Gopalabhatta: Haribhaktivilasa 6

गारुडे - तुलसी-मिश्र-तोयेन स्नापयन्ति जनार्दनम् । पूजयन्ति च भावेन धन्यास् ते भुवि मानवाः

gāruḍe - tulasī-miśra-toyena snāpayanti janārdanam | pūjayanti ca bhāvena dhanyās te bhuvi mānavāḥ

Sanskrit only: no published translation is held for this verse.

अग्नि-पुराणे- महा-स्नानेन गोविन्दं सम्यक् संस्नाप्य मानवः । यं यं प्रार्थयते कामं तं तं प्राप्नोत्य् असंशयः

agni-purāṇe- mahā-snānena govindaṃ samyak saṃsnāpya mānavaḥ | yaṃ yaṃ prārthayate kāmaṃ taṃ taṃ prāpnoty asaṃśayaḥ

Sanskrit only: no published translation is held for this verse.

पाद्मे श्री-पुलस्त्य-भगीरथ-संवादे- स्नानम् अभ्यर्चनं यस् तु कुरुते केशवे सदा । तस्य पुण्यस्य या सङ्ख्या नास्ति सा ज्ञाने गोचरा

pādme śrī-pulastya-bhagīratha-saṃvāde- snānam abhyarcanaṃ yas tu kurute keśave sadā | tasya puṇyasya yā saṅkhyā nāsti sā jñāne gocarā

Sanskrit only: no published translation is held for this verse.

विष्णु-धर्मोत्तरे - स्नानार्थं देवदेवस्य यस् तु गन्धं प्रयच्छति । भवन्ति वशगास् तस्य नार्यः सर्वत्र सर्वदा

viṣṇu-dharmottare - snānārthaṃ devadevasya yas tu gandhaṃ prayacchati | bhavanti vaśagās tasya nāryaḥ sarvatra sarvadā

Sanskrit only: no published translation is held for this verse.

पुष्प-दानात् तथा लोके भवतीह फलान्वितः । दत्त्वा मृगमद-स्नानं सर्वान् कामान् अवाप्नुयात्

puṣpa-dānāt tathā loke bhavatīha phalānvitaḥ | dattvā mṛgamada-snānaṃ sarvān kāmān avāpnuyāt

Sanskrit only: no published translation is held for this verse.

सर्वौषधि-प्रदानेन वाजिमेध-फलं लभेत् । दत्त्वा जाती-फलं मुख्यं सफलां विन्दति क्रियाम्

sarvauṣadhi-pradānena vājimedha-phalaṃ labhet | dattvā jātī-phalaṃ mukhyaṃ saphalāṃ vindati kriyām

Sanskrit only: no published translation is held for this verse.

अथ सर्वौषधिः मुरा मासी वचा कुष्ठं शैलेयं रजनी-द्वयम् । शटी चम्पक-मुस्तं च सर्वौषधि-गणः स्मृतः

atha sarvauṣadhiḥ murā māsī vacā kuṣṭhaṃ śaileyaṃ rajanī-dvayam | śaṭī campaka-mustaṃ ca sarvauṣadhi-gaṇaḥ smṛtaḥ

Sanskrit only: no published translation is held for this verse.

गन्धश् चागमे- गन्धश् चन्दन-कर्पूर-कालागुरुभिर् ईरितः

gandhaś cāgame- gandhaś candana-karpūra-kālāgurubhir īritaḥ

Sanskrit only: no published translation is held for this verse.

अथ शङ्ख-माहात्म्यम् स्कान्दे श्री-ब्रह्म-नारद-संवादे- शङ्ख-स्थितेन तोयेन यः स्नापयति केशवम् । कपिला-शत-दानस्य फलं प्राप्नोति मानवः

atha śaṅkha-māhātmyam skānde śrī-brahma-nārada-saṃvāde- śaṅkha-sthitena toyena yaḥ snāpayati keśavam | kapilā-śata-dānasya phalaṃ prāpnoti mānavaḥ

Sanskrit only: no published translation is held for this verse.

शङ्के तीर्थोदकं कृत्वा यः स्नापयति माधवम् । द्वादश्यां बिन्दु-मात्रेण कुलानां तारयेच् छतम्

śaṅke tīrthodakaṃ kṛtvā yaḥ snāpayati mādhavam | dvādaśyāṃ bindu-mātreṇa kulānāṃ tārayec chatam

Sanskrit only: no published translation is held for this verse.

कपिला-क्षीरम् आदाय शङ्खे कृत्वा जनार्दनम् । यः स्नापयति धर्मात्मा यज्ञायुत-फलं लभेत्

kapilā-kṣīram ādāya śaṅkhe kṛtvā janārdanam | yaḥ snāpayati dharmātmā yajñāyuta-phalaṃ labhet

Sanskrit only: no published translation is held for this verse.

अन्य-गो-सम्भवं क्षीरं शङ्खे कृत्वा तु नारद । यः स्नापयति देवेशं राजसूय-फलं लभेएत्

anya-go-sambhavaṃ kṣīraṃ śaṅkhe kṛtvā tu nārada | yaḥ snāpayati deveśaṃ rājasūya-phalaṃ labheet

Sanskrit only: no published translation is held for this verse.

शङ्खे कृत्वा च पानीयं साक्षतं कुसुमान्वितम् । स्नापयेद् देवदेवेशं हन्यात् पापं चिरार्जितम्

śaṅkhe kṛtvā ca pānīyaṃ sākṣataṃ kusumānvitam | snāpayed devadeveśaṃ hanyāt pāpaṃ cirārjitam

Sanskrit only: no published translation is held for this verse.

साक्षतं कुसुमोपेतं शङ्खे तोयं स-चन्दनम् । यः कृत्वा स्नापयेद् देवं मम लोके वसेच् चिरम्

sākṣataṃ kusumopetaṃ śaṅkhe toyaṃ sa-candanam | yaḥ kṛtvā snāpayed devaṃ mama loke vasec ciram

Sanskrit only: no published translation is held for this verse.

क्षिप्त्वा गन्धोदकं शङ्खे यः स्नापयति केशवम् । नमो नारायणायेति मुच्यते योनि-सङ्कटान्

kṣiptvā gandhodakaṃ śaṅkhe yaḥ snāpayati keśavam | namo nārāyaṇāyeti mucyate yoni-saṅkaṭān

Sanskrit only: no published translation is held for this verse.

नाद्यं तडागजं वारि वापी-कूप-ह्रदादिजम् । गाङ्गेयं च भवेत् सर्वं कृतं शङ्खे कलि-प्रिय

nādyaṃ taḍāgajaṃ vāri vāpī-kūpa-hradādijam | gāṅgeyaṃ ca bhavet sarvaṃ kṛtaṃ śaṅkhe kali-priya

Sanskrit only: no published translation is held for this verse.

त्रैलोक्ये यानि तीर्थानि वासुदेवस्य चाज्ञया । शङ्खे तिष्ठन्ति विप्रेन्द्र तस्मात् शङ्खं सदार्चयेत्

trailokye yāni tīrthāni vāsudevasya cājñayā | śaṅkhe tiṣṭhanti viprendra tasmāt śaṅkhaṃ sadārcayet

Sanskrit only: no published translation is held for this verse.

शङ्खे कृत्वा तु पानीयं स-पुष्पं सतिलाक्षतम् । अर्घ्यं ददाति देवस्य स-सागर-धरा-फलम्

śaṅkhe kṛtvā tu pānīyaṃ sa-puṣpaṃ satilākṣatam | arghyaṃ dadāti devasya sa-sāgara-dharā-phalam

Sanskrit only: no published translation is held for this verse.

अर्घ्यं दत्त्वा तु शङ्खेन यः करोति प्रदक्षिणम् । प्रदक्षिणी-कृता तेन सप्त-द्वीपा वसुन्धरा

arghyaṃ dattvā tu śaṅkhena yaḥ karoti pradakṣiṇam | pradakṣiṇī-kṛtā tena sapta-dvīpā vasundharā

Sanskrit only: no published translation is held for this verse.

दर्शनेनापि शङ्खस्य किं पुनः स्पर्शने कृते । विलयं यान्ति पापानि हिमं सूर्योदये यथा

darśanenāpi śaṅkhasya kiṃ punaḥ sparśane kṛte | vilayaṃ yānti pāpāni himaṃ sūryodaye yathā

Sanskrit only: no published translation is held for this verse.

नित्ये नैमित्तिके काम्ये स्नानार्चन-विलेपने । शङ्खम् उद्वहते यस् तु श्वेतद्वीपे वसेच् चिरम्

nitye naimittike kāmye snānārcana-vilepane | śaṅkham udvahate yas tu śvetadvīpe vasec ciram

Sanskrit only: no published translation is held for this verse.

नत्वा शङ्खं करे धृत्वा मन्त्रेणानेन वैष्णवः । यः स्नापयति गोविन्दं तस्य पुण्यम् अनन्तकम्

natvā śaṅkhaṃ kare dhṛtvā mantreṇānena vaiṣṇavaḥ | yaḥ snāpayati govindaṃ tasya puṇyam anantakam

Sanskrit only: no published translation is held for this verse.

मन्त्रः त्वं पुरा सागरोत्पन्नो विष्णुना विधृतः करे । मानितः सर्व-देवैश् च पाञ्चजन्य नमो ऽस्तु ते

mantraḥ tvaṃ purā sāgarotpanno viṣṇunā vidhṛtaḥ kare | mānitaḥ sarva-devaiś ca pāñcajanya namo 'stu te

Sanskrit only: no published translation is held for this verse.

तव नादेन जीमूता वित्रस्यन्ति सुरासुराः । शशाङ्कायुत-दीप्ताभ पाञ्चजन्य नमो ऽस्तु ते

tava nādena jīmūtā vitrasyanti surāsurāḥ | śaśāṅkāyuta-dīptābha pāñcajanya namo 'stu te

Sanskrit only: no published translation is held for this verse.

गर्भा देवारि-नारीणां विलीयन्ते सहस्रधा । तव नादेन पाताले पाञ्चजन्य नमो ऽस्तु ते

garbhā devāri-nārīṇāṃ vilīyante sahasradhā | tava nādena pātāle pāñcajanya namo 'stu te

Sanskrit only: no published translation is held for this verse.

वाराहे च- दक्षिणावर्त-शङ्खेन तिल-मिश्रोदकेन च । उदके नाभिमात्रे तु यः कुर्याद् अभिषेचनम्

vārāhe ca- dakṣiṇāvarta-śaṅkhena tila-miśrodakena ca | udake nābhimātre tu yaḥ kuryād abhiṣecanam

Sanskrit only: no published translation is held for this verse.

प्राक् स्रोतसि च नद्यां वै नरस् त्व् एकाग्र-मानसः । यावज् जीव-कृतं पापं तत्-क्षणाद् एव नश्यति

prāk srotasi ca nadyāṃ vai naras tv ekāgra-mānasaḥ | yāvaj jīva-kṛtaṃ pāpaṃ tat-kṣaṇād eva naśyati

Sanskrit only: no published translation is held for this verse.

दक्षिणावर्त-शङ्खेन पात्रे औडुम्बरे स्थितम् । उदकं यः प्रतीच्छेत शिरसा कृष्ण-मानसः । तस्य जन्म-कृतं पापं तत्-क्षणाद् एव नश्यति

dakṣiṇāvarta-śaṅkhena pātre auḍumbare sthitam | udakaṃ yaḥ pratīccheta śirasā kṛṣṇa-mānasaḥ | tasya janma-kṛtaṃ pāpaṃ tat-kṣaṇād eva naśyati

Sanskrit only: no published translation is held for this verse.

आगमे- बृहत्त्वं स्निग्धताच्छत्वं शङ्खस्येति गुण-त्रयम्

āgame- bṛhattvaṃ snigdhatācchatvaṃ śaṅkhasyeti guṇa-trayam

Sanskrit only: no published translation is held for this verse.

आवर्त-भङ्ग-दोषस् तु हेम-योगान् न जायते । नालिकायां स्वभावेन यदि छिद्रं भवेन् नहि

āvarta-bhaṅga-doṣas tu hema-yogān na jāyate | nālikāyāṃ svabhāvena yadi chidraṃ bhaven nahi

Sanskrit only: no published translation is held for this verse.

। इति। घण्टावाद्यं च नितरां स्नान-काले प्रशस्यते । यतो भगवतो विष्णोस् तत् सदा परमं प्रियम्

| iti| ghaṇṭāvādyaṃ ca nitarāṃ snāna-kāle praśasyate | yato bhagavato viṣṇos tat sadā paramaṃ priyam

Sanskrit only: no published translation is held for this verse.

आवाहनार्घ्ये धूपे च पुष्प-नैवेद्य-योजने । नित्यम् एतां प्रयुञ्जीत तन्-मन्त्रेणाभिमन्त्रिताम्

āvāhanārghye dhūpe ca puṣpa-naivedya-yojane | nityam etāṃ prayuñjīta tan-mantreṇābhimantritām

Sanskrit only: no published translation is held for this verse.

तन्-मन्त्रः जय-ध्वनिं ततो मन्त्रमातः स्वाहेत्य् उदीर्य च । अभ्यर्च्य वादयन् घण्टां धूपं नीचैः प्रदापयेत्

tan-mantraḥ jaya-dhvaniṃ tato mantramātaḥ svāhety udīrya ca | abhyarcya vādayan ghaṇṭāṃ dhūpaṃ nīcaiḥ pradāpayet

Sanskrit only: no published translation is held for this verse.

पूजा-कालं विनान्यत्र हितं नास्याः प्रचालनम् । न तया च विना कुर्यात् पूजनं सिद्धि-लालसः

pūjā-kālaṃ vinānyatra hitaṃ nāsyāḥ pracālanam | na tayā ca vinā kuryāt pūjanaṃ siddhi-lālasaḥ

Sanskrit only: no published translation is held for this verse.

अथ घण्टा-माहात्म्यम् उक्तं च स्कान्दे श्री-ब्रह्म-नारद-संवादे- स्नानार्चन-क्रिया-काले घण्टा-नादं करोति यः । पुरतो वासुदेवस्य तस्य पुण्य-फलं शृणु

atha ghaṇṭā-māhātmyam uktaṃ ca skānde śrī-brahma-nārada-saṃvāde- snānārcana-kriyā-kāle ghaṇṭā-nādaṃ karoti yaḥ | purato vāsudevasya tasya puṇya-phalaṃ śṛṇu

Sanskrit only: no published translation is held for this verse.

वर्ष-कोटि-सहस्राणि वर्ष-कोटि-शतानि च । वसते देव-लोके तु अप्सरो-गण-सेवितः

varṣa-koṭi-sahasrāṇi varṣa-koṭi-śatāni ca | vasate deva-loke tu apsaro-gaṇa-sevitaḥ

Sanskrit only: no published translation is held for this verse.

सर्व-वाद्य-मयी घण्टा केशवस्य सदा प्रिया । वादनाल् लभते पुण्यं यज्ञ-कोटि-समुद्भवम्

sarva-vādya-mayī ghaṇṭā keśavasya sadā priyā | vādanāl labhate puṇyaṃ yajña-koṭi-samudbhavam

Sanskrit only: no published translation is held for this verse.

वादित्र-निनदैस् तूर्य-गीत-मङ्गल-निस्वनैः । यः स्नापयति गोविन्दं जीवन्-मुक्तो भवेद् धि सः

vāditra-ninadais tūrya-gīta-maṅgala-nisvanaiḥ | yaḥ snāpayati govindaṃ jīvan-mukto bhaved dhi saḥ

Sanskrit only: no published translation is held for this verse.

वादित्राणाम् अभावे तु पूजा-काले हि सर्वदा । घण्टा-शब्दो नरैः कार्यः सर्व-वाद्य-मयी यतः

vāditrāṇām abhāve tu pūjā-kāle hi sarvadā | ghaṇṭā-śabdo naraiḥ kāryaḥ sarva-vādya-mayī yataḥ

Sanskrit only: no published translation is held for this verse.

सर्व-वाद्य-मयी घण्टा देवदेवस्य वल्लभा । तस्मात् सर्व-प्रयत्नेन घण्टा-नादं तु कारयेत्

sarva-vādya-mayī ghaṇṭā devadevasya vallabhā | tasmāt sarva-prayatnena ghaṇṭā-nādaṃ tu kārayet

Sanskrit only: no published translation is held for this verse.

मन्वन्तर-सहस्राणि मन्वन्तर-शतानि च । घण्टा-नादेन देवेशः प्रीतो भवति केशवः

manvantara-sahasrāṇi manvantara-śatāni ca | ghaṇṭā-nādena deveśaḥ prīto bhavati keśavaḥ

Sanskrit only: no published translation is held for this verse.

विष्णु-धर्मोत्तरे श्री-भगवत्-प्रह्लाद-संवादे- शृणु दैत्येन्द्र वक्ष्यामि घण्टा-माहात्म्यम् उत्तमम् । प्रह्लाद त्वत्-समो नास्ति मद्-भक्तो भुवन-त्रये

viṣṇu-dharmottare śrī-bhagavat-prahlāda-saṃvāde- śṛṇu daityendra vakṣyāmi ghaṇṭā-māhātmyam uttamam | prahlāda tvat-samo nāsti mad-bhakto bhuvana-traye

Sanskrit only: no published translation is held for this verse.

मम नामाङ्किता घण्टा पुरतो मम तिष्ठति । अर्चिता वैष्णव-गृहे तत्र मां विद्धि दैत्यज

mama nāmāṅkitā ghaṇṭā purato mama tiṣṭhati | arcitā vaiṣṇava-gṛhe tatra māṃ viddhi daityaja

Sanskrit only: no published translation is held for this verse.

वैनतेयाङ्कितां घण्टां सुदर्शन-युतां यदि । ममाग्रे स्थापयेद् यस् तु देहे तस्य वसाम्य् अहम्

vainateyāṅkitāṃ ghaṇṭāṃ sudarśana-yutāṃ yadi | mamāgre sthāpayed yas tu dehe tasya vasāmy aham

Sanskrit only: no published translation is held for this verse.

यस् तु वादयते घण्टा वैनतेयेन चिह्निताम् । धूपे नीराजनए स्नाने पूजा-काले विलेपने

yas tu vādayate ghaṇṭā vainateyena cihnitām | dhūpe nīrājanae snāne pūjā-kāle vilepane

Sanskrit only: no published translation is held for this verse.

ममाग्रे प्रत्यहं वत्स प्रत्येकं लभते फलम् । ममायुतं गो-युतं च चान्द्रायण-शतोद्भवम्

mamāgre pratyahaṃ vatsa pratyekaṃ labhate phalam | mamāyutaṃ go-yutaṃ ca cāndrāyaṇa-śatodbhavam

Sanskrit only: no published translation is held for this verse.

विधि-बाह्य-कृता पूजा सफला जायते नॄणाम् । घण्टा-नादेन तुस्टो ऽहं प्रयच्छामि स्वकं पदम्

vidhi-bāhya-kṛtā pūjā saphalā jāyate nṝṇām | ghaṇṭā-nādena tusṭo 'haṃ prayacchāmi svakaṃ padam

Sanskrit only: no published translation is held for this verse.

नागारि-चिह्निता घण्टा रथाङ्गेन समन्विता । वादनात् कुरुते नाशं जन्म-मृत्यु-भयस्य च

nāgāri-cihnitā ghaṇṭā rathāṅgena samanvitā | vādanāt kurute nāśaṃ janma-mṛtyu-bhayasya ca

Sanskrit only: no published translation is held for this verse.

गरुडेनाङ्क्तां घण्टां दृष्ट्वाहं प्रत्यहं सदा । प्रीतिं करोति दैत्येन्द्र लक्ष्मीं प्राप्य यथाधनः

garuḍenāṅktāṃ ghaṇṭāṃ dṛṣṭvāhaṃ pratyahaṃ sadā | prītiṃ karoti daityendra lakṣmīṃ prāpya yathādhanaḥ

Sanskrit only: no published translation is held for this verse.

दृष्ट्वामृतं यथा देवाः प्रीतिं कुर्वन्त्य् अहर्निशम् । सुपर्णे च तथा प्रीतिं घण्टा-शिखर-संस्थिते

dṛṣṭvāmṛtaṃ yathā devāḥ prītiṃ kurvanty aharniśam | suparṇe ca tathā prītiṃ ghaṇṭā-śikhara-saṃsthite

Sanskrit only: no published translation is held for this verse.

स्व-करेण प्रकुर्वन्ति घण्टा-नादं स्व-भक्तितः । मदीयार्चन-काले तु फलं कोट्य्-ऐन्दवं कलौ

sva-kareṇa prakurvanti ghaṇṭā-nādaṃ sva-bhaktitaḥ | madīyārcana-kāle tu phalaṃ koṭy-aindavaṃ kalau

Sanskrit only: no published translation is held for this verse.

अन्यत्र च- घण्टा-दण्डस्य शिखरे स-चक्रं स्थापयेत् तु यः । गरुडं वै प्रियं विष्णोः स्थापितं भुवन-त्रयम्

anyatra ca- ghaṇṭā-daṇḍasya śikhare sa-cakraṃ sthāpayet tu yaḥ | garuḍaṃ vai priyaṃ viṣṇoḥ sthāpitaṃ bhuvana-trayam

Sanskrit only: no published translation is held for this verse.

स-चक्र- घण्टा-नादं तु मृत्यु-काले शृणोति यः । पाप-कोटि-युतस्यापि नश्यन्ति यम-किङ्कराः

sa-cakra- ghaṇṭā-nādaṃ tu mṛtyu-kāle śṛṇoti yaḥ | pāpa-koṭi-yutasyāpi naśyanti yama-kiṅkarāḥ

Sanskrit only: no published translation is held for this verse.

सर्वे दोषाः प्रलीयन्ते घण्टा-नादे कृते हरौ । देवतानां मुनीन्द्राणां पितॄणाम् उत्सवो भवेत्

sarve doṣāḥ pralīyante ghaṇṭā-nāde kṛte harau | devatānāṃ munīndrāṇāṃ pitṝṇām utsavo bhavet

Sanskrit only: no published translation is held for this verse.

अभावे वैनतेयस्य चक्रस्यापि न संशयः । घण्टा-नादेन भक्तानां प्रसादं कुरुते हरिः

abhāve vainateyasya cakrasyāpi na saṃśayaḥ | ghaṇṭā-nādena bhaktānāṃ prasādaṃ kurute hariḥ

Sanskrit only: no published translation is held for this verse.

गृहे यस्मिन् भवेन् नित्यं घण्टा नागारि-संयुता । न सर्पाणां भयं तत्र नाग्नि-विद्युत्-समुद्भवम्

gṛhe yasmin bhaven nityaṃ ghaṇṭā nāgāri-saṃyutā | na sarpāṇāṃ bhayaṃ tatra nāgni-vidyut-samudbhavam

Sanskrit only: no published translation is held for this verse.

यस्य घण्टा गृहे नास्ति शङ्खश् च पुरतो हरेः । कथं भागवतं नाम गीयते तस्य देहिनः

yasya ghaṇṭā gṛhe nāsti śaṅkhaś ca purato hareḥ | kathaṃ bhāgavataṃ nāma gīyate tasya dehinaḥ

Sanskrit only: no published translation is held for this verse.

। इति। अतो भगवतः प्रीत्यै घण्टा श्री-गरुडान्विता । सङ्गृह्या वैष्णवैर् यत्नाच् चक्रेणोपरि मण्डिता

| iti| ato bhagavataḥ prītyai ghaṇṭā śrī-garuḍānvitā | saṅgṛhyā vaiṣṇavair yatnāc cakreṇopari maṇḍitā

Sanskrit only: no published translation is held for this verse.

स्नाने शङ्खादि-वाद्यां तु नाम-सङ्कीर्तनं हरेः । गीतं नृत्यं पुराणादि-पठनं च प्रशस्यते

snāne śaṅkhādi-vādyāṃ tu nāma-saṅkīrtanaṃ hareḥ | gītaṃ nṛtyaṃ purāṇādi-paṭhanaṃ ca praśasyate

Sanskrit only: no published translation is held for this verse.

अथ स्नाने वाद्यादि-माहात्म्यम् स्कन्द-पुराणे- स्नान-काले तु कृष्णस्य शङ्खादीनां तु वादनम् । कुरुते ब्रह्म-लोके तु वसते ब्रह्म-वासरम्

atha snāne vādyādi-māhātmyam skanda-purāṇe- snāna-kāle tu kṛṣṇasya śaṅkhādīnāṃ tu vādanam | kurute brahma-loke tu vasate brahma-vāsaram

Sanskrit only: no published translation is held for this verse.

स्नान-काले तु सम्प्राप्ते कृष्णस्याग्रे तु नर्तनम् । गीतं चैव पुनात्य् अत्र ऋचोक्तं वदनेन हि

snāna-kāle tu samprāpte kṛṣṇasyāgre tu nartanam | gītaṃ caiva punāty atra ṛcoktaṃ vadanena hi

Sanskrit only: no published translation is held for this verse.

तत्रैव श्री-ब्रह्म-नारद-संवादे- मृदङ्ग-वाद्येन युतं पणवेन समन्वितम् । अर्चनं वासुदेवस्य स-नृत्यं मोक्षदं नॄणाम्

tatraiva śrī-brahma-nārada-saṃvāde- mṛdaṅga-vādyena yutaṃ paṇavena samanvitam | arcanaṃ vāsudevasya sa-nṛtyaṃ mokṣadaṃ nṝṇām

Sanskrit only: no published translation is held for this verse.

गीतं वाद्यं च नृत्यं च तथा पुस्तक-वाचनम् । पूजा-काले तु कृष्णस्य सर्वदा केशव-प्रियम्

gītaṃ vādyaṃ ca nṛtyaṃ ca tathā pustaka-vācanam | pūjā-kāle tu kṛṣṇasya sarvadā keśava-priyam

Sanskrit only: no published translation is held for this verse.

नृत्य-वाद्याद्य्-अभावे तु कुर्यात् पुस्तक-वाचनम् । पूजा-काले त्व् इदं पुत्र सर्वदा प्रीति-दायकम्

nṛtya-vādyādy-abhāve tu kuryāt pustaka-vācanam | pūjā-kāle tv idaṃ putra sarvadā prīti-dāyakam

Sanskrit only: no published translation is held for this verse.

पुस्तकस्याप्य् अभावे तु विष्णु-नाम-सहस्रकम् । स्तव-राजं मिनि-श्रेष्ठ गजेन्द्रस्य च मोक्षणम्

pustakasyāpy abhāve tu viṣṇu-nāma-sahasrakam | stava-rājaṃ mini-śreṣṭha gajendrasya ca mokṣaṇam

Sanskrit only: no published translation is held for this verse.

पूजा-काले तु देवस्य गीता-स्तोत्रम् अनुस्मृतिः । पञ्च-स्तअवा महा-भाग महा-प्रीति-करा हरेः

pūjā-kāle tu devasya gītā-stotram anusmṛtiḥ | pañca-staavā mahā-bhāga mahā-prīti-karā hareḥ

Sanskrit only: no published translation is held for this verse.

विहाय गीत-वाद्यानि पूजा-काले सदा हरेः । पठनीयं महा-भक्त्या विष्णोर् नाम-सहस्रकम्

vihāya gīta-vādyāni pūjā-kāle sadā hareḥ | paṭhanīyaṃ mahā-bhaktyā viṣṇor nāma-sahasrakam

Sanskrit only: no published translation is held for this verse.

द्वारका-माहात्म्ये- स्नान-काले तु कृष्णस्य जय-शब्दं करोति यः । कर-ताडन-संयुक्तं गीतं नृत्यं प्रकुर्वते

dvārakā-māhātmye- snāna-kāle tu kṛṣṇasya jaya-śabdaṃ karoti yaḥ | kara-tāḍana-saṃyuktaṃ gītaṃ nṛtyaṃ prakurvate

Sanskrit only: no published translation is held for this verse.

उन्मत्त-चेष्टां कुर्वाणो हसन् जल्पन् यथेच्छया । नोत्तान-शायी भवति मातुर् अङ्के नरेश्वर

unmatta-ceṣṭāṃ kurvāṇo hasan jalpan yathecchayā | nottāna-śāyī bhavati mātur aṅke nareśvara

Sanskrit only: no published translation is held for this verse.

अथ सहस्र-नाम-माहात्म्यम् तत्रैव- स्नान-काले तु देवस्य पठेन् नाम-सहस्रकम् । प्रत्यक्सरं लभेत् पुण्यं कपिला-गो-शतोद्भवम्

atha sahasra-nāma-māhātmyam tatraiva- snāna-kāle tu devasya paṭhen nāma-sahasrakam | pratyaksaraṃ labhet puṇyaṃ kapilā-go-śatodbhavam

Sanskrit only: no published translation is held for this verse.

विष्णु-धर्मोत्तरे- कृत्वा नाम-सहस्रेण स्तुतिं तस्य महात्मनः । वियोगम् आप्नोति नरः सर्वानर्थैर् न संशयः

viṣṇu-dharmottare- kṛtvā nāma-sahasreṇa stutiṃ tasya mahātmanaḥ | viyogam āpnoti naraḥ sarvānarthair na saṃśayaḥ

Sanskrit only: no published translation is held for this verse.

स्कान्दे श्री-ब्रह्म-नारद-संवादे- विष्णोर् नाम-सहस्रं तु पूजा-काले पठन्ति ये । वेदानां चैव पुण्यानां फलम् आप्नोति मानवः

skānde śrī-brahma-nārada-saṃvāde- viṣṇor nāma-sahasraṃ tu pūjā-kāle paṭhanti ye | vedānāṃ caiva puṇyānāṃ phalam āpnoti mānavaḥ

Sanskrit only: no published translation is held for this verse.

श्लोकेनैकेन देवर्षे सहस्र-नामकस्य यत् । पठितेन फलं प्रोक्तं न तत् क्रतु-शतैर् अपि

ślokenaikena devarṣe sahasra-nāmakasya yat | paṭhitena phalaṃ proktaṃ na tat kratu-śatair api

Sanskrit only: no published translation is held for this verse.

मन्त्र-हीनं क्रिया-हीनं यत् कृतं पूजनं हरेः । परिपूर्णं भवेत् सर्वं सहस्र-नाम-कीर्तनात्

mantra-hīnaṃ kriyā-hīnaṃ yat kṛtaṃ pūjanaṃ hareḥ | paripūrṇaṃ bhavet sarvaṃ sahasra-nāma-kīrtanāt

Sanskrit only: no published translation is held for this verse.

किं च- ज्ञानाज्ञान-कृतं पापं पठित्वा विष्णु-सन्निधौ । नाम्नां सहस्रं विष्णोस् तु प्रजहाति महा-रुजम्

kiṃ ca- jñānājñāna-kṛtaṃ pāpaṃ paṭhitvā viṣṇu-sannidhau | nāmnāṃ sahasraṃ viṣṇos tu prajahāti mahā-rujam

Sanskrit only: no published translation is held for this verse.

ब्रह्म-हत्यादि-पापानि काम-चार-कृतान्य् अपि । विलयं यान्ति वै नूनम् अन्य-पापे तु का कथा

brahma-hatyādi-pāpāni kāma-cāra-kṛtāny api | vilayaṃ yānti vai nūnam anya-pāpe tu kā kathā

Sanskrit only: no published translation is held for this verse.

सिद्ध्यन्ति सर्व-कार्याणि मनसा चिन्तितानि च । यः पठेत् प्रातर् उत्थाय विष्णोर् नाम-सहस्रकम्

siddhyanti sarva-kāryāṇi manasā cintitāni ca | yaḥ paṭhet prātar utthāya viṣṇor nāma-sahasrakam

Sanskrit only: no published translation is held for this verse.

तत्रैव श्री-कृष्णार्जुन-संवादे- अधीतास् तेन वै वेदाः सुराः सर्व-समर्चिताः । नाम्नां सहस्रं यो ऽधीते मुक्तिस् तस्य करे स्थिता

tatraiva śrī-kṛṣṇārjuna-saṃvāde- adhītās tena vai vedāḥ surāḥ sarva-samarcitāḥ | nāmnāṃ sahasraṃ yo 'dhīte muktis tasya kare sthitā

Sanskrit only: no published translation is held for this verse.

कुर्वत् पाप-सहस्राणि भुञ्जानो ऽपि यतस् ततः । पठेन् नाम-सहस्रस् तु दुर्गन्धं न स पश्यति

kurvat pāpa-sahasrāṇi bhuñjāno 'pi yatas tataḥ | paṭhen nāma-sahasras tu durgandhaṃ na sa paśyati

Sanskrit only: no published translation is held for this verse.

मुक्त्वा नाम-सहस्रस् तु नान्यो धर्मो ऽस्ति कश्चन । कलौ प्राप्ते गुडाकेश सत्यम् एतन् मयेरितम्

muktvā nāma-sahasras tu nānyo dharmo 'sti kaścana | kalau prāpte guḍākeśa satyam etan mayeritam

Sanskrit only: no published translation is held for this verse.

यज्ञैर् दानैस् तपभिश् च स्तवैः प्रीतिर् न मेऽर्जुन । सन्तुष्टिस् तु न चान्येन विना नाम-सहस्रकम्

yajñair dānais tapabhiś ca stavaiḥ prītir na me'rjuna | santuṣṭis tu na cānyena vinā nāma-sahasrakam

Sanskrit only: no published translation is held for this verse.

स्तवं नाम-सहस्राख्यं ये न जानन्ति वै कलौ । भ्रमन्ति ते नरी᳡अ लोके सर्व-धर्म-बहिष्कृताः

stavaṃ nāma-sahasrākhyaṃ ye na jānanti vai kalau | bhramanti te narī̀a loke sarva-dharma-bahiṣkṛtāḥ

Sanskrit only: no published translation is held for this verse.

स्तवं नाम-सहस्राख्यं लिखितं यस्य वेश्मनि । पूज्यते मम सान्निध्ये पूजां गृह्णामि तस्य वै

stavaṃ nāma-sahasrākhyaṃ likhitaṃ yasya veśmani | pūjyate mama sānnidhye pūjāṃ gṛhṇāmi tasya vai

Sanskrit only: no published translation is held for this verse.

यस्मिन् नाम-सहस्रं मे गृहे तिष्ठति सर्वदा । लिखितं पाण्डव-श्रेष्ठ तत्र नो विशते कलिः

yasmin nāma-sahasraṃ me gṛhe tiṣṭhati sarvadā | likhitaṃ pāṇḍava-śreṣṭha tatra no viśate kaliḥ

Sanskrit only: no published translation is held for this verse.

तस्मात् त्वम् अपि कौन्तेय मद्-भक्तो मन्-मना भव । पठन् नाम-सहस्रं मे सर्वान् कामान् अवाप्स्यसि

tasmāt tvam api kaunteya mad-bhakto man-manā bhava | paṭhan nāma-sahasraṃ me sarvān kāmān avāpsyasi

Sanskrit only: no published translation is held for this verse.

अहम् आराधितः पूर्वं ब्रह्मणा लोक-कर्तृणा । ततो नाम-सहस्रं मे प्राप्तं लोक-हितं परम्

aham ārādhitaḥ pūrvaṃ brahmaṇā loka-kartṛṇā | tato nāma-sahasraṃ me prāptaṃ loka-hitaṃ param

Sanskrit only: no published translation is held for this verse.

नारदेन ततः पूर्वं प्राप्तं च परमेष्ठिनः । नारदेन ततः प्रोक्त-वृषीणाम् ऊर्ध्व-रेतसाम्

nāradena tataḥ pūrvaṃ prāptaṃ ca parameṣṭhinaḥ | nāradena tataḥ prokta-vṛṣīṇām ūrdhva-retasām

Sanskrit only: no published translation is held for this verse.

ऋषिभिस् तु महाबाहो देवलोके प्रकाशितम् । मर्त्य-लोके मनुष्याणां व्यासेन परिभाषितम्

ṛṣibhis tu mahābāho devaloke prakāśitam | martya-loke manuṣyāṇāṃ vyāsena paribhāṣitam

Sanskrit only: no published translation is held for this verse.

तपसोग्रेण महता शङ्करेण महात्मना । मत्-प्रसादाद् अनुप्राप्तं गुह्यानाम् उत्तमोत्तमम्

tapasogreṇa mahatā śaṅkareṇa mahātmanā | mat-prasādād anuprāptaṃ guhyānām uttamottamam

Sanskrit only: no published translation is held for this verse.

दत्तं भवान्यै रुद्रेण नाम्नां मे हि सहस्रकम् । विश्रुतं त्रिषु लोकेषु मया ते परिकीर्तितम्

dattaṃ bhavānyai rudreṇa nāmnāṃ me hi sahasrakam | viśrutaṃ triṣu lokeṣu mayā te parikīrtitam

Sanskrit only: no published translation is held for this verse.

अशेषार्तिहरं पार्थ मम नाम-सहस्रकम् । सद्यः प्रीति-करं पुण्यं सुराणाम् अमृतं यथा

aśeṣārtiharaṃ pārtha mama nāma-sahasrakam | sadyaḥ prīti-karaṃ puṇyaṃ surāṇām amṛtaṃ yathā

Sanskrit only: no published translation is held for this verse.

अष्टादश-पुराणानां सारेम् एतद् धनञ्जय । मयोद्धृत्य समाख्यातं तव नाम-सहस्रकम्

aṣṭādaśa-purāṇānāṃ sārem etad dhanañjaya | mayoddhṛtya samākhyātaṃ tava nāma-sahasrakam

Sanskrit only: no published translation is held for this verse.

सहस्र-नाम-माहात्म्यं देवो जानाति शङ्करः । सहस्र-नाम-माहात्म्यं यः पठेच् छृणुयाद् अपि । अपराध-सहस्रेण न स लिप्येत् कदाचन

sahasra-nāma-māhātmyaṃ devo jānāti śaṅkaraḥ | sahasra-nāma-māhātmyaṃ yaḥ paṭhec chṛṇuyād api | aparādha-sahasreṇa na sa lipyet kadācana

Sanskrit only: no published translation is held for this verse.

अथ श्री-भगवद्-गीता-माहात्म्यम् स्कान्दे अवन्ती-खण्डे श्री-व्यासोक्तौ - गीता सुगीता कर्तव्या किम् अन्यैः शास्त्र-विस्तरैः । या स्वयं पद्म-नाभस्य मुख-पद्माद् विनिःसृता

atha śrī-bhagavad-gītā-māhātmyam skānde avantī-khaṇḍe śrī-vyāsoktau - gītā sugītā kartavyā kim anyaiḥ śāstra-vistaraiḥ | yā svayaṃ padma-nābhasya mukha-padmād viniḥsṛtā

Sanskrit only: no published translation is held for this verse.

सर्व-शास्त्र-मयी गीता सर्व-देव-मयी यतः । सर्व-धर्म-मयी यस्मात् तस्माद् एतां समभ्यसेत्

sarva-śāstra-mayī gītā sarva-deva-mayī yataḥ | sarva-dharma-mayī yasmāt tasmād etāṃ samabhyaset

Sanskrit only: no published translation is held for this verse.

शालग्राम-शिलाग्रे तु गीताध्यायं पठेत् तु यः । मन्वन्तर-सहस्राणि वसते ब्रह्मणः पुरे

śālagrāma-śilāgre tu gītādhyāyaṃ paṭhet tu yaḥ | manvantara-sahasrāṇi vasate brahmaṇaḥ pure

Sanskrit only: no published translation is held for this verse.

हत्वा हत्वा जगत् सर्वं मुषित्वा स-चराचरम् । पापैर् न लिप्यते चैव गीताध्यायी कथञ्चन

hatvā hatvā jagat sarvaṃ muṣitvā sa-carācaram | pāpair na lipyate caiva gītādhyāyī kathañcana

Sanskrit only: no published translation is held for this verse.

तेनेष्टं क्रतुभिः सर्वैर् दत्तं तेन गवायुतम् । गीताम् अभ्यस्यता नित्यं तेनाप्तं पदम् अव्ययम्

teneṣṭaṃ kratubhiḥ sarvair dattaṃ tena gavāyutam | gītām abhyasyatā nityaṃ tenāptaṃ padam avyayam

Sanskrit only: no published translation is held for this verse.

गीताध्यायं पठेद् यस् तु श्लोकं श्लोकार्धम् एव वा । भव-पाप-विनिर्मुक्तो याति विष्णोः परं पदम्

gītādhyāyaṃ paṭhed yas tu ślokaṃ ślokārdham eva vā | bhava-pāpa-vinirmukto yāti viṣṇoḥ paraṃ padam

Sanskrit only: no published translation is held for this verse.

यो नित्यं विश्व-रूपाख्यम् अध्यायं पठति द्विजः । विभूतिं देव-देवस्य तस्य पुण्यं वदाम्य् अहम्

yo nityaṃ viśva-rūpākhyam adhyāyaṃ paṭhati dvijaḥ | vibhūtiṃ deva-devasya tasya puṇyaṃ vadāmy aham

Sanskrit only: no published translation is held for this verse.

वेदैर् अधीतैर् यत् पुण्यं सेतिहासैः पुरातनैः । श्लोकेनैकेन तत् पुण्यं लभते नात्र संशयः

vedair adhītair yat puṇyaṃ setihāsaiḥ purātanaiḥ | ślokenaikena tat puṇyaṃ labhate nātra saṃśayaḥ

Sanskrit only: no published translation is held for this verse.

आब्रह्म-स्तम्ब-पर्यन्तं जगत्-तृप्तिं करोति सः । विश्व-रूपं सदाध्यायं विभूतिं च पठेत् तु यः

ābrahma-stamba-paryantaṃ jagat-tṛptiṃ karoti saḥ | viśva-rūpaṃ sadādhyāyaṃ vibhūtiṃ ca paṭhet tu yaḥ

Sanskrit only: no published translation is held for this verse.

अहन्य् अहनि यो मर्त्यो गीताध्यायं पठेत् तु वै । द्वात्रिंशद्-अपराधांस् तु क्षमते तस्य केशवः

ahany ahani yo martyo gītādhyāyaṃ paṭhet tu vai | dvātriṃśad-aparādhāṃs tu kṣamate tasya keśavaḥ

Sanskrit only: no published translation is held for this verse.

लिखित्वा वैष्णवानां च गीता-शास्त्रं प्रयच्छति । दिने दिने च यजते हरिं चात्र न संशयः

likhitvā vaiṣṇavānāṃ ca gītā-śāstraṃ prayacchati | dine dine ca yajate hariṃ cātra na saṃśayaḥ

Sanskrit only: no published translation is held for this verse.

चतुर्णाम् एव वेदानां सारम् उद्धृत्य विष्णुना । त्रैलोक्यस्योपकाराय गीता-शास्त्रं प्रकाशितम्

caturṇām eva vedānāṃ sāram uddhṛtya viṣṇunā | trailokyasyopakārāya gītā-śāstraṃ prakāśitam

Sanskrit only: no published translation is held for this verse.

भारतामृत-सर्वस्वं विष्णोर् वक्त्राद् विनिःसृतम् । गीता-गङ्गोदकं पीत्वा पुनर् जन्म न विद्यते

bhāratāmṛta-sarvasvaṃ viṣṇor vaktrād viniḥsṛtam | gītā-gaṅgodakaṃ pītvā punar janma na vidyate

Sanskrit only: no published translation is held for this verse.

धर्मं चार्थं च कामं च मोक्षं चापीच्छता सदा । श्रोतव्या पठनीया च गीता कृष्ण-मुखोद्गता

dharmaṃ cārthaṃ ca kāmaṃ ca mokṣaṃ cāpīcchatā sadā | śrotavyā paṭhanīyā ca gītā kṛṣṇa-mukhodgatā

Sanskrit only: no published translation is held for this verse.

यो नरः पठते नित्यं गीता-शास्त्रं दिने दिने । विमुक्तः सर्व-पापेभ्यो याति विष्णोः परं पदम्

yo naraḥ paṭhate nityaṃ gītā-śāstraṃ dine dine | vimuktaḥ sarva-pāpebhyo yāti viṣṇoḥ paraṃ padam

Sanskrit only: no published translation is held for this verse.

अथ पुराण-पाठादि-माहात्म्यम् पाद्मे देवदूत-विकुण्डल-संवादे [पद्मप् ३।३१।९४-९६] - विचारयन्ति ये शास्त्रं वेदाभ्यास-रताश् च ये । पुराणं संहितां ये च श्रावयन्ति पठन्ति च

atha purāṇa-pāṭhādi-māhātmyam pādme devadūta-vikuṇḍala-saṃvāde [PadmaP 3.31.94-96] - vicārayanti ye śāstraṃ vedābhyāsa-ratāś ca ye | purāṇaṃ saṃhitāṃ ye ca śrāvayanti paṭhanti ca

Sanskrit only: no published translation is held for this verse.

व्याकुर्वन्ति स्मृतिं ये च ये धर्म-प्रतिबोधकाः । वेदान्तेषु निषण्णा ये तैर् इयं जगती धृता

vyākurvanti smṛtiṃ ye ca ye dharma-pratibodhakāḥ | vedānteṣu niṣaṇṇā ye tair iyaṃ jagatī dhṛtā

Sanskrit only: no published translation is held for this verse.

तत्-तद्-अभ्यास-माहात्म्यैः सर्वे ते हत-किल्बिषाः । गच्छन्ति ब्रह्मणो लोकं यत्र मोहो न विद्यते

tat-tad-abhyāsa-māhātmyaiḥ sarve te hata-kilbiṣāḥ | gacchanti brahmaṇo lokaṃ yatra moho na vidyate

Sanskrit only: no published translation is held for this verse.

तत्रैव श्री-शिवोमा-संवादे - अन्तं गतो ऽपि वेदानां सर्व-शास्त्रार्थ-वेद्य् अपि । पुंसो ऽश्रुत-पुराणस्य न सम्यग् गति-दर्शनम्

tatraiva śrī-śivomā-saṃvāde - antaṃ gato 'pi vedānāṃ sarva-śāstrārtha-vedy api | puṃso 'śruta-purāṇasya na samyag gati-darśanam

Sanskrit only: no published translation is held for this verse.

वेदार्थाद् अधिकं मन्ये पुराणार्थं च भामिनि । पुराणम् अन्यथा कृत्वा तिर्यग्-योनिम् अवाप्नुयात्

vedārthād adhikaṃ manye purāṇārthaṃ ca bhāmini | purāṇam anyathā kṛtvā tiryag-yonim avāpnuyāt

Sanskrit only: no published translation is held for this verse.

बृहन्-नारदीये च [णार्प् १।१।५७, ?, ६०-६१] - पुराणेष्व् अर्थ-वादत्वं ये वदन्ति नराधमाः । तैर् अर्जितानि पुण्यानि क्षयं यान्ति द्विजोत्तमाः

bṛhan-nāradīye ca [ṇārP 1.1.57, ?, 60-61] - purāṇeṣv artha-vādatvaṃ ye vadanti narādhamāḥ | tair arjitāni puṇyāni kṣayaṃ yānti dvijottamāḥ

Sanskrit only: no published translation is held for this verse.

पुराणेषु द्विज-श्रेष्ठाः सर्व-धर्म-प्रवक्तृषु । प्रवदन्त्य् अर्थ-वादत्वं ये ते नरक-भाजनाः

purāṇeṣu dvija-śreṣṭhāḥ sarva-dharma-pravaktṛṣu | pravadanty artha-vādatvaṃ ye te naraka-bhājanāḥ

Sanskrit only: no published translation is held for this verse.

अनायासेन यः पुण्यानीच्छतीह द्विजोत्तमाः । श्रोतव्यानि भक्त्या तेनैव पुराणानि न संशयः

anāyāsena yaḥ puṇyānīcchatīha dvijottamāḥ | śrotavyāni bhaktyā tenaiva purāṇāni na saṃśayaḥ

Sanskrit only: no published translation is held for this verse.

पुरार्जितानि पापानि नशम् आयान्ति तस्य वै । पुराण-श्रवणे बुद्धिस् तस्यैव भवति ध्रुवम्

purārjitāni pāpāni naśam āyānti tasya vai | purāṇa-śravaṇe buddhis tasyaiva bhavati dhruvam

Sanskrit only: no published translation is held for this verse.

किं च - पुराणे वर्तमानेऽपि पाप-पाशेन यन्त्रितः । अनादृत्यान्य-गाथासु सक्त-बुद्धिः प्रवर्तते

kiṃ ca - purāṇe vartamāne'pi pāpa-pāśena yantritaḥ | anādṛtyānya-gāthāsu sakta-buddhiḥ pravartate

Sanskrit only: no published translation is held for this verse.

अथ वस्त्रार्पणम् स्नान-मुद्रां प्रदर्श्याथ शुद्ध-सूक्ष्माङ्ग-वाससा । शनैः संमार्ज्य गात्राणि दिव्ये वस्त्रे समर्पयेत्

atha vastrārpaṇam snāna-mudrāṃ pradarśyātha śuddha-sūkṣmāṅga-vāsasā | śanaiḥ saṃmārjya gātrāṇi divye vastre samarpayet

Sanskrit only: no published translation is held for this verse.

मध्य-देशीय-नेपथ्याद्य्-अनुसारेण भक्तितः । केऽप्य् अत्र कञ्चुकोस्णीषाद्य्-अम्बराण्य् अर्पयन्ति च

madhya-deśīya-nepathyādy-anusāreṇa bhaktitaḥ | ke'py atra kañcukosṇīṣādy-ambarāṇy arpayanti ca

Sanskrit only: no published translation is held for this verse.