Library·Divyāvadāna·461
<४६१>तेनासौ भूमिगृहादानीता तदवस्थानाक्लिष्टा अम्लानशरीरा। राजा दृष्ट्वा संलक्षयति--यथेयमम्लाना, नेइषा निराहारा।
<461>tenāsau bhūmigṛhādānītā tadavasthānākliṣṭā amlānaśarīrā/ rājā dṛṣṭvā saṃlakṣayati--yatheyamamlānā, neiṣā nirāhārā/
Sanskrit only: no published translation is held for this verse.
नूनमनया परपुरुषेण सार्धं परिचारितमिति विदित्वा कथयति--अनुपमे, अन्येन परिचारितमिति? सा कथयति--शान्तं पापम्, नाहमेवंकारिणी।
nūnamanayā parapuruṣeṇa sārdhaṃ paricāritamiti viditvā kathayati--anupame, anyena paricāritamiti? sā kathayati--śāntaṃ pāpam, nāhamevaṃkāriṇī/
Sanskrit only: no published translation is held for this verse.
कथं जाने? अभिश्रद्दधसि त्वं भगवतह्? अभिश्रद्दधे गौतमे।
kathaṃ jāne? abhiśraddadhasi tvaṃ bhagavatah? abhiśraddadhe gautame/
Sanskrit only: no published translation is held for this verse.
तत्त्तदा श्रमणो गौतमः, इदानीं भगवान्। अपि तु किं नवशवाया अर्थे भगवन्तं प्रवक्ष्यामि, श्यामावत्या अर्थे प्रवक्ष्यामीति विदित्वा येन भगवांस्तेनोपसंक्रान्तः।
tatttadā śramaṇo gautamaḥ, idānīṃ bhagavān/ api tu kiṃ navaśavāyā arthe bhagavantaṃ pravakṣyāmi, śyāmāvatyā arthe pravakṣyāmīti viditvā yena bhagavāṃstenopasaṃkrāntaḥ/
Sanskrit only: no published translation is held for this verse.
उपसंक्रम्य भगवतः पादौ शिरसा वन्दित्वैकान्ते निषण्णः। उदयनो वत्सराजो भगवन्तमिदमवोचत्--किं भदन्त श्यामावतीप्रमुखैः पञ्चभिः स्त्रीशतैः कर्म कृतम् येनाग्निना दग्धानि? कुब्जोत्तरा अनुक्रमेण निष्पलायितेति।
upasaṃkramya bhagavataḥ pādau śirasā vanditvaikānte niṣaṇṇaḥ/ udayano vatsarājo bhagavantamidamavocat--kiṃ bhadanta śyāmāvatīpramukhaiḥ pañcabhiḥ strīśataiḥ karma kṛtam yenāgninā dagdhāni? kubjottarā anukrameṇa niṣpalāyiteti/
Sanskrit only: no published translation is held for this verse.
भगवानाह--आभिरेव महाराट् कर्माणि कृतान्युपचितानि लब्धसम्भाराणि परिणतप्रत्ययानि पूर्ववद्यावत्फलन्ति खलु देहिनाम्॥
bhagavānāha--ābhireva mahārāṭ karmāṇi kṛtānyupacitāni labdhasambhārāṇi pariṇatapratyayāni pūrvavadyāvatphalanti khalu dehinām//
Sanskrit only: no published translation is held for this verse.
भूतपूर्वं महाराज वाराणस्यां नगर्या ब्रह्मदत्तो राजा राज्यं कारयति ऋद्धं च स्फीतं च क्षेमं च पूर्ववद्यावद्धर्मेण राज्यं कारयति।
bhūtapūrvaṃ mahārāja vārāṇasyāṃ nagaryā brahmadatto rājā rājyaṃ kārayati ṛddhaṃ ca sphītaṃ ca kṣemaṃ ca pūrvavadyāvaddharmeṇa rājyaṃ kārayati/
Sanskrit only: no published translation is held for this verse.
असति बुद्धानामुत्पादे प्रत्येकबुद्धा लोक उत्पद्यन्ते हीनदीनानुकम्पकाः प्रान्तशयनासनभक्ता एकदक्षिणीया लोकस्य।
asati buddhānāmutpāde pratyekabuddhā loka utpadyante hīnadīnānukampakāḥ prāntaśayanāsanabhaktā ekadakṣiṇīyā lokasya/
Sanskrit only: no published translation is held for this verse.
यावदन्यतमः प्रत्येकबुद्धो जनपदचारिकां चरन् वाराणसीमनुप्राप्तः।
yāvadanyatamaḥ pratyekabuddho janapadacārikāṃ caran vārāṇasīmanuprāptaḥ/
Sanskrit only: no published translation is held for this verse.
सो ऽन्यतमस्मिन्नुद्याने कुटिकायामवस्थितः।
so 'nyatamasminnudyāne kuṭikāyāmavasthitaḥ/
Sanskrit only: no published translation is held for this verse.
राजा च ब्रह्मदत्तः सान्तःपुरपरिवारस्तदुद्यानं निर्गतः। ता अन्तःपुरिकास् त्रीडापुष्किरिण्यां स्नात्वा शीतेनानुबद्धाः।
rājā ca brahmadattaḥ sāntaḥpuraparivārastadudyānaṃ nirgataḥ/ tā antaḥpurikās trīḍāpuṣkiriṇyāṃ snātvā śītenānubaddhāḥ/
Sanskrit only: no published translation is held for this verse.
ततो ऽग्रमाहिष्या प्रेष्यदारिकोक्ता--दारिके, शीतेनातीव बाध्यामहे।
tato 'gramāhiṣyā preṣyadārikoktā--dārike, śītenātīva bādhyāmahe/
Sanskrit only: no published translation is held for this verse.
गच्छ, एतस्याअं कुटिकायामग्निं प्रज्वलयेति। सा उल्कां प्रज्वल्य गता। पश्यति तं प्रत्येकबुद्धम्।
gaccha, etasyāaṃ kuṭikāyāmagniṃ prajvalayeti/ sā ulkāṃ prajvalya gatā/ paśyati taṃ pratyekabuddham/
Sanskrit only: no published translation is held for this verse.
तया तस्या निवेदितम्--देवि, प्रव्रजितो ऽस्यां तिष्ठतीति। सा कथयति--प्रव्रजितो वा तिष्ठतु, अग्निं दत्वा तां प्रज्वलयेति।
tayā tasyā niveditam--devi, pravrajito 'syāṃ tiṣṭhatīti/ sā kathayati--pravrajito vā tiṣṭhatu, agniṃ datvā tāṃ prajvalayeti/
Sanskrit only: no published translation is held for this verse.
तया न दत्तम्। ततस्तया कुपितया स्वयमेव दत्तम्।
tayā na dattam/ tatastayā kupitayā svayameva dattam/
Sanskrit only: no published translation is held for this verse.
स प्रत्येकबुद्धो निर्गतः। आभिः सर्वाभिरन्तःपुरिकाभिरनुमोदितम्। देवि, शोभनं त्वया यदग्निर्दत्तः।
sa pratyekabuddho nirgataḥ/ ābhiḥ sarvābhirantaḥpurikābhiranumoditam/ devi, śobhanaṃ tvayā yadagnirdattaḥ/
Sanskrit only: no published translation is held for this verse.
सर्वा वयं प्रतप्ता इति। स प्रत्येकबुद्धः संलक्षयति--क्षता एतास्तपस्विन्य उपहताश्च।
sarvā vayaṃ prataptā iti/ sa pratyekabuddhaḥ saṃlakṣayati--kṣatā etāstapasvinya upahatāśca/
Sanskrit only: no published translation is held for this verse.
मा अत्यन्तक्षता एता भविष्यन्ति। अनुग्रहमासां करोमीति। स तासामनुकम्पार्थं तत एवाकाशमुत्प्लुत्य तपनवर्षणविद्योतनप्रातिहार्याणि कर्तुमारब्धः।
mā atyantakṣatā etā bhaviṣyanti/ anugrahamāsāṃ karomīti/ sa tāsāmanukampārthaṃ tata evākāśamutplutya tapanavarṣaṇavidyotanaprātihāryāṇi kartumārabdhaḥ/
Sanskrit only: no published translation is held for this verse.
आशु पृथग्जनस्य ऋद्धिरावर्जनकरी।
āśu pṛthagjanasya ṛddhirāvarjanakarī/
Sanskrit only: no published translation is held for this verse.
ता मूलनिकृन्तित इव द्रुमः पादयोर् निपत्य क्षमयितुमारब्धाः। अवतरावतर सद्भूतदक्षिणीय, अस्माकं कामपङ्कनिमग्नानां हस्तोद्धारमनुप्रयच्छेति।
tā mūlanikṛntita iva drumaḥ pādayor nipatya kṣamayitumārabdhāḥ/ avatarāvatara sadbhūtadakṣiṇīya, asmākaṃ kāmapaṅkanimagnānāṃ hastoddhāramanuprayaccheti/
Sanskrit only: no published translation is held for this verse.
स तासामनुकम्पार्थमवतीर्णः।
sa tāsāmanukampārthamavatīrṇaḥ/
Sanskrit only: no published translation is held for this verse.
तानि तस्मिन् कारां कृत्वा प्रणिधानं कार्तुमारब्धाह्--यदस्माभिरेवं सद्भूतदक्षिणीये ऽपकारः कृतः, मा अस्य कर्मणो विपाकमनुभवेम।
tāni tasmin kārāṃ kṛtvā praṇidhānaṃ kārtumārabdhāh--yadasmābhirevaṃ sadbhūtadakṣiṇīye 'pakāraḥ kṛtaḥ, mā asya karmaṇo vipākamanubhavema/
Sanskrit only: no published translation is held for this verse.
यत्तु काराः कृताः, अनेन वयं कुशलमूलेनैवंविधानां धर्माणां लाभिन्यो, भवेम, प्रतिविशिष्टतरं चातः शास्तारमारगयेम इति॥
yattu kārāḥ kṛtāḥ, anena vayaṃ kuśalamūlenaivaṃvidhānāṃ dharmāṇāṃ lābhinyo, bhavema, prativiśiṣṭataraṃ cātaḥ śāstāramāragayema iti//
Sanskrit only: no published translation is held for this verse.
किं मन्यसे महाराज तदा सासौ राज्ञो ब्रह्मदत्तस्याग्रमहिषी, एषैव सा श्यामावती तेन कालेन तेन समयेन।
kiṃ manyase mahārāja tadā sāsau rājño brahmadattasyāgramahiṣī, eṣaiva sā śyāmāvatī tena kālena tena samayena/
Sanskrit only: no published translation is held for this verse.
यानि पञ्च स्त्रीशतानि, एतान्येव तानि पञ्च स्त्रीशतानि तानि तेन कालेन तेन समयेन।
yāni pañca strīśatāni, etānyeva tāni pañca strīśatāni tāni tena kālena tena samayena/
Sanskrit only: no published translation is held for this verse.
या सा प्रेष्यदारिका, एषैवासौ कुब्जोत्तरा तेन कालेन तेन समयेन।
yā sā preṣyadārikā, eṣaivāsau kubjottarā tena kālena tena samayena/
Sanskrit only: no published translation is held for this verse.
यदाभिः प्रत्येकबुद्धस्य कुटिकां दग्ध्वा अनुमोदितम्, तस्य कर्मणो विपाकेन बहूनि वर्षाणि नरकेषु पत्का यावदेतर्ह्यपि दृष्टसत्या अग्निना दग्धाः।
yadābhiḥ pratyekabuddhasya kuṭikāṃ dagdhvā anumoditam, tasya karmaṇo vipākena bahūni varṣāṇi narakeṣu patkā yāvadetarhyapi dṛṣṭasatyā agninā dagdhāḥ/
Sanskrit only: no published translation is held for this verse.
कुब्जोत्तरा अनुक्रमेण <४६२>निष्पलायिता।
kubjottarā anukrameṇa <462>niṣpalāyitā/
Sanskrit only: no published translation is held for this verse.