इति श्रीगारुडे महापुराणे उत्तरखण्डे तृतीयांशे ब्रह्मकाण्डे वेङ्कटेशगिरियात्राक्रमनिरूपणं नाम त्रयोविंशोध्यायः श्रीगरुडमहापुराणम्- २४ जैगीषव्य उवाच । कन्ये शृणु त्वं वेङ्कटाख्याचलस्य स्मेराननां पुण्यमांरोहणे ऽस्य । श्रीगीतायाः पठनं चैव कुर्वन्नारोहणं कुरुते सर्वलोकः
iti śrīgāruḍe mahāpurāṇe uttarakhaṇḍe tṛtīyāṃśe brahmakāṇḍe veṅkaṭeśagiriyātrākramanirūpaṇaṃ nāma trayoviṃśodhyāyaḥ śrīgaruḍamahāpurāṇam- 24 jaigīṣavya uvāca / kanye śṛṇu tvaṃ veṅkaṭākhyācalasya smerānanāṃ puṇyamāṃrohaṇe 'sya / śrīgītāyāḥ paṭhanaṃ caiva kurvannārohaṇaṃ kurute sarvalokaḥ
Sanskrit only: no published translation is held for this verse.
पदेपदे श्रीनिवासश्च देवस्त्वलं ह्यलं प्रीयते भक्तवर्गः । तं प्रीणयन्मोक्षमायान्ति सर्वे हरौ तुष्टे किमलभ्यं च कन्ये
padepade śrīnivāsaśca devastvalaṃ hyalaṃ prīyate bhaktavargaḥ / taṃ prīṇayanmokṣamāyānti sarve harau tuṣṭe kimalabhyaṃ ca kanye
Sanskrit only: no published translation is held for this verse.
सोपानदेशे यः पुराणं शृणोति तदा कृता सर्वतीर्थादियात्रा । तदा दिवा प्रस्तुवन्तीह मार्गे सदा हरिं श्रीनिवासं गुरुं च
sopānadeśe yaḥ purāṇaṃ śṛṇoti tadā kṛtā sarvatīrthādiyātrā / tadā divā prastuvantīha mārge sadā hariṃ śrīnivāsaṃ guruṃ ca
Sanskrit only: no published translation is held for this verse.
सोपानानां महिमानं च श्रुत्वा शालग्रामं स्थापयित्वा च तत्र । नमस्कृत्वा पुनरेवापि सा तु सोपानानि त्वारुरोहाथ साध्वी
sopānānāṃ mahimānaṃ ca śrutvā śālagrāmaṃ sthāpayitvā ca tatra / namaskṛtvā punarevāpi sā tu sopānāni tvārurohātha sādhvī
Sanskrit only: no published translation is held for this verse.
सोपानानां वीन्द्र चारोहणेन त्ववैष्णवानां हरितोषो न चैव । तेनैव तेषां साधनं भूय एव तमस्यन्धे पातयितुं खगेन्द्र
sopānānāṃ vīndra cārohaṇena tvavaiṣṇavānāṃ haritoṣo na caiva / tenaiva teṣāṃ sādhanaṃ bhūya eva tamasyandhe pātayituṃ khagendra
Sanskrit only: no published translation is held for this verse.
स्थलेस्थले एवमेवापि कार्यं जैगीषव्यं पुनरेवाह देवी । कन्योवाच । जैगीषव्यः श्रीनिवासो हरिस्तु ब्रह्मादीनां दृश्यते श्रीनिवासः
sthalesthale evamevāpi kāryaṃ jaigīṣavyaṃ punarevāha devī / kanyovāca / jaigīṣavyaḥ śrīnivāso haristu brahmādīnāṃ dṛśyate śrīnivāsaḥ
Sanskrit only: no published translation is held for this verse.
जैगीषव्य कृपया त्वं वदस्व जैगीषव्यो ह्येवमुक्तो हरिं तु । उवाच कन्यां सोमपुत्रीं सतीं च ब्रह्मादीनां दृश्यते श्रीनिवासः
jaigīṣavya kṛpayā tvaṃ vadasva jaigīṣavyo hyevamukto hariṃ tu / uvāca kanyāṃ somaputrīṃ satīṃ ca brahmādīnāṃ dṛśyate śrīnivāsaḥ
Sanskrit only: no published translation is held for this verse.
अनन्तरूपोधिककान्तकान्तिमान्रूद्रादीनां दृश्यते वेङ्कटेशः । ससूर्यलक्षाधिककान्तकान्तितो रुद्रादीनां दृश्यते श्रीनिवासः
anantarūpodhikakāntakāntimānrūdrādīnāṃ dṛśyate veṅkaṭeśaḥ / sasūryalakṣādhikakāntakāntito rudrādīnāṃ dṛśyate śrīnivāsaḥ
Sanskrit only: no published translation is held for this verse.
सहस्रसूर्याधिककान्तिकान्तः सविद्युत्त्वान्मानुषाणां रमेशः । ऋष्यादीनां दृश्यते चन्द्रवच्च सन्मानुषाणामपरोक्षो हरिस्तु
sahasrasūryādhikakāntikāntaḥ savidyuttvānmānuṣāṇāṃ rameśaḥ / ṛṣyādīnāṃ dṛśyate candravacca sanmānuṣāṇāmaparokṣo haristu
Sanskrit only: no published translation is held for this verse.
नक्षत्रवद्दृश्यते श्रीनिवासः सदा ऋषीणामपरोक्षो हरिस्तु । स सूर्यवद्दृश्यते श्रीनिवासः संसारिणां वेङ्कटेशः खगेन्द्र
nakṣatravaddṛśyate śrīnivāsaḥ sadā ṛṣīṇāmaparokṣo haristu / sa sūryavaddṛśyate śrīnivāsaḥ saṃsāriṇāṃ veṅkaṭeśaḥ khagendra
Sanskrit only: no published translation is held for this verse.
संदोहवद्दृश्यते वै प्रकाशो मिथ्यावतां दृश्यते श्रीनिवासः । पाषाणवन्नैल्यरूपप्रकाशः शिलामात्रे दृष्यते वै कलौ च
saṃdohavaddṛśyate vai prakāśo mithyāvatāṃ dṛśyate śrīnivāsaḥ / pāṣāṇavannailyarūpaprakāśaḥ śilāmātre dṛṣyate vai kalau ca
Sanskrit only: no published translation is held for this verse.
नृणां सर्वेषां श्रीनिवासो हरिस्तु कलौ स्वरूपं श्रीनिवासस्य देवी । न मानुषाः प्रविजानन्ति सर्वे यतः कलौ तामसा राजसास्तु
nṛṇāṃ sarveṣāṃ śrīnivāso haristu kalau svarūpaṃ śrīnivāsasya devī / na mānuṣāḥ pravijānanti sarve yataḥ kalau tāmasā rājasāstu
Sanskrit only: no published translation is held for this verse.
तत्संगिनः सात्त्विकाः केचिदेव ह्यतो भक्ता दुर्लभा वै कलौ च । ये दृश्यन्ते भक्तवत्ते न भक्ताः शिश्रोदरयोर्भरणे चैव सक्ताः
tatsaṃginaḥ sāttvikāḥ kecideva hyato bhaktā durlabhā vai kalau ca / ye dṛśyante bhaktavatte na bhaktāḥ śiśrodarayorbharaṇe caiva saktāḥ
Sanskrit only: no published translation is held for this verse.
कुर्वन्ति यात्रां च तदर्थमेव भक्तिज्ञानं दुर्लभं वै कलौ च । भक्ता ये वै न विरक्ताः सदैव तेषां हरेर्दर्शनं दुर्लभं च
kurvanti yātrāṃ ca tadarthameva bhaktijñānaṃ durlabhaṃ vai kalau ca / bhaktā ye vai na viraktāḥ sadaiva teṣāṃ harerdarśanaṃ durlabhaṃ ca
Sanskrit only: no published translation is held for this verse.
भक्तस्वरूपं तव वक्ष्ये खगेन्द्र यो ज्ञानपूर्णः परमे स्निग्ध एव । न च द्वेषैर्बन्धुरो भक्तियुक्तस्तव द्वेषाञ्छृणु वक्ष्ये च सम्यक्
bhaktasvarūpaṃ tava vakṣye khagendra yo jñānapūrṇaḥ parame snigdha eva / na ca dveṣairbandhuro bhaktiyuktastava dveṣāñchṛṇu vakṣye ca samyak
Sanskrit only: no published translation is held for this verse.
जीवाभिदा हरिणाप्राकृतेन स्वतन्त्रेण ह्यस्वतन्त्रस्य नित्यम् । ज्ञानानन्दैः परिपूर्णे हरौ च गुणैरपूर्णो हरिरित्येव चिन्ता
jīvābhidā hariṇāprākṛtena svatantreṇa hyasvatantrasya nityam / jñānānandaiḥ paripūrṇe harau ca guṇairapūrṇo harirityeva cintā
Sanskrit only: no published translation is held for this verse.
श्रीब्रह्मरुद्रादिदिवौकसां सदा तथा द्विजानां संमानायाश्च चिन्ता । विष्णोः सकाशाद्ब्रह्मरुद्रादिकानां सदाधिक्यालोचनं द्वेष एव
śrībrahmarudrādidivaukasāṃ sadā tathā dvijānāṃ saṃmānāyāśca cintā / viṣṇoḥ sakāśādbrahmarudrādikānāṃ sadādhikyālocanaṃ dveṣa eva
Sanskrit only: no published translation is held for this verse.
विष्णोर्भद्रे हस्तपादादिकानां भेदज्ञानं द्वेषमाहुर्महान्तः । अवताराणा छेदभेदादिकं च तथोच्यते मरणस्यापि चिन्ता
viṣṇorbhadre hastapādādikānāṃ bhedajñānaṃ dveṣamāhurmahāntaḥ / avatārāṇā chedabhedādikaṃ ca tathocyate maraṇasyāpi cintā
Sanskrit only: no published translation is held for this verse.
तद्भक्तानां द्वेषणं चाहुरार्यास्तद्वाक्यानां दूषणं द्वेष एव । नच द्वेषैः संयुता ये च लोके कन्ये दृश्यन्ते न तु भक्ताः कदाचित्
tadbhaktānāṃ dveṣaṇaṃ cāhurāryāstadvākyānāṃ dūṣaṇaṃ dveṣa eva / naca dveṣaiḥ saṃyutā ye ca loke kanye dṛśyante na tu bhaktāḥ kadācit
Sanskrit only: no published translation is held for this verse.
कन्योवाच । जैगीषव्य ब्रूहि मे के च भक्ता भक्तिं कथं दर्शयामासुरेते । तेषां हरिः श्रीनिवासो महात्मा त्राता सदा भक्तवर्गे दयालुः
kanyovāca / jaigīṣavya brūhi me ke ca bhaktā bhaktiṃ kathaṃ darśayāmāsurete / teṣāṃ hariḥ śrīnivāso mahātmā trātā sadā bhaktavarge dayāluḥ
Sanskrit only: no published translation is held for this verse.
जैगीषव्यस्त्वेवमुक्तो महात्मा उवाच कन्यां संस्मरन् भक्तवर्यः । जैगीषव्य उवाच । प्रहादाद्या श्रीनिवासस्य भक्ताः कृत्वा नृसिंहे चोत्तमां भक्तिमेव
jaigīṣavyastvevamukto mahātmā uvāca kanyāṃ saṃsmaran bhaktavaryaḥ / jaigīṣavya uvāca / prahādādyā śrīnivāsasya bhaktāḥ kṛtvā nṛsiṃhe cottamāṃ bhaktimeva
Sanskrit only: no published translation is held for this verse.
अवाप साम्राज्यमनुत्तमं च ज्ञानं नृसिंहात्समवाप पश्चात् । पराशरः श्रीनिबासस्य भक्तो भक्तिं कृत्वा व्यासरूपं हरिं च
avāpa sāmrājyamanuttamaṃ ca jñānaṃ nṛsiṃhātsamavāpa paścāt / parāśaraḥ śrīnibāsasya bhakto bhaktiṃ kṛtvā vyāsarūpaṃ hariṃ ca
Sanskrit only: no published translation is held for this verse.
स्तुत्वा तेन ज्ञानतत्त्वं ह्यवाप्य जगाम मोक्षं भक्तिसंवर्धितात्मा । यो नारदः श्रीनिवासस्य भक्तो भक्तिं कृत्वा गर्भवासे हरौ च
stutvā tena jñānatattvaṃ hyavāpya jagāma mokṣaṃ bhaktisaṃvardhitātmā / yo nāradaḥ śrīnivāsasya bhakto bhaktiṃ kṛtvā garbhavāse harau ca
Sanskrit only: no published translation is held for this verse.
तया भक्त्या ब्रह्मपुत्रत्वमाप ज्ञानप्राप्त्या तेन मुक्तिं जगाम । यो ह्यंबरीषः श्रीनिवासस्य भक्तः कृत्वा भक्तिं परदेव हरौ च
tayā bhaktyā brahmaputratvamāpa jñānaprāptyā tena muktiṃ jagāma / yo hyaṃbarīṣaḥ śrīnivāsasya bhaktaḥ kṛtvā bhaktiṃ paradeva harau ca
Sanskrit only: no published translation is held for this verse.
जप्त्वा ज्ञानं प्राप्य दुर्वासकश्चाप्यवाप मोक्षं तेन संवर्धितात्मा । मुचुकुन्दो वै श्रीनिवासस्य भक्तो वैराग्यतो भक्तिदार्ढ्यं च कृत्वा
japtvā jñānaṃ prāpya durvāsakaścāpyavāpa mokṣaṃ tena saṃvardhitātmā / mucukundo vai śrīnivāsasya bhakto vairāgyato bhaktidārḍhyaṃ ca kṛtvā
Sanskrit only: no published translation is held for this verse.
तत्त्वज्ञानं प्राप्य विष्णोर्महात्मा ह्यवाप मोक्षं तेन संवर्धितात्मा । स पुण्डरीकः श्रीनिवासस्य भक्तः पित्रादिष्टो विष्णुभक्तिं च कृत्वा
tattvajñānaṃ prāpya viṣṇormahātmā hyavāpa mokṣaṃ tena saṃvardhitātmā / sa puṇḍarīkaḥ śrīnivāsasya bhaktaḥ pitrādiṣṭo viṣṇubhaktiṃ ca kṛtvā
Sanskrit only: no published translation is held for this verse.
हरिप्रासादाज्ज्ञानमनुत्तमं चाप्यवाप मोक्षं भक्तिसंवर्धितात्मा । ब्रह्मा च वायुश्च सरस्वती च ज्ञातव्याः सर्वे ऋजुयोगिनश्च
hariprāsādājjñānamanuttamaṃ cāpyavāpa mokṣaṃ bhaktisaṃvardhitātmā / brahmā ca vāyuśca sarasvatī ca jñātavyāḥ sarve ṛjuyoginaśca
Sanskrit only: no published translation is held for this verse.
अच्छिन्नभक्ताश्च सदा मुरारेर्न काम्यरक्ताः शुद्धरूपा हि ते च । गिरीशनागेशखगेशसंज्ञा देवाः शुक्रारौ गुरुचन्द्रेन्दुसूर्याः
acchinnabhaktāśca sadā murārerna kāmyaraktāḥ śuddharūpā hi te ca / girīśanāgeśakhageśasaṃjñā devāḥ śukrārau gurucandrendusūryāḥ
Sanskrit only: no published translation is held for this verse.
जलेशोग्निर्मनुधर्मौ कुबेरः विघ्नेशनासत्यमरुद्गणाश्च । पर्जन्यमित्रादय एव सर्वे सदा ह्येते श्रीनिवासस्य भक्ताः
jaleśognirmanudharmau kuberaḥ vighneśanāsatyamarudgaṇāśca / parjanyamitrādaya eva sarve sadā hyete śrīnivāsasya bhaktāḥ
Sanskrit only: no published translation is held for this verse.
विश्वामित्रो भृगुरौर्वश्च कुत्सो मरीचिरत्रिः पुलहः क्रतुश्च । शक्तिर्वसिष्ठो सौतमीयो पुलस्त्यो भारद्वाजः श्रीनिवासस्य भक्ताः
viśvāmitro bhṛguraurvaśca kutso marīciratriḥ pulahaḥ kratuśca / śaktirvasiṣṭho sautamīyo pulastyo bhāradvājaḥ śrīnivāsasya bhaktāḥ
Sanskrit only: no published translation is held for this verse.
मान्धाता नहुष्ॐबरीषसगरौ राजा पृथुर्हैहयो इक्ष्वाकुर्भरतो ययातिसुतलौ धर्मो विकुक्षिस्तथा । उत्तानश्च बिभीषणो दशरथो ह्येते महाज्ञानिनः श्रीमद्वेङ्कटनायकस्य च गुरोर्भक्ताः सदा संस्मृताः
māndhātā nahuṣoṃbarīṣasagarau rājā pṛthurhaihayo ikṣvākurbharato yayātisutalau dharmo vikukṣistathā / uttānaśca bibhīṣaṇo daśaratho hyete mahājñāninaḥ śrīmadveṅkaṭanāyakasya ca gurorbhaktāḥ sadā saṃsmṛtāḥ
Sanskrit only: no published translation is held for this verse.
भागीरथी समुद्रश्च यमुना च सरस्वती । गोदावरी नर्मदा च कृष्णा भीमरथी तथा
bhāgīrathī samudraśca yamunā ca sarasvatī / godāvarī narmadā ca kṛṣṇā bhīmarathī tathā
Sanskrit only: no published translation is held for this verse.
सरयूफल्गुकावेरीगण्डकी कपिला स्तथा । इत्येताश्च हरेर्भक्ताः संति चात्रैव भामिनि
sarayūphalgukāverīgaṇḍakī kapilā stathā / ityetāśca harerbhaktāḥ saṃti cātraiva bhāmini
Sanskrit only: no published translation is held for this verse.
अभिप्रायं तत्र वक्ष्ये शृणु कन्ये मया सति । यत्र प्रवर्तते मार्गे कथा विष्णोर्महात्मनः
abhiprāyaṃ tatra vakṣye śṛṇu kanye mayā sati / yatra pravartate mārge kathā viṣṇormahātmanaḥ
Sanskrit only: no published translation is held for this verse.
वर्तन्ते वैष्णवा यत्र हरितत्त्वार्थबोधकाः । तत्रैव भक्ताः सर्वेपि संति विष्णोस्तथैव च
vartante vaiṣṇavā yatra haritattvārthabodhakāḥ / tatraiva bhaktāḥ sarvepi saṃti viṣṇostathaiva ca
Sanskrit only: no published translation is held for this verse.
ये देवयात्रां परमात्मचिन्तया कुर्वन्ति ते हरिभक्ताश्च नान्ये । यतो हरौ परमे वैष्णवानां सर्वं निष्ठामेति कृत्यं खगेन्द्र
ye devayātrāṃ paramātmacintayā kurvanti te haribhaktāśca nānye / yato harau parame vaiṣṇavānāṃ sarvaṃ niṣṭhāmeti kṛtyaṃ khagendra
Sanskrit only: no published translation is held for this verse.
शेषाचलं समासाद्य ह्यन्नवस्त्रादिभूषणम् । यो न दद्यादभक्तः स ततः को नु परः पशुः
śeṣācalaṃ samāsādya hyannavastrādibhūṣaṇam / yo na dadyādabhaktaḥ sa tataḥ ko nu paraḥ paśuḥ
Sanskrit only: no published translation is held for this verse.
भक्ता हरेः श्रीनिवासाचले च गङ्गादिरूपेण च तत्रतत्र । तिष्ठन्ति सेवार्थमुरुक्रमस्य तेषां पूजा नैव कार्या च देवि
bhaktā hareḥ śrīnivāsācale ca gaṅgādirūpeṇa ca tatratatra / tiṣṭhanti sevārthamurukramasya teṣāṃ pūjā naiva kāryā ca devi
Sanskrit only: no published translation is held for this verse.
अभिप्रायं तत्र वक्ष्ये शृणु त्वं तत्र स्थले वस्त्रगन्धादिधूपैः । पुराणोक्ता अपि भेदेन पूज्या दृष्ट्वा च तान्वन्दयेत्प्राज्ञ एव
abhiprāyaṃ tatra vakṣye śṛṇu tvaṃ tatra sthale vastragandhādidhūpaiḥ / purāṇoktā api bhedena pūjyā dṛṣṭvā ca tānvandayetprājña eva
Sanskrit only: no published translation is held for this verse.
सद्ब्राह्मणान्वन्दयेत्पादमूले हस्तौ च द्वौ संपुटीकृत्य देवि । साष्टाङ्गरुपं वन्दनं चैव विष्णोः कुर्यात्तथा गुरवे विष्णुबुद्ध्या
sadbrāhmaṇānvandayetpādamūle hastau ca dvau saṃpuṭīkṛtya devi / sāṣṭāṅgarupaṃ vandanaṃ caiva viṣṇoḥ kuryāttathā gurave viṣṇubuddhyā
Sanskrit only: no published translation is held for this verse.
गङ्गादीनां वन्दनं कार्यमेव साष्टाङ्गं वै तुलसीनां तथैव । अश्वत्थानां नमनं कार्यमेव गवादीनां नमनं मानसेन
gaṅgādīnāṃ vandanaṃ kāryameva sāṣṭāṅgaṃ vai tulasīnāṃ tathaiva / aśvatthānāṃ namanaṃ kāryameva gavādīnāṃ namanaṃ mānasena
Sanskrit only: no published translation is held for this verse.
पूजा सदा देवदेवस्य विष्णोः कार्या भक्त्या वैष्णवैरेव नान्यैः । ये नामका ज्ञानवन्तः सुभक्ताः सदैव कार्या विष्णुपूजा च कन्ये
pūjā sadā devadevasya viṣṇoḥ kāryā bhaktyā vaiṣṇavaireva nānyaiḥ / ye nāmakā jñānavantaḥ subhaktāḥ sadaiva kāryā viṣṇupūjā ca kanye
Sanskrit only: no published translation is held for this verse.
ये नामका ज्ञानवन्तः सुभक्ताः सदैवं कार्या विष्णुपूजा च कन्ये । येनामका विष्णुभक्ताः सदैव पूजा विष्णोर्नैव कार्यात्र देवि
ye nāmakā jñānavantaḥ subhaktāḥ sadaivaṃ kāryā viṣṇupūjā ca kanye / yenāmakā viṣṇubhaktāḥ sadaiva pūjā viṣṇornaiva kāryātra devi
Sanskrit only: no published translation is held for this verse.
मोहाद्यो वै पूजयेद्देवदेवं महाधर्माद्याति चान्धं तमो वै । ब्रह्मादिनामानि हरेर्हि देवीं विष्णोः स्वनामानि ददौ दिवौकसाम्
mohādyo vai pūjayeddevadevaṃ mahādharmādyāti cāndhaṃ tamo vai / brahmādināmāni harerhi devīṃ viṣṇoḥ svanāmāni dadau divaukasām
Sanskrit only: no published translation is held for this verse.
नादाद्धीरः केशवादीनि कन्ये स्वकं पुरं प्रविहायैव राजा । एवं मयोक्तं कन्यके सर्वमेतदेतत्परं सम्यगारोहणीयम्
nādāddhīraḥ keśavādīni kanye svakaṃ puraṃ pravihāyaiva rājā / evaṃ mayoktaṃ kanyake sarvametadetatparaṃ samyagārohaṇīyam
Sanskrit only: no published translation is held for this verse.
गोविन्द नारायण माधवेति यूयं मया सर्वमाराधितव्यम् । सर्वे मिलित्वा पुनरेवं खगेन्द्र समारुहन्वैङ्कटाद्रिं गृणन्तः
govinda nārāyaṇa mādhaveti yūyaṃ mayā sarvamārādhitavyam / sarve militvā punarevaṃ khagendra samāruhanvaiṅkaṭādriṃ gṛṇantaḥ
Sanskrit only: no published translation is held for this verse.
हरेर्नामान्यत्र पूर्वं गृणन्तस्त्वास्वादयन्तः श्रीनिवासस्य नाम । द्रष्टुं सर्वे श्रीनिवासं तथैव कुर्वन्तस्ते तलशब्दं नदन्तः
harernāmānyatra pūrvaṃ gṛṇantastvāsvādayantaḥ śrīnivāsasya nāma / draṣṭuṃ sarve śrīnivāsaṃ tathaiva kurvantaste talaśabdaṃ nadantaḥ
Sanskrit only: no published translation is held for this verse.
इति कृष्णवचः श्रुत्वा तार्क्ष्यः कृष्णमुवाचह कथमास्वादनं चक्रुरेतद्विस्तीर्यमे वद । श्रीकृष्ण उवाच । भो श्रीनिवास तव नामैव चैतन्नाम स्वामी ननु नामैव स्वामी । यां ब्रह्माद्या आश्रयन्तीत्ति यस्मात्तस्माद्रमा श्रीरिति नाम चाप
iti kṛṣṇavacaḥ śrutvā tārkṣyaḥ kṛṣṇamuvācaha kathamāsvādanaṃ cakruretadvistīryame vada / śrīkṛṣṇa uvāca / bho śrīnivāsa tava nāmaiva caitannāma svāmī nanu nāmaiva svāmī / yāṃ brahmādyā āśrayantītti yasmāttasmādramā śrīriti nāma cāpa
Sanskrit only: no published translation is held for this verse.
रमाश्रयत्वान्नितरां सर्वदा चेत्यतो हरिः श्रीनिवासाभिधानः । भो श्रीनिवासेति तु नर्तयन्तो रोमाञ्चमात्रास्तलशब्दकारिणः
ramāśrayatvānnitarāṃ sarvadā cetyato hariḥ śrīnivāsābhidhānaḥ / bho śrīnivāseti tu nartayanto romāñcamātrāstalaśabdakāriṇaḥ
Sanskrit only: no published translation is held for this verse.
अद्यैव पश्याम हरेस्तवास्यं कदा वयं कृत कृत्या भवामः । भोः केशवाद्यैव पदारविन्दं संदर्शयित्वा सुदयां कुरुष्व
adyaiva paśyāma harestavāsyaṃ kadā vayaṃ kṛta kṛtyā bhavāmaḥ / bhoḥ keśavādyaiva padāravindaṃ saṃdarśayitvā sudayāṃ kuruṣva
Sanskrit only: no published translation is held for this verse.
ब्रह्माणमाहुश्च पुराणमाहुः कशब्दवाच्यं सर्वलोकेशमाहुः । ईशं चार्हं रुद्रमित्येव चाहुस्तत्प्रेरकं सृष्टिसंहारकार्ये
brahmāṇamāhuśca purāṇamāhuḥ kaśabdavācyaṃ sarvalokeśamāhuḥ / īśaṃ cārhaṃ rudramityeva cāhustatprerakaṃ sṛṣṭisaṃhārakārye
Sanskrit only: no published translation is held for this verse.
अतो हरिः केशवनामधेयो भोः केशवेति च नर्तयन्तः । आनन्दवापीं संस्त्रवन्तोभि जग्मुर्नारायणेति प्रवदन्तो हि जग्मुः
ato hariḥ keśavanāmadheyo bhoḥ keśaveti ca nartayantaḥ / ānandavāpīṃ saṃstravantobhi jagmurnārāyaṇeti pravadanto hi jagmuḥ
Sanskrit only: no published translation is held for this verse.
अतो दोषास्तद्विरुद्धा गुणाश्च नाराश्च तेषामाश्रयत्वान्मुरारिः । नारायणेति प्रवदन्तीह लोके नारानुबन्धात्सर्वमुक्ताः खगेन्द्र
ato doṣāstadviruddhā guṇāśca nārāśca teṣāmāśrayatvānmurāriḥ / nārāyaṇeti pravadantīha loke nārānubandhātsarvamuktāḥ khagendra
Sanskrit only: no published translation is held for this verse.
नाराः प्रोक्ता आश्रयत्वाच्च तेषामतोपि नारायण एव वीन्द्र । मुक्ताश्च ये तु प्रपदंनु जग्मुरण्डोदकं यस्य कटाक्षमात्रात्
nārāḥ proktā āśrayatvācca teṣāmatopi nārāyaṇa eva vīndra / muktāśca ye tu prapadaṃnu jagmuraṇḍodakaṃ yasya kaṭākṣamātrāt
Sanskrit only: no published translation is held for this verse.
यदुत्पन्नं तेन नाराः खगेन्द्र तेषां सदाप्याश्रयत्वाच्च वीन्द्र । नारायणेति प्रवदन्तीह लोके ह्यनन्तब्रह्माण्डविसर्जकत्वात्
yadutpannaṃ tena nārāḥ khagendra teṣāṃ sadāpyāśrayatvācca vīndra / nārāyaṇeti pravadantīha loke hyanantabrahmāṇḍavisarjakatvāt
Sanskrit only: no published translation is held for this verse.
एवं ननृतुः परिशंसयन्तो गोविन्द नान्यो हि न चैव दर्शनम् । गोशब्दवाच्यास्तु समस्तवाचो गोभिश्च सर्वैः प्रतिपाद्यते यतः
evaṃ nanṛtuḥ pariśaṃsayanto govinda nānyo hi na caiva darśanam / gośabdavācyāstu samastavāco gobhiśca sarvaiḥ pratipādyate yataḥ
Sanskrit only: no published translation is held for this verse.
अतो हि गोविन्द इति स्मृतः सदा भो वेदवेद्येति तथा न ननृतुः । आनन्दबाष्पैश्च समन्विता हि हरे मुरारे तव दर्शनं हि
ato hi govinda iti smṛtaḥ sadā bho vedavedyeti tathā na nanṛtuḥ / ānandabāṣpaiśca samanvitā hi hare murāre tava darśanaṃ hi
Sanskrit only: no published translation is held for this verse.
देहि प्रभो वै तवदासदासाश्चतुर्दशे भुवने सर्वदापि । यतस्त्वमेवं वसतीति वासुश्चात्रैव नित्यं क्रीडते सर्वदैव
dehi prabho vai tavadāsadāsāścaturdaśe bhuvane sarvadāpi / yatastvamevaṃ vasatīti vāsuścātraiva nityaṃ krīḍate sarvadaiva
Sanskrit only: no published translation is held for this verse.
यतो देवेत्येवमाहुर्महान्तस्त्वतो हरिं वासुदेवेति चाहुः । भो वासुदेवेति ननृतुः सर्वदैव भो माधवेति ननृतुश्चैव सर्वे
yato devetyevamāhurmahāntastvato hariṃ vāsudeveti cāhuḥ / bho vāsudeveti nanṛtuḥ sarvadaiva bho mādhaveti nanṛtuścaiva sarve
Sanskrit only: no published translation is held for this verse.
लक्ष्मीपते चेति वदन्ति सर्वे धनीति शब्दः स्वाभिवाची यतो हि । अतोप्यार्या माधवेति ब्रुवन्ति लक्ष्मीपते पाहि तथैव भक्तान्
lakṣmīpate ceti vadanti sarve dhanīti śabdaḥ svābhivācī yato hi / atopyāryā mādhaveti bruvanti lakṣmīpate pāhi tathaiva bhaktān
Sanskrit only: no published translation is held for this verse.
ते वै ब्रुवन्तो ननृतुश्च जग्मुर्विष्णो सदास्मान्परिपाहि नित्यम् । सर्वत्र यस्माद्विततोसि तस्मादित्यादिनामानि गृणन्त एव । जग्मुश्च सर्वे ददृशुश्च तीर्थं भक्त्योपेताः श्रीनिवासं स्मरन्तः
te vai bruvanto nanṛtuśca jagmurviṣṇo sadāsmānparipāhi nityam / sarvatra yasmādvitatosi tasmādityādināmāni gṛṇanta eva / jagmuśca sarve dadṛśuśca tīrthaṃ bhaktyopetāḥ śrīnivāsaṃ smarantaḥ
Sanskrit only: no published translation is held for this verse.
कन्योवाच । किं नामकं तीर्थमिदं मुनीन्द्र किं कार्यमत्र प्रवदास्मान्कृतीश । कस्मै प्रसन्नो भगवाञ्छ्रीनिवासस्त्वस्मिन्सुतीर्थं वद विस्तरेण
kanyovāca / kiṃ nāmakaṃ tīrthamidaṃ munīndra kiṃ kāryamatra pravadāsmānkṛtīśa / kasmai prasanno bhagavāñchrīnivāsastvasminsutīrthaṃ vada vistareṇa
Sanskrit only: no published translation is held for this verse.
जैगीषव्य उवाच । कन्ये शृणु त्वं ह्यभवत्सुबुद्धिमान्प्रह्रादसंज्ञो हरिभक्तवर्यः । निष्कामबुद्ध्या तु यदा जगाम शेषाचलस्थं श्रीनिवासं च द्रष्टुम्
jaigīṣavya uvāca / kanye śṛṇu tvaṃ hyabhavatsubuddhimānprahrādasaṃjño haribhaktavaryaḥ / niṣkāmabuddhyā tu yadā jagāma śeṣācalasthaṃ śrīnivāsaṃ ca draṣṭum
Sanskrit only: no published translation is held for this verse.
अस्मिंस्थले दैत्यकुमारकान्प्रति हरेश्च तत्त्वं परिपृष्टवान्प्रभुः । नृसिंहरूपं श्रीनिवासं भजस्व सुदुर्लभं मानुषं जन्म कन्ये
asmiṃsthale daityakumārakānprati hareśca tattvaṃ paripṛṣṭavānprabhuḥ / nṛsiṃharūpaṃ śrīnivāsaṃ bhajasva sudurlabhaṃ mānuṣaṃ janma kanye
Sanskrit only: no published translation is held for this verse.
तत्रापि विष्णोर्नृहरे सुतत्त्वं सुदुर्लभं सुष्ठु यात्रा तथैव । यस्यां यात्रायां यत्र कुत्रापि देशे हरेः कथा वर्तते दैत्यवर्याः
tatrāpi viṣṇornṛhare sutattvaṃ sudurlabhaṃ suṣṭhu yātrā tathaiva / yasyāṃ yātrāyāṃ yatra kutrāpi deśe hareḥ kathā vartate daityavaryāḥ
Sanskrit only: no published translation is held for this verse.
तत्र स्थले हरिरास्ते सदैव यतो व्याप्तः सर्वतो वै नृसिंहः । एतच्छ्रुत्वा दैत्यकुमारकास्ते प्रह्लादमूचुर्भक्तवर्यं हरेश्च
tatra sthale harirāste sadaiva yato vyāptaḥ sarvato vai nṛsiṃhaḥ / etacchrutvā daityakumārakāste prahlādamūcurbhaktavaryaṃ hareśca
Sanskrit only: no published translation is held for this verse.
व्याप्तो हरिश्चेत्कथमत्र वै सखे न दृश्यते जलरूपी नृसिंहः । स एवमुक्तो दानवानां सुतैश्च तुष्टाव विष्णुं परमादरेण
vyāpto hariścetkathamatra vai sakhe na dṛśyate jalarūpī nṛsiṃhaḥ / sa evamukto dānavānāṃ sutaiśca tuṣṭāva viṣṇuṃ paramādareṇa
Sanskrit only: no published translation is held for this verse.
तव स्वरूपं मम दर्शयस्व स्वयोग्यरूपं दानवानां सुतानाम् । इति स्तुतः श्रीनिवासो हरिस्तु तस्मिन्नन्तर्जलरूपं समायात्
tava svarūpaṃ mama darśayasva svayogyarūpaṃ dānavānāṃ sutānām / iti stutaḥ śrīnivāso haristu tasminnantarjalarūpaṃ samāyāt
Sanskrit only: no published translation is held for this verse.
अस्मिन्स्नानं ये प्रकुर्वन्ति तीर्थे तेषां ज्ञानं परमं दृढं स्यात् । अत्र स्नाने मानुषाणां च तात बुद्धिर्न हि स्यात्कलिकाले विशेषात्
asminsnānaṃ ye prakurvanti tīrthe teṣāṃ jñānaṃ paramaṃ dṛḍhaṃ syāt / atra snāne mānuṣāṇāṃ ca tāta buddhirna hi syātkalikāle viśeṣāt
Sanskrit only: no published translation is held for this verse.
दत्त्वां वरं दैत्यवराय विष्णुरन्तर्दधे जलपूर्णे सुकुण्डे । अद्याप्यास्ते जलमध्ये नृसिंहः प्रह्लादोपि दैत्यकुमारकैः सह
dattvāṃ varaṃ daityavarāya viṣṇurantardadhe jalapūrṇe sukuṇḍe / adyāpyāste jalamadhye nṛsiṃhaḥ prahlādopi daityakumārakaiḥ saha
Sanskrit only: no published translation is held for this verse.
तस्मिन् सुतीर्थे परितस्तत्रतत्र जयेति शब्दः श्रूयते चापराह्ने । इदं तीर्थं नारसिंहाभिधं च कन्येस्नानं ह्यत्र कार्यं मनुष्यैः
tasmin sutīrthe paritastatratatra jayeti śabdaḥ śrūyate cāparāhne / idaṃ tīrthaṃ nārasiṃhābhidhaṃ ca kanyesnānaṃ hyatra kāryaṃ manuṣyaiḥ
Sanskrit only: no published translation is held for this verse.
स्नानं कृत्वा तत्र तीर्थे च सम्यग्दीपं दत्त्वा द्विजवर्याय मुख्यम् । द्रष्टुं पुनः श्रीनिवासं प्रजग्मुर्गोविन्दगोविन्द इति ब्रुवन्तः
snānaṃ kṛtvā tatra tīrthe ca samyagdīpaṃ dattvā dvijavaryāya mukhyam / draṣṭuṃ punaḥ śrīnivāsaṃ prajagmurgovindagovinda iti bruvantaḥ
Sanskrit only: no published translation is held for this verse.
मुख्यप्राणाधिष्ठितं स्थानमाप्य अपाविशत्तत्र देवी ह्युवाच । जैगीषव्यः श्रीनिवासस्य विष्णोः कथं कार्यं दर्शनं तद्वदस्व
mukhyaprāṇādhiṣṭhitaṃ sthānamāpya apāviśattatra devī hyuvāca / jaigīṣavyaḥ śrīnivāsasya viṣṇoḥ kathaṃ kāryaṃ darśanaṃ tadvadasva
Sanskrit only: no published translation is held for this verse.
जैगीषव्यः प्राह संहृष्टचित्तो ब्रवीमि तन्त्रं शृणु कन्यके त्वम् । श्रुत्वा मत्तः कुरु सर्वं मयोक्तमाद्यं द्वारं श्रीनिवासस्य दृष्ट्वा
jaigīṣavyaḥ prāha saṃhṛṣṭacitto bravīmi tantraṃ śṛṇu kanyake tvam / śrutvā mattaḥ kuru sarvaṃ mayoktamādyaṃ dvāraṃ śrīnivāsasya dṛṣṭvā
Sanskrit only: no published translation is held for this verse.
अपराधसहस्राणि क्रियन्ते ऽहर्निशं मया । तानि सर्वाणि मे देव क्षमस्व पुरुषोत्तम
aparādhasahasrāṇi kriyante 'harniśaṃ mayā / tāni sarvāṇi me deva kṣamasva puruṣottama
Sanskrit only: no published translation is held for this verse.
मानसान्वाचिकान्दोषान्कायि कानपि सर्वशः । वैष्णवद्वेषहेतून्मे भस्मसात्कुरु माधव
mānasānvācikāndoṣānkāyi kānapi sarvaśaḥ / vaiṣṇavadveṣahetūnme bhasmasātkuru mādhava
Sanskrit only: no published translation is held for this verse.
आद्यद्वारं श्रीनिवासस्य देवि सम्यक् स्मरेद्विजयं वै जयं च । दक्षाध्वरे श्रीनिवासस्य देवि चण्डं प्रचण्डं संस्मरेत्सम्यगेव
ādyadvāraṃ śrīnivāsasya devi samyak smaredvijayaṃ vai jayaṃ ca / dakṣādhvare śrīnivāsasya devi caṇḍaṃ pracaṇḍaṃ saṃsmaretsamyageva
Sanskrit only: no published translation is held for this verse.
पाश्चात्यभागे श्रीनिवासस्य देवि नन्दं सुनन्दं संस्मरेदेव भक्त्या । सव्यद्वारे श्रीनिवासस्य कन्ये स्मरेत्कुमुदाक्षं कुमुदन्तमेव
pāścātyabhāge śrīnivāsasya devi nandaṃ sunandaṃ saṃsmaredeva bhaktyā / savyadvāre śrīnivāsasya kanye smaretkumudākṣaṃ kumudantameva
Sanskrit only: no published translation is held for this verse.
यश्चैव देहं प्रविशेद्भक्तिपूर्वं कदा द्रक्ष्ये सादरेणैव देवि । प्रदक्षिणद्वादशकं च कृत्वा पदे पदे संस्मरेच्छ्रीनिवासम्
yaścaiva dehaṃ praviśedbhaktipūrvaṃ kadā drakṣye sādareṇaiva devi / pradakṣiṇadvādaśakaṃ ca kṛtvā pade pade saṃsmarecchrīnivāsam
Sanskrit only: no published translation is held for this verse.
श्रीस्वामितीर्थे सम्यगाचम्य नत्वा स्नात्वा नत्वा भूवराहं च देवि । अयुद्वारं प्रिवशेद्भक्तिपृर्वं गोविन्दगोविन्द इतिब्रुवन्वै
śrīsvāmitīrthe samyagācamya natvā snātvā natvā bhūvarāhaṃ ca devi / ayudvāraṃ privaśedbhaktipṛrvaṃ govindagovinda itibruvanvai
Sanskrit only: no published translation is held for this verse.
पश्चाद्धरेर्नमनं कार्यमेव साष्टाङ्गरूपं प्रविशेद्देवगेहम् । पुनर्विशेद्वारतः संस्थितः स पीठस्थदेवान्मानसा चिन्तयीत
paścāddharernamanaṃ kāryameva sāṣṭāṅgarūpaṃ praviśeddevageham / punarviśedvārataḥ saṃsthitaḥ sa pīṭhasthadevānmānasā cintayīta
Sanskrit only: no published translation is held for this verse.
मध्ये पीठं श्रीनिवासं च देवी नारायणं प्रणमेत्पूर्णमेव । देवस्य सव्ये पीठभागाद्वहिश्च नमस्कार्यं गुरुदेवाय चैव
madhye pīṭhaṃ śrīnivāsaṃ ca devī nārāyaṇaṃ praṇametpūrṇameva / devasya savye pīṭhabhāgādvahiśca namaskāryaṃ gurudevāya caiva
Sanskrit only: no published translation is held for this verse.
पीठस्याग्राच्चाप्यधस्तात्प्रदेशे आग्नेयकोणे प्रणमेद्वै खगेन्द्र । नैरृत्यभागे व्यासदेवाय देवि नमस्कार्यो वैष्णवः सर्वदापि
pīṭhasyāgrāccāpyadhastātpradeśe āgneyakoṇe praṇamedvai khagendra / nairṛtyabhāge vyāsadevāya devi namaskāryo vaiṣṇavaḥ sarvadāpi
Sanskrit only: no published translation is held for this verse.
वायव्यकोणे भक्तिपूर्वं सुदुर्गां नमस्कुर्याद्भक्तिसंवर्धितात्मा । पीठस्योर्ध्वं ह्यग्निकोणेषु देवी धर्माधिभूताय नमो यमाय
vāyavyakoṇe bhaktipūrvaṃ sudurgāṃ namaskuryādbhaktisaṃvardhitātmā / pīṭhasyordhvaṃ hyagnikoṇeṣu devī dharmādhibhūtāya namo yamāya
Sanskrit only: no published translation is held for this verse.
पीठस्योर्ध्वं नैरृतस्योर्ध्वकोणे ज्ञानाधिपं प्रणमेद्वायुदेवम् । पीठस्योर्ध्वं वायुकोणे च सुभ्रूर्वैराग्यानामधिपं चैव रुद्रम्
pīṭhasyordhvaṃ nairṛtasyordhvakoṇe jñānādhipaṃ praṇamedvāyudevam / pīṭhasyordhvaṃ vāyukoṇe ca subhrūrvairāgyānāmadhipaṃ caiva rudram
Sanskrit only: no published translation is held for this verse.
पीठस्योर्ध्वं त्वीशकोणे च देवि ऐश्वर्याणामधिपं चेन्द्रदेवम् । पीठस्य पूर्वे प्रणमेन्नैरृतिं च अर्याम्णानामधिपं चात्र देवि
pīṭhasyordhvaṃ tvīśakoṇe ca devi aiśvaryāṇāmadhipaṃ cendradevam / pīṭhasya pūrve praṇamennairṛtiṃ ca aryāmṇānāmadhipaṃ cātra devi
Sanskrit only: no published translation is held for this verse.
देवस्य पीठस्य च दक्षिणे च दुर्गां नमेदुग्ररूपाभिधां च । पीठस्य कन्ये प्रणमेत्पश्चिमे वै आरोग्याणा मधिपं कामदेवम्
devasya pīṭhasya ca dakṣiṇe ca durgāṃ namedugrarūpābhidhāṃ ca / pīṭhasya kanye praṇametpaścime vai ārogyāṇā madhipaṃ kāmadevam
Sanskrit only: no published translation is held for this verse.
देवस्य पीठस्योत्तरे रुद्रदेवमनैश्वर्याणामधिपं संस्मरेच्च । पीठस्य मध्ये प्रणमेद्वै वराहं सदा कन्ये परमं पूरुषाख्यम्
devasya pīṭhasyottare rudradevamanaiśvaryāṇāmadhipaṃ saṃsmarecca / pīṭhasya madhye praṇamedvai varāhaṃ sadā kanye paramaṃ pūruṣākhyam
Sanskrit only: no published translation is held for this verse.
तस्योपरिष्टाच्छक्तिसंज्ञां च लक्ष्मीमाधाररूपां प्रणमेच्चैव नित्यम् । तस्योपरिष्टाद्वायुकूर्मौ नमेच्च तस्योपरिष्टाच्छेषकूर्मौ नमेच्च
tasyopariṣṭācchaktisaṃjñāṃ ca lakṣmīmādhārarūpāṃ praṇameccaiva nityam / tasyopariṣṭādvāyukūrmau namecca tasyopariṣṭāccheṣakūrmau namecca
Sanskrit only: no published translation is held for this verse.
तस्योपरिष्टादभिमानिनीं भुवो भूदेवतां प्रणमेच्चैव सुभ्रूः । तस्योपरिष्टाद्वरुणं संस्मरेच्च क्षीरोदधेरधिपं चैव देवम्
tasyopariṣṭādabhimāninīṃ bhuvo bhūdevatāṃ praṇameccaiva subhrūḥ / tasyopariṣṭādvaruṇaṃ saṃsmarecca kṣīrodadheradhipaṃ caiva devam
Sanskrit only: no published translation is held for this verse.
तस्योपरिष्टात्प्रणमेच्चैव लक्ष्मीं श्वेतद्वीपाख्यं कन्यके पूजयेच्च । तस्योपरिष्टात्प्रणमेच्चैव लक्ष्मीं महादिव्यां मण्डपसंज्ञकां च
tasyopariṣṭātpraṇameccaiva lakṣmīṃ śvetadvīpākhyaṃ kanyake pūjayecca / tasyopariṣṭātpraṇameccaiva lakṣmīṃ mahādivyāṃ maṇḍapasaṃjñakāṃ ca
Sanskrit only: no published translation is held for this verse.
पीठस्य मध्ये यमसंज्ञां च लक्ष्मीं समर्चयेद्यममध्ये च देवीम् । यमस्य देवस्य च दक्षिणे च सूर्यं नमेद्दीपरूपं च भद्रे
pīṭhasya madhye yamasaṃjñāṃ ca lakṣmīṃ samarcayedyamamadhye ca devīm / yamasya devasya ca dakṣiṇe ca sūryaṃ nameddīparūpaṃ ca bhadre
Sanskrit only: no published translation is held for this verse.
यमस्य देवस्य च वामभागे श्रियं नमेद्दीपरूपां च देवीम् । यमस्य देवस्य तु चाग्रभागे हुताशनं दीपरूपं नमेच्च
yamasya devasya ca vāmabhāge śriyaṃ nameddīparūpāṃ ca devīm / yamasya devasya tu cāgrabhāge hutāśanaṃ dīparūpaṃ namecca
Sanskrit only: no published translation is held for this verse.
देवस्याग्रे भूमिनाम्नीं नमेच्च तत्त्वाभिमानां संस्मरेच्चैव नित्यम् । पर्यङ्करूपं श्रीनिवासस्य विष्णोस्तमोभिमानां सन्नमेच्चैव दुर्गाम्
devasyāgre bhūmināmnīṃ namecca tattvābhimānāṃ saṃsmareccaiva nityam / paryaṅkarūpaṃ śrīnivāsasya viṣṇostamobhimānāṃ sannameccaiva durgām
Sanskrit only: no published translation is held for this verse.
पूर्वादिगं पीठसोपानरूपमात्मानमेकं प्रणमेच्च देवि । दक्षस्थदिक्पीठसोपानरूपं ज्ञानात्मकं प्रणमेच्चैव कन्ये
pūrvādigaṃ pīṭhasopānarūpamātmānamekaṃ praṇamecca devi / dakṣasthadikpīṭhasopānarūpaṃ jñānātmakaṃ praṇameccaiva kanye
Sanskrit only: no published translation is held for this verse.
पद्मस्य पूर्वस्थदले च देवि स्त्रीरूपाख्यं विमलाख्यामिमां च । ब्रह्मादिदेवान्प्रणमेच्च देवि आग्नेयकोणस्थदले शृणुत्वम्
padmasya pūrvasthadale ca devi strīrūpākhyaṃ vimalākhyāmimāṃ ca / brahmādidevānpraṇamecca devi āgneyakoṇasthadale śṛṇutvam
Sanskrit only: no published translation is held for this verse.
उत्कर्षनाम्नीं परमां च देवीं नमेद्रमां ब्रह्मवायू च शेषम् । दक्षस्थपद्मस्य दलाष्टके च नारायणाकारशेषादिकानाम्
utkarṣanāmnīṃ paramāṃ ca devīṃ namedramāṃ brahmavāyū ca śeṣam / dakṣasthapadmasya dalāṣṭake ca nārāyaṇākāraśeṣādikānām
Sanskrit only: no published translation is held for this verse.
स्त्रीरूपेभ्यो नमनं कार्यमेव कन्ये मया पश्चिमस्थे दले च । गोपाख्यनारायणब्रह्मवायुविप्रादिकानां शेषरूद्रादिकानाम्
strīrūpebhyo namanaṃ kāryameva kanye mayā paścimasthe dale ca / gopākhyanārāyaṇabrahmavāyuviprādikānāṃ śeṣarūdrādikānām
Sanskrit only: no published translation is held for this verse.
स्त्रीरूपेभ्यो नमनं कार्यमेव ईशान कोणस्थदलेषु चैव । ईशाननारायणमाविरिञ्चवायुर्वियच्छेषसुरादिकानाम्
strīrūpebhyo namanaṃ kāryameva īśāna koṇasthadaleṣu caiva / īśānanārāyaṇamāviriñcavāyurviyaccheṣasurādikānām
Sanskrit only: no published translation is held for this verse.
स्त्रीरूपेभ्यो नमनं कार्यमेव तथैव पद्मस्य च मध्यभागे । अनुग्रहाख्या विष्णुलक्ष्मीश्च देवी वायुर्वियच्छेषरुद्रादिकानाम्
strīrūpebhyo namanaṃ kāryameva tathaiva padmasya ca madhyabhāge / anugrahākhyā viṣṇulakṣmīśca devī vāyurviyaccheṣarudrādikānām
Sanskrit only: no published translation is held for this verse.
स्त्रीरूपाणां नमनं कार्यमेव सुयोगपीठस्य स्वरूप भूतम् । सदा नमेच्छ्रीमदनन्तसंज्ञमेवं न मेच्छ्रीनिवासं च देवम्
strīrūpāṇāṃ namanaṃ kāryameva suyogapīṭhasya svarūpa bhūtam / sadā namecchrīmadanantasaṃjñamevaṃ na mecchrīnivāsaṃ ca devam
Sanskrit only: no published translation is held for this verse.
श्रीनिवासस्य वामे तु लक्ष्मीं च प्रणमेद्वुधः । श्रीनिवासस्य सव्ये तु धरायै प्रणमेच्छुभे
śrīnivāsasya vāme tu lakṣmīṃ ca praṇamedvudhaḥ / śrīnivāsasya savye tu dharāyai praṇamecchubhe
Sanskrit only: no published translation is held for this verse.
पीठाद्वहिः पूर्वभागे कृपोल्कं प्रणमेच्छुभम् । महोल्कं दक्षिणे चैव वीरोल्कं पश्चिमे नमेत्
pīṭhādvahiḥ pūrvabhāge kṛpolkaṃ praṇamecchubham / maholkaṃ dakṣiṇe caiva vīrolkaṃ paścime namet
Sanskrit only: no published translation is held for this verse.
उत्तरे च नमः कुर्याद्युल्काय च महात्मने । चतुर्ष्वपि च कोणेषु सहस्रोल्कं नमेत्सुधीः
uttare ca namaḥ kuryādyulkāya ca mahātmane / caturṣvapi ca koṇeṣu sahasrolkaṃ nametsudhīḥ
Sanskrit only: no published translation is held for this verse.
पूर्वे तु वासुदेवाय नमस्कुर्याच्च दक्षिणे । संकर्षणाय देवाय प्रद्युम्नाय च पश्चिमे
pūrve tu vāsudevāya namaskuryācca dakṣiṇe / saṃkarṣaṇāya devāya pradyumnāya ca paścime
Sanskrit only: no published translation is held for this verse.
उत्तरे ह्यनिरुद्ध्या नमस्कुर्यादतन्द्रितः । आग्नेये च नमस्कुर्यात्कन्ये मायां सदा शुभे
uttare hyaniruddhyā namaskuryādatandritaḥ / āgneye ca namaskuryātkanye māyāṃ sadā śubhe
Sanskrit only: no published translation is held for this verse.
जयायै च नमस्कुर्यान्नैरृत्ये चापि वायवे । कृत्ये चैव नमस्कुर्यादीशान्ये शान्तिसंज्ञकाम्
jayāyai ca namaskuryānnairṛtye cāpi vāyave / kṛtye caiva namaskuryādīśānye śāntisaṃjñakām
Sanskrit only: no published translation is held for this verse.
केशवाय नमः पूर्वे तथा नारायणाय च । माधवाय नमस्कुर्यान्नैरृत्ये चापि वायवे
keśavāya namaḥ pūrve tathā nārāyaṇāya ca / mādhavāya namaskuryānnairṛtye cāpi vāyave
Sanskrit only: no published translation is held for this verse.
आग्नेये कन्यके नित्यं भक्त्या तु प्रयतः शुभे । गोविन्दाय नमस्कुर्याद्दक्षिणे विष्णवे तथा
āgneye kanyake nityaṃ bhaktyā tu prayataḥ śubhe / govindāya namaskuryāddakṣiṇe viṣṇave tathā
Sanskrit only: no published translation is held for this verse.
मधुसूदनाय भोः कन्ये नमस्कुर्यात्तु नैरृतौ । पश्चिमे त्रिविक्रमाय वामनाय तथैव च
madhusūdanāya bhoḥ kanye namaskuryāttu nairṛtau / paścime trivikramāya vāmanāya tathaiva ca
Sanskrit only: no published translation is held for this verse.
विष्णवे श्रीधरायाथ नमस्कुर्याच्च भामिति । उत्तरे तु महाकन्ये हृषीकेशाय वै नमः
viṣṇave śrīdharāyātha namaskuryācca bhāmiti / uttare tu mahākanye hṛṣīkeśāya vai namaḥ
Sanskrit only: no published translation is held for this verse.
तथा वै पद्मनाभाय नमस्कुर्यादतन्द्रितः । दामोदराय चैशान्ये नमस्कुर्याच्च भामिनि
tathā vai padmanābhāya namaskuryādatandritaḥ / dāmodarāya caiśānye namaskuryācca bhāmini
Sanskrit only: no published translation is held for this verse.
चतुर्थावरणे पूर्वे महाकूर्माय वै नमः । वराहाय नमस्कुर्यादाग्नेये कन्यके शुभे
caturthāvaraṇe pūrve mahākūrmāya vai namaḥ / varāhāya namaskuryādāgneye kanyake śubhe
Sanskrit only: no published translation is held for this verse.
दक्षिणे नारसिंहाय वामनाय नमोनमः । भार्गवाय नमस्कुर्यान्नैरृत्ये शुद्धचेतसा
dakṣiṇe nārasiṃhāya vāmanāya namonamaḥ / bhārgavāya namaskuryānnairṛtye śuddhacetasā
Sanskrit only: no published translation is held for this verse.
पश्चिमे माधवायाथ तथा कृष्णाय वै नमः । बुद्धाय च नमस्कुर्याद्वायव्ये कन्यके शुभे
paścime mādhavāyātha tathā kṛṣṇāya vai namaḥ / buddhāya ca namaskuryādvāyavye kanyake śubhe
Sanskrit only: no published translation is held for this verse.
उत्तरे ह्युल्करूपाय अनन्ताय नमोस्तु ते । ईशान्ये विश्वरूपाय नमस्कुर्यादतन्द्रितः
uttare hyulkarūpāya anantāya namostu te / īśānye viśvarūpāya namaskuryādatandritaḥ
Sanskrit only: no published translation is held for this verse.
आग्नेये वारुणीं चैव गायत्रीं चैव नैरृते । वायव्ये भारतीं चैव ईशान्ये गिरिजां नमेत्
āgneye vāruṇīṃ caiva gāyatrīṃ caiva nairṛte / vāyavye bhāratīṃ caiva īśānye girijāṃ namet
Sanskrit only: no published translation is held for this verse.
गिरिजां वामभागे तु सौपर्णै चैव संनमेत् । प्रागिन्द्राय नमस्कुर्यात्सायुधाय तथैव च
girijāṃ vāmabhāge tu sauparṇai caiva saṃnamet / prāgindrāya namaskuryātsāyudhāya tathaiva ca
Sanskrit only: no published translation is held for this verse.
स परिग्रहाय श्रीविष्णोः पार्षदाय नमोनमः । आग्नेयेत्यग्नये तुभ्यं सायुधायेति पूर्ववत्
sa parigrahāya śrīviṣṇoḥ pārṣadāya namonamaḥ / āgneyetyagnaye tubhyaṃ sāyudhāyeti pūrvavat
Sanskrit only: no published translation is held for this verse.
दक्षिणे तु यमायैव नैरृत्यां निरृतिं यजेत् । पश्चिमे वरुणायैव वायव्ये वायवे नमः
dakṣiṇe tu yamāyaiva nairṛtyāṃ nirṛtiṃ yajet / paścime varuṇāyaiva vāyavye vāyave namaḥ
Sanskrit only: no published translation is held for this verse.