HJm 20.10
अथ तस्य नरपतेर् एवम् अखण्डविषयसुखानुभाविनस् ताः शुद्धान्तमत्तकाशिन्यो विविधमृदुहसितकथाक्रोधेर्ष्याभ्रूभङ्गमनोहरैर् विलासैर् अतीव हृदयम् आचिक्षिपुः ॥ परिहासकालचलितोन्नतभ्रुवः स्मितचन्द्रिकापरिगताननेन्दवः । त्रिवलीविजिह्मतनुरोमराजयो न मनो हरन्ति वद कस्य योषितः
atha tasya narapater evam akhaṇḍaviṣayasukhānubhāvinas tāḥ śuddhāntamattakāśinyo vividhamṛduhasitakathākrodherṣyābhrūbhaṅgamanoharair vilāsair atīva hṛdayam ācikṣipuḥ || parihāsakālacalitonnatabhruvaḥ smitacandrikāparigatānanendavaḥ / trivalīvijihmatanuromarājayo na mano haranti vada kasya yoṣitaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.