तद्यथानुश्रूयते ऽतीते ऽध्वनिसदाकुसुमितोपवनरमणीयपर्यन्तापर्यन्तजनसमूहसंबाधवीथीचत्वरापणमणिकनकस्तम्भपङ्क्तिमनोहरभवनान्तराला शरदधिकविमलतारापतितारकागणाभ्यलंकृता द्यौर् इव प्रभावती प्रभावती नाम राजधानी बभूव । तस्यां च सकलवसुधावधूहारयष्टिभूतायां मणिर् इवामलप्रभासः प्रभासो नाम राजा बभूव । यस्यामलस्फटिकभित्तिषु मन्दिरान्तः कर्णावतंसतिलकप्रविलोकिनीनाम् । हस्ताः प्रसाधनविधौ मृदवो ऽङ्गनानां नादर्शधारणपरिश्रमदुःखम् ऊहुः
tadyathānuśrūyate 'tīte 'dhvanisadākusumitopavanaramaṇīyaparyantāparyantajanasamūhasaṃbādhavīthīcatvarāpaṇamaṇikanakastambhapaṅktimanoharabhavanāntarālā śaradadhikavimalatārāpatitārakāgaṇābhyalaṃkṛtā dyaur iva prabhāvatī prabhāvatī nāma rājadhānī babhūva | tasyāṃ ca sakalavasudhāvadhūhārayaṣṭibhūtāyāṃ maṇir ivāmalaprabhāsaḥ prabhāso nāma rājā babhūva | yasyāmalasphaṭikabhittiṣu mandirāntaḥ karṇāvataṃsatilakapravilokinīnām / hastāḥ prasādhanavidhau mṛdavo 'ṅganānāṃ nādarśadhāraṇapariśramaduḥkham ūhuḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.