दिव्२९ अशोकावदानम्।
div29 aśokāvadānam/
Sanskrit only: no published translation is held for this verse.
Library·Divyāvadāna·279
Divyāvadāna 279
यदा राज्ञा अशोकेन अर्धामलकदानेन भगवच्छासने श्रद्धा प्रतिलब्धा, स भिक्षूनुवाच--केन भगवच्छासने प्रभूतं दानं दत्तम्? भिक्षव ऊचुह्--अनाथपिण्डदेन गृहपतिना।
yadā rājñā aśokena ardhāmalakadānena bhagavacchāsane śraddhā pratilabdhā, sa bhikṣūnuvāca--kena bhagavacchāsane prabhūtaṃ dānaṃ dattam? bhikṣava ūcuh--anāthapiṇḍadena gṛhapatinā/
Sanskrit only: no published translation is held for this verse.
राजा आह--कियत्तेन भगवच्छासने दानं दत्तम्? भिक्षव ऊचुह्--कोटिशतं तेन भगवच्छासने दानं दत्तम्।
rājā āha--kiyattena bhagavacchāsane dānaṃ dattam? bhikṣava ūcuh--koṭiśataṃ tena bhagavacchāsane dānaṃ dattam/
Sanskrit only: no published translation is held for this verse.
श्रुत्वा च राजा अशोकश्चिन्तयति--तेन गृहपतिना भूत्वा कोटिशतं भगवछासने दानं दत्तम्।
śrutvā ca rājā aśokaścintayati--tena gṛhapatinā bhūtvā koṭiśataṃ bhagavachāsane dānaṃ dattam/
Sanskrit only: no published translation is held for this verse.
तेनाभिहितम्--अहमपि कोटिशतं भगवच्छासने दानं दास्यामि।
tenābhihitam--ahamapi koṭiśataṃ bhagavacchāsane dānaṃ dāsyāmi/
Sanskrit only: no published translation is held for this verse.
तेन यावच्चतुरशीतिधर्मराजिकासहस्रं प्रतिष्ठापितम्, सर्वत्र च शतसहस्राणि दत्तानि--जातौ, बोधौ, धर्मचक्रे, परिनिर्वाणे च, सर्वत्र शतसहस्रं दत्तम्।
tena yāvaccaturaśītidharmarājikāsahasraṃ pratiṣṭhāpitam, sarvatra ca śatasahasrāṇi dattāni--jātau, bodhau, dharmacakre, parinirvāṇe ca, sarvatra śatasahasraṃ dattam/
Sanskrit only: no published translation is held for this verse.
पञ्चवार्षिकं कृतम्।
pañcavārṣikaṃ kṛtam/
Sanskrit only: no published translation is held for this verse.
तत्र च चत्वारि शतसहस्राणि दत्तानि, त्रीणि शतसहस्राणि भिक्षूणां भोजितानि यत्रेकर्महतां द्वौ शैक्षाणां पृथग्जनकल्याणकानां च।
tatra ca catvāri śatasahasrāṇi dattāni, trīṇi śatasahasrāṇi bhikṣūṇāṃ bhojitāni yatrekarmahatāṃ dvau śaikṣāṇāṃ pṛthagjanakalyāṇakānāṃ ca/
Sanskrit only: no published translation is held for this verse.
कोशं स्थापयित्वा महापृथिवीमन्तःपुरामात्यगणमात्मानं कुणालं च आर्यसंघे निर्यातयित्वा चत्वारि शतसहस्राणि दत्त्वा निष्क्रीतवान्।
kośaṃ sthāpayitvā mahāpṛthivīmantaḥpurāmātyagaṇamātmānaṃ kuṇālaṃ ca āryasaṃghe niryātayitvā catvāri śatasahasrāṇi dattvā niṣkrītavān/
Sanskrit only: no published translation is held for this verse.
षण्णवतिकोट्यो भगवच्छासने दानं दत्तम्। स यावद् ग्लानीभूतः। अथ राजा इदानीं न भविष्यामीति विक्लवीभूतः।
ṣaṇṇavatikoṭyo bhagavacchāsane dānaṃ dattam/ sa yāvad glānībhūtaḥ/ atha rājā idānīṃ na bhaviṣyāmīti viklavībhūtaḥ/
Sanskrit only: no published translation is held for this verse.
तस्य राधगुप्तो नामामात्यो येन सह पांशुदानं दत्तम्।
tasya rādhagupto nāmāmātyo yena saha pāṃśudānaṃ dattam/
Sanskrit only: no published translation is held for this verse.
तदा स राजानमशोकं विक्लवीभूतमवेक्ष्य पादयोर् निपत्य कृताञ्जलिरुवाच--
tadā sa rājānamaśokaṃ viklavībhūtamavekṣya pādayor nipatya kṛtāñjaliruvāca--
Sanskrit only: no published translation is held for this verse.
यच्छत्रुसंघैः प्रबलैः समेत्य नोद्वीक्षितं चण्डदिवाकराभम्।
yacchatrusaṃghaiḥ prabalaiḥ sametya nodvīkṣitaṃ caṇḍadivākarābham/
Sanskrit only: no published translation is held for this verse.
पद्माननश्रीशतसम्प्रपीतं कस्मात् सबाष्पं तव देव वक्त्रम्॥१॥
padmānanaśrīśatasamprapītaṃ kasmāt sabāṣpaṃ tava deva vaktram//1//
Sanskrit only: no published translation is held for this verse.
राजा आह--राधगुप्त, नाहं द्रव्यविनाशं न राज्यनाशनं न चाश्रयवियोगं शोचामि, किं तु शोचामि--आर्यैर्यद्विप्रयुक्ष्यामि।
rājā āha--rādhagupta, nāhaṃ dravyavināśaṃ na rājyanāśanaṃ na cāśrayaviyogaṃ śocāmi, kiṃ tu śocāmi--āryairyadviprayukṣyāmi/
Sanskrit only: no published translation is held for this verse.
नाहं पुनः सर्वगुणोपपन्नं संघं समक्षं नरदेवपूजितम्।
nāhaṃ punaḥ sarvaguṇopapannaṃ saṃghaṃ samakṣaṃ naradevapūjitam/
Sanskrit only: no published translation is held for this verse.
संपूजयिष्यामि वरान्नपानैरेतं विचिन्त्याश्रुविमोक्षणम्॥२॥
saṃpūjayiṣyāmi varānnapānairetaṃ vicintyāśruvimokṣaṇam//2//
Sanskrit only: no published translation is held for this verse.
अपि च राधगुप्त, अयं मे मनोरथो बभूव--कोटिशतं भगवच्छासने दानं दास्यामीति, स च मे ऽभिप्रायो न परिपूर्णः।
api ca rādhagupta, ayaṃ me manoratho babhūva--koṭiśataṃ bhagavacchāsane dānaṃ dāsyāmīti, sa ca me 'bhiprāyo na paripūrṇaḥ/
Sanskrit only: no published translation is held for this verse.
ततो राज्ञा अशोकेन चत्वारः कोट्यः परिपूरयिष्यामीति हिरण्यसुवर्णं कुर्कुटारामं प्रषयितुमारब्धः॥
tato rājñā aśokena catvāraḥ koṭyaḥ paripūrayiṣyāmīti hiraṇyasuvarṇaṃ kurkuṭārāmaṃ praṣayitumārabdhaḥ//
Sanskrit only: no published translation is held for this verse.
तस्मिंश्च समये कुणालस्य संपदिर् नाम पुत्रो युवराज्ये प्रवर्तते। तस्यामात्यैरभिहितम्--कुमार, अशोको राजा स्वल्पकालावस्थायी।
tasmiṃśca samaye kuṇālasya saṃpadir nāma putro yuvarājye pravartate/ tasyāmātyairabhihitam--kumāra, aśoko rājā svalpakālāvasthāyī/
Sanskrit only: no published translation is held for this verse.
इदं च द्रव्यं कुर्कुटारामं प्रेष्यते। कोशबलिनश्च राजानः।
idaṃ ca dravyaṃ kurkuṭārāmaṃ preṣyate/ kośabalinaśca rājānaḥ/
Sanskrit only: no published translation is held for this verse.
निवारयितव्यः। यावत् कुमारेण भाण्डागारिकः प्रतिषिद्धः। यदा राज्ञो ऽशोकस्याप्रतिषिद्धा (तस्य) सुवर्णभाजने आहारमुपनाम्यते।
nivārayitavyaḥ/ yāvat kumāreṇa bhāṇḍāgārikaḥ pratiṣiddhaḥ/ yadā rājño 'śokasyāpratiṣiddhā (tasya) suvarṇabhājane āhāramupanāmyate/
Sanskrit only: no published translation is held for this verse.
भुक्त्वा तानि सुवर्णभाजनानि <२८०>कुर्कुटारामं प्रेषयति।
bhuktvā tāni suvarṇabhājanāni <280>kurkuṭārāmaṃ preṣayati/
Sanskrit only: no published translation is held for this verse.