Guhyasamājamaṇḍalavidhi 1

कृष्णाभ्यन्तरतो ज्ञेया एष रङ्गक्रमो ऽस्य तु । पूर्वेण तु महाश्वेतं दक्षिणे पीतसंयुतम्

kṛṣṇābhyantarato jñeyā eṣa raṅgakramo 'sya tu | pūrveṇa tu mahāśvetaṃ dakṣiṇe pītasaṃyutam

Sanskrit only: no published translation is held for this verse.

लोहितं पश्चिमभागं मञ्जिष्ठोत्तरसंयुतम् । मध्यतो भूमिभागं तु इन्द्रनीलप्रभास्वरम्

lohitaṃ paścimabhāgaṃ mañjiṣṭhottarasaṃyutam | madhyato bhūmibhāgaṃ tu indranīlaprabhāsvaram

Sanskrit only: no published translation is held for this verse.

प्रज्ञोपायात्मको नित्यं संलिखेत् सुसमाहितः । यवमात्रान्तरा रेखा पातनीय परस्परम्

prajñopāyātmako nityaṃ saṃlikhet susamāhitaḥ | yavamātrāntarā rekhā pātanīya parasparam

Sanskrit only: no published translation is held for this verse.

कुण्डलामृतवज्रेण सर्वदुष्टान् प्रमर्दयन् । महामुद्रास्य दम्ष्ट्रोक्ता दुष्टशत्रुश् च मन्त्रराड्

kuṇḍalāmṛtavajreṇa sarvaduṣṭān pramardayan | mahāmudrāsya damṣṭroktā duṣṭaśatruś ca mantrarāḍ

Sanskrit only: no published translation is held for this verse.

नमः समन्तकायवाक्चित्तवज्राणां नमो वज्रक्रोधाय महादंष्ट्रोत्कटभैरवाय असिमुषलपर्शुपाशहस्ताय ॐ अमृतकुण्डलि ख २ खाहि २ तिष्ठ २ बन्ध २ हन २ दह २ गर्ज २ विस्फोटय २ सर्वविघ्नविनायकान् महागणपतिजीवितान्तकराय हूं फट् ॥ एवं मण्डलम् आलिख्य चन्द्रसूर्यकृतासनम् । मध्ये खड्गं लिखेत् स्यामं सुविशुद्धादिभास्वरम्

namaḥ samantakāyavākcittavajrāṇāṃ namo vajrakrodhāya mahādaṃṣṭrotkaṭabhairavāya asimuṣalaparśupāśahastāya oṃ amṛtakuṇḍali kha 2 khāhi 2 tiṣṭha 2 bandha 2 hana 2 daha 2 garja 2 visphoṭaya 2 sarvavighnavināyakān mahāgaṇapatijīvitāntakarāya hūṃ phaṭ || evaṃ maṇḍalam ālikhya candrasūryakṛtāsanam | madhye khaḍgaṃ likhet syāmaṃ suviśuddhādibhāsvaram

Sanskrit only: no published translation is held for this verse.

पूर्वेणाष्टारसच्चक्रम् आदर्शादिसमुज्ज्वलम् । सव्ये रत्नं हरीताभं नवांशं समतोन्नतम्

pūrveṇāṣṭārasaccakram ādarśādisamujjvalam | savye ratnaṃ harītābhaṃ navāṃśaṃ samatonnatam

Sanskrit only: no published translation is held for this verse.

पश्चिमे ऽष्टदलं पद्मं प्रत्यवेक्षादिरक्तकम् । उत्तरे तु सत्खड्गं कृत्यादिप्रतिमण्डितम्

paścime 'ṣṭadalaṃ padmaṃ pratyavekṣādiraktakam | uttare tu satkhaḍgaṃ kṛtyādipratimaṇḍitam

Sanskrit only: no published translation is held for this verse.

उपायैर् नेत्रम् आग्नेय्यां नैरृत्यां वज्रम् अर्थनात् । वायव्यां विकटास्यं तु बलात् पद्मं सकन्दकम्

upāyair netram āgneyyāṃ nairṛtyāṃ vajram arthanāt | vāyavyāṃ vikaṭāsyaṃ tu balāt padmaṃ sakandakam

Sanskrit only: no published translation is held for this verse.

ऐशान्याम् उत्पलं ज्ञानात् पीतं नीलाभशोभनम् । आग्नेयादिचतुष्कोणे पूर्वद्वारद्विपार्श्वयोः

aiśānyām utpalaṃ jñānāt pītaṃ nīlābhaśobhanam | āgneyādicatuṣkoṇe pūrvadvāradvipārśvayoḥ

Sanskrit only: no published translation is held for this verse.

दर्पणं च तथा वीणां गन्धशङ्खरशायनम् । वस्त्रं धर्मोदयं चैव दानशीलादिशोधितम्

darpaṇaṃ ca tathā vīṇāṃ gandhaśaṅkharaśāyanam | vastraṃ dharmodayaṃ caiva dānaśīlādiśodhitam

Sanskrit only: no published translation is held for this verse.

श्रद्धादिमुद्गरं दण्डं पद्मं वज्रं चतुर्थकम् । द्वारेषु सर्वथा ज्ञात्वा स्फुटं ध्यात्वा स्वचक्रकम्

śraddhādimudgaraṃ daṇḍaṃ padmaṃ vajraṃ caturthakam | dvāreṣu sarvathā jñātvā sphuṭaṃ dhyātvā svacakrakam

Sanskrit only: no published translation is held for this verse.

प्राग्वत् प्रज्ञाङ्गसंयोगाद् बुद्धान् स्वान्तर् निवेश्य च । सच्चित्तेन वियद् व्याप्य चक्रपार्श्वकृतास्पदान्

prāgvat prajñāṅgasaṃyogād buddhān svāntar niveśya ca | saccittena viyad vyāpya cakrapārśvakṛtāspadān

Sanskrit only: no published translation is held for this verse.

तैः समायातविघ्नांस् तान् समुत्सार्याभिरक्ष्य च । यमार्यादिभिर् आकृष्यावेश्य बद्ध्वा वशं नयेत्

taiḥ samāyātavighnāṃs tān samutsāryābhirakṣya ca | yamāryādibhir ākṛṣyāveśya baddhvā vaśaṃ nayet

Sanskrit only: no published translation is held for this verse.

चक्षुःकायाद्य् अधिष्ठायार्घाभिषेकाभिपूजनम् । कृत्वा स्तुत्वाथ संप्रीण्य जप्त्वा विभाव्य तोषयेत्

cakṣuḥkāyādy adhiṣṭhāyārghābhiṣekābhipūjanam | kṛtvā stutvātha saṃprīṇya japtvā vibhāvya toṣayet

Sanskrit only: no published translation is held for this verse.

प्राग्वत् सत्पद्मभाण्डे तु कृत्वा ज्ञानामृतामृतम् । दिक्पालान् स्वस्वयोगस्थान् प्रपूज्य मण्डलं विशेत्

prāgvat satpadmabhāṇḍe tu kṛtvā jñānāmṛtāmṛtam | dikpālān svasvayogasthān prapūjya maṇḍalaṃ viśet

Sanskrit only: no published translation is held for this verse.

त्रैलोक्यविजयो भूत्वा यथाप्त्याभरणाम्बरः । कृतप्रदक्षिणश् चक्रं नत्वा होमेन पूरयेत्

trailokyavijayo bhūtvā yathāptyābharaṇāmbaraḥ | kṛtapradakṣiṇaś cakraṃ natvā homena pūrayet

Sanskrit only: no published translation is held for this verse.

चतुरङ्गुलम् आत्यज्य तन्मानाब्जप्रफुल्लया । वेद्या हस्तार्धहस्ताधश् चक्रवत् सार्वकर्मिकम्

caturaṅgulam ātyajya tanmānābjapraphullayā | vedyā hastārdhahastādhaś cakravat sārvakarmikam

Sanskrit only: no published translation is held for this verse.

दैर्घाद् उच्छ्रयतः खड्गं अष्टैकाङ्गुलमानकम् । कुण्डमध्ये लिखेच् चक्ररत्नाब्जखड्गमध्यगम्

dairghād ucchrayataḥ khaḍgaṃ aṣṭaikāṅgulamānakam | kuṇḍamadhye likhec cakraratnābjakhaḍgamadhyagam

Sanskrit only: no published translation is held for this verse.

बहिर्वेष्टितवज्रालीं योगी पूर्वमुखस्थितः । जप्त्वा सर्वकृतारक्ष्य वामे ऽर्घाद्य् अन्यद् अन्यत्

bahirveṣṭitavajrālīṃ yogī pūrvamukhasthitaḥ | japtvā sarvakṛtārakṣya vāme 'rghādy anyad anyat

Sanskrit only: no published translation is held for this verse.

न्यस्योपकरणं प्रोक्ष्य मञ्जुवज्रात्मयोगवान् । क्षीरवृक्षेन्धनादीप्तम् अग्निं त्र्यक्षररेचितम्

nyasyopakaraṇaṃ prokṣya mañjuvajrātmayogavān | kṣīravṛkṣendhanādīptam agniṃ tryakṣararecitam

Sanskrit only: no published translation is held for this verse.

प्रज्वाल्य व्यञ्जनाघातैः कुशान् दद्यात् प्रदक्षिणम् । आद्यजहृत्सरत्र्यश्राब्जस्थं रूंबीजसंभवम्

prajvālya vyañjanāghātaiḥ kuśān dadyāt pradakṣiṇam | ādyajahṛtsaratryaśrābjasthaṃ rūṃbījasaṃbhavam

Sanskrit only: no published translation is held for this verse.

ध्यात्वा पीतं त्रिवक्त्रं तु पीनं प्रज्ञान्गसङ्गिनम् । कुण्डिकाभयदण्डाक्षमालाकरम् इहानलम्

dhyātvā pītaṃ trivaktraṃ tu pīnaṃ prajñāngasaṅginam | kuṇḍikābhayadaṇḍākṣamālākaram ihānalam

Sanskrit only: no published translation is held for this verse.

आवाह्य ज्ञानसद्वह्निं प्राग्वत् त्रितत्त्वटक्किना । अभ्युक्षणादिकं तस्य कृत्वासननिवेशनम्

āvāhya jñānasadvahniṃ prāgvat tritattvaṭakkinā | abhyukṣaṇādikaṃ tasya kṛtvāsananiveśanam

Sanskrit only: no published translation is held for this verse.

स्रुक्स्रुवे हस्तदण्डाधो वज्ररत्ने तदूर्ध्वतः । चतुरस्राङ्गुला पात्री द्व्यङ्गुलखातवज्रधा

sruksruve hastadaṇḍādho vajraratne tadūrdhvataḥ | caturasrāṅgulā pātrī dvyaṅgulakhātavajradhā

Sanskrit only: no published translation is held for this verse.

चतुरङ्गुलवज्रान्तर् अन्ते पद्मदलाकृतिः । अन्तर् वज्राङ्गुलं खातं द्व्यङ्गुलाब्जदलं स्रुवम्

caturaṅgulavajrāntar ante padmadalākṛtiḥ | antar vajrāṅgulaṃ khātaṃ dvyaṅgulābjadalaṃ sruvam

Sanskrit only: no published translation is held for this verse.

ध्यात्वा स्वदैवतं बीजं प्रदीप्तं स्रुक्स्रुवानने । दद्यात् पूर्णाहुतिं तस्मै रेफं विन्यस्य तन्मुखे

dhyātvā svadaivataṃ bījaṃ pradīptaṃ sruksruvānane | dadyāt pūrṇāhutiṃ tasmai rephaṃ vinyasya tanmukhe

Sanskrit only: no published translation is held for this verse.

जुह्वीत समिधो धन्याः समिद्धे ऽग्नौ घृतं तिलान् । दूर्वाखण्दं तु दध्यन्नं कुशान् विधिक्रमाद् अतः

juhvīta samidho dhanyāḥ samiddhe 'gnau ghṛtaṃ tilān | dūrvākhaṇdaṃ tu dadhyannaṃ kuśān vidhikramād ataḥ

Sanskrit only: no published translation is held for this verse.

तथताज्ञानसद्वह्नेर् हृच्चन्द्रे मं-भवाधिपम् । सच्चक्रं जुहुयाद् ध्यात्वा बाह्यपूजादि पूर्वकम्

tathatājñānasadvahner hṛccandre maṃ-bhavādhipam | saccakraṃ juhuyād dhyātvā bāhyapūjādi pūrvakam

Sanskrit only: no published translation is held for this verse.

ॐ अग्नये स्वाहा ॥ घृतस्य ॥ ॐ सर्वपापदहनवज्राय सर्वपापं दह स्वाहा ॥ तिलानाम् ॥ ॐ वज्रायुषे स्वाहा ॥ दूर्वायाः ॥ ॐ वज्रपुष्टये स्वाहा ॥ अखण्डतण्डुलानाम् ॥ ॐ सर्वसम्पदे स्वाहा ॥ दध्यन्नस्य ॥ ॐ अप्रतिहतवज्राय स्वाहा ॥ कुशानाम् ॥ पुष्टिशान्तिवशाकर्षे द्वेषोच्चाटाभिचारुके ॥ ॐ स्वाहा होः जः हुं हूं फट् मन्त्रान्ते चापि चोदना

oṃ agnaye svāhā || ghṛtasya || oṃ sarvapāpadahanavajrāya sarvapāpaṃ daha svāhā || tilānām || oṃ vajrāyuṣe svāhā || dūrvāyāḥ || oṃ vajrapuṣṭaye svāhā || akhaṇḍataṇḍulānām || oṃ sarvasampade svāhā || dadhyannasya || oṃ apratihatavajrāya svāhā || kuśānām || puṣṭiśāntivaśākarṣe dveṣoccāṭābhicāruke || oṃ svāhā hoḥ jaḥ huṃ hūṃ phaṭ mantrānte cāpi codanā

Sanskrit only: no published translation is held for this verse.

हृत्सत्त्वात् स्वाधिपात् सर्वाः प्रीण्यन्ते देवता इति । ध्यायंश् चन्द्रादिकैर् अन्यैर् द्रव्यैः संतर्प्य पूर्ववत्

hṛtsattvāt svādhipāt sarvāḥ prīṇyante devatā iti | dhyāyaṃś candrādikair anyair dravyaiḥ saṃtarpya pūrvavat

Sanskrit only: no published translation is held for this verse.

हृच्चन्द्रचक्रसज्जिह्वम् अन्ते पूर्णाहुतिं तथा । अभ्युक्ष्य चमनार्घं दत्त्वापूज्य स्तुत्वा विसर्जयेत्

hṛccandracakrasajjihvam ante pūrṇāhutiṃ tathā | abhyukṣya camanārghaṃ dattvāpūjya stutvā visarjayet

Sanskrit only: no published translation is held for this verse.

शेषं हव्यं स्वयोगात्मा वह्नौ हुत्वाथ तं तथा । विसर्ज्य प्राग्विधानेन चक्रम् आपूज्य संविशेत्

śeṣaṃ havyaṃ svayogātmā vahnau hutvātha taṃ tathā | visarjya prāgvidhānena cakram āpūjya saṃviśet

Sanskrit only: no published translation is held for this verse.

शिष्यप्रवेशविधिना प्रविश्यादौ स्वयं कृती । निष्पाद्य सेकपर्यन्तं प्राप्यानुज्ञां कुलाधिपात्

śiṣyapraveśavidhinā praviśyādau svayaṃ kṛtī | niṣpādya sekaparyantaṃ prāpyānujñāṃ kulādhipāt

Sanskrit only: no published translation is held for this verse.

महारागोद्भवं तत्त्वं चक्रं च प्रतिबिम्बवत् । पुरे शिष्यप्रवेशार्थं तत्त्वं सत्यं च श्रावयेत्

mahārāgodbhavaṃ tattvaṃ cakraṃ ca pratibimbavat | pure śiṣyapraveśārthaṃ tattvaṃ satyaṃ ca śrāvayet

Sanskrit only: no published translation is held for this verse.

आकाशोत्पादचिह्नत्वाद् अनादिनिधनः परः । महावज्रमयः सत्त्वो मञ्जुवज्राद्य सिद्ध मे

ākāśotpādacihnatvād anādinidhanaḥ paraḥ | mahāvajramayaḥ sattvo mañjuvajrādya siddha me

Sanskrit only: no published translation is held for this verse.

सर्वोत्तममहासिद्धि माहैश्वर्याधिदैवत । सर्ववज्रधरो राजा सिद्ध मे परमाक्षर

sarvottamamahāsiddhi māhaiśvaryādhidaivata | sarvavajradharo rājā siddha me paramākṣara

Sanskrit only: no published translation is held for this verse.

निर्दोषः शाश्वतश् चासि सर्वरागानुरागण । तत्त्वेन सिद्ध मे भगवन् महारागो महारत

nirdoṣaḥ śāśvataś cāsi sarvarāgānurāgaṇa | tattvena siddha me bhagavan mahārāgo mahārata

Sanskrit only: no published translation is held for this verse.

अत्यन्तशुद्ध सर्वाग्र आदिमुक्तस् तथागतः । समन्तभद्र सर्वात्मा बोधिसत्त्व प्रसिद्ध मे

atyantaśuddha sarvāgra ādimuktas tathāgataḥ | samantabhadra sarvātmā bodhisattva prasiddha me

Sanskrit only: no published translation is held for this verse.

सर्वोत्तममहासिद्धि माहैश्वर्याग्रमुद्रया । सिद्ध वज्र महोत्कर्षात् वज्रगर्वापते मम

sarvottamamahāsiddhi māhaiśvaryāgramudrayā | siddha vajra mahotkarṣāt vajragarvāpate mama

Sanskrit only: no published translation is held for this verse.

सर्वसत्त्वमनोव्यापी सर्वसत्त्वहृदीस्थितः । सर्वसत्त्वपिता चैव कामो ऽग्र्यः समयाग्रिणां

sarvasattvamanovyāpī sarvasattvahṛdīsthitaḥ | sarvasattvapitā caiva kāmo 'gryaḥ samayāgriṇāṃ

Sanskrit only: no published translation is held for this verse.

येन सत्येन सज्ज्ञानं प्रज्ञोपायात्ममण्डलं । तेन सत्येन मे नाथ कामांस् त्वं परिपूरय

yena satyena sajjñānaṃ prajñopāyātmamaṇḍalaṃ | tena satyena me nātha kāmāṃs tvaṃ paripūraya

Sanskrit only: no published translation is held for this verse.

प्रतिबिम्बसमा धर्मा अच्छाः शुद्धा ह्य् अनाविलाः । अग्राह्या अनभिलाप्याश् च हेतुकर्मसमुद्भवाः

pratibimbasamā dharmā acchāḥ śuddhā hy anāvilāḥ | agrāhyā anabhilāpyāś ca hetukarmasamudbhavāḥ

Sanskrit only: no published translation is held for this verse.

तथतातत्त्वनिर्याता इति सत्येन मण्डले । प्रतिबिम्बं स्फुटं शिष्याः सर्वे पश्यन्त्व् अकल्मषाः

tathatātattvaniryātā iti satyena maṇḍale | pratibimbaṃ sphuṭaṃ śiṣyāḥ sarve paśyantv akalmaṣāḥ

Sanskrit only: no published translation is held for this verse.

सामान्यसंवरं शिष्यं प्राग्वत् कायादिभास्वरं । जमनीकान्तरं प्रोक्त सर्वकृत्कलशाम्भसा

sāmānyasaṃvaraṃ śiṣyaṃ prāgvat kāyādibhāsvaraṃ | jamanīkāntaraṃ prokta sarvakṛtkalaśāmbhasā

Sanskrit only: no published translation is held for this verse.

रक्ताम्बरं तदास्यं च पृच्छेत् कस् त्वम् इति प्रिय । शिष्येणापि ततो वाच्यं सुभगो ऽहम् इति प्रिय

raktāmbaraṃ tadāsyaṃ ca pṛcchet kas tvam iti priya | śiṣyeṇāpi tato vācyaṃ subhago 'ham iti priya

Sanskrit only: no published translation is held for this verse.

संपूज्य स्रक्करं द्वारि तथैवादत्तदक्षिणम् । योगचित्तं समुत्पाद्य हृदि वज्रं हृदा न्यसेत्

saṃpūjya srakkaraṃ dvāri tathaivādattadakṣiṇam | yogacittaṃ samutpādya hṛdi vajraṃ hṛdā nyaset

Sanskrit only: no published translation is held for this verse.

मन्त्रः ॥ ॐ सर्वयोगचित्तम् उत्पादयामि सुरते समयस् त्वं होः सिध्य वज्र यथासुखं । अद्य त्वं सर्वतथागताधिष्ठितो भविष्यसि । न च त्वयेदम् सर्वतथागतपरमरहस्यम् अमण्डलप्रविष्टाय वक्तव्यं न चाश्रद्धातव्यम् इति वाच्यं ॥ यमार्यादिस्वसन्मन्त्रैः समाकृष्य प्रवेश्य च । पञ्चाक्षरैर् अथाप्य् एवं वाच्यं सत्संवरग्रहे

mantraḥ || oṃ sarvayogacittam utpādayāmi surate samayas tvaṃ hoḥ sidhya vajra yathāsukhaṃ | adya tvaṃ sarvatathāgatādhiṣṭhito bhaviṣyasi | na ca tvayedam sarvatathāgataparamarahasyam amaṇḍalapraviṣṭāya vaktavyaṃ na cāśraddhātavyam iti vācyaṃ || yamāryādisvasanmantraiḥ samākṛṣya praveśya ca | pañcākṣarair athāpy evaṃ vācyaṃ satsaṃvaragrahe

Sanskrit only: no published translation is held for this verse.

अद्य त्वं सर्वतथागतकुले प्रविष्टः । तद् अहं ते वज्रज्ञानम् उत्पादयामि येन ज्ञानेन त्वं सर्वतथागतसिद्धीर् अपि प्राप्स्यसि किम् उतान्याः सिद्धीः । न च त्वयादृष्टमण्डलस्य पुरतो वक्तव्यं । मा ते समयो व्यथेद् इति तद् धृदि वज्रम् आस्थाप्य । ॐ वज्रसत्त्वः स्वयं ते ऽद्य हृदये समवस्थितः । निर्भिद्य तत्क्षणं यायाद् यदि ब्रूया इमं नयम् । २९४ पद्मस्थं त्र्यक्षरोज्ज्वलं पाययेद् अमृतं पञ्च ॥ इदं ते नारकं वारि समयातिक्रमाद् दहेत् । समयरक्षणात् सिद्धिः पिब वज्रामृतोदकम्

adya tvaṃ sarvatathāgatakule praviṣṭaḥ | tad ahaṃ te vajrajñānam utpādayāmi yena jñānena tvaṃ sarvatathāgatasiddhīr api prāpsyasi kim utānyāḥ siddhīḥ | na ca tvayādṛṣṭamaṇḍalasya purato vaktavyaṃ | mā te samayo vyathed iti tad dhṛdi vajram āsthāpya | oṃ vajrasattvaḥ svayaṃ te 'dya hṛdaye samavasthitaḥ | nirbhidya tatkṣaṇaṃ yāyād yadi brūyā imaṃ nayam | 294 padmasthaṃ tryakṣarojjvalaṃ pāyayed amṛtaṃ pañca || idaṃ te nārakaṃ vāri samayātikramād dahet | samayarakṣaṇāt siddhiḥ piba vajrāmṛtodakam

Sanskrit only: no published translation is held for this verse.

ॐ वज्रोदक ठः ॥ दृढप्रतिज्ञम् इदं वदेत् ॥ अद्य प्रभृति तवाहं वज्रपाणिर् यद् अहं ब्रूयाम् इदं कुरु तत् त्वया कर्तव्यं न चाहम् अवमन्तव्यो मा ते विषमापरिहारेण कालक्रियां कृत्वा नरकपतनं स्यात् । ब्रूयाद् ब्रूहि ततः शिष्यान् सर्वतथागताश् चाधितिष्ठन्ताम् वज्रसत्त्वो मे आविशतु । वाचयित्वा च तद् धृदि । वज्राङ्ककोणमाहेन्द्रे हूं ध्यायात् पीत-लं-भवे । वारुणं वं-भवं शुक्लं घटाङ्कं परिमण्डलम्

oṃ vajrodaka ṭhaḥ || dṛḍhapratijñam idaṃ vadet || adya prabhṛti tavāhaṃ vajrapāṇir yad ahaṃ brūyām idaṃ kuru tat tvayā kartavyaṃ na cāham avamantavyo mā te viṣamāparihāreṇa kālakriyāṃ kṛtvā narakapatanaṃ syāt | brūyād brūhi tataḥ śiṣyān sarvatathāgatāś cādhitiṣṭhantām vajrasattvo me āviśatu | vācayitvā ca tad dhṛdi | vajrāṅkakoṇamāhendre hūṃ dhyāyāt pīta-laṃ-bhave | vāruṇaṃ vaṃ-bhavaṃ śuklaṃ ghaṭāṅkaṃ parimaṇḍalam

Sanskrit only: no published translation is held for this verse.

नीलध्वजाङ्कधन्वाभं वायव्यं यं-भवं चलम् । काये वाचि तयोर् हः आः पादाधो झैः समुज्ज्वलं

nīladhvajāṅkadhanvābhaṃ vāyavyaṃ yaṃ-bhavaṃ calam | kāye vāci tayor haḥ āḥ pādādho jhaiḥ samujjvalaṃ

Sanskrit only: no published translation is held for this verse.

वायव्ये रं-भव त्र्यस्रेणोद्दीप्य शिष्यम् आविशेत्

vāyavye raṃ-bhava tryasreṇoddīpya śiṣyam āviśet

Sanskrit only: no published translation is held for this verse.

आवेशय स्तोभय र र र र चालय २ हूं हः आः झैः ॥ जिह्वायां रक्तम् आः-कारं ध्यात्वाविष्टं पुनर् वदेत् । रागवज्रं तम् आभुज्य ब्रूहि वज्र शुभाशुभम्

āveśaya stobhaya ra ra ra ra cālaya 2 hūṃ haḥ āḥ jhaiḥ || jihvāyāṃ raktam āḥ-kāraṃ dhyātvāviṣṭaṃ punar vadet | rāgavajraṃ tam ābhujya brūhi vajra śubhāśubham

Sanskrit only: no published translation is held for this verse.

तम् आवेशं दृधीकुर्वन् तिष्ठ वज्रेति तं लपेत् । प्रक्षेपयेत् स्रजं चक्रे प्रतीच्छ वज्र होः ॥ तां शिरसि बन्धयेत्

tam āveśaṃ dṛdhīkurvan tiṣṭha vajreti taṃ lapet | prakṣepayet srajaṃ cakre pratīccha vajra hoḥ || tāṃ śirasi bandhayet

Sanskrit only: no published translation is held for this verse.

प्रतिघृह्ण त्वम् इमं सत्त्वं महाबल ॥ चिह्ने चिह्नसमीपे वा स्रक्प्रपन्नाप्रपन्नयोः । पतेद् रुच्यापि तद्योगं दद्याद् भव्यतयाथ वा

pratighṛhṇa tvam imaṃ sattvaṃ mahābala || cihne cihnasamīpe vā srakprapannāprapannayoḥ | pated rucyāpi tadyogaṃ dadyād bhavyatayātha vā

Sanskrit only: no published translation is held for this verse.

सज्वालं प्रणवं नेत्रे ध्यत्वा । ॐ वज्रसत्त्व स्वयं ते ऽद्य चक्षूद्घाटनतत्परः । उद्घाटयति सर्वाक्षो वज्रचक्षुर् अनुत्तरम्

sajvālaṃ praṇavaṃ netre dhyatvā | oṃ vajrasattva svayaṃ te 'dya cakṣūdghāṭanatatparaḥ | udghāṭayati sarvākṣo vajracakṣur anuttaram

Sanskrit only: no published translation is held for this verse.

ध्यात्वा चक्रं प्रदर्शयेत् । चक्राधिपं समारभ्य यावद् अमृतकुण्डलिम् । सेचयेद् अम्बुना मूर्ध्नि वज्राभिसिञ्च वाग्ब्रुवन्

dhyātvā cakraṃ pradarśayet | cakrādhipaṃ samārabhya yāvad amṛtakuṇḍalim | secayed ambunā mūrdhni vajrābhisiñca vāgbruvan

Sanskrit only: no published translation is held for this verse.

सेचयेन् मौलिना प्राग्वद् दत्त्वा चाधिपदैवतं । हृदि संग्राह्य तद् वज्रं वज्रेणाप्य् अभिषेचयेत्

secayen maulinā prāgvad dattvā cādhipadaivataṃ | hṛdi saṃgrāhya tad vajraṃ vajreṇāpy abhiṣecayet

Sanskrit only: no published translation is held for this verse.

अद्याभिषिक्तस् त्वम् असि बुद्धैर् वज्राभिषेकतः । इदं तत् सर्वबुद्धत्वं गृह्ण वज्रं सुसिद्धये

adyābhiṣiktas tvam asi buddhair vajrābhiṣekataḥ | idaṃ tat sarvabuddhatvaṃ gṛhṇa vajraṃ susiddhaye

Sanskrit only: no published translation is held for this verse.

आलिङ्ग्य वज्रघण्टाभ्यां स्वाधिपात् । ॐ वज्राधिपति त्वाम् अभिषिञ्चामि तिष्ठ वज्र समयस् त्वं ॥ मूर्ध्नि नामतः ॥ ॐ वज्रसत्त्व त्वाम् अभिषिञ्चामि वज्रनामाभिषेकतः ॥ हे अमुकवज्र ॥ यद् यद् भाति स्वसर्वस्वं मुख्यं तन् मञ्जुराट् स्वयं । धर्माः शुद्धाः प्रकृत्या यद् बुद्धज्ञानचयः स हि

āliṅgya vajraghaṇṭābhyāṃ svādhipāt | oṃ vajrādhipati tvām abhiṣiñcāmi tiṣṭha vajra samayas tvaṃ || mūrdhni nāmataḥ || oṃ vajrasattva tvām abhiṣiñcāmi vajranāmābhiṣekataḥ || he amukavajra || yad yad bhāti svasarvasvaṃ mukhyaṃ tan mañjurāṭ svayaṃ | dharmāḥ śuddhāḥ prakṛtyā yad buddhajñānacayaḥ sa hi

Sanskrit only: no published translation is held for this verse.

स्वस्यैव चक्रवर्तित्वे श्रीध्वनिर् नाम्न आदितः । सर्वे सर्वाधिपत्यात् तु वज्रान्ता हे-नियोजिताः

svasyaiva cakravartitve śrīdhvanir nāmna āditaḥ | sarve sarvādhipatyāt tu vajrāntā he-niyojitāḥ

Sanskrit only: no published translation is held for this verse.

अब्धातुशुद्धिर् अक्षोभ्यो मकुटः समतात्मकः । वज्रं सत्प्रत्यवेक्षात्माधिपः कृत्यकरो ऽर्थदः

abdhātuśuddhir akṣobhyo makuṭaḥ samatātmakaḥ | vajraṃ satpratyavekṣātmādhipaḥ kṛtyakaro 'rthadaḥ

Sanskrit only: no published translation is held for this verse.

ज्ञानं विद्यात्र वज्रं स्याद् धातुर् गोत्रं वशी ह्य् अतः । व्रतव्याकरणाश्वासा विद्यासेके ऽपि नाम्न्य् मी

jñānaṃ vidyātra vajraṃ syād dhātur gotraṃ vaśī hy ataḥ | vratavyākaraṇāśvāsā vidyāseke 'pi nāmny mī

Sanskrit only: no published translation is held for this verse.

इदं तत् सर्वबुद्धत्वं वज्रसत्त्वकरे स्थितम् । त्वयापि हि सदा धार्यं वज्र्पाणिदृढव्रतम्

idaṃ tat sarvabuddhatvaṃ vajrasattvakare sthitam | tvayāpi hi sadā dhāryaṃ vajrpāṇidṛḍhavratam

Sanskrit only: no published translation is held for this verse.

ॐ सर्वतथागतसिद्धिवज्रसमये तिष्ठ एष त्वां धारयामि हीः हि हि हि हि हूं ॥ सर्वान् वज्रव्रतं दत्त्वा वज्रं तत्त्वेन ग्राहयेत् । अनादिनिधनः सत्त्वो वज्रसत्त्वो महारतः । समन्तभद्र सर्वात्मा वज्रगर्वापतिः पतिः । ३११ घण्टां तत्त्वेन संग्राह्य इयं सा सर्वबुद्धानां प्रज्ञाघोषानुगा स्मृता । त्वयापि हि सदा धार्या बोधिर् अग्रा जिनैर् मता । ३१२ तां तद्धर्मेण वादयेत्

oṃ sarvatathāgatasiddhivajrasamaye tiṣṭha eṣa tvāṃ dhārayāmi hīḥ hi hi hi hi hūṃ || sarvān vajravrataṃ dattvā vajraṃ tattvena grāhayet | anādinidhanaḥ sattvo vajrasattvo mahārataḥ | samantabhadra sarvātmā vajragarvāpatiḥ patiḥ | 311 ghaṇṭāṃ tattvena saṃgrāhya iyaṃ sā sarvabuddhānāṃ prajñāghoṣānugā smṛtā | tvayāpi hi sadā dhāryā bodhir agrā jinair matā | 312 tāṃ taddharmeṇa vādayet

Sanskrit only: no published translation is held for this verse.

स्वभावशुद्धो हि भवः स्वभावैर् विभवीकृतः । स्वभावशुद्धैः सत्सत्त्वैः क्रियते परमो भवः

svabhāvaśuddho hi bhavaḥ svabhāvair vibhavīkṛtaḥ | svabhāvaśuddhaiḥ satsattvaiḥ kriyate paramo bhavaḥ

Sanskrit only: no published translation is held for this verse.

अधिष्ठाय महामुद्रां हृद्भिः सेवादिकीर्तितैः । समयैः कामरूपाद्यैर् जपेन् मन्त्रम् अव्यङ्गतः

adhiṣṭhāya mahāmudrāṃ hṛdbhiḥ sevādikīrtitaiḥ | samayaiḥ kāmarūpādyair japen mantram avyaṅgataḥ

Sanskrit only: no published translation is held for this verse.

स्वसंवेद्यस्वभावैस् तैः सर्वदिक्त्र्यध्वसंस्थितैः । स्वाधिदैवतयोगेन स्वं परांश् चैव पूजयेत्

svasaṃvedyasvabhāvais taiḥ sarvadiktryadhvasaṃsthitaiḥ | svādhidaivatayogena svaṃ parāṃś caiva pūjayet

Sanskrit only: no published translation is held for this verse.

दुष्करैर् नियमैस् तैर् यत् सेव्यमानैर् न सिद्धयः । सिध्यन्ते ऽन्तर्ध्यभिज्ञाखचारिवाक्चित्तकायजाः

duṣkarair niyamais tair yat sevyamānair na siddhayaḥ | sidhyante 'ntardhyabhijñākhacārivākcittakāyajāḥ

Sanskrit only: no published translation is held for this verse.

तस्माद् बुद्धाश् च सत्सत्त्वा मन्त्रचर्याग्रचारिणः । प्राप्ता धर्माक्षरं श्रेष्ठं सर्वकामोपसेवनैः

tasmād buddhāś ca satsattvā mantracaryāgracāriṇaḥ | prāptā dharmākṣaraṃ śreṣṭhaṃ sarvakāmopasevanaiḥ

Sanskrit only: no published translation is held for this verse.

सेवयन् कामगुणान् पञ्च सुखदुःखोभयात्मकान् । ज्ञानार्थी रागिणां योगात् साधयेत् सर्वम् एव हि

sevayan kāmaguṇān pañca sukhaduḥkhobhayātmakān | jñānārthī rāgiṇāṃ yogāt sādhayet sarvam eva hi

Sanskrit only: no published translation is held for this verse.

कायवाक्चित्तसंसिद्धेर् याश् चान्या हीनजाः स्मृताः । सिध्यन्ते मन्त्रजापात् तु कायवाक्चित्तभावनैः

kāyavākcittasaṃsiddher yāś cānyā hīnajāḥ smṛtāḥ | sidhyante mantrajāpāt tu kāyavākcittabhāvanaiḥ

Sanskrit only: no published translation is held for this verse.

यदुक्तं वज्रं तत्त्वेन संगृह्य घण्टां धर्मेण वाद्य च । समयेन महामुद्राम् अधिष्ठाय हृदा जपेद् इति

yaduktaṃ vajraṃ tattvena saṃgṛhya ghaṇṭāṃ dharmeṇa vādya ca | samayena mahāmudrām adhiṣṭhāya hṛdā japed iti

Sanskrit only: no published translation is held for this verse.

तत् प्रत्युक्तम् ॥ गृहीतसम्वरं शिष्यं तथैवादत्तदक्षिणम् । याचयेद् अभिषेकाय प्रणम्यैवं तु गाथया

tat pratyuktam || gṛhītasamvaraṃ śiṣyaṃ tathaivādattadakṣiṇam | yācayed abhiṣekāya praṇamyaivaṃ tu gāthayā

Sanskrit only: no published translation is held for this verse.

बोधिवज्रेण बुद्धानां यथा दत्तो महामहः । ममापि त्राणनार्थाय खवज्राद्य ददाहि मे

bodhivajreṇa buddhānāṃ yathā datto mahāmahaḥ | mamāpi trāṇanārthāya khavajrādya dadāhi me

Sanskrit only: no published translation is held for this verse.

प्रवेशद्वारपीठस्थाष्टदलाब्जेष्टयोगिनम् । सर्वदिक्त्र्यध्वखव्यापिबुद्धचक्रैः स्वहृद्भवैः

praveśadvārapīṭhasthāṣṭadalābjeṣṭayoginam | sarvadiktryadhvakhavyāpibuddhacakraiḥ svahṛdbhavaiḥ

Sanskrit only: no published translation is held for this verse.

वाद्यगन्धाद्युपेतैस् तैः प्राग्वद् विद्याभिषेकिणम् । महावज्राभिषेकेण सेचयेद् इति गाथया

vādyagandhādyupetais taiḥ prāgvad vidyābhiṣekiṇam | mahāvajrābhiṣekeṇa secayed iti gāthayā

Sanskrit only: no published translation is held for this verse.

अभिषेकं महावज्रं त्रैधातुकनमस्कृतम् । ददामि सर्वबुद्धानां त्रिगुह्यालयसंभवम्

abhiṣekaṃ mahāvajraṃ traidhātukanamaskṛtam | dadāmi sarvabuddhānāṃ triguhyālayasaṃbhavam

Sanskrit only: no published translation is held for this verse.

दत्त्वाविवर्त्यसंसेकं चक्रतत्त्वं तु दर्शयेत् । चतुरस्रम् अवैषम्याद् बुद्धाबुद्धसमत्वतः

dattvāvivartyasaṃsekaṃ cakratattvaṃ tu darśayet | caturasram avaiṣamyād buddhābuddhasamatvataḥ

Sanskrit only: no published translation is held for this verse.

कायवाक्चित्तधर्माणां नानैकत्वाद्ययोगतः । तत्स्मृतिस् तत्र या श्रद्धा प्राग्द्वारं बोधये मतम्

kāyavākcittadharmāṇāṃ nānaikatvādyayogataḥ | tatsmṛtis tatra yā śraddhā prāgdvāraṃ bodhaye matam

Sanskrit only: no published translation is held for this verse.

भूतभाविविपर्यासहान्यनुत्पत्तये ततः । अभूतोत्पन्नतथ्यस्य चोत्पत्तिस्थितये पुनः

bhūtabhāviviparyāsahānyanutpattaye tataḥ | abhūtotpannatathyasya cotpattisthitaye punaḥ

Sanskrit only: no published translation is held for this verse.

अर्वाग्द्वारं चतुर्वीर्यं छन्दोत्साहस्थितिर् मतिः । पश्चिमं ऋद्धिपादास् तु द्वारं तत्स्मृतिर् अत्र तु

arvāgdvāraṃ caturvīryaṃ chandotsāhasthitir matiḥ | paścimaṃ ṛddhipādās tu dvāraṃ tatsmṛtir atra tu

Sanskrit only: no published translation is held for this verse.

श्रद्धावीर्यस्मृतिध्यानप्रज्ञेन्द्रियबलातुलम् । समाधिर् उत्तरं त्व् एवं चतुर्द्वारं स्मृतीन्द्रियैः

śraddhāvīryasmṛtidhyānaprajñendriyabalātulam | samādhir uttaraṃ tv evaṃ caturdvāraṃ smṛtīndriyaiḥ

Sanskrit only: no published translation is held for this verse.

प्रथमादिचतुर्ध्यानैश् चतुस्तोरणवद् भवेत् । शूरङ्गमखगञ्जादिसमाधिर् वेदिकाः स्मृताः

prathamādicaturdhyānaiś catustoraṇavad bhavet | śūraṅgamakhagañjādisamādhir vedikāḥ smṛtāḥ

Sanskrit only: no published translation is held for this verse.

वेद्यां पूजाकरव्यग्रग्रन्थादिधारिणीचयः । यच् चित्राभरणं तस्मात् सर्वाशापरिपूरणम्

vedyāṃ pūjākaravyagragranthādidhāriṇīcayaḥ | yac citrābharaṇaṃ tasmāt sarvāśāparipūraṇam

Sanskrit only: no published translation is held for this verse.

विनयोद्धूतसद्धर्मनवाङ्गरवसर्वगम् । मारुतोद्धूतविश्वाग्रपताकाघण्टनादितम्

vinayoddhūtasaddharmanavāṅgaravasarvagam | mārutoddhūtaviśvāgrapatākāghaṇṭanāditam

Sanskrit only: no published translation is held for this verse.

ज्ञानेष्व् आदर्शबोध्यङ्गैः सर्वदिक्षु प्रभास्वरैः । हारार्धहारचन्द्रार्कादर्शस्रक्चामरोज्ज्वलम्

jñāneṣv ādarśabodhyaṅgaiḥ sarvadikṣu prabhāsvaraiḥ | hārārdhahāracandrārkādarśasrakcāmarojjvalam

Sanskrit only: no published translation is held for this verse.

चक्ररत्नादिसत्स्तम्भैर् विमोक्षाष्तकशोधितैः । तस्याभ्यन्तरतश् चक्रम् अष्तमण्डलकोपमम्

cakraratnādisatstambhair vimokṣāṣtakaśodhitaiḥ | tasyābhyantarataś cakram aṣtamaṇḍalakopamam

Sanskrit only: no published translation is held for this verse.

सर्वदिक्त्र्यध्वसम्बुद्धवज्रयानप्रवर्तनात् । वज्रसूत्रपरिक्षिप्तं समन्तात् परिमण्डलम्

sarvadiktryadhvasambuddhavajrayānapravartanāt | vajrasūtraparikṣiptaṃ samantāt parimaṇḍalam

Sanskrit only: no published translation is held for this verse.

रङ्गाणि पञ्चसंबुद्धास् तज्ज्ञानैः सत्त्वरञ्जनात् । इन्द्रियार्थादिसंशुद्ध्या स्वलक्षणविवेकतः

raṅgāṇi pañcasaṃbuddhās tajjñānaiḥ sattvarañjanāt | indriyārthādisaṃśuddhyā svalakṣaṇavivekataḥ

Sanskrit only: no published translation is held for this verse.

प्राग् यज् ज्ञानामृतं पीतं वज्रिणां कलशं तु तत् । संभारपूरिनिष्यन्दः पूर्णकुम्भः कृपार्द्रतः

prāg yaj jñānāmṛtaṃ pītaṃ vajriṇāṃ kalaśaṃ tu tat | saṃbhārapūriniṣyandaḥ pūrṇakumbhaḥ kṛpārdrataḥ

Sanskrit only: no published translation is held for this verse.

पुष्पधूपमहादीपगन्धाख्यं यच् च मण्डले । बोध्यङ्गसुमनोह्लादिधर्मोल्का यशसां चयः

puṣpadhūpamahādīpagandhākhyaṃ yac ca maṇḍale | bodhyaṅgasumanohlādidharmolkā yaśasāṃ cayaḥ

Sanskrit only: no published translation is held for this verse.

धर्माहारस् तु नैवेद्यं ह्रीर् अपत्राप्यसंवरं । सुगीतनृत्यवादित्रमहासुखविवर्धनम्

dharmāhāras tu naivedyaṃ hrīr apatrāpyasaṃvaraṃ | sugītanṛtyavāditramahāsukhavivardhanam

Sanskrit only: no published translation is held for this verse.

पुरं मोक्षपुरत्वाच् च मण्डलं सारसंग्रहात् । चक्रतत्त्वं समादर्श्य देवतातत्त्वम् आदिशेत्

puraṃ mokṣapuratvāc ca maṇḍalaṃ sārasaṃgrahāt | cakratattvaṃ samādarśya devatātattvam ādiśet

Sanskrit only: no published translation is held for this verse.

श्रद्धावीर्यस्मृतिध्यानशुद्ध्या सद्द्वारिरूपकम् । कायादौ योगधृक् चित्तं प्रज्ञाशुद्ध्या सुनिर्मलम्

śraddhāvīryasmṛtidhyānaśuddhyā saddvārirūpakam | kāyādau yogadhṛk cittaṃ prajñāśuddhyā sunirmalam

Sanskrit only: no published translation is held for this verse.

दानादिषड्बहिःशुद्ध्या रूपवज्रादिभावधृक् । भूपायाद्यनिमित्तत्वाल् लोचनादिस्वभावकम्

dānādiṣaḍbahiḥśuddhyā rūpavajrādibhāvadhṛk | bhūpāyādyanimittatvāl locanādisvabhāvakam

Sanskrit only: no published translation is held for this verse.

अर्थसत्त्वात्मसंकल्पप्रवृत्तिज्ञानशुद्धितः । आदर्शादिक्षयज्ञानं सर्वबुद्धस्वरूपकम्

arthasattvātmasaṃkalpapravṛttijñānaśuddhitaḥ | ādarśādikṣayajñānaṃ sarvabuddhasvarūpakam

Sanskrit only: no published translation is held for this verse.

ज्ञानानुत्पादयोगेन चक्रेशाकारभास्वरम् । रूपादिभ्रमसंशुद्ध्या स्कन्धायतनधातुकम्

jñānānutpādayogena cakreśākārabhāsvaram | rūpādibhramasaṃśuddhyā skandhāyatanadhātukam

Sanskrit only: no published translation is held for this verse.

मात्सर्यादिपरावृत्तेः परमाभूषु सुस्थिरं । स्वविपक्षपरावृत्त्या बलाद्यविकलामलम्

mātsaryādiparāvṛtteḥ paramābhūṣu susthiraṃ | svavipakṣaparāvṛttyā balādyavikalāmalam

Sanskrit only: no published translation is held for this verse.

अविकल्पात् तु गाम्भीर्यम् औदार्यं स्वपरोदयात् । गाम्भीर्यौदार्यतश् चेतः प्रज्ञोपायात्मकं मतम्

avikalpāt tu gāmbhīryam audāryaṃ svaparodayāt | gāmbhīryaudāryataś cetaḥ prajñopāyātmakaṃ matam

Sanskrit only: no published translation is held for this verse.

प्रत्यात्मवेद्यधर्मत्वाद् भेदाभेदाद्यसंस्थितम् । एवं प्रपञ्चिते भ्रान्तिफलाः पारमीतादयः

pratyātmavedyadharmatvād bhedābhedādyasaṃsthitam | evaṃ prapañcite bhrāntiphalāḥ pāramītādayaḥ

Sanskrit only: no published translation is held for this verse.

समयाग्र्या ततो योगं रूपाब्दगुणयुक्तया । कृत्वाचार्यो ऽत्र संविश्य ज्ञानावेशं प्रकल्पयेत्

samayāgryā tato yogaṃ rūpābdaguṇayuktayā | kṛtvācāryo 'tra saṃviśya jñānāveśaṃ prakalpayet

Sanskrit only: no published translation is held for this verse.

वज्रेण पद्मम् आस्फोट्य बुद्धान् स्वान्तर् निवेश्य च । स्थिरीकृत्य च पद्मस्थान् प्राप्यानुज्ञां कुलाधिपात्

vajreṇa padmam āsphoṭya buddhān svāntar niveśya ca | sthirīkṛtya ca padmasthān prāpyānujñāṃ kulādhipāt

Sanskrit only: no published translation is held for this verse.

स्वनामोच्चार्य वज्रात्मा स्फरयेच् चक्रयोगतः । वज्राब्जध्वनिभिर् बुद्धान् आनीय चक्रपार्श्वतः

svanāmoccārya vajrātmā spharayec cakrayogataḥ | vajrābjadhvanibhir buddhān ānīya cakrapārśvataḥ

Sanskrit only: no published translation is held for this verse.

विघ्नान् उत्सार्य संरक्ष्य दत्त्वार्घं प्रतिपूज्य च । संस्तुत्य द्वारिभिर् द्वारकर्म कृत्वात्र साधयेत्

vighnān utsārya saṃrakṣya dattvārghaṃ pratipūjya ca | saṃstutya dvāribhir dvārakarma kṛtvātra sādhayet

Sanskrit only: no published translation is held for this verse.

चक्षुःकायाद्यधिष्ठानसेकपूजादिकल्पिते । विज्ञापयेत् सर्वसत्त्वार्थं कुरुध्वं सर्वसिद्धये

cakṣuḥkāyādyadhiṣṭhānasekapūjādikalpite | vijñāpayet sarvasattvārthaṃ kurudhvaṃ sarvasiddhaye

Sanskrit only: no published translation is held for this verse.

चक्रं संलिख्य सम्यक् प्राक् प्रतिष्ठायां त्व् अयं विधिः । प्रतिमापुस्तकादीनां पौरुषान्तस् तु सेकतः

cakraṃ saṃlikhya samyak prāk pratiṣṭhāyāṃ tv ayaṃ vidhiḥ | pratimāpustakādīnāṃ pauruṣāntas tu sekataḥ

Sanskrit only: no published translation is held for this verse.

सकलार्घवितानादि रक्षाहोमादि यत् स्मृतम् । त्रिपञ्चाक्षरसन्मन्त्रैर् मन्त्रैर् वा प्राक् समुद्धृतैः

sakalārghavitānādi rakṣāhomādi yat smṛtam | tripañcākṣarasanmantrair mantrair vā prāk samuddhṛtaiḥ

Sanskrit only: no published translation is held for this verse.

कारयित्वा बहिः स्नानं चक्रवर्तीव तत् स्वयम् । उत्तमं तत्त्वम् एतद् धि प्रज्ञोपायात्मकं तु यत्

kārayitvā bahiḥ snānaṃ cakravartīva tat svayam | uttamaṃ tattvam etad dhi prajñopāyātmakaṃ tu yat

Sanskrit only: no published translation is held for this verse.

जलमौली तु निष्यन्दः पाको वज्राधिपाःवकाः । संबुद्धैः पौरुषः सेको वैमल्यो गुह्ययोगतः

jalamaulī tu niṣyandaḥ pāko vajrādhipāḥvakāḥ | saṃbuddhaiḥ pauruṣaḥ seko vaimalyo guhyayogataḥ

Sanskrit only: no published translation is held for this verse.

ततो रूपादिसम्पन्नां स्वभ्यस्तचक्रयोगिनीम् । समयसंवरस्थां तां चक्रे मुद्राम् अधिष्ठ्य च

tato rūpādisampannāṃ svabhyastacakrayoginīm | samayasaṃvarasthāṃ tāṃ cakre mudrām adhiṣṭhya ca

Sanskrit only: no published translation is held for this verse.

मुनीन्द्रवृन्दं वज्रान्तः समावेश्य च सत्सुखम् । प्रपीड्यानामज्येष्ठाभ्यां शिष्यवक्त्रे प्रपातयेत्

munīndravṛndaṃ vajrāntaḥ samāveśya ca satsukham | prapīḍyānāmajyeṣṭhābhyāṃ śiṣyavaktre prapātayet

Sanskrit only: no published translation is held for this verse.

शिष्यो दृढमतिः सर्वं पिबेत् वैरोचनात्मना । स भवेद् विश्ववद् विश्वो ऽत्राहो सुखेति वाग् ब्रुवन्

śiṣyo dṛḍhamatiḥ sarvaṃ pibet vairocanātmanā | sa bhaved viśvavad viśvo 'trāho sukheti vāg bruvan

Sanskrit only: no published translation is held for this verse.

प्रज्ञासंपर्कतः श्रीमान् तत्त्वं समुपलक्षयेत् । इयं ते धारणी रम्या सेव्या बुद्धैः प्रकल्पिता

prajñāsaṃparkataḥ śrīmān tattvaṃ samupalakṣayet | iyaṃ te dhāraṇī ramyā sevyā buddhaiḥ prakalpitā

Sanskrit only: no published translation is held for this verse.

चक्रक्रमप्रयोगेण समास्वादय सत्सुखम् । वज्रपर्यङ्कतश् चित्तं मण्यन्तर्गतम् ईक्षयन्

cakrakramaprayogeṇa samāsvādaya satsukham | vajraparyaṅkataś cittaṃ maṇyantargatam īkṣayan

Sanskrit only: no published translation is held for this verse.

मण्डलं देवतातत्त्वम् आचार्यपरिकर्म च । संकथ्य गुह्यप्रज्ञाभ्यां सिक्त्वा तत्त्वं समुद्दिशेत्

maṇḍalaṃ devatātattvam ācāryaparikarma ca | saṃkathya guhyaprajñābhyāṃ siktvā tattvaṃ samuddiśet

Sanskrit only: no published translation is held for this verse.

यद् आह ॥ न तथा बोधिचर्याद्यैर् अन्यैर् वापि न यैः शुभैः । प्राप्यन्ते सर्वबुद्धाद्या यथाभिषेकाद् इतो नयात्

yad āha || na tathā bodhicaryādyair anyair vāpi na yaiḥ śubhaiḥ | prāpyante sarvabuddhādyā yathābhiṣekād ito nayāt

Sanskrit only: no published translation is held for this verse.

समयं रक्षयेद् भर्तुः संवरं पालयेत् सदा । पञ्चमांसामृतं भक्ष्यं रक्षो ऽन्यः समयो ऽप्य् अतः

samayaṃ rakṣayed bhartuḥ saṃvaraṃ pālayet sadā | pañcamāṃsāmṛtaṃ bhakṣyaṃ rakṣo 'nyaḥ samayo 'py ataḥ

Sanskrit only: no published translation is held for this verse.

रत्नघ्नघातसर्वस्त्रीपरस्वादानं वाङ् मृषा । एतद् धि विधिवत् रक्ष्यं योगतन्त्रे च यत् स्मृतम्

ratnaghnaghātasarvastrīparasvādānaṃ vāṅ mṛṣā | etad dhi vidhivat rakṣyaṃ yogatantre ca yat smṛtam

Sanskrit only: no published translation is held for this verse.

ततस् तथागतो भूत्वा व्याकुर्याद् उद्गतयानया । हृन्मुष्टिचीवरा वामा दक्षिणा तु वरप्रदा

tatas tathāgato bhūtvā vyākuryād udgatayānayā | hṛnmuṣṭicīvarā vāmā dakṣiṇā tu varapradā

Sanskrit only: no published translation is held for this verse.

ॐ एसाहं व्याकरोमि त्वां वज्रसत्त्वस् तथागतः । भवदुर्गतितोद्धृत्य अत्यन्तभवसिद्धये

oṃ esāhaṃ vyākaromi tvāṃ vajrasattvas tathāgataḥ | bhavadurgatitoddhṛtya atyantabhavasiddhaye

Sanskrit only: no published translation is held for this verse.