Library·Divyāvadāna·234
<२३४>यावदशोको मात्रोच्यते--को व्याकृतो राजा भविष्यतीति? अशोकः कथयति--अभेदेन व्याकृतम्--यस्य यानमग्रमासनं पानं भाजनं चेति, स राजा भविष्यतीति।
<234>yāvadaśoko mātrocyate--ko vyākṛto rājā bhaviṣyatīti? aśokaḥ kathayati--abhedena vyākṛtam--yasya yānamagramāsanaṃ pānaṃ bhājanaṃ ceti, sa rājā bhaviṣyatīti/
Sanskrit only: no published translation is held for this verse.
यथा पश्यमि--अहं राजा भविष्यामि।
yathā paśyami--ahaṃ rājā bhaviṣyāmi/
Sanskrit only: no published translation is held for this verse.
मम हस्तिस्कन्धम् यानं पृथिवी आसनं मृण्मयं भाजनं शाल्योदनं दधिव्यञ्जनं पानीयं पानमिति॥
mama hastiskandham yānaṃ pṛthivī āsanaṃ mṛṇmayaṃ bhājanaṃ śālyodanaṃ dadhivyañjanaṃ pānīyaṃ pānamiti//
Sanskrit only: no published translation is held for this verse.
ततः पिङ्गलवत्साजीवः परिव्राजकह् अशोको राजा भविष्यतीति तस्य मातरमारब्धः सेवितुम्।
tataḥ piṅgalavatsājīvaḥ parivrājakah aśoko rājā bhaviṣyatīti tasya mātaramārabdhaḥ sevitum/
Sanskrit only: no published translation is held for this verse.
यावत् तयोच्यते--उपाध्याय, कतरः कुमारो राज्ञो बिन्दुसारस्यात्ययाद्राजा भविष्यतीति? आह--अशोकः।
yāvat tayocyate--upādhyāya, kataraḥ kumāro rājño bindusārasyātyayādrājā bhaviṣyatīti? āha--aśokaḥ/
Sanskrit only: no published translation is held for this verse.
तयोच्यते--कदाचित् त्वां राजा निर्बन्धेन पृच्छेत्। गच्छ त्वम्।
tayocyate--kadācit tvāṃ rājā nirbandhena pṛcchet/ gaccha tvam/
Sanskrit only: no published translation is held for this verse.
प्रत्यन्तं समाश्रय। यदा शृणोषि अशोको राजा संवृत्ताः, तदा आगन्तव्यम्। यावत् स प्रत्यन्तेषु जनपदेषु संश्रितः॥
pratyantaṃ samāśraya/ yadā śṛṇoṣi aśoko rājā saṃvṛttāḥ, tadā āgantavyam/ yāvat sa pratyanteṣu janapadeṣu saṃśritaḥ//
Sanskrit only: no published translation is held for this verse.
अथ राज्ञो बिन्दुसारस्य तक्षशिला नाम नगरं विरुद्धम्। तत्र राज्ञा बिन्दुसारेण अशोको विसर्जितह्--गच्छ कुमार, तक्षशिलानगरं संनाहय।
atha rājño bindusārasya takṣaśilā nāma nagaraṃ viruddham/ tatra rājñā bindusāreṇa aśoko visarjitah--gaccha kumāra, takṣaśilānagaraṃ saṃnāhaya/
Sanskrit only: no published translation is held for this verse.
चतुरङ्गं बलकायं दत्तम्, यानं प्रहरणं च प्रतिषिद्धम्।
caturaṅgaṃ balakāyaṃ dattam, yānaṃ praharaṇaṃ ca pratiṣiddham/
Sanskrit only: no published translation is held for this verse.
यावदशोकः कुमारः पाटलिपुत्रान्निर्गच्छन् भृत्यैर्विज्ञप्तह्--कुमार, नैवास्माकं सैन्यप्रहरणम्--केन वयं कम् युध्यामह्? ततह् अशोकेनाभिहितम्--यदि नाम राज्यविपाक्यं कुशलमस्ति, सैन्यं प्रहरणं च प्रादुर्भवतु।
yāvadaśokaḥ kumāraḥ pāṭaliputrānnirgacchan bhṛtyairvijñaptah--kumāra, naivāsmākaṃ sainyapraharaṇam--kena vayaṃ kam yudhyāmah? tatah aśokenābhihitam--yadi nāma rājyavipākyaṃ kuśalamasti, sainyaṃ praharaṇaṃ ca prādurbhavatu/
Sanskrit only: no published translation is held for this verse.
एवमुक्ते कुमारेण पृथिव्यामवकाशो दत्तः।
evamukte kumāreṇa pṛthivyāmavakāśo dattaḥ/
Sanskrit only: no published translation is held for this verse.
देवताभिः सैन्यप्रहरणानि चोपनीतानि। यावत् कुमारश्चतुरङ्गेन बलकायेन तक्षशिलां गतः।
devatābhiḥ sainyapraharaṇāni copanītāni/ yāvat kumāraścaturaṅgena balakāyena takṣaśilāṃ gataḥ/
Sanskrit only: no published translation is held for this verse.
श्रुत्वा तक्षशिलानिवासिनः पौरा अर्धतृतीयानि योजनानि मार्गे शोभां कृत्वा पूर्णघटमादाय प्रत्युद्गताः।
śrutvā takṣaśilānivāsinaḥ paurā ardhatṛtīyāni yojanāni mārge śobhāṃ kṛtvā pūrṇaghaṭamādāya pratyudgatāḥ/
Sanskrit only: no published translation is held for this verse.
प्रत्युद्गम्य च कथयन्ति--न वयं कुमारस्य विरुद्धाः, नापि राज्ञो बिन्दुसारस्य, अपि तु दुष्टामात्या अस्माकं परिभवं कुर्वन्ति।
pratyudgamya ca kathayanti--na vayaṃ kumārasya viruddhāḥ, nāpi rājño bindusārasya, api tu duṣṭāmātyā asmākaṃ paribhavaṃ kurvanti/
Sanskrit only: no published translation is held for this verse.
महता च सत्कारेण तक्षशिलां प्रवेशितः।
mahatā ca satkāreṇa takṣaśilāṃ praveśitaḥ/
Sanskrit only: no published translation is held for this verse.
एवं विस्तरेणाशोकः खशराज्यं प्रवेशितः। तस्य द्वौ महानग्नौ संश्रितौ। तेन तौ वृत्त्या संविभक्तौ तस्याग्रतः पर्वतान् संछिन्दन्तौ संप्रस्थितौ।
evaṃ vistareṇāśokaḥ khaśarājyaṃ praveśitaḥ/ tasya dvau mahānagnau saṃśritau/ tena tau vṛttyā saṃvibhaktau tasyāgrataḥ parvatān saṃchindantau saṃprasthitau/
Sanskrit only: no published translation is held for this verse.
देवताभिश्चोक्तम्--अशोकश्चतुर्भागचक्रवर्ती भविष्यति, न केनचिद्विरोधितव्यमिति।
devatābhiścoktam--aśokaścaturbhāgacakravartī bhaviṣyati, na kenacidvirodhitavyamiti/
Sanskrit only: no published translation is held for this verse.
विस्तरेण यावदासमुद्रा पृथिवी आज्ञापिता॥
vistareṇa yāvadāsamudrā pṛthivī ājñāpitā//
Sanskrit only: no published translation is held for this verse.
यावत् सुसीमः कुमार उद्यानात् पाटलिपुत्रं प्रविशति। राज्ञो बिन्दुसारस्याग्रामात्यः खल्लाटकः पाटलिपुत्रान्निर्गच्छति।
yāvat susīmaḥ kumāra udyānāt pāṭaliputraṃ praviśati/ rājño bindusārasyāgrāmātyaḥ khallāṭakaḥ pāṭaliputrānnirgacchati/
Sanskrit only: no published translation is held for this verse.
तस्य सुसीमेन कुमारेण त्रीडाभिप्रायतया खटका पातिता।
tasya susīmena kumāreṇa trīḍābhiprāyatayā khaṭakā pātitā/
Sanskrit only: no published translation is held for this verse.
यावदमात्यश्चिन्तयति--इदानीं खटकां निपातयति। यदा राजा भविष्यति, तदा शस्त्रं पातयिष्यति।
yāvadamātyaścintayati--idānīṃ khaṭakāṃ nipātayati/ yadā rājā bhaviṣyati, tadā śastraṃ pātayiṣyati/
Sanskrit only: no published translation is held for this verse.
तथा करिष्यामि यथा राजैव न भविष्यति। तेन पञ्चामात्यशतानि भिन्नानि।
tathā kariṣyāmi yathā rājaiva na bhaviṣyati/ tena pañcāmātyaśatāni bhinnāni/
Sanskrit only: no published translation is held for this verse.
अशोकश्चतुर्भागचक्रवर्ती निर्दिष्ट एव, राज्ये प्रतिष्ठापयिष्यामः। तक्ष्शिलाश्च विरोधिताः।
aśokaścaturbhāgacakravartī nirdiṣṭa eva, rājye pratiṣṭhāpayiṣyāmaḥ/ takṣśilāśca virodhitāḥ/
Sanskrit only: no published translation is held for this verse.
यावद्राज्ञा सुसीमः कुमारस्तक्षशिलामनुप्रेषितः। न च शक्यते संनामयितुम्। बिन्दुसारश्च राजा ग्लानीभूतः।
yāvadrājñā susīmaḥ kumārastakṣaśilāmanupreṣitaḥ/ na ca śakyate saṃnāmayitum/ bindusāraśca rājā glānībhūtaḥ/
Sanskrit only: no published translation is held for this verse.
तेनाभिहितम्--सुसीमं कुमारमानयथ, राज्ये प्रतिष्ठापयिष्यामीति। अशोकं तक्षशिलां प्रवेशयथ।
tenābhihitam--susīmaṃ kumāramānayatha, rājye pratiṣṭhāpayiṣyāmīti/ aśokaṃ takṣaśilāṃ praveśayatha/
Sanskrit only: no published translation is held for this verse.
यावदमात्यैरशोकः कुमारो हरिद्रया प्रलिप्तो लक्षां च लोहपात्रे क्वाथयित्वा क्वथितेन रसेन लोहपात्राणि म्रक्षयित्वा छोरयन्ति--अशोकः कुमारो ग्लानीभूत इति।
yāvadamātyairaśokaḥ kumāro haridrayā pralipto lakṣāṃ ca lohapātre kvāthayitvā kvathitena rasena lohapātrāṇi mrakṣayitvā chorayanti--aśokaḥ kumāro glānībhūta iti/
Sanskrit only: no published translation is held for this verse.
यदा बिन्दुसारः स्वल्पावशेषप्राणः संवृत्तः, तदा अमात्यैरशोकः कुमारः सर्वालंकारैर्भूषयित्वा<२३५> राज्ञो बिन्दुसारस्योपनीतह्--इमं तावद्राज्ये प्रतिष्ठापय।
yadā bindusāraḥ svalpāvaśeṣaprāṇaḥ saṃvṛttaḥ, tadā amātyairaśokaḥ kumāraḥ sarvālaṃkārairbhūṣayitvā<235> rājño bindusārasyopanītah--imaṃ tāvadrājye pratiṣṭhāpaya/
Sanskrit only: no published translation is held for this verse.