Gopalabhatta: Haribhaktivilasa 10

दशम-विलासः श्री-कृष्ण-चरणाम्भोज-मधुपेभ्यो नमो नमः । कथञ्चिद् आश्रयाद् येषां श्वापि तद्-गन्ध-भाग् भवेत्

daśama-vilāsaḥ śrī-kṛṣṇa-caraṇāmbhoja-madhupebhyo namo namaḥ | kathañcid āśrayād yeṣāṃ śvāpi tad-gandha-bhāg bhavet

Sanskrit only: no published translation is held for this verse.

अथ श्री-कृष्ण-भक्तानां सभां स-विनयं शुभाम् । गच्छेद् वैष्णव-चिह्नाढ्यः पातुं कृष्ण-कथा-सुधाम्

atha śrī-kṛṣṇa-bhaktānāṃ sabhāṃ sa-vinayaṃ śubhām | gacched vaiṣṇava-cihnāḍhyaḥ pātuṃ kṛṣṇa-kathā-sudhām

Sanskrit only: no published translation is held for this verse.

तथा च स्मृतिः - इतिहास-पुराणाभ्यां षष्ठ-सप्तमकौ नयेत्

tathā ca smṛtiḥ - itihāsa-purāṇābhyāṃ ṣaṣṭha-saptamakau nayet

Sanskrit only: no published translation is held for this verse.

अथ श्री-भगवद्-भक्तानां लक्षणानि - सामान्यतः लैङ्गे - विष्णुर् एव हि यस्यैष देवता वैष्णवः स्मृतः

atha śrī-bhagavad-bhaktānāṃ lakṣaṇāni - sāmānyataḥ laiṅge - viṣṇur eva hi yasyaiṣa devatā vaiṣṇavaḥ smṛtaḥ

Sanskrit only: no published translation is held for this verse.

अत्र विशेषः - व्रत-कर्म-गुण-ज्ञान-भोग-जन्मादिमत्स्व् अपि । शैवेष्व् अपि च कृष्णस्य भक्ताः सन्ति तथा तथा

atra viśeṣaḥ - vrata-karma-guṇa-jñāna-bhoga-janmādimatsv api | śaiveṣv api ca kṛṣṇasya bhaktāḥ santi tathā tathā

Sanskrit only: no published translation is held for this verse.

अत्र व्रतिषु मध्ये भगवद्-भक्ति-हेतु-व्रत-परता भगवद्-भक्त-लक्षणम् तथा स्कान्दे श्री-मार्कण्डेय-भगीरथ-संवादे - दशमी-शेष-संयुक्तं दिनं वैष्णव-वल्लभम् । नोपासते महीपाल ते वै भागवता नराः

atra vratiṣu madhye bhagavad-bhakti-hetu-vrata-paratā bhagavad-bhakta-lakṣaṇam tathā skānde śrī-mārkaṇḍeya-bhagīratha-saṃvāde - daśamī-śeṣa-saṃyuktaṃ dinaṃ vaiṣṇava-vallabham | nopāsate mahīpāla te vai bhāgavatā narāḥ

Sanskrit only: no published translation is held for this verse.

प्राणात्यये न चाश्नन्ति दिनं प्राप्य हरेर् नराः । कुर्वन्ति जागरं रात्रौ सदा भागवता हि ते

prāṇātyaye na cāśnanti dinaṃ prāpya harer narāḥ | kurvanti jāgaraṃ rātrau sadā bhāgavatā hi te

Sanskrit only: no published translation is held for this verse.

उपोष्य द्वादशीं शुद्धां रात्रौ जागरणान्विताम् । अल्पां तु साधयेद् यस् तु स वै भागवतो नरः

upoṣya dvādaśīṃ śuddhāṃ rātrau jāgaraṇānvitām | alpāṃ tu sādhayed yas tu sa vai bhāgavato naraḥ

Sanskrit only: no published translation is held for this verse.

भक्तिर् न विच्युता येषां न च्युतानि व्रतानि च । सुप्रियः श्रीपतिर् येषां ते स्युर् भागवता नराः

bhaktir na vicyutā yeṣāṃ na cyutāni vratāni ca | supriyaḥ śrīpatir yeṣāṃ te syur bhāgavatā narāḥ

Sanskrit only: no published translation is held for this verse.

कर्मिषु भगवद्-अर्पणादिना तद्-आज्ञा-बुद्ध्या वा भक्ति-हेतुः सदाचार-परता । धर्मार्थं जीवितं येषां सन्तानार्थं च मैथुनम् । पचनं विप्रमुख्यार्थं ज्ञेयास् ते वैष्णवा नराः

karmiṣu bhagavad-arpaṇādinā tad-ājñā-buddhyā vā bhakti-hetuḥ sadācāra-paratā | dharmārthaṃ jīvitaṃ yeṣāṃ santānārthaṃ ca maithunam | pacanaṃ vipramukhyārthaṃ jñeyās te vaiṣṇavā narāḥ

Sanskrit only: no published translation is held for this verse.

अध्वगं तु पथि श्रान्तं कालेऽत्र गृहम् आगतम् । यो ऽतिथिं पूजयेद् भक्त्या वैष्णवः स न संशयः

adhvagaṃ tu pathi śrāntaṃ kāle'tra gṛham āgatam | yo 'tithiṃ pūjayed bhaktyā vaiṣṇavaḥ sa na saṃśayaḥ

Sanskrit only: no published translation is held for this verse.

सदाचार-रताः शिष्टाः सर्व-भूतानुकम्पकाः । शुचयस् त्यक्त-रागा ये सदा भागवता हि ते

sadācāra-ratāḥ śiṣṭāḥ sarva-bhūtānukampakāḥ | śucayas tyakta-rāgā ye sadā bhāgavatā hi te

Sanskrit only: no published translation is held for this verse.

पाद्मे वैशाख-माहात्म्ये श्री-नारदाम्बरीष-संवादे (५।९४।८) - जीवितं यस्य धर्मार्थं धर्मो हर्य्-अर्थम् एव च । अहो-रात्राणि पुण्यार्थं तं मन्ये वैष्णवं भुवि

pādme vaiśākha-māhātmye śrī-nāradāmbarīṣa-saṃvāde (5.94.8) - jīvitaṃ yasya dharmārthaṃ dharmo hary-artham eva ca | aho-rātrāṇi puṇyārthaṃ taṃ manye vaiṣṇavaṃ bhuvi

Sanskrit only: no published translation is held for this verse.

लैङ्गे च - विष्णु-भक्ति-समायुक्तान् श्रौत-स्मार्त-प्रवर्तकान् । प्रीतो भवति यो दृष्ट्वा वैष्णवो ऽसौ प्रकीर्तितः

laiṅge ca - viṣṇu-bhakti-samāyuktān śrauta-smārta-pravartakān | prīto bhavati yo dṛṣṭvā vaiṣṇavo 'sau prakīrtitaḥ

Sanskrit only: no published translation is held for this verse.

गुणवत्सु भक्ति-हेतुः कृपालुत्वादि-सद्-गुण-शीलता । स्कान्दे तत्रैव - पर-दुःखेनात्म-दुःखं मन्यन्ते ये नृपोत्तम । भगवद्-धर्म-निरतास् ते नरा वैष्णवा नृप

guṇavatsu bhakti-hetuḥ kṛpālutvādi-sad-guṇa-śīlatā | skānde tatraiva - para-duḥkhenātma-duḥkhaṃ manyante ye nṛpottama | bhagavad-dharma-niratās te narā vaiṣṇavā nṛpa

Sanskrit only: no published translation is held for this verse.

तृतीय-स्कन्धे श्री-कपिल-देवहूति-संवादे (३।२५।२१) - तितिक्षवः कारुणिकाः सुहृदः सर्व-देहिनाम् । अजात-शत्रवः शान्ताः साधवः साधु-भूषणाः

tṛtīya-skandhe śrī-kapila-devahūti-saṃvāde (3.25.21) - titikṣavaḥ kāruṇikāḥ suhṛdaḥ sarva-dehinām | ajāta-śatravaḥ śāntāḥ sādhavaḥ sādhu-bhūṣaṇāḥ

Sanskrit only: no published translation is held for this verse.

पञ्चम-स्कन्धे ऋषभदेवस्य पुत्रानुशासने (५।य्५।२) -- महत्-सेवां द्वारम् आहुर् विमुक्तेस् तमो-द्वारं योषितां सङ्गि-सङ्गम् । महान्तस् ते सम-चित्ताः प्रशान्ता विमन्यवः सुहृदः साधवो ये

pañcama-skandhe ṛṣabhadevasya putrānuśāsane (5.y5.2) -- mahat-sevāṃ dvāram āhur vimuktes tamo-dvāraṃ yoṣitāṃ saṅgi-saṅgam | mahāntas te sama-cittāḥ praśāntā vimanyavaḥ suhṛdaḥ sādhavo ye

Sanskrit only: no published translation is held for this verse.

एकादश-स्कन्धे भगवत्-प्रदत्तोद्धव-प्रश्नोत्तरे (११।११।२९-३१) - कृपालुर् अकृत-द्रोहस् तितिक्षुः सर्व-देहिनाम् । सत्य-सारो ऽनवद्यात्मा समः सर्वोपकारकः

ekādaśa-skandhe bhagavat-pradattoddhava-praśnottare (11.11.29-31) - kṛpālur akṛta-drohas titikṣuḥ sarva-dehinām | satya-sāro 'navadyātmā samaḥ sarvopakārakaḥ

Sanskrit only: no published translation is held for this verse.

कामैर् अहत-धीर् दान्तो मृदुः शुचिर् अकिञ्चनः । अनीहो मित-भुक् शान्तः स्थिरो मच्-छरणो मुनिः

kāmair ahata-dhīr dānto mṛduḥ śucir akiñcanaḥ | anīho mita-bhuk śāntaḥ sthiro mac-charaṇo muniḥ

Sanskrit only: no published translation is held for this verse.

अप्रमत्तो गभीरात्मा धृति-माञ् जित-षड्-गुणः । अमानी मान-दः कल्यो मैत्रः कारुणिकः कविः

apramatto gabhīrātmā dhṛti-māñ jita-ṣaḍ-guṇaḥ | amānī māna-daḥ kalyo maitraḥ kāruṇikaḥ kaviḥ

Sanskrit only: no published translation is held for this verse.

विष्णु-पुराणे यम-तद्-भट-संवादे [विप् ३।७।२०] - न चलति निज-वर्ण-धर्मतो यः सम-मतिर् आत्म-सुहृद्-विपक्ष-पक्षे । न हरति न हन्ति किञ्चिद् उच्चैः स्थित-मनसं तम् अवेहि विष्णु-भक्तम्

viṣṇu-purāṇe yama-tad-bhaṭa-saṃvāde [ViP 3.7.20] - na calati nija-varṇa-dharmato yaḥ sama-matir ātma-suhṛd-vipakṣa-pakṣe | na harati na hanti kiñcid uccaiḥ sthita-manasaṃ tam avehi viṣṇu-bhaktam

Sanskrit only: no published translation is held for this verse.

ज्ञानिषु भक्ति-हेतुर् ज्ञानवत्ता । एकादशे हवि-योगेश्वरोत्तरे [भ्प् ११।२।४५,५२] - सर्व-भूतेषु यः पश्येद् भगवद्-भावम् आत्मनः । भूतानि भगवत्य् आत्मन्य् एष भागवतोत्तमः

jñāniṣu bhakti-hetur jñānavattā | ekādaśe havi-yogeśvarottare [BhP 11.2.45,52] - sarva-bhūteṣu yaḥ paśyed bhagavad-bhāvam ātmanaḥ | bhūtāni bhagavaty ātmany eṣa bhāgavatottamaḥ

Sanskrit only: no published translation is held for this verse.

न यस्य स्वः पर इति वित्तेष्व् आत्मनि वा भिदा । सर्व-भूत-समः शान्तः स वै भागवतोत्तमः

na yasya svaḥ para iti vitteṣv ātmani vā bhidā | sarva-bhūta-samaḥ śāntaḥ sa vai bhāgavatottamaḥ

Sanskrit only: no published translation is held for this verse.

एकादशे श्री-भगवद्-उक्तौ [भ्प् ११।११।३३] - ज्ञात्वाज्ञात्वाथ ये वै मां यावान् यश् चास्मि यादृशः । भजन्त्य् अनन्य-भावेन ते मे भक्त-तमा मताः

ekādaśe śrī-bhagavad-uktau [BhP 11.11.33] - jñātvājñātvātha ye vai māṃ yāvān yaś cāsmi yādṛśaḥ | bhajanty ananya-bhāvena te me bhakta-tamā matāḥ

Sanskrit only: no published translation is held for this verse.

तत्रैव हवि-योगेश्वरोत्तरे [भ्प् ११।२।४६-४७] ईश्वरे तद्-अधीनेषु बालिशेषु द्विषत्सु च । प्रेम-मैत्री-कृपोपेक्षा यः करोति स मध्यमः

tatraiva havi-yogeśvarottare [BhP 11.2.46-47] īśvare tad-adhīneṣu bāliśeṣu dviṣatsu ca | prema-maitrī-kṛpopekṣā yaḥ karoti sa madhyamaḥ

Sanskrit only: no published translation is held for this verse.

अर्चायाम् एव हरये पूजां यः श्रद्धयेहते । न तद्-भक्तेषु चान्येषु स भक्तः प्राकृतः स्मृतः

arcāyām eva haraye pūjāṃ yaḥ śraddhayehate | na tad-bhakteṣu cānyeṣu sa bhaktaḥ prākṛtaḥ smṛtaḥ

Sanskrit only: no published translation is held for this verse.

भोगवत्सु भक्ति-हेतुर् भोगानासक्तता । हवि-योगेश्वरोत्तरे [भ्प् ११।२।४८] गृहीत्वापीन्द्रियैर् अर्थान् यो न द्वेष्टि न हृष्यति । विष्णोर् मायाम् इदं पश्यन् स वै भागवतोत्तमः

bhogavatsu bhakti-hetur bhogānāsaktatā | havi-yogeśvarottare [BhP 11.2.48] gṛhītvāpīndriyair arthān yo na dveṣṭi na hṛṣyati | viṣṇor māyām idaṃ paśyan sa vai bhāgavatottamaḥ

Sanskrit only: no published translation is held for this verse.

सज्जन्म-विद्यादिमत्सु भक्ति-हेतुर् निरभिमानिता । तत्रैव [भ्प् ११।२।५१] -- न यस्य जन्म-कर्मभ्यां न वर्णाश्रम-जातिभिः । सज्जते ऽस्मिन्न् अहम्-भावो देहे वै स हरेः प्रियः

sajjanma-vidyādimatsu bhakti-hetur nirabhimānitā | tatraiva [BhP 11.2.51] -- na yasya janma-karmabhyāṃ na varṇāśrama-jātibhiḥ | sajjate 'sminn aham-bhāvo dehe vai sa hareḥ priyaḥ

Sanskrit only: no published translation is held for this verse.

भावाः कथञ्चिद् भक्तैव ज्ञानानासक्त्य्-अमानिता । भक्ति-निष्ठापका जातास् ततो ह्य् उत्तमतोदिता

bhāvāḥ kathañcid bhaktaiva jñānānāsakty-amānitā | bhakti-niṣṭhāpakā jātās tato hy uttamatoditā

Sanskrit only: no published translation is held for this verse.

शैवेषु श्रीशिव-कृष्ण-भेदकाः । बृहन्-नारदीये [नार्प् १।५।७२] - शिवे च परमेशाने विष्णौ च परमात्मनि । समबुद्ध्या प्रवर्त्तन्ते ते वै भागवतोत्तमाः

śaiveṣu śrīśiva-kṛṣṇa-bhedakāḥ | bṛhan-nāradīye [NārP 1.5.72] - śive ca parameśāne viṣṇau ca paramātmani | samabuddhyā pravarttante te vai bhāgavatottamāḥ

Sanskrit only: no published translation is held for this verse.

अन्यच् च तेषां भगवच्-छास्त्रार्थ-परतादिकम् । साक्षाद्-भक्त्य्-आत्मकं मुख्यं लक्षणं लिख्यतेऽधुना

anyac ca teṣāṃ bhagavac-chāstrārtha-paratādikam | sākṣād-bhakty-ātmakaṃ mukhyaṃ lakṣaṇaṃ likhyate'dhunā

Sanskrit only: no published translation is held for this verse.

स्कान्दे - येषां भागवतं शास्त्रं सदा तिष्ठति सन्निधौ । पूजयन्ति च ये नित्यं ते स्युर् भागवता नराः

skānde - yeṣāṃ bhāgavataṃ śāstraṃ sadā tiṣṭhati sannidhau | pūjayanti ca ye nityaṃ te syur bhāgavatā narāḥ

Sanskrit only: no published translation is held for this verse.

येषां भागवतं शास्त्रं जीविताद् अधिकं भवेत् । महा-भागवताः श्रेष्ठा विष्णुना कथिता नराः

yeṣāṃ bhāgavataṃ śāstraṃ jīvitād adhikaṃ bhavet | mahā-bhāgavatāḥ śreṣṭhā viṣṇunā kathitā narāḥ

Sanskrit only: no published translation is held for this verse.

वैष्णव-सम्मान-निष्ठा । लैङ्गे - विष्णु-भक्तम् अथायातं यो दृष्ट्वा सुमुखः प्रियः । प्रणामादि करोत्य् एव वासुदेवे यथा तथा । स वै भक्त इति ज्ञेयः स पुनाति जगत् त्रयम्

vaiṣṇava-sammāna-niṣṭhā | laiṅge - viṣṇu-bhaktam athāyātaṃ yo dṛṣṭvā sumukhaḥ priyaḥ | praṇāmādi karoty eva vāsudeve yathā tathā | sa vai bhakta iti jñeyaḥ sa punāti jagat trayam

Sanskrit only: no published translation is held for this verse.

रुक्षाक्षरा गिरः शृण्वन् तथा भागवतेरिताः । प्रणाम-पूर्वकं क्षान्त्वा यो वदेद् वैष्णवो हि सः

rukṣākṣarā giraḥ śṛṇvan tathā bhāgavateritāḥ | praṇāma-pūrvakaṃ kṣāntvā yo vaded vaiṣṇavo hi saḥ

Sanskrit only: no published translation is held for this verse.

भोजनाच्छादनं सर्वं यथा-शक्त्या करोति यः । विष्णु-भक्तस्य सततं स वै भागवतः स्मृतः

bhojanācchādanaṃ sarvaṃ yathā-śaktyā karoti yaḥ | viṣṇu-bhaktasya satataṃ sa vai bhāgavataḥ smṛtaḥ

Sanskrit only: no published translation is held for this verse.

गारुडे - येन सर्वात्मना विष्णु-भक्त्या भावो निवेशितः । वैष्णवेषु कृतात्मत्वान् महा-भागवतो हि सः

gāruḍe - yena sarvātmanā viṣṇu-bhaktyā bhāvo niveśitaḥ | vaiṣṇaveṣu kṛtātmatvān mahā-bhāgavato hi saḥ

Sanskrit only: no published translation is held for this verse.

श्री-तुलसी-सेवा-निष्ठा [नार्प् १।५।६५-६६] - तुलसी-काननं दृष्ट्वा ये नमस्कुर्वते नराः । तत्-काष्ठाङ्कित-कर्णा ये ते वै भागवतोत्तमाः

śrī-tulasī-sevā-niṣṭhā [NārP 1.5.65-66] - tulasī-kānanaṃ dṛṣṭvā ye namaskurvate narāḥ | tat-kāṣṭhāṅkita-karṇā ye te vai bhāgavatottamāḥ

Sanskrit only: no published translation is held for this verse.

तुलसी-गन्धम् आघ्राय सन्तोषं कुर्वते तु ये । तन्-मूलम् ऋद्धूता यैश् च ते वै भागवतोत्तमाः

tulasī-gandham āghrāya santoṣaṃ kurvate tu ye | tan-mūlam ṛddhūtā yaiś ca te vai bhāgavatottamāḥ

Sanskrit only: no published translation is held for this verse.

श्री-भगवतः कथा-परता बृहन्-नारदीये [१।५।५२] श्री-भगवन्-मार्कण्डेय-संवादे - मत्-कथा-श्रवणे येषां वर्तते सात्त्विकी मतिः । तद्-भक्त-विष्णु-भक्ताश् च ते वै भागवतोत्तमाः

śrī-bhagavataḥ kathā-paratā bṛhan-nāradīye [1.5.52] śrī-bhagavan-mārkaṇḍeya-saṃvāde - mat-kathā-śravaṇe yeṣāṃ vartate sāttvikī matiḥ | tad-bhakta-viṣṇu-bhaktāś ca te vai bhāgavatottamāḥ

Sanskrit only: no published translation is held for this verse.

स्कान्दे श्री-भगवद्-अर्जुन-संवादे - मत्-कथां कुरुते यस् तु मत्-कथां च शृणोति यः । हृष्यते मत्-कथायां च स वै भागवतोत्तमः

skānde śrī-bhagavad-arjuna-saṃvāde - mat-kathāṃ kurute yas tu mat-kathāṃ ca śṛṇoti yaḥ | hṛṣyate mat-kathāyāṃ ca sa vai bhāgavatottamaḥ

Sanskrit only: no published translation is held for this verse.

तृतीय-स्कन्धे [भ्प् ३।२५।२३] तत्रैव - मद्-आश्रयाः कथा मृष्टाः शृण्वन्ति कथयन्ति च । तपन्ति विविधास् तापा नैतान् मद्-गत-चेतसः

tṛtīya-skandhe [BhP 3.25.23] tatraiva - mad-āśrayāḥ kathā mṛṣṭāḥ śṛṇvanti kathayanti ca | tapanti vividhās tāpā naitān mad-gata-cetasaḥ

Sanskrit only: no published translation is held for this verse.

बृहन्-नारदीये [१।५।६४] तत्रैव - मन्-मानसाश् च मद्-भक्ता मद्-भक्त-जन-लोलुपाः । मन्-नाम-श्रवणासक्तास् ते वै भागवतोत्तमाः

bṛhan-nāradīye [1.5.64] tatraiva - man-mānasāś ca mad-bhaktā mad-bhakta-jana-lolupāḥ | man-nāma-śravaṇāsaktās te vai bhāgavatottamāḥ

Sanskrit only: no published translation is held for this verse.

येऽभिनन्दन्ति नामानि हरेः श्रुत्वाऽतिहर्षिताः । रोमाञ्चितशरीराश्च ते वै भागवतोत्तमाः

ye'bhinandanti nāmāni hareḥ śrutvā'tiharṣitāḥ | romāñcitaśarīrāśca te vai bhāgavatottamāḥ

Sanskrit only: no published translation is held for this verse.

तत्रैवान्यत्र [१।५।६१] - अन्येषाम् उदयं दृष्ट्वा येऽभिनन्दन्ति मानवाः । हरि-नाम-परा ये च ते वै भागवतोत्तमाः

tatraivānyatra [1.5.61] - anyeṣām udayaṃ dṛṣṭvā ye'bhinandanti mānavāḥ | hari-nāma-parā ye ca te vai bhāgavatottamāḥ

Sanskrit only: no published translation is held for this verse.

स्मरण-परता तत्र स्व-धर्म-निष्ठया राग-द्वेष-निवृत्त्या स्मरणम् श्री-विष्णु-पुराणे यम-तद्-भट-संवादे [विप् ३।७।२०-२६] - न चलति य उच्चैः श्री-भगवत्-पदारविन्दे । सितमनास् तम् अवेहि विष्णु-भक्तम्

smaraṇa-paratā tatra sva-dharma-niṣṭhayā rāga-dveṣa-nivṛttyā smaraṇam śrī-viṣṇu-purāṇe yama-tad-bhaṭa-saṃvāde [ViP 3.7.20-26] - na calati ya uccaiḥ śrī-bhagavat-padāravinde | sitamanās tam avehi viṣṇu-bhaktam

Sanskrit only: no published translation is held for this verse.

कलि-कलुष-मलेन यस्य नात्मा विमल-मतेर् मलिनीकृतस् तम् एनम् । मनसि कृत-जनार्दनं मनुष्यं सततम् अवेहि हरेर् अतीव-भक्तम्

kali-kaluṣa-malena yasya nātmā vimala-mater malinīkṛtas tam enam | manasi kṛta-janārdanaṃ manuṣyaṃ satatam avehi harer atīva-bhaktam

Sanskrit only: no published translation is held for this verse.

कनकम् अपि रहस्य् अवेक्ष्य बुद्ध्या तृणम् इव यः समवैति पर-स्वम् । भवति च भगवत्य् अनन्य-चेताः पुरुष-वरं तम् अवेहि विष्णु-भक्तम्

kanakam api rahasy avekṣya buddhyā tṛṇam iva yaḥ samavaiti para-svam | bhavati ca bhagavaty ananya-cetāḥ puruṣa-varaṃ tam avehi viṣṇu-bhaktam

Sanskrit only: no published translation is held for this verse.

स्फटिक-गिरि-शिलामलः क्व विष्णुर् मनसि नॄणां क्व च मत्सरादि-दोषः । न हि तुहिन-मयूख-रश्मि-पुञ्जे भवति हुताशन-दीप्तिजः प्रतापः

sphaṭika-giri-śilāmalaḥ kva viṣṇur manasi nṝṇāṃ kva ca matsarādi-doṣaḥ | na hi tuhina-mayūkha-raśmi-puñje bhavati hutāśana-dīptijaḥ pratāpaḥ

Sanskrit only: no published translation is held for this verse.

विमल-मतिर् अमत्सरः प्रशान्तः शुचि-चरितो ऽखिल-सत्त्व-मित्र-भूतः । प्रिय-हित-वचनो ऽस्तुमानमायो वसति सदा हृदि तस्य वासुदेवः

vimala-matir amatsaraḥ praśāntaḥ śuci-carito 'khila-sattva-mitra-bhūtaḥ | priya-hita-vacano 'stumānamāyo vasati sadā hṛdi tasya vāsudevaḥ

Sanskrit only: no published translation is held for this verse.

वसति हृदि सनातने च तस्मिन् भवति पुमान् जगतो ऽस्य सौख्य-रूपः । क्षिति-रसम् अतिरम्यम् आत्मनो ऽन्तः कथयति चारुतयैव शालपोतः

vasati hṛdi sanātane ca tasmin bhavati pumān jagato 'sya saukhya-rūpaḥ | kṣiti-rasam atiramyam ātmano 'ntaḥ kathayati cārutayaiva śālapotaḥ

Sanskrit only: no published translation is held for this verse.

अन्य-विजये वैराग्यादिना च स्मरणम् एकादश-स्कन्धे हवि-योगेश्वरोत्तरे [भ्प् ११।२।४९, ५३-५४] देहेन्द्रिय-प्राण-मनो-धियां यो जन्माप्यय-क्षुद्-भय-तर्ष-कृच्छ्रैः । संसार-धर्मैर् अविमुह्यमानः स्मृत्या हरेर् भागवत-प्रधानः

anya-vijaye vairāgyādinā ca smaraṇam ekādaśa-skandhe havi-yogeśvarottare [BhP 11.2.49, 53-54] dehendriya-prāṇa-mano-dhiyāṃ yo janmāpyaya-kṣud-bhaya-tarṣa-kṛcchraiḥ | saṃsāra-dharmair avimuhyamānaḥ smṛtyā harer bhāgavata-pradhānaḥ

Sanskrit only: no published translation is held for this verse.

त्रि-भुवन-विभव-हेतवे ऽप्य् अकुण्ठ- स्मृतिर् अजितात्म-सुरादिभिर् विमृग्यात् । न चलति भगवत्-पदारविन्दाल् लव-निमिषार्धम् अपि यः स वैष्णवाग्र्यः

tri-bhuvana-vibhava-hetave 'py akuṇṭha- smṛtir ajitātma-surādibhir vimṛgyāt | na calati bhagavat-padāravindāl lava-nimiṣārdham api yaḥ sa vaiṣṇavāgryaḥ

Sanskrit only: no published translation is held for this verse.

भगवत उरु-विक्रमाङ्घ्रि-शाखा- नख-मणि-चन्द्रिकया निरस्त-तापे । हृदि कथम् उपसीदतां पुनः स प्रभवति चन्द्र इवोदिते ऽर्क-तापः

bhagavata uru-vikramāṅghri-śākhā- nakha-maṇi-candrikayā nirasta-tāpe | hṛdi katham upasīdatāṃ punaḥ sa prabhavati candra ivodite 'rka-tāpaḥ

Sanskrit only: no published translation is held for this verse.

स्कान्दे तत्रैव - येऽर्चयन्ति सदा विष्णुं यज्ञेशं वरदं हरिम् । देहिनः पुण्य-कर्माणः सदा भागवता हि ते

skānde tatraiva - ye'rcayanti sadā viṣṇuṃ yajñeśaṃ varadaṃ harim | dehinaḥ puṇya-karmāṇaḥ sadā bhāgavatā hi te

Sanskrit only: no published translation is held for this verse.

लैङ्गे - विष्णु-क्षेत्रे शुभान्य् एव करोति स्नेह-संयुतः । प्रतिमां च हरेर् नित्यं पूजयेत् प्रतयामवान्

laiṅge - viṣṇu-kṣetre śubhāny eva karoti sneha-saṃyutaḥ | pratimāṃ ca harer nityaṃ pūjayet pratayāmavān

Sanskrit only: no published translation is held for this verse.

विष्णु-भक्तः स विज्ञेयः कर्मणा मनसा गिरा । नारायण-परो नित्यं भूप भागवतो हि सः

viṣṇu-bhaktaḥ sa vijñeyaḥ karmaṇā manasā girā | nārāyaṇa-paro nityaṃ bhūpa bhāgavato hi saḥ

Sanskrit only: no published translation is held for this verse.

अथ वैष्णव-धर्म-निष्ठादि पाद्मोत्तर-खण्डे (६।२५३।२७)- तापादि-पञ्च-संस्कारी नवेज्याकर्म-कारकः । अर्थ-पञ्चक-विद् विप्रो महा-भागवतः स्मृतः

atha vaiṣṇava-dharma-niṣṭhādi pādmottara-khaṇḍe (6.253.27)- tāpādi-pañca-saṃskārī navejyākarma-kārakaḥ | artha-pañcaka-vid vipro mahā-bhāgavataḥ smṛtaḥ

Sanskrit only: no published translation is held for this verse.

एकान्तिकता गारुडे - एकान्तेन सदा विष्णौ यस्माद् देवे परायणाः । तस्माद् एकान्तिनः प्रोक्तास् तद्-भागवत-चेतसः

ekāntikatā gāruḍe - ekāntena sadā viṣṇau yasmād deve parāyaṇāḥ | tasmād ekāntinaḥ proktās tad-bhāgavata-cetasaḥ

Sanskrit only: no published translation is held for this verse.

तद्-विज्ञानेनानन्य-परता एकादशे [भ्प् ११।११।३३] उद्धव-प्रश्नोत्तरे - ज्ञात्वाज्ञात्वाथ ये वै माम् यावान् यश् चास्मि यादृशः । भजन्त्य् अनन्य-भावेन ते वै भागवता मताः

tad-vijñānenānanya-paratā ekādaśe [BhP 11.11.33] uddhava-praśnottare - jñātvājñātvātha ye vai mām yāvān yaś cāsmi yādṛśaḥ | bhajanty ananya-bhāvena te vai bhāgavatā matāḥ

Sanskrit only: no published translation is held for this verse.

एकादश-स्कन्धे [भ्प् ११।२।५०] - न काम-कर्म-बीजानां यस्य चेतसि सम्भवः । वासुदेवैक-निलयः स वै भागवतोत्तमः

ekādaśa-skandhe [BhP 11.2.50] - na kāma-karma-bījānāṃ yasya cetasi sambhavaḥ | vāsudevaika-nilayaḥ sa vai bhāgavatottamaḥ

Sanskrit only: no published translation is held for this verse.

सा च एकान्तिता चतुर्धा तत्र धर्मानादरेण श्रीमद्-उद्धव-प्रश्नोत्तर एव [भ्प् ११।११।३२] - आज्ञायैवं गुणान् दोषान् मयादिष्टान् अपि स्वकान् । धर्मान् सन्त्यज्य यः सर्वान् मां भजेत स तु सत्तमः

sā ca ekāntitā caturdhā tatra dharmānādareṇa śrīmad-uddhava-praśnottara eva [BhP 11.11.32] - ājñāyaivaṃ guṇān doṣān mayādiṣṭān api svakān | dharmān santyajya yaḥ sarvān māṃ bhajeta sa tu sattamaḥ

Sanskrit only: no published translation is held for this verse.

श्री-भगवद्-गीतायाम् [गीता १८।६६] -- सर्व-धर्मान् परित्यज्य माम् एकं शरणं व्रज । अहं त्वा सर्वपापेभ्यो मोक्षयिष्यामि मा शुचः

śrī-bhagavad-gītāyām [Gītā 18.66] -- sarva-dharmān parityajya mām ekaṃ śaraṇaṃ vraja | ahaṃ tvā sarvapāpebhyo mokṣayiṣyāmi mā śucaḥ

Sanskrit only: no published translation is held for this verse.

चतुर्थ-स्कन्धे [भ्प् ४।२९।४७] - यदा यस्यानुगृह्णाति भगवान् अत्म-भावितः । न जहाति मतिं लोके वेदे च परिनिष्ठिताम्

caturtha-skandhe [BhP 4.29.47] - yadā yasyānugṛhṇāti bhagavān atma-bhāvitaḥ | na jahāti matiṃ loke vede ca pariniṣṭhitām

Sanskrit only: no published translation is held for this verse.

अन्य-सर्व-निरपेक्षता श्री-भगवद्-उद्धव-संवादे [भ्प् ११।२६।२७] ऐलोपाख्याने - सन्तो ऽनपेक्षा मच्-चित्ताः प्रशान्ताः सम-दर्शिनः । निर्ममा निरहङ्कारा निर्द्वन्द्वा निष्परिग्रहाः

anya-sarva-nirapekṣatā śrī-bhagavad-uddhava-saṃvāde [BhP 11.26.27] ailopākhyāne - santo 'napekṣā mac-cittāḥ praśāntāḥ sama-darśinaḥ | nirmamā nirahaṅkārā nirdvandvā niṣparigrahāḥ

Sanskrit only: no published translation is held for this verse.

अतएव श्री-कपिल-देवहूति-संवादे (३।२५।२४) - त एते साधवः साध्वि सर्व-सङ्ग-विवर्जिताः । सङ्गस् तेष्व् अथ ते प्रार्थ्यः सङ्ग-दोष-हरा हि ते

ataeva śrī-kapila-devahūti-saṃvāde (3.25.24) - ta ete sādhavaḥ sādhvi sarva-saṅga-vivarjitāḥ | saṅgas teṣv atha te prārthyaḥ saṅga-doṣa-harā hi te

Sanskrit only: no published translation is held for this verse.

विघ्नाकुलत्वेऽपि मनो-रति-परता । स्कान्दे तत्रैव -- यस्य कृच्छ्र-गतस्यापि केशवे रमते मनः । न विच्युता च भक्तिर् वै स वै भागवतो नरः

vighnākulatve'pi mano-rati-paratā | skānde tatraiva -- yasya kṛcchra-gatasyāpi keśave ramate manaḥ | na vicyutā ca bhaktir vai sa vai bhāgavato naraḥ

Sanskrit only: no published translation is held for this verse.

आपद्-गतस्य यस्येह भकिर् अव्यभिचारिणी । नान्यत्र रमते चित्तं स वै भागवतो नरः

āpad-gatasya yasyeha bhakir avyabhicāriṇī | nānyatra ramate cittaṃ sa vai bhāgavato naraḥ

Sanskrit only: no published translation is held for this verse.

प्रेमैक-रसता । श्री-ऋषभदेवस्य पुत्रानुशासने [भ्प् ५।५।३] -- ये वा मयीशे कृत-सौहृदार्था; जनेषु देहम्भर-वार्तिकेषु । गृहेषु जायात्मज-रातिमत्सु; न प्रीति-युक्ता यावद्-अर्थाश् च लोके

premaika-rasatā | śrī-ṛṣabhadevasya putrānuśāsane [BhP 5.5.3] -- ye vā mayīśe kṛta-sauhṛdārthā; janeṣu dehambhara-vārtikeṣu | gṛheṣu jāyātmaja-rātimatsu; na prīti-yuktā yāvad-arthāś ca loke

Sanskrit only: no published translation is held for this verse.

त्रिधा प्रेमैक-परता प्रेम्णः स्यात् तारतम्यतः । उत्तमा मध्यमा चासौ कनिष्ठा चेति भेदतः

tridhā premaika-paratā premṇaḥ syāt tāratamyataḥ | uttamā madhyamā cāsau kaniṣṭhā ceti bhedataḥ

Sanskrit only: no published translation is held for this verse.

तत्रोत्तमा । यथा एकादशे हवि-योगेश्वरोत्तरे [भ्प् ११।२।४५-४६] -- सर्व-भूतेषु यः पश्येद् भगवद्-भावम् आत्मनः । भूतानि भगवत्य् आत्मन्य् एष भागवतोत्तमः

tatrottamā | yathā ekādaśe havi-yogeśvarottare [BhP 11.2.45-46] -- sarva-bhūteṣu yaḥ paśyed bhagavad-bhāvam ātmanaḥ | bhūtāni bhagavaty ātmany eṣa bhāgavatottamaḥ

Sanskrit only: no published translation is held for this verse.

स्वेष्ट-देवस्य भावं यः सर्व-भूतेषु पश्यति । भावयन्ति च तान्य् अस्मिन्न् इत्य् अर्थः सम्मतः सताम्

sveṣṭa-devasya bhāvaṃ yaḥ sarva-bhūteṣu paśyati | bhāvayanti ca tāny asminn ity arthaḥ sammataḥ satām

Sanskrit only: no published translation is held for this verse.

श्री-कपिल-देवहूति-संवादे (३।२५।२२) - मय्य् अनन्येन भावेन भक्तिं कुर्वन्ति ये दृढाम् । मत्-कृते त्यक्त-कर्माणस् त्यक्त-स्वजन-बान्धवाः

śrī-kapila-devahūti-saṃvāde (3.25.22) - mayy ananyena bhāvena bhaktiṃ kurvanti ye dṛḍhām | mat-kṛte tyakta-karmāṇas tyakta-svajana-bāndhavāḥ

Sanskrit only: no published translation is held for this verse.

श्री-हवि-योगेश्वरोत्तरे [भ्प् ११।२।५५] -- विसृजति हृदयं न यस्य साक्षाद् धरिर् अवशाभिहितो ऽप्य् अघौघ-नाशः । प्रणय-रसनया धृताङ्घ्रि-पद्मः स भवति भागवत-प्रधान उक्तः

śrī-havi-yogeśvarottare [BhP 11.2.55] -- visṛjati hṛdayaṃ na yasya sākṣād dharir avaśābhihito 'py aghaugha-nāśaḥ | praṇaya-rasanayā dhṛtāṅghri-padmaḥ sa bhavati bhāgavata-pradhāna uktaḥ

Sanskrit only: no published translation is held for this verse.

तत्र मध्यमा । श्री-हवि-योगेश्वरोत्तरे [भ्प् ११।२।४६] -- ईश्वरे तद्-अधीनेषु बालिशेषु द्विषत्सु च । प्रेम-मैत्री-कृपोपेक्षा यः करोति स मध्यमः

tatra madhyamā | śrī-havi-yogeśvarottare [BhP 11.2.46] -- īśvare tad-adhīneṣu bāliśeṣu dviṣatsu ca | prema-maitrī-kṛpopekṣā yaḥ karoti sa madhyamaḥ

Sanskrit only: no published translation is held for this verse.

तत्र कनिष्ठा । तत्रैव [भ्प् ११।२।४७] -- अर्चायाम् एव हरये पूजां यः श्रद्धयेहते । न तद्-भक्तेषु चान्येषु स भक्तः प्राकृतः स्मृतः

tatra kaniṣṭhā | tatraiva [BhP 11.2.47] -- arcāyām eva haraye pūjāṃ yaḥ śraddhayehate | na tad-bhakteṣu cānyeṣu sa bhaktaḥ prākṛtaḥ smṛtaḥ

Sanskrit only: no published translation is held for this verse.

श्रद्धया पूजनं प्रेम-बोधकं भक्त इत्य् अपि । लक्षणानि च यान्य् अग्रे भक्तेर् लेख्यानि तान्य् अपि

śraddhayā pūjanaṃ prema-bodhakaṃ bhakta ity api | lakṣaṇāni ca yāny agre bhakter lekhyāni tāny api

Sanskrit only: no published translation is held for this verse.

वन्दनादीनि विद्यन्ते येषु भागवता हि ते । एतानि लक्षणानीत्थं गौण-मुख्यादि-भेदतः

vandanādīni vidyante yeṣu bhāgavatā hi te | etāni lakṣaṇānītthaṃ gauṇa-mukhyādi-bhedataḥ

Sanskrit only: no published translation is held for this verse.

ऊह्यानि लक्षणान्य् एवं विवेच्यानि पराण्य् अपि

ūhyāni lakṣaṇāny evaṃ vivecyāni parāṇy api

Sanskrit only: no published translation is held for this verse.

ईदृग्-लक्षणवन्तः स्युर् दुर्लभा बहवो जनाः । दिव्या हि मणयो व्यक्तं न वर्तेरन्न् इतस् ततः

īdṛg-lakṣaṇavantaḥ syur durlabhā bahavo janāḥ | divyā hi maṇayo vyaktaṃ na varterann itas tataḥ

Sanskrit only: no published translation is held for this verse.

अतएवोक्तं मोक्ष-धर्मे नारायणीये [म्भ् १२।३३६।६८] - जायमानं हि पुरुषं यं पश्येन् मधुसूदनः । सात्त्विकस् तु स विज्ञेयो भवेन् मोक्षे च निश्चितः

ataevoktaṃ mokṣa-dharme nārāyaṇīye [Mbh 12.336.68] - jāyamānaṃ hi puruṣaṃ yaṃ paśyen madhusūdanaḥ | sāttvikas tu sa vijñeyo bhaven mokṣe ca niścitaḥ

Sanskrit only: no published translation is held for this verse.

एवं सङ्क्षिप्य लिखिताद् वैष्णवानां तु लक्षणात् । माहात्म्यम् अपि विज्ञेयं लिख्यतेऽन्यच् च तत् कियत्

evaṃ saṅkṣipya likhitād vaiṣṇavānāṃ tu lakṣaṇāt | māhātmyam api vijñeyaṃ likhyate'nyac ca tat kiyat

Sanskrit only: no published translation is held for this verse.

अथ भगवद्-भक्तानां माहात्म्यम् । सौपर्णे श्री-शक्रोक्तौ - कलौ भागवतं नाम यस्य पुंसः प्रजायते । जननी पुत्रिणी तेन पितॄणां तु धुरन्धरः

atha bhagavad-bhaktānāṃ māhātmyam | sauparṇe śrī-śakroktau - kalau bhāgavataṃ nāma yasya puṃsaḥ prajāyate | jananī putriṇī tena pitṝṇāṃ tu dhurandharaḥ

Sanskrit only: no published translation is held for this verse.

कलौ भागवतं नाम दुर्लभं नैव लभ्यते । ब्रह्म-रुद्र-पदोत्कृष्टं गुरुणा कथितं मम

kalau bhāgavataṃ nāma durlabhaṃ naiva labhyate | brahma-rudra-padotkṛṣṭaṃ guruṇā kathitaṃ mama

Sanskrit only: no published translation is held for this verse.

यस्य भागवतं चिह्नं दृश्यते तु हरिर् मुने । गीयते च कलौ देवा ज्ञेयास् ते नास्ति संशयः

yasya bhāgavataṃ cihnaṃ dṛśyate tu harir mune | gīyate ca kalau devā jñeyās te nāsti saṃśayaḥ

Sanskrit only: no published translation is held for this verse.

श्री-मार्कण्डेयोक्तौ - समीपे तिष्ठते यस्य ह अन्त-कालेऽपि वैष्णवः । गच्छते परमं स्थानं यद्यपि ब्रह्महा भवेत्

śrī-mārkaṇḍeyoktau - samīpe tiṣṭhate yasya ha anta-kāle'pi vaiṣṇavaḥ | gacchate paramaṃ sthānaṃ yadyapi brahmahā bhavet

Sanskrit only: no published translation is held for this verse.

नारदीये श्री-वामदेव-रुक्माङ्गद-संवादे [नार्प् २।१०।३७] - श्वपचो ऽपि मही-पाल विष्णु-भक्तो द्विजाधिकः । विष्णु-भक्ति-विहीनस् तु द्विजो ऽपि श्वपचाधिकः

nāradīye śrī-vāmadeva-rukmāṅgada-saṃvāde [NārP 2.10.37] - śvapaco 'pi mahī-pāla viṣṇu-bhakto dvijādhikaḥ | viṣṇu-bhakti-vihīnas tu dvijo 'pi śvapacādhikaḥ

Sanskrit only: no published translation is held for this verse.

स्कान्दे रेवा-खण्डे श्री-ब्रह्मोक्तौ - इन्द्रो महेश्वरो ब्रह्मा परं ब्रह्म तदैव हि । श्वपचो ऽपि भवत्य् एव यदा तुष्टाऽसि केशव

skānde revā-khaṇḍe śrī-brahmoktau - indro maheśvaro brahmā paraṃ brahma tadaiva hi | śvapaco 'pi bhavaty eva yadā tuṣṭā'si keśava

Sanskrit only: no published translation is held for this verse.

श्वपचाद् अपि कष्टत्वं ब्रह्मेशानादयः सुराः । तदैवाच्युत यान्त्य् एते यदैव त्वं पराङ्मुखः

śvapacād api kaṣṭatvaṃ brahmeśānādayaḥ surāḥ | tadaivācyuta yānty ete yadaiva tvaṃ parāṅmukhaḥ

Sanskrit only: no published translation is held for this verse.

स कर्ता सर्व-धर्माणां भक्तो यस् तव केशव । स कर्ता सर्व-पापानां यो न भक्तस् तवाच्युत

sa kartā sarva-dharmāṇāṃ bhakto yas tava keśava | sa kartā sarva-pāpānāṃ yo na bhaktas tavācyuta

Sanskrit only: no published translation is held for this verse.

धर्मो भवत्य् अधर्मो ऽपि कृतो भक्तैस् तवाच्युत । पापं भवति धर्मो ऽपि तवाभक्तैः कृतो हरेः

dharmo bhavaty adharmo 'pi kṛto bhaktais tavācyuta | pāpaṃ bhavati dharmo 'pi tavābhaktaiḥ kṛto hareḥ

Sanskrit only: no published translation is held for this verse.

निःशेष-धर्म-कर्ता वाप्य् अभक्तो नरके हरे । सदा तिष्ठति भक्तस् ते ब्रह्महापि विशुध्यति

niḥśeṣa-dharma-kartā vāpy abhakto narake hare | sadā tiṣṭhati bhaktas te brahmahāpi viśudhyati

Sanskrit only: no published translation is held for this verse.

निश्चला त्वयि भक्तिर् या सैव मुक्तिर् जनार्दन । मुक्ता एव हि भक्तास् ते तव विष्णो यतो हरे

niścalā tvayi bhaktir yā saiva muktir janārdana | muktā eva hi bhaktās te tava viṣṇo yato hare

Sanskrit only: no published translation is held for this verse.

तत्रैव दुर्वासो-नारद-संवादे - नूनं भागवता लोके लोक-रक्षा-विशारदाः । व्रजन्ति विष्णुनादिष्टा हृदिस्थेन महामुने

tatraiva durvāso-nārada-saṃvāde - nūnaṃ bhāgavatā loke loka-rakṣā-viśāradāḥ | vrajanti viṣṇunādiṣṭā hṛdisthena mahāmune

Sanskrit only: no published translation is held for this verse.

भगवान् एव सर्वत्र भूतानां कृपया हरिः । रक्षणाय चरन् लोकान् भक्त-रूपेण नारद

bhagavān eva sarvatra bhūtānāṃ kṛpayā hariḥ | rakṣaṇāya caran lokān bhakta-rūpeṇa nārada

Sanskrit only: no published translation is held for this verse.

तत्रैव श्री-ब्रह्म-नारद-संवादे - यस् तु विष्णु-परो नित्यं दृढ-भक्तिर् जितेन्द्रियः । स्व-गृहेऽपि वसन् याति तद् विष्णोः परमं पदम्

tatraiva śrī-brahma-nārada-saṃvāde - yas tu viṣṇu-paro nityaṃ dṛḍha-bhaktir jitendriyaḥ | sva-gṛhe'pi vasan yāti tad viṣṇoḥ paramaṃ padam

Sanskrit only: no published translation is held for this verse.

अश्वमेध-सहस्राणां सहस्रं यः करोति वै । नासौ तत्-फलम् आप्नोति तद्-भक्तैर् यद् अवाप्यते

aśvamedha-sahasrāṇāṃ sahasraṃ yaḥ karoti vai | nāsau tat-phalam āpnoti tad-bhaktair yad avāpyate

Sanskrit only: no published translation is held for this verse.

तत्रैवामृत-सारोद्धारे श्री-यम-तद्-भट-संवादे - सर्वत्र वैष्णवाः पूज्याः स्वर्गे मर्त्ये रसातले । देवतानां मनुष्याणां तथैवोरग-रक्षसाम्

tatraivāmṛta-sāroddhāre śrī-yama-tad-bhaṭa-saṃvāde - sarvatra vaiṣṇavāḥ pūjyāḥ svarge martye rasātale | devatānāṃ manuṣyāṇāṃ tathaivoraga-rakṣasām

Sanskrit only: no published translation is held for this verse.

येषां स्मरण-मात्रेण पाप-लक्ष-शतानि च । दह्यन्ते नात्र सन्देहो वैष्णवानां महात्मनाम्

yeṣāṃ smaraṇa-mātreṇa pāpa-lakṣa-śatāni ca | dahyante nātra sandeho vaiṣṇavānāṃ mahātmanām

Sanskrit only: no published translation is held for this verse.

येषां पाद-रजेनैव प्राप्यते जाह्नवी-जलम् । नार्मदं यामुनं चैव किं पुनः पादयोर् जलम्

yeṣāṃ pāda-rajenaiva prāpyate jāhnavī-jalam | nārmadaṃ yāmunaṃ caiva kiṃ punaḥ pādayor jalam

Sanskrit only: no published translation is held for this verse.

येषां वाक्य-जलौघेन विना गङ्गा-जलैर् अपि । विना तीर्थ-सहस्रेण स्नातो भवति मानवः

yeṣāṃ vākya-jalaughena vinā gaṅgā-jalair api | vinā tīrtha-sahasreṇa snāto bhavati mānavaḥ

Sanskrit only: no published translation is held for this verse.

तत्रैव चातुर्मास्य-माहात्म्ये - तावद् भ्रमन्ति संसारे पितरः पिण्ड-तत्-परः । यावत् कुले भक्ति-युक्तः सुतो नैव प्रजायते

tatraiva cāturmāsya-māhātmye - tāvad bhramanti saṃsāre pitaraḥ piṇḍa-tat-paraḥ | yāvat kule bhakti-yuktaḥ suto naiva prajāyate

Sanskrit only: no published translation is held for this verse.

स एव ज्ञानवान् लोके योगिनां प्रथमो हि सः । महा-क्रतूनाम् आहर्ता हरि-भक्ति-युतो हि यः

sa eva jñānavān loke yogināṃ prathamo hi saḥ | mahā-kratūnām āhartā hari-bhakti-yuto hi yaḥ

Sanskrit only: no published translation is held for this verse.

काशी-खण्डे ध्रुव-चरिते - न च्यवन्ते हि यद्-भक्त्या महत्यां प्रलयापदि । अतो ऽच्युतो ऽखिले लोके स एकः सर्वगो ऽव्ययः

kāśī-khaṇḍe dhruva-carite - na cyavante hi yad-bhaktyā mahatyāṃ pralayāpadi | ato 'cyuto 'khile loke sa ekaḥ sarvago 'vyayaḥ

Sanskrit only: no published translation is held for this verse.

न तस्माद् भगवद्-भक्ताद् भेतव्यं केनचित् क्वचित् । नियतं विष्णु-भक्ता येन ते स्युः पर-तापिनः

na tasmād bhagavad-bhaktād bhetavyaṃ kenacit kvacit | niyataṃ viṣṇu-bhaktā yena te syuḥ para-tāpinaḥ

Sanskrit only: no published translation is held for this verse.

तत्रैवाग्रे -- ब्राह्मणः क्षत्रियः वैश्यः शूद्रो वा यदि वेतरः । विष्णु-भक्ति-समायुक्तो ज्ञेयः सर्वोत्तमोत्तमः

tatraivāgre -- brāhmaṇaḥ kṣatriyaḥ vaiśyaḥ śūdro vā yadi vetaraḥ | viṣṇu-bhakti-samāyukto jñeyaḥ sarvottamottamaḥ

Sanskrit only: no published translation is held for this verse.

शङ्ख-चक्राङ्कित-तनुः शिरसा मञ्जरी-धरः । गोपी-चन्दन-लिप्ताङ्गो दृष्टश् चेद् तद्-अघं कुतः

śaṅkha-cakrāṅkita-tanuḥ śirasā mañjarī-dharaḥ | gopī-candana-liptāṅgo dṛṣṭaś ced tad-aghaṃ kutaḥ

Sanskrit only: no published translation is held for this verse.

महाभारते राज-धर्मे- ईश्वरं सर्व-भूतानां जगतः प्रभवाप्ययम् । भक्ता नारायणं देवं दुर्गाण्य् अतितरन्ति ते

mahābhārate rāja-dharme- īśvaraṃ sarva-bhūtānāṃ jagataḥ prabhavāpyayam | bhaktā nārāyaṇaṃ devaṃ durgāṇy atitaranti te

Sanskrit only: no published translation is held for this verse.

विष्णु-धर्मोत्तरे- शयनाद् उत्थितो यस् तु कीर्तयेन् मधुसूदनम् । कीर्तनात् तस्य पापानि नाशम् आयान्त्य् अशेषतः

viṣṇu-dharmottare- śayanād utthito yas tu kīrtayen madhusūdanam | kīrtanāt tasya pāpāni nāśam āyānty aśeṣataḥ

Sanskrit only: no published translation is held for this verse.

तत्रैव- यस्याप्य् अनन्ते जगताम् अधीशे भक्तिः परा यादव-देव-देवे । तस्मात् परं नापरम् अस्ति किञ्चित् पात्रं त्रिलोके पुरुष-प्रवीर

tatraiva- yasyāpy anante jagatām adhīśe bhaktiḥ parā yādava-deva-deve | tasmāt paraṃ nāparam asti kiñcit pātraṃ triloke puruṣa-pravīra

Sanskrit only: no published translation is held for this verse.

द्वारका-माहात्म्ये श्री-प्रह्लाद-बलि-संवादे- नित्यं ये प्रातर् उत्थाय वैष्णवानां तु कीर्तनम् । कुर्वन्ति ते भागवताः कृष्ण-तुल्याः कलौ बले

dvārakā-māhātmye śrī-prahlāda-bali-saṃvāde- nityaṃ ye prātar utthāya vaiṣṇavānāṃ tu kīrtanam | kurvanti te bhāgavatāḥ kṛṣṇa-tulyāḥ kalau bale

Sanskrit only: no published translation is held for this verse.

हरि-भक्ति-सुधोदये- स्व-दर्शन-स्पर्शन-पूजनैः कृती तमांसि विष्णु-प्रतिमेव वैष्णवः । धुन्वन् वसत्य् अत्र जनस्य यन् न तत् स्वार्थं परं लोक-हिताय दीपवत्

hari-bhakti-sudhodaye- sva-darśana-sparśana-pūjanaiḥ kṛtī tamāṃsi viṣṇu-pratimeva vaiṣṇavaḥ | dhunvan vasaty atra janasya yan na tat svārthaṃ paraṃ loka-hitāya dīpavat

Sanskrit only: no published translation is held for this verse.

इतिहास-समुच्चये श्री-लोमश-वाक्ये- ये भजन्ति जगद्-योनिं वासुदेवं सनातनम् । न तेभ्यो विद्यते तीर्थम् अधिकं राज-सत्तम

itihāsa-samuccaye śrī-lomaśa-vākye- ye bhajanti jagad-yoniṃ vāsudevaṃ sanātanam | na tebhyo vidyate tīrtham adhikaṃ rāja-sattama

Sanskrit only: no published translation is held for this verse.

यत्र भागवताः स्नानं कुर्वन्ति विमलाश्रयाः । तत्-तीर्थम् अधिकं विद्धि सर्व-पाप-विशोधनम्

yatra bhāgavatāḥ snānaṃ kurvanti vimalāśrayāḥ | tat-tīrtham adhikaṃ viddhi sarva-pāpa-viśodhanam

Sanskrit only: no published translation is held for this verse.

यत्र रागादि-रहिता वासुदेव-परायणाः । तत्र सन्निहितो विष्णुर् नृपते नात्र संशयः

yatra rāgādi-rahitā vāsudeva-parāyaṇāḥ | tatra sannihito viṣṇur nṛpate nātra saṃśayaḥ

Sanskrit only: no published translation is held for this verse.

न गन्धैर् न तथा तोयैर् न पुष्पैश् च मनोहरैः । सान्निध्यं कुरुते देवो यत्र सन्ति न वैष्णवाः

na gandhair na tathā toyair na puṣpaiś ca manoharaiḥ | sānnidhyaṃ kurute devo yatra santi na vaiṣṇavāḥ

Sanskrit only: no published translation is held for this verse.

बलिभिश् चोपवासैश् च नृत्य-गीतादिभिस् तथा । नित्यम् आराध्यमानो ऽपि तत्र विष्णुर् न तृप्यति

balibhiś copavāsaiś ca nṛtya-gītādibhis tathā | nityam ārādhyamāno 'pi tatra viṣṇur na tṛpyati

Sanskrit only: no published translation is held for this verse.

तस्माद् एते महाभागा वैष्णवा वीत-कल्मषाः । पुनन्ति सकलान् लोकांस् तत् तीर्थम् अधिकं ततः

tasmād ete mahābhāgā vaiṣṇavā vīta-kalmaṣāḥ | punanti sakalān lokāṃs tat tīrtham adhikaṃ tataḥ

Sanskrit only: no published translation is held for this verse.

शूद्रं वा भगवद्-भक्तं निषादं श्वपचं तथा । वीक्षतं जाति-सामान्यात् स याति नरकं ध्रुवम्

śūdraṃ vā bhagavad-bhaktaṃ niṣādaṃ śvapacaṃ tathā | vīkṣataṃ jāti-sāmānyāt sa yāti narakaṃ dhruvam

Sanskrit only: no published translation is held for this verse.

तस्माद् विष्णु-प्रसादाय वैष्णवान् परितोषयेत् । प्रसाद-सुमुखो विष्णुस् तेनैव स्यान् न संशयः

tasmād viṣṇu-prasādāya vaiṣṇavān paritoṣayet | prasāda-sumukho viṣṇus tenaiva syān na saṃśayaḥ

Sanskrit only: no published translation is held for this verse.