Library·Divyāvadāna·479
<४७९>देव, नात्र किंचित्तपनीयम्। वधार्हो ऽसौ प्रघातयितव्यः। यदि देवो ऽत्र विलम्बते, यद्देवस्यानुरक्ताः कुमारामात्यपौरजनपदास्ते क्षोभमापन्ना नियतमनर्थं कुर्वन्तीति।
<479>deva, nātra kiṃcittapanīyam/ vadhārho 'sau praghātayitavyaḥ/ yadi devo 'tra vilambate, yaddevasyānuraktāḥ kumārāmātyapaurajanapadāste kṣobhamāpannā niyatamanarthaṃ kurvantīti/
Sanskrit only: no published translation is held for this verse.
कामान् खलु प्रतिसेवमानस्य नास्ति किंचित्पापं कर्माकरणीयमिति तेनाधिवासितम्--एवं क्रियतामिति।
kāmān khalu pratisevamānasya nāsti kiṃcitpāpaṃ karmākaraṇīyamiti tenādhivāsitam--evaṃ kriyatāmiti/
Sanskrit only: no published translation is held for this verse.
तौ दुष्टामात्यौ हृष्टतुष्टौ प्रमुदितौ वधकपुरुषानुत्साहयतह्--भवन्तः, गच्छत, वृद्धराजं प्रघातयत।
tau duṣṭāmātyau hṛṣṭatuṣṭau pramuditau vadhakapuruṣānutsāhayatah--bhavantaḥ, gacchata, vṛddharājaṃ praghātayata/
Sanskrit only: no published translation is held for this verse.
भोगैर्वः संविभागं करिष्याम इति। अनुरक्तपौरजानपदः स राजा। न कश्चिदुत्सहते प्रघातयितुम्।
bhogairvaḥ saṃvibhāgaṃ kariṣyāma iti/ anuraktapaurajānapadaḥ sa rājā/ na kaścidutsahate praghātayitum/
Sanskrit only: no published translation is held for this verse.
ताभ्यां ते हिरण्यसुवर्णग्रामप्रदानादिना प्रोत्साहिता न प्रतिपद्यन्ते।
tābhyāṃ te hiraṇyasuvarṇagrāmapradānādinā protsāhitā na pratipadyante/
Sanskrit only: no published translation is held for this verse.
ततस्ताभ्यां क्रोधपर्यवस्थिताभ्यां चारपालानामाज्ञा दत्ता--गच्छन्तु, भवन्तह् एतान् पुरुषान् सपुत्रदारान् ससुहृत्सम्बन्धिबान्धवांश्चारके बद्ध्वा स्थापयतेति।
tatastābhyāṃ krodhaparyavasthitābhyāṃ cārapālānāmājñā dattā--gacchantu, bhavantah etān puruṣān saputradārān sasuhṛtsambandhibāndhavāṃścārake baddhvā sthāpayateti/
Sanskrit only: no published translation is held for this verse.
ते श्रुत्वा भीताः संप्रतिपन्नाः कथयन्ति--देव, अलं क्रोधेन।
te śrutvā bhītāḥ saṃpratipannāḥ kathayanti--deva, alaṃ krodhena/
Sanskrit only: no published translation is held for this verse.
भृत्या वयमाज्ञाकराः। गच्छाम इति। ते तीक्ष्णानसीन् कक्षेणादाय संप्रस्थिताः।
bhṛtyā vayamājñākarāḥ/ gacchāma iti/ te tīkṣṇānasīn kakṣeṇādāya saṃprasthitāḥ/
Sanskrit only: no published translation is held for this verse.
आयुष्मानपि रुद्रायणस्त्रयाणां मासानामत्ययात्कृतचीवरो निष्ठितचीवरः समादाय पात्रचीवरम् येन भगवांस्तेनोपसंक्रान्तः।
āyuṣmānapi rudrāyaṇastrayāṇāṃ māsānāmatyayātkṛtacīvaro niṣṭhitacīvaraḥ samādāya pātracīvaram yena bhagavāṃstenopasaṃkrāntaḥ/
Sanskrit only: no published translation is held for this verse.
उपसंक्रम्य भगवतः पादौ शिरसा वन्दित्वा भगवन्तमिदमवोचत्--इच्छाम्यहं भदन्त रौरुकं नगरं जनपदचारिकां चरितुमिति।
upasaṃkramya bhagavataḥ pādau śirasā vanditvā bhagavantamidamavocat--icchāmyahaṃ bhadanta raurukaṃ nagaraṃ janapadacārikāṃ caritumiti/
Sanskrit only: no published translation is held for this verse.
भगवानाह--गच्छ रुद्रायण, कर्मस्वकता ते मनसिकर्तव्येति। अथायुष्मान् रुद्रायणो भगवतः पादौ शिरसा वन्दित्वा भगवतो ऽन्तिकात् प्रक्रान्तः।
bhagavānāha--gaccha rudrāyaṇa, karmasvakatā te manasikartavyeti/ athāyuṣmān rudrāyaṇo bhagavataḥ pādau śirasā vanditvā bhagavato 'ntikāt prakrāntaḥ/
Sanskrit only: no published translation is held for this verse.
आयुष्मान् रुद्रायणस्तस्या एव रात्रेरत्ययात् पूर्वाह्ने निवास्य पात्रचीवरमादाय राजगृहं पिण्डाय प्राविक्षत्।
āyuṣmān rudrāyaṇastasyā eva rātreratyayāt pūrvāhne nivāsya pātracīvaramādāya rājagṛhaṃ piṇḍāya prāvikṣat/
Sanskrit only: no published translation is held for this verse.
राजगृहं पिण्डाय चरित्वा कृतभक्तकृत्यः पश्चाद्भक्तपिण्डपात्रः प्रतिक्रान्तो यथापरिभुक्तं शयनासनं प्रतिसामय्य समादाय पात्रचीवरं कर्मबलप्रेरितम्--
rājagṛhaṃ piṇḍāya caritvā kṛtabhaktakṛtyaḥ paścādbhaktapiṇḍapātraḥ pratikrānto yathāparibhuktaṃ śayanāsanaṃ pratisāmayya samādāya pātracīvaraṃ karmabalapreritam--
Sanskrit only: no published translation is held for this verse.
दूरं हि कर्षते कर्म दूरात्कर्म प्रकर्षते।
dūraṃ hi karṣate karma dūrātkarma prakarṣate/
Sanskrit only: no published translation is held for this verse.
तत्र प्रकर्षते जन्तुम् यत्र कर्म विपच्यते॥५२॥
tatra prakarṣate jantum yatra karma vipacyate//52//
Sanskrit only: no published translation is held for this verse.
इति येन रौरुकं तेन चारिकां प्रक्रान्तः। अनुपूर्वेण चारिकां चरन्नन्तर्मार्गे ऽन्यतमं कर्वटकं पिण्डाय प्रविष्टः।
iti yena raurukaṃ tena cārikāṃ prakrāntaḥ/ anupūrveṇa cārikāṃ carannantarmārge 'nyatamaṃ karvaṭakaṃ piṇḍāya praviṣṭaḥ/
Sanskrit only: no published translation is held for this verse.
स च तस्मात् पिण्डपातमटित्वा निष्क्रामति। ते च वधकपुरुषाः संप्राप्ताः।
sa ca tasmāt piṇḍapātamaṭitvā niṣkrāmati/ te ca vadhakapuruṣāḥ saṃprāptāḥ/
Sanskrit only: no published translation is held for this verse.
स तैर्दृष्टः। तेनापि ते प्रत्यभिज्ञाताः। स तैः पुरुषैः सार्धमेकस्मिन्नेवोद्याने रात्रिंदेवा समुपगतः।
sa tairdṛṣṭaḥ/ tenāpi te pratyabhijñātāḥ/ sa taiḥ puruṣaiḥ sārdhamekasminnevodyāne rātriṃdevā samupagataḥ/
Sanskrit only: no published translation is held for this verse.
स तान् प्रष्टुमारब्धह्--
sa tān praṣṭumārabdhah--
Sanskrit only: no published translation is held for this verse.
कच्चिच्छिखण्डी खलु रौरुकेषु सभृत्यवर्गो बलवानरोगः।
kaccicchikhaṇḍī khalu raurukeṣu sabhṛtyavargo balavānarogaḥ/
Sanskrit only: no published translation is held for this verse.
धर्मेण वा कारयति स्वकं राज्यं न चास्य कच्चित्परतोपसर्गः॥५३॥ इति।
dharmeṇa vā kārayati svakaṃ rājyaṃ na cāsya kaccitparatopasargaḥ//53// iti/
Sanskrit only: no published translation is held for this verse.
ते कथयन्ति--
te kathayanti--
Sanskrit only: no published translation is held for this verse.
देव, तथ्यं शिखण्डी खलु रौरुकेषु सभृत्यवर्गो बकवानरोगः।
deva, tathyaṃ śikhaṇḍī khalu raurukeṣu sabhṛtyavargo bakavānarogaḥ/
Sanskrit only: no published translation is held for this verse.
न चास्य कश्चित्परतोपसर्गह् अधर्मराज्यं तु करोति नित्यम्॥५४॥
na cāsya kaścitparatopasargah adharmarājyaṃ tu karoti nityam//54//
Sanskrit only: no published translation is held for this verse.