Govindbhagavatpada: Rasahrdayatantra 1.7

जरामरणनिषेधत्वेन किमाधिक्यं तदाह य इत्यादि

jarāmaraṇaniṣedhatvena kimādhikyaṃ tadāha ya ityādi

Sanskrit only: no published translation is held for this verse.

ये एवंविधरससिद्धास्ते वन्द्या अभिवादनयोग्याः स्तुत्याश्च

ye evaṃvidharasasiddhāste vandyā abhivādanayogyāḥ stutyāśca

Sanskrit only: no published translation is held for this verse.

वदि अभिवादनस्तुत्योः

vadi abhivādanastutyoḥ

Sanskrit only: no published translation is held for this verse.

किंविशिष्टा अत्यक्तशरीराः न त्यक्तं शरीरं यैस्ते जीवन्मुक्ता इत्यर्थः

kiṃviśiṣṭā atyaktaśarīrāḥ na tyaktaṃ śarīraṃ yaiste jīvanmuktā ityarthaḥ

Sanskrit only: no published translation is held for this verse.

शरीरं द्विविधं स्थूलसूक्ष्मभेदात् पृथिव्यप्तेजोवाय्वाकाशात्मकं स्थूलं कोशत्रयात्मकं सूक्ष्मम्

śarīraṃ dvividhaṃ sthūlasūkṣmabhedāt pṛthivyaptejovāyvākāśātmakaṃ sthūlaṃ kośatrayātmakaṃ sūkṣmam

Sanskrit only: no published translation is held for this verse.

यथा सूत्रम् । विज्ञानमयं मनोमयं प्राणमयम् एतत् कोशत्रयं मिलितं सूक्ष्मशरीरमुत्पद्यते

yathā sūtram / vijñānamayaṃ manomayaṃ prāṇamayam etat kośatrayaṃ militaṃ sūkṣmaśarīramutpadyate

Sanskrit only: no published translation is held for this verse.

अन्ये एव सूक्ष्मशरीरम्

anye eva sūkṣmaśarīram

Sanskrit only: no published translation is held for this verse.

अत्यक्तशरीररससिद्धाश्च उच्यन्ते । मन्थानभैरवो योगी सिद्धबुद्धश्च कन्थडी । कोरण्टकः सुरानन्दः सिद्धपादश्च चर्पटी

atyaktaśarīrarasasiddhāśca ucyante / manthānabhairavo yogī siddhabuddhaśca kanthaḍī / koraṇṭakaḥ surānandaḥ siddhapādaśca carpaṭī

Sanskrit only: no published translation is held for this verse.

कणेरी पूज्यपादश्च नित्यनाथो निरञ्जनः । कपाली बिन्दुनाथश्च काकचण्डीश्वरो गजः

kaṇerī pūjyapādaśca nityanātho nirañjanaḥ / kapālī bindunāthaśca kākacaṇḍīśvaro gajaḥ

Sanskrit only: no published translation is held for this verse.

आल्लमः प्रभुदेवश्च घोडाचोली च ठिण्ठिनी । भालुकिर् नागदेवश्च खण्डी कापालिकस् तथा

āllamaḥ prabhudevaśca ghoḍācolī ca ṭhiṇṭhinī / bhālukir nāgadevaśca khaṇḍī kāpālikas tathā

Sanskrit only: no published translation is held for this verse.

इत्यादयो महासिद्धा रसभोगप्रसादतः । खण्डयित्वा कालदण्डं त्रिलोक्यां विचरन्ति ते

ityādayo mahāsiddhā rasabhogaprasādataḥ / khaṇḍayitvā kāladaṇḍaṃ trilokyāṃ vicaranti te

Sanskrit only: no published translation is held for this verse.

इति

iti

Sanskrit only: no published translation is held for this verse.

पुनः किंविशिष्टाः तनुं प्राप्ताः शरीरं ग्रहीतारः

punaḥ kiṃviśiṣṭāḥ tanuṃ prāptāḥ śarīraṃ grahītāraḥ

Sanskrit only: no published translation is held for this verse.

किंविशिष्टां तनुं हरगौरीसृष्टिजां हरो महादेवः गौरी पार्वती तयोः सृष्टिः सर्जनं मैथुनसंयोगस् तज्जाता पुत्रा एवेत्यर्थः

kiṃviśiṣṭāṃ tanuṃ haragaurīsṛṣṭijāṃ haro mahādevaḥ gaurī pārvatī tayoḥ sṛṣṭiḥ sarjanaṃ maithunasaṃyogas tajjātā putrā evetyarthaḥ

Sanskrit only: no published translation is held for this verse.

पुनर्येषां मन्त्रगणाः किंकराः मन्त्रसमूहा आज्ञाकरा इत्यर्थः

punaryeṣāṃ mantragaṇāḥ kiṃkarāḥ mantrasamūhā ājñākarā ityarthaḥ

Sanskrit only: no published translation is held for this verse.