अथ कदाचित् तस्य मृगपतेर् अवनिपतेर् इव सलीलम् आसन्नकुसुमितलतानर्तकीकिसलयाङ्गुलिसमाहन्यमानमधुकरश्रेणिवीणाशब्दरमणीये प्रसृतनिर्झरमृदङ्गध्वनिप्रवर्तितमयूरलासके गुहाद्वारे समुपविष्टस्य पुरस्तान् निष्पीदितालक्तकगुलिकापरिपाटलमुखम् अभिनवामलकीफलानुरूपनयनम् आत्तपरिणतोदुम्बराभ्यां शावकाभ्याम् अध्यासितस्कन्धं फलरसार्द्रमलिनकराङ्गुलीकं वानरमिथुनम् अभिप्रणम्योवाच । अनिन्दितम् अहो कर्म तव वाक्कायचेतसाम् । अनिन्दिताङ्ग इत्य् एतत् त्वन्नामानुगुणं स्मृतम्
atha kadācit tasya mṛgapater avanipater iva salīlam āsannakusumitalatānartakīkisalayāṅgulisamāhanyamānamadhukaraśreṇivīṇāśabdaramaṇīye prasṛtanirjharamṛdaṅgadhvanipravartitamayūralāsake guhādvāre samupaviṣṭasya purastān niṣpīditālaktakagulikāparipāṭalamukham abhinavāmalakīphalānurūpanayanam āttapariṇatodumbarābhyāṃ śāvakābhyām adhyāsitaskandhaṃ phalarasārdramalinakarāṅgulīkaṃ vānaramithunam abhipraṇamyovāca | aninditam aho karma tava vākkāyacetasām / aninditāṅga ity etat tvannāmānuguṇaṃ smṛtam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.