अथ ब्रह्माणं दीक्षयति चन्द्रमा वै ब्रह्माधिदैवं मनो ऽध्यात्मम् मनसैव तद् ओषधीः संदधाति तद् या ओषधीर् वेद स एव ब्रह्मौषधीस् तद् अनेन लोकेन संदधाति तस्माद् एताव् अन्तरेणान्यो न दीक्षेत स यद् एताव् अन्तरेणान्यो दीक्षेतेमं तं लोकम् ओषधिभिर् व्यापादयेत् उच्छोषुका ह स्युस् तस्माद् एताव् अन्तरेणान्यो न दीक्षेत ॥ २ ॥
atha brahmāṇaṃ dīkṣayati candramā vai brahmādhidaivaṃ mano 'dhyātmam manasaiva tad oṣadhīḥ saṃdadhāti tad yā oṣadhīr veda sa eva brahmauṣadhīs tad anena lokena saṃdadhāti tasmād etāv antareṇānyo na dīkṣeta sa yad etāv antareṇānyo dīkṣetemaṃ taṃ lokam oṣadhibhir vyāpādayet ucchoṣukā ha syus tasmād etāv antareṇānyo na dīkṣeta || 2 ||
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.