Library·Divyāvadāna·268
<२६८>गच्छ, कुणालमानयस्वेति। यावत् पुरुषो यानशालां गतः। पश्यति कुणालमुद्धृतनयनं वातातपपरिदग्धगात्रम्।
<268>gaccha, kuṇālamānayasveti/ yāvat puruṣo yānaśālāṃ gataḥ/ paśyati kuṇālamuddhṛtanayanaṃ vātātapaparidagdhagātram/
Sanskrit only: no published translation is held for this verse.
अप्रत्यभिज्ञाय च राजानमशोकमभिगम्योवाच--देव, न ह्येष कुणालः।
apratyabhijñāya ca rājānamaśokamabhigamyovāca--deva, na hyeṣa kuṇālaḥ/
Sanskrit only: no published translation is held for this verse.
अन्धक एष वनीपकः पत्न्या सह देवस्य यानशालायमवस्थितः। श्रुत्वा च राजा संविग्नश्चिन्तयामास--यथा मया स्वप्नान्यशोभनानि दृष्टानि, नियतं कुणालस्य नयनानि विनष्टानि भविष्यन्ति।
andhaka eṣa vanīpakaḥ patnyā saha devasya yānaśālāyamavasthitaḥ/ śrutvā ca rājā saṃvignaścintayāmāsa--yathā mayā svapnānyaśobhanāni dṛṣṭāni, niyataṃ kuṇālasya nayanāni vinaṣṭāni bhaviṣyanti/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
स्वप्नान्तरे निमित्तानि यथा दृष्टानि मे पुरा।
svapnāntare nimittāni yathā dṛṣṭāni me purā/
Sanskrit only: no published translation is held for this verse.
निःसंशयं कुणालस्य नेत्रे वै निधनं गते॥१४०॥
niḥsaṃśayaṃ kuṇālasya netre vai nidhanaṃ gate//140//
Sanskrit only: no published translation is held for this verse.
ततो राजा प्ररुदन्नुवाच--
tato rājā prarudannuvāca--
Sanskrit only: no published translation is held for this verse.
शीघ्रमानीयतामेष मत्समीपं वनीपकम्।
śīghramānīyatāmeṣa matsamīpaṃ vanīpakam/
Sanskrit only: no published translation is held for this verse.
न हि मे शाम्यते चेतः सुतव्यसनचिन्तया॥१४१॥
na hi me śāmyate cetaḥ sutavyasanacintayā//141//
Sanskrit only: no published translation is held for this verse.
यावत् पुरुषो यानशालां गत्वा कुणालमुवाच--कस्य त्वं पुत्रः, किं च नाम? कुणालः प्राह--
yāvat puruṣo yānaśālāṃ gatvā kuṇālamuvāca--kasya tvaṃ putraḥ, kiṃ ca nāma? kuṇālaḥ prāha--
Sanskrit only: no published translation is held for this verse.
अशोको नां राजासौ मौर्याणां कुलवर्धनः।
aśoko nāṃ rājāsau mauryāṇāṃ kulavardhanaḥ/
Sanskrit only: no published translation is held for this verse.
कृत्स्नेयं पृथिवी यस्य वशे वर्तनि किंकर॥१४२॥
kṛtsneyaṃ pṛthivī yasya vaśe vartani kiṃkara//142//
Sanskrit only: no published translation is held for this verse.
तस्य राज्ञस्त्वहं पुत्रः कुणाल इति विश्रुतः।
tasya rājñastvahaṃ putraḥ kuṇāla iti viśrutaḥ/
Sanskrit only: no published translation is held for this verse.
धार्मिकस्य तु पुत्रो ऽहं बुद्धस्यादित्यबान्धवः॥१४३॥
dhārmikasya tu putro 'haṃ buddhasyādityabāndhavaḥ//143//
Sanskrit only: no published translation is held for this verse.
ततः कुणालः पत्न्या सह राज्ञो ऽशोकस्य समीपमानीतः। अथ राजा अशोकह् पश्यति कुणालमुद्धृतनयनं वातातपपरिदग्धगात्रं रथ्याचोलकसंघातप्रत्यवरेण वाससा लक्ष्यालक्ष्यप्रच्छादितकौपीनम्।
tataḥ kuṇālaḥ patnyā saha rājño 'śokasya samīpamānītaḥ/ atha rājā aśokah paśyati kuṇālamuddhṛtanayanaṃ vātātapaparidagdhagātraṃ rathyācolakasaṃghātapratyavareṇa vāsasā lakṣyālakṣyapracchāditakaupīnam/
Sanskrit only: no published translation is held for this verse.
स तमप्रत्याभिज्ञाय आकृतिमात्रकं दृष्ट्वा राजा कथयति--त्वं कुणाल इति? कुणालः प्राह--एवं देव, कुणालो ऽस्मीति।
sa tamapratyābhijñāya ākṛtimātrakaṃ dṛṣṭvā rājā kathayati--tvaṃ kuṇāla iti? kuṇālaḥ prāha--evaṃ deva, kuṇālo 'smīti/
Sanskrit only: no published translation is held for this verse.
श्रुत्वा मूर्च्छितो भूमौ पतितः। वक्ष्यति हि--
śrutvā mūrcchito bhūmau patitaḥ/ vakṣyati hi--
Sanskrit only: no published translation is held for this verse.
ततः कुणालस्य मुखं निरीक्ष्य नेत्रोद्धृतं शोकपरीतचेताः।
tataḥ kuṇālasya mukhaṃ nirīkṣya netroddhṛtaṃ śokaparītacetāḥ/
Sanskrit only: no published translation is held for this verse.
राजा ह्यशोकः पतितो धरण्यां हा पुत्रशोकेन हि दह्यमानः॥१४४॥
rājā hyaśokaḥ patito dharaṇyāṃ hā putraśokena hi dahyamānaḥ//144//
Sanskrit only: no published translation is held for this verse.
यावज्जलपरिषेकं कृत्वा राजानमुत्थापयित्वा आसने निषादितः। अथ राजा कथंचित् संज्ञामुपलभ्य कुणालमुत्सङ्गे स्थापयामास।
yāvajjalapariṣekaṃ kṛtvā rājānamutthāpayitvā āsane niṣāditaḥ/ atha rājā kathaṃcit saṃjñāmupalabhya kuṇālamutsaṅge sthāpayāmāsa/
Sanskrit only: no published translation is held for this verse.
वक्ष्यति हि--
vakṣyati hi--
Sanskrit only: no published translation is held for this verse.
ततो मुहूर्तं नृप आश्वसित्वा कण्ठे परिष्वज्य रसाश्रुकण्ठः।
tato muhūrtaṃ nṛpa āśvasitvā kaṇṭhe pariṣvajya rasāśrukaṇṭhaḥ/
Sanskrit only: no published translation is held for this verse.
मुहुः कुणालस्य मुखं प्रमृज्य बहूनि राजा विललाप तत्र॥१४५॥
muhuḥ kuṇālasya mukhaṃ pramṛjya bahūni rājā vilalāpa tatra//145//
Sanskrit only: no published translation is held for this verse.
नेत्रे कुणालप्रतिमे विलोक्य सुतं कुणालेति पुरा बभाषे।
netre kuṇālapratime vilokya sutaṃ kuṇāleti purā babhāṣe/
Sanskrit only: no published translation is held for this verse.