Guhyasamājamaṇḍalavidhi 1

हे वज्रनाम तथागत सिद्धये भूर् भूवः स्वः ॥ व्याक्रियते ऽनया यस् तु मन्त्री सर्वजगत्पतिः । बोधाव् अनुत्तरायां हि व्याकुर्यात् सुगतैर् अपि

he vajranāma tathāgata siddhaye bhūr bhūvaḥ svaḥ || vyākriyate 'nayā yas tu mantrī sarvajagatpatiḥ | bodhāv anuttarāyāṃ hi vyākuryāt sugatair api

Sanskrit only: no published translation is held for this verse.

यथा यथा हि विनयं सत्त्वा यान्ति स्वभावतः । तथा तथा हि सत्त्वार्थम् कुर्याद् रागादिभिः शुचिः

yathā yathā hi vinayaṃ sattvā yānti svabhāvataḥ | tathā tathā hi sattvārtham kuryād rāgādibhiḥ śuciḥ

Sanskrit only: no published translation is held for this verse.

प्रतिदिनं चतुःसन्ध्यं समाधित्रययोगवान् । भूत्वा साधय संसिद्धिं सामान्येतरभावनीम्

pratidinaṃ catuḥsandhyaṃ samādhitrayayogavān | bhūtvā sādhaya saṃsiddhiṃ sāmānyetarabhāvanīm

Sanskrit only: no published translation is held for this verse.

अन्तर्धिर् धातुसाहस्रे द्विसाहस्रेष्व् अभिज्ञकः । विद्याधरस् त्रिसाहस्रे वज्री सर्वजगत्पतिः

antardhir dhātusāhasre dvisāhasreṣv abhijñakaḥ | vidyādharas trisāhasre vajrī sarvajagatpatiḥ

Sanskrit only: no published translation is held for this verse.

शान्तिपुष्ट्यादि यत् कर्म तदन्यद् वा यद् ईप्सितम् । चक्रानुरागयोगेन साधयन् सिध्यते लघु

śāntipuṣṭyādi yat karma tadanyad vā yad īpsitam | cakrānurāgayogena sādhayan sidhyate laghu

Sanskrit only: no published translation is held for this verse.

तद् उक्तम् ॥ वज्राधिपतयः सर्वे रागतत्त्वार्थचिन्तकाः । कुर्वन्ति रागजां बोधिं सर्वसत्त्वहितैषिनिईं

tad uktam || vajrādhipatayaḥ sarve rāgatattvārthacintakāḥ | kurvanti rāgajāṃ bodhiṃ sarvasattvahitaiṣiniīṃ

Sanskrit only: no published translation is held for this verse.

अतो बोध्यर्थिको मन्त्री कायवाक्चित्तचेष्टितम् । कर्म कुर्याद् विधानेन सर्वं तद् बोधये मतम्

ato bodhyarthiko mantrī kāyavākcittaceṣṭitam | karma kuryād vidhānena sarvaṃ tad bodhaye matam

Sanskrit only: no published translation is held for this verse.

यथा प्रविष्टशिष्येभ्यो ऽनुशंसार्थिभ्य इत्य् अपि । समाश्वासां त्रिसमयम् अतो दद्याद् विधानतः

yathā praviṣṭaśiṣyebhyo 'nuśaṃsārthibhya ity api | samāśvāsāṃ trisamayam ato dadyād vidhānataḥ

Sanskrit only: no published translation is held for this verse.

दृष्ट्वा प्रविष्ट्वा परमं रहस्योत्तममण्डलम् । सर्वपापैर् विनिर्मुक्ता भवन्तो ऽद्यैव सुस्थिताः

dṛṣṭvā praviṣṭvā paramaṃ rahasyottamamaṇḍalam | sarvapāpair vinirmuktā bhavanto 'dyaiva susthitāḥ

Sanskrit only: no published translation is held for this verse.

न भूयो मरणं वो ऽस्ति यानाद् अस्मान् महासुखात् । अधृष्याश् चाप्य् अबद्धाश् च रमध्वम् अकुतोभयाः

na bhūyo maraṇaṃ vo 'sti yānād asmān mahāsukhāt | adhṛṣyāś cāpy abaddhāś ca ramadhvam akutobhayāḥ

Sanskrit only: no published translation is held for this verse.

निवृत्तं भवदुःखं वो ऽत्यन्तभवशुद्धये । संभूताः शासिनाम् अग्रा अत्यन्तभवसिद्धये

nivṛttaṃ bhavaduḥkhaṃ vo 'tyantabhavaśuddhaye | saṃbhūtāḥ śāsinām agrā atyantabhavasiddhaye

Sanskrit only: no published translation is held for this verse.

अयं वः सततं रक्ष्यः सिद्धः समयसंवरः । सर्वबुद्धैः समं प्रोक्ता आज्ञा परमशाश्वती

ayaṃ vaḥ satataṃ rakṣyaḥ siddhaḥ samayasaṃvaraḥ | sarvabuddhaiḥ samaṃ proktā ājñā paramaśāśvatī

Sanskrit only: no published translation is held for this verse.

बोधिचित्तं न वै त्याज्यं यद् वज्रम् इति मुद्रया । यस्योत्पादनमात्रेण बुद्ध एव न संशयः

bodhicittaṃ na vai tyājyaṃ yad vajram iti mudrayā | yasyotpādanamātreṇa buddha eva na saṃśayaḥ

Sanskrit only: no published translation is held for this verse.

सद्धर्मो न प्रतिक्षेप्यो न च त्याज्यः कदाचन । अज्ञानाद् वाथ मोहाद् वा न वै विवृणुयात् स तु

saddharmo na pratikṣepyo na ca tyājyaḥ kadācana | ajñānād vātha mohād vā na vai vivṛṇuyāt sa tu

Sanskrit only: no published translation is held for this verse.

स्वम् आत्मानं परित्याज्य तपोभिर् न च पीडयेत् । यथासुखं सुखं धार्यं संबुद्धो ऽयम् अनागतः

svam ātmānaṃ parityājya tapobhir na ca pīḍayet | yathāsukhaṃ sukhaṃ dhāryaṃ saṃbuddho 'yam anāgataḥ

Sanskrit only: no published translation is held for this verse.

वज्रं घण्टा च मुद्रा च न वै त्याज्या कदाचन । अचार्यो नावमन्तव्यः सर्वबुद्धसमो ह्य् असौ

vajraṃ ghaṇṭā ca mudrā ca na vai tyājyā kadācana | acāryo nāvamantavyaḥ sarvabuddhasamo hy asau

Sanskrit only: no published translation is held for this verse.

यो वावमन्येताचार्यं सर्वबुद्धसमं गुरुम् । सर्वबुद्धापमानेन स नित्यं दुःखं आप्नुयात्

yo vāvamanyetācāryaṃ sarvabuddhasamaṃ gurum | sarvabuddhāpamānena sa nityaṃ duḥkhaṃ āpnuyāt

Sanskrit only: no published translation is held for this verse.

ज्वरैर् गरैर् विषैर् रोगैर् डाकिन्युपद्रवैर् ग्रहैः । विघ्नैर् विनायकैर् घोरैर् मारितो नरकं व्रजेत्

jvarair garair viṣair rogair ḍākinyupadravair grahaiḥ | vighnair vināyakair ghorair mārito narakaṃ vrajet

Sanskrit only: no published translation is held for this verse.

तस्मात् सर्वप्रयत्नेन वज्राचार्यं महागुरुम् । प्रच्छन्नवरकल्याणं नावमन्येत् कदाचन

tasmāt sarvaprayatnena vajrācāryaṃ mahāgurum | pracchannavarakalyāṇaṃ nāvamanyet kadācana

Sanskrit only: no published translation is held for this verse.

अनुरूपं च ते देयं गुरुभक्तं सदक्षिणम् । ततो ज्वरादयस् तापा न भूयः प्रभवन्ति हि

anurūpaṃ ca te deyaṃ gurubhaktaṃ sadakṣiṇam | tato jvarādayas tāpā na bhūyaḥ prabhavanti hi

Sanskrit only: no published translation is held for this verse.

नित्यं स्वसमयः साध्यो नित्यं पूज्यास् तथागताः । नित्यं च गुरवे देयं सर्वबुद्धसमो ह्य् असौ

nityaṃ svasamayaḥ sādhyo nityaṃ pūjyās tathāgatāḥ | nityaṃ ca gurave deyaṃ sarvabuddhasamo hy asau

Sanskrit only: no published translation is held for this verse.

तद्दानात् पुण्यसंभारः संभाराद् बोधिर् उत्तमा ।२८६ दत्ते ऽस्मै सर्वबुद्धेभ्यो दत्तं भवति शाश्वतम्

taddānāt puṇyasaṃbhāraḥ saṃbhārād bodhir uttamā |286 datte 'smai sarvabuddhebhyo dattaṃ bhavati śāśvatam

Sanskrit only: no published translation is held for this verse.

अद्य वः सफलं जन्म यद् अस्मिन् सुप्रतिष्ठिताः । समाः समयदेवानां भविता स्थ न संशयः

adya vaḥ saphalaṃ janma yad asmin supratiṣṭhitāḥ | samāḥ samayadevānāṃ bhavitā stha na saṃśayaḥ

Sanskrit only: no published translation is held for this verse.

अद्याभिषिक्ता आयुष्मन्तः सर्वबुद्धैः सवज्रिभिः । त्रैधातुकमहाराज्यं राजाधिपतयः स्थिराः । ३९३ अद्य मारान् विनिर्जित्य प्रविष्टाः परमं पुरम् । प्राप्तम् अद्यैव बुद्धत्वं भवद्भिर् नात्र संशयः

adyābhiṣiktā āyuṣmantaḥ sarvabuddhaiḥ savajribhiḥ | traidhātukamahārājyaṃ rājādhipatayaḥ sthirāḥ | 393 adya mārān vinirjitya praviṣṭāḥ paramaṃ puram | prāptam adyaiva buddhatvaṃ bhavadbhir nātra saṃśayaḥ

Sanskrit only: no published translation is held for this verse.

इति कुरुत मनः प्रसादवज्रं स्वसमयम् अक्षयसौखदं भजध्वम् । जगति लघु सुखे ऽद्य वज्रसत्त्वप्रतिसमशाश्वतताम् गता भवन्तः

iti kuruta manaḥ prasādavajraṃ svasamayam akṣayasaukhadaṃ bhajadhvam | jagati laghu sukhe 'dya vajrasattvapratisamaśāśvatatām gatā bhavantaḥ

Sanskrit only: no published translation is held for this verse.

प्रणिपत्य गुरोः पदौ शिष्याः सद्भक्तिवत्सलाः । ब्रूयुर् एवं करिष्यामो यथाज्ञापयसे विभो

praṇipatya guroḥ padau śiṣyāḥ sadbhaktivatsalāḥ | brūyur evaṃ kariṣyāmo yathājñāpayase vibho

Sanskrit only: no published translation is held for this verse.

सत्य् एव संभवे तेषां प्रत्येकं वामपाणिना । सव्याङ्गुष्ठकम् आगृह्य शान्तिं कुर्याद् विधानतः

saty eva saṃbhave teṣāṃ pratyekaṃ vāmapāṇinā | savyāṅguṣṭhakam āgṛhya śāntiṃ kuryād vidhānataḥ

Sanskrit only: no published translation is held for this verse.

त्रिसप्ताहुतिम् एकां वा राज्ञो वा भूपतेर् अथ । दिक्पालस्वात्मशान्तौ च हुत्वा याचेत दक्षिणाम्

trisaptāhutim ekāṃ vā rājño vā bhūpater atha | dikpālasvātmaśāntau ca hutvā yāceta dakṣiṇām

Sanskrit only: no published translation is held for this verse.

सर्वसत्त्वार्थकर्त्तव्ये श्रुतादौ वा प्रति प्रति । भूगजादिसुवर्णादौ स्वसिद्धौ वा सहायताम्

sarvasattvārthakarttavye śrutādau vā prati prati | bhūgajādisuvarṇādau svasiddhau vā sahāyatām

Sanskrit only: no published translation is held for this verse.

संगृह्य यत् तद् उत्सृष्टं संतोष्य दत्तदक्षिणान् । सर्वाहारविहारैस् तैः स्वपरैश् चक्रम् अर्चयेत्

saṃgṛhya yat tad utsṛṣṭaṃ saṃtoṣya dattadakṣiṇān | sarvāhāravihārais taiḥ svaparaiś cakram arcayet

Sanskrit only: no published translation is held for this verse.

संगृह्य योग्यसच्छिष्यान् विचित्रपरमायुभिः । संतर्प्य चोपसंहृत्य मुः-कारान्तैश् च त्र्यक्षरैः

saṃgṛhya yogyasacchiṣyān vicitraparamāyubhiḥ | saṃtarpya copasaṃhṛtya muḥ-kārāntaiś ca tryakṣaraiḥ

Sanskrit only: no published translation is held for this verse.

आकारेत्यादिमन्त्रेण शून्यं तच् चक्रम् उत्तमम् । दत्त्वार्थिने रजः स्तोकं महत् तोये रजः सृजेत्

ākāretyādimantreṇa śūnyaṃ tac cakram uttamam | dattvārthine rajaḥ stokaṃ mahat toye rajaḥ sṛjet

Sanskrit only: no published translation is held for this verse.

गर्त्तापूरे प्रतिष्ठायां होमे चक्रे च यद् धनम् । आचार्यस्यैव तत् सर्वम् इत्य् आह वरवज्रधृक्

garttāpūre pratiṣṭhāyāṃ home cakre ca yad dhanam | ācāryasyaiva tat sarvam ity āha varavajradhṛk

Sanskrit only: no published translation is held for this verse.

इत्यादिकर्मिकस्यायम् उक्तश् चक्रविधिः स्फुटः । ज्ञानावेशसुलब्धस्य त्व् आवेशेनैव कथ्यते

ityādikarmikasyāyam uktaś cakravidhiḥ sphuṭaḥ | jñānāveśasulabdhasya tv āveśenaiva kathyate

Sanskrit only: no published translation is held for this verse.

द्वादशाब्दे समावेश्य संपूज्य बालबालिके । ताभ्यां यद् रचयेच् चक्रं चित्तवाक्कायिकं मतम्

dvādaśābde samāveśya saṃpūjya bālabālike | tābhyāṃ yad racayec cakraṃ cittavākkāyikaṃ matam

Sanskrit only: no published translation is held for this verse.

चित्ते त्व् अक्षोभ्यमामक्योर् आदेशः समुदाहृतः । पाण्डरामितयोर् वाचि काये शाश्वतलोचने

citte tv akṣobhyamāmakyor ādeśaḥ samudāhṛtaḥ | pāṇḍarāmitayor vāci kāye śāśvatalocane

Sanskrit only: no published translation is held for this verse.

चित्तवाक्कायसंस्तोभाद् रचनात् त्व् इयम् अद्भुता । चित्तस्तोभात् परिज्ञानं वाक्स्तोभान् मन्त्रभाषणम्

cittavākkāyasaṃstobhād racanāt tv iyam adbhutā | cittastobhāt parijñānaṃ vākstobhān mantrabhāṣaṇam

Sanskrit only: no published translation is held for this verse.

कायस्तोभाच् च खेस्थानं स्तोभावेशे विधिस् त्व् अयम् । आचार्यशिष्यसेको ऽत्र प्राङ्न्यायेनैव संस्थितः

kāyastobhāc ca khesthānaṃ stobhāveśe vidhis tv ayam | ācāryaśiṣyaseko 'tra prāṅnyāyenaiva saṃsthitaḥ

Sanskrit only: no published translation is held for this verse.

प्राप्तज्ञानवशीकुर्याच् चेतसैव त्रिचक्रकम् । तदधिष्ठानतश् चक्रं दृश्यते स्वपरैर् यतः

prāptajñānavaśīkuryāc cetasaiva tricakrakam | tadadhiṣṭhānataś cakraṃ dṛśyate svaparair yataḥ

Sanskrit only: no published translation is held for this verse.

प्रवेशो ऽत्राभ्यनुज्ञतः स्पष्टस्वप्नवद् इष्यते । यतस् तेनोत्तमो ज्ञेयश् चित्तमूर्तिदृढत्वतः

praveśo 'trābhyanujñataḥ spaṣṭasvapnavad iṣyate | yatas tenottamo jñeyaś cittamūrtidṛḍhatvataḥ

Sanskrit only: no published translation is held for this verse.

त्रियोगानाम् अपि प्राग्वद् विधिर् वाक्कायचक्रयोः । तत्स्थाने ऽक्षोभ्यचिह्नं स्याद् वाक्कायगुह्यशुद्धये

triyogānām api prāgvad vidhir vākkāyacakrayoḥ | tatsthāne 'kṣobhyacihnaṃ syād vākkāyaguhyaśuddhaye

Sanskrit only: no published translation is held for this verse.

ज्ञानादिकर्मिसंवेशिसंप्राप्तवशिनाम् अपि । चेतसैव विधिः सर्वस् तद्धीनो नैव सिध्यति

jñānādikarmisaṃveśisaṃprāptavaśinām api | cetasaiva vidhiḥ sarvas taddhīno naiva sidhyati

Sanskrit only: no published translation is held for this verse.

वज्राचार्याग्रशिष्याणां निष्यन्दादिरतात्मनाम् । मनसोक्तो विधिः श्रेष्ठो वाङ्मात्रेणात्र किं भवेत्

vajrācāryāgraśiṣyāṇāṃ niṣyandādiratātmanām | manasokto vidhiḥ śreṣṭho vāṅmātreṇātra kiṃ bhavet

Sanskrit only: no published translation is held for this verse.