तद्यथानुश्रूयते पराक्रमनीतिप्रभावविजितान्यराजसामन्तः प्रभूतहस्त्यश्वकोशसंपदुपेतस् तेजस्वी धीरः शुश्रूषादिभिः प्रज्ञागुणैर् अधिष्ठितस् त्रिवर्गानुकूलप्रकृतिः प्रकृतिदक्षिणो दक्षिणापथाधिपतिः कलिङ्गराजो नाम राजा बभूव । भुजवीर्यपराजितं जितारेः परदेशं बलिनो बलानि यस्य । अभिसस्रुर् उदीर्णतुङ्गवृद्धेः सलिलानीव तटान्तम् अम्बुराशेः
tadyathānuśrūyate parākramanītiprabhāvavijitānyarājasāmantaḥ prabhūtahastyaśvakośasaṃpadupetas tejasvī dhīraḥ śuśrūṣādibhiḥ prajñāguṇair adhiṣṭhitas trivargānukūlaprakṛtiḥ prakṛtidakṣiṇo dakṣiṇāpathādhipatiḥ kaliṅgarājo nāma rājā babhūva | bhujavīryaparājitaṃ jitāreḥ paradeśaṃ balino balāni yasya / abhisasrur udīrṇatuṅgavṛddheḥ salilānīva taṭāntam amburāśeḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.