Jayadeva: Gitagovinda-kavya (in pausa) 9

ताम् अथ मन्मथ-खिन्नाम् रति-रस-भिन्नाम् विषाद-सम्पन्नाम् । अनुचिन्तित-हरि-चरिताम् कलह-अन्तर्-इताम् उवाच सखी ॥

tām atha manmatha-khinnām rati-rasa-bhinnām viṣāda-sampannām / anucintita-hari-caritām kalaha-antar-itām uvāca sakhī //

Sanskrit only: no published translation is held for this verse.

हरिः अभिसरति वहति मधु-पवने । किम् अपरम् अधिक-सुखम् सखि भवने ॥ माधवे मा कुरु मानिनि मानम् अये ॥

hariḥ abhisarati vahati madhu-pavane / kim aparam adhika-sukham sakhi bhavane // mādhave mā kuru mānini mānam aye //

Sanskrit only: no published translation is held for this verse.

ताल-फलात् अपि गुरुम् अतिसरसम् । किम् विफलीकुरुषे कुच-कलशम् ॥ माधवे मा कुरु मानिनि मानम् अये ॥

tāla-phalāt api gurum atisarasam / kim viphalīkuruṣe kuca-kalaśam // mādhave mā kuru mānini mānam aye //

Sanskrit only: no published translation is held for this verse.

कति न कथितम् इदम् अनुपदम् अचिरम् । मा परिहर हरिम् अतिशय-रुचिरम् ॥ माधवे मा कुरु मानिनि मानम् अये ॥

kati na kathitam idam anupadam aciram / mā parihara harim atiśaya-ruciram // mādhave mā kuru mānini mānam aye //

Sanskrit only: no published translation is held for this verse.

किम् इति विषीदसि रोदिषि विकला । विहसति युवति-सभा तव सकला ॥ माधवे मा कुरु मानिनि मानम् अये ॥

kim iti viṣīdasi rodiṣi vikalā / vihasati yuvati-sabhā tava sakalā // mādhave mā kuru mānini mānam aye //

Sanskrit only: no published translation is held for this verse.

सजल-नलिनी-दल-शीतल-शयने । हरिम् अवलोकय सफलय नयने ॥ माधवे मा कुरु मानिनि मानम् अये ॥

sajala-nalinī-dala-śītala-śayane / harim avalokaya saphalaya nayane // mādhave mā kuru mānini mānam aye //

Sanskrit only: no published translation is held for this verse.

जनयसि मनसि किम् इति गुरु-खेदम् । शृणु मम वचनम् अनीहित-भेदम् ॥ माधवे मा कुरु मानिनि मानम् अये ॥

janayasi manasi kim iti guru-khedam / śṛṇu mama vacanam anīhita-bhedam // mādhave mā kuru mānini mānam aye //

Sanskrit only: no published translation is held for this verse.

हरिः उपयातु वदतु बहु-मधुरम् । किम् इति करोषि हृदयम् अतिविधुरम् ॥ माधवे मा कुरु मानिनि मानम् अये ॥

hariḥ upayātu vadatu bahu-madhuram / kim iti karoṣi hṛdayam atividhuram // mādhave mā kuru mānini mānam aye //

Sanskrit only: no published translation is held for this verse.

श्रीजयदेव-भणितम् अतिललितम् । सुखयतु रसिक-जनम् हरि-चरितम् ॥ माधवे मा कुरु मानिनि मानम् अये ॥

śrījayadeva-bhaṇitam atilalitam / sukhayatu rasika-janam hari-caritam // mādhave mā kuru mānini mānam aye //

Sanskrit only: no published translation is held for this verse.

स्निग्धे यत् परुषा असि यत् प्रणमति स्तब्धा असि यत् रागिणि द्वेष-स्था असि यत् उन्मुखे विमुखताम् याता असि तस्मिन् प्रिये । युक्तम् तत् विपरीत-कारिणि तव श्रीखण्ड-चर्चा विषम् शीतांशुः तपनः हिमम् हुतवहः क्रीडा-मुदः यातनाः ॥

snigdhe yat paruṣā asi yat praṇamati stabdhā asi yat rāgiṇi dveṣa-sthā asi yat unmukhe vimukhatām yātā asi tasmin priye / yuktam tat viparīta-kāriṇi tava śrīkhaṇḍa-carcā viṣam śītāṃśuḥ tapanaḥ himam hutavahaḥ krīḍā-mudaḥ yātanāḥ //

Sanskrit only: no published translation is held for this verse.

सान्द्रानन्द-पुरन्दरादि-दिविषद्-वृन्दैर् अमन्दादराद् आनम्रैर् मुकुटेन्द्र-नील-मणिभिः सन्दर्शितेन्दिन्दिरम् । स्वच्छन्दं मकरन्द-सुन्दर-गलन्-मन्दाकिनी-मेदुरं श्री-गोविन्द-पदारविन्दम् अशुभ-स्कन्दाय वन्दामहे

sāndrānanda-purandarādi-diviṣad-vṛndair amandādarād ānamrair mukuṭendra-nīla-maṇibhiḥ sandarśitendindiram | svacchandaṃ makaranda-sundara-galan-mandākinī-meduraṃ śrī-govinda-padāravindam aśubha-skandāya vandāmahe

Sanskrit only: no published translation is held for this verse.