Library·Gopalabhatta: Haribhaktivilasa·8
अष्टम-विलासः प्रातर्-अर्चा-समापनः श्री-चैतन्य-प्रभुं वन्दे यत्-पादाश्रय-वीर्यतः । संगृह्णात्य् आकरव्राताद् रङ्को रत्नावलीमयम्
aṣṭama-vilāsaḥ prātar-arcā-samāpanaḥ śrī-caitanya-prabhuṃ vande yat-pādāśraya-vīryataḥ | saṃgṛhṇāty ākaravrātād raṅko ratnāvalīmayam
Sanskrit only: no published translation is held for this verse.
अथ धूपनं ततश् च धूपम् उत्सृज्य नीचैस् तन्-मुद्रयार्पयेत् । कृष्णं सङ्कीर्तयन् घण्टम् वाम-हस्तेन वादयन्
atha dhūpanaṃ tataś ca dhūpam utsṛjya nīcais tan-mudrayārpayet | kṛṣṇaṃ saṅkīrtayan ghaṇṭam vāma-hastena vādayan
Sanskrit only: no published translation is held for this verse.
तथा च बह्व्-ऋच-परिशिष्टे -- धूपस्य विजने चैव धूपेनाङ्ग-विधूपने । नीराजनेषु सर्वेषु विष्णोर् नामानि कीर्तयेत्
tathā ca bahv-ṛca-pariśiṣṭe -- dhūpasya vijane caiva dhūpenāṅga-vidhūpane | nīrājaneṣu sarveṣu viṣṇor nāmāni kīrtayet
Sanskrit only: no published translation is held for this verse.
जय-घोषं प्रकुर्वीत कारुण्यं चाभिकीर्तयेत् । तथा मङ्गल-घोषं च जगद्-बीजस्य च स्तुतिम्
jaya-ghoṣaṃ prakurvīta kāruṇyaṃ cābhikīrtayet | tathā maṅgala-ghoṣaṃ ca jagad-bījasya ca stutim
Sanskrit only: no published translation is held for this verse.
अन्यत्र च -- ततः समर्पयेद् धूपं घण्ट-वाद्य-जय-स्वनैः । धूप-स्थानं समभ्यर्च्य तर्जन्या वामया हरेः
anyatra ca -- tataḥ samarpayed dhūpaṃ ghaṇṭa-vādya-jaya-svanaiḥ | dhūpa-sthānaṃ samabhyarcya tarjanyā vāmayā hareḥ
Sanskrit only: no published translation is held for this verse.
तत्र मन्त्रः -- वनस्पति-रसोत्पन्नो गन्धाढ्यो गन्ध उत्तमः । अघ्रेयः सर्व-देवानां धूपो ऽयं प्रतिगृह्यतम्
tatra mantraḥ -- vanaspati-rasotpanno gandhāḍhyo gandha uttamaḥ | aghreyaḥ sarva-devānāṃ dhūpo 'yaṃ pratigṛhyatam
Sanskrit only: no published translation is held for this verse.
अथ धूपः वामन-पुराणे - रुहिकाख्यं कणो दारु-सिह्लकं चागुरुः सिता । शङ्खो जाति-फलं श्रीशे धूपानि स्युः प्रियाणि वै
atha dhūpaḥ vāmana-purāṇe - ruhikākhyaṃ kaṇo dāru-sihlakaṃ cāguruḥ sitā | śaṅkho jāti-phalaṃ śrīśe dhūpāni syuḥ priyāṇi vai
Sanskrit only: no published translation is held for this verse.
मूलागमे स-गुग्गुल्व्-अगुरु-शीर-सिताज्य-मधु-चन्दनैः । साराङ्गार-विनिक्षिप्तैः कल्पयेद् धूपम् उत्तमम्
mūlāgame sa-guggulv-aguru-śīra-sitājya-madhu-candanaiḥ | sārāṅgāra-vinikṣiptaiḥ kalpayed dhūpam uttamam
Sanskrit only: no published translation is held for this verse.
विष्णु-धर्मोत्तरे च -- तथैव शुभ-गन्धा ये धूपस् ते जगतः पतेः । वासुदेवस्य धर्म-ज्ञैर् निवेद्य दानवेश्वर
viṣṇu-dharmottare ca -- tathaiva śubha-gandhā ye dhūpas te jagataḥ pateḥ | vāsudevasya dharma-jñair nivedya dānaveśvara
Sanskrit only: no published translation is held for this verse.
अथ धूपेषु निषिद्धं न धूपर्थे जीव-जतम्
atha dhūpeṣu niṣiddhaṃ na dhūparthe jīva-jatam
Sanskrit only: no published translation is held for this verse.
तत्रैवापवादः विना मृगमदं धूपे जीव-जातं विवर्जयेत्
tatraivāpavādaḥ vinā mṛgamadaṃ dhūpe jīva-jātaṃ vivarjayet
Sanskrit only: no published translation is held for this verse.
कालिका-पुराणे -- न यक्ष-धूपं वितरेन् मधवय कदचन
kālikā-purāṇe -- na yakṣa-dhūpaṃ vitaren madhavaya kadacana
Sanskrit only: no published translation is held for this verse.
अग्नि-पुराणे - न सल्लकिजं न तृणम् न शल्क-रस-सम्भ्र्तं धूपम् । प्रत्यङ्ग-निर्मुक्तम् दद्यात् कृष्णाय बुद्धिमान्
agni-purāṇe - na sallakijaṃ na tṛṇam na śalka-rasa-sambhrtaṃ dhūpam | pratyaṅga-nirmuktam dadyāt kṛṣṇāya buddhimān
Sanskrit only: no published translation is held for this verse.
अथ धूपन-माहात्म्यम् नारसिंहे श्री-मर्कन्देय-सतनिक-सम्वदे महिषाख्यं गुग्गुलुं च आज्य-युक्तं स-शर्करम् । धूपं ददाति रजेन्द्र नरसिंहस्य भक्तिमान्
atha dhūpana-māhātmyam nārasiṃhe śrī-markandeya-satanika-samvade mahiṣākhyaṃ gugguluṃ ca ājya-yuktaṃ sa-śarkaram | dhūpaṃ dadāti rajendra narasiṃhasya bhaktimān
Sanskrit only: no published translation is held for this verse.
स धूपितः सर्व-दिक्षु सर्व-पाप-विवर्जितः । अप्सरो-गण-युक्तेन विमानेन विराजता । वायु-लोकं समासाद्य विष्णु-लोके महीयते
sa dhūpitaḥ sarva-dikṣu sarva-pāpa-vivarjitaḥ | apsaro-gaṇa-yuktena vimānena virājatā | vāyu-lokaṃ samāsādya viṣṇu-loke mahīyate
Sanskrit only: no published translation is held for this verse.
स्कान्दे - ये कृष्ण-गुरुणा कृष्णं धूपयन्ति कलौ नराः । स-कर्पूरेण राजेन्द्र कृष्ण-तुल्या भवन्ति ते
skānde - ye kṛṣṇa-guruṇā kṛṣṇaṃ dhūpayanti kalau narāḥ | sa-karpūreṇa rājendra kṛṣṇa-tulyā bhavanti te
Sanskrit only: no published translation is held for this verse.
साज्येन वै गुग्गुलुना सु-धूपेन जनार्दनम् । धूपयित्वा नरो याति पदं तस्य सदा-शिवं
sājyena vai guggulunā su-dhūpena janārdanam | dhūpayitvā naro yāti padaṃ tasya sadā-śivaṃ
Sanskrit only: no published translation is held for this verse.
अगुरुं तु स-कर्पूर-दिव्य-चन्दन-सौरभम् । दत्त्वा नित्यं हरेर् भक्त्या कुलानां तारयेच् छतम्
aguruṃ tu sa-karpūra-divya-candana-saurabham | dattvā nityaṃ harer bhaktyā kulānāṃ tārayec chatam
Sanskrit only: no published translation is held for this verse.
विष्णु-धर्मोत्तर-त्र्तिय-खण्डे - धूपनम् उत्तमं तद्वत् सर्व-कम-फल-प्रदम् । धूपं तुरुष्ककं दत्त्वा वह्निस्तोम-फलं लभेत्
viṣṇu-dharmottara-trtiya-khaṇḍe - dhūpanam uttamaṃ tadvat sarva-kama-phala-pradam | dhūpaṃ turuṣkakaṃ dattvā vahnistoma-phalaṃ labhet
Sanskrit only: no published translation is held for this verse.
दत्त्वा तु कृत्रिमं मुख्यं सर्व-कामान् अवाप्नुयात् । गन्ध-युक्त-कृतं दत्त्वा यज्ञ-गोसवं आप्नुयात्
dattvā tu kṛtrimaṃ mukhyaṃ sarva-kāmān avāpnuyāt | gandha-yukta-kṛtaṃ dattvā yajña-gosavaṃ āpnuyāt
Sanskrit only: no published translation is held for this verse.
दत्त्वा कर्पूर-निर्यासं वाजिमेध-फलं लभेत् । वसन्ते गुग्गुलं दत्त्वा वह्निस्तोमं अवाप्नुयात्
dattvā karpūra-niryāsaṃ vājimedha-phalaṃ labhet | vasante guggulaṃ dattvā vahnistomaṃ avāpnuyāt
Sanskrit only: no published translation is held for this verse.
ग्रीष्मे चन्दन-सारेण राजसूय-फलं लभेत् । तुरुष्कस्य प्रदानेन प्रवृष्य् उत्तमतां लभेत्
grīṣme candana-sāreṇa rājasūya-phalaṃ labhet | turuṣkasya pradānena pravṛṣy uttamatāṃ labhet
Sanskrit only: no published translation is held for this verse.
कर्पूर-दानाच् छरदि राजसूयं अवाप्नुयात्
karpūra-dānāc charadi rājasūyaṃ avāpnuyāt
Sanskrit only: no published translation is held for this verse.
हेमन्ते म्र्ग-दर्पेण वाजिमेध-फलं लभेत् । शिशिरे ऽगुरु-सरेन सर्व-मेध-फलं लभेत्
hemante mrga-darpeṇa vājimedha-phalaṃ labhet | śiśire 'guru-sarena sarva-medha-phalaṃ labhet
Sanskrit only: no published translation is held for this verse.
पदम् उत्तमं आप्नोति धूप-दः पुष्टिम् अश्नुते । धूप-लेख यथाइवोर्ध्वम् नित्यं एव प्रसर्पति । तथाइवोर्ध्व-गतो नित्यं धूप-दानाद् भवेन् नरः
padam uttamaṃ āpnoti dhūpa-daḥ puṣṭim aśnute | dhūpa-lekha yathāivordhvam nityaṃ eva prasarpati | tathāivordhva-gato nityaṃ dhūpa-dānād bhaven naraḥ
Sanskrit only: no published translation is held for this verse.
प्रह्लाद-संहितायां च यो ददाति हरेर् धूपम् तुलसी-काष्ठ-वह्निना । शत-क्रतु-समं पुण्यं गो ऽयुतं लभते फलं
prahlāda-saṃhitāyāṃ ca yo dadāti harer dhūpam tulasī-kāṣṭha-vahninā | śata-kratu-samaṃ puṇyaṃ go 'yutaṃ labhate phalaṃ
Sanskrit only: no published translation is held for this verse.
इति । धूपयेच् च तथा सम्यक् श्रीमद्-भगवद्-आलयं । धूप-शेषं ततो भक्त्या स्वयं सेवेत वैष्णवः
iti | dhūpayec ca tathā samyak śrīmad-bhagavad-ālayaṃ | dhūpa-śeṣaṃ tato bhaktyā svayaṃ seveta vaiṣṇavaḥ
Sanskrit only: no published translation is held for this verse.
तथा च ब्राह्मे अम्बरिसं प्रति गौतम-प्रश्ने -- धूप-शेषं तु कृष्णस्य भक्त्या भजसि भूपते । कृत्वा चारात्रिकं विष्णोः स्व-मूर्ध्ना वन्दसे नृप
tathā ca brāhme ambarisaṃ prati gautama-praśne -- dhūpa-śeṣaṃ tu kṛṣṇasya bhaktyā bhajasi bhūpate | kṛtvā cārātrikaṃ viṣṇoḥ sva-mūrdhnā vandase nṛpa
Sanskrit only: no published translation is held for this verse.
अथ श्री-भगवद्-अलय-धूपन-माहात्म्यं कृष्णागुरु-समुत्थेन धूपेन श्रीधरालयम् । धूपयेद् वैष्णवो यस् तु स मुक्तो नरकार्णवत्
atha śrī-bhagavad-alaya-dhūpana-māhātmyaṃ kṛṣṇāguru-samutthena dhūpena śrīdharālayam | dhūpayed vaiṣṇavo yas tu sa mukto narakārṇavat
Sanskrit only: no published translation is held for this verse.
धूप-शेष-सेवन-माहात्म्यम् पाद्मे श्री-गौतमाम्बरीष-संवादे - तीर्थ-कोटि-शतैर् धौतो यथा भवति निर्मलः । करोति निर्मलं देहं धूप-शेषस् तथा हरेः
dhūpa-śeṣa-sevana-māhātmyam pādme śrī-gautamāmbarīṣa-saṃvāde - tīrtha-koṭi-śatair dhauto yathā bhavati nirmalaḥ | karoti nirmalaṃ dehaṃ dhūpa-śeṣas tathā hareḥ
Sanskrit only: no published translation is held for this verse.
न भयं विद्यते तस्य भौमं दिव्यं रासातलम् । कृष्ण-धूपावशेषेन यस्याङ्गं परिवासितम्
na bhayaṃ vidyate tasya bhaumaṃ divyaṃ rāsātalam | kṛṣṇa-dhūpāvaśeṣena yasyāṅgaṃ parivāsitam
Sanskrit only: no published translation is held for this verse.
नापदो विपदस् तस्य भवन्ति खलु देहिनः । हरेर् दत्तावशेषेन धूपयेद् यस् तनुं सदा
nāpado vipadas tasya bhavanti khalu dehinaḥ | harer dattāvaśeṣena dhūpayed yas tanuṃ sadā
Sanskrit only: no published translation is held for this verse.
नासौख्यं न भयं दुःखं नाधिजं नैव रोगजम् । यः सेवयेद् धूप-शेषं विष्णोर् अद्भुत-कर्मणः
nāsaukhyaṃ na bhayaṃ duḥkhaṃ nādhijaṃ naiva rogajam | yaḥ sevayed dhūpa-śeṣaṃ viṣṇor adbhuta-karmaṇaḥ
Sanskrit only: no published translation is held for this verse.
क्रूर-सत्त्व-भयं नैव न च चौर-भयं क्वचित् । सेवयित्वा हरेर् धूपं निर्माल्यं पदयोर् जलम्
krūra-sattva-bhayaṃ naiva na ca caura-bhayaṃ kvacit | sevayitvā harer dhūpaṃ nirmālyaṃ padayor jalam
Sanskrit only: no published translation is held for this verse.
हरि-भक्ति-सुधोदये च- आघ्राणं यद् धरेर् दत्तं धूपोच्छिष्टस्य सर्वतः । तद्-भव-व्याल-दष्टानां भवेत् कर्म-विषापहं
hari-bhakti-sudhodaye ca- āghrāṇaṃ yad dharer dattaṃ dhūpocchiṣṭasya sarvataḥ | tad-bhava-vyāla-daṣṭānāṃ bhavet karma-viṣāpahaṃ
Sanskrit only: no published translation is held for this verse.
इति । दर्शनाद् अपि धूपस्य धूप-दानादि-जं फलम् । सर्वं अन्येऽपि विन्दन्ति तच् चाग्रे व्यतिं एष्यति
iti | darśanād api dhūpasya dhūpa-dānādi-jaṃ phalam | sarvaṃ anye'pi vindanti tac cāgre vyatiṃ eṣyati
Sanskrit only: no published translation is held for this verse.
अथ दीपनं तथैट दीपम् उत्सृज्य प्राग्वद् घण्टं च वादयन् । पदाब्जाद् अदृग्-अब्जान्तं मुद्रयोच्चैः प्रदीपयेत्
atha dīpanaṃ tathaiṭa dīpam utsṛjya prāgvad ghaṇṭaṃ ca vādayan | padābjād adṛg-abjāntaṃ mudrayoccaiḥ pradīpayet
Sanskrit only: no published translation is held for this verse.
तत्र मन्त्रः गौतमीये- सु-प्रकाशो महा-तेजह् सर्वतस् तिमिरापहः । स-बाह्याभ्यन्तर-ज्योतिर् दीपो ऽयं प्रतिगृह्यताम्
tatra mantraḥ gautamīye- su-prakāśo mahā-tejah sarvatas timirāpahaḥ | sa-bāhyābhyantara-jyotir dīpo 'yaṃ pratigṛhyatām
Sanskrit only: no published translation is held for this verse.
अथ दीपः दीपं प्रज्वलयेत् शक्तौ कर्पूरेन घृतेन वा । गव्येन तत्रासामार्थ्ये तैलेनापि सु-गन्धिना
atha dīpaḥ dīpaṃ prajvalayet śaktau karpūrena ghṛtena vā | gavyena tatrāsāmārthye tailenāpi su-gandhinā
Sanskrit only: no published translation is held for this verse.
तथा च नारदीय-कल्पे- स-घृतं गुग्गुलं धूपं दीपं गो-घृत-दीपितम् । समस्त-परिवाराय हरये श्रद्धयार्पयेत्
tathā ca nāradīya-kalpe- sa-ghṛtaṃ guggulaṃ dhūpaṃ dīpaṃ go-ghṛta-dīpitam | samasta-parivārāya haraye śraddhayārpayet
Sanskrit only: no published translation is held for this verse.
भविष्योत्तरे- घृतेन दीपो दातव्यो राजन् तैलेन वा पुनः
bhaviṣyottare- ghṛtena dīpo dātavyo rājan tailena vā punaḥ
Sanskrit only: no published translation is held for this verse.
महाभारते च- हविषा प्रथमः कल्पो द्वितीयश् चौषधोरसैः
mahābhārate ca- haviṣā prathamaḥ kalpo dvitīyaś cauṣadhorasaiḥ
Sanskrit only: no published translation is held for this verse.
अथ दीपे निषिद्धं भविष्योत्तरे- वसा-मज्जादिभिर् दीपो न तु देयः कदाचन
atha dīpe niṣiddhaṃ bhaviṣyottare- vasā-majjādibhir dīpo na tu deyaḥ kadācana
Sanskrit only: no published translation is held for this verse.
महाभारते- वसा-मज्जास्थि-निर्यासैर् न कार्यः पुष्टिं इच्छत
mahābhārate- vasā-majjāsthi-niryāsair na kāryaḥ puṣṭiṃ icchata
Sanskrit only: no published translation is held for this verse.
विष्णु-धर्मोत्तरे तृतीय-खण्डे- नील-रक्त-दशं दीपं प्रयत्नेन विवर्जयेत्
viṣṇu-dharmottare tṛtīya-khaṇḍe- nīla-rakta-daśaṃ dīpaṃ prayatnena vivarjayet
Sanskrit only: no published translation is held for this verse.
कालिका-पुराणे- दीप-वृक्षश् च कर्तव्यस् तैजासाद्यैश् च भैरव । वृक्षेषु दीपो दातव्यो न तु भूमौ कदाचन
kālikā-purāṇe- dīpa-vṛkṣaś ca kartavyas taijāsādyaiś ca bhairava | vṛkṣeṣu dīpo dātavyo na tu bhūmau kadācana
Sanskrit only: no published translation is held for this verse.
अथ दीप-माहात्म्यं स्कान्दे ब्रह्म-नारद-संवादे- प्रज्वाल्य देव-देवस्य कर्पूरेन च दीपकम् । अश्वमेधं अवाप्नोति कुलं चैव समुद्धरेत्
atha dīpa-māhātmyaṃ skānde brahma-nārada-saṃvāde- prajvālya deva-devasya karpūrena ca dīpakam | aśvamedhaṃ avāpnoti kulaṃ caiva samuddharet
Sanskrit only: no published translation is held for this verse.
अत्रैवान्यत्र च- यो ददाति मही-पाल कृष्णस्याग्रे तु दीपकम् । पातकं तु समुत्सृज्य ज्योती-रूपं लभेत् फलम्
atraivānyatra ca- yo dadāti mahī-pāla kṛṣṇasyāgre tu dīpakam | pātakaṃ tu samutsṛjya jyotī-rūpaṃ labhet phalam
Sanskrit only: no published translation is held for this verse.
वाराहे- दीपं ददाति यो देवि मद्-भक्त्या तु व्यवस्थितः । नात्रान्धत्वं भवेत् तस्य सप्त-जन्मनि सुन्दरि
vārāhe- dīpaṃ dadāti yo devi mad-bhaktyā tu vyavasthitaḥ | nātrāndhatvaṃ bhavet tasya sapta-janmani sundari
Sanskrit only: no published translation is held for this verse.
यस् तु दद्यात् प्रदीपं मे सर्वतः स्रद्धयान्वितः । स्वयम्-प्रभेषु देशेषु तस्योत्पत्तिर् विधीयते
yas tu dadyāt pradīpaṃ me sarvataḥ sraddhayānvitaḥ | svayam-prabheṣu deśeṣu tasyotpattir vidhīyate
Sanskrit only: no published translation is held for this verse.
हरि-भक्ति-सुधोदये- दत्तं स्व-ज्योतिषे ज्योतिर् यद् विस्तारयति प्रभाम् । तद्वद् धर्यति सज्-ज्योतिर् दातुः पापतमो ऽपहं
hari-bhakti-sudhodaye- dattaṃ sva-jyotiṣe jyotir yad vistārayati prabhām | tadvad dharyati saj-jyotir dātuḥ pāpatamo 'pahaṃ
Sanskrit only: no published translation is held for this verse.
नारसिंहे- घृतेन वाथ तैलेन दीपं प्रज्वलयेन् नरः । विष्णवे विधिवद् भक्त्या तस्य पुण्य-फलं शृणु
nārasiṃhe- ghṛtena vātha tailena dīpaṃ prajvalayen naraḥ | viṣṇave vidhivad bhaktyā tasya puṇya-phalaṃ śṛṇu
Sanskrit only: no published translation is held for this verse.
विहाय पापं सकलं सहस्रादित्य-स-प्रभः । ज्योतिष्मता विमानेन विष्णु-लोके महीयते
vihāya pāpaṃ sakalaṃ sahasrāditya-sa-prabhaḥ | jyotiṣmatā vimānena viṣṇu-loke mahīyate
Sanskrit only: no published translation is held for this verse.
प्रह्लाद-संहितायां च तुलसी-पवकेनैव दीपं यः कुरुते हरेः । दीप-लक्ष-सहस्राणां पुण्यं भवति दैत्यज
prahlāda-saṃhitāyāṃ ca tulasī-pavakenaiva dīpaṃ yaḥ kurute hareḥ | dīpa-lakṣa-sahasrāṇāṃ puṇyaṃ bhavati daityaja
Sanskrit only: no published translation is held for this verse.
इति । पश्चाद् दीपं च तं भक्त्या मूर्ध्ना वन्देत वैष्णवः । धूपस्येवेक्षणात् तस्य लभन्तेऽन्येऽपि तत् फलम्
iti | paścād dīpaṃ ca taṃ bhaktyā mūrdhnā vandeta vaiṣṇavaḥ | dhūpasyevekṣaṇāt tasya labhante'nye'pi tat phalam
Sanskrit only: no published translation is held for this verse.
केचिच् चानेन दीपेन श्री-मूर्तेर् मूर्ध्नि वैष्णवः । नीराजनं इहेच्छन्ति महा-नीराजने यथा
kecic cānena dīpena śrī-mūrter mūrdhni vaiṣṇavaḥ | nīrājanaṃ ihecchanti mahā-nīrājane yathā
Sanskrit only: no published translation is held for this verse.
तथा च रामार्चन-चन्द्रिकायां धूपानन्तरं दीप-प्रसङ्गे- आरात्रिकं तु विषम-बहु-वर्ति-समन्वितम् । अभ्यर्च्य रामचन्द्राय वाम-मध्यम् अथार्पयेत्
tathā ca rāmārcana-candrikāyāṃ dhūpānantaraṃ dīpa-prasaṅge- ārātrikaṃ tu viṣama-bahu-varti-samanvitam | abhyarcya rāmacandrāya vāma-madhyam athārpayet
Sanskrit only: no published translation is held for this verse.
नमो दीपेश्वरायेति दद्यात् पुष्पाञ्जलिं ततः । अवधूप्याभ्यर्च्य वाद्यैर् मूर्ध्नि नीराजयेत् प्रभुम्
namo dīpeśvarāyeti dadyāt puṣpāñjaliṃ tataḥ | avadhūpyābhyarcya vādyair mūrdhni nīrājayet prabhum
Sanskrit only: no published translation is held for this verse.
इति । अत एवेष्यते तस्य कराभ्यां वन्दनं च तैः । नाम चारात्रिकेत्य् आदि वर्त्यो ऽपि बहुलाः समाः
iti | ata eveṣyate tasya karābhyāṃ vandanaṃ ca taiḥ | nāma cārātrikety ādi vartyo 'pi bahulāḥ samāḥ
Sanskrit only: no published translation is held for this verse.
प्रसङ्गाल् लिख्यतेऽत्रैव श्रीमद्-भगवद्-आलये । दीप-दानस्य माहात्म्यं कार्त्तिकीयं च तद् विना
prasaṅgāl likhyate'traiva śrīmad-bhagavad-ālaye | dīpa-dānasya māhātmyaṃ kārttikīyaṃ ca tad vinā
Sanskrit only: no published translation is held for this verse.
अथ श्री-भगवद्-आलये दीप-प्रदान-माहात्म्यम् विष्णु-धर्मोत्तरे प्रथम-काण्डे [१।१६६।१७फ़्फ़्, मिxएद् उप्]- दीप-दानात् परं दानं न भूतं न भविष्यति । केशवायतने कृत्वा दीप-वृक्षा-मनोहरम् । अतीव भ्राजते लक्ष्म्या दिवम् आसाद्य सर्वतः
atha śrī-bhagavad-ālaye dīpa-pradāna-māhātmyam viṣṇu-dharmottare prathama-kāṇḍe [1.166.17ff, mixed up]- dīpa-dānāt paraṃ dānaṃ na bhūtaṃ na bhaviṣyati | keśavāyatane kṛtvā dīpa-vṛkṣā-manoharam | atīva bhrājate lakṣmyā divam āsādya sarvataḥ
Sanskrit only: no published translation is held for this verse.
दीप-मालां प्रयच्छन्ति ये नराः शार्ङ्गिणो गृहे । भवन्ति ते चन्द्र-समाः स्वर्गम् आसाद्य मानवाः
dīpa-mālāṃ prayacchanti ye narāḥ śārṅgiṇo gṛhe | bhavanti te candra-samāḥ svargam āsādya mānavāḥ
Sanskrit only: no published translation is held for this verse.
दीपागारं नरः कृत्वा कूतागार-निभं शुभम् । केशवालयम् आसाद्य लोके भाति स शक्रवत्
dīpāgāraṃ naraḥ kṛtvā kūtāgāra-nibhaṃ śubham | keśavālayam āsādya loke bhāti sa śakravat
Sanskrit only: no published translation is held for this verse.
यथोज्ज्वलो भवेद् दीपः सम्प्रदातापि यादव । तथा नित्योज्ज्वलो लोके नाकपृष्ठे विराजते
yathojjvalo bhaved dīpaḥ sampradātāpi yādava | tathā nityojjvalo loke nākapṛṣṭhe virājate
Sanskrit only: no published translation is held for this verse.
स-दीपे च यथा देसे चक्षूंसि फलवन्ति च । तथा दीपस्य दतरो भवन्ति स-फलेक्षनः
sa-dīpe ca yathā dese cakṣūṃsi phalavanti ca | tathā dīpasya dataro bhavanti sa-phalekṣanaḥ
Sanskrit only: no published translation is held for this verse.
एकादश्यां च द्वादश्यां प्रति-पक्षं तु यो नरः । दीपं ददाति कृष्णाय तस्य पुण्य-फलं शृणु
ekādaśyāṃ ca dvādaśyāṃ prati-pakṣaṃ tu yo naraḥ | dīpaṃ dadāti kṛṣṇāya tasya puṇya-phalaṃ śṛṇu
Sanskrit only: no published translation is held for this verse.
सुवर्ण-मणि-मुक्ताढ्यम् मनोज्ञम् अति-सुन्दरम् । दीप-माला-कुलं दिव्यं विमानम् अधिरोहति
suvarṇa-maṇi-muktāḍhyam manojñam ati-sundaram | dīpa-mālā-kulaṃ divyaṃ vimānam adhirohati
Sanskrit only: no published translation is held for this verse.
पद्म-सुत्रोद्भवं वर्त्ति गन्ध-तैलेन दीपकान् । विरोगः सुभगश् चैव दत्त्वा भवति मानवः
padma-sutrodbhavaṃ vartti gandha-tailena dīpakān | virogaḥ subhagaś caiva dattvā bhavati mānavaḥ
Sanskrit only: no published translation is held for this verse.
दीप-दनं महा-पुण्यम् अन्य-देवेष्व् अपि ध्रुवम् । किं पुनर् वासुदेवस्यानन्तस्य तु महात्मनः
dīpa-danaṃ mahā-puṇyam anya-deveṣv api dhruvam | kiṃ punar vāsudevasyānantasya tu mahātmanaḥ
Sanskrit only: no published translation is held for this verse.
तत्रैव तृतीय-खण्डे- दीपं चक्षुः-प्रदं दद्यात् तथैवोर्ध्व-गति-प्रदम् । ऊर्ध्वं यथा दीप-शिखा दाता चोर्ध्व-गतिस् तथा
tatraiva tṛtīya-khaṇḍe- dīpaṃ cakṣuḥ-pradaṃ dadyāt tathaivordhva-gati-pradam | ūrdhvaṃ yathā dīpa-śikhā dātā cordhva-gatis tathā
Sanskrit only: no published translation is held for this verse.
यावद् अक्षि-निमेषाणि दीपो देवालये ज्वलेत् । तावद् वर्ष-सहस्राणि नाक-पृष्ठे महीयते
yāvad akṣi-nimeṣāṇi dīpo devālaye jvalet | tāvad varṣa-sahasrāṇi nāka-pṛṣṭhe mahīyate
Sanskrit only: no published translation is held for this verse.
ब्र्हन्-नारदीये वितिहोत्रं प्रति यज्ञध्वजस्य पूर्व-जन्म-वृत्त-कथने- प्रदीपः स्थापितस् तत्र सुरतार्थं द्विजोत्तम । तेनापि मम दुष्कर्म निह्शेषं क्षयम् अगतम्
brhan-nāradīye vitihotraṃ prati yajñadhvajasya pūrva-janma-vṛtta-kathane- pradīpaḥ sthāpitas tatra suratārthaṃ dvijottama | tenāpi mama duṣkarma nihśeṣaṃ kṣayam agatam
Sanskrit only: no published translation is held for this verse.
विष्णु-धर्मे च- विलीयते स्व-हस्ते तु स्व-तन्त्रे सति दीपकः । महा-फलो विष्णु-गृहे न दत्तो नरकाय सः
viṣṇu-dharme ca- vilīyate sva-haste tu sva-tantre sati dīpakaḥ | mahā-phalo viṣṇu-gṛhe na datto narakāya saḥ
Sanskrit only: no published translation is held for this verse.
नारदीये मोहिनीं प्रति श्री-रुक्माङ्गदोक्तौ- तिष्ठन्तु बहु-वित्तानि दानार्थं वर-वर्णिनि । हृदयायास-कर्तृणि दीप-दानाद् दिवं व्रजेत्
nāradīye mohinīṃ prati śrī-rukmāṅgadoktau- tiṣṭhantu bahu-vittāni dānārthaṃ vara-varṇini | hṛdayāyāsa-kartṛṇi dīpa-dānād divaṃ vrajet
Sanskrit only: no published translation is held for this verse.
तस्याप्य् अभावे सुभगे पर-दीप-प्रबोधनम् । कर्तव्यं भक्ति-भावेन सर्व-दानाधिकश् च यत्
tasyāpy abhāve subhage para-dīpa-prabodhanam | kartavyaṃ bhakti-bhāvena sarva-dānādhikaś ca yat
Sanskrit only: no published translation is held for this verse.
इति । सद कल-विशेषेऽपि भक्त्या भगवद्-आलये । महा-दीप-प्रदानस्य महिमाप्य् अत्र लिख्याते
iti | sada kala-viśeṣe'pi bhaktyā bhagavad-ālaye | mahā-dīpa-pradānasya mahimāpy atra likhyāte
Sanskrit only: no published translation is held for this verse.
अथ महादीप-माहात्म्यम् विष्णु-धर्मोत्तरे प्रथम-खण्डे- महावर्त्तिः सदा देया भूमि-पाल महा-फला । कृष्ण-पक्षे विशेषेण तत्रापि स विशेषतः
atha mahādīpa-māhātmyam viṣṇu-dharmottare prathama-khaṇḍe- mahāvarttiḥ sadā deyā bhūmi-pāla mahā-phalā | kṛṣṇa-pakṣe viśeṣeṇa tatrāpi sa viśeṣataḥ
Sanskrit only: no published translation is held for this verse.
अमावस्या च निर्दिष्टा द्वादशी च महाफला । अश्व-युज्याम् अतीतायां कृष्ण-पक्षश् च यो भवेत्
amāvasyā ca nirdiṣṭā dvādaśī ca mahāphalā | aśva-yujyām atītāyāṃ kṛṣṇa-pakṣaś ca yo bhavet
Sanskrit only: no published translation is held for this verse.
अमावस्या तदा पुण्या द्वादशी च विशेषतः । देवस्य दक्षिणे पार्श्वे देया तैल-तुला नृप
amāvasyā tadā puṇyā dvādaśī ca viśeṣataḥ | devasya dakṣiṇe pārśve deyā taila-tulā nṛpa
Sanskrit only: no published translation is held for this verse.
पलाष्टक-युतां राजन् वर्त्ति तत्र च दापयेत् । वाससा तु समग्रेण सोपवासो जितेन्द्रियः
palāṣṭaka-yutāṃ rājan vartti tatra ca dāpayet | vāsasā tu samagreṇa sopavāso jitendriyaḥ
Sanskrit only: no published translation is held for this verse.
महावर्त्ति-द्वयम् इदं सकृद् दत्त्वा महामते । स्वर्-लोकं सु-चिरं भुक्त्वा जायते भू-तले यदा
mahāvartti-dvayam idaṃ sakṛd dattvā mahāmate | svar-lokaṃ su-ciraṃ bhuktvā jāyate bhū-tale yadā
Sanskrit only: no published translation is held for this verse.
तदा भवति लक्ष्मीवान् जय-द्रविण-सम्युतः । राष्ट्रे च जायते स्वस्मिन् देशे च नगरे तथा
tadā bhavati lakṣmīvān jaya-draviṇa-samyutaḥ | rāṣṭre ca jāyate svasmin deśe ca nagare tathā
Sanskrit only: no published translation is held for this verse.
कुले च राज-शार्दूल तत्र स्याद् दीपवत्-प्रभः । प्रत्युज्ज्वलश् च भवति युद्धेषु कलहेषु च
kule ca rāja-śārdūla tatra syād dīpavat-prabhaḥ | pratyujjvalaś ca bhavati yuddheṣu kalaheṣu ca
Sanskrit only: no published translation is held for this verse.
ख्यातिं याति तथा लोके सद्-गुणानां च सद्-गुणैः । एकम् अप्य् अथ यो दद्याद् अभीष्टतमयोर् द्वयोः
khyātiṃ yāti tathā loke sad-guṇānāṃ ca sad-guṇaiḥ | ekam apy atha yo dadyād abhīṣṭatamayor dvayoḥ
Sanskrit only: no published translation is held for this verse.
मनुष्ये सर्वम् आप्नोति यद् उक्तं ते महानघ । स्वर्गे तथात्वम् आप्नोति भोग-काले तु यादव
manuṣye sarvam āpnoti yad uktaṃ te mahānagha | svarge tathātvam āpnoti bhoga-kāle tu yādava
Sanskrit only: no published translation is held for this verse.
समान्यस्य तु दीपस्य राजन् दानं महाफलम् । किं पुनर् महतो दीपस्यात्रेयत्त न विद्यते
samānyasya tu dīpasya rājan dānaṃ mahāphalam | kiṃ punar mahato dīpasyātreyatta na vidyate
Sanskrit only: no published translation is held for this verse.
अथ सोन-मलिनदि-वस्त्र-वर्त्त्य दीप-दन-निसेधः शोणं वादरकं वस्त्रं जीर्णं मलिनम् एव च । उपभुक्तं न वा दद्यात् वर्त्तिकार्थं कदाचन
atha sona-malinadi-vastra-varttya dīpa-dana-nisedhaḥ śoṇaṃ vādarakaṃ vastraṃ jīrṇaṃ malinam eva ca | upabhuktaṃ na vā dadyāt varttikārthaṃ kadācana
Sanskrit only: no published translation is held for this verse.
इति । स्वयम् अन्येन वा दत्तं दीपान् न श्री-हरेर् हरेत् । निर्वापयेन् न हिंसाच् च शुभं इच्छन् कदाचन
iti | svayam anyena vā dattaṃ dīpān na śrī-harer haret | nirvāpayen na hiṃsāc ca śubhaṃ icchan kadācana
Sanskrit only: no published translation is held for this verse.
अथ दीप-निर्वापनादि-दोषः विष्णु-धर्मोत्तरे प्रथम-खण्डे- दत्त्वा दीपो न हर्तव्यस् तेन कर्म विजानता । निर्वापनं च दीपस्य हिंसनं च विगर्हितम्
atha dīpa-nirvāpanādi-doṣaḥ viṣṇu-dharmottare prathama-khaṇḍe- dattvā dīpo na hartavyas tena karma vijānatā | nirvāpanaṃ ca dīpasya hiṃsanaṃ ca vigarhitam
Sanskrit only: no published translation is held for this verse.
यः कुर्याद् धिंसनं तेन कर्मणा पुष्पितेक्षणः । दीप-हर्ता भवेद् अन्धः कणो निर्वाण-कृद् भवेत्
yaḥ kuryād dhiṃsanaṃ tena karmaṇā puṣpitekṣaṇaḥ | dīpa-hartā bhaved andhaḥ kaṇo nirvāṇa-kṛd bhavet
Sanskrit only: no published translation is held for this verse.
विष्णु-धर्मे च नारकान् प्रति श्री-धर्मराजोक्तौ- युष्माभिर् यौवनोन्मादम् उदितैर् अविवेकिभिः । द्युतोद्योतय गोविन्द-गेहाद् दीपः पुरा हृतः
viṣṇu-dharme ca nārakān prati śrī-dharmarājoktau- yuṣmābhir yauvanonmādam uditair avivekibhiḥ | dyutodyotaya govinda-gehād dīpaḥ purā hṛtaḥ
Sanskrit only: no published translation is held for this verse.
तेनाद्य नरके घोरे क्षुत्-तृष्णा-परिपीडिताः । भवन्ति पतितास् तीव्रे शीत-वात-विदारिताः
tenādya narake ghore kṣut-tṛṣṇā-paripīḍitāḥ | bhavanti patitās tīvre śīta-vāta-vidāritāḥ
Sanskrit only: no published translation is held for this verse.
तत्रैव श्री-पुलस्त्योक्तौ च- तस्माद् आयातने विष्णोर् दद्याद् दीपान् द्विजोत्तम । ताम्श् च दत्त्वा न हिंसेत न च तैल-वियोजितान्
tatraiva śrī-pulastyoktau ca- tasmād āyātane viṣṇor dadyād dīpān dvijottama | tāmś ca dattvā na hiṃseta na ca taila-viyojitān
Sanskrit only: no published translation is held for this verse.
कुर्वीत दीप-हन्ता च मूको ऽन्धो जायते मृतः । अन्धे तमसि दुष्परे नरके पच्यते किल
kurvīta dīpa-hantā ca mūko 'ndho jāyate mṛtaḥ | andhe tamasi duṣpare narake pacyate kila
Sanskrit only: no published translation is held for this verse.
भूमौ दीप-दन-निसेधः कालिका-पुराणे- दीप-वृक्षश् च कर्तव्यस् तैजासाद्यैश् च भैरव । वृक्षेषु दीपो दातव्यो न तु भूमौ कदाचन
bhūmau dīpa-dana-nisedhaḥ kālikā-purāṇe- dīpa-vṛkṣaś ca kartavyas taijāsādyaiś ca bhairava | vṛkṣeṣu dīpo dātavyo na tu bhūmau kadācana
Sanskrit only: no published translation is held for this verse.
अथ नैवेद्यं दत्त्वा पुष्पाञ्जलिं पीठं पद्यम् आचमनं तथा । कृत्वा पात्रेषु कृष्णायार्पयेद् भोज्यं यथा-विधि
atha naivedyaṃ dattvā puṣpāñjaliṃ pīṭhaṃ padyam ācamanaṃ tathā | kṛtvā pātreṣu kṛṣṇāyārpayed bhojyaṃ yathā-vidhi
Sanskrit only: no published translation is held for this verse.
अथ नैवेद्यर्पन-विधिः अस्त्रं जप्त्वाम्बुना प्रोक्ष्य नैवेद्यं चक्र-मुद्रया । संरक्ष्य प्रोक्षयेद् वायु-बीज-जप्त-जलेन च
atha naivedyarpana-vidhiḥ astraṃ japtvāmbunā prokṣya naivedyaṃ cakra-mudrayā | saṃrakṣya prokṣayed vāyu-bīja-japta-jalena ca
Sanskrit only: no published translation is held for this verse.
तेन संशोष्य तद्-दोषम् अग्नि-बीजं च दक्षिणे । ध्यात्वा कर-तलेऽन्यत् तत् पृष्ठे संयोज्य दर्श्यते
tena saṃśoṣya tad-doṣam agni-bījaṃ ca dakṣiṇe | dhyātvā kara-tale'nyat tat pṛṣṭhe saṃyojya darśyate
Sanskrit only: no published translation is held for this verse.
तद्-उत्थ-वह्निना तस्य शुष्क-दोषं हृदा दहेत् । ततः कर-तले सव्येऽमृत-बीजं विचिन्तयेत्
tad-uttha-vahninā tasya śuṣka-doṣaṃ hṛdā dahet | tataḥ kara-tale savye'mṛta-bījaṃ vicintayet
Sanskrit only: no published translation is held for this verse.
तत्-पृष्ठे दक्षिणं पनि-तलं संयोज्य दर्शयेत् । तद्-उत्थया निवेद्यं तत् सिचेद् अमृत-धारया
tat-pṛṣṭhe dakṣiṇaṃ pani-talaṃ saṃyojya darśayet | tad-utthayā nivedyaṃ tat siced amṛta-dhārayā
Sanskrit only: no published translation is held for this verse.
जलेन मूल-जप्तेन प्रोक्ष्य तच् चामृतात्मकम् । सर्वं विचिन्त्य संस्पृश्य मूलं वाराष्टकं जपेत्
jalena mūla-japtena prokṣya tac cāmṛtātmakam | sarvaṃ vicintya saṃspṛśya mūlaṃ vārāṣṭakaṃ japet
Sanskrit only: no published translation is held for this verse.
अमृती-कृत्य तद् धेनु-मुद्रया सलिलादिभिः । तच् च कृष्णं च सम्पूज्य गृहित्वा कुसुमाञ्जलिम्
amṛtī-kṛtya tad dhenu-mudrayā salilādibhiḥ | tac ca kṛṣṇaṃ ca sampūjya gṛhitvā kusumāñjalim
Sanskrit only: no published translation is held for this verse.
श्री-कृष्णं प्रार्थ्य तद्-वक्त्रात् तेजो ध्यात्वा विनिर्गतम् । संयोज्य च निवेद्यैतत् पत्रं वामेन संस्पृशन्
śrī-kṛṣṇaṃ prārthya tad-vaktrāt tejo dhyātvā vinirgatam | saṃyojya ca nivedyaitat patraṃ vāmena saṃspṛśan
Sanskrit only: no published translation is held for this verse.
दक्षेण पाणिनादाय गन्ध-पुष्पान्वितं जलम् । स्वाहान्तं मूलम् उच्चार्य तज्-जलं विसृजेद् भुवि
dakṣeṇa pāṇinādāya gandha-puṣpānvitaṃ jalam | svāhāntaṃ mūlam uccārya taj-jalaṃ visṛjed bhuvi
Sanskrit only: no published translation is held for this verse.
तत् पाणिभ्यां समुत्थाय निवेद्यं तुलसी-युतम् । पत्राढ्यं तस्य मन्त्रेण भक्त्या भागवतेऽर्पयेत्
tat pāṇibhyāṃ samutthāya nivedyaṃ tulasī-yutam | patrāḍhyaṃ tasya mantreṇa bhaktyā bhāgavate'rpayet
Sanskrit only: no published translation is held for this verse.
निवेदन-मन्त्रश् चयं- निवेदयमि भवते जुसनेदं हविर् हरे
nivedana-mantraś cayaṃ- nivedayami bhavate jusanedaṃ havir hare
Sanskrit only: no published translation is held for this verse.
इति । अमृतोपस्तरनम् असि स्वाहेत्य् उच्चारयन् हरेः । दत्त्वाथ विधिवद् वारि-गण्डूषं वाम-पाणिना । दर्शयेद् ग्रास-मुद्रां तु प्रफुल्लोत्पल-सन्निभम्
iti | amṛtopastaranam asi svāhety uccārayan hareḥ | dattvātha vidhivad vāri-gaṇḍūṣaṃ vāma-pāṇinā | darśayed grāsa-mudrāṃ tu praphullotpala-sannibham
Sanskrit only: no published translation is held for this verse.
प्राणादि-मुद्रा-हस्तेन दक्षिणेन तु दर्शयेत् । मन्त्रैश् चतुर्थी-स्वाहान्तैस् ताराद्यैस् तत्-तद्-आह्वयैः
prāṇādi-mudrā-hastena dakṣiṇena tu darśayet | mantraiś caturthī-svāhāntais tārādyais tat-tad-āhvayaiḥ
Sanskrit only: no published translation is held for this verse.
ततः स्पृशम्श् च करयोर् अङ्गुष्ठाभ्याम् अनामिके । प्रदर्शयेन् निवेद्यस्य मुद्रां तस्य मनुं जपन्
tataḥ spṛśamś ca karayor aṅguṣṭhābhyām anāmike | pradarśayen nivedyasya mudrāṃ tasya manuṃ japan
Sanskrit only: no published translation is held for this verse.
मन्त्रश् चायं क्रम-दीपिकायाम् [४।६२] -- नन्दजो ऽम्बुमनु-बिन्दु-युङ् नतिः पार्श्व-रा-मरुद्-अवात्मने नि च । रुद्ध-ङे-युत-निवेद्यम् आत्म-भूर् मास-पार्श्वम् अनिलस् तथाऽमि-युक्
mantraś cāyaṃ krama-dīpikāyām [4.62] -- nandajo 'mbumanu-bindu-yuṅ natiḥ pārśva-rā-marud-avātmane ni ca | ruddha-ṅe-yuta-nivedyam ātma-bhūr māsa-pārśvam anilas tathā'mi-yuk
Sanskrit only: no published translation is held for this verse.
निवेद्यस्य मनुत्वेन स्वाभीष्टं मनुम् एव ते । एकान्तिनो जपन्तस् तु ग्रास-मुद्रां वितन्वते
nivedyasya manutvena svābhīṣṭaṃ manum eva te | ekāntino japantas tu grāsa-mudrāṃ vitanvate
Sanskrit only: no published translation is held for this verse.
न च ध्यायन्ते ते कृष्ण-वक्त्रात् तेजो-विनिर्गमम् । मञ्जुल-व्यवहारेण भोजयन्ति हरिं मुदा
na ca dhyāyante te kṛṣṇa-vaktrāt tejo-vinirgamam | mañjula-vyavahāreṇa bhojayanti hariṃ mudā
Sanskrit only: no published translation is held for this verse.
अन्यत्र च- शाली-भक्तं सु-भक्तं शिशिर-कर-सितं पायसं पूप-सूपम् लेह्यं पेयं सु-चूष्यं सितम् अमृत-फलं घारिकाद्यं सुखाद्यम् । आज्यं प्राज्यं समिज्यं नयन-रुचि-करं वाजिकैल-मरीच- स्वादियः शाकराजि-परिकरम् अमृताहार-जोषं जुषस्व
anyatra ca- śālī-bhaktaṃ su-bhaktaṃ śiśira-kara-sitaṃ pāyasaṃ pūpa-sūpam lehyaṃ peyaṃ su-cūṣyaṃ sitam amṛta-phalaṃ ghārikādyaṃ sukhādyam | ājyaṃ prājyaṃ samijyaṃ nayana-ruci-karaṃ vājikaila-marīca- svādiyaḥ śākarāji-parikaram amṛtāhāra-joṣaṃ juṣasva
Sanskrit only: no published translation is held for this verse.
किं च-गरुड-पुराणे- नैवेद्यं परया भक्त्या घण्टाद्यैर् जय-निस्वनैः । नीराजनैश् च हरये दद्याद् दीपासनं बुधः
kiṃ ca-garuḍa-purāṇe- naivedyaṃ parayā bhaktyā ghaṇṭādyair jaya-nisvanaiḥ | nīrājanaiś ca haraye dadyād dīpāsanaṃ budhaḥ
Sanskrit only: no published translation is held for this verse.
अथ नैवेद्य-पत्राणि स्कान्दे श्री-ब्रह्म-नारद-संवादे- नैवेद्य-पात्रं वक्ष्यामि केशवस्य महात्मनः । हैरण्यं रजतं ताम्रं कंस्यं मृन्-मयम् एव च । पलाशं पद्म-पत्रं च पात्रं विष्णोर् अति-प्रियम्
atha naivedya-patrāṇi skānde śrī-brahma-nārada-saṃvāde- naivedya-pātraṃ vakṣyāmi keśavasya mahātmanaḥ | hairaṇyaṃ rajataṃ tāmraṃ kaṃsyaṃ mṛn-mayam eva ca | palāśaṃ padma-patraṃ ca pātraṃ viṣṇor ati-priyam
Sanskrit only: no published translation is held for this verse.
विष्णु-धर्मोत्तरे- पत्राणां तु प्रदानेन नरकं च न गच्छति
viṣṇu-dharmottare- patrāṇāṃ tu pradānena narakaṃ ca na gacchati
Sanskrit only: no published translation is held for this verse.
पत्र-परिमनं देवी-पुराणे- षट्-त्रिंशद्-अङ्गुलं पात्रम् उत्तमं परिकीर्तितम् । मध्यमं च त्रिभागोनं कन्यसं द्वादशाङ्गुलम् । वस्व्-अङ्गुल-विहीनं तु न पात्रं कारयेत् क्वचित्
patra-parimanaṃ devī-purāṇe- ṣaṭ-triṃśad-aṅgulaṃ pātram uttamaṃ parikīrtitam | madhyamaṃ ca tribhāgonaṃ kanyasaṃ dvādaśāṅgulam | vasv-aṅgula-vihīnaṃ tu na pātraṃ kārayet kvacit
Sanskrit only: no published translation is held for this verse.
अथ भोज्यनि एकादश-स्कन्दे (११।२७।३४)- गुड-पायस-सर्पींषि सष्कुल्यापूप-मोदकान् । संयाव-दधि-सूपाम्श् च नैवेद्यं सति कल्पयेत्
atha bhojyani ekādaśa-skande (11.27.34)- guḍa-pāyasa-sarpīṃṣi saṣkulyāpūpa-modakān | saṃyāva-dadhi-sūpāmś ca naivedyaṃ sati kalpayet
Sanskrit only: no published translation is held for this verse.
किं च-(११।११।४१)- यद् यद् इष्टतमं लोके यच् चाति-प्रियम् आत्मनः । तत् तन् निवेदयेन् मह्यं तद् आनन्त्याय कल्पते
kiṃ ca-(11.11.41)- yad yad iṣṭatamaṃ loke yac cāti-priyam ātmanaḥ | tat tan nivedayen mahyaṃ tad ānantyāya kalpate
Sanskrit only: no published translation is held for this verse.
अष्टम-स्कान्दे- (८।१६।५२)- नैवेद्यं चाधि-गुणवद् दद्यात् पुरुष-तुष्टि-दम्
aṣṭama-skānde- (8.16.52)- naivedyaṃ cādhi-guṇavad dadyāt puruṣa-tuṣṭi-dam
Sanskrit only: no published translation is held for this verse.