Gopalabhatta: Haribhaktivilasa 2

। इति । कृष्णम् अभ्यर्च्य तं कुम्भं कुश-कूर्चेन देशिकः । देय-मन्त्रेण साष्टं तु सहस्रम् अभिमन्त्रयेत्

| iti | kṛṣṇam abhyarcya taṃ kumbhaṃ kuśa-kūrcena deśikaḥ | deya-mantreṇa sāṣṭaṃ tu sahasram abhimantrayet

Sanskrit only: no published translation is held for this verse.

तद्-अद्भिः पूर्ववच् छिष्यम् अभिषिच्य दिशेन् मनुम् । शिष्यो ऽर्चयेद् गुरुं भक्त्या यथा-शक्ति द्विजान् अपि

tad-adbhiḥ pūrvavac chiṣyam abhiṣicya diśen manum | śiṣyo 'rcayed guruṃ bhaktyā yathā-śakti dvijān api

Sanskrit only: no published translation is held for this verse.

अथोपदेशस् तत्त्व-सागरे- अत्राप्य् अशक्तः कश्चिच् चेद् अब्जम् अभ्यर्च्य साक्षतम् । तद्-अम्भसाभिषिच्याष्ट वारान् मूलेन के करम्

athopadeśas tattva-sāgare- atrāpy aśaktaḥ kaścic ced abjam abhyarcya sākṣatam | tad-ambhasābhiṣicyāṣṭa vārān mūlena ke karam

Sanskrit only: no published translation is held for this verse.

निधायामुं जपेत् कर्णे उपदेशेष्व् अयं विधिः । चन्द्र-सूर्य-ग्रहे तीर्थे सिद्ध-क्षेत्रे शिवालये । मन्त्र-मात्र-प्रकथनम् उपदेशः स उच्यते

nidhāyāmuṃ japet karṇe upadeśeṣv ayaṃ vidhiḥ | candra-sūrya-grahe tīrthe siddha-kṣetre śivālaye | mantra-mātra-prakathanam upadeśaḥ sa ucyate

Sanskrit only: no published translation is held for this verse.

तत्र तत्रैव विशेषः श्री-नारद-पञ्चरात्रे । वित्त-लोभाद् विमुक्तस्य स्वल्प-वित्तस्य देहिनः । संसार-भय-भीतस्य विष्णु-भक्तस्य तत्त्वतः

tatra tatraiva viśeṣaḥ śrī-nārada-pañcarātre | vitta-lobhād vimuktasya svalpa-vittasya dehinaḥ | saṃsāra-bhaya-bhītasya viṣṇu-bhaktasya tattvataḥ

Sanskrit only: no published translation is held for this verse.

अग्नाव् आज्यान्विते बीजैः सलिलैः केवलैश् च वा । द्रव्य-हीनस्य कुर्वीत वचसानुग्रहं गुरुः

agnāv ājyānvite bījaiḥ salilaiḥ kevalaiś ca vā | dravya-hīnasya kurvīta vacasānugrahaṃ guruḥ

Sanskrit only: no published translation is held for this verse.

यः समः सर्व-भूतेषु विरागो वीत-मत्सरः । जितेन्द्रियः शुचिर् दक्षः सर्वाङ्गावयवान्वितः

yaḥ samaḥ sarva-bhūteṣu virāgo vīta-matsaraḥ | jitendriyaḥ śucir dakṣaḥ sarvāṅgāvayavānvitaḥ

Sanskrit only: no published translation is held for this verse.

कर्मणा मनसा वाचा भीते चाभयदः सदा । सम-बुद्धि-पदं प्राप्तस् तत्रापि भगवन्-मयः

karmaṇā manasā vācā bhīte cābhayadaḥ sadā | sama-buddhi-padaṃ prāptas tatrāpi bhagavan-mayaḥ

Sanskrit only: no published translation is held for this verse.

पञ्च-काल-परश् चैव पञ्चरात्रार्थवित् तथा । विष्णु-तत्त्वं परिज्ञाय एकं चानेक-भेदगम् । वीक्षयेन् मेदिनीं सर्वां किं पुनश् चोपसन्नतान्

pañca-kāla-paraś caiva pañcarātrārthavit tathā | viṣṇu-tattvaṃ parijñāya ekaṃ cāneka-bhedagam | vīkṣayen medinīṃ sarvāṃ kiṃ punaś copasannatān

Sanskrit only: no published translation is held for this verse.

अथ मन्त्र-दान-माहात्म्यम् स्कान्दे ब्रह्म-नारद-संवादे - इह कीर्तिं वदान्यत्वं प्रजा-वृद्धिं धनं सुखम् । विद्या-दानेन लभते सात्त्विको नात्र संशयः

atha mantra-dāna-māhātmyam skānde brahma-nārada-saṃvāde - iha kīrtiṃ vadānyatvaṃ prajā-vṛddhiṃ dhanaṃ sukham | vidyā-dānena labhate sāttviko nātra saṃśayaḥ

Sanskrit only: no published translation is held for this verse.

यथा सुराणां सर्वेषां परमः परमेश्वरः । तथैव सर्व-दानानां विद्या-दानं परं स्मृतम्

yathā surāṇāṃ sarveṣāṃ paramaḥ parameśvaraḥ | tathaiva sarva-dānānāṃ vidyā-dānaṃ paraṃ smṛtam

Sanskrit only: no published translation is held for this verse.

यावच् च पातकं तेन कृतं जन्म-शतैर् अपि । तत् सर्वं नाशम् आप्नोति विद्या-दानेन देहिनाम्

yāvac ca pātakaṃ tena kṛtaṃ janma-śatair api | tat sarvaṃ nāśam āpnoti vidyā-dānena dehinām

Sanskrit only: no published translation is held for this verse.

विद्या-दानात् परं दानं न भूतं न भविष्यति । येन दत्तेन चाप्नोति शिवं परम-कारणम्

vidyā-dānāt paraṃ dānaṃ na bhūtaṃ na bhaviṣyati | yena dattena cāpnoti śivaṃ parama-kāraṇam

Sanskrit only: no published translation is held for this verse.