अथ स भूपतिः प्रविजृम्भमाणकुशलमूलोपचयाभिलाषमृदुहृदयतया बुद्धे भगवति समुत्पन्नप्रेमगौरवप्रसादबहुमानः सप्रत्ययाश्रुसलिलबाष्पाविलदीनमृदुमुकुलितनयनयुगलवदनस् तं भिक्षुम् उदीक्षमाणो बाष्पगण्डूषोपरुध्यमानकषायकण्ठो धरणितलप्रतिष्ठितजानुमण्डलः कृतकरपुट इत्य् उवाच ॥ एषो ऽहं तम् ऋषिं व्रजामि शरणं प्राणैर् अपि प्राणिनाम् एकं बान्धवम् एकम् एव सुहृदं शास्तारम् एकं परम् । त्राणं त्रैभुवनार्तिगह्वरदरीव्यावर्तिनां प्राणिनाम् आचार्यं परमार्थतत्त्वविषये भूतार्थनाथं विभुम्
atha sa bhūpatiḥ pravijṛmbhamāṇakuśalamūlopacayābhilāṣamṛduhṛdayatayā buddhe bhagavati samutpannapremagauravaprasādabahumānaḥ sapratyayāśrusalilabāṣpāviladīnamṛdumukulitanayanayugalavadanas taṃ bhikṣum udīkṣamāṇo bāṣpagaṇḍūṣoparudhyamānakaṣāyakaṇṭho dharaṇitalapratiṣṭhitajānumaṇḍalaḥ kṛtakarapuṭa ity uvāca || eṣo 'haṃ tam ṛṣiṃ vrajāmi śaraṇaṃ prāṇair api prāṇinām ekaṃ bāndhavam ekam eva suhṛdaṃ śāstāram ekaṃ param | trāṇaṃ traibhuvanārtigahvaradarīvyāvartināṃ prāṇinām ācāryaṃ paramārthatattvaviṣaye bhūtārthanāthaṃ vibhum
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.