Govindbhagavatpada: Rasahrdayatantra 1.6

मूर्छितबद्धमृतस्यावस्थया त्रिविधं सूतराजस्य बन्धनं प्रशंसति कविः रस इत्यादि

mūrchitabaddhamṛtasyāvasthayā trividhaṃ sūtarājasya bandhanaṃ praśaṃsati kaviḥ rasa ityādi

Sanskrit only: no published translation is held for this verse.

भो जनाः रसबन्धः पारदबन्धनं धन्यः यस्य प्रारम्भे सततं निरन्तरं करुणा जायत इति शेषः

bho janāḥ rasabandhaḥ pāradabandhanaṃ dhanyaḥ yasya prārambhe satataṃ nirantaraṃ karuṇā jāyata iti śeṣaḥ

Sanskrit only: no published translation is held for this verse.

किंरूपा अहं गोविन्दनामा रसे सिद्धे सति सम्यग्बन्धनत्वं प्राप्ते सति महीं मेदिनीं निर्जरामरणं यथा तथा करिष्ये

kiṃrūpā ahaṃ govindanāmā rase siddhe sati samyagbandhanatvaṃ prāpte sati mahīṃ medinīṃ nirjarāmaraṇaṃ yathā tathā kariṣye

Sanskrit only: no published translation is held for this verse.

अतिसामीप्याद्वर्तमान एव ऌट्

atisāmīpyādvartamāna eva ḷṭ

Sanskrit only: no published translation is held for this verse.

निर्जरामरणमिति क्रियाविशेषणम्

nirjarāmaraṇamiti kriyāviśeṣaṇam

Sanskrit only: no published translation is held for this verse.

जरा पालित्यं मरणं प्राणत्याग आभ्यां रहितं यथा मह्यां जरामरणं न युक्तम्

jarā pālityaṃ maraṇaṃ prāṇatyāga ābhyāṃ rahitaṃ yathā mahyāṃ jarāmaraṇaṃ na yuktam

Sanskrit only: no published translation is held for this verse.

अत्र महीपदेन महीमधिकृत्य निवसन्ति ये मनुजादयस् त एव लक्षणावृत्तित्वात्

atra mahīpadena mahīmadhikṛtya nivasanti ye manujādayas ta eva lakṣaṇāvṛttitvāt

Sanskrit only: no published translation is held for this verse.

पुना रसायनवशाज्जरानिषेधो भवेद् इति युक्तम्

punā rasāyanavaśājjarāniṣedho bhaved iti yuktam

Sanskrit only: no published translation is held for this verse.

हितोपदेशे यथा । यज्जराव्याधिविध्वंसि भेषजं तद् रसायनम् । आद्ये वयसि मध्ये वा शुद्धकायः समाचरेद् । इति

hitopadeśe yathā / yajjarāvyādhividhvaṃsi bheṣajaṃ tad rasāyanam / ādye vayasi madhye vā śuddhakāyaḥ samācared / iti

Sanskrit only: no published translation is held for this verse.

मरणनिषेधः कथमौषधेन अन्यौषधिशक्तिह्रासतो न युक्तः रसेश्वरशक्त्याधिक्याद् युक्तः

maraṇaniṣedhaḥ kathamauṣadhena anyauṣadhiśaktihrāsato na yuktaḥ raseśvaraśaktyādhikyād yuktaḥ

Sanskrit only: no published translation is held for this verse.

रसरत्नाकरे यथा । मृत्योर्जराविषधरस्य च वैनतेय तुभ्यं नमामि सुरवन्दितसूतराज । इति

rasaratnākare yathā / mṛtyorjarāviṣadharasya ca vainateya tubhyaṃ namāmi suravanditasūtarāja / iti

Sanskrit only: no published translation is held for this verse.