Gopalabhatta: Haribhaktivilasa 10

तत्रैव श्री-नारद-पुण्डरीक-संवादे - ये नृशंसा दुरात्मानः पापाचार-रताः सदा । तेऽपि यान्ति परं धाम नारायण-पराश्रयाः

tatraiva śrī-nārada-puṇḍarīka-saṃvāde - ye nṛśaṃsā durātmānaḥ pāpācāra-ratāḥ sadā | te'pi yānti paraṃ dhāma nārāyaṇa-parāśrayāḥ

Sanskrit only: no published translation is held for this verse.

लिप्यन्ते न च पापेन वैष्णवा विष्णु-तत्-पराः । पुनन्ति सकलान् लोकान् सहस्रांशुर् इवोदितः

lipyante na ca pāpena vaiṣṇavā viṣṇu-tat-parāḥ | punanti sakalān lokān sahasrāṃśur ivoditaḥ

Sanskrit only: no published translation is held for this verse.

जन्मान्तर-सहस्रेषु यस्य स्याद् बुद्धिर् ईदृशी । दासो ऽहं वासुदेवस्य सर्वान् लोकान् समुद्धरेत्

janmāntara-sahasreṣu yasya syād buddhir īdṛśī | dāso 'haṃ vāsudevasya sarvān lokān samuddharet

Sanskrit only: no published translation is held for this verse.

स याति विष्णु-सालोक्यं पुरुषो नात्र संशयः । किं पुनस् तद्-गत-प्राणाः पुरुषाः संयतेन्द्रियाः

sa yāti viṣṇu-sālokyaṃ puruṣo nātra saṃśayaḥ | kiṃ punas tad-gata-prāṇāḥ puruṣāḥ saṃyatendriyāḥ

Sanskrit only: no published translation is held for this verse.

स्मृतः सम्भाषितो वापि पूजितो वा द्विजोत्तमाः । पुनाति भगवद्-भक्तश् चाण्डालो ऽपि यदृच्छया

smṛtaḥ sambhāṣito vāpi pūjito vā dvijottamāḥ | punāti bhagavad-bhaktaś cāṇḍālo 'pi yadṛcchayā

Sanskrit only: no published translation is held for this verse.

श्री-व्यास-वाक्ये - जन्मान्तर-सहस्रेषु विष्णु-भक्तो न लिप्यते । यस्य सन्दर्शनाद् एव भस्मीभवति पातकम्

śrī-vyāsa-vākye - janmāntara-sahasreṣu viṣṇu-bhakto na lipyate | yasya sandarśanād eva bhasmībhavati pātakam

Sanskrit only: no published translation is held for this verse.

इतिहास-समुच्चये श्री-भगवद्-वाक्ये - न मे प्रियश् चतुर्वेदी मद्-भक्तः श्वपचः प्रियः । तस्मै देयं ततो ग्राह्यं स च पूज्यो यथा ह्य् अहम्

itihāsa-samuccaye śrī-bhagavad-vākye - na me priyaś caturvedī mad-bhaktaḥ śvapacaḥ priyaḥ | tasmai deyaṃ tato grāhyaṃ sa ca pūjyo yathā hy aham

Sanskrit only: no published translation is held for this verse.

तत्रैव ब्रह्म-वाक्ये - सभर्तृका वा विधवा विष्णु-भक्तिं करोति या । समुद्धरति चात्मानं कुलम् एकोत्तरं शतम्

tatraiva brahma-vākye - sabhartṛkā vā vidhavā viṣṇu-bhaktiṃ karoti yā | samuddharati cātmānaṃ kulam ekottaraṃ śatam

Sanskrit only: no published translation is held for this verse.

द्वारका-माहात्म्ये प्रह्लाद-बलि-संवादे - सङ्कीर्ण-योनयः पूता ये भक्ता मधुसूदने । म्लेच्छ-तुल्याः कुलीनास् ते ये न भक्ता जनार्दने

dvārakā-māhātmye prahlāda-bali-saṃvāde - saṅkīrṇa-yonayaḥ pūtā ye bhaktā madhusūdane | mleccha-tulyāḥ kulīnās te ye na bhaktā janārdane

Sanskrit only: no published translation is held for this verse.

आदि-पुराणे श्री-कृष्णार्जुन-संवादे - वैष्णवान् भज कौन्तेय मा भजस्वान्य-देवताः । पुनन्ति वैष्णवाः सर्वे सर्व-देवम् इदं जगत् । मद्-भक्तो दुर्लभो यस्य स एव मम दुर्लभः

ādi-purāṇe śrī-kṛṣṇārjuna-saṃvāde - vaiṣṇavān bhaja kaunteya mā bhajasvānya-devatāḥ | punanti vaiṣṇavāḥ sarve sarva-devam idaṃ jagat | mad-bhakto durlabho yasya sa eva mama durlabhaḥ

Sanskrit only: no published translation is held for this verse.

तत्-परो दुर्लभो नास्ति सत्यं सत्यं धनञ्जय । जगतां गुरवो भक्ता भक्तानां गुरवो वयम् । सर्वत्र गुरवो भक्ता वयं च गुरवो यथा । अस्माकं बान्धवा भक्ता भक्तानां बान्धवा वयम्

tat-paro durlabho nāsti satyaṃ satyaṃ dhanañjaya | jagatāṃ guravo bhaktā bhaktānāṃ guravo vayam | sarvatra guravo bhaktā vayaṃ ca guravo yathā | asmākaṃ bāndhavā bhaktā bhaktānāṃ bāndhavā vayam

Sanskrit only: no published translation is held for this verse.

अस्माकं गुरवो भक्ता भक्तानां गुरवो वयम् । मद्-भक्ता यत्र गच्छन्ति तत्र गच्छामि पार्थिव । भक्तानाम् अनुगच्छन्ति मुक्तयः श्रुतिभिः सह

asmākaṃ guravo bhaktā bhaktānāṃ guravo vayam | mad-bhaktā yatra gacchanti tatra gacchāmi pārthiva | bhaktānām anugacchanti muktayaḥ śrutibhiḥ saha

Sanskrit only: no published translation is held for this verse.

ये मे भक्त-जनाः पार्थ न मे भक्ताश् च ते जनाः । मद्-भक्तानां च ये भक्तास् ते मे भक्ततमा मताः

ye me bhakta-janāḥ pārtha na me bhaktāś ca te janāḥ | mad-bhaktānāṃ ca ye bhaktās te me bhaktatamā matāḥ

Sanskrit only: no published translation is held for this verse.

ये केचित् प्राणिनो भक्ता मद्-अर्थे त्यक्त-बान्धवाः । तेषाम् अहं परिक्रीतो नान्य-क्रीतो धनञ्जय

ye kecit prāṇino bhaktā mad-arthe tyakta-bāndhavāḥ | teṣām ahaṃ parikrīto nānya-krīto dhanañjaya

Sanskrit only: no published translation is held for this verse.

एषां भक्ष्यं सुनिर्णीतं श्रूयतां निश्चितं मम । उच्छिष्टम् अवशिष्टं च भक्तानां भोजन-द्वयम्

eṣāṃ bhakṣyaṃ sunirṇītaṃ śrūyatāṃ niścitaṃ mama | ucchiṣṭam avaśiṣṭaṃ ca bhaktānāṃ bhojana-dvayam

Sanskrit only: no published translation is held for this verse.

नाम-युक्त-जनाः केचिज् जात्य्-अन्तर-समन्विताः । कुर्वन्ति मे यथा प्रीतिं न तथा वेद-पारगाः

nāma-yukta-janāḥ kecij jāty-antara-samanvitāḥ | kurvanti me yathā prītiṃ na tathā veda-pāragāḥ

Sanskrit only: no published translation is held for this verse.

बृहन्-नारदीये मार्कण्डेयं प्रति श्री-भगवद्-उक्तौ [१।४।९६,९८] - विष्णुर् भक्त-कुटुम्बीति वदन्ति विबुधाः सदा । तद् एव पालयिष्यामि मज्जनो नानृतं वदेत्

bṛhan-nāradīye mārkaṇḍeyaṃ prati śrī-bhagavad-uktau [1.4.96,98] - viṣṇur bhakta-kuṭumbīti vadanti vibudhāḥ sadā | tad eva pālayiṣyāmi majjano nānṛtaṃ vadet

Sanskrit only: no published translation is held for this verse.

मम जन्म कुले यस्य तत् कुलं मोक्षगामि वै । मयि तुष्टे मुनि-श्रेष्ठ किम् असाध्यं जगत्-त्रये

mama janma kule yasya tat kulaṃ mokṣagāmi vai | mayi tuṣṭe muni-śreṣṭha kim asādhyaṃ jagat-traye

Sanskrit only: no published translation is held for this verse.

मयि भक्ति-परो यस् तु मद्-याजी मत्-कथा-परः । मद्-ध्यानी स्व-कुलं सर्वं नयत्य् अच्युत-रूपताम्

mayi bhakti-paro yas tu mad-yājī mat-kathā-paraḥ | mad-dhyānī sva-kulaṃ sarvaṃ nayaty acyuta-rūpatām

Sanskrit only: no published translation is held for this verse.

मद्-अर्थं कर्म कुर्वाणो मत्-प्रणाम-परो नरः । मन्-मनाः स्व-कुलं सर्वं नयत्य् अच्युत-रूपताम्

mad-arthaṃ karma kurvāṇo mat-praṇāma-paro naraḥ | man-manāḥ sva-kulaṃ sarvaṃ nayaty acyuta-rūpatām

Sanskrit only: no published translation is held for this verse.

अहम् एव द्विज-श्रेष्ठ नित्यं प्रच्छन्न-विग्रहः । भगवद्-भक्त-रूपेण लोकान् रक्षामि सर्वदा

aham eva dvija-śreṣṭha nityaṃ pracchanna-vigrahaḥ | bhagavad-bhakta-rūpeṇa lokān rakṣāmi sarvadā

Sanskrit only: no published translation is held for this verse.

तत्रैवादिति-माहात्म्ये श्री-सूतोक्तौ - विप्राः शृणुध्वं माहात्म्यं हरि-भक्ति-रतात्मनाम् । हरि-ध्यान-पराणां तु कः समर्थः प्रबाधितुम्

tatraivāditi-māhātmye śrī-sūtoktau - viprāḥ śṛṇudhvaṃ māhātmyaṃ hari-bhakti-ratātmanām | hari-dhyāna-parāṇāṃ tu kaḥ samarthaḥ prabādhitum

Sanskrit only: no published translation is held for this verse.

हरि-भक्ति-परो यत्र तत्र ब्रह्मा हरिः शिवः । तत्र देवाश् च सिद्धाद्या नित्यं तिष्ठन्ति सत्तमाः

hari-bhakti-paro yatra tatra brahmā hariḥ śivaḥ | tatra devāś ca siddhādyā nityaṃ tiṣṭhanti sattamāḥ

Sanskrit only: no published translation is held for this verse.

निमिषं निम्षार्धं वा यत्र तिष्ठन्ति सत्तमाः । तत्रैव सर्व-श्रेयांसि तत् तीर्थं तत् तपो-वनम्

nimiṣaṃ nimṣārdhaṃ vā yatra tiṣṭhanti sattamāḥ | tatraiva sarva-śreyāṃsi tat tīrthaṃ tat tapo-vanam

Sanskrit only: no published translation is held for this verse.

तत्रैवादितिं प्रति श्री-भगवद्-उत्तरे [नार्प् १।११।५७-५८]- राग-द्वेष-विहीना ये मद्-भक्ता मत्-परायणाः । वदन्ति सततं ते मां गतासूया अदाम्भिकाः

tatraivāditiṃ prati śrī-bhagavad-uttare [NārP 1.11.57-58]- rāga-dveṣa-vihīnā ye mad-bhaktā mat-parāyaṇāḥ | vadanti satataṃ te māṃ gatāsūyā adāmbhikāḥ

Sanskrit only: no published translation is held for this verse.

परोपताप-विमुखाः शिव-भक्ति-परायणाः । मत्-कथा-श्रवणासक्ता वहन्ति सततं हि माम्

paropatāpa-vimukhāḥ śiva-bhakti-parāyaṇāḥ | mat-kathā-śravaṇāsaktā vahanti satataṃ hi mām

Sanskrit only: no published translation is held for this verse.

तत्रैव ध्वजारोपण-माहात्म्ये श्री-विष्णु-दूतोक्तौ [नार्प् १।२०।७३] - यतीनां विष्णु-भक्तानां परिचर्या-परायणाः । ईक्षिता अपि गच्छन्ति पापिनो ऽपि परां गतिम्

tatraiva dhvajāropaṇa-māhātmye śrī-viṣṇu-dūtoktau [NārP 1.20.73] - yatīnāṃ viṣṇu-bhaktānāṃ paricaryā-parāyaṇāḥ | īkṣitā api gacchanti pāpino 'pi parāṃ gatim

Sanskrit only: no published translation is held for this verse.

तत्रैव श्री-भगवत्-तोष-प्रकार-प्रश्नोत्तरे [नार्प् १।३४।५-६] - रिपवस् तं न हिंसन्ति न बाधन्ते ग्रहाश् च तम् । राक्षसाश् च न चेक्षन्ते नरं विष्णु-परायणम्

tatraiva śrī-bhagavat-toṣa-prakāra-praśnottare [NārP 1.34.5-6] - ripavas taṃ na hiṃsanti na bādhante grahāś ca tam | rākṣasāś ca na cekṣante naraṃ viṣṇu-parāyaṇam

Sanskrit only: no published translation is held for this verse.

भक्तिर् दृढा भवेद् यस्य देव-देवे जनार्दने । श्रेयांसि तस्य सिध्यन्ति भक्तिमन्तो ऽधिकास् ततः

bhaktir dṛḍhā bhaved yasya deva-deve janārdane | śreyāṃsi tasya sidhyanti bhaktimanto 'dhikās tataḥ

Sanskrit only: no published translation is held for this verse.

तत्रैवाग्रे [नार्प् १।३४।६३] -- अद्यापि च मुनि-श्रेष्ठ ब्रह्माद्या अपि देवताः । प्रभावं न विजानन्ति विष्णु-भक्ति-रतात्मनाम्

tatraivāgre [NārP 1.34.63] -- adyāpi ca muni-śreṣṭha brahmādyā api devatāḥ | prabhāvaṃ na vijānanti viṣṇu-bhakti-ratātmanām

Sanskrit only: no published translation is held for this verse.

किं च [नार्प् १।३०।१०१] - धर्मार्थ-काम-मोक्षाख्याः पुरुषार्था द्विजोत्तमाः । हरि-भक्ति-पराणां वै सम्पद्यन्ते न संशयः

kiṃ ca [NārP 1.30.101] - dharmārtha-kāma-mokṣākhyāḥ puruṣārthā dvijottamāḥ | hari-bhakti-parāṇāṃ vai sampadyante na saṃśayaḥ

Sanskrit only: no published translation is held for this verse.

तत्रैव लुब्धकोपाख्यानस्यादौ [नार्प् १।३७।९,१२] -- ये विष्णु-निरताः शान्ता लोकानुग्रह-तत्-पराः । सर्व-भूत-दया-युक्ता विष्णु-रूपाः परिकीर्तिताः

tatraiva lubdhakopākhyānasyādau [NārP 1.37.9,12] -- ye viṣṇu-niratāḥ śāntā lokānugraha-tat-parāḥ | sarva-bhūta-dayā-yuktā viṣṇu-rūpāḥ parikīrtitāḥ

Sanskrit only: no published translation is held for this verse.

विष्णु-भक्ति-विहीना ये चण्डालाः परिकीर्तिताः । चण्डाला अपि वै श्रेष्ठा हरि-भक्ति-परायणाः

viṣṇu-bhakti-vihīnā ye caṇḍālāḥ parikīrtitāḥ | caṇḍālā api vai śreṣṭhā hari-bhakti-parāyaṇāḥ

Sanskrit only: no published translation is held for this verse.

तत्रैव यज्ञ-ध्वजोपाख्यानस्यादौ श्री-सूत-वाक्यम् [नार्प् १।३९।३-४,८] -- हरि-भक्ति-रसास्वाद-मुदिता ये नरोत्तमाः । नमस्करोम्य् अहं तेभ्यो यत्-सङ्गान् मुक्ति-भाग् नरः

tatraiva yajña-dhvajopākhyānasyādau śrī-sūta-vākyam [NārP 1.39.3-4,8] -- hari-bhakti-rasāsvāda-muditā ye narottamāḥ | namaskaromy ahaṃ tebhyo yat-saṅgān mukti-bhāg naraḥ

Sanskrit only: no published translation is held for this verse.

हरि-भक्ति-परा ये तु हरि-नाम-परायणाः । दुर्वृत्ता वा सुवृत्ता वा तेभ्यो नित्यं नमो नमः

hari-bhakti-parā ye tu hari-nāma-parāyaṇāḥ | durvṛttā vā suvṛttā vā tebhyo nityaṃ namo namaḥ

Sanskrit only: no published translation is held for this verse.

अहो भाग्यम् अहो भाग्यं विष्णु-भक्ति-रतात्मनाम् । यस्मान् मुक्तिः करस्थैव योगिनाम् अपि दुर्लभा

aho bhāgyam aho bhāgyaṃ viṣṇu-bhakti-ratātmanām | yasmān muktiḥ karasthaiva yoginām api durlabhā

Sanskrit only: no published translation is held for this verse.

तत्रैव कलि-प्रसङ्गे [नार्प् १।४१?] घोरे कलि-युगे प्राप्ते सर्व-धर्म-विवर्जिते । वासुदेव-परा मर्त्याः कृतार्था नात्र संशयः

tatraiva kali-prasaṅge [NārP 1.41?] ghore kali-yuge prāpte sarva-dharma-vivarjite | vāsudeva-parā martyāḥ kṛtārthā nātra saṃśayaḥ

Sanskrit only: no published translation is held for this verse.

अस्त्य् अन्तर् दुर्लभा प्रोक्ता हरि-भक्तिः कलौ युगे । हरि-भक्ति-रतानां वै पाप-बन्धो न जायते

asty antar durlabhā proktā hari-bhaktiḥ kalau yuge | hari-bhakti-ratānāṃ vai pāpa-bandho na jāyate

Sanskrit only: no published translation is held for this verse.

वेद-वाद-रताः सर्वे तथा तीर्थ-निषेविणः । हरि-भक्ति-रतैः सार्धं कलां नार्हन्ति षोडशीम्

veda-vāda-ratāḥ sarve tathā tīrtha-niṣeviṇaḥ | hari-bhakti-rataiḥ sārdhaṃ kalāṃ nārhanti ṣoḍaśīm

Sanskrit only: no published translation is held for this verse.

अतएवोक्तं देवैस् तत्रैव भारतवर्ष-प्रसङ्गे [नार्प् १।३।५३] - हरि-कीर्तन-शीलो वा तद्-भक्तानां प्रियो ऽपि वा । शुश्रूषुर् वापि महतां स वन्द्यो ऽस्माभिर् उत्तमः

ataevoktaṃ devais tatraiva bhāratavarṣa-prasaṅge [NārP 1.3.53] - hari-kīrtana-śīlo vā tad-bhaktānāṃ priyo 'pi vā | śuśrūṣur vāpi mahatāṃ sa vandyo 'smābhir uttamaḥ

Sanskrit only: no published translation is held for this verse.

पाद्मे श्री-भगवद्-ब्रह्म-संवादे - दर्शन-ध्यान-संस्पर्शैर् मर्त्य-कूर्म-विहङ्गमाः । पुष्णन्ति स्वान्य् अपत्यानि तथाहम् अपि पद्मज

pādme śrī-bhagavad-brahma-saṃvāde - darśana-dhyāna-saṃsparśair martya-kūrma-vihaṅgamāḥ | puṣṇanti svāny apatyāni tathāham api padmaja

Sanskrit only: no published translation is held for this verse.

मुहूर्तेनापि संहर्तुं शक्तौ यद्यपि दानवात् । मद्-भक्तानां विनोदार्थं करोमि विविधाः क्रियाः

muhūrtenāpi saṃhartuṃ śaktau yadyapi dānavāt | mad-bhaktānāṃ vinodārthaṃ karomi vividhāḥ kriyāḥ

Sanskrit only: no published translation is held for this verse.

तत्रैव माघ-माहात्म्ये देवदूत-विकुण्डल-संवादे - न वयं यमं यम-लोकं न न दूतान् घोर-दर्शनात् । पश्यन्ति वैष्णवा नूनं सत्यं सत्यं मयोदितम्

tatraiva māgha-māhātmye devadūta-vikuṇḍala-saṃvāde - na vayaṃ yamaṃ yama-lokaṃ na na dūtān ghora-darśanāt | paśyanti vaiṣṇavā nūnaṃ satyaṃ satyaṃ mayoditam

Sanskrit only: no published translation is held for this verse.

श्वपाकम् इव नेक्षेत लोके विप्रम् अवैष्णवम् । वैष्णवो वर्ण-बाह्यो ऽपि पुनाति भुवन-त्रयम्

śvapākam iva nekṣeta loke vipram avaiṣṇavam | vaiṣṇavo varṇa-bāhyo 'pi punāti bhuvana-trayam

Sanskrit only: no published translation is held for this verse.

न शूद्रा भगवद्-भक्तास् ते तु भावना मताः । सर्व-वर्णेषु ते शूद्रा ये न भक्ता जनार्दन

na śūdrā bhagavad-bhaktās te tu bhāvanā matāḥ | sarva-varṇeṣu te śūdrā ye na bhaktā janārdana

Sanskrit only: no published translation is held for this verse.

विष्णु-भक्तस्य ये दासा वैष्णवान्न-भुजश् च ये । तेऽपि क्रतु-भुजां ग्वैश्य गतिं यान्ति निराकुलाः

viṣṇu-bhaktasya ye dāsā vaiṣṇavānna-bhujaś ca ye | te'pi kratu-bhujāṃ gvaiśya gatiṃ yānti nirākulāḥ

Sanskrit only: no published translation is held for this verse.

तत्रैव वैशाख-माहात्म्ये पञ्च-पुरुषाणाम् उक्तौ - भव्यानि भूतानि जनार्दनस्य परोपकाराय चरन्ति विश्वम्

tatraiva vaiśākha-māhātmye pañca-puruṣāṇām uktau - bhavyāni bhūtāni janārdanasya paropakārāya caranti viśvam

Sanskrit only: no published translation is held for this verse.

तथा -- सन्तः प्रतिष्ठा दीनानां दैवाद् उद्भूत-पाप्मनाम् । आर्तानाम् आर्तिहन्तारो दर्शनाद् एव साधवः

tathā -- santaḥ pratiṣṭhā dīnānāṃ daivād udbhūta-pāpmanām | ārtānām ārtihantāro darśanād eva sādhavaḥ

Sanskrit only: no published translation is held for this verse.

तत्रैवोत्तर-खण्डे शिव-पार्वती-संवादे [पद्मप् ६।२२९।५८-५९] न कर्म-बन्धनं जन्म वैष्णवानां च विद्यते । विष्णोर् अनुचरत्वं हि मोक्षयाहुर् मनीषिणः

tatraivottara-khaṇḍe śiva-pārvatī-saṃvāde [PadmaP 6.229.58-59] na karma-bandhanaṃ janma vaiṣṇavānāṃ ca vidyate | viṣṇor anucaratvaṃ hi mokṣayāhur manīṣiṇaḥ

Sanskrit only: no published translation is held for this verse.

न दास्यम् अमरेशस्य बन्धनं परिकीर्तितम् । सर्व-बन्धन-निर्मुक्ता हरि-दासा निरामयाः

na dāsyam amareśasya bandhanaṃ parikīrtitam | sarva-bandhana-nirmuktā hari-dāsā nirāmayāḥ

Sanskrit only: no published translation is held for this verse.

ब्रह्माण्ड-पुराणे जन्माष्टमी-व्रत-माहात्म्ये श्री-चित्रगुप्तोक्तौ - दर्शन-स्पर्शनालाप-सहवासादिभिः क्षणात् । भक्ताः पुनन्ति कृष्णस्य साक्षाद् अपि च पुक्कशम्

brahmāṇḍa-purāṇe janmāṣṭamī-vrata-māhātmye śrī-citraguptoktau - darśana-sparśanālāpa-sahavāsādibhiḥ kṣaṇāt | bhaktāḥ punanti kṛṣṇasya sākṣād api ca pukkaśam

Sanskrit only: no published translation is held for this verse.

त्यक्त-सर्व-कुलाचारो महा-पातकवान् अपि । विष्णोर् भक्तं समाश्रित्य नरो नार्हति यातनाम्

tyakta-sarva-kulācāro mahā-pātakavān api | viṣṇor bhaktaṃ samāśritya naro nārhati yātanām

Sanskrit only: no published translation is held for this verse.

वाशिष्ठे - यस्मिन् देशे मरौ तज्-ज्ञो नास्ति सज्जन-पादपः । सफलः शीतलच्-छायो न तत्र दिवसं वसेत्

vāśiṣṭhe - yasmin deśe marau taj-jño nāsti sajjana-pādapaḥ | saphalaḥ śītalac-chāyo na tatra divasaṃ vaset

Sanskrit only: no published translation is held for this verse.

सदा सन्तो ऽभिगन्तव्या यद्यप्य् उपदिशन्ति न । या हि स्वैर-कथास् तेषाम् उपदेशा भवन्ति ते

sadā santo 'bhigantavyā yadyapy upadiśanti na | yā hi svaira-kathās teṣām upadeśā bhavanti te

Sanskrit only: no published translation is held for this verse.

गारुडे - सत्रयाजि-सहस्रेभ्यः सर्व-वेदान्त-पारगः । सर्व-वेदान्त-वित्-कोट्या विष्णु-भक्तो विशिष्यते

gāruḍe - satrayāji-sahasrebhyaḥ sarva-vedānta-pāragaḥ | sarva-vedānta-vit-koṭyā viṣṇu-bhakto viśiṣyate

Sanskrit only: no published translation is held for this verse.

वैष्णवानां सहस्रेभ्य एकान्त्य् एको विशिष्यते । एकान्तिनस् तु पुरुषा गच्छन्ति परमं पदम्

vaiṣṇavānāṃ sahasrebhya ekānty eko viśiṣyate | ekāntinas tu puruṣā gacchanti paramaṃ padam

Sanskrit only: no published translation is held for this verse.

श्री-भगवद्-गीतासु [गीता ९।३०-३३] - अपि चेत् सुदुराचारो भजते माम् अनन्यभाक् । साधुर् एव स मन्तव्यः सम्यग् व्यवसितो हि सः

śrī-bhagavad-gītāsu [Gītā 9.30-33] - api cet sudurācāro bhajate mām ananyabhāk | sādhur eva sa mantavyaḥ samyag vyavasito hi saḥ

Sanskrit only: no published translation is held for this verse.

क्षिप्रं भवति धर्मात्मा शश्वच्छान्तिं निगच्छति । कौन्तेय प्रतिजानीहि न मे भक्तः प्रणश्यति

kṣipraṃ bhavati dharmātmā śaśvacchāntiṃ nigacchati | kaunteya pratijānīhi na me bhaktaḥ praṇaśyati

Sanskrit only: no published translation is held for this verse.

मां हि पार्थ व्यपाश्रित्य ये ऽपि स्युः पापयोनयः । स्त्रियो वैश्यास् तथा शूद्रास् ते ऽपि यान्ति परां गतिम् । किं पुनर् ब्राह्मणाः पुण्या भक्ता राजर्षयस् तथा

māṃ hi pārtha vyapāśritya ye 'pi syuḥ pāpayonayaḥ | striyo vaiśyās tathā śūdrās te 'pi yānti parāṃ gatim | kiṃ punar brāhmaṇāḥ puṇyā bhaktā rājarṣayas tathā

Sanskrit only: no published translation is held for this verse.

किं च तत्रैव [गीता ६।४७] - योगिनाम् अपि सर्वेषां मद्-गतेनान्तरात्मना । श्रद्धावान् भजते यो मां स मे युक्ततमो मतः

kiṃ ca tatraiva [Gītā 6.47] - yoginām api sarveṣāṃ mad-gatenāntarātmanā | śraddhāvān bhajate yo māṃ sa me yuktatamo mataḥ

Sanskrit only: no published translation is held for this verse.

श्री-भागवतस्य प्रथम-स्कन्धे श्री-परीक्षितोक्तौ [भ्प् १।१९।३३] - येषां संस्मरणात् पुंसां सद्यः शुद्ध्यन्ति वै गृहाः । किं पुनर् दर्शन-स्पर्श- पाद-शौचासनादिभिः

śrī-bhāgavatasya prathama-skandhe śrī-parīkṣitoktau [BhP 1.19.33] - yeṣāṃ saṃsmaraṇāt puṃsāṃ sadyaḥ śuddhyanti vai gṛhāḥ | kiṃ punar darśana-sparśa- pāda-śaucāsanādibhiḥ

Sanskrit only: no published translation is held for this verse.

तृतीय-स्कन्धे श्री-विदुरस्य [भ्प् ३।१३।४] - श्रुतस्य पुंसां सुचिर-श्रमस्य नन्व् अञ्जसा सूरिभिर् ईडितो ऽर्थः । तत्-तद्-गुणानुश्रवणं मुकुन्द- पादारविन्दं हृदयेषु येषाम्

tṛtīya-skandhe śrī-vidurasya [BhP 3.13.4] - śrutasya puṃsāṃ sucira-śramasya nanv añjasā sūribhir īḍito 'rthaḥ | tat-tad-guṇānuśravaṇaṃ mukunda- pādāravindaṃ hṛdayeṣu yeṣām

Sanskrit only: no published translation is held for this verse.

देवहूतिं प्रति कपिल-देवस्य [भ्प् ३।२५।३८] - न कर्हिचिन् मत्-पराः शान्त-रूपे नङ्क्ष्यन्ति नो मे ऽनिमिषो लेढि हेतिः । येषाम् अहं प्रिय आत्मा सुतश् च सखा गुरुः सुहृदो दैवम् इष्टम्

devahūtiṃ prati kapila-devasya [BhP 3.25.38] - na karhicin mat-parāḥ śānta-rūpe naṅkṣyanti no me 'nimiṣo leḍhi hetiḥ | yeṣām ahaṃ priya ātmā sutaś ca sakhā guruḥ suhṛdo daivam iṣṭam

Sanskrit only: no published translation is held for this verse.

चतुर्थे श्री-ध्रुवस्य [भ्प् ४।९।१०] - या निर्वृतिस् तनु-भृतां तव पाद-पद्म- ध्यानाद् भवज्-जन-कथा-श्रवणेन वा स्यात् । सा ब्रह्मणि स्व-महिमन्य् अपि नाथ मा भूत् किं त्व् अन्तकासि-लुलितात् पततां विमानात्

caturthe śrī-dhruvasya [BhP 4.9.10] - yā nirvṛtis tanu-bhṛtāṃ tava pāda-padma- dhyānād bhavaj-jana-kathā-śravaṇena vā syāt | sā brahmaṇi sva-mahimany api nātha mā bhūt kiṃ tv antakāsi-lulitāt patatāṃ vimānāt

Sanskrit only: no published translation is held for this verse.

श्री-रुद्रस्य [भ्प् ४।२४।२९] स्व-धर्म-निष्ठः शत-जन्मभिः पुमान् विरिञ्चताम् एति ततः परं हि माम् । अव्याकृतं भागवतो ऽथ वैष्णवं पदं यथाहं विबुधाः कलात्यये

śrī-rudrasya [BhP 4.24.29] sva-dharma-niṣṭhaḥ śata-janmabhiḥ pumān viriñcatām eti tataḥ paraṃ hi mām | avyākṛtaṃ bhāgavato 'tha vaiṣṇavaṃ padaṃ yathāhaṃ vibudhāḥ kalātyaye

Sanskrit only: no published translation is held for this verse.

पञ्चमे श्री-जड-भरतस्य [भ्प् ५।१२।१२] - रहूगणैतत् तपसा न याति न चेज्यया निर्वपणाद् गृहाद् वा । न च्छन्दसा नैव जलाग्नि-सूर्यैर् विना महत्-पाद-रजो-ऽभिषेकम्

pañcame śrī-jaḍa-bharatasya [BhP 5.12.12] - rahūgaṇaitat tapasā na yāti na cejyayā nirvapaṇād gṛhād vā | na cchandasā naiva jalāgni-sūryair vinā mahat-pāda-rajo-'bhiṣekam

Sanskrit only: no published translation is held for this verse.

षष्ठे श्री-परीक्षितः [भ्प् ६।१४।३-५] - रजोभिः सम-सङ्ख्याताः पार्थिवैर् इह जन्तवः । तेषां ये केचनेहन्ते श्रेयो वै मनुजादयः

ṣaṣṭhe śrī-parīkṣitaḥ [BhP 6.14.3-5] - rajobhiḥ sama-saṅkhyātāḥ pārthivair iha jantavaḥ | teṣāṃ ye kecanehante śreyo vai manujādayaḥ

Sanskrit only: no published translation is held for this verse.

प्रायो मुमुक्षवस् तेषां केचनैव द्विजोत्तम । मुमुक्षूणां सहस्रेषु कश्चिन् मुच्येत सिध्यति

prāyo mumukṣavas teṣāṃ kecanaiva dvijottama | mumukṣūṇāṃ sahasreṣu kaścin mucyeta sidhyati

Sanskrit only: no published translation is held for this verse.

मुक्तानाम् अपि सिद्धानां नारायण-परायणः । सुदुर्लभः प्रशान्तात्मा कोटिष्व् अपि महामुने

muktānām api siddhānāṃ nārāyaṇa-parāyaṇaḥ | sudurlabhaḥ praśāntātmā koṭiṣv api mahāmune

Sanskrit only: no published translation is held for this verse.

श्री-शिवस्य [भ्प् ६।१७।२८] - नारायण-पराः सर्वे न कुतश्चन बिभ्यति । स्वर्गापवर्ग-नरकेष्व् अपि तुल्यार्थ-दर्शिनः

śrī-śivasya [BhP 6.17.28] - nārāyaṇa-parāḥ sarve na kutaścana bibhyati | svargāpavarga-narakeṣv api tulyārtha-darśinaḥ

Sanskrit only: no published translation is held for this verse.

सप्तमे श्री-प्रह्लादस्य [भ्प् ७।५।३२] - नैषां मतिस् तावद् उरुक्रमाङ्घ्रिं स्पृशत्य् अनर्थापगमो यद्-अर्थः । महीयसां पाद-रजो-ऽभिषेकं निष्किञ्चनानां न वृणीत यावत्

saptame śrī-prahlādasya [BhP 7.5.32] - naiṣāṃ matis tāvad urukramāṅghriṃ spṛśaty anarthāpagamo yad-arthaḥ | mahīyasāṃ pāda-rajo-'bhiṣekaṃ niṣkiñcanānāṃ na vṛṇīta yāvat

Sanskrit only: no published translation is held for this verse.

किं च [भ्प् ७।९।१०] - विप्राद् द्वि-षड्-गुण-युताद् अरविन्द-नाभ- पादारविन्द-विमुखात् श्वपचं वरिष्ठम् । मन्ये तद्-अर्पित-मनो-वचनेहितार्थ- प्राणं पुनाति स कुलं न तु भूरिमानः

kiṃ ca [BhP 7.9.10] - viprād dvi-ṣaḍ-guṇa-yutād aravinda-nābha- pādāravinda-vimukhāt śvapacaṃ variṣṭham | manye tad-arpita-mano-vacanehitārtha- prāṇaṃ punāti sa kulaṃ na tu bhūrimānaḥ

Sanskrit only: no published translation is held for this verse.

अष्टमे श्री-गजेन्द्रस्य [भ्प् ८।३।२०] - एकान्तिनो यस्य न कञ्चनार्थं वाञ्छन्ति ये वै भगवत्-प्रपन्नाः । अत्य्-अद्भुतं तच्-चरितं सुमङ्गलं गायन्त आनन्द-समुद्र-मग्नाः

aṣṭame śrī-gajendrasya [BhP 8.3.20] - ekāntino yasya na kañcanārthaṃ vāñchanti ye vai bhagavat-prapannāḥ | aty-adbhutaṃ tac-caritaṃ sumaṅgalaṃ gāyanta ānanda-samudra-magnāḥ

Sanskrit only: no published translation is held for this verse.

नवमे श्री-भगवतः [भ्प् ९।४।६३-६६, ६८] - अहं भक्त-पराधीनो ह्य् अस्वतन्त्र इव द्विज । साधुभिर् ग्रस्त-हृदयो भक्तैर् भक्त-जन-प्रियः

navame śrī-bhagavataḥ [BhP 9.4.63-66, 68] - ahaṃ bhakta-parādhīno hy asvatantra iva dvija | sādhubhir grasta-hṛdayo bhaktair bhakta-jana-priyaḥ

Sanskrit only: no published translation is held for this verse.

नाहम् आत्मानम् आशासे मद्-भक्तैः साधुभिर् विना । श्रियं चात्यन्तिकीं ब्रह्मन् येषां गतिर् अहं परा

nāham ātmānam āśāse mad-bhaktaiḥ sādhubhir vinā | śriyaṃ cātyantikīṃ brahman yeṣāṃ gatir ahaṃ parā

Sanskrit only: no published translation is held for this verse.

ये दारागार-पुत्राप्त- प्राणान् वित्तम् इमं परम् । हित्वा मां शरणं याताः कथं तांस् त्यक्तुम् उत्सहे

ye dārāgāra-putrāpta- prāṇān vittam imaṃ param | hitvā māṃ śaraṇaṃ yātāḥ kathaṃ tāṃs tyaktum utsahe

Sanskrit only: no published translation is held for this verse.

मयि निर्बद्ध-हृदयाः साधवः सम-दर्शनाः । वशे कुर्वन्ति मां भक्त्या सत्-स्त्रियः सत्-पतिं यथा

mayi nirbaddha-hṛdayāḥ sādhavaḥ sama-darśanāḥ | vaśe kurvanti māṃ bhaktyā sat-striyaḥ sat-patiṃ yathā

Sanskrit only: no published translation is held for this verse.

साधवो हृदयं मह्यं साधूनां हृदयं त्व् अहम् । मद्-अन्यत् ते न जानन्ति नाहं तेभ्यो मनाग् अपि

sādhavo hṛdayaṃ mahyaṃ sādhūnāṃ hṛdayaṃ tv aham | mad-anyat te na jānanti nāhaṃ tebhyo manāg api

Sanskrit only: no published translation is held for this verse.

तत्रैव श्री-दुर्वाससः [भ्प् ९।५।१५] - दुष्करः को नु साधूनां दुस्त्यजो वा महात्मनाम् । यैः सङ्गृहीतो भगवान् सात्वताम् ऋषभो हरिः

tatraiva śrī-durvāsasaḥ [BhP 9.5.15] - duṣkaraḥ ko nu sādhūnāṃ dustyajo vā mahātmanām | yaiḥ saṅgṛhīto bhagavān sātvatām ṛṣabho hariḥ

Sanskrit only: no published translation is held for this verse.

यन्-नाम-श्रुति-मात्रेण पुमान् भवति निर्मलः । तस्य तीर्थ-पदः किं वा दासानाम् अवशिष्यते

yan-nāma-śruti-mātreṇa pumān bhavati nirmalaḥ | tasya tīrtha-padaḥ kiṃ vā dāsānām avaśiṣyate

Sanskrit only: no published translation is held for this verse.

दशमे देव-स्तुतौ [भ्प् १०।२।३३] - तथा न ते माधव तावकाः क्वचिद् भ्रश्यन्ति मार्गात् त्वयि बद्ध-सौहृदाः । त्वयाभिगुप्ता विचरन्ति निर्भया विनायकानीकप-मूर्धसु प्रभो

daśame deva-stutau [BhP 10.2.33] - tathā na te mādhava tāvakāḥ kvacid bhraśyanti mārgāt tvayi baddha-sauhṛdāḥ | tvayābhiguptā vicaranti nirbhayā vināyakānīkapa-mūrdhasu prabho

Sanskrit only: no published translation is held for this verse.

श्री-बादरायणेः [भ्प् १०।९।२१] - नायं सुखापो भगवान् देहिनां गोपिका-सुतः । ज्ञानिनां चात्म-भूतानां यथा भक्तिमताम् इह

śrī-bādarāyaṇeḥ [BhP 10.9.21] - nāyaṃ sukhāpo bhagavān dehināṃ gopikā-sutaḥ | jñānināṃ cātma-bhūtānāṃ yathā bhaktimatām iha

Sanskrit only: no published translation is held for this verse.

तत्रैव श्री-भगवतः [भ्प् १०।१०।४१] - साधूनां सम-चित्तानां मुकुन्द-चरणैषिणाम् । उपेक्ष्यैः किं धन-स्तम्भैर् असद्भिर् असद्-आश्रयैः

tatraiva śrī-bhagavataḥ [BhP 10.10.41] - sādhūnāṃ sama-cittānāṃ mukunda-caraṇaiṣiṇām | upekṣyaiḥ kiṃ dhana-stambhair asadbhir asad-āśrayaiḥ

Sanskrit only: no published translation is held for this verse.

किं च [भ्प् १०।८४।११] - न ह्य् अम्-मयानि तीर्थानि न देवा मृच्-छिला-मयाः । ते पुनन्त्य् उरु-कालेन दर्शनाद् एव साधवः

kiṃ ca [BhP 10.84.11] - na hy am-mayāni tīrthāni na devā mṛc-chilā-mayāḥ | te punanty uru-kālena darśanād eva sādhavaḥ

Sanskrit only: no published translation is held for this verse.

अपि च [भ्प् १०।८४।१२-१३] - नाग्निर् न सूर्यो न च चन्द्र-तारका न भूर् जलं खं श्वसनो ऽथ वाङ् मनः । उपासिता भेद-कृतो हरन्त्य् अघं विपश्चितो घ्नन्ति मुहूर्त-सेवया

api ca [BhP 10.84.12-13] - nāgnir na sūryo na ca candra-tārakā na bhūr jalaṃ khaṃ śvasano 'tha vāṅ manaḥ | upāsitā bheda-kṛto haranty aghaṃ vipaścito ghnanti muhūrta-sevayā

Sanskrit only: no published translation is held for this verse.

यस्यात्म-बुद्धिः कुणपे त्रि-धातुके स्व-धीः कलत्रादिषु भौम इज्य-धीः । यत्-तीर्थ-बुद्धिः सलिले न कर्हिचिज् जनेष्व् अभिज्ञेषु स एव गो-खरः

yasyātma-buddhiḥ kuṇape tri-dhātuke sva-dhīḥ kalatrādiṣu bhauma ijya-dhīḥ | yat-tīrtha-buddhiḥ salile na karhicij janeṣv abhijñeṣu sa eva go-kharaḥ

Sanskrit only: no published translation is held for this verse.

श्रुति-स्तुतौ [भ्प् १०।८७।२७] - तव परि ये चरन्त्य् अखिल-सत्त्व-निकेततया त उत पदाक्रमन्त्य् अविगणय्य शिरो निरृतेः । परिवयसे पशून् इव गिरा विबुधान् अपि तांस् त्वयि कृत-सौहृदाः खलु पुनन्ति न ये विमुखाः

śruti-stutau [BhP 10.87.27] - tava pari ye caranty akhila-sattva-niketatayā ta uta padākramanty avigaṇayya śiro nirṛteḥ | parivayase paśūn iva girā vibudhān api tāṃs tvayi kṛta-sauhṛdāḥ khalu punanti na ye vimukhāḥ

Sanskrit only: no published translation is held for this verse.

एकादशे श्री-वसुदेवस्य [भ्प् ११।२।५-६] - भूतानां देव-चरितं दुःखाय च सुखाय च । सुखायैव हि साधूनां त्वादृशाम् अच्युतात्मनाम्

ekādaśe śrī-vasudevasya [BhP 11.2.5-6] - bhūtānāṃ deva-caritaṃ duḥkhāya ca sukhāya ca | sukhāyaiva hi sādhūnāṃ tvādṛśām acyutātmanām

Sanskrit only: no published translation is held for this verse.

भजन्ति ये यथा देवान् देवा अपि तथैव तान् । छायेव कर्म-सचिवाः साधवो दीन-वत्सलाः

bhajanti ye yathā devān devā api tathaiva tān | chāyeva karma-sacivāḥ sādhavo dīna-vatsalāḥ

Sanskrit only: no published translation is held for this verse.

तत्रैव श्री-भगवतः [भ्प् ११।२०।३६] - न मय्य् एकान्त-भक्तानां गुण-दोषोद्भवा गुणाः । साधूनां सम-चित्तानां बुद्धेः परम् उपेयुषाम्

tatraiva śrī-bhagavataḥ [BhP 11.20.36] - na mayy ekānta-bhaktānāṃ guṇa-doṣodbhavā guṇāḥ | sādhūnāṃ sama-cittānāṃ buddheḥ param upeyuṣām

Sanskrit only: no published translation is held for this verse.

एवम् एतान् मया दिष्टान् अनुतिष्ठन्ति मे पथः । क्षेमं विन्दन्ति मत्-स्थानं यद् ब्रह्म परमं विदुः

evam etān mayā diṣṭān anutiṣṭhanti me pathaḥ | kṣemaṃ vindanti mat-sthānaṃ yad brahma paramaṃ viduḥ

Sanskrit only: no published translation is held for this verse.

निमज्ज्योन्मज्जतां घोरे भवाब्धौ परमायणम् । सन्तो ब्रह्म-विदः शान्ता नोर् दृढेवाप्सु मज्जताम्

nimajjyonmajjatāṃ ghore bhavābdhau paramāyaṇam | santo brahma-vidaḥ śāntā nor dṛḍhevāpsu majjatām

Sanskrit only: no published translation is held for this verse.

अन्नं हि प्राणिनां प्राणा आर्तानां शरणं त्व् अहम् । धर्मा वित्तं नॄणां प्रेत्य सन्तो ऽर्वाग्-बिभ्यतो ऽरणम्

annaṃ hi prāṇināṃ prāṇā ārtānāṃ śaraṇaṃ tv aham | dharmā vittaṃ nṝṇāṃ pretya santo 'rvāg-bibhyato 'raṇam

Sanskrit only: no published translation is held for this verse.

सन्तो दिशन्ति चक्षूंषि बहिर् अर्कः समुत्थितः । देवता बान्धवाः सन्तः सन्त आत्माहम् एव च

santo diśanti cakṣūṃṣi bahir arkaḥ samutthitaḥ | devatā bāndhavāḥ santaḥ santa ātmāham eva ca

Sanskrit only: no published translation is held for this verse.

किं च [भ्प् ११।२०।३४] -- न किञ्चित् साधवो धीरा भक्ता ह्य् एकान्तिनो मम । वाञ्छन्त्य् अपि मया दत्तं कैवल्यम् अपुनर्-भवम्

kiṃ ca [BhP 11.20.34] -- na kiñcit sādhavo dhīrā bhaktā hy ekāntino mama | vāñchanty api mayā dattaṃ kaivalyam apunar-bhavam

Sanskrit only: no published translation is held for this verse.

द्वादशे च श्री-परीक्षितः [भ्प् १२।६।३] -- नात्य्-अद्भुतम् अहं मन्ये महताम् अच्युतात्मनाम् । अज्ञेषु ताप-तप्तेषु भूतेषु यद् अनुग्रहः

dvādaśe ca śrī-parīkṣitaḥ [BhP 12.6.3] -- nāty-adbhutam ahaṃ manye mahatām acyutātmanām | ajñeṣu tāpa-tapteṣu bhūteṣu yad anugrahaḥ

Sanskrit only: no published translation is held for this verse.

श्री-रुद्रस्य च मार्कण्डेयम् अधिकृत्य [भ्प् १२।१०।२५] -- श्रवणाद् दर्शनाद् वापि महा-पातकिनो ऽपि वः । शुध्येरन्न् अन्त्यजाश् चापि किम् उ सम्भाषणादिभिः

śrī-rudrasya ca mārkaṇḍeyam adhikṛtya [BhP 12.10.25] -- śravaṇād darśanād vāpi mahā-pātakino 'pi vaḥ | śudhyerann antyajāś cāpi kim u sambhāṣaṇādibhiḥ

Sanskrit only: no published translation is held for this verse.

अतएव श्री-धर्म-राजस्य स्व-दूतानुशासने षष्ठ-स्कन्धे [भ्प् ६।३।२७] -- ते देव-सिद्ध-परिगीत-पवित्र-गाथा ये साधवः समदृशो भगवत्-प्रपन्नाः । तान् नोपसीदत हरेर् गदयाभिगुप्तान् नैषां वयं न च वयः प्रभवाम दण्डे

ataeva śrī-dharma-rājasya sva-dūtānuśāsane ṣaṣṭha-skandhe [BhP 6.3.27] -- te deva-siddha-parigīta-pavitra-gāthā ye sādhavaḥ samadṛśo bhagavat-prapannāḥ | tān nopasīdata harer gadayābhiguptān naiṣāṃ vayaṃ na ca vayaḥ prabhavāma daṇḍe

Sanskrit only: no published translation is held for this verse.

तथा श्री-विष्णु-पुराणे [विप् ३।७।२६, ३२-३४] यम-नियम-विधूत-कल्मषाणाम् अनुदिनम् अच्युत-सक्त-मानसानाम् । अपगतम् अदमान-मत्सराणां व्रज भट दूरतरेण मानवानाम्

tathā śrī-viṣṇu-purāṇe [ViP 3.7.26, 32-34] yama-niyama-vidhūta-kalmaṣāṇām anudinam acyuta-sakta-mānasānām | apagatam adamāna-matsarāṇāṃ vraja bhaṭa dūratareṇa mānavānām

Sanskrit only: no published translation is held for this verse.

सकलम् इदम् अहं च वासुदेवः परम-पुमान् परमेश्वरः स एकः । इति मतिर् अचला भवत्य् अनन्ते हृदय-गते व्रज तान् विहाय दूरात्

sakalam idam ahaṃ ca vāsudevaḥ parama-pumān parameśvaraḥ sa ekaḥ | iti matir acalā bhavaty anante hṛdaya-gate vraja tān vihāya dūrāt

Sanskrit only: no published translation is held for this verse.

कमल-नयन वासुदेव विष्णो धरणिधराच्युत शङ्ख-चक्र-पाणे । भव शरणम् इतीरयन्ति ये वै त्यज भट दूरतरेण तान् अपापान्

kamala-nayana vāsudeva viṣṇo dharaṇidharācyuta śaṅkha-cakra-pāṇe | bhava śaraṇam itīrayanti ye vai tyaja bhaṭa dūratareṇa tān apāpān

Sanskrit only: no published translation is held for this verse.

वसति मनसि यस्य सो ऽव्ययात्मा । पुरुष-वरस्य न तस्य दृष्टि-पाते । तव गतिर् अथ वा ममास्ति चक्र- प्रतिहत-वीर्य-बलस्य सो ऽन्य-लोक्यः

vasati manasi yasya so 'vyayātmā | puruṣa-varasya na tasya dṛṣṭi-pāte | tava gatir atha vā mamāsti cakra- pratihata-vīrya-balasya so 'nya-lokyaḥ

Sanskrit only: no published translation is held for this verse.

नारसिंहे, विष्णु-पुराणे च [विप् ३।७।१५] अहम् अमरार्चितेन धात्रा यम इति लोक-हिताहिते नियुक्तः । हरि-गुरु-वशगो ऽस्मि न स्वतन्त्रः प्रभवति संयमने ममापि विष्णुः

nārasiṃhe, viṣṇu-purāṇe ca [ViP 3.7.15] aham amarārcitena dhātrā yama iti loka-hitāhite niyuktaḥ | hari-guru-vaśago 'smi na svatantraḥ prabhavati saṃyamane mamāpi viṣṇuḥ

Sanskrit only: no published translation is held for this verse.

सुगतिम् अभिलषामि वासुदेवा- वहम् अपि भागवत-स्थितान्तरात्मा । मधुवर वशगो ऽस्मि न स्वतन्त्रः प्रभवति संयमने ममापि कृष्णः

sugatim abhilaṣāmi vāsudevā- vaham api bhāgavata-sthitāntarātmā | madhuvara vaśago 'smi na svatantraḥ prabhavati saṃyamane mamāpi kṛṣṇaḥ

Sanskrit only: no published translation is held for this verse.

न हि शशकलुष-च्छविः कदाचित् तिमिर-पराभवताम् उपैति चन्द्रः । भगवति च हराव् अनन्य-चेता भृश-मलिनो ऽपि विराजते मनुष्यः

na hi śaśakaluṣa-cchaviḥ kadācit timira-parābhavatām upaiti candraḥ | bhagavati ca harāv ananya-cetā bhṛśa-malino 'pi virājate manuṣyaḥ

Sanskrit only: no published translation is held for this verse.

पाद्मे देवद्यूति-विकुण्डल-संवादे [पद्मप् ३।३१।१००, १०२-३]-- प्राहास्मान् यमुना भ्राता सदैव हि पुनः पुनः । भवद्भिर् वैष्णवास् त्याज्या न ते स्युर् मम गोचराः

pādme devadyūti-vikuṇḍala-saṃvāde [PadmaP 3.31.100, 102-3]-- prāhāsmān yamunā bhrātā sadaiva hi punaḥ punaḥ | bhavadbhir vaiṣṇavās tyājyā na te syur mama gocarāḥ

Sanskrit only: no published translation is held for this verse.

दुराचारो दुष्कृतो ऽपि सदाचार-रतो ऽपि यः । भवद्भिः स सदा त्याज्यो विष्णुं च भजते नरः

durācāro duṣkṛto 'pi sadācāra-rato 'pi yaḥ | bhavadbhiḥ sa sadā tyājyo viṣṇuṃ ca bhajate naraḥ

Sanskrit only: no published translation is held for this verse.

वैष्णवो यद्-गृहे भुङ्क्ते येषां वैष्णव-सङ्गतिः । तेऽपि वः परिवार्याः स्युस् तत्-सङ्ग-हत-किल्बिषाः

vaiṣṇavo yad-gṛhe bhuṅkte yeṣāṃ vaiṣṇava-saṅgatiḥ | te'pi vaḥ parivāryāḥ syus tat-saṅga-hata-kilbiṣāḥ

Sanskrit only: no published translation is held for this verse.

स्कान्दे अमृत-सारोद्धारे - एकादश्याम् अभुञ्जाना युक्ताः पाप-शतैर् अपि । भवद्भिः परिहर्तव्या हिता मे यदि सर्वदा

skānde amṛta-sāroddhāre - ekādaśyām abhuñjānā yuktāḥ pāpa-śatair api | bhavadbhiḥ parihartavyā hitā me yadi sarvadā

Sanskrit only: no published translation is held for this verse.

ये स्मरन्ति जगन्नाथं मृत्यु-काले जनार्दनम् । पाप-कोटि-शतैर् युक्ता न ते ग्राह्या ममाज्ञया

ye smaranti jagannāthaṃ mṛtyu-kāle janārdanam | pāpa-koṭi-śatair yuktā na te grāhyā mamājñayā

Sanskrit only: no published translation is held for this verse.

न ब्रह्मा न शिवाग्नीन्द्रा नाहं नान्ये दिवौकसः । शक्ता न निग्रहं कर्तुं वैष्णवानां महात्मनाम्

na brahmā na śivāgnīndrā nāhaṃ nānye divaukasaḥ | śaktā na nigrahaṃ kartuṃ vaiṣṇavānāṃ mahātmanām

Sanskrit only: no published translation is held for this verse.

अतो ऽहं सर्व-कालं च वैष्णवानां बिभेमि वै । भवद्भिः परिहर्तव्या वैष्णवा ये सदैव हि

ato 'haṃ sarva-kālaṃ ca vaiṣṇavānāṃ bibhemi vai | bhavadbhiḥ parihartavyā vaiṣṇavā ye sadaiva hi

Sanskrit only: no published translation is held for this verse.

वैष्णवा विष्णुवत् पूज्या मम मान्या विशेषतः । तेषां कृतेऽपमानेऽपि विनाशो जायते ध्रुवम्

vaiṣṇavā viṣṇuvat pūjyā mama mānyā viśeṣataḥ | teṣāṃ kṛte'pamāne'pi vināśo jāyate dhruvam

Sanskrit only: no published translation is held for this verse.

किं च - येषां स्मरण-मात्रेण पाप-लक्ष-शतानि च । दह्यन्ते नात्र सन्देहो वैष्णवानां महात्मनाम्

kiṃ ca - yeṣāṃ smaraṇa-mātreṇa pāpa-lakṣa-śatāni ca | dahyante nātra sandeho vaiṣṇavānāṃ mahātmanām

Sanskrit only: no published translation is held for this verse.

येषां पाद-रजेनैव प्राप्यते जाह्नवी-जलम् । नार्मदं यामुनं चैव किं पुनः पादयोर् जलम्

yeṣāṃ pāda-rajenaiva prāpyate jāhnavī-jalam | nārmadaṃ yāmunaṃ caiva kiṃ punaḥ pādayor jalam

Sanskrit only: no published translation is held for this verse.

येषां वाक्य-जलौघेन विना गङ्गा-जलैर् अपि । विना तीर्थ-सहस्रेण स्नातो भवति मानवः

yeṣāṃ vākya-jalaughena vinā gaṅgā-jalair api | vinā tīrtha-sahasreṇa snāto bhavati mānavaḥ

Sanskrit only: no published translation is held for this verse.

किं च - ब्रह्म-लोके न मे वासो न मे वासो हरालये । नालये लोक-पालानां वैष्णवानां पराभवे

kiṃ ca - brahma-loke na me vāso na me vāso harālaye | nālaye loka-pālānāṃ vaiṣṇavānāṃ parābhave

Sanskrit only: no published translation is held for this verse.

न देवा न च गन्धर्वा न यक्षोरग-राक्षसाः । त्रातुं समर्था ऋषयो वैष्णवानां पराभवे

na devā na ca gandharvā na yakṣoraga-rākṣasāḥ | trātuṃ samarthā ṛṣayo vaiṣṇavānāṃ parābhave

Sanskrit only: no published translation is held for this verse.

करोमि कर्मणा वाचा मनसापि न विप्रियम् । वैष्णवानां महाभागाः सुदर्शन-भयाद् अपि

karomi karmaṇā vācā manasāpi na vipriyam | vaiṣṇavānāṃ mahābhāgāḥ sudarśana-bhayād api

Sanskrit only: no published translation is held for this verse.

एकतो धावते चक्रम् एकतो हरि-वाहनम् । एकतो विष्णु-दूताश् च वैष्णवे चार्दिते मया

ekato dhāvate cakram ekato hari-vāhanam | ekato viṣṇu-dūtāś ca vaiṣṇave cārdite mayā

Sanskrit only: no published translation is held for this verse.