दिव्९ मेन्धकग्र्हप्तिविभूतिपरिच्छेदः।
div9 meNDhakagRhaptivibhūtiparicchedaḥ/
Sanskrit only: no published translation is held for this verse.
Divyāvadāna 77
श्रावस्त्यां निदानम्। तेन खलु समयेन भद्रंकरे नगरे षड् जना महापुण्याः प्रतिवसन्ति--मेण्ढको गृहपतिर् मेण्ढकपत्नी मेण्ढकपुत्रो मेण्ढकस्नुषा मेण्ढकदासो मेण्ढकदासी।
śrāvastyāṃ nidānam/ tena khalu samayena bhadraṃkare nagare ṣaḍ janā mahāpuṇyāḥ prativasanti--meṇḍhako gṛhapatir meṇḍhakapatnī meṇḍhakaputro meṇḍhakasnuṣā meṇḍhakadāso meṇḍhakadāsī/
Sanskrit only: no published translation is held for this verse.
कथं मेण्ढको गृहपतिर्ज्ञातो महापुण्यह्? स यदि रिक्तकानि कोशकोष्ठागाराणि पश्यति, सहदर्शनादेव पूर्यन्ते।
kathaṃ meṇḍhako gṛhapatirjñāto mahāpuṇyah? sa yadi riktakāni kośakoṣṭhāgārāṇi paśyati, sahadarśanādeva pūryante/
Sanskrit only: no published translation is held for this verse.
एवं मेण्ढको गृहपतिर्ज्ञातो महापुण्यः। कथं मेण्ढकपत्नी? सा एकस्यार्थाय स्थालिकां साधयति, शतानि सहस्राणि च भुञ्जते।
evaṃ meṇḍhako gṛhapatirjñāto mahāpuṇyaḥ/ kathaṃ meṇḍhakapatnī? sā ekasyārthāya sthālikāṃ sādhayati, śatāni sahasrāṇi ca bhuñjate/
Sanskrit only: no published translation is held for this verse.
एवं मेण्ढकपत्नी। कथं मेण्ढकपुत्रह्? तस्य पञ्चशतिको नकुलको कट्यां बद्धस्तिष्ठति।
evaṃ meṇḍhakapatnī/ kathaṃ meṇḍhakaputrah? tasya pañcaśatiko nakulako kaṭyāṃ baddhastiṣṭhati/
Sanskrit only: no published translation is held for this verse.
स यदि शतं सहस्रं वा परित्यजति, तदा पूर्ण एव तिष्ठति, न परिक्षीयते।
sa yadi śataṃ sahasraṃ vā parityajati, tadā pūrṇa eva tiṣṭhati, na parikṣīyate/
Sanskrit only: no published translation is held for this verse.
एवं मेण्ढकपुत्रः। कथं मेण्ढकस्नुषा? सा एकस्यार्थाय गन्धं संपादयति, शतसहस्रस्य पर्याप्तिर्भवति।
evaṃ meṇḍhakaputraḥ/ kathaṃ meṇḍhakasnuṣā? sā ekasyārthāya gandhaṃ saṃpādayati, śatasahasrasya paryāptirbhavati/
Sanskrit only: no published translation is held for this verse.
एवं मेण्ढकस्नुषा।
evaṃ meṇḍhakasnuṣā/
Sanskrit only: no published translation is held for this verse.
कथं मेण्ढकदासह्? स यदैकं हलसीरं कृषति, तदा सप्त सीराः कृष्टा भवन्ति। एवं मेण्ढकदासः। कथं मेण्ढकदासी महापुण्या? सा यदैकं वस्तु रक्षति, तत्सप्तगुणं स्यात्।
kathaṃ meṇḍhakadāsah? sa yadaikaṃ halasīraṃ kṛṣati, tadā sapta sīrāḥ kṛṣṭā bhavanti/ evaṃ meṇḍhakadāsaḥ/ kathaṃ meṇḍhakadāsī mahāpuṇyā? sā yadaikaṃ vastu rakṣati, tatsaptaguṇaṃ syāt/
Sanskrit only: no published translation is held for this verse.
यदा एकमात्रं प्रतिजागर्ति, तदा सप्त मात्राः संपद्यन्ते।
yadā ekamātraṃ pratijāgarti, tadā sapta mātrāḥ saṃpadyante/
Sanskrit only: no published translation is held for this verse.
एवं मण्ढकदासी महापुण्या॥
evaṃ maṇḍhakadāsī mahāpuṇyā//
Sanskrit only: no published translation is held for this verse.
धर्मता खलु बुद्धानां भगवतां महाकारुणिकानां चतुरोघोत्तीर्णानां चतुरृद्धिपादचरणतलसुप्रतिष्ठितानां चतुर्षु संग्रहवस्तुषु दीर्घरात्रकृतपरिचयानां पञ्चाङ्गविप्रतिहीणानां पञ्चगतिसमतिक्रान्तानां षडङ्गसमन्वागतानां षट्पारमितापरिपूर्णानां सप्तबोध्यङ्गकुसुमाढ्यानामष्टाङ्गमार्गदेशिकानां नवानुपूर्वसमापत्तिकुशलानां दशबलबलिनां दशदिक्समापूर्णयशसां दशशतवशवर्तिप्रतिविशिष्टानां त्री रात्रेस्त्रिर्दिवसस्य षट्कृत्वो रात्रिंदिवसस्य बुद्धचक्षुषा लोकं
dharmatā khalu buddhānāṃ bhagavatāṃ mahākāruṇikānāṃ caturoghottīrṇānāṃ caturṛddhipādacaraṇatalasupratiṣṭhitānāṃ caturṣu saṃgrahavastuṣu dīrgharātrakṛtaparicayānāṃ pañcāṅgavipratihīṇānāṃ pañcagatisamatikrāntānāṃ ṣaḍaṅgasamanvāgatānāṃ ṣaṭpāramitāparipūrṇānāṃ saptabodhyaṅgakusumāḍhyānāmaṣṭāṅgamārgadeśikānāṃ navānupūrvasamāpattikuśalānāṃ daśabalabalināṃ daśadiksamāpūrṇayaśasāṃ daśaśatavaśavartiprativiśiṣṭānāṃ trī rātrestrirdivasasya ṣaṭkṛtvo rātriṃdivasasya buddhacakṣuṣā lokaṃ
Sanskrit only: no published translation is held for this verse.
अप्येवातिक्रमेद्वेलां सागरो मकरालयः।
apyevātikramedvelāṃ sāgaro makarālayaḥ/
Sanskrit only: no published translation is held for this verse.
न तु वैनेयवत्सानां बुद्धो वेलामतिक्रमेत्॥१॥
na tu vaineyavatsānāṃ buddho velāmatikramet//1//
Sanskrit only: no published translation is held for this verse.
सर्वज्ञसंताननिवासिनी हि
sarvajñasaṃtānanivāsinī hi
Sanskrit only: no published translation is held for this verse.
कारुण्यधेनुर्मृगयत्यखिन्ना।
kāruṇyadhenurmṛgayatyakhinnā/
Sanskrit only: no published translation is held for this verse.
वैनेयवत्सान् भवदुर्गनष्टान्
vaineyavatsān bhavadurganaṣṭān
Sanskrit only: no published translation is held for this verse.
वत्सान् प्रणष्टानिव वत्सला गौः॥२॥
vatsān praṇaṣṭāniva vatsalā gauḥ//2//
Sanskrit only: no published translation is held for this verse.
भगवान् संलक्षयति--अयं मेण्ढको गृहपतिः सपरिवारो भद्रंकरे नगरे प्रतिवसति।
bhagavān saṃlakṣayati--ayaṃ meṇḍhako gṛhapatiḥ saparivāro bhadraṃkare nagare prativasati/
Sanskrit only: no published translation is held for this verse.
तस्य वैनेयकालं पक्वमिव गण्डं शस्त्राभिनिपातमवेक्षते। यन्न्वहं भद्रंकरेषु जनपदेषु चारिकाम् <७८>चरेयम्।
tasya vaineyakālaṃ pakvamiva gaṇḍaṃ śastrābhinipātamavekṣate/ yannvahaṃ bhadraṃkareṣu janapadeṣu cārikām <78>careyam/
Sanskrit only: no published translation is held for this verse.