Library·Divyāvadāna·489
स्मुच्छोषिता रुधिराश्रुसमुद्राः, लङ्घिता अस्थिपर्वताः, पिहितान्यपायद्वाराणि, विवृतानि स्वर्गमोक्षद्वाराणि, प्रतिष्ठापिताः स्मो देवमौष्येषु।
smucchoṣitā rudhirāśrusamudrāḥ, laṅghitā asthiparvatāḥ, pihitānyapāyadvārāṇi, vivṛtāni svargamokṣadvārāṇi, pratiṣṭhāpitāḥ smo devamauṣyeṣu/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
यत्कर्तव्यं सुपुत्रेण मानुर्दुष्करकारिणा।
yatkartavyaṃ suputreṇa mānurduṣkarakāriṇā/
Sanskrit only: no published translation is held for this verse.
तत्कृतं भवता मह्यं चित्तं मोक्षपरायणम्॥६७॥
tatkṛtaṃ bhavatā mahyaṃ cittaṃ mokṣaparāyaṇam//67//
Sanskrit only: no published translation is held for this verse.
दुर्गतिभ्यः समुद्धृत्य स्वर्गे च ते अहम्।
durgatibhyaḥ samuddhṛtya svarge ca te aham/
Sanskrit only: no published translation is held for this verse.
स्थापिता पुत्र यत्नेन साधु ते दुष्कृतं कृतम्॥६८॥
sthāpitā putra yatnena sādhu te duṣkṛtaṃ kṛtam//68//
Sanskrit only: no published translation is held for this verse.
अथायुष्मान् महाकात्यायनस्तां भद्रकन्यां सत्येषु प्रतिष्ठाप्य कथयति--अम्ब, अवलोकिता भव, गच्छामीति।
athāyuṣmān mahākātyāyanastāṃ bhadrakanyāṃ satyeṣu pratiṣṭhāpya kathayati--amba, avalokitā bhava, gacchāmīti/
Sanskrit only: no published translation is held for this verse.
सा कथयति--पुत्र, यद्येवं मम किंचिदनुप्रयच्छ, यत्राहं पूजां कृत्वा तिष्ठामीति।
sā kathayati--putra, yadyevaṃ mama kiṃcidanuprayaccha, yatrāhaṃ pūjāṃ kṛtvā tiṣṭhāmīti/
Sanskrit only: no published translation is held for this verse.
तेन तस्या यष्टिर्दत्ता। तया स्तूपं प्रतिष्ठाप्य सा तस्मिन् प्रतिमारोपिता।
tena tasyā yaṣṭirdattā/ tayā stūpaṃ pratiṣṭhāpya sā tasmin pratimāropitā/
Sanskrit only: no published translation is held for this verse.
यष्टिस्तूप इति संज्ञा संवृत्ता। अद्यापि चैत्यवन्दका भिक्षवो वन्दन्ते॥
yaṣṭistūpa iti saṃjñā saṃvṛttā/ adyāpi caityavandakā bhikṣavo vandante//
Sanskrit only: no published translation is held for this verse.
अथायुष्मान् महाकात्यायनो मध्यदेशमागन्तुकामः सिन्धुमनुप्राप्तः। अथ या उत्तरापथनिवासिनी देवता, सा आयुष्मन्तं महाकात्यायनमिदमवोचत्--आर्य, ममापि किंचिच्चिह्नमनुप्रयच्छ, यत्राहं पूजां कृत्वा तिष्ठामीति।
athāyuṣmān mahākātyāyano madhyadeśamāgantukāmaḥ sindhumanuprāptaḥ/ atha yā uttarāpathanivāsinī devatā, sā āyuṣmantaṃ mahākātyāyanamidamavocat--ārya, mamāpi kiṃciccihnamanuprayaccha, yatrāhaṃ pūjāṃ kṛtvā tiṣṭhāmīti/
Sanskrit only: no published translation is held for this verse.
स संलक्षयति--उक्तं भगवता मध्यदेशे पुले न धारयितव्ये इति।
sa saṃlakṣayati--uktaṃ bhagavatā madhyadeśe pule na dhārayitavye iti/
Sanskrit only: no published translation is held for this verse.
तदेते अनुप्रयच्छामीति। तेन तस्यैते दत्ते। तया स्थण्डिले कारयित्वा ते प्रतिष्ठापिते इतश्चरसन्तिसंज्ञा संवृत्ता।
tadete anuprayacchāmīti/ tena tasyaite datte/ tayā sthaṇḍile kārayitvā te pratiṣṭhāpite itaścarasantisaṃjñā saṃvṛttā/
Sanskrit only: no published translation is held for this verse.
आयुष्मान् महाकात्यायनो ऽनुपूर्वेण श्रावस्तीमनुप्राप्तः।
āyuṣmān mahākātyāyano 'nupūrveṇa śrāvastīmanuprāptaḥ/
Sanskrit only: no published translation is held for this verse.
भिक्षुभिर्दृष्ट उक्तश्च--स्वागतं स्वागतमायुष्मन्। किच्चित्कुशलचर्येति? स कथयति--आयुष्मन्तः, किंचित् सुखचर्या किंचिद्दुःखचर्येति।
bhikṣubhirdṛṣṭa uktaśca--svāgataṃ svāgatamāyuṣman/ kiccitkuśalacaryeti? sa kathayati--āyuṣmantaḥ, kiṃcit sukhacaryā kiṃcidduḥkhacaryeti/
Sanskrit only: no published translation is held for this verse.
भिक्षवः कथयन्ति--किं सुखचर्या किं दुःखचर्येति? स कथयति--यत्सत्त्वकार्यं कृतम्, इयं सुखचर्या।
bhikṣavaḥ kathayanti--kiṃ sukhacaryā kiṃ duḥkhacaryeti? sa kathayati--yatsattvakāryaṃ kṛtam, iyaṃ sukhacaryā/
Sanskrit only: no published translation is held for this verse.
यद् राजा शिखण्डी रौरुकनिवासी च जनकाय अहं च पांशुनावच्टब्धः, हिरुभिरुकौ चाग्रामात्यौ कृच्छ्रेण पलायितौ, इयं दुःखचर्येति।
yad rājā śikhaṇḍī raurukanivāsī ca janakāya ahaṃ ca pāṃśunāvacṭabdhaḥ, hirubhirukau cāgrāmātyau kṛcchreṇa palāyitau, iyaṃ duḥkhacaryeti/
Sanskrit only: no published translation is held for this verse.
अथ पाथाभिक्षवो ऽवध्यायन्तः कथयन्ति--पितृमारको ऽसौ।
atha pāthābhikṣavo 'vadhyāyantaḥ kathayanti--pitṛmārako 'sau/
Sanskrit only: no published translation is held for this verse.
तेनायुष्मान् रुद्रायणो ऽर्हत्त्वं प्राप्तः। अदुष्यनयकारी प्रघतित इति। इदं तस्य पुष्पमात्रम्।
tenāyuṣmān rudrāyaṇo 'rhattvaṃ prāptaḥ/ aduṣyanayakārī praghatita iti/ idaṃ tasya puṣpamātram/
Sanskrit only: no published translation is held for this verse.
अन्यत्फलं भविष्यतीति॥
anyatphalaṃ bhaviṣyatīti//
Sanskrit only: no published translation is held for this verse.
भिक्षवः संशयजाताः सर्वसंशयच्छेत्तारं बुद्धं भगवन्तं पप्रच्छुह्--किं भदन्त आयुष्मता रुद्रायणेन कर्म कृतम् येनाढ्ये महाधने महाभोगे कुले प्रत्याजातह्? भगवतः शासने प्रव्रज्य सर्वक्लेशप्रहाणादर्हत्त्वं साक्षात्कृतम्? अर्हत्त्वप्राप्तश्च शस्त्रेण प्रघातित इति? भगवानाह--रुद्रायणेन भिक्षुणा कर्माणि कृतान्युपचित्तानि लब्धसम्भाराणि परिणतप्रत्ययान्योघवत्प्रत्युपस्थितान्यवश्यम्भावीनि।
bhikṣavaḥ saṃśayajātāḥ sarvasaṃśayacchettāraṃ buddhaṃ bhagavantaṃ papracchuh--kiṃ bhadanta āyuṣmatā rudrāyaṇena karma kṛtam yenāḍhye mahādhane mahābhoge kule pratyājātah? bhagavataḥ śāsane pravrajya sarvakleśaprahāṇādarhattvaṃ sākṣātkṛtam? arhattvaprāptaśca śastreṇa praghātita iti? bhagavānāha--rudrāyaṇena bhikṣuṇā karmāṇi kṛtānyupacittāni labdhasambhārāṇi pariṇatapratyayānyoghavatpratyupasthitānyavaśyambhāvīni/
Sanskrit only: no published translation is held for this verse.
रुद्रायणेन कर्माणि कृतान्युपचितानि। को ऽन्यः प्रत्यनुभविष्यति? न भिक्षवः कर्माणि कृतान्युपचितानि बाह्ये पृथिवीधातौ विपच्यन्ते, नाब्धातौ, न तेजोधातौ, न वायुधातौ, अपि तूपात्तेष्वेव स्कन्धधात्वायतनेषु कर्माणि कृतान्युपचितानि विपच्यन्ते शुभान्यशुभानि च।
rudrāyaṇena karmāṇi kṛtānyupacitāni/ ko 'nyaḥ pratyanubhaviṣyati? na bhikṣavaḥ karmāṇi kṛtānyupacitāni bāhye pṛthivīdhātau vipacyante, nābdhātau, na tejodhātau, na vāyudhātau, api tūpātteṣveva skandhadhātvāyataneṣu karmāṇi kṛtānyupacitāni vipacyante śubhānyaśubhāni ca/
Sanskrit only: no published translation is held for this verse.