Gopalabhatta: Haribhaktivilasa 11

सुगन्ध-सुमनो-धूप-दीप-नैवेद्य-वन्दनम् । प्रयोजयेद् अरचनाज्ञाम् उपचारांस् तु षोडश

sugandha-sumano-dhūpa-dīpa-naivedya-vandanam | prayojayed aracanājñām upacārāṃs tu ṣoḍaśa

Sanskrit only: no published translation is held for this verse.

अर्घ्यं च पाद्याचमन-मधुपर्काचमान्य् अपि । गन्धादयो निवेद्यान्ता उपचारा दश क्रमात्

arghyaṃ ca pādyācamana-madhuparkācamāny api | gandhādayo nivedyāntā upacārā daśa kramāt

Sanskrit only: no published translation is held for this verse.

गन्धादिभिर् निवेद्यान्तैः पूजा पञ्चोपचारिकी । सपर्यास् त्रिविधाः प्रोक्तास् तासाम् एकां समाचरेत्

gandhādibhir nivedyāntaiḥ pūjā pañcopacārikī | saparyās trividhāḥ proktās tāsām ekāṃ samācaret

Sanskrit only: no published translation is held for this verse.

क्वचिच् च- आसनावाहनं चैव पाद्यार्घ्याचमनीयकम् । स्नानं वासो भूषणं च गन्धः पुष्पं च धूपकः

kvacic ca- āsanāvāhanaṃ caiva pādyārghyācamanīyakam | snānaṃ vāso bhūṣaṇaṃ ca gandhaḥ puṣpaṃ ca dhūpakaḥ

Sanskrit only: no published translation is held for this verse.

प्रदीपश् चैव नैवेद्यं पुष्पाञ्जलिर् अतः परम् । प्रदक्षिणं नमस्कारो विसर्गश् चैव षोडश

pradīpaś caiva naivedyaṃ puṣpāñjalir ataḥ param | pradakṣiṇaṃ namaskāro visargaś caiva ṣoḍaśa

Sanskrit only: no published translation is held for this verse.

केचिच् चाहुश् चतुःषष्टिम् उपचारान् ममार्चने । तेष्व् अनेक-प्रकारेषु प्रकारैको ऽत्र लिख्यते

kecic cāhuś catuḥṣaṣṭim upacārān mamārcane | teṣv aneka-prakāreṣu prakāraiko 'tra likhyate

Sanskrit only: no published translation is held for this verse.

सुख-सुप्तस्य कृष्णस्य प्रातर् आदौ प्रबोधनम् । वेद-घोषण-वीणा-विवाद्यैर् वन्दि-स्तवैर् अपि

sukha-suptasya kṛṣṇasya prātar ādau prabodhanam | veda-ghoṣaṇa-vīṇā-vivādyair vandi-stavair api

Sanskrit only: no published translation is held for this verse.

जय-शब्दा नमस्कारा मङ्गलारात्रिकं ततः । आसनं दन्त-काष्ठं च पाद्यार्घ्याचमनान्य् अपि

jaya-śabdā namaskārā maṅgalārātrikaṃ tataḥ | āsanaṃ danta-kāṣṭhaṃ ca pādyārghyācamanāny api

Sanskrit only: no published translation is held for this verse.

ततश् च मधुपर्काढ्याचमनं पादुकार्पणम् । अङ्ग-मार्जनम् अभ्यङ्गोद्वर्तने स्नपनं जलः

tataś ca madhuparkāḍhyācamanaṃ pādukārpaṇam | aṅga-mārjanam abhyaṅgodvartane snapanaṃ jalaḥ

Sanskrit only: no published translation is held for this verse.

क्षीरेण दध्ना हविषा मधुना सितया तथा । मन्त्र-पूतैः पुनर् वार्भिर् अङ्ग-वासो ऽथ वाससी

kṣīreṇa dadhnā haviṣā madhunā sitayā tathā | mantra-pūtaiḥ punar vārbhir aṅga-vāso 'tha vāsasī

Sanskrit only: no published translation is held for this verse.

उपवीतं पुनआ̆च् चाचमनीयं चानुलेपनम् । भूषणं कुसुमं धूपो दीपो दृष्ट्य्-अपसारणम्

upavītaṃ punaā̆c cācamanīyaṃ cānulepanam | bhūṣaṇaṃ kusumaṃ dhūpo dīpo dṛṣṭy-apasāraṇam

Sanskrit only: no published translation is held for this verse.

नैवेद्यं मुख-वासस् तु ताम्बूलं शयनोत्तमम् । केश-प्रसाधनं दिव्य-वस्त्राणि मुकुटं महत्

naivedyaṃ mukha-vāsas tu tāmbūlaṃ śayanottamam | keśa-prasādhanaṃ divya-vastrāṇi mukuṭaṃ mahat

Sanskrit only: no published translation is held for this verse.

दिव्य-गन्धानुलेपश् च कौस्तुभादि-विभूषणम् । विचित्र-दिव्य-पुष्पाणि मङ्गलारात्रिकं ततः

divya-gandhānulepaś ca kaustubhādi-vibhūṣaṇam | vicitra-divya-puṣpāṇi maṅgalārātrikaṃ tataḥ

Sanskrit only: no published translation is held for this verse.

आदर्शः सुखयानेन मण्डपागमनोत्सवः । सिंहासनोपवेशश् च पाद्याद्यैः पुनर् अर्चनम्

ādarśaḥ sukhayānena maṇḍapāgamanotsavaḥ | siṃhāsanopaveśaś ca pādyādyaiḥ punar arcanam

Sanskrit only: no published translation is held for this verse.

पुनर् धूपाद्य्-अर्पणेन प्राग्वन् नैवेद्यम् उत्तमम् । ततश् च दिव्य-ताम्बूल-महा-नीराजनं पुनः

punar dhūpādy-arpaṇena prāgvan naivedyam uttamam | tataś ca divya-tāmbūla-mahā-nīrājanaṃ punaḥ

Sanskrit only: no published translation is held for this verse.

चामर-व्यजन-च्छत्रं गीतं वाद्यं च नर्तनम् । प्रदक्षिणं नमस्कारः स्तुतिः श्री-चरणाब्जयोः

cāmara-vyajana-cchatraṃ gītaṃ vādyaṃ ca nartanam | pradakṣiṇaṃ namaskāraḥ stutiḥ śrī-caraṇābjayoḥ

Sanskrit only: no published translation is held for this verse.

तयोश् च स्थापनं मूर्ध्नि तीर्थ-निर्माल्य-धारणम् । उच्छिष्ट-भोजनं पाद-सेवोद्देशोपवेशनम्

tayoś ca sthāpanaṃ mūrdhni tīrtha-nirmālya-dhāraṇam | ucchiṣṭa-bhojanaṃ pāda-sevoddeśopaveśanam

Sanskrit only: no published translation is held for this verse.

नक्तं शय्या-विनिर्माणं दिव्यैर् विविध-साधनैः । हस्त-प्रदानं शयन-स्थानागम-महोत्सवः

naktaṃ śayyā-vinirmāṇaṃ divyair vividha-sādhanaiḥ | hasta-pradānaṃ śayana-sthānāgama-mahotsavaḥ

Sanskrit only: no published translation is held for this verse.

शय्योपवेशनं श्रीमत्-पाद-क्षालन-पूर्वकम् । गन्ध-प्रसून-ताम्बूलार्पण-नीराजनोत्सवः

śayyopaveśanaṃ śrīmat-pāda-kṣālana-pūrvakam | gandha-prasūna-tāmbūlārpaṇa-nīrājanotsavaḥ

Sanskrit only: no published translation is held for this verse.

शेष-पर्यङ्क-शयन-पाद-संवाहनादिकम् । क्रमेणैते चतुः-षष्ठिर् उपचाराः प्रकीर्तिताः

śeṣa-paryaṅka-śayana-pāda-saṃvāhanādikam | krameṇaite catuḥ-ṣaṣṭhir upacārāḥ prakīrtitāḥ

Sanskrit only: no published translation is held for this verse.

सदाचारानुसारेण यद् यद् आचर्यते स्वयम् । नित्य-कर्मादिकं तत् तत् श्री-कृष्णस्यापि कारयेत्

sadācārānusāreṇa yad yad ācaryate svayam | nitya-karmādikaṃ tat tat śrī-kṛṣṇasyāpi kārayet

Sanskrit only: no published translation is held for this verse.

अतो ऽत्रालिखितं यद् यद् उपचारादिकं परम् । सर्वं तत् तच् च जानीयाल् लोक-रीत्य्-अनुसारतः

ato 'trālikhitaṃ yad yad upacārādikaṃ param | sarvaṃ tat tac ca jānīyāl loka-rīty-anusārataḥ

Sanskrit only: no published translation is held for this verse.

उक्तानां चोपचाराणाम् अभावे भगवान् सदा । भक्तेनार्च्यो यथा-लब्धैस् तैर् अन्तर्-भावितैर् अपि

uktānāṃ copacārāṇām abhāve bhagavān sadā | bhaktenārcyo yathā-labdhais tair antar-bhāvitair api

Sanskrit only: no published translation is held for this verse.

अथालब्ध-समाधानम् तन्त्रे- उपचारोक्त-वस्तूनाम् उपसङ्ग्रहणे विधिः । द्रव्याणाम् अप्य् अभावे तु पुष्पाक्षत-यवैः क्रियाः

athālabdha-samādhānam tantre- upacārokta-vastūnām upasaṅgrahaṇe vidhiḥ | dravyāṇām apy abhāve tu puṣpākṣata-yavaiḥ kriyāḥ

Sanskrit only: no published translation is held for this verse.

अर्चोपचार-वस्तूनाम् अभावे समुपस्थिते । निर्मलेनोदकेनैव द्रव्य-सम्पूर्णता भवेत्

arcopacāra-vastūnām abhāve samupasthite | nirmalenodakenaiva dravya-sampūrṇatā bhavet

Sanskrit only: no published translation is held for this verse.

उपचारेषु द्रव्येषु यत् किञ्चिद् दुष्करं बुधः । तत् सर्वं मनसा बुद्ध्या पुष्प-क्षेपेण कल्पयेत्

upacāreṣu dravyeṣu yat kiñcid duṣkaraṃ budhaḥ | tat sarvaṃ manasā buddhyā puṣpa-kṣepeṇa kalpayet

Sanskrit only: no published translation is held for this verse.

एतेषु चोपचारेषु वित्त-शाठ्य-विवर्जितम् । यद् असम्पन्नम् एतेषां मनसा तु प्रकल्पयेत्

eteṣu copacāreṣu vitta-śāṭhya-vivarjitam | yad asampannam eteṣāṃ manasā tu prakalpayet

Sanskrit only: no published translation is held for this verse.

अगस्त्य-संहितायां श्री-तुलसी-माहात्म्ये- यद् यन् न्यूनं भवत्य् एव रामाराधन-साधनम् । तुलसी-दल-मात्रेण युक्तं तत् परिपूर्यते

agastya-saṃhitāyāṃ śrī-tulasī-māhātmye- yad yan nyūnaṃ bhavaty eva rāmārādhana-sādhanam | tulasī-dala-mātreṇa yuktaṃ tat paripūryate

Sanskrit only: no published translation is held for this verse.

एकादश-स्कन्धे च श्री-भगवद्-उद्धव-संवादे (११।२६।१५)- द्रव्यैः प्रसिद्धैर् मद्-यागः प्रतिमादिष्व् अमायिनः । भक्तस्य च यथा-लब्धैर् हृदि भावेन चैव हि

ekādaśa-skandhe ca śrī-bhagavad-uddhava-saṃvāde (11.26.15)- dravyaiḥ prasiddhair mad-yāgaḥ pratimādiṣv amāyinaḥ | bhaktasya ca yathā-labdhair hṛdi bhāvena caiva hi

Sanskrit only: no published translation is held for this verse.

ततो ऽनुज्ञां प्रभोः प्रार्थ्य दण्डवत् तं प्रणम्य च । सायं भुक्त्वा यथान्यायं सुखं स्वप्यात् प्रभुं स्मरेत्

tato 'nujñāṃ prabhoḥ prārthya daṇḍavat taṃ praṇamya ca | sāyaṃ bhuktvā yathānyāyaṃ sukhaṃ svapyāt prabhuṃ smaret

Sanskrit only: no published translation is held for this verse.

अथ शयन-विधिः आगमे- निर्गुणो निष्कलश् चैव विश्व-मूर्ति-धरो ऽव्ययः । अनाद्यन्ते सदानन्ते फणा-मणि-विशोभिते । क्षीराब्धि-मध्ये यः शेते स मां रक्षतु माधवः

atha śayana-vidhiḥ āgame- nirguṇo niṣkalaś caiva viśva-mūrti-dharo 'vyayaḥ | anādyante sadānante phaṇā-maṇi-viśobhite | kṣīrābdhi-madhye yaḥ śete sa māṃ rakṣatu mādhavaḥ

Sanskrit only: no published translation is held for this verse.

स-बाह्याभ्यन्तरं देहम् आपाद-तल-मस्तकम् । सर्वात्मा सर्व-शक्तिश् च पातु मां गरुड-ध्वजः

sa-bāhyābhyantaraṃ deham āpāda-tala-mastakam | sarvātmā sarva-śaktiś ca pātu māṃ garuḍa-dhvajaḥ

Sanskrit only: no published translation is held for this verse.

इति रक्षां पुरस्कृत्य स्वपेद् विष्णुम् अनुस्मरन्

iti rakṣāṃ puraskṛtya svaped viṣṇum anusmaran

Sanskrit only: no published translation is held for this verse.

किं चान्यत्र- अद्भिः शौच-विधिं विधाय चरणौ प्रक्षाल्य् चोपस्पृशेद् द्विः संस्मृत्य जगत्पतिं व्रजपतिं श्री-वल्लभी-वल्लभम् । राधायाः सुचिरं पिबन्तम् अमृतासारायमाणां गिरं वस्त्रेणाङ्घ्रि-युगं प्रमृज्यअ शयनं त्व् आपाद्य सद्यः स्वपेत्

kiṃ cānyatra- adbhiḥ śauca-vidhiṃ vidhāya caraṇau prakṣāly copaspṛśed dviḥ saṃsmṛtya jagatpatiṃ vrajapatiṃ śrī-vallabhī-vallabham | rādhāyāḥ suciraṃ pibantam amṛtāsārāyamāṇāṃ giraṃ vastreṇāṅghri-yugaṃ pramṛjyaa śayanaṃ tv āpādya sadyaḥ svapet

Sanskrit only: no published translation is held for this verse.

किं च- रामं स्कन्दं हनुमन्तं वैनतेयं वृकोदरम् । शयने यः स्मरेन् नित्यं दुःस्वप्नस् तस्य नश्यति

kiṃ ca- rāmaṃ skandaṃ hanumantaṃ vainateyaṃ vṛkodaram | śayane yaḥ smaren nityaṃ duḥsvapnas tasya naśyati

Sanskrit only: no published translation is held for this verse.

अपि च स्कान्द-पाद्मयोः (पद्मप् ५।९।४४-४७)- ऋतु-कालाभिगामी यः स्व-दार-निरतश् च यः । सर्वदा ब्रह्मचारीह विज्ञेयः स गृहाश्रमी

api ca skānda-pādmayoḥ (PadmaP 5.9.44-47)- ṛtu-kālābhigāmī yaḥ sva-dāra-nirataś ca yaḥ | sarvadā brahmacārīha vijñeyaḥ sa gṛhāśramī

Sanskrit only: no published translation is held for this verse.

ऋतुः षोडश-यामिन्यश् चतस्रस् तासु गर्हिताः । पुत्र-दास् तासु या युग्मा अयुग्माः कन्यका-प्रदाः

ṛtuḥ ṣoḍaśa-yāminyaś catasras tāsu garhitāḥ | putra-dās tāsu yā yugmā ayugmāḥ kanyakā-pradāḥ

Sanskrit only: no published translation is held for this verse.

त्यक्त्वा चन्द्रमसं दुष्टं मघां मूलं विहाय च । शुचिः सन्निर्विशेत् पत्नीं पुं-नामर्क्षे विशेषतः । शुचिं पुत्रं प्रसूयेत पुरुषार्थ-प्रसाधनम्

tyaktvā candramasaṃ duṣṭaṃ maghāṃ mūlaṃ vihāya ca | śuciḥ sannirviśet patnīṃ puṃ-nāmarkṣe viśeṣataḥ | śuciṃ putraṃ prasūyeta puruṣārtha-prasādhanam

Sanskrit only: no published translation is held for this verse.

विष्णु-पुराणे और्व-सगर-संवादे (३।११।१११-१२७)-- कृत-पादादि-शौचश् च भुक्त्वा सायं ततो गृही । गच्छेच् छय्याम् अस्फुटिताम् एक-दारु-मयीं नृप

viṣṇu-purāṇe aurva-sagara-saṃvāde (3.11.111-127)-- kṛta-pādādi-śaucaś ca bhuktvā sāyaṃ tato gṛhī | gacchec chayyām asphuṭitām eka-dāru-mayīṃ nṛpa

Sanskrit only: no published translation is held for this verse.

नाविशालां न वै भग्नां नासमां मलिनां न च । न च जन्तु-मयीं शय्याम् अधितिष्ठेद् अनास्तृताम्

nāviśālāṃ na vai bhagnāṃ nāsamāṃ malināṃ na ca | na ca jantu-mayīṃ śayyām adhitiṣṭhed anāstṛtām

Sanskrit only: no published translation is held for this verse.

प्राच्यां दिशि शिरः शस्तं याम्यायाम् अथवा नृप । सदैव स्वपतः पुंसो विपरीतं तु रोगदम्

prācyāṃ diśi śiraḥ śastaṃ yāmyāyām athavā nṛpa | sadaiva svapataḥ puṃso viparītaṃ tu rogadam

Sanskrit only: no published translation is held for this verse.

ऋताव् उपगमः शस्तः स्वपत्न्याम् अवनीपते । पुन्नामर्क्षे शुभे काले ज्येष्ठ-युग्मासु रात्रिषु

ṛtāv upagamaḥ śastaḥ svapatnyām avanīpate | punnāmarkṣe śubhe kāle jyeṣṭha-yugmāsu rātriṣu

Sanskrit only: no published translation is held for this verse.

नास्नातां तु स्त्रियं गच्छेन् नातुरां न रजस्वलाम् । नानिष्टां न प्रकुपितां नाप्रशस्तां न गुर्विणीम्

nāsnātāṃ tu striyaṃ gacchen nāturāṃ na rajasvalām | nāniṣṭāṃ na prakupitāṃ nāpraśastāṃ na gurviṇīm

Sanskrit only: no published translation is held for this verse.

नादक्षिणां नान्यकामां नाकामां नान्य-योषितम् । क्षुत्-क्षामाम् अतिभुक्तां वा स्वयं चैभिर् गुणैर् युतः

nādakṣiṇāṃ nānyakāmāṃ nākāmāṃ nānya-yoṣitam | kṣut-kṣāmām atibhuktāṃ vā svayaṃ caibhir guṇair yutaḥ

Sanskrit only: no published translation is held for this verse.

स्नातः स्रग्-गन्ध-धृक्-प्रीतो नाध्यातः क्षुधितो ऽपि वा । सकामः सानुरागश् च व्यवायं पुरुषो व्रजेत्

snātaḥ srag-gandha-dhṛk-prīto nādhyātaḥ kṣudhito 'pi vā | sakāmaḥ sānurāgaś ca vyavāyaṃ puruṣo vrajet

Sanskrit only: no published translation is held for this verse.

चतुर्दश्य्-अष्टमी चैव अमावस्याथ पूर्णिमा । पर्वाण्य् एतानि राजेन्द्र रवि-सङ्क्रान्तिर् एव च

caturdaśy-aṣṭamī caiva amāvasyātha pūrṇimā | parvāṇy etāni rājendra ravi-saṅkrāntir eva ca

Sanskrit only: no published translation is held for this verse.

तैल-स्त्री-मांस-सम्भोगी पर्वस्व् एतेषु वै पुमान् । विण्-मूत्र-भोजनं नाम प्रयाति नरकं नृप

taila-strī-māṃsa-sambhogī parvasv eteṣu vai pumān | viṇ-mūtra-bhojanaṃ nāma prayāti narakaṃ nṛpa

Sanskrit only: no published translation is held for this verse.

नान्य-योनाव् अयोनौ वा नोपयुक्तौषधस् तथा । देव-द्विज-गुरूणां च व्यवायी नाश्रमी भवेत्

nānya-yonāv ayonau vā nopayuktauṣadhas tathā | deva-dvija-gurūṇāṃ ca vyavāyī nāśramī bhavet

Sanskrit only: no published translation is held for this verse.

चैत्य-चत्वर-तीर्थेषु नैव गोष्ठे चतुष्पथे । नैव श्मशानोपवने सलिलेषु महीपते

caitya-catvara-tīrtheṣu naiva goṣṭhe catuṣpathe | naiva śmaśānopavane salileṣu mahīpate

Sanskrit only: no published translation is held for this verse.

प्रोक्त-पर्व-स्वशेषेषु नैव भूपाल सन्ध्ययोः । गच्छेद् व्यवायं मतिमान् न मूत्रोच्चार-पीडितः

prokta-parva-svaśeṣeṣu naiva bhūpāla sandhyayoḥ | gacched vyavāyaṃ matimān na mūtroccāra-pīḍitaḥ

Sanskrit only: no published translation is held for this verse.

पर-दारान् न गच्छेत मनसापि कदाचन । किम् उ वाचास्थि-बन्धो ऽपि नास्ति तेषु व्यवायिनाम्

para-dārān na gaccheta manasāpi kadācana | kim u vācāsthi-bandho 'pi nāsti teṣu vyavāyinām

Sanskrit only: no published translation is held for this verse.

मृतो नरकम् अभ्येति हीयते चात्र चायुषः । पर-दार-रतिः पुंसाम् उभयत्रापि भीतिदा

mṛto narakam abhyeti hīyate cātra cāyuṣaḥ | para-dāra-ratiḥ puṃsām ubhayatrāpi bhītidā

Sanskrit only: no published translation is held for this verse.

इति मत्वा स्व-दारेषु ऋतुमत्सु बुधो व्रजेत् । यथोक्त-दोष-हीनेषु सकामेष्व् अनृताव् अपि

iti matvā sva-dāreṣu ṛtumatsu budho vrajet | yathokta-doṣa-hīneṣu sakāmeṣv anṛtāv api

Sanskrit only: no published translation is held for this verse.

इति । तेषां भक्त्य्-उपयोगित्वं न स्याद् यद्यपि कर्मणाम् । तथापि कृत उल्लेखो गृहिष्व् आवश्यकं ततः

iti | teṣāṃ bhakty-upayogitvaṃ na syād yadyapi karmaṇām | tathāpi kṛta ullekho gṛhiṣv āvaśyakaṃ tataḥ

Sanskrit only: no published translation is held for this verse.

इत्थं हि प्रातरु त्थानात् प्रत्यहं शयनावधि । श्री-कृष्णं पूजयन् सिद्ध-सर्वार्थो ऽस्य प्रियो भवेत्

itthaṃ hi prātaru tthānāt pratyahaṃ śayanāvadhi | śrī-kṛṣṇaṃ pūjayan siddha-sarvārtho 'sya priyo bhavet

Sanskrit only: no published translation is held for this verse.

अथ श्री-भगवद्-अर्चन-माहात्म्यम् श्री-कूर्म-पुराणे- न विष्ण्व्-आराधनात् पुण्यं विद्यते कर्म वैदिकम् । तस्माद् अनादि-मध्यान्तं नित्यम् आराधयेद् धरिम्

atha śrī-bhagavad-arcana-māhātmyam śrī-kūrma-purāṇe- na viṣṇv-ārādhanāt puṇyaṃ vidyate karma vaidikam | tasmād anādi-madhyāntaṃ nityam ārādhayed dharim

Sanskrit only: no published translation is held for this verse.

तत्रैव भृग्व्-आदीन् प्रति साक्षात् श्री-भगवद्-उक्तौ- येऽर्चयिष्यन्ति मां भक्त्या नित्यं कलि-युगे द्विजाः । विधिना वेद-दृष्टेन ते गमिष्यन्ति तत्-पदम्

tatraiva bhṛgv-ādīn prati sākṣāt śrī-bhagavad-uktau- ye'rcayiṣyanti māṃ bhaktyā nityaṃ kali-yuge dvijāḥ | vidhinā veda-dṛṣṭena te gamiṣyanti tat-padam

Sanskrit only: no published translation is held for this verse.

विष्णु-रहस्ये- श्री-विष्णोर् अर्चनं ये तु प्रकुर्वन्ति नरा भुवि । ते यान्ति शाश्वतं विष्णोर् आनन्दं परमं पदम्

viṣṇu-rahasye- śrī-viṣṇor arcanaṃ ye tu prakurvanti narā bhuvi | te yānti śāśvataṃ viṣṇor ānandaṃ paramaṃ padam

Sanskrit only: no published translation is held for this verse.

इति । तत्रैव श्री-भगवद्-उक्तौ- न मे ध्यान-रताः सम्यग्-योगिनः परितुष्टये । तथा भवन्ति देवर्षे क्रिया-योग-रता यथा

iti | tatraiva śrī-bhagavad-uktau- na me dhyāna-ratāḥ samyag-yoginaḥ parituṣṭaye | tathā bhavanti devarṣe kriyā-yoga-ratā yathā

Sanskrit only: no published translation is held for this verse.

क्रिया-योगो हि मेऽभीष्टः पर-योगात् स्वनुष्ठितात् । तुष्टिर् मे सम्भवेत् पुम्भिर् भक्तिमद्भिर् अमत्सरैः

kriyā-yogo hi me'bhīṣṭaḥ para-yogāt svanuṣṭhitāt | tuṣṭir me sambhavet pumbhir bhaktimadbhir amatsaraiḥ

Sanskrit only: no published translation is held for this verse.

येऽर्चयन्ति नरा नित्यं क्रिया-योग-रताः स्वयम् । ध्यायन्ति ये च मां नित्यं तेषां श्रेष्ठाः क्रिया मताः

ye'rcayanti narā nityaṃ kriyā-yoga-ratāḥ svayam | dhyāyanti ye ca māṃ nityaṃ teṣāṃ śreṣṭhāḥ kriyā matāḥ

Sanskrit only: no published translation is held for this verse.

क्रिया-हीनस्य देवर्षे तथा ध्यानं न मुक्तिदम् । न तथा मां विदुर् विप्रा ध्यानिनस् तत्त्वतो विना । क्रिया-योग-रताः सम्यग् लभन्ते मां समाधिना

kriyā-hīnasya devarṣe tathā dhyānaṃ na muktidam | na tathā māṃ vidur viprā dhyāninas tattvato vinā | kriyā-yoga-ratāḥ samyag labhante māṃ samādhinā

Sanskrit only: no published translation is held for this verse.

यथा हि कामदं नॄणां मम तुष्टि-करं परम् । भक्तियोगं महापुण्यं भुक्ति-मुक्ति-प्रदं शुभम्

yathā hi kāmadaṃ nṝṇāṃ mama tuṣṭi-karaṃ param | bhaktiyogaṃ mahāpuṇyaṃ bhukti-mukti-pradaṃ śubham

Sanskrit only: no published translation is held for this verse.

संवत्सरेण यत् पुण्यं लभन्ते ध्यानिनो मम । प्राप्यन्ते तद् इहैकाहात् क्रिया-योग-परैर् नरैः

saṃvatsareṇa yat puṇyaṃ labhante dhyānino mama | prāpyante tad ihaikāhāt kriyā-yoga-parair naraiḥ

Sanskrit only: no published translation is held for this verse.

आदि-पुराणे- न कर्म-सदृशं ध्यानं न कर्म-सदृशं फलम् । न कर्म-सदृशस् त्यागो न कर्म-सदृशं तपः । न कर्म-सदृशं पुण्यं न कर्म-सदृशी गतिः

ādi-purāṇe- na karma-sadṛśaṃ dhyānaṃ na karma-sadṛśaṃ phalam | na karma-sadṛśas tyāgo na karma-sadṛśaṃ tapaḥ | na karma-sadṛśaṃ puṇyaṃ na karma-sadṛśī gatiḥ

Sanskrit only: no published translation is held for this verse.

नारदीये [नार्प् २।३।३-४] भक्ति-ग्राह्यो हृषीकेशो न धनैर् धरणी-धर । भक्त्या संपूजितो विष्णुः प्रददाति मनोरथम्

nāradīye [NārP 2.3.3-4] bhakti-grāhyo hṛṣīkeśo na dhanair dharaṇī-dhara | bhaktyā saṃpūjito viṣṇuḥ pradadāti manoratham

Sanskrit only: no published translation is held for this verse.

तस्माद् विप्राः सदा भक्तिः कर्तव्या चक्र-पाणिनः । जनेनापि जगन्नाथः पूजितः क्लेशहा भवेत्

tasmād viprāḥ sadā bhaktiḥ kartavyā cakra-pāṇinaḥ | janenāpi jagannāthaḥ pūjitaḥ kleśahā bhavet

Sanskrit only: no published translation is held for this verse.

हरि-भक्ति-सुधोदये -- कृतापि दम्भ-हास्यार्थे सेवा तारयते जनान् । विफला नान्य-कर्मेव कृपालुः को न्व् अतः परः

hari-bhakti-sudhodaye -- kṛtāpi dambha-hāsyārthe sevā tārayate janān | viphalā nānya-karmeva kṛpāluḥ ko nv ataḥ paraḥ

Sanskrit only: no published translation is held for this verse.

ब्रह्म-वैवर्ते -- स समाराधितो देवो मुक्ति-कृत् स्याद् यथा तथा । अनिच्छयापि हुत-भुक् संस्पृष्टो दहति द्विज

brahma-vaivarte -- sa samārādhito devo mukti-kṛt syād yathā tathā | anicchayāpi huta-bhuk saṃspṛṣṭo dahati dvija

Sanskrit only: no published translation is held for this verse.

धनवान् पुत्रवान् भोगी यशस्वी भय-वर्जितः । मेधावी मतिमान् प्राज्ञो भवत्य् आराधनाद् धरेः

dhanavān putravān bhogī yaśasvī bhaya-varjitaḥ | medhāvī matimān prājño bhavaty ārādhanād dhareḥ

Sanskrit only: no published translation is held for this verse.

स्कान्दे सनत्कुमार-मर्कण्डेय-संवादे - विशिष्टः सर्व-धर्माच् च धर्मो विष्ण्व्-अर्चनं नॄणाम् । सर्व-यज्ञ-तपो-होमस् तीर्थ-स्नानैश् च यत् फलम्

skānde sanatkumāra-markaṇḍeya-saṃvāde - viśiṣṭaḥ sarva-dharmāc ca dharmo viṣṇv-arcanaṃ nṝṇām | sarva-yajña-tapo-homas tīrtha-snānaiś ca yat phalam

Sanskrit only: no published translation is held for this verse.

तत् फलं कोटि-गुणितं विष्णुं सम्पूज्य चाप्नुयात् । तस्मात् सर्व-प्रयत्नेन नारायणम् इहार्चयेत्

tat phalaṃ koṭi-guṇitaṃ viṣṇuṃ sampūjya cāpnuyāt | tasmāt sarva-prayatnena nārāyaṇam ihārcayet

Sanskrit only: no published translation is held for this verse.

तत्रैव श्री-शिवोमा-संवादे -- यः प्रदद्यद् द्विजेन्द्रय सर्वं भुमिं स-सगरम् । अर्चयेद् यः सकृद् विष्णुं तत् फलं लभते नरः

tatraiva śrī-śivomā-saṃvāde -- yaḥ pradadyad dvijendraya sarvaṃ bhumiṃ sa-sagaram | arcayed yaḥ sakṛd viṣṇuṃ tat phalaṃ labhate naraḥ

Sanskrit only: no published translation is held for this verse.

मसर्धम् अपि यो विष्णुं नैरन्तर्येन पूजयेत् । पुरुषोत्तमः स विज्ञेयो विष्णु-भक्तो न संशयः

masardham api yo viṣṇuṃ nairantaryena pūjayet | puruṣottamaḥ sa vijñeyo viṣṇu-bhakto na saṃśayaḥ

Sanskrit only: no published translation is held for this verse.

मध्यन्दिन-गते सुर्ये यो विष्णुं परिपूजयेत् । वसु-पूर्ण-महि-दतुर् यत् पुन्यं तद् अवाप्नुयात्

madhyandina-gate surye yo viṣṇuṃ paripūjayet | vasu-pūrṇa-mahi-datur yat punyaṃ tad avāpnuyāt

Sanskrit only: no published translation is held for this verse.

प्रातर् उत्थय यो विष्णुं सततं परिपूजयेत् । अग्निस्तोम-सहस्रस्य लभते फलम् उत्तमम्

prātar utthaya yo viṣṇuṃ satataṃ paripūjayet | agnistoma-sahasrasya labhate phalam uttamam

Sanskrit only: no published translation is held for this verse.

यो विष्णुं प्रयतो भूत्वा सयंकले समर्चयेत् । गवं मेधस्य यज्ञस्य फलम् आप्नोति दुर्लभम्

yo viṣṇuṃ prayato bhūtvā sayaṃkale samarcayet | gavaṃ medhasya yajñasya phalam āpnoti durlabham

Sanskrit only: no published translation is held for this verse.

एवं सर्वासु वेलासु अवेलासु च केशवम् । सम्पूजयन् नरो भक्त्या सर्वान् कामान् अवाप्नुयात्

evaṃ sarvāsu velāsu avelāsu ca keśavam | sampūjayan naro bhaktyā sarvān kāmān avāpnuyāt

Sanskrit only: no published translation is held for this verse.

किं पुनर् यो ऽर्चयेन् नित्यं सर्व-देव-नमस्कृतम् । धन्यः सः कृत-कृत्यश् च विष्णु-लोकम् अवाप्नुयात्

kiṃ punar yo 'rcayen nityaṃ sarva-deva-namaskṛtam | dhanyaḥ saḥ kṛta-kṛtyaś ca viṣṇu-lokam avāpnuyāt

Sanskrit only: no published translation is held for this verse.

किं च -- दीक्षा-मात्रेण कृष्णस्य नरा मोक्षं लभन्ति वै । किं पुनर् ये सदा भक्त्या पूजयन्त्य् अच्युतं नरः

kiṃ ca -- dīkṣā-mātreṇa kṛṣṇasya narā mokṣaṃ labhanti vai | kiṃ punar ye sadā bhaktyā pūjayanty acyutaṃ naraḥ

Sanskrit only: no published translation is held for this verse.

तत्रैव श्री-ब्रह्म-नरद-संवादे संसारेऽस्मिन् महा-घोरे जन्म-मृत्यु-भयाकुले । पूजनं वासुदेवस्य तारकं वादिभिः स्म्र्तम्

tatraiva śrī-brahma-narada-saṃvāde saṃsāre'smin mahā-ghore janma-mṛtyu-bhayākule | pūjanaṃ vāsudevasya tārakaṃ vādibhiḥ smrtam

Sanskrit only: no published translation is held for this verse.

स नाम सुकृति लोके कुलं तेन ह्य् अलङ्कृतम् । आधारः सर्व-भूतानां येन विष्णुः प्रसदितः

sa nāma sukṛti loke kulaṃ tena hy alaṅkṛtam | ādhāraḥ sarva-bhūtānāṃ yena viṣṇuḥ prasaditaḥ

Sanskrit only: no published translation is held for this verse.

यज्ञानां तपसां चैव शुभानाम् अपि कर्मणाम् । तद् विशिष्ट-फलं नॄणां सदैवाराधनं हरेः

yajñānāṃ tapasāṃ caiva śubhānām api karmaṇām | tad viśiṣṭa-phalaṃ nṝṇāṃ sadaivārādhanaṃ hareḥ

Sanskrit only: no published translation is held for this verse.

कलौ कलि-मलाक्रान्ता न जानन्ति हरिं परम् । येऽर्चयन्ति तम् ईशानं कृत-कृत्यस् त एव हि । नास्ति श्रेयोत्तमं नॄणां विष्णोर् आराधनत् परम्

kalau kali-malākrāntā na jānanti hariṃ param | ye'rcayanti tam īśānaṃ kṛta-kṛtyas ta eva hi | nāsti śreyottamaṃ nṝṇāṃ viṣṇor ārādhanat param

Sanskrit only: no published translation is held for this verse.

युगेऽस्मिन् तमसे तस्मात् सततं हरिम् अर्चयेत् । अर्चिते देव-देवेसे शङ्ख-चक्र-गदा-धरे

yuge'smin tamase tasmāt satataṃ harim arcayet | arcite deva-devese śaṅkha-cakra-gadā-dhare

Sanskrit only: no published translation is held for this verse.

अर्चितः सर्व-देवाः स्युर् यतः सर्व-गतो हरिः । अर्चिते सर्व-लोकेशे सुरासुर-नमस्कृते । केशवे केशि-कंस-घ्ने न याति नरकं नरः

arcitaḥ sarva-devāḥ syur yataḥ sarva-gato hariḥ | arcite sarva-lokeśe surāsura-namaskṛte | keśave keśi-kaṃsa-ghne na yāti narakaṃ naraḥ

Sanskrit only: no published translation is held for this verse.

सकृद् अभ्यर्चितो येन हेलयापि नमस्कृतः । स याति परमं स्थानं यत् सुरैर् अपि पूजितम्

sakṛd abhyarcito yena helayāpi namaskṛtaḥ | sa yāti paramaṃ sthānaṃ yat surair api pūjitam

Sanskrit only: no published translation is held for this verse.

समस्त-लोक-नाथस्य देव-देवस्य शार्ङ्गिणः । साक्षाद् भगवतो नित्यं पूजनं जन्मनः फलम्

samasta-loka-nāthasya deva-devasya śārṅgiṇaḥ | sākṣād bhagavato nityaṃ pūjanaṃ janmanaḥ phalam

Sanskrit only: no published translation is held for this verse.

तत्रैवग्रे --- असारे खलु संसारे सारम् एतन् निरूपितम् । समस्त-लोक-नाथस्य श्रद्धयाराधनं हरेः

tatraivagre --- asāre khalu saṃsāre sāram etan nirūpitam | samasta-loka-nāthasya śraddhayārādhanaṃ hareḥ

Sanskrit only: no published translation is held for this verse.

किं च -- यत्र विष्णु-कथा नित्यं यत्र तिष्ठन्ति वैष्णवाः । कलि-बाह्या नरास् ते वै येऽर्चयन्ति सदा हरिम्

kiṃ ca -- yatra viṣṇu-kathā nityaṃ yatra tiṣṭhanti vaiṣṇavāḥ | kali-bāhyā narās te vai ye'rcayanti sadā harim

Sanskrit only: no published translation is held for this verse.

काशी-खण्डे हरेर् आराधनं पुंसां किं किं न कुरुते बत । पुत्र-मित्र-कलत्रार्थं राज्य-स्वर्गापवर्ग-दम्

kāśī-khaṇḍe harer ārādhanaṃ puṃsāṃ kiṃ kiṃ na kurute bata | putra-mitra-kalatrārthaṃ rājya-svargāpavarga-dam

Sanskrit only: no published translation is held for this verse.

हरत्य् अघं ध्वम्सयति व्याधीन् आधीन् निरस्यति । धर्मं विवर्धयेत् क्षिप्रं प्रयच्छन्ति मनो-रथम्

haraty aghaṃ dhvamsayati vyādhīn ādhīn nirasyati | dharmaṃ vivardhayet kṣipraṃ prayacchanti mano-ratham

Sanskrit only: no published translation is held for this verse.

अत एव स्कान्दे ध्रुवं प्रति मर्कण्डेयस्य वचनं --- सकृद् अभ्यर्चितो येन देव-देवो जनार्दनः । स प्राप्नोति परं स्थानं सत्यम् एतन् मयोदितम्

ata eva skānde dhruvaṃ prati markaṇḍeyasya vacanaṃ --- sakṛd abhyarcito yena deva-devo janārdanaḥ | sa prāpnoti paraṃ sthānaṃ satyam etan mayoditam

Sanskrit only: no published translation is held for this verse.

तथाङ्गीरसः - यस्यान्तः सर्वम् एवेदं यस्य नान्तो महात्मनः । तम् आराधय गोविन्दं स्थानम् आग्र्यं यद् इच्छसि

tathāṅgīrasaḥ - yasyāntaḥ sarvam evedaṃ yasya nānto mahātmanaḥ | tam ārādhaya govindaṃ sthānam āgryaṃ yad icchasi

Sanskrit only: no published translation is held for this verse.

पुलस्तस्य - परं ब्रह्म परं धाम यो ऽसौ सस्वत-पूरुषः । तम् आराध्य हरिं याति मुक्तिम् अप्य् अति-दुर्लभम्

pulastasya - paraṃ brahma paraṃ dhāma yo 'sau sasvata-pūruṣaḥ | tam ārādhya hariṃ yāti muktim apy ati-durlabham

Sanskrit only: no published translation is held for this verse.

पुलहस्य - ऐन्द्रम् इन्द्रः परं स्थानं यम् आराध्य जगत्-पतिम् । प्राप यज्ञ-पतिं विष्णुं तम् आराधय सु-व्रत

pulahasya - aindram indraḥ paraṃ sthānaṃ yam ārādhya jagat-patim | prāpa yajña-patiṃ viṣṇuṃ tam ārādhaya su-vrata

Sanskrit only: no published translation is held for this verse.

वसिष्ठस्य - प्राप्नोत्य् आराधिते विष्णौ मनसा यद् यद् इच्छति । त्रैलोक्यान्तर्-गतं स्थानं किम् उ सर्वोत्तमोत्तमम्

vasiṣṭhasya - prāpnoty ārādhite viṣṇau manasā yad yad icchati | trailokyāntar-gataṃ sthānaṃ kim u sarvottamottamam

Sanskrit only: no published translation is held for this verse.

यन् यन् कामयते कामान् नारी वा पुरुषो ऽपि वा । तन् समाप्नोति विपुलान् समाराध्य जनार्दनम्

yan yan kāmayate kāmān nārī vā puruṣo 'pi vā | tan samāpnoti vipulān samārādhya janārdanam

Sanskrit only: no published translation is held for this verse.

अगस्त्य-संहितायां -- आराध्यैव नरो विष्णुं मनसा यद् यद् इच्छति । फलं प्राप्नोत्य् अविहतं भूरि स्वल्पम् अथापि वा

agastya-saṃhitāyāṃ -- ārādhyaiva naro viṣṇuṃ manasā yad yad icchati | phalaṃ prāpnoty avihataṃ bhūri svalpam athāpi vā

Sanskrit only: no published translation is held for this verse.

इद्र्सं विष्णु-पुरनेऽपि किंचिद् अधिकं चेदं, श्री-मरीचेः अनाराधित-गोविन्दैर् नरैर् स्थानं नृपात्मज । न हि सम्प्राप्यते श्रेष्ठं तस्माद् आराधयाच्युतम्

idrsaṃ viṣṇu-purane'pi kiṃcid adhikaṃ cedaṃ, śrī-marīceḥ anārādhita-govindair narair sthānaṃ nṛpātmaja | na hi samprāpyate śreṣṭhaṃ tasmād ārādhayācyutam

Sanskrit only: no published translation is held for this verse.

किं च तत्रैव- भौमान् मनोरथान् स्वर्गं स्वर्ग-वन्द्यं तथास्पदम् । प्राप्नोत्य् आराधिते विष्णौ निर्वाणम् अपि चोत्तमम्

kiṃ ca tatraiva- bhaumān manorathān svargaṃ svarga-vandyaṃ tathāspadam | prāpnoty ārādhite viṣṇau nirvāṇam api cottamam

Sanskrit only: no published translation is held for this verse.

तथा ब्रह्म-वैवर्ते- यत्-पादोदकम् आधाय शिवः शिरसि नृत्यति । यन्-नाभि-नलिनाद् आसीद् ब्रह्मा लोक-पितामहः

tathā brahma-vaivarte- yat-pādodakam ādhāya śivaḥ śirasi nṛtyati | yan-nābhi-nalinād āsīd brahmā loka-pitāmahaḥ

Sanskrit only: no published translation is held for this verse.

यद्-इच्छा-शक्ति-विक्षोभाद् ब्रह्मण्डोद्भव-सङ्क्षयौ । तम् आराधय गोविन्दं स्थानम् अग्र्यं यदीच्छसि

yad-icchā-śakti-vikṣobhād brahmaṇḍodbhava-saṅkṣayau | tam ārādhaya govindaṃ sthānam agryaṃ yadīcchasi

Sanskrit only: no published translation is held for this verse.

नारसिंहे मर्कण्डेय-सहस्रनिक-संवादे- यस् तु सम्पूजयेन् नित्यं नरसिंह नरेश्वर । स स्वर्ग-मोक्ष-भागी स्यान् नात्र कार्या विचारणा

nārasiṃhe markaṇḍeya-sahasranika-saṃvāde- yas tu sampūjayen nityaṃ narasiṃha nareśvara | sa svarga-mokṣa-bhāgī syān nātra kāryā vicāraṇā

Sanskrit only: no published translation is held for this verse.

तस्माद् एक-मना भूत्वा यावज्-जीवं प्रतिज्ञया । अर्चनान् नरसिंहस्य सम्प्राप्नोत्य् अभिवाञ्छितम्

tasmād eka-manā bhūtvā yāvaj-jīvaṃ pratijñayā | arcanān narasiṃhasya samprāpnoty abhivāñchitam

Sanskrit only: no published translation is held for this verse.

तत्रैव श्री-व्यास-शुक-संवादे श्री-मार्कण्डेय-मृत्युञ्जय-संवादानन्तरं- नरके पच्यमानस् तु यमेन परिभाषितः । किं त्वया नार्चितो देवः केशवः क्लेश-नाशनः

tatraiva śrī-vyāsa-śuka-saṃvāde śrī-mārkaṇḍeya-mṛtyuñjaya-saṃvādānantaraṃ- narake pacyamānas tu yamena paribhāṣitaḥ | kiṃ tvayā nārcito devaḥ keśavaḥ kleśa-nāśanaḥ

Sanskrit only: no published translation is held for this verse.

उदकेनाप्य् अलाभे तु द्रव्याणां पूजितः प्रभुः । यो ददाति स्वकं लोकं स त्वया किं न पूजितः

udakenāpy alābhe tu dravyāṇāṃ pūjitaḥ prabhuḥ | yo dadāti svakaṃ lokaṃ sa tvayā kiṃ na pūjitaḥ

Sanskrit only: no published translation is held for this verse.

नरसिंहो हृषीकेशः पुण्डरीक-निभेक्षणः । स्मरनान् मुक्ति-दो नृणां स त्वया किं न पूजितः

narasiṃho hṛṣīkeśaḥ puṇḍarīka-nibhekṣaṇaḥ | smaranān mukti-do nṛṇāṃ sa tvayā kiṃ na pūjitaḥ

Sanskrit only: no published translation is held for this verse.

बृहन्-नारदीयेऽदिति-माहात्म्ये श्री-सूतोक्तौ- यत्र पूजा-परो विष्णोस् तत्र विघ्नो न बाधते । राजा च तस्करश् चापि व्याधयश् च न सन्ति हि

bṛhan-nāradīye'diti-māhātmye śrī-sūtoktau- yatra pūjā-paro viṣṇos tatra vighno na bādhate | rājā ca taskaraś cāpi vyādhayaś ca na santi hi

Sanskrit only: no published translation is held for this verse.

प्रेताः पिशाचाः कुष्माण्डा ग्रहा बालग्रहास् तथा । डाकिन्यो राक्षसाश् चैव न बाधन्तेऽच्युतर्चकम्

pretāḥ piśācāḥ kuṣmāṇḍā grahā bālagrahās tathā | ḍākinyo rākṣasāś caiva na bādhante'cyutarcakam

Sanskrit only: no published translation is held for this verse.

तत्रैव यम-भगीरथ-संवादे- पत्रैः पुष्पैः फलैर् वार्च्य पूजा-रहितम् अच्युतम् । स याति विष्णु-सालोक्यं कुल-सप्तति-संयुतः

tatraiva yama-bhagīratha-saṃvāde- patraiḥ puṣpaiḥ phalair vārcya pūjā-rahitam acyutam | sa yāti viṣṇu-sālokyaṃ kula-saptati-saṃyutaḥ

Sanskrit only: no published translation is held for this verse.

तत्रैव ध्वजारोपण-माहात्म्ये श्री-विष्णु-दूतानाम् उक्तौ- उत्क्रान्ति-काले यन्-नाम श्रुतवन्तो ऽपि वै सकृत् । लभन्ते परमं स्थानं किम् उ शुश्रूषणे रतः

tatraiva dhvajāropaṇa-māhātmye śrī-viṣṇu-dūtānām uktau- utkrānti-kāle yan-nāma śrutavanto 'pi vai sakṛt | labhante paramaṃ sthānaṃ kim u śuśrūṣaṇe rataḥ

Sanskrit only: no published translation is held for this verse.

मुहूर्तं वा मुहूर्तार्धं यस् तिष्ठेद् धरि-मन्दिरे । स याति परमं स्थानं किम् उ शुश्रूषणे रतः

muhūrtaṃ vā muhūrtārdhaṃ yas tiṣṭhed dhari-mandire | sa yāti paramaṃ sthānaṃ kim u śuśrūṣaṇe rataḥ

Sanskrit only: no published translation is held for this verse.

तत्रैव विभाण्डक-मुनेः सुमति-नृपं प्रति -- अवशेनापि यत् कर्म कृतं तु सु-महत् फलम् । ददाति नॄणां राजेन्द्र किं पुनः सम्यग्-अर्चना

tatraiva vibhāṇḍaka-muneḥ sumati-nṛpaṃ prati -- avaśenāpi yat karma kṛtaṃ tu su-mahat phalam | dadāti nṝṇāṃ rājendra kiṃ punaḥ samyag-arcanā

Sanskrit only: no published translation is held for this verse.

प्रायश्चित्त-प्रकारणान्ते --- सम्पर्काद् यदि वा मोहाद् यस् तु पूजयते हरिम् । सर्व-पाप-विनिर्मुक्तः स याति परमं पदम्

prāyaścitta-prakāraṇānte --- samparkād yadi vā mohād yas tu pūjayate harim | sarva-pāpa-vinirmuktaḥ sa yāti paramaṃ padam

Sanskrit only: no published translation is held for this verse.

सर्वान्तराया नश्यन्ति मनः-सुद्धिश् च जायते । परं मोक्षं लभेच् चैव पूज्यमाने जनार्दने

sarvāntarāyā naśyanti manaḥ-suddhiś ca jāyate | paraṃ mokṣaṃ labhec caiva pūjyamāne janārdane

Sanskrit only: no published translation is held for this verse.

धर्मार्थ-काम-मोक्षाख्या पुरुषार्थाः सनातनाः । हरि-पूजा-पराणां तु सिध्यन्ते नात्र संशयः

dharmārtha-kāma-mokṣākhyā puruṣārthāḥ sanātanāḥ | hari-pūjā-parāṇāṃ tu sidhyante nātra saṃśayaḥ

Sanskrit only: no published translation is held for this verse.

सर्व-तीर्थानि यज्ञाश् च साङ्गा वेदाश् च सत्तमाः । नारायणर्चनस्यैते कालं नर्हन्ति सोदसिम्

sarva-tīrthāni yajñāś ca sāṅgā vedāś ca sattamāḥ | nārāyaṇarcanasyaite kālaṃ narhanti sodasim

Sanskrit only: no published translation is held for this verse.

श्री-विष्णु-तोष-विधि-प्रश्नोत्तरे- सत्यं वच्मि हितं वच्मि सारं वच्मि पुनः पुनः । असारोदग्र-संसारे सारं यद् विष्णु-पूजनम्

śrī-viṣṇu-toṣa-vidhi-praśnottare- satyaṃ vacmi hitaṃ vacmi sāraṃ vacmi punaḥ punaḥ | asārodagra-saṃsāre sāraṃ yad viṣṇu-pūjanam

Sanskrit only: no published translation is held for this verse.

उपलेपन-माहात्म्यन्ते- अकामाद् अपि ये विष्णोः सकृत् पूजां प्रकुर्वते न तेषाम् । भव-बन्धस् तु कदाचिद् अपि जायते

upalepana-māhātmyante- akāmād api ye viṣṇoḥ sakṛt pūjāṃ prakurvate na teṣām | bhava-bandhas tu kadācid api jāyate

Sanskrit only: no published translation is held for this verse.