Gopalabhatta: Haribhaktivilasa 10

बृहन्-नारदीये चैकादशी-माहात्म्ये [नार्प् १।२३।७५, ७७-७९] - ये विष्णु-पूजन-रताः प्रयताः कृतज्ञाश् चैकादशी-व्रत-परा विजितेन्द्रियाश् च । नारायणाच्युत हरे शरणं भवेति शान्ता वदन्ति सततं तरसा त्यजध्वम्

bṛhan-nāradīye caikādaśī-māhātmye [NārP 1.23.75, 77-79] - ye viṣṇu-pūjana-ratāḥ prayatāḥ kṛtajñāś caikādaśī-vrata-parā vijitendriyāś ca | nārāyaṇācyuta hare śaraṇaṃ bhaveti śāntā vadanti satataṃ tarasā tyajadhvam

Sanskrit only: no published translation is held for this verse.

नारायणार्पित-धियो हरि-भक्त-भक्तान् स्वाचार-मार्ग-निरतान् गुरु-सेवकांश् च । सत्-पात्र-दान-निरतान् हरि-कीर्ति-भक्तान् दूतास् त्यजध्वम् अनिशं हरि-नाम-सक्तान्

nārāyaṇārpita-dhiyo hari-bhakta-bhaktān svācāra-mārga-niratān guru-sevakāṃś ca | sat-pātra-dāna-niratān hari-kīrti-bhaktān dūtās tyajadhvam aniśaṃ hari-nāma-saktān

Sanskrit only: no published translation is held for this verse.

पाषण्ड-सङ्ग-रहितान् हरि-भक्ति-तुष्टान् सत्-सङ्ग-लोलुप-तरांश् च तथातिपुण्यान् । शम्भोर् हरेश् च सम-बुद्धि-मतस् तथैव दूतास् त्यजध्वम् उपकार-पराञ् नराणाम्

pāṣaṇḍa-saṅga-rahitān hari-bhakti-tuṣṭān sat-saṅga-lolupa-tarāṃś ca tathātipuṇyān | śambhor hareś ca sama-buddhi-matas tathaiva dūtās tyajadhvam upakāra-parāñ narāṇām

Sanskrit only: no published translation is held for this verse.

ये वीक्षिता हरि-कथामृत-सेवकैश् च नारायण-स्मृति-परायण-मानसैश् च । विप्रेन्द्र-पाद-जल-सेवन-सम्प्रहृष्टैस् तान् पापिनो ऽपि च भटा सततं त्यजध्वम्

ye vīkṣitā hari-kathāmṛta-sevakaiś ca nārāyaṇa-smṛti-parāyaṇa-mānasaiś ca | viprendra-pāda-jala-sevana-samprahṛṣṭais tān pāpino 'pi ca bhaṭā satataṃ tyajadhvam

Sanskrit only: no published translation is held for this verse.

अतएवोक्तं श्री-नारदेन चतुर्थ-स्कन्ध-शेषे [भ्प् ४।३१।२२] श्रियम् अनुचरतीं तद्-अर्थिनश् च द्विपद-पतीन् विबुधांश् च यत् स्व-पूर्णः । न भजति निज-भृत्य-वर्ग-तन्त्रः कथम् अमुम् उद्विसृजेत् पुमान् कृत-ज्ञः

ataevoktaṃ śrī-nāradena caturtha-skandha-śeṣe [BhP 4.31.22] śriyam anucaratīṃ tad-arthinaś ca dvipada-patīn vibudhāṃś ca yat sva-pūrṇaḥ | na bhajati nija-bhṛtya-varga-tantraḥ katham amum udvisṛjet pumān kṛta-jñaḥ

Sanskrit only: no published translation is held for this verse.

अतएव प्रार्थनम् । नारायण-व्यूह-स्तवे - नाहं ब्रह्मापि भुयासं त्वद्-भक्ति-रहितो हरे । त्वयि भक्तस् तु कीटो ऽपि भूयासं जन्म-जन्मसु

ataeva prārthanam | nārāyaṇa-vyūha-stave - nāhaṃ brahmāpi bhuyāsaṃ tvad-bhakti-rahito hare | tvayi bhaktas tu kīṭo 'pi bhūyāsaṃ janma-janmasu

Sanskrit only: no published translation is held for this verse.

श्री-ब्रह्म-स्तुतौ च दशम-स्कन्धे [भ्प् १०।१४।३०] - तद् अस्तु मे नाथ स भूरि-भागो भवेऽत्र वान्यत्र तु वा तिरश्चाम् । येनाहम् एको ऽपि भवज्-जनानां भूत्वा निषेवे तव पाद-पल्लवम्

śrī-brahma-stutau ca daśama-skandhe [BhP 10.14.30] - tad astu me nātha sa bhūri-bhāgo bhave'tra vānyatra tu vā tiraścām | yenāham eko 'pi bhavaj-janānāṃ bhūtvā niṣeve tava pāda-pallavam

Sanskrit only: no published translation is held for this verse.

अतएवोक्तं श्री-नारायण-व्यूह-स्तवे - ये त्यक्त-लोक-धर्मार्था विष्णु-भक्ति-वशं गताः । भजन्ति परमात्मानं तेभ्यो नित्यं नमो नमः

ataevoktaṃ śrī-nārāyaṇa-vyūha-stave - ye tyakta-loka-dharmārthā viṣṇu-bhakti-vaśaṃ gatāḥ | bhajanti paramātmānaṃ tebhyo nityaṃ namo namaḥ

Sanskrit only: no published translation is held for this verse.

एवं श्री-भगवद्-भक्त-माहात्म्यामृत-वारिधेः । विचित्र-भङ्ग-लेखार्हो लोभ-लोलं विनास्ति कः

evaṃ śrī-bhagavad-bhakta-māhātmyāmṛta-vāridheḥ | vicitra-bhaṅga-lekhārho lobha-lolaṃ vināsti kaḥ

Sanskrit only: no published translation is held for this verse.

अतः श्री-भगवद्-भक्त-जनानां सङ्गतिः सदा । कार्या सर्व-प्रयत्नेन द्वौ लोकौ विजिगीषुभिः

ataḥ śrī-bhagavad-bhakta-janānāṃ saṅgatiḥ sadā | kāryā sarva-prayatnena dvau lokau vijigīṣubhiḥ

Sanskrit only: no published translation is held for this verse.

अथ श्री-भगवद्-भक्त-सङ्ग-माहात्म्यम् भगवद्-भक्त-पादाब्ज-पादुकाभ्यो नमो ऽस्तु मे । यत्-सङ्गमः साधनं च साध्यं चाखिलम् उत्तमम्

atha śrī-bhagavad-bhakta-saṅga-māhātmyam bhagavad-bhakta-pādābja-pādukābhyo namo 'stu me | yat-saṅgamaḥ sādhanaṃ ca sādhyaṃ cākhilam uttamam

Sanskrit only: no published translation is held for this verse.

तत्र सर्व-पातक-मोचकता बृहन्-नारदीये [नार्प् १।३६।६०] यज्ञ-माल्य्-उपाख्यानान्ते । हरि-भक्ति-पराणां तु सङ्गिनां सङ्ग-मात्रतः । मुच्यते सर्व-पापेभ्यो महा-पातकवान् अपि

tatra sarva-pātaka-mocakatā bṛhan-nāradīye [NārP 1.36.60] yajña-māly-upākhyānānte | hari-bhakti-parāṇāṃ tu saṅgināṃ saṅga-mātrataḥ | mucyate sarva-pāpebhyo mahā-pātakavān api

Sanskrit only: no published translation is held for this verse.

सामान्यतो ऽनर्थ-निवर्तकताअर्थ-प्रापकता च । पाद्मे वैशाख-माहात्म्ये [पद्मप् ५।९४।७४] श्री-मुनि-शर्माणं प्रति प्रेतानाम् उक्तौ - विनाशयत्य् अपयशो बुद्धिं विशदयत्य् अपि । प्रतिष्ठापयति प्रायो नृणां वैष्णव-दर्शनम्

sāmānyato 'nartha-nivartakatāartha-prāpakatā ca | pādme vaiśākha-māhātmye [PadmaP 5.94.74] śrī-muni-śarmāṇaṃ prati pretānām uktau - vināśayaty apayaśo buddhiṃ viśadayaty api | pratiṣṭhāpayati prāyo nṛṇāṃ vaiṣṇava-darśanam

Sanskrit only: no published translation is held for this verse.

तत्र (?) श्री-यम-ब्राह्मण-संवादे महारथ-नृपोक्तौ - यथा प्रपद्यमानस्य भगवन्तं विभावसुम् । शीतं भयं तमो ऽप्य् एति साधून् संसेवतः सदा

tatra (?) śrī-yama-brāhmaṇa-saṃvāde mahāratha-nṛpoktau - yathā prapadyamānasya bhagavantaṃ vibhāvasum | śītaṃ bhayaṃ tamo 'py eti sādhūn saṃsevataḥ sadā

Sanskrit only: no published translation is held for this verse.

तत्रैव प्रेतोपाख्याने प्रेतोक्तौ [पद्मप् ५।९८।५७] - अपाकरोति दुरितं श्रेयः संयोजयत्य् अपि । यशो विस्तारयत्य् आशु नॄणां वैष्णव-सङ्गमः

tatraiva pretopākhyāne pretoktau [PadmaP 5.98.57] - apākaroti duritaṃ śreyaḥ saṃyojayaty api | yaśo vistārayaty āśu nṝṇāṃ vaiṣṇava-saṅgamaḥ

Sanskrit only: no published translation is held for this verse.

अथ सर्व-तीर्थाधिकता तत्रैव [पद्मप् ५।९८।७८] - गङ्गादि-पुण्य-तीर्थेषु यो नरः स्नातुम् इच्छति । यः करोति सतां सङ्गां तयोः सत्-सङ्गमो वरः

atha sarva-tīrthādhikatā tatraiva [PadmaP 5.98.78] - gaṅgādi-puṇya-tīrtheṣu yo naraḥ snātum icchati | yaḥ karoti satāṃ saṅgāṃ tayoḥ sat-saṅgamo varaḥ

Sanskrit only: no published translation is held for this verse.

तत्रैव भगीरथ-नृपोक्तौ [पद्मप् ५।१००।५] - यः स्नातः शान्ति-सितया साधु-सङ्गति-गङ्गया । किं तस्य दानैः किं तीर्थैः किं तपोभिः किम् अध्वरैः

tatraiva bhagīratha-nṛpoktau [PadmaP 5.100.5] - yaḥ snātaḥ śānti-sitayā sādhu-saṅgati-gaṅgayā | kiṃ tasya dānaiḥ kiṃ tīrthaiḥ kiṃ tapobhiḥ kim adhvaraiḥ

Sanskrit only: no published translation is held for this verse.

अथ सर्वेष्ट-साधकता यानि यानि दुरापाणि वाञ्छितानि मही-तले । प्राप्यन्ते तानि तान्य् एव साधूनाम् एव सङ्गमात्

atha sarveṣṭa-sādhakatā yāni yāni durāpāṇi vāñchitāni mahī-tale | prāpyante tāni tāny eva sādhūnām eva saṅgamāt

Sanskrit only: no published translation is held for this verse.

अथ अनर्थस्याप्य् अर्थत्वापादकता वाशिष्ठे - शून्यम् आपूर्णताम् एति मृतिर् अप्य् अमृतायते । आपत् सम्पद् इव भाति विद्वज्-जन-समागमे

atha anarthasyāpy arthatvāpādakatā vāśiṣṭhe - śūnyam āpūrṇatām eti mṛtir apy amṛtāyate | āpat sampad iva bhāti vidvaj-jana-samāgame

Sanskrit only: no published translation is held for this verse.

तृतीय-स्कन्धे [भ्प् ३।२३।५५] -- सङ्गो यः संसृतेर् हेतुर् असत्सु विहितो ऽधिया । स एव साधुषु कृतो निःसङ्गत्वाय कल्पते

tṛtīya-skandhe [BhP 3.23.55] -- saṅgo yaḥ saṃsṛter hetur asatsu vihito 'dhiyā | sa eva sādhuṣu kṛto niḥsaṅgatvāya kalpate

Sanskrit only: no published translation is held for this verse.

श्री-कपिल-देवोक्तौ [भ्प् ३।२५।२०] -- प्रसङ्गम् अजरं पाशम् आत्मनः कवयो विदुः । स एव साधुषु कृतो मोक्ष-द्वारम् अपावृतम्

śrī-kapila-devoktau [BhP 3.25.20] -- prasaṅgam ajaraṃ pāśam ātmanaḥ kavayo viduḥ | sa eva sādhuṣu kṛto mokṣa-dvāram apāvṛtam

Sanskrit only: no published translation is held for this verse.

यतः - अरिर् मित्रं विषं पथ्यम् अधर्मो धर्मतां व्रजेत् । प्रसन्ने पुण्डरीकाक्षे विपरीते विपर्ययः

yataḥ - arir mitraṃ viṣaṃ pathyam adharmo dharmatāṃ vrajet | prasanne puṇḍarīkākṣe viparīte viparyayaḥ

Sanskrit only: no published translation is held for this verse.

किं च श्री-भगवद्-वाक्यं [*भक्तिस् १६८ अत्त्रिबुतेद् तो पद्मप्।] - मन्-निमित्तं कृतं पापम् अपि धर्माय कल्पते । माम् अनादृत्य धर्मो ऽपि पापं स्यान् मत्-प्रभावतः

kiṃ ca śrī-bhagavad-vākyaṃ [*BhaktiS 168 attributed to PadmaP.] - man-nimittaṃ kṛtaṃ pāpam api dharmāya kalpate | mām anādṛtya dharmo 'pi pāpaṃ syān mat-prabhāvataḥ

Sanskrit only: no published translation is held for this verse.

चतुर्थ-स्कन्धे श्री-ध्रुवोक्तौ [भ्प् ४।९।१२] -- ते न स्मरन्त्य् अतितरां प्रियम् ईश मर्त्यं ये चान्व् अदः सुत-सुहृद्-गृह-वित्त-दाराः । ये त्व् अब्ज-नाभ भवदीय-पदारविन्द- सौगन्ध्य-लुब्ध-हृदयेषु कृत-प्रसङ्गाः

caturtha-skandhe śrī-dhruvoktau [BhP 4.9.12] -- te na smaranty atitarāṃ priyam īśa martyaṃ ye cānv adaḥ suta-suhṛd-gṛha-vitta-dārāḥ | ye tv abja-nābha bhavadīya-padāravinda- saugandhya-lubdha-hṛdayeṣu kṛta-prasaṅgāḥ

Sanskrit only: no published translation is held for this verse.

पाद्मे तत्रैव प्रेतोक्तौ [पद्मप् ५।९८।५८] - रसायन-मयी शीता परमानन्द-दायिनी । नानन्दयति कं नाम वैष्णवाश्रय-चन्द्रिका

pādme tatraiva pretoktau [PadmaP 5.98.58] - rasāyana-mayī śītā paramānanda-dāyinī | nānandayati kaṃ nāma vaiṣṇavāśraya-candrikā

Sanskrit only: no published translation is held for this verse.

अथ मोक्षदत्वम् । दशम-स्कन्धे श्री-मुचुकुन्द-स्तुतौ [भ्प् १०।५१।५३] -- भवापवर्गो भ्रमतो यदा भवेज् जनस्य तर्ह्य् अचुत सत्-समागमः । सत्-सङ्गमो यर्हि तदैव सद्-गतौ परावरेशे त्वयि जायते मतिः

atha mokṣadatvam | daśama-skandhe śrī-mucukunda-stutau [BhP 10.51.53] -- bhavāpavargo bhramato yadā bhavej janasya tarhy acuta sat-samāgamaḥ | sat-saṅgamo yarhi tadaiva sad-gatau parāvareśe tvayi jāyate matiḥ

Sanskrit only: no published translation is held for this verse.

अतएवोक्तं श्री-प्रचेतोभिश् चतुर्थ-स्कन्धे [भ्प् ४।३०।३५-३७] यत्रेड्यन्ते कथा मृष्टास् तृष्णायाः प्रशमो यतः । निर्वैरं यत्र भूतेषु नोद्वेगो यत्र कश्चन

ataevoktaṃ śrī-pracetobhiś caturtha-skandhe [BhP 4.30.35-37] yatreḍyante kathā mṛṣṭās tṛṣṇāyāḥ praśamo yataḥ | nirvairaṃ yatra bhūteṣu nodvego yatra kaścana

Sanskrit only: no published translation is held for this verse.

यत्र नारायणः साक्षाद् भगवान् न्यासिनां गतिः । संस्तूयते सत्-कथासु मुक्त-सङ्गैः पुनः पुनः

yatra nārāyaṇaḥ sākṣād bhagavān nyāsināṃ gatiḥ | saṃstūyate sat-kathāsu mukta-saṅgaiḥ punaḥ punaḥ

Sanskrit only: no published translation is held for this verse.

तेषां विचरतां पद्भ्यां तीर्थानां पावनेच्छया । भीतस्य किं न रोचेत तावकानां समागमः

teṣāṃ vicaratāṃ padbhyāṃ tīrthānāṃ pāvanecchayā | bhītasya kiṃ na roceta tāvakānāṃ samāgamaḥ

Sanskrit only: no published translation is held for this verse.

अथ सर्व-सारता । बृहन्-नारदीये श्री-नारद-सनत्कुमार-संवादे [नार्प् १।४।१३] - असार-भूते संसारे सारम् एतद् अजात्मज । भगवद्-भक्त-सङ्गश् च हरि-भक्तिस् तितिक्षुता

atha sarva-sāratā | bṛhan-nāradīye śrī-nārada-sanatkumāra-saṃvāde [NārP 1.4.13] - asāra-bhūte saṃsāre sāram etad ajātmaja | bhagavad-bhakta-saṅgaś ca hari-bhaktis titikṣutā

Sanskrit only: no published translation is held for this verse.

पाद्मे तत्रैव महारथ-नृपोक्तौ - असागरोत्थं पीयूषम् अद्रव्यं व्यसनौषधम् । हर्षश् चालोक-पर्यन्तः सतां किल समागमः

pādme tatraiva mahāratha-nṛpoktau - asāgarotthaṃ pīyūṣam adravyaṃ vyasanauṣadham | harṣaś cāloka-paryantaḥ satāṃ kila samāgamaḥ

Sanskrit only: no published translation is held for this verse.

अथ भगवत्-कथामृत-पानैक-हेतुता । पाद्मे वैशाख-माहात्म्ये श्री-नारदोक्तौ [पद्मप् ५।८४।३७] प्रसङ्गेन सताम् आत्म-मनः श्रुति-रसायनाः । भवन्ति कीर्तनीयस्य कथाः कृष्णस्य निर्मलाः

atha bhagavat-kathāmṛta-pānaika-hetutā | pādme vaiśākha-māhātmye śrī-nāradoktau [PadmaP 5.84.37] prasaṅgena satām ātma-manaḥ śruti-rasāyanāḥ | bhavanti kīrtanīyasya kathāḥ kṛṣṇasya nirmalāḥ

Sanskrit only: no published translation is held for this verse.

तृतीय-स्कन्धे [भ्प् ३।२५।२५] श्री-कपिल-देवोक्तौ - सतां प्रसङ्गान् मम वीर्य-संविदो भवन्ति हृत्-कर्ण-रसायनाः कथाः । तज्-जोषणाद् आश्व् अपवर्ग-वर्त्मनि श्रद्धा रतिर् भक्तिर् अनुक्रमिष्यति

tṛtīya-skandhe [BhP 3.25.25] śrī-kapila-devoktau - satāṃ prasaṅgān mama vīrya-saṃvido bhavanti hṛt-karṇa-rasāyanāḥ kathāḥ | taj-joṣaṇād āśv apavarga-vartmani śraddhā ratir bhaktir anukramiṣyati

Sanskrit only: no published translation is held for this verse.

चतुर्थे श्री-नारदोक्तौ [भ्प् ४।२९।३९-४०] -- यत्र भागवता राजन् साधवो विशदाशयाः । भगवद्-गुणानुकथन- श्रवण-व्यग्र-चेतसः

caturthe śrī-nāradoktau [BhP 4.29.39-40] -- yatra bhāgavatā rājan sādhavo viśadāśayāḥ | bhagavad-guṇānukathana- śravaṇa-vyagra-cetasaḥ

Sanskrit only: no published translation is held for this verse.

तस्मिन् महन्-मुखरिता मधुभिच्- चरित्र-पीयूष-शेष-सरितः परितः स्रवन्ति । ता ये पिबन्त्य् अवितृषो नृप गाढ-कर्णैस् तान् न स्पृशन्त्य् अशन-तृड्-भय-शोक-मोहाः

tasmin mahan-mukharitā madhubhic- caritra-pīyūṣa-śeṣa-saritaḥ paritaḥ sravanti | tā ye pibanty avitṛṣo nṛpa gāḍha-karṇais tān na spṛśanty aśana-tṛḍ-bhaya-śoka-mohāḥ

Sanskrit only: no published translation is held for this verse.

पञ्चमे [भ्प् ५।१२।१३] श्री-ब्राह्मण-रहूगण-संवादे - यत्रोत्तमश्लोक-गुणानुवादः प्रस्तूयते ग्राम्य-कथा-विघातः । निषेव्यमाणो ऽनुदिनं मुमुक्षोर् मतिं सतीं यच्छति वासुदेवे

pañcame [BhP 5.12.13] śrī-brāhmaṇa-rahūgaṇa-saṃvāde - yatrottamaśloka-guṇānuvādaḥ prastūyate grāmya-kathā-vighātaḥ | niṣevyamāṇo 'nudinaṃ mumukṣor matiṃ satīṃ yacchati vāsudeve

Sanskrit only: no published translation is held for this verse.

एकादशे श्री-भगवद्-उद्धव-संवादे श्री-ऐलोपाख्यानान्ते [भ्प् ११।२६।२८-२९] - तेषु नित्यं महा-भाग महा-भागेषु मत्-कथाः । सम्भवन्ति हि ता न्णां जुषतां प्रपुनन्त्य् अघम्

ekādaśe śrī-bhagavad-uddhava-saṃvāde śrī-ailopākhyānānte [BhP 11.26.28-29] - teṣu nityaṃ mahā-bhāga mahā-bhāgeṣu mat-kathāḥ | sambhavanti hi tā n.ṇāṃ juṣatāṃ prapunanty agham

Sanskrit only: no published translation is held for this verse.

ता ये शृण्वन्ति गायन्ति ह्य् अनुमोदन्ति चादृताः । मत्-पराः श्रद्दधानाश् च भक्तिं विन्दन्ति ते मयि

tā ye śṛṇvanti gāyanti hy anumodanti cādṛtāḥ | mat-parāḥ śraddadhānāś ca bhaktiṃ vindanti te mayi

Sanskrit only: no published translation is held for this verse.

बृहन्-नारदीये तत्रैव [१।४।३३] -- भक्तिस् तु भगवद्-भक्त-सङ्गेन परिजायते । सत्-सङ्गः प्राप्यते पुम्भिः सुकृतैः पूर्व-सञ्चितैः

bṛhan-nāradīye tatraiva [1.4.33] -- bhaktis tu bhagavad-bhakta-saṅgena parijāyate | sat-saṅgaḥ prāpyate pumbhiḥ sukṛtaiḥ pūrva-sañcitaiḥ

Sanskrit only: no published translation is held for this verse.

एकादशे श्री-भगवद्-उद्धव-संवादे [भ्प् ११।११।४९-५१] -- अथैतत् परमं गुह्यं शृण्वतो यदु-नन्दन सु-गोप्यम् अपि वक्ष्यामि त्वं मे भृत्यः सुहृत् सखा

ekādaśe śrī-bhagavad-uddhava-saṃvāde [BhP 11.11.49-51] -- athaitat paramaṃ guhyaṃ śṛṇvato yadu-nandana su-gopyam api vakṣyāmi tvaṃ me bhṛtyaḥ suhṛt sakhā

Sanskrit only: no published translation is held for this verse.

नो रोधयति मां योगो न साङ्ख्यं धर्म एव च । न स्वाध्यायस् तपस् त्यागो नेष्टा-पूर्तं न दक्षिणा

no rodhayati māṃ yogo na sāṅkhyaṃ dharma eva ca | na svādhyāyas tapas tyāgo neṣṭā-pūrtaṃ na dakṣiṇā

Sanskrit only: no published translation is held for this verse.

व्रतानि यज्ञश् छन्दांसि तीर्थानि नियमा यमाः । यथावरुन्धे सत्-सङ्गः सर्व-सङ्गापहो हि माम्

vratāni yajñaś chandāṃsi tīrthāni niyamā yamāḥ | yathāvarundhe sat-saṅgaḥ sarva-saṅgāpaho hi mām

Sanskrit only: no published translation is held for this verse.

अतएवोक्तं विदुरेण तृतीय-स्कन्धे [भ्प् ३।७।१९] -- यत्-सेवया भगवतः कूट-स्थस्य मधु-द्विषः । रति-रासो भवेत् तीव्रः पादयोर् व्यसनार्दनः

ataevoktaṃ vidureṇa tṛtīya-skandhe [BhP 3.7.19] -- yat-sevayā bhagavataḥ kūṭa-sthasya madhu-dviṣaḥ | rati-rāso bhavet tīvraḥ pādayor vyasanārdanaḥ

Sanskrit only: no published translation is held for this verse.

प्रथम-स्कन्धे श्री-शौनकादीनां [भ्प् १।१८।१३], चतुर्थे च श्री-प्रचेतसाम् उक्तौ [भ्प् ४।३०।३४] -- तुलयाम लवेनापि न स्वर्गं नापुनर्-भवम् । भगवत्-सङ्गि-सङ्गस्य मर्त्यानां किम् उताशिषः

prathama-skandhe śrī-śaunakādīnāṃ [BhP 1.18.13], caturthe ca śrī-pracetasām uktau [BhP 4.30.34] -- tulayāma lavenāpi na svargaṃ nāpunar-bhavam | bhagavat-saṅgi-saṅgasya martyānāṃ kim utāśiṣaḥ

Sanskrit only: no published translation is held for this verse.

चतुर्थे च श्री-प्रचेतसः प्रति श्री-शिवोपदेशः [भ्प् ४।२४।५७] -- क्षणार्धेनापि तुलये न स्वर्गं नापुनर्-भवम् । भगवत्-सङ्गि-सङ्गस्य मर्त्यानां किम् उताशिषः

caturthe ca śrī-pracetasaḥ prati śrī-śivopadeśaḥ [BhP 4.24.57] -- kṣaṇārdhenāpi tulaye na svargaṃ nāpunar-bhavam | bhagavat-saṅgi-saṅgasya martyānāṃ kim utāśiṣaḥ

Sanskrit only: no published translation is held for this verse.

द्वादशे श्री-मार्कण्डेयोपाख्याने श्री-शिवस्य [भ्प् १२।१०।७] -- अथापि संवदिष्यामो भवान्य् एतेन साधुना । अयं हि परमो लाभो नृणां साधु-समागमः

dvādaśe śrī-mārkaṇḍeyopākhyāne śrī-śivasya [BhP 12.10.7] -- athāpi saṃvadiṣyāmo bhavāny etena sādhunā | ayaṃ hi paramo lābho nṛṇāṃ sādhu-samāgamaḥ

Sanskrit only: no published translation is held for this verse.

अतएव श्री-प्रह्लादं प्रति श्री-धरण्योक्तं हरि-भक्ति-सुधोदये - अक्ष्णोः फलं त्वादृश-दर्शनं हि तन्वाः फलं त्वादृश-गात्र-सङ्गः । जिह्वा-फलं त्वादृश-कीर्तनं हि सुदुर्लभा भागवता हि लोके

ataeva śrī-prahlādaṃ prati śrī-dharaṇyoktaṃ hari-bhakti-sudhodaye - akṣṇoḥ phalaṃ tvādṛśa-darśanaṃ hi tanvāḥ phalaṃ tvādṛśa-gātra-saṅgaḥ | jihvā-phalaṃ tvādṛśa-kīrtanaṃ hi sudurlabhā bhāgavatā hi loke

Sanskrit only: no published translation is held for this verse.

अतएव विदुरेण तृतीय-स्कन्धे [भ्प् ३।७।२०] -- दुरापा ह्य् अल्प-तपसः सेवा वैकुण्ठ-वर्त्मसु । यत्रोपगीयते नित्यं देव-देवो जनार्दनः

ataeva vidureṇa tṛtīya-skandhe [BhP 3.7.20] -- durāpā hy alpa-tapasaḥ sevā vaikuṇṭha-vartmasu | yatropagīyate nityaṃ deva-devo janārdanaḥ

Sanskrit only: no published translation is held for this verse.

श्री-विदेहेनाप्य् एकादश-स्कन्धे [भ्प् ११।२।२९] -- दुर्लभो मानुषो देहो देहिनां क्षण-भङ्गुरः । तत्रापि दुर्लभं मन्ये वैकुण्ठ-प्रिय-दर्शनम्

śrī-videhenāpy ekādaśa-skandhe [BhP 11.2.29] -- durlabho mānuṣo deho dehināṃ kṣaṇa-bhaṅguraḥ | tatrāpi durlabhaṃ manye vaikuṇṭha-priya-darśanam

Sanskrit only: no published translation is held for this verse.

अतएव हि प्रार्थितं श्री-ध्रुवेण चतुर्थ-स्कन्धे [भ्प् ४।९।११] -- भक्तिं मुहुः प्रवहतां त्वयि मे प्रसङ्गो भूयाद् अनन्त महताम् अमलाशयानाम् । येनाञ्जसोल्बणम् उरु-व्यसनं भवाब्धिं नेष्ये भवद्-गुण-कथामृत-पान-मत्तः

ataeva hi prārthitaṃ śrī-dhruveṇa caturtha-skandhe [BhP 4.9.11] -- bhaktiṃ muhuḥ pravahatāṃ tvayi me prasaṅgo bhūyād ananta mahatām amalāśayānām | yenāñjasolbaṇam uru-vyasanaṃ bhavābdhiṃ neṣye bhavad-guṇa-kathāmṛta-pāna-mattaḥ

Sanskrit only: no published translation is held for this verse.

प्रचेतसः प्रत्युपदेशे श्री-शिवेन च [भ्प् ४।२४।५८] -- अथानघाङ्घ्रेस् तव कीर्ति-तीर्थयोर् अन्तर्-बहिः-स्नान-विधूत-पाप्मनाम् । भूतेष्व् अनुक्रोश-सुसत्त्व-शीलिनां स्यात् सङ्गमो ऽनुग्रह एष नस् तव

pracetasaḥ pratyupadeśe śrī-śivena ca [BhP 4.24.58] -- athānaghāṅghres tava kīrti-tīrthayor antar-bahiḥ-snāna-vidhūta-pāpmanām | bhūteṣv anukrośa-susattva-śīlināṃ syāt saṅgamo 'nugraha eṣa nas tava

Sanskrit only: no published translation is held for this verse.

श्री-प्रचेतोभिश् च [भ्प् ४।३०।३३] -- यावत् ते मायया स्पृष्टा भ्रमाम इह कर्मभिः । तावद् भवत्-प्रसङ्गानां सङ्गः स्यान् नो भवे भवे

śrī-pracetobhiś ca [BhP 4.30.33] -- yāvat te māyayā spṛṣṭā bhramāma iha karmabhiḥ | tāvad bhavat-prasaṅgānāṃ saṅgaḥ syān no bhave bhave

Sanskrit only: no published translation is held for this verse.

श्री-प्रह्लादेनापि सप्तम-स्कन्धे [भ्प् ७।९।२४] -- तस्माद् अमूस् तनु-भृताम् अहम् आशिषो æज्ञ आयुः श्रियं विभवम् ऐन्द्रियम् आविरिञ्च्यात् । नेच्छामि ते विलुलितान् उरुविक्रमेण कालात्मनोपनय मां निज-भृत्य-पार्श्वम् ॥ ह्भ्व् १०।२९३ ॥ इति । अथासत्-सङ्ग-दोषाः । श्री-कात्यायन-वाक्ये -- वरं हुत-वह-ज्वाला-पञ्जरान्तर्-व्यवस्थितिः । न शौरि-चिन्ता-विमुख-जन-संवास-वैशसम्

śrī-prahlādenāpi saptama-skandhe [BhP 7.9.24] -- tasmād amūs tanu-bhṛtām aham āśiṣo æjña āyuḥ śriyaṃ vibhavam aindriyam āviriñcyāt | necchāmi te vilulitān uruvikrameṇa kālātmanopanaya māṃ nija-bhṛtya-pārśvam // Hbhv 10.293 // iti | athāsat-saṅga-doṣāḥ | śrī-kātyāyana-vākye -- varaṃ huta-vaha-jvālā-pañjarāntar-vyavasthitiḥ | na śauri-cintā-vimukha-jana-saṃvāsa-vaiśasam

Sanskrit only: no published translation is held for this verse.

पाद्मे उत्तर-खण्डे श्री-उमा-महेश्वर-संवादे - अवैष्णवास् तु ये विप्राश् चाण्डालाद् अधमाः स्मृताः । तेषां सम्भाषणं स्पर्शं सोम-पानादि वर्जयेत्

pādme uttara-khaṇḍe śrī-umā-maheśvara-saṃvāde - avaiṣṇavās tu ye viprāś cāṇḍālād adhamāḥ smṛtāḥ | teṣāṃ sambhāṣaṇaṃ sparśaṃ soma-pānādi varjayet

Sanskrit only: no published translation is held for this verse.

तृतीय-स्कन्धे श्री-कपिल-देवहूति-संवादे [भ्प् ३।३१।३३-३५] सत्यं शौचं दया मौनं बुद्धिः श्रीर् ह्रीर् यशः क्षमा । शमो दमो भगश् चेति यत्-सङ्गाद् याति सङ्क्षयम्

tṛtīya-skandhe śrī-kapila-devahūti-saṃvāde [BhP 3.31.33-35] satyaṃ śaucaṃ dayā maunaṃ buddhiḥ śrīr hrīr yaśaḥ kṣamā | śamo damo bhagaś ceti yat-saṅgād yāti saṅkṣayam

Sanskrit only: no published translation is held for this verse.

तेष्व् अशान्तेषु मूढेषु खण्डितात्मस्व् असाधुषु । सङ्गं न कुर्याच् छोच्येषु योषित्-क्रीडा-मृगेषु च

teṣv aśānteṣu mūḍheṣu khaṇḍitātmasv asādhuṣu | saṅgaṃ na kuryāc chocyeṣu yoṣit-krīḍā-mṛgeṣu ca

Sanskrit only: no published translation is held for this verse.

न तथास्य भवेन् मोहो बन्धश् चान्य-प्रसङ्गतः । योषित्-सङ्गाद् यथा पुंसो यथा तत्-सङ्गि-सङ्गतः

na tathāsya bhaven moho bandhaś cānya-prasaṅgataḥ | yoṣit-saṅgād yathā puṃso yathā tat-saṅgi-saṅgataḥ

Sanskrit only: no published translation is held for this verse.

एकादशे च श्री-भगवद्-उद्धव-संवादे [भ्प् ११।२६।३] - सङ्गं न कुर्याद् असतां शिश्नोदर-तृपां क्वचित् । तस्यानुगस् तमस्य् अन्धे पतत्य् अन्धानुगान्ध-वत्

ekādaśe ca śrī-bhagavad-uddhava-saṃvāde [BhP 11.26.3] - saṅgaṃ na kuryād asatāṃ śiśnodara-tṛpāṃ kvacit | tasyānugas tamasy andhe pataty andhānugāndha-vat

Sanskrit only: no published translation is held for this verse.

भगवद्-भक्ति-हीना ये मुख्याऽसन्तस् त एव हि । तेषां निष्ठा शुभा क्वापि न स्यात् सच्-चरितैर् अपि

bhagavad-bhakti-hīnā ye mukhyā'santas ta eva hi | teṣāṃ niṣṭhā śubhā kvāpi na syāt sac-caritair api

Sanskrit only: no published translation is held for this verse.

बृहन्-नारदीये प्रायश्चित्त-प्रकरणान्ते - किं वेदैः किम् उ वा शास्त्रैः किम् उ तीर्थ-निषेवणैः । विष्णु-भक्ति-विहीनानां किं तपोभिः किम् अध्वरैः

bṛhan-nāradīye prāyaścitta-prakaraṇānte - kiṃ vedaiḥ kim u vā śāstraiḥ kim u tīrtha-niṣevaṇaiḥ | viṣṇu-bhakti-vihīnānāṃ kiṃ tapobhiḥ kim adhvaraiḥ

Sanskrit only: no published translation is held for this verse.

श्री-गारुडे - अन्तं गतो ऽपि वेदानां सर्व-शास्त्रार्थ-वेद्य् अपि । यो न सर्वेश्वरे भक्तस् तं विद्यात् पुरुषाधमम्

śrī-gāruḍe - antaṃ gato 'pi vedānāṃ sarva-śāstrārtha-vedy api | yo na sarveśvare bhaktas taṃ vidyāt puruṣādhamam

Sanskrit only: no published translation is held for this verse.

तृतीय-स्कन्धे [भ्प् ३।९।१०] -- अह्न्य् आपृतार्त-करणा निशि निःशयाना नाना-मनोरथ-धिया क्षण-भग्न-निद्राः । दैवाहतार्थ-रचना ऋषयो ऽपि देव युष्मत्-प्रसङ्ग-विमुखा इह संसरन्ति

tṛtīya-skandhe [BhP 3.9.10] -- ahny āpṛtārta-karaṇā niśi niḥśayānā nānā-manoratha-dhiyā kṣaṇa-bhagna-nidrāḥ | daivāhatārtha-racanā ṛṣayo 'pi deva yuṣmat-prasaṅga-vimukhā iha saṃsaranti

Sanskrit only: no published translation is held for this verse.

अतएवोक्तं षष्ठे [भ्प् ६।१।१८] -- प्रायश्चित्तानि चीर्णानि नारायण-पराङ्मुखम् । न निष्पुनन्ति राजेन्द्र सुरा-कुम्भम् इवापगाः

ataevoktaṃ ṣaṣṭhe [BhP 6.1.18] -- prāyaścittāni cīrṇāni nārāyaṇa-parāṅmukham | na niṣpunanti rājendra surā-kumbham ivāpagāḥ

Sanskrit only: no published translation is held for this verse.

विष्णु-धर्मोत्तरे - कुतः पाप-क्षयस् तेषां कुतस् तेषां च मङ्गलम् । येषां नैव हृदिस्थो ऽयं मङ्गलायतनो हरिः

viṣṇu-dharmottare - kutaḥ pāpa-kṣayas teṣāṃ kutas teṣāṃ ca maṅgalam | yeṣāṃ naiva hṛdistho 'yaṃ maṅgalāyatano hariḥ

Sanskrit only: no published translation is held for this verse.

अतएव बृहन्-नारदीये लुब्धकोपाख्यानारम्भे - हरि-पूजा-विहीनाश् च वेद-विद्वेषिणस् तथा । द्विज-गो-द्वेषिणश् चापि राक्षसाः परिकीर्तिताः

ataeva bṛhan-nāradīye lubdhakopākhyānārambhe - hari-pūjā-vihīnāś ca veda-vidveṣiṇas tathā | dvija-go-dveṣiṇaś cāpi rākṣasāḥ parikīrtitāḥ

Sanskrit only: no published translation is held for this verse.

अतएव निज-दूतान् प्रति धर्म-राजस्यानुशासनं षष्ठ-स्कन्धे [भ्प् ६।३।२८-९] -- तान् आनयध्वम् असतो विमुखान् मुकुन्द- पादारविन्द-मकरन्द-रसाद् अजस्रम् । निष्किञ्चनैः परमहंस-कुलैर् असङ्गैर् जुष्टाद् गृहे निरय-वर्त्मनि बद्ध-तृष्णान्

ataeva nija-dūtān prati dharma-rājasyānuśāsanaṃ ṣaṣṭha-skandhe [BhP 6.3.28-9] -- tān ānayadhvam asato vimukhān mukunda- pādāravinda-makaranda-rasād ajasram | niṣkiñcanaiḥ paramahaṃsa-kulair asaṅgair juṣṭād gṛhe niraya-vartmani baddha-tṛṣṇān

Sanskrit only: no published translation is held for this verse.

जिह्वा न वक्ति भगवद्-गुण-नाम-धेयं चेतश् च न स्मरति तच्-चरणारविन्दम् । कृष्णाय नो नमति यच्-छिर एकदापि तान् आनयध्वम् असतो ऽकृत-विष्णु-कृत्यान्

jihvā na vakti bhagavad-guṇa-nāma-dheyaṃ cetaś ca na smarati tac-caraṇāravindam | kṛṣṇāya no namati yac-chira ekadāpi tān ānayadhvam asato 'kṛta-viṣṇu-kṛtyān

Sanskrit only: no published translation is held for this verse.

स्कान्दे मार्कण्डेय-भगीरथ-संवादे - यो हि भागवतं लोकम् उपहासं नृपोत्तम । करोति तस्य नश्यन्ति अर्थ-धर्म-यशः-सुता

skānde mārkaṇḍeya-bhagīratha-saṃvāde - yo hi bhāgavataṃ lokam upahāsaṃ nṛpottama | karoti tasya naśyanti artha-dharma-yaśaḥ-sutā

Sanskrit only: no published translation is held for this verse.

निन्दां कुर्वन्ति ये मूढा वैष्णवानां महात्मनाम् । पतन्ति पितृभिः सार्धं महा-रौरव-संज्ञिते

nindāṃ kurvanti ye mūḍhā vaiṣṇavānāṃ mahātmanām | patanti pitṛbhiḥ sārdhaṃ mahā-raurava-saṃjñite

Sanskrit only: no published translation is held for this verse.

हन्ति निन्दति वै द्वेष्टि वैष्णवान् नाभिनन्दति । क्रुध्यते याति नो हर्षं दर्शने पतनानि षट्

hanti nindati vai dveṣṭi vaiṣṇavān nābhinandati | krudhyate yāti no harṣaṃ darśane patanāni ṣaṭ

Sanskrit only: no published translation is held for this verse.

तत्रैवामृतसारोद्धारे श्री-यमोक्तौ - जन्म-प्रभृति यत् किञ्चित् सुकृतं समुपार्जितम् । नाशम् आयाति तत् सर्वं पीडयेद् यदि वैष्णवान्

tatraivāmṛtasāroddhāre śrī-yamoktau - janma-prabhṛti yat kiñcit sukṛtaṃ samupārjitam | nāśam āyāti tat sarvaṃ pīḍayed yadi vaiṣṇavān

Sanskrit only: no published translation is held for this verse.

द्वारका-माहात्म्ये प्रह्लाद-बलि-संवादे - कर-पत्रैश् च फाल्यन्ते सुतीव्रैर् यम-शासनैः । निन्दां कुर्वन्ति ये पापा वैष्णवानां महात्मनाम्

dvārakā-māhātmye prahlāda-bali-saṃvāde - kara-patraiś ca phālyante sutīvrair yama-śāsanaiḥ | nindāṃ kurvanti ye pāpā vaiṣṇavānāṃ mahātmanām

Sanskrit only: no published translation is held for this verse.

पूजितो भगवान् विष्णुर् जन्मान्तर-शतैर् अपि । प्रसीदति न विश्वात्मा वैष्णवे चापमानिते

pūjito bhagavān viṣṇur janmāntara-śatair api | prasīdati na viśvātmā vaiṣṇave cāpamānite

Sanskrit only: no published translation is held for this verse.

दशम-स्कन्धे च [भ्प् १०।७४।४०] - निन्दां भगवतः शृण्वंस् तत्-परस्य जनस्य वा । ततो नापैति यः सो ऽपि यात्य् अधः सुकृताच् च्युतः

daśama-skandhe ca [BhP 10.74.40] - nindāṃ bhagavataḥ śṛṇvaṃs tat-parasya janasya vā | tato nāpaiti yaḥ so 'pi yāty adhaḥ sukṛtāc cyutaḥ

Sanskrit only: no published translation is held for this verse.

अतएवोक्तं विष्णु-धर्मोत्तरे - जीवितं विष्णु-भक्तस्य वरं पञ्च-दिनानि च । न तु कल्प-सहस्राणि भक्ति-हीनस्य केशवे

ataevoktaṃ viṣṇu-dharmottare - jīvitaṃ viṣṇu-bhaktasya varaṃ pañca-dināni ca | na tu kalpa-sahasrāṇi bhakti-hīnasya keśave

Sanskrit only: no published translation is held for this verse.

अतएवोक्तं श्री-भागवते ऐलोपाख्यानान्ते [भ्प् ११।२६।२६] -- ततो दुःसङ्गम् उत्सृज्य सत्सु सज्जेत बुद्धिमान् । सन्त एवास्य छिन्दन्ति मनो-व्यासङ्गम् उक्तिभिः

ataevoktaṃ śrī-bhāgavate ailopākhyānānte [BhP 11.26.26] -- tato duḥsaṅgam utsṛjya satsu sajjeta buddhimān | santa evāsya chindanti mano-vyāsaṅgam uktibhiḥ

Sanskrit only: no published translation is held for this verse.

अथ श्री-वैष्णव-समागम-विधिः अथ श्री-भगवद्-भक्तान् सल्-लक्षण-विभूषितान् । गत्वा तान् दूरतो दृष्ट्वा दण्डवत् प्रणमेन् मुदा

atha śrī-vaiṣṇava-samāgama-vidhiḥ atha śrī-bhagavad-bhaktān sal-lakṣaṇa-vibhūṣitān | gatvā tān dūrato dṛṣṭvā daṇḍavat praṇamen mudā

Sanskrit only: no published translation is held for this verse.

तेजो-द्रविण-पञ्चरात्रे - वैष्णवो वैष्णवं दृष्ट्वा दण्डवत् प्रणमेद् भुवि । उभयोर् अन्तरा विष्णुः शङ्ख-चक्र-गदाधरः

tejo-draviṇa-pañcarātre - vaiṣṇavo vaiṣṇavaṃ dṛṣṭvā daṇḍavat praṇamed bhuvi | ubhayor antarā viṣṇuḥ śaṅkha-cakra-gadādharaḥ

Sanskrit only: no published translation is held for this verse.

तत्र च विशेषो बृहन्-नारदीये (१।२५।४१) - सभायां यज्ञ-शालायां देवतायतनेष्व् अपि । प्रत्येकं तु नमस्कारो हन्ति पुण्यं पुराकृतम्

tatra ca viśeṣo bṛhan-nāradīye (1.25.41) - sabhāyāṃ yajña-śālāyāṃ devatāyataneṣv api | pratyekaṃ tu namaskāro hanti puṇyaṃ purākṛtam

Sanskrit only: no published translation is held for this verse.

पुण्य-क्षेत्रे पुण्य-तीर्थे स्वाध्याय-समये तथा । प्रत्येकं तु नमस्कारो हन्ति पुण्यं पुराकृतम्

puṇya-kṣetre puṇya-tīrthe svādhyāya-samaye tathā | pratyekaṃ tu namaskāro hanti puṇyaṃ purākṛtam

Sanskrit only: no published translation is held for this verse.

वैष्णवं चागतं वीक्ष्याभिगम्यालिङ्ग वैष्णवम् । वैदेशिकं प्रीणयेयुर् दर्शयन्तः स्व-वैष्णवान्

vaiṣṇavaṃ cāgataṃ vīkṣyābhigamyāliṅga vaiṣṇavam | vaideśikaṃ prīṇayeyur darśayantaḥ sva-vaiṣṇavān

Sanskrit only: no published translation is held for this verse.

तथा चोक्तं श्री-ब्रह्मणा तेजो-द्रविण-पञ्चरात्रे -- नारायणाश्रयं भक्तं देशान्तर-समागतम् । प्रीणयेद् दर्शयंस् तस्य भक्त्या नारायणाश्रयान्

tathā coktaṃ śrī-brahmaṇā tejo-draviṇa-pañcarātre -- nārāyaṇāśrayaṃ bhaktaṃ deśāntara-samāgatam | prīṇayed darśayaṃs tasya bhaktyā nārāyaṇāśrayān

Sanskrit only: no published translation is held for this verse.

इति ततश् च वैष्णवः प्राप्तः सन्तर्प्य वचनामृतैः । सद्-बन्धुर् इव सम्मान्यो ऽन्यथा दोषो महान् स्मृतः

iti tataś ca vaiṣṇavaḥ prāptaḥ santarpya vacanāmṛtaiḥ | sad-bandhur iva sammānyo 'nyathā doṣo mahān smṛtaḥ

Sanskrit only: no published translation is held for this verse.

अथ वैष्णव-सम्मानन-नित्यता स्कान्दे श्री-मार्कण्डेय-भगीरथ-संवादे - दृष्ट्वा भागवतं दैवात् सम्मुखे यो न याति हि । न गृह्णाति हरिस् तस्य पूजां द्वादश-वार्षिकीम्

atha vaiṣṇava-sammānana-nityatā skānde śrī-mārkaṇḍeya-bhagīratha-saṃvāde - dṛṣṭvā bhāgavataṃ daivāt sammukhe yo na yāti hi | na gṛhṇāti haris tasya pūjāṃ dvādaśa-vārṣikīm

Sanskrit only: no published translation is held for this verse.

यो न गृह्णाति भूपाल वैष्णवं गृहम् आगतम् । तद्-गृहं पितृभिस् त्यक्तं श्मशानम् इव भीषणम्

yo na gṛhṇāti bhūpāla vaiṣṇavaṃ gṛham āgatam | tad-gṛhaṃ pitṛbhis tyaktaṃ śmaśānam iva bhīṣaṇam

Sanskrit only: no published translation is held for this verse.

अथवाभ्यगतं दूराद् यो नार्चयन्ति वैष्णवम् । स्व-शक्त्या नृप-शार्दूल नान्यः पाप-रतस् ततः

athavābhyagataṃ dūrād yo nārcayanti vaiṣṇavam | sva-śaktyā nṛpa-śārdūla nānyaḥ pāpa-ratas tataḥ

Sanskrit only: no published translation is held for this verse.

श्रान्तं भागवतं दृष्ट्वा कठिनं यस्य मानसम् । प्रसीदति न दुष्टात्मा श्वपचाद् अधिको हि सः

śrāntaṃ bhāgavataṃ dṛṣṭvā kaṭhinaṃ yasya mānasam | prasīdati na duṣṭātmā śvapacād adhiko hi saḥ

Sanskrit only: no published translation is held for this verse.

विप्रं भागवतं दृष्ट्वा दीनम् आतुर-मानसम् । न करोति परित्राणं केशवो न प्रसीदति

vipraṃ bhāgavataṃ dṛṣṭvā dīnam ātura-mānasam | na karoti paritrāṇaṃ keśavo na prasīdati

Sanskrit only: no published translation is held for this verse.

दृष्ट्वा भागवतं विप्रं नमस्कारेण नार्चयेत् । देहिनस् तस्य पापस्य न च वै क्षमते हरिः

dṛṣṭvā bhāgavataṃ vipraṃ namaskāreṇa nārcayet | dehinas tasya pāpasya na ca vai kṣamate hariḥ

Sanskrit only: no published translation is held for this verse.

अपूजितो यदा गच्छद् वैष्णवो गृह-मेधिनः । शत-जन्मार्जितं भूप पुण्यम् आदाय गच्छति

apūjito yadā gacchad vaiṣṇavo gṛha-medhinaḥ | śata-janmārjitaṃ bhūpa puṇyam ādāya gacchati

Sanskrit only: no published translation is held for this verse.

अनभ्यर्च्य पितॄन् देवान् भुञ्जते हरि-वासरे । तत् पापं जायते भूप वैष्णवानाम् अतिक्रमे

anabhyarcya pitṝn devān bhuñjate hari-vāsare | tat pāpaṃ jāyate bhūpa vaiṣṇavānām atikrame

Sanskrit only: no published translation is held for this verse.

पूर्वं कृत्वा तु सम्मानम् अवज्ञां कुरुते तु यः । वैष्णवानां महीपाल सान्वयो याति सङ्क्षयम्

pūrvaṃ kṛtvā tu sammānam avajñāṃ kurute tu yaḥ | vaiṣṇavānāṃ mahīpāla sānvayo yāti saṅkṣayam

Sanskrit only: no published translation is held for this verse.

पाद्मे वैशाख-माहात्म्ये यम-ब्राह्मण-संवादे [पद्मप् ५।९६।६९ वैष्णवं जनम् आलोक्य नाभ्युत्थानं करोति यः । प्रणयादरतो विप्र स नरो नरकातिथिः

pādme vaiśākha-māhātmye yama-brāhmaṇa-saṃvāde [PadmaP 5.96.69 vaiṣṇavaṃ janam ālokya nābhyutthānaṃ karoti yaḥ | praṇayādarato vipra sa naro narakātithiḥ

Sanskrit only: no published translation is held for this verse.

चतुर्थ-स्कन्धे [भ्प् ४।२२।११] च -- व्यालालय-द्रुमा वै तेष्व् अरिक्ताखिल-सम्पदः । यद्-गृहास् तीर्थ-पादीय- पादतीर्थ-विवर्जिताः

caturtha-skandhe [BhP 4.22.11] ca -- vyālālaya-drumā vai teṣv ariktākhila-sampadaḥ | yad-gṛhās tīrtha-pādīya- pādatīrtha-vivarjitāḥ

Sanskrit only: no published translation is held for this verse.

अथ वैष्णव-स्तुतिः स्कान्दे - दह्न्यो ऽहं कृत-कृत्यो ऽहं यद् यूयं गृहम् आगताः । दुर्लभं दर्शनं नूनं वैष्णवानां यथा हरेः

atha vaiṣṇava-stutiḥ skānde - dahnyo 'haṃ kṛta-kṛtyo 'haṃ yad yūyaṃ gṛham āgatāḥ | durlabhaṃ darśanaṃ nūnaṃ vaiṣṇavānāṃ yathā hareḥ

Sanskrit only: no published translation is held for this verse.

मेरु-मन्दर-तुल्या वै पुण्य-पुञ्जा मया कृताः । सम्प्राप्तं दर्शनं यद् वै वैष्णवानां महात्मनाम्

meru-mandara-tulyā vai puṇya-puñjā mayā kṛtāḥ | samprāptaṃ darśanaṃ yad vai vaiṣṇavānāṃ mahātmanām

Sanskrit only: no published translation is held for this verse.

दशम-स्कन्धे श्री-गर्गाचार्यं प्रति श्री-नन्दस्य वाक्यम् [भ्प् १०।८।४] -- महद्-विचलनं नॄणां गृहिणां दीन-चेतसाम् । निःश्रेयसाय भगवन् कल्पते नान्यथा क्वचित्

daśama-skandhe śrī-gargācāryaṃ prati śrī-nandasya vākyam [BhP 10.8.4] -- mahad-vicalanaṃ nṝṇāṃ gṛhiṇāṃ dīna-cetasām | niḥśreyasāya bhagavan kalpate nānyathā kvacit

Sanskrit only: no published translation is held for this verse.

चतुर्थ-स्कन्धे [भ्प् ४।२२।७,१०, १३-१४] -- अहो आचरितं किं मे मङ्गलं मङ्गलायनाः । यस्य वो दर्शनं ह्य् आसीद् दुर्दर्शानां च योगिभिः

caturtha-skandhe [BhP 4.22.7,10, 13-14] -- aho ācaritaṃ kiṃ me maṅgalaṃ maṅgalāyanāḥ | yasya vo darśanaṃ hy āsīd durdarśānāṃ ca yogibhiḥ

Sanskrit only: no published translation is held for this verse.

अधना अपि ते धन्याः साधवो गृह-मेधिनः । यद्-गृहा ह्य् अर्ह-वर्याम्बु- तृण-भूमीश्वरावराः

adhanā api te dhanyāḥ sādhavo gṛha-medhinaḥ | yad-gṛhā hy arha-varyāmbu- tṛṇa-bhūmīśvarāvarāḥ

Sanskrit only: no published translation is held for this verse.

कच्चिन् नः कुशलं नाथा इन्द्रियार्थार्थ-वेदिनाम् । व्यसनावाप एतस्मिन् पतितानां स्व-कर्मभिः

kaccin naḥ kuśalaṃ nāthā indriyārthārtha-vedinām | vyasanāvāpa etasmin patitānāṃ sva-karmabhiḥ

Sanskrit only: no published translation is held for this verse.

भवत्सु कुशल-प्रश्न आत्मारामेषु नेष्यते । कुशलाकुशला यत्र न सन्ति मति-वृत्तयः

bhavatsu kuśala-praśna ātmārāmeṣu neṣyate | kuśalākuśalā yatra na santi mati-vṛttayaḥ

Sanskrit only: no published translation is held for this verse.

अथ वैष्णवाभिगमन-माहात्म्यम् स्कान्दे श्री-मार्कण्डेय-भगीरथ-संवादे- सम्मुखं व्रजमानस्य वैष्णवानां नराधिप । पदे पदे यज्ञ-फलं प्राहुः पौराणिका द्विजाः

atha vaiṣṇavābhigamana-māhātmyam skānde śrī-mārkaṇḍeya-bhagīratha-saṃvāde- sammukhaṃ vrajamānasya vaiṣṇavānāṃ narādhipa | pade pade yajña-phalaṃ prāhuḥ paurāṇikā dvijāḥ

Sanskrit only: no published translation is held for this verse.

अथ वैष्णव-स्तुति-माहात्म्यम् । तत्रैव- प्रत्यक्षं वा परोक्षं वा यः प्रशंसति वैष्णवम् । ब्रह्म-हा मद्यपः स्तेयी गुरु-गामी सदा नॄणाम् । मुच्यते पातकात् सद्यो विष्णुर् आह नृपोत्तम

atha vaiṣṇava-stuti-māhātmyam | tatraiva- pratyakṣaṃ vā parokṣaṃ vā yaḥ praśaṃsati vaiṣṇavam | brahma-hā madyapaḥ steyī guru-gāmī sadā nṝṇām | mucyate pātakāt sadyo viṣṇur āha nṛpottama

Sanskrit only: no published translation is held for this verse.

किं च- प्रत्यक्षं वा परोक्षं वा ये प्रशंसन्ति वैष्णवम् । प्रसादाद् वासुदेवस्य ते तरन्ति भवार्णवम्

kiṃ ca- pratyakṣaṃ vā parokṣaṃ vā ye praśaṃsanti vaiṣṇavam | prasādād vāsudevasya te taranti bhavārṇavam

Sanskrit only: no published translation is held for this verse.

अथ वैष्णव-सम्मान-माहात्म्यम् । तत्रैवामृत-सारोद्धारे- श्रद्धया दत्तम् अन्नं च वैष्णवाग्निषु जीर्यति । तद्-अन्नं मेरुणा तुल्यं भवते च दिने दिने

atha vaiṣṇava-sammāna-māhātmyam | tatraivāmṛta-sāroddhāre- śraddhayā dattam annaṃ ca vaiṣṇavāgniṣu jīryati | tad-annaṃ meruṇā tulyaṃ bhavate ca dine dine

Sanskrit only: no published translation is held for this verse.

दैवे पैत्रे च यो दद्याद् वारि-मात्रं तु वैष्णवे । सप्तोदधि-समं भूत्वा पितॄणाम् उपतिष्ठति

daive paitre ca yo dadyād vāri-mātraṃ tu vaiṣṇave | saptodadhi-samaṃ bhūtvā pitṝṇām upatiṣṭhati

Sanskrit only: no published translation is held for this verse.

विष्णु-धर्मे- किं दानैः किं तपोभिर् वा यज्ञैश् च विविधैः कृतैः । सर्वं सम्पद्यते पुंसां विष्णु-भक्ताभिपूजनात्

viṣṇu-dharme- kiṃ dānaiḥ kiṃ tapobhir vā yajñaiś ca vividhaiḥ kṛtaiḥ | sarvaṃ sampadyate puṃsāṃ viṣṇu-bhaktābhipūjanāt

Sanskrit only: no published translation is held for this verse.

पूजयेद् वैष्णवान् एतान् प्रयत्नेन विचक्षणः । स्व-शक्त्या वैष्णवेभ्यो यद् दत्तं स्याद् अक्षयं भवेत्

pūjayed vaiṣṇavān etān prayatnena vicakṣaṇaḥ | sva-śaktyā vaiṣṇavebhyo yad dattaṃ syād akṣayaṃ bhavet

Sanskrit only: no published translation is held for this verse.

बृहन्-नारदीये यज्ञमाल्य्-उपाख्याने (नार्प् १।३६।५९)-- हरि-भक्ति-रतान् यस् तु हरि-बुद्ध्या प्रपूजयेत् । तस्य तुष्यन्ति विप्रेन्द्र ब्रह्म-विष्णु-महेश्वराः

bṛhan-nāradīye yajñamāly-upākhyāne (NārP 1.36.59)-- hari-bhakti-ratān yas tu hari-buddhyā prapūjayet | tasya tuṣyanti viprendra brahma-viṣṇu-maheśvarāḥ

Sanskrit only: no published translation is held for this verse.

हरि-पूजा-पराणां च हरि-नाम-रतात्मनाम् । शुश्रूषा-निरता यान्ति पापिनो ऽपि परां गतिम्

hari-pūjā-parāṇāṃ ca hari-nāma-ratātmanām | śuśrūṣā-niratā yānti pāpino 'pi parāṃ gatim

Sanskrit only: no published translation is held for this verse.

तत्रैव यज्ञध्वजोपाख्यानस्यारम्भे (नार्प् १।३९।५)-- संसार-सागरं तर्तुं य इच्छेन् मुनिपुङ्गव । स भजेद् धरि-भक्तानां भक्तान् वै पाप-हारिणः

tatraiva yajñadhvajopākhyānasyārambhe (NārP 1.39.5)-- saṃsāra-sāgaraṃ tartuṃ ya icchen munipuṅgava | sa bhajed dhari-bhaktānāṃ bhaktān vai pāpa-hāriṇaḥ

Sanskrit only: no published translation is held for this verse.

तद्-अन्ते च (नार्प् १।३९।६१-३, ६५)- यो विष्णु-भक्तान् निष्कामान् भोजयेत् श्रद्धयान्वितः । त्रिः-सप्त-कुल-संयुक्तास् ते यान्ति हरि-मन्दिरम्

tad-ante ca (NārP 1.39.61-3, 65)- yo viṣṇu-bhaktān niṣkāmān bhojayet śraddhayānvitaḥ | triḥ-sapta-kula-saṃyuktās te yānti hari-mandiram

Sanskrit only: no published translation is held for this verse.

विष्णु-भक्ताय यो दद्यान् निष्कामाय महात्मने । पानीयं वा फलं वापि स एव भगवत्-प्रियः

viṣṇu-bhaktāya yo dadyān niṣkāmāya mahātmane | pānīyaṃ vā phalaṃ vāpi sa eva bhagavat-priyaḥ

Sanskrit only: no published translation is held for this verse.

विष्णु-भक्ति-पराणां तु शुश्रूषां कुर्वते तु ये । ते यान्ति विष्णु-भवनं यावद्-आभूत-सम्प्लवम्

viṣṇu-bhakti-parāṇāṃ tu śuśrūṣāṃ kurvate tu ye | te yānti viṣṇu-bhavanaṃ yāvad-ābhūta-samplavam

Sanskrit only: no published translation is held for this verse.

देव-पूजा-परो यस्य गृहे वसति सर्वदा । तत्रैव सर्व-देवाश् च तिष्ठन्ति श्री-हरिस् तथा

deva-pūjā-paro yasya gṛhe vasati sarvadā | tatraiva sarva-devāś ca tiṣṭhanti śrī-haris tathā

Sanskrit only: no published translation is held for this verse.

लैङ्गे- नारायण-परो विद्वान् यस्यान्नं प्रीत-मानसः । अश्नाति तद्-धरेर् आस्यं गतम् अन्नं न संशयः

laiṅge- nārāyaṇa-paro vidvān yasyānnaṃ prīta-mānasaḥ | aśnāti tad-dharer āsyaṃ gatam annaṃ na saṃśayaḥ

Sanskrit only: no published translation is held for this verse.

सर्वार्चनाद् अपि विश्वात्मा प्रीतो भवति माधवः । दृष्ट्वा भागवतस्यान्नं स भुङ्क्ते भक्त-वत्सलः

sarvārcanād api viśvātmā prīto bhavati mādhavaḥ | dṛṣṭvā bhāgavatasyānnaṃ sa bhuṅkte bhakta-vatsalaḥ

Sanskrit only: no published translation is held for this verse.

ब्राह्मे श्री-भगवद्-वाक्यम्- नैवेद्यं पुरतो न्यस्तं दृष्ट्वैव स्वीकृतं मया । भक्तस्य रसनाग्रेण रसम् अश्नामि पद्मज

brāhme śrī-bhagavad-vākyam- naivedyaṃ purato nyastaṃ dṛṣṭvaiva svīkṛtaṃ mayā | bhaktasya rasanāgreṇa rasam aśnāmi padmaja

Sanskrit only: no published translation is held for this verse.

पाद्मोत्तर-खण्डे (२५३।१७६-८) श्री-शिवोमा-संवादे -- आराधनानां सर्वेषां विष्णोर् आराधनं परम् । तस्मात् परतरं देवि तदीयानां समर्चनम्

pādmottara-khaṇḍe (253.176-8) śrī-śivomā-saṃvāde -- ārādhanānāṃ sarveṣāṃ viṣṇor ārādhanaṃ param | tasmāt parataraṃ devi tadīyānāṃ samarcanam

Sanskrit only: no published translation is held for this verse.

अर्चयित्वापि गोविन्दं तदीयान् नार्चयेत् पुनः । न स भागवतो ज्ञेयः केवलं दाम्भिकः स्मृतः

arcayitvāpi govindaṃ tadīyān nārcayet punaḥ | na sa bhāgavato jñeyaḥ kevalaṃ dāmbhikaḥ smṛtaḥ

Sanskrit only: no published translation is held for this verse.