Gopalabhatta: Haribhaktivilasa 2

वरुणः पवनश् चैव धनाध्यक्षस् तथा शिवः । ब्रह्मणा सहिता ह्य् एते दिक्-पालाः पान्तु वः सदा

varuṇaḥ pavanaś caiva dhanādhyakṣas tathā śivaḥ | brahmaṇā sahitā hy ete dik-pālāḥ pāntu vaḥ sadā

Sanskrit only: no published translation is held for this verse.

कीर्तिर् लक्ष्मीर् धृतिर् मेधा पुष्टिः श्रद्धा क्रिया गतिः । बुद्धिर् लज्जा वपुः शान्तिर् माया निद्रा च भावना

kīrtir lakṣmīr dhṛtir medhā puṣṭiḥ śraddhā kriyā gatiḥ | buddhir lajjā vapuḥ śāntir māyā nidrā ca bhāvanā

Sanskrit only: no published translation is held for this verse.

एतास् त्वाम् अभिषिञ्चन्तु राहुः केतुश् च पूजिताः । देव-दानव-गन्धर्वा यक्ष-राक्षस-पन्नगाः

etās tvām abhiṣiñcantu rāhuḥ ketuś ca pūjitāḥ | deva-dānava-gandharvā yakṣa-rākṣasa-pannagāḥ

Sanskrit only: no published translation is held for this verse.

ऋषयो मुनयो गावो देव-मातर एव च । देव-पत्न्यो ध्रुवा नागा दैत्या अप्सरसां गणाः

ṛṣayo munayo gāvo deva-mātara eva ca | deva-patnyo dhruvā nāgā daityā apsarasāṃ gaṇāḥ

Sanskrit only: no published translation is held for this verse.

अस्त्राणि सर्व-शस्त्राणि राजानो वाहनानि च । औषधानि च रत्नानि कालस्यावयवाश् च ये

astrāṇi sarva-śastrāṇi rājāno vāhanāni ca | auṣadhāni ca ratnāni kālasyāvayavāś ca ye

Sanskrit only: no published translation is held for this verse.

सरितः सागराः शैलास् तीर्थानि जलदा नदाः । एते त्वाम् अभिषिञ्चन्तु धर्म-कामार्थ-सिद्धये

saritaḥ sāgarāḥ śailās tīrthāni jaladā nadāḥ | ete tvām abhiṣiñcantu dharma-kāmārtha-siddhaye

Sanskrit only: no published translation is held for this verse.

अथ मन्त्र-कथन-विधिः परिधायांशुके शिष्य आचान्तो याग-मण्डपे । गत्वा भक्त्या गुरुं नत्वा गुरोर् आसीत दक्षिणे

atha mantra-kathana-vidhiḥ paridhāyāṃśuke śiṣya ācānto yāga-maṇḍape | gatvā bhaktyā guruṃ natvā guror āsīta dakṣiṇe

Sanskrit only: no published translation is held for this verse.

गुरुः समर्प्य गन्धादीन् पुरुषाहार-संमितम् । निवेद्य पायसं कृष्णे कुर्यात् पुष्पाञ्जलिं ततः

guruḥ samarpya gandhādīn puruṣāhāra-saṃmitam | nivedya pāyasaṃ kṛṣṇe kuryāt puṣpāñjaliṃ tataḥ

Sanskrit only: no published translation is held for this verse.

साम्प्रदायिक-मुद्रादि-भूषितं तं कृताञ्जलिम् । पञ्चाङ्ग-प्रमुखैर् न्यासैः कुर्यात् श्री-कृष्ण-साच्-छिशुम्

sāmpradāyika-mudrādi-bhūṣitaṃ taṃ kṛtāñjalim | pañcāṅga-pramukhair nyāsaiḥ kuryāt śrī-kṛṣṇa-sāc-chiśum

Sanskrit only: no published translation is held for this verse.

न्यस्य पाणि-तलं मूर्ध्नि तस्य कर्णे च दक्षिणे । ऋष्य्-आदि-युक्तं विधवन् मन्त्रं वार-त्रयं वदेत्

nyasya pāṇi-talaṃ mūrdhni tasya karṇe ca dakṣiṇe | ṛṣy-ādi-yuktaṃ vidhavan mantraṃ vāra-trayaṃ vadet

Sanskrit only: no published translation is held for this verse.

दीर्घ-मन्त्रं च शिष्यस्य यावद् आग्रहणं पठेत् । गुरु-दैवत-मन्त्रैक्यं शिष्यस् तं भावयन् पठेत्

dīrgha-mantraṃ ca śiṣyasya yāvad āgrahaṇaṃ paṭhet | guru-daivata-mantraikyaṃ śiṣyas taṃ bhāvayan paṭhet

Sanskrit only: no published translation is held for this verse.

साक्षतं गुरुर् आदाय वारि शिष्यस्य दक्षिणे । करेऽर्पयेद् वदन् मन्त्रो ऽयं समो ऽस्त्व् आवयोर् इति

sākṣataṃ gurur ādāya vāri śiṣyasya dakṣiṇe | kare'rpayed vadan mantro 'yaṃ samo 'stv āvayor iti

Sanskrit only: no published translation is held for this verse.

स्वस्माज् ज्योतिर्मयीं विद्यां गच्छन्तीं भावयेद् गुरुः । आगतां भावयेच् छिष्यो धन्यो ऽस्मीति विशेषतः

svasmāj jyotirmayīṃ vidyāṃ gacchantīṃ bhāvayed guruḥ | āgatāṃ bhāvayec chiṣyo dhanyo 'smīti viśeṣataḥ

Sanskrit only: no published translation is held for this verse.

महा-प्रसादं शिष्याय दत्त्वा तत्-पायसं गुरुः । निदध्याद् अक्षतान् मूर्ध्नि तस्य यच्छन् शुभाशिषम्

mahā-prasādaṃ śiṣyāya dattvā tat-pāyasaṃ guruḥ | nidadhyād akṣatān mūrdhni tasya yacchan śubhāśiṣam

Sanskrit only: no published translation is held for this verse.

गुरुणा कृपया दत्तं शिष्यश् चावाप्य तं मनुम् । अष्टोत्तर-शतं जप्त्वा समयान् शृणुयात् ततः

guruṇā kṛpayā dattaṃ śiṣyaś cāvāpya taṃ manum | aṣṭottara-śataṃ japtvā samayān śṛṇuyāt tataḥ

Sanskrit only: no published translation is held for this verse.

अथ समयाः श्री-नारद-पञ्चरात्रे- स्व-मन्त्रो नोपदेष्टव्यो वक्तव्यश् च न संसदि । गोपनीयं तथा शास्त्रं रक्षणीयं शरीरवत्

atha samayāḥ śrī-nārada-pañcarātre- sva-mantro nopadeṣṭavyo vaktavyaś ca na saṃsadi | gopanīyaṃ tathā śāstraṃ rakṣaṇīyaṃ śarīravat

Sanskrit only: no published translation is held for this verse.

वैष्णवानां परा भक्तिर् आचार्याणां विशेषतः । पूजनं च यथा-शक्ति तान् आपन्नांश् च पालयेत्

vaiṣṇavānāṃ parā bhaktir ācāryāṇāṃ viśeṣataḥ | pūjanaṃ ca yathā-śakti tān āpannāṃś ca pālayet

Sanskrit only: no published translation is held for this verse.

प्राप्तम् आयतनाद् विष्णोः शिरसां प्रणतो वहेत् । निक्षिपेद् अम्भसि ततो न पतेद् अवनौ यथा

prāptam āyatanād viṣṇoḥ śirasāṃ praṇato vahet | nikṣiped ambhasi tato na pated avanau yathā

Sanskrit only: no published translation is held for this verse.

सोम-सूर्यान्तरस्थं च गवाश्वत्थाग्नि-मध्यगम् । भावयेद् दैवतं विष्णुं गुरु-विप्र-शरीरगम्

soma-sūryāntarasthaṃ ca gavāśvatthāgni-madhyagam | bhāvayed daivataṃ viṣṇuṃ guru-vipra-śarīragam

Sanskrit only: no published translation is held for this verse.

यत्र यत्र परिवादो मात्सर्याच् छ्रूयते गुरोः । तत्र तत्र न वस्तव्यं निर्यायात् संस्मरन् हरिम्

yatra yatra parivādo mātsaryāc chrūyate guroḥ | tatra tatra na vastavyaṃ niryāyāt saṃsmaran harim

Sanskrit only: no published translation is held for this verse.

यैः कृता च गुरोर् निन्दा विभोः शास्त्रस्य नारद । नापि तैः सह वस्तव्यं वक्तव्यं वा कथञ्चन

yaiḥ kṛtā ca guror nindā vibhoḥ śāstrasya nārada | nāpi taiḥ saha vastavyaṃ vaktavyaṃ vā kathañcana

Sanskrit only: no published translation is held for this verse.

प्रदक्षिणे प्रयाणे च प्रदाने च विशेषतः । प्रभाते च प्रवासे च स्व-मन्त्रं बहुशः स्मरेत्

pradakṣiṇe prayāṇe ca pradāne ca viśeṣataḥ | prabhāte ca pravāse ca sva-mantraṃ bahuśaḥ smaret

Sanskrit only: no published translation is held for this verse.

स्वप्ने वाक्षि-समक्षं वा आश्चर्यम् अतिहर्षदम् । अकस्माद् यदि जायेत न ख्यातव्यं गुरोर् विना

svapne vākṣi-samakṣaṃ vā āścaryam atiharṣadam | akasmād yadi jāyeta na khyātavyaṃ guror vinā

Sanskrit only: no published translation is held for this verse.

पञ्चरात्रान्तरे- समयांश् च प्रवक्ष्यामि संक्षेपात् पञ्चरात्रकात् । न भक्षयेन् मत्स्य-मांसं कूर्म-शूकरकांस् तथा

pañcarātrāntare- samayāṃś ca pravakṣyāmi saṃkṣepāt pañcarātrakāt | na bhakṣayen matsya-māṃsaṃ kūrma-śūkarakāṃs tathā

Sanskrit only: no published translation is held for this verse.

कांस्य-पात्रे न भुञ्जीत न प्लक्ष-बट-पत्रयोः । देवागारे न निष्ठीवेत् क्षुतं चात्र विवर्जयेत् । न सोपानत्क-चरणः प्रविशेद् अन्तरं क्वचित्

kāṃsya-pātre na bhuñjīta na plakṣa-baṭa-patrayoḥ | devāgāre na niṣṭhīvet kṣutaṃ cātra vivarjayet | na sopānatka-caraṇaḥ praviśed antaraṃ kvacit

Sanskrit only: no published translation is held for this verse.

एकादश्यां न चाश्नीयात् पक्षयोर् उभयोर् अपि । जागरं निशि कुर्वीत विशेषाच् चार्चयेद् विभुम्

ekādaśyāṃ na cāśnīyāt pakṣayor ubhayor api | jāgaraṃ niśi kurvīta viśeṣāc cārcayed vibhum

Sanskrit only: no published translation is held for this verse.

सम्मोहन-तन्त्रे च- गोपयेद् देवताम् इष्टां गोपयेद् गुरुम् आत्मनः । गोपयेच् च निजं मन्त्रं गोपयेन् निज-मालिकाम्

sammohana-tantre ca- gopayed devatām iṣṭāṃ gopayed gurum ātmanaḥ | gopayec ca nijaṃ mantraṃ gopayen nija-mālikām

Sanskrit only: no published translation is held for this verse.

। इति । चतुर्-युक्-शत-सङ्ख्येषु प्राग् गुरोः समयेषु च । शिष्येणाङ्गीकृतेष्व् एव दीक्षा कैश्चन मन्यते

| iti | catur-yuk-śata-saṅkhyeṣu prāg guroḥ samayeṣu ca | śiṣyeṇāṅgīkṛteṣv eva dīkṣā kaiścana manyate

Sanskrit only: no published translation is held for this verse.

तथा च विष्णु-यामले- गुरुः परीक्षयेच् छिष्यं संवत्सरम् अतन्द्रितः । नियमान् विहितान् वर्ज्यान् श्रावयेच् च चतुःशतम्

tathā ca viṣṇu-yāmale- guruḥ parīkṣayec chiṣyaṃ saṃvatsaram atandritaḥ | niyamān vihitān varjyān śrāvayec ca catuḥśatam

Sanskrit only: no published translation is held for this verse.

ब्राह्मे मुहूर्त उत्थानं महा-विष्णोः प्रबोधनम् । नीराजनं च वाद्येन प्रातः-स्नानं विधानतः

brāhme muhūrta utthānaṃ mahā-viṣṇoḥ prabodhanam | nīrājanaṃ ca vādyena prātaḥ-snānaṃ vidhānataḥ

Sanskrit only: no published translation is held for this verse.

विशुद्धाहत-युग् वस्त्र-धारणं देवतार्चनम् । गोपी-चन्दन-मृत्स्नायाः सर्वदा चोर्द्ध्व-पुण्ड्रकम्

viśuddhāhata-yug vastra-dhāraṇaṃ devatārcanam | gopī-candana-mṛtsnāyāḥ sarvadā corddhva-puṇḍrakam

Sanskrit only: no published translation is held for this verse.

पञ्चायुधानां विधृतिश् चरणामृत-सेवनम् । तुलसी-मणि-मालादि-भूषा-धारणम् अन्वहम्

pañcāyudhānāṃ vidhṛtiś caraṇāmṛta-sevanam | tulasī-maṇi-mālādi-bhūṣā-dhāraṇam anvaham

Sanskrit only: no published translation is held for this verse.

शालग्राम-शिला-पूजा प्रतिमासु च भक्तितः । निर्माल्य-तुलसी-भक्षस् तुलस्य-वचयो विधेः

śālagrāma-śilā-pūjā pratimāsu ca bhaktitaḥ | nirmālya-tulasī-bhakṣas tulasya-vacayo vidheḥ

Sanskrit only: no published translation is held for this verse.

विधिना तान्त्रिकी सन्ध्या शिखा-बन्धो हि कर्मणि । विष्णु-पादोदकेनैव पितॄणां तर्पण-क्रिया । महाराजोपचारैश् च शक्त्यां सम्पूजनं हरेः

vidhinā tāntrikī sandhyā śikhā-bandho hi karmaṇi | viṣṇu-pādodakenaiva pitṝṇāṃ tarpaṇa-kriyā | mahārājopacāraiś ca śaktyāṃ sampūjanaṃ hareḥ

Sanskrit only: no published translation is held for this verse.

विष्णु-भक्त्य्-अविरोधेन नित्य-नैमित्तिकी क्रिया । भूत-शुद्ध्य्-आदि-करणं न्यासाः सर्वे यथा-विधि

viṣṇu-bhakty-avirodhena nitya-naimittikī kriyā | bhūta-śuddhy-ādi-karaṇaṃ nyāsāḥ sarve yathā-vidhi

Sanskrit only: no published translation is held for this verse.

नवीन-फल-पुष्पादेर् भक्तितः संनिवेदनम् । तुलसी-पूजनं नित्यं श्री-भागवत-पूजनम्

navīna-phala-puṣpāder bhaktitaḥ saṃnivedanam | tulasī-pūjanaṃ nityaṃ śrī-bhāgavata-pūjanam

Sanskrit only: no published translation is held for this verse.

त्रि-कालं विष्णु-पूजा च पुराण-श्रुतिर् अन्वहम् । विष्णोर् निवेदितानां वै वस्त्रादीनां च धारणम्

tri-kālaṃ viṣṇu-pūjā ca purāṇa-śrutir anvaham | viṣṇor niveditānāṃ vai vastrādīnāṃ ca dhāraṇam

Sanskrit only: no published translation is held for this verse.

सर्वेषां पुण्य-कार्याणां स्वामि-दृष्ट्या प्रवर्तनम् । गुर्व्-आज्ञा-ग्रहणं तत्र विश्वासो गुरुणोदिते

sarveṣāṃ puṇya-kāryāṇāṃ svāmi-dṛṣṭyā pravartanam | gurv-ājñā-grahaṇaṃ tatra viśvāso guruṇodite

Sanskrit only: no published translation is held for this verse.

यथा-स्व-मुद्रा-रचनं गीत-नृत्यादि भक्तितः । शङ्खादि-ध्वनि-माङ्गल्य-लीलाद्य्-अभिनयो हरेः । नित्य-होम-विधानं च बलि-दानं यथा-विधि

yathā-sva-mudrā-racanaṃ gīta-nṛtyādi bhaktitaḥ | śaṅkhādi-dhvani-māṅgalya-līlādy-abhinayo hareḥ | nitya-homa-vidhānaṃ ca bali-dānaṃ yathā-vidhi

Sanskrit only: no published translation is held for this verse.

साधूनां स्वागतं पूजा शेष-नैवेद्य-भोजनम् । ताम्बूल-शेष-ग्रहणं वैष्णवैः सह सङ्गमः

sādhūnāṃ svāgataṃ pūjā śeṣa-naivedya-bhojanam | tāmbūla-śeṣa-grahaṇaṃ vaiṣṇavaiḥ saha saṅgamaḥ

Sanskrit only: no published translation is held for this verse.

विशिष्ट-धर्म-जिज्ञासा दशम्यादि-दिन-त्रये । व्रते नियमतः स्वास्थ्यं सन्तोषो येन केन वै

viśiṣṭa-dharma-jijñāsā daśamyādi-dina-traye | vrate niyamataḥ svāsthyaṃ santoṣo yena kena vai

Sanskrit only: no published translation is held for this verse.

पर्वयात्रादि-करणं वासराष्टक-सद्-विधिः । विष्णोः सर्वर्तु-चर्या च महाराजोपचारतः

parvayātrādi-karaṇaṃ vāsarāṣṭaka-sad-vidhiḥ | viṣṇoḥ sarvartu-caryā ca mahārājopacārataḥ

Sanskrit only: no published translation is held for this verse.

सर्वेषां वैष्णवानां च व्रतानां परिपालनम् । गुराव् ईश्वर-भावश् च तुलसी-सङ्ग्रहः सदा

sarveṣāṃ vaiṣṇavānāṃ ca vratānāṃ paripālanam | gurāv īśvara-bhāvaś ca tulasī-saṅgrahaḥ sadā

Sanskrit only: no published translation is held for this verse.

शयनाद्य्-उपचारश् च रामादीनां च चिन्तनम्

śayanādy-upacāraś ca rāmādīnāṃ ca cintanam

Sanskrit only: no published translation is held for this verse.

सन्ध्ययोः शयनं नैव न शौचं मृत्तिकां विना । तिष्ठताचमनं नैव तथा गुर्वासनासनम्

sandhyayoḥ śayanaṃ naiva na śaucaṃ mṛttikāṃ vinā | tiṣṭhatācamanaṃ naiva tathā gurvāsanāsanam

Sanskrit only: no published translation is held for this verse.

गुर्व्-अग्रे पाद-विस्तार-च्छायाया लङ्घनं गुरोः । शक्तौ स्नान-क्रिया-हानिर् देवतार्चन-लोपनम्

gurv-agre pāda-vistāra-cchāyāyā laṅghanaṃ guroḥ | śaktau snāna-kriyā-hānir devatārcana-lopanam

Sanskrit only: no published translation is held for this verse.

देवतानां गुरूणां च प्रत्युत्थानाद्य-भावनम् । गुरोः पुरस्तात् पाण्डित्यं प्रौढ-पाद-क्रिया तथा

devatānāṃ gurūṇāṃ ca pratyutthānādya-bhāvanam | guroḥ purastāt pāṇḍityaṃ prauḍha-pāda-kriyā tathā

Sanskrit only: no published translation is held for this verse.

अमन्त्र-तिलकाचामो नीली-वस्त्र-विधारणम् । अभक्तैः सह मैत्र्य्-आदि असच्-छास्त्र-परिग्रहः । तुच्छ-सङ्ग-सुखासक्तिर् मद्य-मांस-निषेवणम्

amantra-tilakācāmo nīlī-vastra-vidhāraṇam | abhaktaiḥ saha maitry-ādi asac-chāstra-parigrahaḥ | tuccha-saṅga-sukhāsaktir madya-māṃsa-niṣevaṇam

Sanskrit only: no published translation is held for this verse.

मादकौषध-सेवा च मसुराद्य्-अन्न-भोजनम् । शाकं तुम्बी कलञ्जादि तथाभक्तान्न-सङ्ग्रहः । अवैष्णव-व्रतारम्भस् तथा जप्यम् अवैष्णवम्

mādakauṣadha-sevā ca masurādy-anna-bhojanam | śākaṃ tumbī kalañjādi tathābhaktānna-saṅgrahaḥ | avaiṣṇava-vratārambhas tathā japyam avaiṣṇavam

Sanskrit only: no published translation is held for this verse.

अभिचारादि-करणं शक्त्या गौणोपचारकम् । शोकादि-पारवश्यं च दिग्-विद्धैकादशी-व्रतम्

abhicārādi-karaṇaṃ śaktyā gauṇopacārakam | śokādi-pāravaśyaṃ ca dig-viddhaikādaśī-vratam

Sanskrit only: no published translation is held for this verse.

शुक्लाकृष्णाविभेदश् चासद्-व्यापारो व्रते तथा । शक्तौ फलादि-भुक्तिश् च श्राद्धं चैकादशी-दिने

śuklākṛṣṇāvibhedaś cāsad-vyāpāro vrate tathā | śaktau phalādi-bhuktiś ca śrāddhaṃ caikādaśī-dine

Sanskrit only: no published translation is held for this verse.

द्वादश्यां च दिवा-स्वापस् तुलस्यावचयस् तथा । तत्र विष्णोर् दिवा-स्नानं श्राद्धं हर्य्-अनिवेदितैः

dvādaśyāṃ ca divā-svāpas tulasyāvacayas tathā | tatra viṣṇor divā-snānaṃ śrāddhaṃ hary-aniveditaiḥ

Sanskrit only: no published translation is held for this verse.

वृद्धाव् अतुलसी-श्राद्धं तथा श्राद्धम् अवैष्णवम् । चरणामृत-पानेऽपि शुद्ध्य्-अर्थाचमन-क्रिया

vṛddhāv atulasī-śrāddhaṃ tathā śrāddham avaiṣṇavam | caraṇāmṛta-pāne'pi śuddhy-arthācamana-kriyā

Sanskrit only: no published translation is held for this verse.

काष्ठासनोपविष्टेन वासुदेवस्य पूजनम् । पूजा-कालेऽसद्-आलापः कर-वीरादि-पूजनम्

kāṣṭhāsanopaviṣṭena vāsudevasya pūjanam | pūjā-kāle'sad-ālāpaḥ kara-vīrādi-pūjanam

Sanskrit only: no published translation is held for this verse.

आयसं धूप-पात्रादि तिर्यक्-पुण्ड्रं प्रमादतः । पूजा चासंस्कृतैर् द्रव्यैस् तथा चञ्चल-चित्ततः

āyasaṃ dhūpa-pātrādi tiryak-puṇḍraṃ pramādataḥ | pūjā cāsaṃskṛtair dravyais tathā cañcala-cittataḥ

Sanskrit only: no published translation is held for this verse.

एक-हस्त-प्रणामादि अकाले स्वामि-दर्शनम् । पर्युषितादि-दुष्टानाम् अन्नादीनां निवेदनम्

eka-hasta-praṇāmādi akāle svāmi-darśanam | paryuṣitādi-duṣṭānām annādīnāṃ nivedanam

Sanskrit only: no published translation is held for this verse.

सङ्ख्यां विना मन्त्र-जपस् तथा मन्त्र-प्रकाशनम् । सदा शक्त्यां मुख्य-लोपो गौणकाल-परिग्रहः

saṅkhyāṃ vinā mantra-japas tathā mantra-prakāśanam | sadā śaktyāṃ mukhya-lopo gauṇakāla-parigrahaḥ

Sanskrit only: no published translation is held for this verse.

प्रसादाग्रहणं विष्णोर् वर्जयेद् वैष्णवः सदा । चतुः-शतं विधीन् एतान् निषेधान् श्रावयेद् गुरुः

prasādāgrahaṇaṃ viṣṇor varjayed vaiṣṇavaḥ sadā | catuḥ-śataṃ vidhīn etān niṣedhān śrāvayed guruḥ

Sanskrit only: no published translation is held for this verse.

अङ्गीकारे कृते बाढं तन्-नीराजन-पूर्वकम् । देव-पूजां कारयित्वा दक्ष-कर्णे मन्त्रं जपेत्

aṅgīkāre kṛte bāḍhaṃ tan-nīrājana-pūrvakam | deva-pūjāṃ kārayitvā dakṣa-karṇe mantraṃ japet

Sanskrit only: no published translation is held for this verse.

। इति । ततश् चोत्थाय पूर्णात्मा दण्डवत् प्रणमेद् गुरुम् । तत्-पाद-पङ्कजं शिष्यः प्रतिष्ठाप्य स्व-मूर्धनि

| iti | tataś cotthāya pūrṇātmā daṇḍavat praṇamed gurum | tat-pāda-paṅkajaṃ śiṣyaḥ pratiṣṭhāpya sva-mūrdhani

Sanskrit only: no published translation is held for this verse.

अथ न्यासान् गुरुः स्वस्मिन् कृत्वान्तर्-यजनं तथा । साष्टं सहस्रं तन्-मन्त्रं स्व-शक्त्य्-अक्षतये जपेत्

atha nyāsān guruḥ svasmin kṛtvāntar-yajanaṃ tathā | sāṣṭaṃ sahasraṃ tan-mantraṃ sva-śakty-akṣataye japet

Sanskrit only: no published translation is held for this verse.

शिष्यः कुम्भादि तत् सर्वं द्रवम् अन्यच् च शक्तितः । दत्त्वाभ्यर्च्य गुरुं नत्वा विप्रान् संपूज्य भोजयेत्

śiṣyaḥ kumbhādi tat sarvaṃ dravam anyac ca śaktitaḥ | dattvābhyarcya guruṃ natvā viprān saṃpūjya bhojayet

Sanskrit only: no published translation is held for this verse.

श्री-गुरोर् ब्राह्मणानां च शुभाशीर्भिः समेधितः । तान् अनुज्ञाप्य गुर्वादीन् भुञ्जीत सह बन्धुभिः

śrī-guror brāhmaṇānāṃ ca śubhāśīrbhiḥ samedhitaḥ | tān anujñāpya gurvādīn bhuñjīta saha bandhubhiḥ

Sanskrit only: no published translation is held for this verse.

इति दीक्षा-विधानेन यो मन्त्रं लभते गुरोः । स भाग्यवान् चिरञ्जीवी कृत-कृत्यश् च जायते

iti dīkṣā-vidhānena yo mantraṃ labhate guroḥ | sa bhāgyavān cirañjīvī kṛta-kṛtyaś ca jāyate

Sanskrit only: no published translation is held for this verse.

तथा च संमोहन-तन्त्रे श्री-शिवोमा-संवादे- एवं यः कुरुते मर्त्यः करे तस्य विभूतयः । अतः परं महा-भागे नान्यत् कर्मास्ति भूतले । यस्याचरण-मात्रेण साक्षात् कृष्णः प्रसीदति

tathā ca saṃmohana-tantre śrī-śivomā-saṃvāde- evaṃ yaḥ kurute martyaḥ kare tasya vibhūtayaḥ | ataḥ paraṃ mahā-bhāge nānyat karmāsti bhūtale | yasyācaraṇa-mātreṇa sākṣāt kṛṣṇaḥ prasīdati

Sanskrit only: no published translation is held for this verse.

प्रायः प्रपञ्च-सारादाव् उक्तो ऽयं तान्त्रिको विधिः । दीक्षाया लिख्यते दिव्यो विधिः पौराणिको ऽधुना

prāyaḥ prapañca-sārādāv ukto 'yaṃ tāntriko vidhiḥ | dīkṣāyā likhyate divyo vidhiḥ paurāṇiko 'dhunā

Sanskrit only: no published translation is held for this verse.

अथ वराह-पुराणोक्त-दीक्षा-विधिः इदानीं शृणु मे देवि पञ्च-पातक-नाशनम् । यजनं देव-देवस्य विष्णोः पुत्र-वसु-प्रदम्

atha varāha-purāṇokta-dīkṣā-vidhiḥ idānīṃ śṛṇu me devi pañca-pātaka-nāśanam | yajanaṃ deva-devasya viṣṇoḥ putra-vasu-pradam

Sanskrit only: no published translation is held for this verse.

इह जन्मनि दारिद्र्य-व्याधि-कुष्ठादि-पीडितः । अलक्ष्मीवान् अपुत्रस् तु यो भवेत् पुरुषो भुवि । तस्य सद्यो भवेल् लक्ष्मीर् आयुर् वित्तं सुताः सुखम्

iha janmani dāridrya-vyādhi-kuṣṭhādi-pīḍitaḥ | alakṣmīvān aputras tu yo bhavet puruṣo bhuvi | tasya sadyo bhavel lakṣmīr āyur vittaṃ sutāḥ sukham

Sanskrit only: no published translation is held for this verse.

दृष्ट्वा तु मण्डले देवि देवं देव्या समन्वितम् । नारायणं परं देवं यः पश्यति विधानतः

dṛṣṭvā tu maṇḍale devi devaṃ devyā samanvitam | nārāyaṇaṃ paraṃ devaṃ yaḥ paśyati vidhānataḥ

Sanskrit only: no published translation is held for this verse.

पूजितं नव-नाभे तु षोडशाब्ज-दले तथा । आचार्य-दर्शितं देवं मन्त्र-मूर्तिम् अयोनिजम्

pūjitaṃ nava-nābhe tu ṣoḍaśābja-dale tathā | ācārya-darśitaṃ devaṃ mantra-mūrtim ayonijam

Sanskrit only: no published translation is held for this verse.

कार्त्तिके मासि शुद्धायां द्वादश्यां तु विशेषतः । सर्वासु च यजेद् देवं द्वादशीषु विधानतः

kārttike māsi śuddhāyāṃ dvādaśyāṃ tu viśeṣataḥ | sarvāsu ca yajed devaṃ dvādaśīṣu vidhānataḥ

Sanskrit only: no published translation is held for this verse.

सङ्क्रान्तौ च महाभागे चन्द्र-सूर्य-ग्रहेऽपि वा । यः पश्यति हरिं देवं पूजितं गुरुणा शुभे । तस्य सद्यो भवेत् तुष्टिः पाप-ध्वंसो ऽप्य् अशेषतः

saṅkrāntau ca mahābhāge candra-sūrya-grahe'pi vā | yaḥ paśyati hariṃ devaṃ pūjitaṃ guruṇā śubhe | tasya sadyo bhavet tuṣṭiḥ pāpa-dhvaṃso 'py aśeṣataḥ

Sanskrit only: no published translation is held for this verse.

स सामान्यो हि देवानां भवतीति न संशयः

sa sāmānyo hi devānāṃ bhavatīti na saṃśayaḥ

Sanskrit only: no published translation is held for this verse.

ब्राह्मण-क्षत्रिय-विशां शूद्राणां च परीक्षणम् । संवत्सरं गुरुः कुर्याज् जाति-शौच-क्रियादिभिः

brāhmaṇa-kṣatriya-viśāṃ śūdrāṇāṃ ca parīkṣaṇam | saṃvatsaraṃ guruḥ kuryāj jāti-śauca-kriyādibhiḥ

Sanskrit only: no published translation is held for this verse.

उपसन्नांस् ततो ज्ञात्वा हृदयेनावधारयेत् । तेऽपि भक्तिमतो ज्ञात्वा आत्मनः परमेश्वरम् । संवत्सरं गुरोर् भक्तिं कुर्युर् विष्णाव् इवाचलाम्

upasannāṃs tato jñātvā hṛdayenāvadhārayet | te'pi bhaktimato jñātvā ātmanaḥ parameśvaram | saṃvatsaraṃ guror bhaktiṃ kuryur viṣṇāv ivācalām

Sanskrit only: no published translation is held for this verse.

संवत्सरं ततः पूर्णे गुरुं चैव प्रसादयेत्

saṃvatsaraṃ tataḥ pūrṇe guruṃ caiva prasādayet

Sanskrit only: no published translation is held for this verse.

भगवंस् त्वत्-प्रसादेन संसारार्णव-तारणम् । इच्छामस् त्व् ऐहिकीं लक्ष्मीं विशेषेण तपोधन

bhagavaṃs tvat-prasādena saṃsārārṇava-tāraṇam | icchāmas tv aihikīṃ lakṣmīṃ viśeṣeṇa tapodhana

Sanskrit only: no published translation is held for this verse.

एवम् अभ्यर्थ्य मेधावी गुरुं विष्णुम् इवाग्रतः । अभ्यर्च्य तद्-अनुज्ञातो दशम्यां कार्त्तिकस्य तु

evam abhyarthya medhāvī guruṃ viṣṇum ivāgrataḥ | abhyarcya tad-anujñāto daśamyāṃ kārttikasya tu

Sanskrit only: no published translation is held for this verse.

क्षीर-वृक्ष-समुद्भूतं मन्त्रितं परमेष्ठिना । भक्षयित्वा शयीतोर्व्यां देवदेवस्य सन्निधौ

kṣīra-vṛkṣa-samudbhūtaṃ mantritaṃ parameṣṭhinā | bhakṣayitvā śayītorvyāṃ devadevasya sannidhau

Sanskrit only: no published translation is held for this verse.

स्वप्नान् दृष्ट्वा गुरोर् अग्रे श्रावयेत विचक्षणः । ततः शुभाशुभं तद्वद् आलपेत् परमो गुरुः । एकादश्याम् उपोष्याथ स्नात्वा देवालयं व्रजेत्

svapnān dṛṣṭvā guror agre śrāvayeta vicakṣaṇaḥ | tataḥ śubhāśubhaṃ tadvad ālapet paramo guruḥ | ekādaśyām upoṣyātha snātvā devālayaṃ vrajet

Sanskrit only: no published translation is held for this verse.

गुरुश् च मण्डलं भूमौ कल्प्तायां तु वर्तयेत् । लक्षणैर् विविधैर् भूमिं लक्षयित्वा विधानतः

guruś ca maṇḍalaṃ bhūmau kalptāyāṃ tu vartayet | lakṣaṇair vividhair bhūmiṃ lakṣayitvā vidhānataḥ

Sanskrit only: no published translation is held for this verse.

षोडशारं लिखेच् चक्रं नव-नाभम् अथापि वा । अष्ट-पत्रम् अथो वापि लिखित्वा दर्शयेद् बुधः

ṣoḍaśāraṃ likhec cakraṃ nava-nābham athāpi vā | aṣṭa-patram atho vāpi likhitvā darśayed budhaḥ

Sanskrit only: no published translation is held for this verse.

नेत्र-बन्धं प्रकुर्वीत सित-वस्त्रेण यत्नतः । वर्णानुक्रमतः शिष्यान् पुर्ष्प-हस्तान् प्रवेशयेत्

netra-bandhaṃ prakurvīta sita-vastreṇa yatnataḥ | varṇānukramataḥ śiṣyān purṣpa-hastān praveśayet

Sanskrit only: no published translation is held for this verse.

नव-नाभं यदा कुर्यान् मण्डलं वर्णकैर् बुधः । तदानीं पूर्वतो देवम् इन्द्रम् ऐन्द्र्यां तु पूजयेत्

nava-nābhaṃ yadā kuryān maṇḍalaṃ varṇakair budhaḥ | tadānīṃ pūrvato devam indram aindryāṃ tu pūjayet

Sanskrit only: no published translation is held for this verse.

लोक-पालम् अथाग्नेय्याम् अग्निं सम्पूजयेद् द्विजः । यमं तद् अनु याम्यायां नैरृत्यां निरृतिं न्यसेत् । वारुण्यां वरुणं चैव वायव्यां पवनं यजेत्

loka-pālam athāgneyyām agniṃ sampūjayed dvijaḥ | yamaṃ tad anu yāmyāyāṃ nairṛtyāṃ nirṛtiṃ nyaset | vāruṇyāṃ varuṇaṃ caiva vāyavyāṃ pavanaṃ yajet

Sanskrit only: no published translation is held for this verse.

धनदं चोत्तरे न्यस्य रुद्रम् ऐशान-गोचरे । सम्पूज्यैवं विधानेन दिक्-पत्रेषु विशेषतः । अधः-पत्रे तथा विष्णुम् अर्चयेत् परमेश्वरम्

dhanadaṃ cottare nyasya rudram aiśāna-gocare | sampūjyaivaṃ vidhānena dik-patreṣu viśeṣataḥ | adhaḥ-patre tathā viṣṇum arcayet parameśvaram

Sanskrit only: no published translation is held for this verse.

पूर्व-पत्रे बलं पूज्य प्रद्युम्नं दक्षिणे तथा । अनिरुद्धं तथा पूज्य पश्चिमे चोत्तरे तथा । पूजयेद् वासुदेवं तु सर्व-पातक-शान्तिदम्

pūrva-patre balaṃ pūjya pradyumnaṃ dakṣiṇe tathā | aniruddhaṃ tathā pūjya paścime cottare tathā | pūjayed vāsudevaṃ tu sarva-pātaka-śāntidam

Sanskrit only: no published translation is held for this verse.

ऐशान्यां विन्यसेच् छङ्खम् आग्नेय्यां चक्रम् एव च । सौम्यायां तु गदा पूज्या वायव्यां पद्मम् एव च

aiśānyāṃ vinyasec chaṅkham āgneyyāṃ cakram eva ca | saumyāyāṃ tu gadā pūjyā vāyavyāṃ padmam eva ca

Sanskrit only: no published translation is held for this verse.

नैरृत्यां मुषलं पूज्यं दक्षिणे गरुडं तथा । वामतो विन्यसेल् लक्ष्मीं देवदेवस्य बुद्धिमान्

nairṛtyāṃ muṣalaṃ pūjyaṃ dakṣiṇe garuḍaṃ tathā | vāmato vinyasel lakṣmīṃ devadevasya buddhimān

Sanskrit only: no published translation is held for this verse.

धनुश् चैव च खड्गं च देवस्य पुरतो न्यसेत् । श्रीवत्सं कौस्तुभं चैव देवस्य पुरतो ऽर्चयेत्

dhanuś caiva ca khaḍgaṃ ca devasya purato nyaset | śrīvatsaṃ kaustubhaṃ caiva devasya purato 'rcayet

Sanskrit only: no published translation is held for this verse.

एवं पूज्य यथा-न्यायं देवदेवं जनार्दनम् । दिङ्-मण्डले च विन्यस्य चाष्टौ कुम्भान् विधानतः । वैष्णवं कलसं चैव नवमं तत्र कल्पयेत्

evaṃ pūjya yathā-nyāyaṃ devadevaṃ janārdanam | diṅ-maṇḍale ca vinyasya cāṣṭau kumbhān vidhānataḥ | vaiṣṇavaṃ kalasaṃ caiva navamaṃ tatra kalpayet

Sanskrit only: no published translation is held for this verse.

स्नापयेन् मुक्ति-कामांस् तु वैष्णवेन घटेन तु । श्री-कामान् स्नापयेत् तद्वद् ऐन्द्रेणाथ घटेन तु

snāpayen mukti-kāmāṃs tu vaiṣṇavena ghaṭena tu | śrī-kāmān snāpayet tadvad aindreṇātha ghaṭena tu

Sanskrit only: no published translation is held for this verse.

जय-प्रताप-कामांस् तु आग्नेयेनाभिषेचयेत् । मृत्युञ्जय-विधानेन याम्येन स्नापनं तथा

jaya-pratāpa-kāmāṃs tu āgneyenābhiṣecayet | mṛtyuñjaya-vidhānena yāmyena snāpanaṃ tathā

Sanskrit only: no published translation is held for this verse.

दुष्ट-प्रध्वंस्नायालं नैरृतेन विधीयते । शान्तये वारुण्येनाथ पाप-नाशाय वायवम्

duṣṭa-pradhvaṃsnāyālaṃ nairṛtena vidhīyate | śāntaye vāruṇyenātha pāpa-nāśāya vāyavam

Sanskrit only: no published translation is held for this verse.

द्रव्य-सम्पत्ति-कामस्य कौवरेण विधीयते । रौद्रेण ज्ञान-हेतुस् तु लोक-पाल-घटास् त्व् इमे

dravya-sampatti-kāmasya kauvareṇa vidhīyate | raudreṇa jñāna-hetus tu loka-pāla-ghaṭās tv ime

Sanskrit only: no published translation is held for this verse.

एकैकेन नरः स्नातः सर्व-पाप-वर्जितः । भवेद् अव्याहत-ज्ञानः श्रीमांश् च पुरुषः सदा

ekaikena naraḥ snātaḥ sarva-pāpa-varjitaḥ | bhaved avyāhata-jñānaḥ śrīmāṃś ca puruṣaḥ sadā

Sanskrit only: no published translation is held for this verse.

किं पुनर् नवभिः स्नातो नरः पातक-वर्जितः । जायते विष्णु-सदृशः सद्यो राजाथवा पुनः

kiṃ punar navabhiḥ snāto naraḥ pātaka-varjitaḥ | jāyate viṣṇu-sadṛśaḥ sadyo rājāthavā punaḥ

Sanskrit only: no published translation is held for this verse.

अथवा दिक्षु सर्वासु यथा-सङ्ख्येन लोकपान् । पूजयेत् स्व-स्व-नाम्ना तु षड्-भिन्नेन विधानतः

athavā dikṣu sarvāsu yathā-saṅkhyena lokapān | pūjayet sva-sva-nāmnā tu ṣaḍ-bhinnena vidhānataḥ

Sanskrit only: no published translation is held for this verse.

एवं सम्पूज्य देवांस् तु लोक-पालान् प्रसन्न-धीः । पश्चात् परीक्षितान् शिष्यान् बद्ध-नेत्रान् प्रवेशयेत्

evaṃ sampūjya devāṃs tu loka-pālān prasanna-dhīḥ | paścāt parīkṣitān śiṣyān baddha-netrān praveśayet

Sanskrit only: no published translation is held for this verse.

आग्नेय-धारणा-दग्धान् वायुना विधूतांस् ततः । सोमेनाप्य् आयितान् पश्चाच् छ्रावयेन् नियमान् बुधः

āgneya-dhāraṇā-dagdhān vāyunā vidhūtāṃs tataḥ | somenāpy āyitān paścāc chrāvayen niyamān budhaḥ

Sanskrit only: no published translation is held for this verse.

न निन्देद् अब्राह्मणान् देवान् विष्णुं ब्राह्मणम् एव च । रुद्रम् आदियम् अग्निं च लोक-पालान् ग्रहांस् तथा । वन्देत वैष्णवं चापि पुरुषं पूर्व-दीक्षितम्

na ninded abrāhmaṇān devān viṣṇuṃ brāhmaṇam eva ca | rudram ādiyam agniṃ ca loka-pālān grahāṃs tathā | vandeta vaiṣṇavaṃ cāpi puruṣaṃ pūrva-dīkṣitam

Sanskrit only: no published translation is held for this verse.

एवं तु समयान् श्राव्य पश्चाद् धोमं तु कारयेत् । तत्त्वानि शिष्य-देहेषु विन्यस्य च विशोधयेत्

evaṃ tu samayān śrāvya paścād dhomaṃ tu kārayet | tattvāni śiṣya-deheṣu vinyasya ca viśodhayet

Sanskrit only: no published translation is held for this verse.

ॐ नमो भगवते विष्णवे सर्व-रूपिणे हुं स्वाहा

oṃ namo bhagavate viṣṇave sarva-rūpiṇe huṃ svāhā

Sanskrit only: no published translation is held for this verse.

षोडशाक्षर-मन्त्रेण होमयेज् ज्वलितानलः । गर्भाधानादिकाश् चैव क्रियाः सर्वाश् च कारयेत्

ṣoḍaśākṣara-mantreṇa homayej jvalitānalaḥ | garbhādhānādikāś caiva kriyāḥ sarvāś ca kārayet

Sanskrit only: no published translation is held for this verse.

त्रिभिस् त्रिभिर् आहुतिभिर् देवदेवस्य सन्निधौ । ततो ऽपनीय दृग्-बन्धं पुरः शिष्यं निवेश्य च । प्रायः पूर्वोक्त-विधिना मन्त्रं तस्मै गुरुर् दिशेत्

tribhis tribhir āhutibhir devadevasya sannidhau | tato 'panīya dṛg-bandhaṃ puraḥ śiṣyaṃ niveśya ca | prāyaḥ pūrvokta-vidhinā mantraṃ tasmai gurur diśet

Sanskrit only: no published translation is held for this verse.

होमान्ते दीक्षितः पश्चाद् दापयेद् गुरु-दक्षिणाम् । हस्त्य्-अश्व-रत्न-कटकं हेम-ग्रामादिकं नृपः

homānte dīkṣitaḥ paścād dāpayed guru-dakṣiṇām | hasty-aśva-ratna-kaṭakaṃ hema-grāmādikaṃ nṛpaḥ

Sanskrit only: no published translation is held for this verse.

दापयेद् गुरवे प्राज्ञो मध्यमो मध्यमां तथा । दापयेद् इतरो युग्मं सहिरण्यं यथा-विधि

dāpayed gurave prājño madhyamo madhyamāṃ tathā | dāpayed itaro yugmaṃ sahiraṇyaṃ yathā-vidhi

Sanskrit only: no published translation is held for this verse.

एवं कृते तु यत् पुण्यं माहात्म्यं जायते धरे । तद् अशक्यं तु गदितुम् अपि वर्ष-शतैर् अपि

evaṃ kṛte tu yat puṇyaṃ māhātmyaṃ jāyate dhare | tad aśakyaṃ tu gaditum api varṣa-śatair api

Sanskrit only: no published translation is held for this verse.

दीक्षितात्मा गुरोर् भूत्वा वाराहं शृणुयाद् यदि । तेन वेदाः पुराणानि सर्वे मन्त्राः सुसङ्ग्रहाः

dīkṣitātmā guror bhūtvā vārāhaṃ śṛṇuyād yadi | tena vedāḥ purāṇāni sarve mantrāḥ susaṅgrahāḥ

Sanskrit only: no published translation is held for this verse.

जप्ताः स्युः पुष्करे तीर्थे प्रयागे सिन्धु-सागरे । देवहूते कुरुक्षेत्रे वाराणस्यां विशेषतः

japtāḥ syuḥ puṣkare tīrthe prayāge sindhu-sāgare | devahūte kurukṣetre vārāṇasyāṃ viśeṣataḥ

Sanskrit only: no published translation is held for this verse.

ग्रहेण विषुवे चैव यत् फलं जपतां भवेत् । तत् फलं द्विगुणं तस्य दीक्षितो यः शृणोति च

graheṇa viṣuve caiva yat phalaṃ japatāṃ bhavet | tat phalaṃ dviguṇaṃ tasya dīkṣito yaḥ śṛṇoti ca

Sanskrit only: no published translation is held for this verse.

देवा अपि तपः कृत्वा ध्यायन्ति च वदन्ति च । कदा मे भारते वर्षे जन्म स्याद् भूत-धारिणि

devā api tapaḥ kṛtvā dhyāyanti ca vadanti ca | kadā me bhārate varṣe janma syād bhūta-dhāriṇi

Sanskrit only: no published translation is held for this verse.

दीक्षिताश् च भविष्यामो वाराहं शृणुमः कदा । वाराहं षोडशात्मानं युक्ता देहे कदाचन । पश्यामः परमं स्थानं यद् गत्वा न पुनर् भवेत्

dīkṣitāś ca bhaviṣyāmo vārāhaṃ śṛṇumaḥ kadā | vārāhaṃ ṣoḍaśātmānaṃ yuktā dehe kadācana | paśyāmaḥ paramaṃ sthānaṃ yad gatvā na punar bhavet

Sanskrit only: no published translation is held for this verse.

एवं जल्पन्ति विबुधा मनसा चिन्तयन्ति च । वाराह-यागं कार्त्तिक्यां कदा द्रक्ष्यामहे धरे

evaṃ jalpanti vibudhā manasā cintayanti ca | vārāha-yāgaṃ kārttikyāṃ kadā drakṣyāmahe dhare

Sanskrit only: no published translation is held for this verse.

एष ते विधिर् उद्दिष्टो मया ते भूत-धारिणि । देव-गन्धर्व-यक्षाणां सर्वथा दुर्लभो ह्य् असौ

eṣa te vidhir uddiṣṭo mayā te bhūta-dhāriṇi | deva-gandharva-yakṣāṇāṃ sarvathā durlabho hy asau

Sanskrit only: no published translation is held for this verse.

एवं यो वेत्ति तत्त्वेन यश् च पश्यति मण्डलम् । यश् चेमं शृणुयाद् देवि सर्वे मुक्ता इति श्रुतिः

evaṃ yo vetti tattvena yaś ca paśyati maṇḍalam | yaś cemaṃ śṛṇuyād devi sarve muktā iti śrutiḥ

Sanskrit only: no published translation is held for this verse.

अथ सङ्क्षिप्त-दीक्षा सङ्क्षिप्तश् चाथ दीक्षाया विधिर् एष विलिख्यते । मुख्य-कल्पे ह्य् अशक्तस्य जनस्य स्याद् धिताय च

atha saṅkṣipta-dīkṣā saṅkṣiptaś cātha dīkṣāyā vidhir eṣa vilikhyate | mukhya-kalpe hy aśaktasya janasya syād dhitāya ca

Sanskrit only: no published translation is held for this verse.

सु-मुहूर्तेऽथ सम्प्राप्ते सर्वतोभद्र-मण्डले । नूतनं गन्ध-पुष्पादि-मण्डितं कलसं न्यसेत्

su-muhūrte'tha samprāpte sarvatobhadra-maṇḍale | nūtanaṃ gandha-puṣpādi-maṇḍitaṃ kalasaṃ nyaset

Sanskrit only: no published translation is held for this verse.

वस्त्रावृतं पयः पूर्णं पञ्च-पल्लव-संयुतम् । सर्वौषधि-पञ्च-रत्न-मृत्स्ना-सप्तक-गर्भितम्

vastrāvṛtaṃ payaḥ pūrṇaṃ pañca-pallava-saṃyutam | sarvauṣadhi-pañca-ratna-mṛtsnā-saptaka-garbhitam

Sanskrit only: no published translation is held for this verse.

मृत्तिकाश् च सप्तोक्ताः- अश्व-स्थानाद् गज-स्थानाद् वल्मीकाच् च चतुष्पथात् । राज-द्वाराच् च गोष्ठाच् च नद्याः कूलान् मृदः स्मृताः

mṛttikāś ca saptoktāḥ- aśva-sthānād gaja-sthānād valmīkāc ca catuṣpathāt | rāja-dvārāc ca goṣṭhāc ca nadyāḥ kūlān mṛdaḥ smṛtāḥ

Sanskrit only: no published translation is held for this verse.