Garuḍa Purāṇa 3.26

इति श्रीगारुडे महापुराणे उत्तरखण्डे तृतीयांशे ब्रह्मकाण्डे देवी कृतवेङ्कटेशदर्शनतत्स्तुत्यादिवर्णनं नाम पञ्चविंशोध्यायः श्रीगरुडमहापुराणम्- २६ कन्योवाच । श्रीनिवासः किमर्थं वै आगतोत्र वदस्व मे । शेषाचलोपि कुत्रा भूत्कदायातश्च पापहा । स्वामिपुष्करिणी चात्र किमर्थं ह्यगता वद

iti śrīgāruḍe mahāpurāṇe uttarakhaṇḍe tṛtīyāṃśe brahmakāṇḍe devī kṛtaveṅkaṭeśadarśanatatstutyādivarṇanaṃ nāma pañcaviṃśodhyāyaḥ śrīgaruḍamahāpurāṇam- 26 kanyovāca / śrīnivāsaḥ kimarthaṃ vai āgatotra vadasva me / śeṣācalopi kutrā bhūtkadāyātaśca pāpahā / svāmipuṣkariṇī cātra kimarthaṃ hyagatā vada

Sanskrit only: no published translation is held for this verse.

जैगीषव्य उवाच शृणु भद्रे महाभागे व्यङ्कटेशस्य चागमम् । आवयोर्देवि पापानि विषमं यान्ति भामिनि

jaigīṣavya uvāca śṛṇu bhadre mahābhāge vyaṅkaṭeśasya cāgamam / āvayordevi pāpāni viṣamaṃ yānti bhāmini

Sanskrit only: no published translation is held for this verse.

आसीत्पुरा हिरण्याक्षः काश्यपो दितिनन्दनः । सनकादेश्च वाग्दण्डाद्द्वितीयद्वारपालकः

āsītpurā hiraṇyākṣaḥ kāśyapo ditinandanaḥ / sanakādeśca vāgdaṇḍāddvitīyadvārapālakaḥ

Sanskrit only: no published translation is held for this verse.

बभूव दैत्ययोनौ च देवानां कण्टको बली । संजीवो विजयः प्रोक्तो हरिभक्तो महाप्रभुः

babhūva daityayonau ca devānāṃ kaṇṭako balī / saṃjīvo vijayaḥ prokto haribhakto mahāprabhuḥ

Sanskrit only: no published translation is held for this verse.

हरिण्याक्षः स्वयं दैत्यो हरिभक्तविदूषकः । एतादृशो हिरण्याक्षस्तपस्तप्तुं समुद्यतः

hariṇyākṣaḥ svayaṃ daityo haribhaktavidūṣakaḥ / etādṛśo hiraṇyākṣastapastaptuṃ samudyataḥ

Sanskrit only: no published translation is held for this verse.

तदा माता दितिर्देवी हिरण्याक्षमुवाच सा । दितिरुवाच । वत्सलस्त्वं महाभागमा तपस्वाष्टहायनः

tadā mātā ditirdevī hiraṇyākṣamuvāca sā / ditiruvāca / vatsalastvaṃ mahābhāgamā tapasvāṣṭahāyanaḥ

Sanskrit only: no published translation is held for this verse.

त्वं मा ददस्व दुः खं मे पालयिष्यति कोविदः । क्षणमात्रं न जीवामि त्वां विना जीवनं न हि

tvaṃ mā dadasva duḥ khaṃ me pālayiṣyati kovidaḥ / kṣaṇamātraṃ na jīvāmi tvāṃ vinā jīvanaṃ na hi

Sanskrit only: no published translation is held for this verse.

मा तप त्वं महाभाग मम जीवनहेतवे । एवमुक्तस्तु मात्रा स विजयोवशतोब्रवीत्

mā tapa tvaṃ mahābhāga mama jīvanahetave / evamuktastu mātrā sa vijayovaśatobravīt

Sanskrit only: no published translation is held for this verse.

हिरण्याक्षो मातरं प्राह जालं हित्वा विष्णोर्भजने ऽलं कुरुष्व । मयिस्नेहं पुत्रहेतोर्विरूढं सुखदुः खे चेह लोके परत्र

hiraṇyākṣo mātaraṃ prāha jālaṃ hitvā viṣṇorbhajane 'laṃ kuruṣva / mayisnehaṃ putrahetorvirūḍhaṃ sukhaduḥ khe ceha loke paratra

Sanskrit only: no published translation is held for this verse.

यावत्स्नेहं मयि मातः करोषि तावत्क्लेशं शाश्वतं यास्यसि त्वम् । मातश्च ते मयि पुत्रत्वबुद्धिस्त्वय्यप्येषा मातृबुद्धिर्ममापि

yāvatsnehaṃ mayi mātaḥ karoṣi tāvatkleśaṃ śāśvataṃ yāsyasi tvam / mātaśca te mayi putratvabuddhistvayyapyeṣā mātṛbuddhirmamāpi

Sanskrit only: no published translation is held for this verse.

ताते पूज्ये पितृबुद्धिर्ममास्ति तस्मिंस्तुते भर्तृबुद्धिर्हि मिथ्या । निर्माति यस्माद्धरिरेव सर्वं सम्यक् पाता नियतो ऽसौ मुरारिः

tāte pūjye pitṛbuddhirmamāsti tasmiṃstute bhartṛbuddhirhi mithyā / nirmāti yasmāddharireva sarvaṃ samyak pātā niyato 'sau murāriḥ

Sanskrit only: no published translation is held for this verse.

अतो हि माता हरिरेव सर्वदा त्वन्यासां वै मातृता चोपचारात् । निर्मातृत्वं यदि मुख्यं त्वयि स्याद्द्रोणादीनां जननी का वदस्व

ato hi mātā harireva sarvadā tvanyāsāṃ vai mātṛtā copacārāt / nirmātṛtvaṃ yadi mukhyaṃ tvayi syāddroṇādīnāṃ jananī kā vadasva

Sanskrit only: no published translation is held for this verse.

मातृत्वं वै यदि मुख्यं त्वयि स्याद्धात्रादीनां जननी का वदस्व । यतः सदा याति जगत्तत्तो हरिः सदा पिता विष्णुरजः पुराणः

mātṛtvaṃ vai yadi mukhyaṃ tvayi syāddhātrādīnāṃ jananī kā vadasva / yataḥ sadā yāti jagattatto hariḥ sadā pitā viṣṇurajaḥ purāṇaḥ

Sanskrit only: no published translation is held for this verse.

सदा पिता मुख्यपिता यदि स्याद्गर्भस्थबाले पालकः को वदस्व । मातापित्रोः पालकत्वं यदि स्यात्कूर्मादीनां पालकौ कौ वदस्व

sadā pitā mukhyapitā yadi syādgarbhasthabāle pālakaḥ ko vadasva / mātāpitroḥ pālakatvaṃ yadi syātkūrmādīnāṃ pālakau kau vadasva

Sanskrit only: no published translation is held for this verse.

मातापित्रोः पालकत्वं यदि स्यात्कृपादीनां रक्षकौ कौ वदस्व । पुन्नामकान्नारकाद्देह भजान्तस्मात्त्रातापुत्रविष्णुः पुराणः

mātāpitroḥ pālakatvaṃ yadi syātkṛpādīnāṃ rakṣakau kau vadasva / punnāmakānnārakāddeha bhajāntasmāttrātāputraviṣṇuḥ purāṇaḥ

Sanskrit only: no published translation is held for this verse.

न तारकोहं नरकाच्च सुभ्रूर्न वै भर्ता नापि पित्रादयश्च । न वै माता नानुजादिश्च सर्वः सर्वत्राता विष्णुरतो न चान्यः

na tārakohaṃ narakācca subhrūrna vai bhartā nāpi pitrādayaśca / na vai mātā nānujādiśca sarvaḥ sarvatrātā viṣṇurato na cānyaḥ

Sanskrit only: no published translation is held for this verse.

मायां मदीयां ज्ञानशस्त्रेण च्छित्वा भक्त्या हरेः स्मरणं त्वं कुरुष्व । यद्भक्तिरूपूर्वं स्मरणं नाम विष्णोस्तत्सर्वथा पापहरं च मातः

māyāṃ madīyāṃ jñānaśastreṇa cchitvā bhaktyā hareḥ smaraṇaṃ tvaṃ kuruṣva / yadbhaktirūpūrvaṃ smaraṇaṃ nāma viṣṇostatsarvathā pāpaharaṃ ca mātaḥ

Sanskrit only: no published translation is held for this verse.

यो वा भक्त्या स्मरणं नाम विष्णोः करोत्यसौ पापहरो भविष्यति । अयं देहो दुर्ल्लभः कर्मभूमौ तत्रापि मध्ये भजनं विष्णुमूर्तेः

yo vā bhaktyā smaraṇaṃ nāma viṣṇoḥ karotyasau pāpaharo bhaviṣyati / ayaṃ deho durllabhaḥ karmabhūmau tatrāpi madhye bhajanaṃ viṣṇumūrteḥ

Sanskrit only: no published translation is held for this verse.

आयुर्गतं व्यर्थमेव त्वदीयं शीघ्रं भजेः श्रीनिवासस्य पादम् । उपदिश्यैवं मातरं पुत्रवर्यो दैत्यावेशात्सोभवद्वै तपस्वी

āyurgataṃ vyarthameva tvadīyaṃ śīghraṃ bhajeḥ śrīnivāsasya pādam / upadiśyaivaṃ mātaraṃ putravaryo daityāveśātsobhavadvai tapasvī

Sanskrit only: no published translation is held for this verse.

चतुर्मुखं प्रीणयित्वैव भक्त्या ह्यवध्यत्वं प्राप तस्मान्महात्मा । ततो भूमिं करवद्वेष्टयित्वा निन्ये तदा दैत्यवर्यो महात्मा

caturmukhaṃ prīṇayitvaiva bhaktyā hyavadhyatvaṃ prāpa tasmānmahātmā / tato bhūmiṃ karavadveṣṭayitvā ninye tadā daityavaryo mahātmā

Sanskrit only: no published translation is held for this verse.

श्रीमुष्टदेशे प्रादुरासीद्धरिस्तु वाराहविष्णुस्त्वजनः पुराणः । भित्त्वाचाब्धिं विविशे तं महात्मा रसातले संस्थितं भूतलं च

śrīmuṣṭadeśe prādurāsīddharistu vārāhaviṣṇustvajanaḥ purāṇaḥ / bhittvācābdhiṃ viviśe taṃ mahātmā rasātale saṃsthitaṃ bhūtalaṃ ca

Sanskrit only: no published translation is held for this verse.

स्वदंष्ट्राग्रे स्थापयित्वाऽजगाम तदागमादागतो दैत्यवर्यः । तं कर्णमूले ताडयित्वा जघान प्रसादयामास च पूर्ववद्भुवम्

svadaṃṣṭrāgre sthāpayitvā'jagāma tadāgamādāgato daityavaryaḥ / taṃ karṇamūle tāḍayitvā jaghāna prasādayāmāsa ca pūrvavadbhuvam

Sanskrit only: no published translation is held for this verse.

सुदिग्गजान्स्थापयित्वा च विष्णुः श्रीमुष्टे वै संस्थितः श्रीवराहः । तदा हरिश्चिन्तयामास विष्णुर्भक्त्या मदीयं मानुषं देहमद्य

sudiggajānsthāpayitvā ca viṣṇuḥ śrīmuṣṭe vai saṃsthitaḥ śrīvarāhaḥ / tadā hariścintayāmāsa viṣṇurbhaktyā madīyaṃ mānuṣaṃ dehamadya

Sanskrit only: no published translation is held for this verse.

आराधयिष्यन्ति च मां क्व एते तेषां दयां कुत्र वाहं करिष्ये । एवं हरिश्चिन्तयित्वा सुकन्ये वैकुण्ठलोकादचलं शेष संज्ञम् । वीन्द्रस्कन्धे स्थापयित्वा स्वयं च समागतोभूद्भूतलं भूतलेशः

ārādhayiṣyanti ca māṃ kva ete teṣāṃ dayāṃ kutra vāhaṃ kariṣye / evaṃ hariścintayitvā sukanye vaikuṇṭhalokādacalaṃ śeṣa saṃjñam / vīndraskandhe sthāpayitvā svayaṃ ca samāgatobhūdbhūtalaṃ bhūtaleśaḥ

Sanskrit only: no published translation is held for this verse.

सुवर्णमुखरीतीरमारभ्य गरुडध्वजः । श्रीकृष्णवेणीपर्यन्तं स्थापया मास तं गिरिम्

suvarṇamukharītīramārabhya garuḍadhvajaḥ / śrīkṛṣṇaveṇīparyantaṃ sthāpayā māsa taṃ girim

Sanskrit only: no published translation is held for this verse.

गिरेः पुच्छे तु श्रीशैलं मध्यमे ऽहोबलं स्मृतम् । मुखं च श्रीनिवासस्य क्षेत्रं च समुदाहृतम्

gireḥ pucche tu śrīśailaṃ madhyame 'hobalaṃ smṛtam / mukhaṃ ca śrīnivāsasya kṣetraṃ ca samudāhṛtam

Sanskrit only: no published translation is held for this verse.

अल्पेन तपसाभीष्टं सिध्यत्यस्मिन्नहोबले । गङ्गादिसर्वतीर्थानि पुण्यानि ह्यत्र संति वै

alpena tapasābhīṣṭaṃ sidhyatyasminnahobale / gaṅgādisarvatīrthāni puṇyāni hyatra saṃti vai

Sanskrit only: no published translation is held for this verse.

य एनं सेवते नित्यं श्रद्धाभक्तिसमन्वितः । ज्ञानार्थी ज्ञानमाप्नोति द्रव्यार्थी द्रव्यमाप्रुयात्

ya enaṃ sevate nityaṃ śraddhābhaktisamanvitaḥ / jñānārthī jñānamāpnoti dravyārthī dravyamāpruyāt

Sanskrit only: no published translation is held for this verse.

पुत्रार्थी पुत्रमाप्नोति नृपो राज्यं च विन्दति । यंयं कामयते मर्त्यस्तन्तमाप्नोति सर्वथा

putrārthī putramāpnoti nṛpo rājyaṃ ca vindati / yaṃyaṃ kāmayate martyastantamāpnoti sarvathā

Sanskrit only: no published translation is held for this verse.

चिन्तितं साध्यते यस्मात्तस्माच्चिन्तामणिं विदुः । पुष्करिण्याश्च बाहुल्याद्गिरावस्मिन्सरः सु च । पुष्कराद्रिरिति प्राहुरेवं तत्त्वार्थवेदिनः

cintitaṃ sādhyate yasmāttasmāccintāmaṇiṃ viduḥ / puṣkariṇyāśca bāhulyādgirāvasminsaraḥ su ca / puṣkarādririti prāhurevaṃ tattvārthavedinaḥ

Sanskrit only: no published translation is held for this verse.

शातकुंभस्वरूपत्वात्कनकाद्रिं च तं विदुः । वैकुण्ठादागतेनैव वैकुण्ठाद्रिरिति स्मृतः

śātakuṃbhasvarūpatvātkanakādriṃ ca taṃ viduḥ / vaikuṇṭhādāgatenaiva vaikuṇṭhādririti smṛtaḥ

Sanskrit only: no published translation is held for this verse.

अमृतैश्वर्यसंयुक्तो व्यङ्कटाद्रिरिति स्मृतः । व्यङ्कटेशस्य शैलस्य माहात्म्यं यावदस्ति हि

amṛtaiśvaryasaṃyukto vyaṅkaṭādririti smṛtaḥ / vyaṅkaṭeśasya śailasya māhātmyaṃ yāvadasti hi

Sanskrit only: no published translation is held for this verse.

तावद्वक्तुं समग्रेण न समर्थश्चतुर्मुखः । व्यङ्कटाद्रौ परां भक्तिं ये कुर्वन्ति दिनेदिने । पङ्गर्जङ्घाल एव स्यादचक्षुः पद्मलोचनः

tāvadvaktuṃ samagreṇa na samarthaścaturmukhaḥ / vyaṅkaṭādrau parāṃ bhaktiṃ ye kurvanti dinedine / paṅgarjaṅghāla eva syādacakṣuḥ padmalocanaḥ

Sanskrit only: no published translation is held for this verse.

मूको वाग्मी भवेदेव बधिरः श्रावको भवेत् । वन्ध्या स्याद्बहुपुत्रा च निर्धनः सधनो भवेत्

mūko vāgmī bhavedeva badhiraḥ śrāvako bhavet / vandhyā syādbahuputrā ca nirdhanaḥ sadhano bhavet

Sanskrit only: no published translation is held for this verse.

एतत्सर्वं गिरौ भक्तिमात्रेणैव भवेद्ध्रुवम् । तत्त्वतो व्यङ्कटाद्रेस्तु स्वरूपं वेत्ति को भुवि

etatsarvaṃ girau bhaktimātreṇaiva bhaveddhruvam / tattvato vyaṅkaṭādrestu svarūpaṃ vetti ko bhuvi

Sanskrit only: no published translation is held for this verse.

यस्मादस्य गिरेः पुण्यं माहात्म्यं वेत्ति यः पुमान् । मायावी परमानन्दं त्यक्त्वा वैकुण्ठमुत्तमम् । स्वामिपुष्करिणीतीरे रमया सहमोदते

yasmādasya gireḥ puṇyaṃ māhātmyaṃ vetti yaḥ pumān / māyāvī paramānandaṃ tyaktvā vaikuṇṭhamuttamam / svāmipuṣkariṇītīre ramayā sahamodate

Sanskrit only: no published translation is held for this verse.

कल्याणाद्भुतगात्राय कामितार्थप्दायिने । श्रीमद्व्यङ्कटनाथाय श्रीनिवासाय ते नमः

kalyāṇādbhutagātrāya kāmitārthapdāyine / śrīmadvyaṅkaṭanāthāya śrīnivāsāya te namaḥ

Sanskrit only: no published translation is held for this verse.

श्रीस्वामिपुष्करिण्याश्च माहात्म्यं शृणु कन्यके । स्वामिपुष्करिणीमध्ये श्रीनिवासोस्ति सर्वदा

śrīsvāmipuṣkariṇyāśca māhātmyaṃ śṛṇu kanyake / svāmipuṣkariṇīmadhye śrīnivāsosti sarvadā

Sanskrit only: no published translation is held for this verse.

स्नानं कुर्वन्ति ये तत्र तेषां मुक्तिः करे स्थिता । तिस्रः कोट्योर्धकोटिश्च तीर्थानि भुवनत्रये । तानि सर्वाणि तत्रैव संति तीर्थे हरेः सदा

snānaṃ kurvanti ye tatra teṣāṃ muktiḥ kare sthitā / tisraḥ koṭyordhakoṭiśca tīrthāni bhuvanatraye / tāni sarvāṇi tatraiva saṃti tīrthe hareḥ sadā

Sanskrit only: no published translation is held for this verse.

तत्तीर्थं श्रीनिवासाख्यं सर्वदेवनमस्कृतम् । तदेव श्रीनिवासस्य मन्दिरं परिकीर्तितम्

tattīrthaṃ śrīnivāsākhyaṃ sarvadevanamaskṛtam / tadeva śrīnivāsasya mandiraṃ parikīrtitam

Sanskrit only: no published translation is held for this verse.

तद्दर्शनादेव कन्ये यान्ति पापानि भस्मसात् । एकैकस्नानमात्रेण सत्संगो भवति ध्रुवम्

taddarśanādeva kanye yānti pāpāni bhasmasāt / ekaikasnānamātreṇa satsaṃgo bhavati dhruvam

Sanskrit only: no published translation is held for this verse.

सत्संगाज्ज्ञानमासाद्य ज्ञानान्मोक्षं च विन्दति । अधिकारिणां भवेदेवं विपरीतमयोगिनाम्

satsaṃgājjñānamāsādya jñānānmokṣaṃ ca vindati / adhikāriṇāṃ bhavedevaṃ viparītamayoginām

Sanskrit only: no published translation is held for this verse.

तीर्थानां स्नानमात्रेण मोक्षं यान्तीति ये विदुः । ते सर्वे असुरा ज्ञेयास्ते यान्ति ह्यधमां गतिम्

tīrthānāṃ snānamātreṇa mokṣaṃ yāntīti ye viduḥ / te sarve asurā jñeyāste yānti hyadhamāṃ gatim

Sanskrit only: no published translation is held for this verse.

श्रीनिवासस्य तीर्थेस्मिन्वायुकोणे च कन्यके । आस्ते वायुः सदा विष्णोः पूजां कर्तुमनुत्तमाम्

śrīnivāsasya tīrthesminvāyukoṇe ca kanyake / āste vāyuḥ sadā viṣṇoḥ pūjāṃ kartumanuttamām

Sanskrit only: no published translation is held for this verse.

वायुतीर्थं च तत्प्रोक्तं हस्तद्वादशकान्तरम् । हस्तषट्कप्रमाणं च पश्चिमे समुदाहृतम् । उत्तरे हस्तषट्कं तु वायुतीर्थमुदाहृतम्

vāyutīrthaṃ ca tatproktaṃ hastadvādaśakāntaram / hastaṣaṭkapramāṇaṃ ca paścime samudāhṛtam / uttare hastaṣaṭkaṃ tu vāyutīrthamudāhṛtam

Sanskrit only: no published translation is held for this verse.

ये वेष्णवा वैष्णवदासवर्याः स्नानं सुर्युस्तत्र पूर्वं सुकन्ये । मध्वान्तस्थाः श्रीनिवासस्तु नित्यमत्र स्नानात्प्रीयतां मे दयालुः

ye veṣṇavā vaiṣṇavadāsavaryāḥ snānaṃ suryustatra pūrvaṃ sukanye / madhvāntasthāḥ śrīnivāsastu nityamatra snānātprīyatāṃ me dayāluḥ

Sanskrit only: no published translation is held for this verse.

ये मध्वतीर्थे स्नातुमिच्छन्ति देवि रुद्रादयो वायुभक्ता महान्तः । सदा स्नानं तत्र कुर्वन्ति देवि प्रातः काले चोदयात्पूर्वमेव

ye madhvatīrthe snātumicchanti devi rudrādayo vāyubhaktā mahāntaḥ / sadā snānaṃ tatra kurvanti devi prātaḥ kāle codayātpūrvameva

Sanskrit only: no published translation is held for this verse.

ये वायुतीर्थे विसृजन्ति देहजं मलं मूत्रं वमनं श्लेष्मकं च । ये ऽपानशुद्धिं लिङ्गशुद्धिं च कन्ये कुर्वन्ति ते ह्यसुरा राक्षसाश्च

ye vāyutīrthe visṛjanti dehajaṃ malaṃ mūtraṃ vamanaṃ śleṣmakaṃ ca / ye 'pānaśuddhiṃ liṅgaśuddhiṃ ca kanye kurvanti te hyasurā rākṣasāśca

Sanskrit only: no published translation is held for this verse.

शृण्वन्ति ये भागवतं पुराणं किं वर्णये तस्य पुण्यं तु देवि । ये कृष्णमन्त्रं तु जपन्ति देवि ह्यष्टा क्षरं मन्त्रवरं सुगोप्यम्

śṛṇvanti ye bhāgavataṃ purāṇaṃ kiṃ varṇaye tasya puṇyaṃ tu devi / ye kṛṣṇamantraṃ tu japanti devi hyaṣṭā kṣaraṃ mantravaraṃ sugopyam

Sanskrit only: no published translation is held for this verse.

तेषां हरिः प्रीयते केशवोलं मध्वान्तस्थो नात्र विचार्यमस्ति । एवं दानं तत्र कुर्वन्ति ये वै द्विजाग्र्याणां वैष्णवानां विदां च

teṣāṃ hariḥ prīyate keśavolaṃ madhvāntastho nātra vicāryamasti / evaṃ dānaṃ tatra kurvanti ye vai dvijāgryāṇāṃ vaiṣṇavānāṃ vidāṃ ca

Sanskrit only: no published translation is held for this verse.

तेषां पुण्यं नैव जानन्ति देवा जानात्येवं श्रीनिवासो हरिस्तु । शालग्रामं वायुतीर्थे ददन्ते तेषां पुण्यं वेत्ति स व्यङ्कटेशः

teṣāṃ puṇyaṃ naiva jānanti devā jānātyevaṃ śrīnivāso haristu / śālagrāmaṃ vāyutīrthe dadante teṣāṃ puṇyaṃ vetti sa vyaṅkaṭeśaḥ

Sanskrit only: no published translation is held for this verse.

सुदुर्लभो वायुतीर्थे ऽभिषेको निष्कामबुद्ध्या वैष्णवानां च देवि । तत्रापि तीर्थे लभ्यते भाग्ययोगाद्भागवतस्य श्रवणं विष्णुदासैः

sudurlabho vāyutīrthe 'bhiṣeko niṣkāmabuddhyā vaiṣṇavānāṃ ca devi / tatrāpi tīrthe labhyate bhāgyayogādbhāgavatasya śravaṇaṃ viṣṇudāsaiḥ

Sanskrit only: no published translation is held for this verse.

तथैव तीर्थे दुर्लभं तत्र देवि शालग्रामस्य द्विजवर्ये च दानम् । जंबूफलाकारसुनीलवर्णं मुखद्वयं चक्रचतुष्टयान्वितम्

tathaiva tīrthe durlabhaṃ tatra devi śālagrāmasya dvijavarye ca dānam / jaṃbūphalākārasunīlavarṇaṃ mukhadvayaṃ cakracatuṣṭayānvitam

Sanskrit only: no published translation is held for this verse.

सुकेसरैः संयुतं स्वर्णचिह्नध्वजां कुशैर्वज्रचिह्नैर्यवैश्च । जानार्दनीं मूर्तिमाहुर्महान्तो दानं तस्या दुर्लभं तत्र तीर्थे

sukesaraiḥ saṃyutaṃ svarṇacihnadhvajāṃ kuśairvajracihnairyavaiśca / jānārdanīṃ mūrtimāhurmahānto dānaṃ tasyā durlabhaṃ tatra tīrthe

Sanskrit only: no published translation is held for this verse.

अत्युत्तमं मूर्तिदानं तु भद्रे सुदुर्ल्लभं परमं नात्र लोभः । सुदुर्लभं बहुदोग्ध्याश्च गृष्टेर्दानं तथा वस्त्ररत्नादिकानाम्

atyuttamaṃ mūrtidānaṃ tu bhadre sudurllabhaṃ paramaṃ nātra lobhaḥ / sudurlabhaṃ bahudogdhyāśca gṛṣṭerdānaṃ tathā vastraratnādikānām

Sanskrit only: no published translation is held for this verse.

अत्युत्तमं द्रव्यदानं च देवि स्वापेक्षितं दानमाहुर्महान्तः । स्वस्यानपेक्षं फलदानं च वस्त्रादानं तस्य व्यर्थमाहुर्महान्तः

atyuttamaṃ dravyadānaṃ ca devi svāpekṣitaṃ dānamāhurmahāntaḥ / svasyānapekṣaṃ phaladānaṃ ca vastrādānaṃ tasya vyarthamāhurmahāntaḥ

Sanskrit only: no published translation is held for this verse.

अत्युत्तमं गृष्टिदानं च पुण्यं नैवाप्यते दुग्धदोहाश्च गावः । अत्युत्तमे वस्त्रदाने सुबुद्धिः सुदुर्घटा परमा वै जनानाम्

atyuttamaṃ gṛṣṭidānaṃ ca puṇyaṃ naivāpyate dugdhadohāśca gāvaḥ / atyuttame vastradāne subuddhiḥ sudurghaṭā paramā vai janānām

Sanskrit only: no published translation is held for this verse.

अत्युत्तमं भागवतस्य पुस्तकं सुदुर्घटं वायुतीर्थं च कन्ये । अत्युत्तमं द्रव्यदानं च देवि सुदुर्घटं वायुतीर्थं नृणां हि । सुदुर्लभो वैष्णवैस्तत्त्वविद्भिर्हरेर्विचारो वायुतीर्थे च कन्ये

atyuttamaṃ bhāgavatasya pustakaṃ sudurghaṭaṃ vāyutīrthaṃ ca kanye / atyuttamaṃ dravyadānaṃ ca devi sudurghaṭaṃ vāyutīrthaṃ nṛṇāṃ hi / sudurlabho vaiṣṇavaistattvavidbhirharervicāro vāyutīrthe ca kanye

Sanskrit only: no published translation is held for this verse.

श्रीनिवासस्य तीर्थस्य उत्तरस्यां दिशि स्थितम् । चन्द्रतीर्थ मिति प्रोक्तं तत्रास्ते चन्द्रमाः सदा

śrīnivāsasya tīrthasya uttarasyāṃ diśi sthitam / candratīrtha miti proktaṃ tatrāste candramāḥ sadā

Sanskrit only: no published translation is held for this verse.

श्रीनिवासस्य पूजां च तत्र स्थित्वा करोत्ययम् । तत्र स्नानं प्रकुर्वन्ति पुण्यदेशे च कन्यके

śrīnivāsasya pūjāṃ ca tatra sthitvā karotyayam / tatra snānaṃ prakurvanti puṇyadeśe ca kanyake

Sanskrit only: no published translation is held for this verse.

गुरुतल्पादिपापेभ्यो मुच्यन्ते नात्र संशयः । तत्र स्नात्वा पूर्वभागे शालग्रामं ददाति यः

gurutalpādipāpebhyo mucyante nātra saṃśayaḥ / tatra snātvā pūrvabhāge śālagrāmaṃ dadāti yaḥ

Sanskrit only: no published translation is held for this verse.

ज्ञानद्वारा मोक्षमेति नात्र कार्या विचारणा । दधिवामनमूर्तेश्च दानं तत्र सुदुर्लभम्

jñānadvārā mokṣameti nātra kāryā vicāraṇā / dadhivāmanamūrteśca dānaṃ tatra sudurlabham

Sanskrit only: no published translation is held for this verse.

बदरीफलमात्रं तु वतुलं नीलवर्णकम् । प्रसन्नवदनं सूक्ष्मं सुस्निग्धं कन्यके शुभे

badarīphalamātraṃ tu vatulaṃ nīlavarṇakam / prasannavadanaṃ sūkṣmaṃ susnigdhaṃ kanyake śubhe

Sanskrit only: no published translation is held for this verse.

चक्रद्वयसमायुक्तं गौपूरैः पञ्चभिर्युतम् । चापबाणसमायुक्तमनतं कुण्डलाकृतिम्

cakradvayasamāyuktaṃ gaupūraiḥ pañcabhiryutam / cāpabāṇasamāyuktamanataṃ kuṇḍalākṛtim

Sanskrit only: no published translation is held for this verse.

वनमाल सुखयुतं मूर्ध्नसाहस्रसंयुतम् । रौप्यबिन्दुसमायुक्तं सव्ये भद्रार्धमात्रकम्

vanamāla sukhayutaṃ mūrdhnasāhasrasaṃyutam / raupyabindusamāyuktaṃ savye bhadrārdhamātrakam

Sanskrit only: no published translation is held for this verse.

चन्द्रेण सहितं देवि दधिवामनमुच्यते । एतादृशं कलौ नॄणां दुर्लभं बहुभाग्यदम् । लक्ष्मीनारायणसमां तां मूर्तिं विद्धि भामिनि

candreṇa sahitaṃ devi dadhivāmanamucyate / etādṛśaṃ kalau nṝṇāṃ durlabhaṃ bahubhāgyadam / lakṣmīnārāyaṇasamāṃ tāṃ mūrtiṃ viddhi bhāmini

Sanskrit only: no published translation is held for this verse.

सुदुर्लभं तस्य मूर्तेश्च दानं तच्चन्द्रतीर्थे श्रवणं दुर्घटं च । सम्यक् स्वरूपं दधिवामनस्य सुदुर्घटं श्रवणं वैष्णवाच्च

sudurlabhaṃ tasya mūrteśca dānaṃ taccandratīrthe śravaṇaṃ durghaṭaṃ ca / samyak svarūpaṃ dadhivāmanasya sudurghaṭaṃ śravaṇaṃ vaiṣṇavācca

Sanskrit only: no published translation is held for this verse.

तत्र स्नात्वा वामनस्य स्वरूपश्रवणाद्विदुर्दानफलं समं च । दशहस्तप्रमाणं तु चन्द्रतीर्थमुदाहृतम्

tatra snātvā vāmanasya svarūpaśravaṇādvidurdānaphalaṃ samaṃ ca / daśahastapramāṇaṃ tu candratīrthamudāhṛtam

Sanskrit only: no published translation is held for this verse.

मध्याह्ने दुर्लभं स्नानं नृणां तत्र सुमङ्गले । तत्र स्थित्वा धन्यनरः सदा भजति वै हरिम्

madhyāhne durlabhaṃ snānaṃ nṛṇāṃ tatra sumaṅgale / tatra sthitvā dhanyanaraḥ sadā bhajati vai harim

Sanskrit only: no published translation is held for this verse.

वराहमूर्तिदानं तु शालग्रामस्य दुर्लभम् । जंबूफलप्रमाणं तु एतद्वै कुक्कुटाण्डवत्

varāhamūrtidānaṃ tu śālagrāmasya durlabham / jaṃbūphalapramāṇaṃ tu etadvai kukkuṭāṇḍavat

Sanskrit only: no published translation is held for this verse.

वदनं वलयाकारं प्रमाणं चणकादिवत् । देवस्य वामभागे च मध्यदेशं विहाय च

vadanaṃ valayākāraṃ pramāṇaṃ caṇakādivat / devasya vāmabhāge ca madhyadeśaṃ vihāya ca

Sanskrit only: no published translation is held for this verse.

चक्रद्वयसमायुक्तंमूर्धदेशे च भामिनि । सुवर्णबिन्दुना युक्तं भूवराहाख्यमुच्यते

cakradvayasamāyuktaṃmūrdhadeśe ca bhāmini / suvarṇabindunā yuktaṃ bhūvarāhākhyamucyate

Sanskrit only: no published translation is held for this verse.

पूजां कृत्वा भूवराहस्य मर्तेर्दानं दत्त्वा श्रवणं चापि कृत्वा । तत्र स्थितं भूवराहं च दृष्ट्वा स वै नरः कृतकृत्यो हि लोके

pūjāṃ kṛtvā bhūvarāhasya marterdānaṃ dattvā śravaṇaṃ cāpi kṛtvā / tatra sthitaṃ bhūvarāhaṃ ca dṛṣṭvā sa vai naraḥ kṛtakṛtyo hi loke

Sanskrit only: no published translation is held for this verse.

तत्र स्नात्वा भूवराहस्य मर्तेः शृणोति यो लक्षणं सम्यगेव । स तेन पुण्यं समुपैति देवि स मुक्तिभाङ् नात्र विचार्यमस्ति

tatra snātvā bhūvarāhasya marteḥ śṛṇoti yo lakṣaṇaṃ samyageva / sa tena puṇyaṃ samupaiti devi sa muktibhāṅ nātra vicāryamasti

Sanskrit only: no published translation is held for this verse.

ईशानकोणे श्रीनिवासस्य देवि रौद्रं तीर्थं परमं पावनं च । तत्र स्थित्वा रुद्रदेवो महात्मा पूजां करोति श्रीनिवासस्य नित्यम्

īśānakoṇe śrīnivāsasya devi raudraṃ tīrthaṃ paramaṃ pāvanaṃ ca / tatra sthitvā rudradevo mahātmā pūjāṃ karoti śrīnivāsasya nityam

Sanskrit only: no published translation is held for this verse.

हस्ताष्टकं तत्प्रमाणं वदन्ति तत्र स्नानं वैष्णवैः कार्यमेव । तत्र स्नात्वा प्रयतो वै मुरारेः कथां दिव्यां शृणुयादादरेण । स्नानं पानं तत्र दानं च कुर्याल्लक्ष्मीनृसिंहप्रीयते देवि नित्यम्३,२६।७६ ॥ बदरीफलमात्रं च वर्तुलं बिन्दुसंयुतम्

hastāṣṭakaṃ tatpramāṇaṃ vadanti tatra snānaṃ vaiṣṇavaiḥ kāryameva / tatra snātvā prayato vai murāreḥ kathāṃ divyāṃ śṛṇuyādādareṇa / snānaṃ pānaṃ tatra dānaṃ ca kuryāllakṣmīnṛsiṃhaprīyate devi nityam3,26.76 // badarīphalamātraṃ ca vartulaṃ bindusaṃyutam

Sanskrit only: no published translation is held for this verse.

देवस्य वामभागे तु चक्रद्वयसमन्वितम् । सुवर्णरेखासंयुक्तं किञ्चिद्रक्तसमन्वितम्

devasya vāmabhāge tu cakradvayasamanvitam / suvarṇarekhāsaṃyuktaṃ kiñcidraktasamanvitam

Sanskrit only: no published translation is held for this verse.

वैश्यवर्णं सवदनं पद्मरेखादिचिह्नितम् । लक्ष्मीनृसिंहं तं विद्धि भुक्तिमुक्तिप्रदायकम्

vaiśyavarṇaṃ savadanaṃ padmarekhādicihnitam / lakṣmīnṛsiṃhaṃ taṃ viddhi bhuktimuktipradāyakam

Sanskrit only: no published translation is held for this verse.

एता दृशं गण्डिकायाः शिलाया मूर्तेर्दानं दुर्घटं विद्धि वीन्द्र । तत्र स्नात्वा श्रीनृसिंहस्वरूपं लक्ष्मीपतेः शृणुयाद्भक्तियुक्तः

etā dṛśaṃ gaṇḍikāyāḥ śilāyā mūrterdānaṃ durghaṭaṃ viddhi vīndra / tatra snātvā śrīnṛsiṃhasvarūpaṃ lakṣmīpateḥ śṛṇuyādbhaktiyuktaḥ

Sanskrit only: no published translation is held for this verse.

मूर्तेर्दानात्फलमाप्नोति देवि सत्यंसत्यं नात्र विचार्यमस्ति

mūrterdānātphalamāpnoti devi satyaṃsatyaṃ nātra vicāryamasti

Sanskrit only: no published translation is held for this verse.

ईशानशक्रयोर्मध्ये ब्रह्मतीर्थमुदाहृतम् । दुर्लभं मानुषाणां तु स्नानं सर्वार्थसाधकम्

īśānaśakrayormadhye brahmatīrthamudāhṛtam / durlabhaṃ mānuṣāṇāṃ tu snānaṃ sarvārthasādhakam

Sanskrit only: no published translation is held for this verse.

शालग्रामस्य दानं तु दुर्लभं तत्र वै नृणाम् । लक्ष्मीनारायणस्यैव मूर्तेर्दानं सुदुर्लभम्

śālagrāmasya dānaṃ tu durlabhaṃ tatra vai nṛṇām / lakṣmīnārāyaṇasyaiva mūrterdānaṃ sudurlabham

Sanskrit only: no published translation is held for this verse.

स्थलमौदुंबरसमं तत्प्रमाणमुदाहृतम् । छत्त्राकारं वर्तुलं च प्रसन्नवदनं शुभम्

sthalamauduṃbarasamaṃ tatpramāṇamudāhṛtam / chattrākāraṃ vartulaṃ ca prasannavadanaṃ śubham

Sanskrit only: no published translation is held for this verse.

चणकप्रदेशमात्रं च वदनं समुदाहृतम् । सव्ये दक्षिणपार्श्वे च समयोः पुष्कलान्वितम्

caṇakapradeśamātraṃ ca vadanaṃ samudāhṛtam / savye dakṣiṇapārśve ca samayoḥ puṣkalānvitam

Sanskrit only: no published translation is held for this verse.

गोयूथवत्सवर्णं च चतुश्चक्रसमन्वितम् । गोखुरैश्च समायुक्तं सुवर्णकिणसंयुतम्

goyūthavatsavarṇaṃ ca catuścakrasamanvitam / gokhuraiśca samāyuktaṃ suvarṇakiṇasaṃyutam

Sanskrit only: no published translation is held for this verse.

वनमालाभिसंयुक्तं वज्रपुङ्खैश्च संयुतम् । एतादृशीं दरेर्मूर्ति लक्ष्मीनारायणं विदुः

vanamālābhisaṃyuktaṃ vajrapuṅkhaiśca saṃyutam / etādṛśīṃ darermūrti lakṣmīnārāyaṇaṃ viduḥ

Sanskrit only: no published translation is held for this verse.

कलौ नृणां तस्य लाभो दुर्लभः संस्मृतो भुवि । दानं च सुतरां देवि दर्लभं किं वदामि ते

kalau nṛṇāṃ tasya lābho durlabhaḥ saṃsmṛto bhuvi / dānaṃ ca sutarāṃ devi darlabhaṃ kiṃ vadāmi te

Sanskrit only: no published translation is held for this verse.

ब्रह्मतीर्थे च संस्नाय श्रोतव्या वै हरेः कथा । गण्डिकायाः शिलायाश्च लक्ष्मीनारायणस्य तु

brahmatīrthe ca saṃsnāya śrotavyā vai hareḥ kathā / gaṇḍikāyāḥ śilāyāśca lakṣmīnārāyaṇasya tu

Sanskrit only: no published translation is held for this verse.

लक्षणं यो विजानाति तदा तत्सदृशं फलम् । प्राप्नोत्येव न संदेहो नात्र कार्या विचारणा

lakṣaṇaṃ yo vijānāti tadā tatsadṛśaṃ phalam / prāpnotyeva na saṃdeho nātra kāryā vicāraṇā

Sanskrit only: no published translation is held for this verse.

श्रीनिवासस्य तीर्थस्य पूर्वे स्यादिन्द्रतीर्थकम् । श्रीनिवासस्य पूजां तु कर्तुमास्ते शचीपतिः

śrīnivāsasya tīrthasya pūrve syādindratīrthakam / śrīnivāsasya pūjāṃ tu kartumāste śacīpatiḥ

Sanskrit only: no published translation is held for this verse.

शालग्रामशिलादानं कर्तव्यं श्रोत्रियायवै । शालग्रामशिलादानं हत्याकोटिविनाशनम्

śālagrāmaśilādānaṃ kartavyaṃ śrotriyāyavai / śālagrāmaśilādānaṃ hatyākoṭivināśanam

Sanskrit only: no published translation is held for this verse.

तस्मिंस्तीर्थे तु यो देवि सीतारामशिलाभिधाम् । ददाति भूतले भद्रे भूपतेः सदृशो भवेत्

tasmiṃstīrthe tu yo devi sītārāmaśilābhidhām / dadāti bhūtale bhadre bhūpateḥ sadṛśo bhavet

Sanskrit only: no published translation is held for this verse.

सीतारामशिला देवि द्विविधा संप्रकीर्तिता । पञ्चचक्रयुता काचित्षट्रचक्रेण च संयुता

sītārāmaśilā devi dvividhā saṃprakīrtitā / pañcacakrayutā kācitṣaṭracakreṇa ca saṃyutā

Sanskrit only: no published translation is held for this verse.

तत्रापि षट्रचक्रयुता ह्युत्तमा संप्रकीर्तिता । पञ्चचक्रयुतायाश्च फलं द्विगुणमीरितम्

tatrāpi ṣaṭracakrayutā hyuttamā saṃprakīrtitā / pañcacakrayutāyāśca phalaṃ dviguṇamīritam

Sanskrit only: no published translation is held for this verse.

कुक्कुटाण्डप्रमाणं च सुसिग्धं नीलवर्णकम् । वदनत्रयसंयुक्तं सट्चक्रैः केसरैर्युतम्

kukkuṭāṇḍapramāṇaṃ ca susigdhaṃ nīlavarṇakam / vadanatrayasaṃyuktaṃ saṭcakraiḥ kesarairyutam

Sanskrit only: no published translation is held for this verse.

स्वर्णरेखासमायुक्तं ध्वजवज्राङ्कुशैर्युतम् । एतादृशं तु वै भद्रे सीतारामाभिधं स्मृतम्

svarṇarekhāsamāyuktaṃ dhvajavajrāṅkuśairyutam / etādṛśaṃ tu vai bhadre sītārāmābhidhaṃ smṛtam

Sanskrit only: no published translation is held for this verse.

वदनेवन्दने देवि सीतारामस्य कोशकम् । दुर्लभं तु कलौ नॄणां स्वसाम्राज्यप्रदं शुभम्

vadanevandane devi sītārāmasya kośakam / durlabhaṃ tu kalau nṝṇāṃ svasāmrājyapradaṃ śubham

Sanskrit only: no published translation is held for this verse.

इन्द्रतीर्थे महादेवि सीताराम भिधाशिला । या तद्दानं दुर्लभं तन्नाल्पस्य तपसः फलम्

indratīrthe mahādevi sītārāma bhidhāśilā / yā taddānaṃ durlabhaṃ tannālpasya tapasaḥ phalam

Sanskrit only: no published translation is held for this verse.

दानस्य शक्त्यभावे तु श्रोतव्यं लक्षणं हरेः । शालग्राम शिलादानाद्यत्फलं तत्फलं लभेत्

dānasya śaktyabhāve tu śrotavyaṃ lakṣaṇaṃ hareḥ / śālagrāma śilādānādyatphalaṃ tatphalaṃ labhet

Sanskrit only: no published translation is held for this verse.

आग्नेयकोणे श्रीनिवासस्य देवि तीर्थं त्वास्ते वह्निसंज्ञं सुशस्तम् । स वह्निदेवः श्रीनिवासस्य पूजां कर्तुं ह्यास्ते सर्वदा तीर्थमध्ये

āgneyakoṇe śrīnivāsasya devi tīrthaṃ tvāste vahnisaṃjñaṃ suśastam / sa vahnidevaḥ śrīnivāsasya pūjāṃ kartuṃ hyāste sarvadā tīrthamadhye

Sanskrit only: no published translation is held for this verse.

यो वा तीर्थे वह्निसंज्ञे च देवि भक्त्या स्नानं कुरुते ऽजं स्मरन्हि । ज्ञानद्वारा मोक्षमाप्नोति देवि तत्र स्नानं दुर्ल्लभं वै नृणां च

yo vā tīrthe vahnisaṃjñe ca devi bhaktyā snānaṃ kurute 'jaṃ smaranhi / jñānadvārā mokṣamāpnoti devi tatra snānaṃ durllabhaṃ vai nṛṇāṃ ca

Sanskrit only: no published translation is held for this verse.

ज्ञात्वा स्नानं दुष्करं तीर्थराजे भक्तिस्तस्मिन्दुर्ल्लभा चैव देवि । शालग्रामे तच्छिलायाश्च दानं सुदुर्लभं वासुदेवाभिधायाः

jñātvā snānaṃ duṣkaraṃ tīrtharāje bhaktistasmindurllabhā caiva devi / śālagrāme tacchilāyāśca dānaṃ sudurlabhaṃ vāsudevābhidhāyāḥ

Sanskrit only: no published translation is held for this verse.

ह्रस्वं तथा वर्तुलं नीलवर्णं सूक्ष्मं मुखं मुखचक्रं सुशुद्धम् । सुवेणुयुक्तं वासुदेवाभिधेयं दानं कलौ दुर्लभं तस्य भद्रे

hrasvaṃ tathā vartulaṃ nīlavarṇaṃ sūkṣmaṃ mukhaṃ mukhacakraṃ suśuddham / suveṇuyuktaṃ vāsudevābhidheyaṃ dānaṃ kalau durlabhaṃ tasya bhadre

Sanskrit only: no published translation is held for this verse.

दाने तस्याः शक्त्य भावे च देवि स्नात्वा तीर्थे वासुदेवाभिधस्य । सम्यक् श्राव्यं लक्षणं वै शिलायास्तयोस्तुल्यं फलमाहुर्महान्तः

dāne tasyāḥ śaktya bhāve ca devi snātvā tīrthe vāsudevābhidhasya / samyak śrāvyaṃ lakṣaṇaṃ vai śilāyāstayostulyaṃ phalamāhurmahāntaḥ

Sanskrit only: no published translation is held for this verse.

दक्षिणे श्रीनिवासस्य यमतीर्थं च संस्मृतम् । तत्रास्ते यमराजस्तु पूजां कर्तुं हरेः सदा

dakṣiṇe śrīnivāsasya yamatīrthaṃ ca saṃsmṛtam / tatrāste yamarājastu pūjāṃ kartuṃ hareḥ sadā

Sanskrit only: no published translation is held for this verse.

तत्र स्नानं च दानं चाप्यक्षयं परमं स्मृतम् । शालग्रामशिलादानं कार्यं तत्र महामुने

tatra snānaṃ ca dānaṃ cāpyakṣayaṃ paramaṃ smṛtam / śālagrāmaśilādānaṃ kāryaṃ tatra mahāmune

Sanskrit only: no published translation is held for this verse.

पट्टाभिरामसंज्ञायाः शिलाया दानमिष्यते । तच्चूतफलवत्स्थूलं वदनत्रयसंयुतम्

paṭṭābhirāmasaṃjñāyāḥ śilāyā dānamiṣyate / taccūtaphalavatsthūlaṃ vadanatrayasaṃyutam

Sanskrit only: no published translation is held for this verse.

शिरश्चक्रेण रहितं सप्तचक्रैः समन्वितम् । नीलवर्णं स्वर्णरेखं गोशुराद्यैः समन्वितम्

śiraścakreṇa rahitaṃ saptacakraiḥ samanvitam / nīlavarṇaṃ svarṇarekhaṃ gośurādyaiḥ samanvitam

Sanskrit only: no published translation is held for this verse.

पट्टवर्धनरामं तु दुर्लभं बहुभाग्यदम् । पट्टवर्धनरामं तु यो ददाति च तत्र वै । पट्टाभिषिक्तो भवति नात्र कार्या विचारणा

paṭṭavardhanarāmaṃ tu durlabhaṃ bahubhāgyadam / paṭṭavardhanarāmaṃ tu yo dadāti ca tatra vai / paṭṭābhiṣikto bhavati nātra kāryā vicāraṇā

Sanskrit only: no published translation is held for this verse.

श्रीनिवासस्य नैरृत्ये नैरृतं तीर्थमुत्तमम् । आस्ते हि निरृतिस्तत्र पूजां कुर्तुं च सर्वदा

śrīnivāsasya nairṛtye nairṛtaṃ tīrthamuttamam / āste hi nirṛtistatra pūjāṃ kurtuṃ ca sarvadā

Sanskrit only: no published translation is held for this verse.

तत्र स्नानं प्रकर्तव्यं पुनर्जन्म न विद्यते । शालग्रामशिलायाश्चः पुरुषोत्तमसंज्ञिकाम्

tatra snānaṃ prakartavyaṃ punarjanma na vidyate / śālagrāmaśilāyāścaḥ puruṣottamasaṃjñikām

Sanskrit only: no published translation is held for this verse.

मूर्तिं ददाति यो मर्त्यः स याति परमां गतिम् । औदुंबरफलाकारं प्रसन्नवदनं शुभम्

mūrtiṃ dadāti yo martyaḥ sa yāti paramāṃ gatim / auduṃbaraphalākāraṃ prasannavadanaṃ śubham

Sanskrit only: no published translation is held for this verse.

चक्रद्व्यसमायुक्तं शिरश्चक्रसमन्वितम् । सुवर्णबिन्दुसंयुक्तं वज्राङ्कुशसमान्वतम्

cakradvyasamāyuktaṃ śiraścakrasamanvitam / suvarṇabindusaṃyuktaṃ vajrāṅkuśasamānvatam

Sanskrit only: no published translation is held for this verse.

तन्मूर्तिदानं दुर्लभं तत्र देवः प्रीणाति यस्माच्छ्रीनिवासो महात्मा । यदा दानं दुर्घटं स्याच्च देवि तदा श्रोतव्यं लक्षणं तस्य मूर्तेः

tanmūrtidānaṃ durlabhaṃ tatra devaḥ prīṇāti yasmācchrīnivāso mahātmā / yadā dānaṃ durghaṭaṃ syācca devi tadā śrotavyaṃ lakṣaṇaṃ tasya mūrteḥ

Sanskrit only: no published translation is held for this verse.

पाशिनैरृतयोर्मध्ये शेषतीर्थं परं स्मृतम् । तत्र स्नात्वा शेषमूर्तिं प्रददाति द्विजातये

pāśinairṛtayormadhye śeṣatīrthaṃ paraṃ smṛtam / tatra snātvā śeṣamūrtiṃ pradadāti dvijātaye

Sanskrit only: no published translation is held for this verse.

स याति परमं लोकं पुनरावृत्तिवर्जितम् । औदुंबरफलाकारं कुण्डलाकृतिमेव च

sa yāti paramaṃ lokaṃ punarāvṛttivarjitam / auduṃbaraphalākāraṃ kuṇḍalākṛtimeva ca

Sanskrit only: no published translation is held for this verse.

शेषवद्वदनं तस्य तस्मिंश्चक्रद्वयं स्मृतम् । फलं तमेकचक्रेण संयुतं वल्मिकान्वितम्

śeṣavadvadanaṃ tasya tasmiṃścakradvayaṃ smṛtam / phalaṃ tamekacakreṇa saṃyutaṃ valmikānvitam

Sanskrit only: no published translation is held for this verse.

किञ्चिद्वर्णसमायुक्तं शेषमूर्ति मतिस्फुटम् । सुप्ता प्रबुद्धा द्विविधा शेषमूर्तिरुदाहृता

kiñcidvarṇasamāyuktaṃ śeṣamūrti matisphuṭam / suptā prabuddhā dvividhā śeṣamūrtirudāhṛtā

Sanskrit only: no published translation is held for this verse.

फणोन्नता प्रबुद्धा स्यात्सप्तलक्षफणान्विता । तत्रापि दुर्लभा सुप्ता महाभाग्यकरीस्मृता

phaṇonnatā prabuddhā syātsaptalakṣaphaṇānvitā / tatrāpi durlabhā suptā mahābhāgyakarīsmṛtā

Sanskrit only: no published translation is held for this verse.

इह लोके परत्रापि मोक्षदा नात्र संशयः । नवचक्रादुपक्रम्य विंशत्यन्तं च यत्र सः

iha loke paratrāpi mokṣadā nātra saṃśayaḥ / navacakrādupakramya viṃśatyantaṃ ca yatra saḥ

Sanskrit only: no published translation is held for this verse.