अथ ये तस्मिन् पुरवरे चिरंतना औकरिकास् ते तस्य तम् अभिवर्धमानं क्रयविक्रयलोकम् अविषमव्यवहारनीत्या प्रकृतिप्रेमपेशलतया चावर्जितमनसं तस्मिन् महासत्त्वे व्यवहारार्थम् आपतन्तम् अवलोक्य तं तस्मात् कर्मणो विनिवर्तनार्थम् आहुः । गान्धिकापणिकः श्रेष्ठी पिता ते ऽस्मिन् पुरे पुरा । स त्वं तां वृत्तिम् उज्झित्वा श्रयसे ऽन्यां कया धिया
atha ye tasmin puravare ciraṃtanā aukarikās te tasya tam abhivardhamānaṃ krayavikrayalokam aviṣamavyavahāranītyā prakṛtipremapeśalatayā cāvarjitamanasaṃ tasmin mahāsattve vyavahārārtham āpatantam avalokya taṃ tasmāt karmaṇo vinivartanārtham āhuḥ | gāndhikāpaṇikaḥ śreṣṭhī pitā te 'smin pure purā | sa tvaṃ tāṃ vṛttim ujjhitvā śrayase 'nyāṃ kayā dhiyā
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.