Govindbhagavatpada: Rasahrdayatantra 13.1

मधुनि माधव एव मधुव्रतः प्रकुरुते मुदितो मधुरं रवम् । वररवोऽपि सतां च समागमं शबलता किमुपैति न चारुताम्

madhuni mādhava eva madhuvrataḥ prakurute mudito madhuraṃ ravam / vararavo'pi satāṃ ca samāgamaṃ śabalatā kimupaiti na cārutām

Sanskrit only: no published translation is held for this verse.

संकरबीजानां मध्ये महाबीजसंज्ञान्याह माक्षिकेत्यादि

saṃkarabījānāṃ madhye mahābījasaṃjñānyāha mākṣiketyādi

Sanskrit only: no published translation is held for this verse.

एतत्त्रिकं महाबीजं किमेतत् माक्षीककान्ततीक्ष्णं माक्षीककान्तशुल्बं तीक्ष्णाभ्रकं च माक्षीकं ताप्यं कान्तं चुम्बकं शुल्बं ताम्रं तीक्ष्णं लोहजातिर् अभ्रकं गगनं एतत्त्रितयं बीजं महाबीजं एतत्त्रित्रिमुखं प्रत्येकं महासंज्ञम्

etattrikaṃ mahābījaṃ kimetat mākṣīkakāntatīkṣṇaṃ mākṣīkakāntaśulbaṃ tīkṣṇābhrakaṃ ca mākṣīkaṃ tāpyaṃ kāntaṃ cumbakaṃ śulbaṃ tāmraṃ tīkṣṇaṃ lohajātir abhrakaṃ gaganaṃ etattritayaṃ bījaṃ mahābījaṃ etattritrimukhaṃ pratyekaṃ mahāsaṃjñam

Sanskrit only: no published translation is held for this verse.

विशेषोऽत्र । बीजपाकं प्रवक्ष्यामि जारणार्थं रसस्य तु । सूत्रक्रमोऽयं बीजेन समजीर्णेन शुध्यति । इति

viśeṣo'tra / bījapākaṃ pravakṣyāmi jāraṇārthaṃ rasasya tu / sūtrakramo'yaṃ bījena samajīrṇena śudhyati / iti

Sanskrit only: no published translation is held for this verse.

अवान्तरत्वेन च प्रत्येकं द्रव्यं बीजसंज्ञाभिमतम्

avāntaratvena ca pratyekaṃ dravyaṃ bījasaṃjñābhimatam

Sanskrit only: no published translation is held for this verse.