held for this verse.