Guhyasamājamaṇḍalavidhi 1

नमो वज्रसत्त्वाय ॥ ज्ञेयाद्यावृतिनिर्मुक्तं ज्ञानादर्शादिसंयुतम् । मञ्जुश्रीगुह्यसच्चक्रं नत्वा तद् वच्मी मत्स्मृतौ

namo vajrasattvāya || jñeyādyāvṛtinirmuktaṃ jñānādarśādisaṃyutam | mañjuśrīguhyasaccakraṃ natvā tad vacmī matsmṛtau

Sanskrit only: no published translation is held for this verse.

श्रीमत्समाजसन्नीत्या चक्राम्नातक्रमाद् अतः । उदकाद्यम् अनुज्ञान्तं यो ऽभिषिक्तो गुरोस् ततः

śrīmatsamājasannītyā cakrāmnātakramād ataḥ | udakādyam anujñāntaṃ yo 'bhiṣikto guros tataḥ

Sanskrit only: no published translation is held for this verse.

तत्त्वाप्तौ गुह्यचक्रे ऽस्मिन् गुह्यप्रज्ञाभिषेकतः । गुह्यज्ञो योगतत्त्वज्ञस् त्रियानसन्धितत्त्ववित्

tattvāptau guhyacakre 'smin guhyaprajñābhiṣekataḥ | guhyajño yogatattvajñas triyānasandhitattvavit

Sanskrit only: no published translation is held for this verse.

विद्याहृन्मन्त्रमुद्राणां समाधित्रितयस्य च । सामान्येतरसिद्धीनां तन्त्रनीत्या विभागवित्

vidyāhṛnmantramudrāṇāṃ samādhitritayasya ca | sāmānyetarasiddhīnāṃ tantranītyā vibhāgavit

Sanskrit only: no published translation is held for this verse.

समयसंवरस्थो वा प्रज्ञायोगसुतत्परः । मन्त्रतन्त्रप्रयोगज्ञो भव्यः सत्त्वार्थसाधने

samayasaṃvarastho vā prajñāyogasutatparaḥ | mantratantraprayogajño bhavyaḥ sattvārthasādhane

Sanskrit only: no published translation is held for this verse.

योगधैर्यादियुक्तो ऽपि प्रोक्तैर् गुणैर् अनन्वितः । सत्त्वार्थे नैव भव्यो यत् सद्भिस् तैः स्युर् गुणा ह्य् अमी

yogadhairyādiyukto 'pi proktair guṇair ananvitaḥ | sattvārthe naiva bhavyo yat sadbhis taiḥ syur guṇā hy amī

Sanskrit only: no published translation is held for this verse.

कृपावान् सुव्रतो जापी श्राद्धो गम्भीरतत्त्ववित् । पूर्वसेवां स्वचक्रस्थः कृत्वा मण्डलम् आलिखेत्

kṛpāvān suvrato jāpī śrāddho gambhīratattvavit | pūrvasevāṃ svacakrasthaḥ kṛtvā maṇḍalam ālikhet

Sanskrit only: no published translation is held for this verse.

क्वचिन् मनोऽनुगे स्थाने दिग्धे सच्चन्दनादिभिः । सुगन्धिकुसुमाकीर्णे प्राक् प्रअतर् विनिवेश्य च

kvacin mano'nuge sthāne digdhe saccandanādibhiḥ | sugandhikusumākīrṇe prāk praatar viniveśya ca

Sanskrit only: no published translation is held for this verse.

विमोक्षमुखसंशुद्धौ हृदीन्दौ मं प्रभोज्ज्वलम् । ध्यात्वा शुभाभिवृद्ध्यर्थं प्रकुर्याद् देशनादिकम्

vimokṣamukhasaṃśuddhau hṛdīndau maṃ prabhojjvalam | dhyātvā śubhābhivṛddhyarthaṃ prakuryād deśanādikam

Sanskrit only: no published translation is held for this verse.

सर्वदिक्त्र्यध्वसंभूतबुद्धानां पुरतः स्थितः । हृद्प्रभोद्भवरूपाद्यैः पूजां कृत्वा विधानतः

sarvadiktryadhvasaṃbhūtabuddhānāṃ purataḥ sthitaḥ | hṛdprabhodbhavarūpādyaiḥ pūjāṃ kṛtvā vidhānataḥ

Sanskrit only: no published translation is held for this verse.

स्वासत्संकल्पमात्रोत्थं त्र्यध्वजं दुष्कृतं कृतं । स्वप्नस्वप्नादिवत् सर्वं त्रिष्कृत्य देशयाम्य् अहम्

svāsatsaṃkalpamātrotthaṃ tryadhvajaṃ duṣkṛtaṃ kṛtaṃ | svapnasvapnādivat sarvaṃ triṣkṛtya deśayāmy aham

Sanskrit only: no published translation is held for this verse.

संबुद्धसत्सुतार्याणाम् अन्येषां यच् चुभं शुभम् । निःशेषम् अनुमोद्याहं संबोधौ नामयाम्य् अनु

saṃbuddhasatsutāryāṇām anyeṣāṃ yac cubhaṃ śubham | niḥśeṣam anumodyāhaṃ saṃbodhau nāmayāmy anu

Sanskrit only: no published translation is held for this verse.

याचे ऽहं सर्वबुद्धानां सर्वाशाश्वासदायिका । देशनाकाशसंस्थानां भातु लोके ऽखिले ऽनघा

yāce 'haṃ sarvabuddhānāṃ sarvāśāśvāsadāyikā | deśanākāśasaṃsthānāṃ bhātu loke 'khile 'naghā

Sanskrit only: no published translation is held for this verse.

शुद्धनिःशेषसंकल्पान् प्रत्यात्मानन्दवेदिनः । सम्बुद्धान् शरणं यामि स्वपरार्थफलप्रदान् १४ सत्सत्त्वाशेषसद्धर्मम् आगमाधिगमात्मकम् । सत्सम्पदाश्रयाचिन्त्यं शरणं समुपैम्य् अहम्

śuddhaniḥśeṣasaṃkalpān pratyātmānandavedinaḥ | sambuddhān śaraṇaṃ yāmi svaparārthaphalapradān 14 satsattvāśeṣasaddharmam āgamādhigamātmakam | satsampadāśrayācintyaṃ śaraṇaṃ samupaimy aham

Sanskrit only: no published translation is held for this verse.

प्राप्ताश्वासम् अवैवर्त्यं निष्यन्दादिफलैर् युतम् । गुह्याभिषेकजं चैव गतो ऽस्मि शरणं गणम्

prāptāśvāsam avaivartyaṃ niṣyandādiphalair yutam | guhyābhiṣekajaṃ caiva gato 'smi śaraṇaṃ gaṇam

Sanskrit only: no published translation is held for this verse.

मुनीन्द्रसूनुसन्मार्गं चर्यानन्ताग्रबोधकम् । सर्वबुद्धात्मसद्बुद्ध्या समाश्रितो ऽस्म्य् अतो ऽधुना

munīndrasūnusanmārgaṃ caryānantāgrabodhakam | sarvabuddhātmasadbuddhyā samāśrito 'smy ato 'dhunā

Sanskrit only: no published translation is held for this verse.

सर्वावृतिसमुद्घात्यनन्तज्ञानामृतास्पदम् । भ्रमिदृष्टिप्रबोधाय बोधौ सर्वं दधे मनः

sarvāvṛtisamudghātyanantajñānāmṛtāspadam | bhramidṛṣṭiprabodhāya bodhau sarvaṃ dadhe manaḥ

Sanskrit only: no published translation is held for this verse.

बोधिचित्ताच् च बुद्धत्वं फलहेतोर् असङ्गतः । प्रत्यात्मवेद्यधर्मत्वाच् छून्यज्ञानात्मको ह्य् अहम्

bodhicittāc ca buddhatvaṃ phalahetor asaṅgataḥ | pratyātmavedyadharmatvāc chūnyajñānātmako hy aham

Sanskrit only: no published translation is held for this verse.

ॐ शून्यताज्ञानवज्रस्वभावात्मको ऽहम् । हूङ्कारं चाप्य् अथोष्णीषान् शाश्वतादिकम् एव च ॥ रक्षार्थं क्रोधचक्रस्थो ध्यायाद् विघ्नान् प्रमर्दयन्

oṃ śūnyatājñānavajrasvabhāvātmako 'ham | hūṅkāraṃ cāpy athoṣṇīṣān śāśvatādikam eva ca || rakṣārthaṃ krodhacakrastho dhyāyād vighnān pramardayan

Sanskrit only: no published translation is held for this verse.

धर्मधातुं ततो ध्यायात् त्र्यश्रं शुक्लोर्ध्वसंस्थित । दिक्चक्रवर्तिचित्राभं अन्तःखाधोऽब्जवज्रगम्

dharmadhātuṃ tato dhyāyāt tryaśraṃ śuklordhvasaṃsthita | dikcakravarticitrābhaṃ antaḥkhādho'bjavajragam

Sanskrit only: no published translation is held for this verse.

तत्र भ्रूङ्कारचक्रोत्थसविद्यशाश्वतोद्भवम् । स्फरद्बुद्धौघखव्यापि चतुरश्रादिसंयुतम्

tatra bhrūṅkāracakrotthasavidyaśāśvatodbhavam | spharadbuddhaughakhavyāpi caturaśrādisaṃyutam

Sanskrit only: no published translation is held for this verse.

शशिसूर्यसमाक्रान्तं विश्वाब्जदेवतासनम् । विभक्ताशेषसद्रत्नं कूटागारं प्रभावयेत्

śaśisūryasamākrāntaṃ viśvābjadevatāsanam | vibhaktāśeṣasadratnaṃ kūṭāgāraṃ prabhāvayet

Sanskrit only: no published translation is held for this verse.

स्वरलक्षणसंयुक्तं कादिव्यञ्जनरश्मिकम् । मध्यचन्द्रासने चित्तं ज्ञानचन्द्रं विभाव्य तत्

svaralakṣaṇasaṃyuktaṃ kādivyañjanaraśmikam | madhyacandrāsane cittaṃ jñānacandraṃ vibhāvya tat

Sanskrit only: no published translation is held for this verse.

तत्राद्यहृद्भवं वज्रं रक्तम् आद्यहृदा युतम् । कृतजिनाभदेह्यर्थस् तदहङ्कृतिमान् स्वयम्

tatrādyahṛdbhavaṃ vajraṃ raktam ādyahṛdā yutam | kṛtajinābhadehyarthas tadahaṅkṛtimān svayam

Sanskrit only: no published translation is held for this verse.

स्फतिकेन्द्वङ्गमूलास्यं नीलसव्येतरारुणम् । सर्वाकारवरोदारं सद्गुणाभरणाम्बरम्

sphatikendvaṅgamūlāsyaṃ nīlasavyetarāruṇam | sarvākāravarodāraṃ sadguṇābharaṇāmbaram

Sanskrit only: no published translation is held for this verse.

द्विभुजाश्लिष्टसत्प्रज्ञं वज्रपर्यङ्कसुस्थिरम् । वज्रखड्गभुजं सव्ये वामे सन्मणिपद्मिनम्

dvibhujāśliṣṭasatprajñaṃ vajraparyaṅkasusthiram | vajrakhaḍgabhujaṃ savye vāme sanmaṇipadminam

Sanskrit only: no published translation is held for this verse.

प्रज्ञोपायात्मकं श्रिमज् जगत्सम्पत्समाश्रयम् । समन्तभद्रम् आत्मनं भावयेत् स्फरणत्विषम्

prajñopāyātmakaṃ śrimaj jagatsampatsamāśrayam | samantabhadram ātmanaṃ bhāvayet spharaṇatviṣam

Sanskrit only: no published translation is held for this verse.

महारागविनेयं तल् लोकम् आलोक्य भाजनं । सुरतध्वनिना स्वान्तर् जिनवृन्दं निवेशयेत्

mahārāgavineyaṃ tal lokam ālokya bhājanaṃ | suratadhvaninā svāntar jinavṛndaṃ niveśayet

Sanskrit only: no published translation is held for this verse.

तल् लोचनादिसद्विद्या रूपादिविषयात्मभिः । प्रोत्सृज्य नवधा देवीः स्वविद्यान्तर् निवेशयेत्

tal locanādisadvidyā rūpādiviṣayātmabhiḥ | protsṛjya navadhā devīḥ svavidyāntar niveśayet

Sanskrit only: no published translation is held for this verse.

स्वयोषित्पद्मकर्कट्यां सुरतोद्भवमण्डलम् । निर्मायात्र जगत् कृत्स्नम् आश्वासाय प्रवेशयेत्

svayoṣitpadmakarkaṭyāṃ suratodbhavamaṇḍalam | nirmāyātra jagat kṛtsnam āśvāsāya praveśayet

Sanskrit only: no published translation is held for this verse.

खव्यापिबुद्धसन्मित्रैः स्ववज्रान्तर्द्रवोद्भवैः । सेवयेद् अविवर्त्यर्थं तत्त्वज्ञानफलाप्तये

khavyāpibuddhasanmitraiḥ svavajrāntardravodbhavaiḥ | sevayed avivartyarthaṃ tattvajñānaphalāptaye

Sanskrit only: no published translation is held for this verse.

आश्वस्तं तज् जगद् दृष्ट्वा बीजैश् चातः स्वभावजैः । उत्सृजेत् सर्वसत्त्वांश् च जगच्चित्तात्मभावजान्

āśvastaṃ taj jagad dṛṣṭvā bījaiś cātaḥ svabhāvajaiḥ | utsṛjet sarvasattvāṃś ca jagaccittātmabhāvajān

Sanskrit only: no published translation is held for this verse.

क्षितिगर्भादिकान् षट्कांश् चक्षुरादिस्वभावकान् । क्षिं ज्रं खं गं स्कं इत्य् एभिः सं-बीजाच् च यथाक्रमम्

kṣitigarbhādikān ṣaṭkāṃś cakṣurādisvabhāvakān | kṣiṃ jraṃ khaṃ gaṃ skaṃ ity ebhiḥ saṃ-bījāc ca yathākramam

Sanskrit only: no published translation is held for this verse.

रूपवज्रादिकान् षट्कान् बाह्याध्यात्मस्वभावजान् । जः हूं वं होः खं इत्य् एतै रं-बीजाच् च बहिः स्थितान्

rūpavajrādikān ṣaṭkān bāhyādhyātmasvabhāvajān | jaḥ hūṃ vaṃ hoḥ khaṃ ity etai raṃ-bījāc ca bahiḥ sthitān

Sanskrit only: no published translation is held for this verse.

लोचनाद्यास् तु ता विद्याः पृथिव्यादिस्वभावजान् । लां मां पां ताम् इति त्व् एभिर् जगद्धर्मात्मतत्त्वजाः

locanādyās tu tā vidyāḥ pṛthivyādisvabhāvajān | lāṃ māṃ pāṃ tām iti tv ebhir jagaddharmātmatattvajāḥ

Sanskrit only: no published translation is held for this verse.

शाश्वताद्यांस् तु संबुद्धान् रूपादिस्कन्धस्वभावजान् । बुं-आं-ज्रीं-भिश् च खं-हूं-भ्यां सर्वधर्मान् समुत्सृजेत्

śāśvatādyāṃs tu saṃbuddhān rūpādiskandhasvabhāvajān | buṃ-āṃ-jrīṃ-bhiś ca khaṃ-hūṃ-bhyāṃ sarvadharmān samutsṛjet

Sanskrit only: no published translation is held for this verse.

ॐ आः हूं इति तच् चित्तं भास्वद्धोर्भ्यां विदर्भितम् । गुह्यपद्मोदरान्तस्थं मृदुनिष्यन्दशुद्धये

oṃ āḥ hūṃ iti tac cittaṃ bhāsvaddhorbhyāṃ vidarbhitam | guhyapadmodarāntasthaṃ mṛduniṣyandaśuddhaye

Sanskrit only: no published translation is held for this verse.

ते च रागाग्निसंदीप्ते कायद्वयद्रवीकृते । सन्मित्राभातदिग्देवीगीत्या ध्यायात् सुचोदनाः

te ca rāgāgnisaṃdīpte kāyadvayadravīkṛte | sanmitrābhātadigdevīgītyā dhyāyāt sucodanāḥ

Sanskrit only: no published translation is held for this verse.

त्वं वज्रचित्त भुवनेश्वर सत्त्वधातो त्रायाहि मां रतिमनोज्ञा महार्थकामैः । कमाहि मां जनक सर्वमहाग्रबन्धो यदीच्छसे जीवितु मह्य नाथ

tvaṃ vajracitta bhuvaneśvara sattvadhāto trāyāhi māṃ ratimanojñā mahārthakāmaiḥ | kamāhi māṃ janaka sarvamahāgrabandho yadīcchase jīvitu mahya nātha

Sanskrit only: no published translation is held for this verse.

त्वं वज्रकाय बहुसत्त्वप्रियाज्ञचक्र बुद्धार्थबोधिपरमार्थहितानुदर्शी । रागेण रागसमयां मम कामयस्व यदीच्छसे जीवितु मह्य नाथ

tvaṃ vajrakāya bahusattvapriyājñacakra buddhārthabodhiparamārthahitānudarśī | rāgeṇa rāgasamayāṃ mama kāmayasva yadīcchase jīvitu mahya nātha

Sanskrit only: no published translation is held for this verse.

त्वं वज्रवाच सकलस्य हितानुकम्पी लोकार्थकार्यकरणे सदा संप्रवृत्त । कामहि मां सुरतचर्य समन्तभद्र यदीच्छसे जीवितु मह्य नाथ

tvaṃ vajravāca sakalasya hitānukampī lokārthakāryakaraṇe sadā saṃpravṛtta | kāmahi māṃ suratacarya samantabhadra yadīcchase jīvitu mahya nātha

Sanskrit only: no published translation is held for this verse.

त्वं वज्रकाम समयाग्र महाहितार्थ सम्बुद्धवंशतिलकः समतानुकम्पी । कामाहि मां गुणनिधिं बहुरत्नभूतां यदीच्छसे जीवितु मह्य नाथ

tvaṃ vajrakāma samayāgra mahāhitārtha sambuddhavaṃśatilakaḥ samatānukampī | kāmāhi māṃ guṇanidhiṃ bahuratnabhūtāṃ yadīcchase jīvitu mahya nātha

Sanskrit only: no published translation is held for this verse.

उत्थापन्यनुरोधात् तद् द्रवं पश्यन् विपत्तिवत् । मायावद् वस्तु संचिन्त्य स्वमन्त्रार्थः पुनर् भवेत्

utthāpanyanurodhāt tad dravaṃ paśyan vipattivat | māyāvad vastu saṃcintya svamantrārthaḥ punar bhavet

Sanskrit only: no published translation is held for this verse.

कुङ्कूमाकारमूलास्यो नीलसव्यसितेतरः । कुमाराभरणाकारः प्रज्ञानन्दैकसुन्दरः

kuṅkūmākāramūlāsyo nīlasavyasitetaraḥ | kumārābharaṇākāraḥ prajñānandaikasundaraḥ

Sanskrit only: no published translation is held for this verse.

द्विभुजाश्लिष्टसत्प्रज्ञः स्वाभप्रज्ञाधरास्यधृक् । भास्वत्कृपाणसद्बाणनीलोत्पलधनुःकरः

dvibhujāśliṣṭasatprajñaḥ svābhaprajñādharāsyadhṛk | bhāsvatkṛpāṇasadbāṇanīlotpaladhanuḥkaraḥ

Sanskrit only: no published translation is held for this verse.

स्फरद्बुद्धौघनिर्माणनिष्पादितजगत्त्रयः । स्वबीजोद्भवचिह्नोत्थमञ्जुवज्रः स्वयं भवेत्

spharadbuddhaughanirmāṇaniṣpāditajagattrayaḥ | svabījodbhavacihnotthamañjuvajraḥ svayaṃ bhavet

Sanskrit only: no published translation is held for this verse.

भवसङ्गाद् भवोऽ नन्तः शमसङ्गो विपत्तिभाक् । मायया कृतसंसेवो धर्मधात्वात्मको भवेत्

bhavasaṅgād bhavo' nantaḥ śamasaṅgo vipattibhāk | māyayā kṛtasaṃsevo dharmadhātvātmako bhavet

Sanskrit only: no published translation is held for this verse.

ॐ धर्मधातुस्वभावात्मको ऽहम् ॥ सन्मित्रैः कृतनिष्यन्दः पाकात् सर्वज्ञताम् इयात् । तच्चक्षुराद्यधिष्ठानम् उपसाधनम् इष्यते

oṃ dharmadhātusvabhāvātmako 'ham || sanmitraiḥ kṛtaniṣyandaḥ pākāt sarvajñatām iyāt | taccakṣurādyadhiṣṭhānam upasādhanam iṣyate

Sanskrit only: no published translation is held for this verse.

क्षितीशकुलिशाकाशलोकेशस्काम्भभद्रकैः । संपूर्य चक्षुरादीनि तद्बीजैः पौरुषं वहेत्

kṣitīśakuliśākāśalokeśaskāmbhabhadrakaiḥ | saṃpūrya cakṣurādīni tadbījaiḥ pauruṣaṃ vahet

Sanskrit only: no published translation is held for this verse.

धर्मसंभोगनिर्माणवाहिनी जगदर्थता । चित्तगुह्याद्यधिष्ठानं साधनार्थम् अतो भवेत्

dharmasaṃbhoganirmāṇavāhinī jagadarthatā | cittaguhyādyadhiṣṭhānaṃ sādhanārtham ato bhavet

Sanskrit only: no published translation is held for this verse.

स्वहृत्कण्ठशिरश्चन्द्रे हूं-आः-ॐ-जांश् च सत्प्रभून् । वज्राब्जचक्रमध्यस्थान् ध्यात्वा चित्तादिगुह्यकान्

svahṛtkaṇṭhaśiraścandre hūṃ-āḥ-oṃ-jāṃś ca satprabhūn | vajrābjacakramadhyasthān dhyātvā cittādiguhyakān

Sanskrit only: no published translation is held for this verse.

तद्धृत्प्रज्ञाङ्गसङ्गार्चीरूपवज्रादिरश्मिभिः । संपूज्य सर्वदिक्त्र्यध्वव्याप्ताशेषविनायकान्

taddhṛtprajñāṅgasaṅgārcīrūpavajrādiraśmibhiḥ | saṃpūjya sarvadiktryadhvavyāptāśeṣavināyakān

Sanskrit only: no published translation is held for this verse.

कृतार्थसंपदां तेषां ये हृत्कण्ठशिरोगताः । चित्तवज्रादयस् तांस् तु तदधिष्ठाने प्रयाचयेत्

kṛtārthasaṃpadāṃ teṣāṃ ye hṛtkaṇṭhaśirogatāḥ | cittavajrādayas tāṃs tu tadadhiṣṭhāne prayācayet

Sanskrit only: no published translation is held for this verse.

चित्तवज्रधरः श्रीमांस् त्रिवज्राभेद्यभावितः । अधिष्ठानपदं मे ऽद्य करोतु चित्तवज्रिणः

cittavajradharaḥ śrīmāṃs trivajrābhedyabhāvitaḥ | adhiṣṭhānapadaṃ me 'dya karotu cittavajriṇaḥ

Sanskrit only: no published translation is held for this verse.

दशदिक्संस्थिता बुद्धास् त्रिवज्राभेद्यभाविताः । अधिष्ठानपदं मे ऽद्य कुर्वन्तु चित्तवज्रिणः

daśadiksaṃsthitā buddhās trivajrābhedyabhāvitāḥ | adhiṣṭhānapadaṃ me 'dya kurvantu cittavajriṇaḥ

Sanskrit only: no published translation is held for this verse.

ॐ सर्वतथागतचित्तवज्रस्वभावात्मको ऽहम् ॥ धर्मो वै वाक्पथः श्रीमांस् त्रिवज्राभेद्यभावितः । अधिष्ठानपदं मे ऽद्य करोतु वाग्वज्रिणः

oṃ sarvatathāgatacittavajrasvabhāvātmako 'ham || dharmo vai vākpathaḥ śrīmāṃs trivajrābhedyabhāvitaḥ | adhiṣṭhānapadaṃ me 'dya karotu vāgvajriṇaḥ

Sanskrit only: no published translation is held for this verse.

दशदिक्संस्थिता बुद्धास् त्रिवज्राभेद्यभाविताः । अधिष्ठानपदं मे ऽद्य कुर्वन्तु वाग्वज्रिणः

daśadiksaṃsthitā buddhās trivajrābhedyabhāvitāḥ | adhiṣṭhānapadaṃ me 'dya kurvantu vāgvajriṇaḥ

Sanskrit only: no published translation is held for this verse.

ॐ सर्वतथागतवाग्वज्रस्वभावात्मको ऽहम् ॥ कायवज्रधरः श्रीमांस् त्रिवज्राभेद्यभावितः । अधिष्ठानपदं मे ऽद्य करोतु कायवज्रिणः

oṃ sarvatathāgatavāgvajrasvabhāvātmako 'ham || kāyavajradharaḥ śrīmāṃs trivajrābhedyabhāvitaḥ | adhiṣṭhānapadaṃ me 'dya karotu kāyavajriṇaḥ

Sanskrit only: no published translation is held for this verse.

दशदिक्संस्थिता बुद्धास् त्रिवज्राभेद्यभाविताः । अधिष्ठानपदं मे ऽद्य कुर्वन्तु कायवज्रिणः

daśadiksaṃsthitā buddhās trivajrābhedyabhāvitāḥ | adhiṣṭhānapadaṃ me 'dya kurvantu kāyavajriṇaḥ

Sanskrit only: no published translation is held for this verse.

ॐ सर्वतथागतकायवज्रस्वभावात्मको ऽहम् ॥ षोडशानुस्मृतेः शुद्धौ कुर्वन्तीति तदुक्तवान् । तस्य चित्ताद्यधिष्ठानं नोक्तम् अप्रस्तुतोक्तितः

oṃ sarvatathāgatakāyavajrasvabhāvātmako 'ham || ṣoḍaśānusmṛteḥ śuddhau kurvantīti taduktavān | tasya cittādyadhiṣṭhānaṃ noktam aprastutoktitaḥ

Sanskrit only: no published translation is held for this verse.

त्रिगुह्यालक्षणं वीक्ष्य मायाप्रज्ञाङ्गसङ्गतः । मृदुवैमल्यसंशुद्धौ महासाधनम् इष्यते

triguhyālakṣaṇaṃ vīkṣya māyāprajñāṅgasaṅgataḥ | mṛduvaimalyasaṃśuddhau mahāsādhanam iṣyate

Sanskrit only: no published translation is held for this verse.

संचोद्य दिग्गतान् नाथान् ज्ञानसत्त्वहृदर्चिषा । तत्प्रभोद्भवविद्याभिर् भृतकुम्भामृताम्बुभिः

saṃcodya diggatān nāthān jñānasattvahṛdarciṣā | tatprabhodbhavavidyābhir bhṛtakumbhāmṛtāmbubhiḥ

Sanskrit only: no published translation is held for this verse.

स्वभिषिक्तः प्रभुः श्रीमान् कुलेशमकुटोत्तमः । निष्यन्दाद्यैस् तथा मध्यैः स्वाभां प्रज्ञां विशोधयेत्

svabhiṣiktaḥ prabhuḥ śrīmān kuleśamakuṭottamaḥ | niṣyandādyais tathā madhyaiḥ svābhāṃ prajñāṃ viśodhayet

Sanskrit only: no published translation is held for this verse.

शिरोहृन्नाभिगुह्ये ऽस्याश् चरणान्ते च प्रत्यणून् । ॐ-हूं-स्वा-हृद्भिः आः-हाभ्यां शाश्वतादिकुलात्मकैः ॥३२ ६५ आपूर्य पञ्चसंबुद्धैः हूं-आः-अष्टदलाब्जिकाम् । संविशोध्य तया बुद्धान् हूं-सद्वज्रो ऽनुरागयेत्

śirohṛnnābhiguhye 'syāś caraṇānte ca pratyaṇūn | oṃ-hūṃ-svā-hṛdbhiḥ āḥ-hābhyāṃ śāśvatādikulātmakaiḥ ||32 65 āpūrya pañcasaṃbuddhaiḥ hūṃ-āḥ-aṣṭadalābjikām | saṃviśodhya tayā buddhān hūṃ-sadvajro 'nurāgayet

Sanskrit only: no published translation is held for this verse.

ॐ सर्वतथागतानुरागणवज्रस्वभावात्मको ऽहम् ॥ हृच्चन्द्रखद्गहृद्भाभिः खव्यापिबुद्धमण्डलम् । निवेश्यात्मनि सच्चित्तरूपम् वज्राब्जसंस्थितम्

oṃ sarvatathāgatānurāgaṇavajrasvabhāvātmako 'ham || hṛccandrakhadgahṛdbhābhiḥ khavyāpibuddhamaṇḍalam | niveśyātmani saccittarūpam vajrābjasaṃsthitam

Sanskrit only: no published translation is held for this verse.

निजचक्रं स्वबीजेन तत्रोत्पाद्य स्थिरीकृतम् । उत्सृजेद् विधिनानेन जगत्स्व् अज्ञानशुद्धये

nijacakraṃ svabījena tatrotpādya sthirīkṛtam | utsṛjed vidhinānena jagatsv ajñānaśuddhaye

Sanskrit only: no published translation is held for this verse.

संचोद्याधिपम् अक्षोभ्यं महाद्वेशार्थकृज्जिनम् । वज्रधृग् इति चोत्सृज्याङ्गेन्द्रनीलमणिप्रभम्

saṃcodyādhipam akṣobhyaṃ mahādveśārthakṛjjinam | vajradhṛg iti cotsṛjyāṅgendranīlamaṇiprabham

Sanskrit only: no published translation is held for this verse.

सितसव्येतरारक्तम् परमाद्यभुजान्वितम् । संहृत्यात्मनि सच्छ्रीमान् सर्वभावैर् निवेशयेत्

sitasavyetarāraktam paramādyabhujānvitam | saṃhṛtyātmani sacchrīmān sarvabhāvair niveśayet

Sanskrit only: no published translation is held for this verse.

जिनजिग् इति चाद्याभं महामोहार्थकृद्विभुम् । सच्चक्राद्यन्वितं तद्वद् ध्यायात् पूर्वेन्दुमण्डले

jinajig iti cādyābhaṃ mahāmohārthakṛdvibhum | saccakrādyanvitaṃ tadvad dhyāyāt pūrvendumaṇḍale

Sanskrit only: no published translation is held for this verse.

रत्नधृग् इति रत्नेशं सुवर्णाभं समोद्यमम् । सद्रत्नाद्यन्वितं नाथं कुमारास्यं तु दक्षिणे

ratnadhṛg iti ratneśaṃ suvarṇābhaṃ samodyamam | sadratnādyanvitaṃ nāthaṃ kumārāsyaṃ tu dakṣiṇe

Sanskrit only: no published translation is held for this verse.

आरोलिग् इति वागीशं महारागार्थकृत्प्रभुम् । पद्मरागाभपद्माद्यां कुमारास्यं तु पृष्ठतः

ārolig iti vāgīśaṃ mahārāgārthakṛtprabhum | padmarāgābhapadmādyāṃ kumārāsyaṃ tu pṛṣṭhataḥ

Sanskrit only: no published translation is held for this verse.

प्रज्ञाधृग् इत्य् अमोघेशं महोग्रेर्ष्यार्थकृत्खजम् । वैदूर्याभं कुमारास्यं ध्यायात् खड्गाद्यम् उत्तरे

prajñādhṛg ity amogheśaṃ mahogrerṣyārthakṛtkhajam | vaidūryābhaṃ kumārāsyaṃ dhyāyāt khaḍgādyam uttare

Sanskrit only: no published translation is held for this verse.

सजटामुकुटाः सर्वे स्वविद्याद्वयसन्गिणः । सर्वाभरणसद्वस्त्रा ध्येयाः पद्मार्कमण्डले

sajaṭāmukuṭāḥ sarve svavidyādvayasangiṇaḥ | sarvābharaṇasadvastrā dhyeyāḥ padmārkamaṇḍale

Sanskrit only: no published translation is held for this verse.

मोहरतीति चाग्नेयां कृपोपायजनार्थदा । कायेशवत्स्वरूपा स्याल् लोचना स्वेन्दुमण्डले

moharatīti cāgneyāṃ kṛpopāyajanārthadā | kāyeśavatsvarūpā syāl locanā svendumaṇḍale

Sanskrit only: no published translation is held for this verse.

द्वेषरतीति नैरृत्यां मैत्रीप्रणिधिकामदा । चित्तेशवद्रतौत्सुक्या मामकी चन्द्रमण्डले

dveṣaratīti nairṛtyāṃ maitrīpraṇidhikāmadā | citteśavadratautsukyā māmakī candramaṇḍale

Sanskrit only: no published translation is held for this verse.

रागरतीति वायव्यां मोदबलसमाधिदा । वागीशाभार्थशुद्धा सा पाण्डरा चन्द्रमण्डले

rāgaratīti vāyavyāṃ modabalasamādhidā | vāgīśābhārthaśuddhā sā pāṇḍarā candramaṇḍale

Sanskrit only: no published translation is held for this verse.

वज्ररतीति चैषान्याम् उपेक्षज्ञानसाधिका । रत्नेशवत्स्वरूपा स्याच् चन्द्रे तारा मनोरमा

vajraratīti caiṣānyām upekṣajñānasādhikā | ratneśavatsvarūpā syāc candre tārā manoramā

Sanskrit only: no published translation is held for this verse.

चक्रं रक्तोत्पलं दिव्यं पङ्कजं पीतं उत्पलम् । शिष्टं स्वाधिपवद् दिष्टं चिह्नम् आसां क्रमाद् अतः

cakraṃ raktotpalaṃ divyaṃ paṅkajaṃ pītaṃ utpalam | śiṣṭaṃ svādhipavad diṣṭaṃ cihnam āsāṃ kramād ataḥ

Sanskrit only: no published translation is held for this verse.

आग्नेयादिचतुःकोणे पूर्वद्वारद्विपार्श्वयोः । रूपाद्या दर्पणाद्यैः स्युः कायाद्याभास् त्रितत्त्वतः

āgneyādicatuḥkoṇe pūrvadvāradvipārśvayoḥ | rūpādyā darpaṇādyaiḥ syuḥ kāyādyābhās tritattvataḥ

Sanskrit only: no published translation is held for this verse.

प्राग्द्वारे क्रोधपर्यङ्कश् चित्तेशाकारभासुरः । यमान्तकृद् इतीतिघ्नः स्कन्धज्ञेयविनाशतः

prāgdvāre krodhaparyaṅkaś citteśākārabhāsuraḥ | yamāntakṛd itītighnaḥ skandhajñeyavināśataḥ

Sanskrit only: no published translation is held for this verse.

कायेशाभोग्रदृग् भीमो ऽवाग्द्वारे ऽपराजितः । प्रज्ञान्तकृद् इतीच्छाघ्नः स्वात्मदृक्क्लेशहानितः

kāyeśābhogradṛg bhīmo 'vāgdvāre 'parājitaḥ | prajñāntakṛd itīcchāghnaḥ svātmadṛkkleśahānitaḥ

Sanskrit only: no published translation is held for this verse.

मृत्युजन्माघसां घाती पृष्ठद्वारे ऽश्वकन्धरः । पद्मान्तकृद् इतीच्छाघ्नो वागीशाभोग्रघूर्णितः

mṛtyujanmāghasāṃ ghātī pṛṣṭhadvāre 'śvakandharaḥ | padmāntakṛd itīcchāghno vāgīśābhograghūrṇitaḥ

Sanskrit only: no published translation is held for this verse.

अक्षोभ्याभोग्रविघ्नघ्न उत्तरे ऽमृतकुण्डलिः । विघ्नान्तकृद् इति द्वारक्रियासुरारिशुद्धितः

akṣobhyābhogravighnaghna uttare 'mṛtakuṇḍaliḥ | vighnāntakṛd iti dvārakriyāsurāriśuddhitaḥ

Sanskrit only: no published translation is held for this verse.

भ्रूभङ्गोर्ध्वज्वलत्केशबभ्रुभ्रूश्मश्रुलोचनाः । व्यावृताश्या ललज्जिह्वाः सदंष्ट्रोत्कटहासिनः

bhrūbhaṅgordhvajvalatkeśababhrubhrūśmaśrulocanāḥ | vyāvṛtāśyā lalajjihvāḥ sadaṃṣṭrotkaṭahāsinaḥ

Sanskrit only: no published translation is held for this verse.

चण्डमुद्गरदण्डाब्जस्ववज्रादिकरास् त्व् अमी । क्रूरभुजङ्गभूषाङ्गाः स्वाभविद्याङ्गसङ्गिनः

caṇḍamudgaradaṇḍābjasvavajrādikarās tv amī | krūrabhujaṅgabhūṣāṅgāḥ svābhavidyāṅgasaṅginaḥ

Sanskrit only: no published translation is held for this verse.

निष्पन्नं चक्रम् आलोक्य निजभावेन सर्वतः । हृद्बीजाभाङ्कुशैर् बुद्धांश् चक्राकारसमाहृतान्

niṣpannaṃ cakram ālokya nijabhāvena sarvataḥ | hṛdbījābhāṅkuśair buddhāṃś cakrākārasamāhṛtān

Sanskrit only: no published translation is held for this verse.

दृष्ट्वा विघ्नान् स्वविघ्नघ्नैः समुत्सार्याभिरक्ष्य च । दत्त्वार्घं मन्त्रसंजप्तं चन्द्रादिकुसुमान्वितम्

dṛṣṭvā vighnān svavighnaghnaiḥ samutsāryābhirakṣya ca | dattvārghaṃ mantrasaṃjaptaṃ candrādikusumānvitam

Sanskrit only: no published translation is held for this verse.

चक्रे निवेश्य तच् चक्रं चक्षुःकायाद्यधिष्ठितम् । प्राग्वत् सिक्तं च तद् ध्यायान् निष्यन्दाद्यधिमात्रतः

cakre niveśya tac cakraṃ cakṣuḥkāyādyadhiṣṭhitam | prāgvat siktaṃ ca tad dhyāyān niṣyandādyadhimātrataḥ

Sanskrit only: no published translation is held for this verse.

बुद्धानां मकुटे ऽक्षोभ्यः शेषाः स्वाधिपसेकिनः । कायेशाक्षोभ्यवागीशचित्तेशैर् द्वारिणो मताः

buddhānāṃ makuṭe 'kṣobhyaḥ śeṣāḥ svādhipasekinaḥ | kāyeśākṣobhyavāgīśacitteśair dvāriṇo matāḥ

Sanskrit only: no published translation is held for this verse.

इत्य् आसिच्य स्वहृद्भाभिः प्रज्ञाब्जान्तर्निवेशितम् । रूपाद्यं रोमकूपोत्थं रूपवज्रादिरश्मिभिः

ity āsicya svahṛdbhābhiḥ prajñābjāntarniveśitam | rūpādyaṃ romakūpotthaṃ rūpavajrādiraśmibhiḥ

Sanskrit only: no published translation is held for this verse.

कूटागारप्रभोन्मुक्तैर् गगनान्तःप्रसर्पिभिः । सम्पूज्य स्वं मुनीन्द्रांश् च पूज्यपूजात्मको भवेत्

kūṭāgāraprabhonmuktair gaganāntaḥprasarpibhiḥ | sampūjya svaṃ munīndrāṃś ca pūjyapūjātmako bhavet

Sanskrit only: no published translation is held for this verse.

ॐ सर्वतथागतपूजावज्रस्वभावात्मको ऽहम् ॥ सर्वधर्मैः स्तुयाच् चक्रं संबुद्धस्वात्ममूर्तिभिः । पञ्चज्ञानानि मुद्राभिः शतपञ्चकुलं त्रिकम्

oṃ sarvatathāgatapūjāvajrasvabhāvātmako 'ham || sarvadharmaiḥ stuyāc cakraṃ saṃbuddhasvātmamūrtibhiḥ | pañcajñānāni mudrābhiḥ śatapañcakulaṃ trikam

Sanskrit only: no published translation is held for this verse.

अक्षोभ्यवज्र महाज्ञान वज्रधातु महाबुध । त्रिमण्डल त्रिवज्राग्र घोषवज्र नमो ऽस्तु ते

akṣobhyavajra mahājñāna vajradhātu mahābudha | trimaṇḍala trivajrāgra ghoṣavajra namo 'stu te

Sanskrit only: no published translation is held for this verse.

वैरोचन महाशुद्ध वज्रशान्त महारते । प्रकृतिप्रभास्वराग्राग्र्य देशवज्र नमो ऽस्तु ते

vairocana mahāśuddha vajraśānta mahārate | prakṛtiprabhāsvarāgrāgrya deśavajra namo 'stu te

Sanskrit only: no published translation is held for this verse.

रत्नराज सुगाम्भीर्य खवज्राकाशनिर्मल । स्वभावशुद्ध निर्लेप कायवज्र नमो ऽस्तु ते

ratnarāja sugāmbhīrya khavajrākāśanirmala | svabhāvaśuddha nirlepa kāyavajra namo 'stu te

Sanskrit only: no published translation is held for this verse.

वज्रामित महाराज निर्विकल्प खवज्रधृक् । रागपारमिताप्राप्त भाषवज्र नमो ऽस्तु ते

vajrāmita mahārāja nirvikalpa khavajradhṛk | rāgapāramitāprāpta bhāṣavajra namo 'stu te

Sanskrit only: no published translation is held for this verse.

अमोघवज्र संबुद्ध सर्वाशापरिपूरक । शुद्धस्वभावसंभूत वज्रसत्त्व नमो ऽस्तु ते

amoghavajra saṃbuddha sarvāśāparipūraka | śuddhasvabhāvasaṃbhūta vajrasattva namo 'stu te

Sanskrit only: no published translation is held for this verse.

चन्द्रार्कवारिभैषज्यगन्धं वाय्वग्निचक्रगम् । प्रणवाधिष्ठितं सार्चिस् त्रितत्त्वैर् अभिमन्त्रितम्

candrārkavāribhaiṣajyagandhaṃ vāyvagnicakragam | praṇavādhiṣṭhitaṃ sārcis tritattvair abhimantritam

Sanskrit only: no published translation is held for this verse.

हूंन्यस्तवज्रसज्जिह्वो ध्यात्वा ज्ञानामृतैर् भृतम् । हृच्चन्द्रान्तर्गताशेषचक्रं तेन प्रतर्पयेत्

hūṃnyastavajrasajjihvo dhyātvā jñānāmṛtair bhṛtam | hṛccandrāntargatāśeṣacakraṃ tena pratarpayet

Sanskrit only: no published translation is held for this verse.

हृद्रश्मिनिर्मितैर् नाथैः स्वासत्संकल्पवर्जितैः । बुद्धात्मकं जगत् कृत्वा हृद्बीजान्तर् निवेशयेत्

hṛdraśminirmitair nāthaiḥ svāsatsaṃkalpavarjitaiḥ | buddhātmakaṃ jagat kṛtvā hṛdbījāntar niveśayet

Sanskrit only: no published translation is held for this verse.

हृच्चिह्नवरटान्तस्थं चन्द्रहृद्बिन्दुरूपकम् । प्रभास्वत् स्वमनो ध्यात्वा ज्ञानसत्त्वं प्रभासयेत्

hṛccihnavaraṭāntasthaṃ candrahṛdbindurūpakam | prabhāsvat svamano dhyātvā jñānasattvaṃ prabhāsayet

Sanskrit only: no published translation is held for this verse.

चित्तवाक्कायवज्रं च प्रबोध्य रश्मिमालया । निविष्टां हृदि तां ध्यायात् स्वज्ञानामृतवाहिनीम्

cittavākkāyavajraṃ ca prabodhya raśmimālayā | niviṣṭāṃ hṛdi tāṃ dhyāyāt svajñānāmṛtavāhinīm

Sanskrit only: no published translation is held for this verse.

अन्तस् तनुम् अतः सर्वां तयाभास्य समन्ततः । प्रतिरोमप्रभाव्यूहैर् जगदर्थं प्रपूरयन्

antas tanum ataḥ sarvāṃ tayābhāsya samantataḥ | pratiromaprabhāvyūhair jagadarthaṃ prapūrayan

Sanskrit only: no published translation is held for this verse.

ध्यात्वा सूक्ष्मं स्वचिह्नं वा विद्यानासाग्रसंस्थितम् । मुनिचक्रं स्वसंवेद्यं सत्प्रज्ञासङ्गभास्वरम्

dhyātvā sūkṣmaṃ svacihnaṃ vā vidyānāsāgrasaṃsthitam | municakraṃ svasaṃvedyaṃ satprajñāsaṅgabhāsvaram

Sanskrit only: no published translation is held for this verse.

दृष्त्वा स्थैर्यनिमित्तं तु स्फरणं तद्रश्मिनिमित्तैः । बुद्धैर् नानाविधैश् चिह्नैर् विदधीत पुनः पुनः

dṛṣtvā sthairyanimittaṃ tu spharaṇaṃ tadraśminimittaiḥ | buddhair nānāvidhaiś cihnair vidadhīta punaḥ punaḥ

Sanskrit only: no published translation is held for this verse.

कायवाक्चित्तसद्वज्रात् पञ्चसज्ज्ञानरश्मिकम् । स्फरन्मन्त्रं जपं कुर्याद् युगपत् क्रमशो ऽथवा

kāyavākcittasadvajrāt pañcasajjñānaraśmikam | spharanmantraṃ japaṃ kuryād yugapat kramaśo 'thavā

Sanskrit only: no published translation is held for this verse.

वज्राब्जधर्मतच्चक्रं कायवाक्चित्तवज्रगम् । निलयं तद् दृढीकुर्वञ् ज्ञानकायं स्फरञ् जपेत्

vajrābjadharmataccakraṃ kāyavākcittavajragam | nilayaṃ tad dṛḍhīkurvañ jñānakāyaṃ spharañ japet

Sanskrit only: no published translation is held for this verse.

उच्चारयेत् स्फरन् प्राणैर् मन्त्रम् आयामसंहृतम् । कायादिस्फारसंहारैः कुर्याज् जापं क्रमाक्रमात्

uccārayet spharan prāṇair mantram āyāmasaṃhṛtam | kāyādisphārasaṃhāraiḥ kuryāj jāpaṃ kramākramāt

Sanskrit only: no published translation is held for this verse.

उच्चार्यैवं वियद् व्याप्य कायाद्यैस् तैः स्वरश्मिभिः । प्राग्वत् सच्चित्तपूजार्हं प्राणाद् विद्यौघम् उत्सृजन्

uccāryaivaṃ viyad vyāpya kāyādyais taiḥ svaraśmibhiḥ | prāgvat saccittapūjārhaṃ prāṇād vidyaugham utsṛjan

Sanskrit only: no published translation is held for this verse.

परिगूढोल्लसद्विद्यासुखावेशवशीकृतम् । आयामाज्ञानबुद्धौघं स्वात्मन्य् अन्ते निवेशयेत्

parigūḍhollasadvidyāsukhāveśavaśīkṛtam | āyāmājñānabuddhaughaṃ svātmany ante niveśayet

Sanskrit only: no published translation is held for this verse.

निष्यन्दाद्यधिमोक्षैश् च बिन्दुसूक्ष्मत्रिगुह्यजाः । ध्येया मृद्वादिभिर् भेदैर् योगाः सेवादिवत् तथा

niṣyandādyadhimokṣaiś ca bindusūkṣmatriguhyajāḥ | dhyeyā mṛdvādibhir bhedair yogāḥ sevādivat tathā

Sanskrit only: no published translation is held for this verse.

स्वहृत्तत्त्वपरामर्षात् परीत्तचित्तसंसृतेः । लोचनादिगणोद्गीतैश् चक्रम् अभ्यर्थ्य पूजयेत्

svahṛttattvaparāmarṣāt parīttacittasaṃsṛteḥ | locanādigaṇodgītaiś cakram abhyarthya pūjayet

Sanskrit only: no published translation is held for this verse.

मूर्ध्नीन्दुप्रणवार्द्रां तु सचित्तवारिवाहिनीम् । विधिवत् पातयन् कुर्यात् कायवाक्चित्तप्रीणनम्

mūrdhnīndupraṇavārdrāṃ tu sacittavārivāhinīm | vidhivat pātayan kuryāt kāyavākcittaprīṇanam

Sanskrit only: no published translation is held for this verse.

विश्रम्यैवं जपं कृत्वा कृतपूजादिको बुधः । त्रितत्त्वात्माहितान् बुद्धान् गतसङ्गो विसर्जयेत् ॥५४ ११६ एवं तत्त्वदृशा मुक्तं जगत् कृत्स्नं विलोक्य च । प्रणिधिम् आमुखीकुर्यात् कृपया तद्धिताय च

viśramyaivaṃ japaṃ kṛtvā kṛtapūjādiko budhaḥ | tritattvātmāhitān buddhān gatasaṅgo visarjayet ||54 116 evaṃ tattvadṛśā muktaṃ jagat kṛtsnaṃ vilokya ca | praṇidhim āmukhīkuryāt kṛpayā taddhitāya ca

Sanskrit only: no published translation is held for this verse.

समाधितः समुत्थाय गर्वं पत्युः समुद्वहन् । चारगतस् तु संबुद्धविषयैः संप्रपूजयेत्

samādhitaḥ samutthāya garvaṃ patyuḥ samudvahan | cāragatas tu saṃbuddhaviṣayaiḥ saṃprapūjayet

Sanskrit only: no published translation is held for this verse.

श्रीमञ्जुवज्रसर्वात्मा स्वभावविषयानुगान् । विषयान् भावयन्न् एवं स्वस्वशुद्ध्या प्रतिष्ठितान्

śrīmañjuvajrasarvātmā svabhāvaviṣayānugān | viṣayān bhāvayann evaṃ svasvaśuddhyā pratiṣṭhitān

Sanskrit only: no published translation is held for this verse.

शाश्वतादिस्वभावांस् तान् प्रत्यात्मधर्मसंस्थितान् । श्रीमद्वज्रधराकारान् शुद्धसत्त्वसमन्वितः

śāśvatādisvabhāvāṃs tān pratyātmadharmasaṃsthitān | śrīmadvajradharākārān śuddhasattvasamanvitaḥ

Sanskrit only: no published translation is held for this verse.

सर्वं संपादयेत् कृत्यं स्वासत्संकल्पवर्जितः । सच्चक्रानन्तपूजेयं सदामेया सुयोगिनः

sarvaṃ saṃpādayet kṛtyaṃ svāsatsaṃkalpavarjitaḥ | saccakrānantapūjeyaṃ sadāmeyā suyoginaḥ

Sanskrit only: no published translation is held for this verse.

स्वहृच्चन्द्रे स्वचक्रेशं निजबीजैः स्वभोजनम् । समालम्ब्य स्वहृत्तत्त्वैः सर्वबुद्धामृततायितम्

svahṛccandre svacakreśaṃ nijabījaiḥ svabhojanam | samālambya svahṛttattvaiḥ sarvabuddhāmṛtatāyitam

Sanskrit only: no published translation is held for this verse.

सर्वधर्मतया शुद्धं त्रितत्त्वैर् अभिमन्त्रितम् । स्वाधिदैवतसच्चक्रं प्रीणयंस् तेन पूजयेत्

sarvadharmatayā śuddhaṃ tritattvair abhimantritam | svādhidaivatasaccakraṃ prīṇayaṃs tena pūjayet

Sanskrit only: no published translation is held for this verse.