Library·Gopalabhatta: Haribhaktivilasa·8
बौधायन-स्मृतौ च- नाना-विधान्न-पानैश् च भक्षनाद्यैर् मनोहरैः । नैवेद्यं कल्पयेद् विष्णोस् तद्-अभावे च पायसं केवलं घृत-संयुक्तं
baudhāyana-smṛtau ca- nānā-vidhānna-pānaiś ca bhakṣanādyair manoharaiḥ | naivedyaṃ kalpayed viṣṇos tad-abhāve ca pāyasaṃ kevalaṃ ghṛta-saṃyuktaṃ
Sanskrit only: no published translation is held for this verse.
वामन-पुराणे--- हविषा संस्कृता ये च यव-गोधूम-शलयः । तिल-मुद्गादयो माषा व्रीहयश् च प्रिया हरेः
vāmana-purāṇe--- haviṣā saṃskṛtā ye ca yava-godhūma-śalayaḥ | tila-mudgādayo māṣā vrīhayaś ca priyā hareḥ
Sanskrit only: no published translation is held for this verse.
गारुडे- अन्नं चतुर्-विधं पुण्यम् गुणाढ्यं चामृतोपमम् । निष्पण्णं स्व-गृहे यद् वा श्रद्धया कल्पयेद् धरेः
gāruḍe- annaṃ catur-vidhaṃ puṇyam guṇāḍhyaṃ cāmṛtopamam | niṣpaṇṇaṃ sva-gṛhe yad vā śraddhayā kalpayed dhareḥ
Sanskrit only: no published translation is held for this verse.
भविष्ये- पुष्पं धूपं तथा दीपं नैवेद्यं सु-मनोहरम् । खण्ड-लड्डुक-श्री-वेस्त-कासाराशोक-वर्तिकाः
bhaviṣye- puṣpaṃ dhūpaṃ tathā dīpaṃ naivedyaṃ su-manoharam | khaṇḍa-laḍḍuka-śrī-vesta-kāsārāśoka-vartikāḥ
Sanskrit only: no published translation is held for this verse.
स्वस्तिकोल्लसिक-दुग्ध-तिल-वेष्ट-किलाटिकाः । फलानि चैव पक्वानि नागरङ्गादिकानि च
svastikollasika-dugdha-tila-veṣṭa-kilāṭikāḥ | phalāni caiva pakvāni nāgaraṅgādikāni ca
Sanskrit only: no published translation is held for this verse.
अन्यानि विधिना दत्त्वा भक्ष्याणि विविधानि च । एवम् आदिनि दापयेद् भक्तितो न्र्प
anyāni vidhinā dattvā bhakṣyāṇi vividhāni ca | evam ādini dāpayed bhaktito nrpa
Sanskrit only: no published translation is held for this verse.
वाराहे- यस् तु भागवतो देवि अन्नाद् येन तु प्रीणयेत् । प्रीणितस् तिष्ठतेऽसौ वा बहु-जन्मानि माधवि
vārāhe- yas tu bhāgavato devi annād yena tu prīṇayet | prīṇitas tiṣṭhate'sau vā bahu-janmāni mādhavi
Sanskrit only: no published translation is held for this verse.
सर्व-व्रीहि-मयं गृह्यम् शुभं सर्व-रसान्वितम् । मन्त्रेण मे प्रदीयेत न किंचिद् अपि संस्पृशेत्
sarva-vrīhi-mayaṃ gṛhyam śubhaṃ sarva-rasānvitam | mantreṇa me pradīyeta na kiṃcid api saṃspṛśet
Sanskrit only: no published translation is held for this verse.
इङ्गुदि-फल-बिल्वानि बदरामलकानि च । खर्जुराम्श् चासनाम्श् चैव मानवाम्श् च परूषकान्
iṅgudi-phala-bilvāni badarāmalakāni ca | kharjurāmś cāsanāmś caiva mānavāmś ca parūṣakān
Sanskrit only: no published translation is held for this verse.
शालोड्डम्बरिकाम्श् चैव तथा प्लक्ष-फलानि च । पैप्पलं कण्टकीयं च तुम्बुरुं च प्रियङ्गुकम्
śāloḍḍambarikāmś caiva tathā plakṣa-phalāni ca | paippalaṃ kaṇṭakīyaṃ ca tumburuṃ ca priyaṅgukam
Sanskrit only: no published translation is held for this verse.
मरीचं शिंश-पाकं च भल्लातकर-मर्दकम् । द्राक्षां च दाडिमं चैव पिण्ड-खर्जूरम् एव च
marīcaṃ śiṃśa-pākaṃ ca bhallātakara-mardakam | drākṣāṃ ca dāḍimaṃ caiva piṇḍa-kharjūram eva ca
Sanskrit only: no published translation is held for this verse.
सौवीरं केलिकं चैव तथा शुभ-फलानि च । पिण्डारक-फलं चैव पुन्नाग-फलम् एव च
sauvīraṃ kelikaṃ caiva tathā śubha-phalāni ca | piṇḍāraka-phalaṃ caiva punnāga-phalam eva ca
Sanskrit only: no published translation is held for this verse.
शमीं चैव कवीरं च खर्जूरक-महाफलम् । कुमुदस्य फलं चैव वहेडक-फलं तथा
śamīṃ caiva kavīraṃ ca kharjūraka-mahāphalam | kumudasya phalaṃ caiva vaheḍaka-phalaṃ tathā
Sanskrit only: no published translation is held for this verse.
अजं कर्कोटकं चैव तथा तल-फलानि च । कदम्बः कौमुदं चैव द्वि-विधं स्थल-कञ्जयोः
ajaṃ karkoṭakaṃ caiva tathā tala-phalāni ca | kadambaḥ kaumudaṃ caiva dvi-vidhaṃ sthala-kañjayoḥ
Sanskrit only: no published translation is held for this verse.
पिण्डिकण्डेति विख्यातं वंश-नीपं ततः परम् । मधु-कण्डेति विख्यातं माहिषं कण्डम् एव च
piṇḍikaṇḍeti vikhyātaṃ vaṃśa-nīpaṃ tataḥ param | madhu-kaṇḍeti vikhyātaṃ māhiṣaṃ kaṇḍam eva ca
Sanskrit only: no published translation is held for this verse.
कर-मर्दक-कन्दं च तथा निलोत्पलस्य च । मृणालं पौष्करं चैव शालूकस्य फलं तथा
kara-mardaka-kandaṃ ca tathā nilotpalasya ca | mṛṇālaṃ pauṣkaraṃ caiva śālūkasya phalaṃ tathā
Sanskrit only: no published translation is held for this verse.
एते चान्ये च बहवः काण्ड-मूल-फलानि च । एतानि चोपयोज्यानि ये मया परिकल्पिताः
ete cānye ca bahavaḥ kāṇḍa-mūla-phalāni ca | etāni copayojyāni ye mayā parikalpitāḥ
Sanskrit only: no published translation is held for this verse.
मूलकस्य ततः शाकम् चिञ्च-शाकं तथैव च । शाकं चैव कलायस्य सर्षपस्य तथैव च
mūlakasya tataḥ śākam ciñca-śākaṃ tathaiva ca | śākaṃ caiva kalāyasya sarṣapasya tathaiva ca
Sanskrit only: no published translation is held for this verse.
वंसकस्य तु शाकं च शाकम् एव कलम्बिकम् । आर्द्रकस्य च शाकं वै पालङ्कं शाकम् एव च
vaṃsakasya tu śākaṃ ca śākam eva kalambikam | ārdrakasya ca śākaṃ vai pālaṅkaṃ śākam eva ca
Sanskrit only: no published translation is held for this verse.
अम्बिलोडक-शाकं च काशं कौमारकं तथा । शुक-मण्डल-पत्रं च द्वाव् एव तरु-वानकौ
ambiloḍaka-śākaṃ ca kāśaṃ kaumārakaṃ tathā | śuka-maṇḍala-patraṃ ca dvāv eva taru-vānakau
Sanskrit only: no published translation is held for this verse.
चरस्य चैव शाकं च मधु-कोड्डुम्बरं तथा । एते चान्ये च बहवह् शतशो ऽथ सहस्रशः । कर्मण्याश् चैव सर्वे वै ये मया परिकीर्तिताः
carasya caiva śākaṃ ca madhu-koḍḍumbaraṃ tathā | ete cānye ca bahavah śataśo 'tha sahasraśaḥ | karmaṇyāś caiva sarve vai ye mayā parikīrtitāḥ
Sanskrit only: no published translation is held for this verse.
व्रीहीणां च प्रवक्ष्यामि उपयोगाम्श् च माधवि । एक-चित्तं समाधाय तत् सर्वं शृणु सुन्दरि
vrīhīṇāṃ ca pravakṣyāmi upayogāmś ca mādhavi | eka-cittaṃ samādhāya tat sarvaṃ śṛṇu sundari
Sanskrit only: no published translation is held for this verse.
धर्माधार्मिक-रक्तं च सु-गन्धं रक्त-शालिकम् । दीर्घशूकं महाशालिं वर-कुङ्कुम-पत्रकम्
dharmādhārmika-raktaṃ ca su-gandhaṃ rakta-śālikam | dīrghaśūkaṃ mahāśāliṃ vara-kuṅkuma-patrakam
Sanskrit only: no published translation is held for this verse.
ग्राम-शालिं समद्राशाम् स-श्रीशां कुश-शालिकाम् । यवाश् च द्वि-विधा ज्ञेयाः कर्मण्या मम सुन्दरि
grāma-śāliṃ samadrāśām sa-śrīśāṃ kuśa-śālikām | yavāś ca dvi-vidhā jñeyāḥ karmaṇyā mama sundari
Sanskrit only: no published translation is held for this verse.
कर्मण्याश् चैव मुद्गाश् च तिलाः कृष्णाः कुलत्थकाः । गोधूमकं महा-मुद्ग-मुद्गाष्टकम् अवाट-जित्
karmaṇyāś caiva mudgāś ca tilāḥ kṛṣṇāḥ kulatthakāḥ | godhūmakaṃ mahā-mudga-mudgāṣṭakam avāṭa-jit
Sanskrit only: no published translation is held for this verse.
कर्मण्य् एतानि चोक्तानि व्यजनानि प्रियान्वितान् । प्रतिगृह्णाम्य् अहं ह्य् एतान् सर्वान् भागवतान् प्रियान्
karmaṇy etāni coktāni vyajanāni priyānvitān | pratigṛhṇāmy ahaṃ hy etān sarvān bhāgavatān priyān
Sanskrit only: no published translation is held for this verse.
किं च-- ये मयैवोपयोज्यानि गव्यं दधि पयो घृतम्
kiṃ ca-- ye mayaivopayojyāni gavyaṃ dadhi payo ghṛtam
Sanskrit only: no published translation is held for this verse.
स्कान्दे च ब्रह्म-नारद-संवादे- हविः शल्योदनं दिव्यम् आज्य-युक्तं स-शर्करम् । नैवेद्यं देव-देवाय यावकं पायसं तथा
skānde ca brahma-nārada-saṃvāde- haviḥ śalyodanaṃ divyam ājya-yuktaṃ sa-śarkaram | naivedyaṃ deva-devāya yāvakaṃ pāyasaṃ tathā
Sanskrit only: no published translation is held for this verse.
नैवेद्यानाम् अभावे तु फलानि विनिवेदयेत् । फलानाम् अप्य् अभावे तु तृण-गुल्मौषधीर् अपि
naivedyānām abhāve tu phalāni vinivedayet | phalānām apy abhāve tu tṛṇa-gulmauṣadhīr api
Sanskrit only: no published translation is held for this verse.
औषधीनाम् अलाभे तु तोयं च विनिवेदयेत् । तद्-अलाभे तु सर्वत्र मानसं प्रवरं स्मृतम्
auṣadhīnām alābhe tu toyaṃ ca vinivedayet | tad-alābhe tu sarvatra mānasaṃ pravaraṃ smṛtam
Sanskrit only: no published translation is held for this verse.
स्कान्दे महेन्द्रं प्रति श्री-नारद-वचनं- यच्छन्ति तुलसी-शाकं श्रुतं ये माधवाग्रतः । कल्पान्तं विष्णु-लोके तु वसन्ति पितृभिः सह
skānde mahendraṃ prati śrī-nārada-vacanaṃ- yacchanti tulasī-śākaṃ śrutaṃ ye mādhavāgrataḥ | kalpāntaṃ viṣṇu-loke tu vasanti pitṛbhiḥ saha
Sanskrit only: no published translation is held for this verse.
अथ नैवेद्य-निषिद्धानि हारित-स्मृतौ- नाभक्ष्यं नैवेद्यार्थे भक्ष्येस्व् अप्य् अजा-महिषी-क्षीरं पञ्च-नखा मत्स्याश् च
atha naivedya-niṣiddhāni hārita-smṛtau- nābhakṣyaṃ naivedyārthe bhakṣyesv apy ajā-mahiṣī-kṣīraṃ pañca-nakhā matsyāś ca
Sanskrit only: no published translation is held for this verse.
द्वारका-माहात्म्ये- नीली-क्षेत्रं वापयन्ति मूलकं भक्षयन्ति ये । नैवास्ति नरकोत्तारह् कल्प-कोटि-शतैर् अपि
dvārakā-māhātmye- nīlī-kṣetraṃ vāpayanti mūlakaṃ bhakṣayanti ye | naivāsti narakottārah kalpa-koṭi-śatair api
Sanskrit only: no published translation is held for this verse.
वाराहे- माहिषं चाविकं चाजम् अयज्ञीयम् उदाहृतम्
vārāhe- māhiṣaṃ cāvikaṃ cājam ayajñīyam udāhṛtam
Sanskrit only: no published translation is held for this verse.
किं च- माहिषं वर्जयेन् मह्यं क्षीरं दधि घृतं यदि
kiṃ ca- māhiṣaṃ varjayen mahyaṃ kṣīraṃ dadhi ghṛtaṃ yadi
Sanskrit only: no published translation is held for this verse.
विष्णु-धर्मोत्तरे तृतीय-खण्डे- अभक्ष्यं चप्य् अहृद्यं च नैवेद्यं न निवेदयेत् । केश-कीटावपन्नं च तथा चाविहितं च यत्
viṣṇu-dharmottare tṛtīya-khaṇḍe- abhakṣyaṃ capy ahṛdyaṃ ca naivedyaṃ na nivedayet | keśa-kīṭāvapannaṃ ca tathā cāvihitaṃ ca yat
Sanskrit only: no published translation is held for this verse.
मूषिका-लाङ्गुलोपेतम् अवधूतम् अवक्षुतम् । उड्डुम्बरं कपित्थं च तथा दन्त-शठं च यत् । एवम् आदीनि देवाय न देयानि कदाचन
mūṣikā-lāṅgulopetam avadhūtam avakṣutam | uḍḍumbaraṃ kapitthaṃ ca tathā danta-śaṭhaṃ ca yat | evam ādīni devāya na deyāni kadācana
Sanskrit only: no published translation is held for this verse.
अथाभक्ष्याणि कौर्मे- वृन्ताकं जालिका-शाकं कुसुम्भाश्मन्तकं तथा । पलाण्डुं लशुनं शुक्लम् निर्यासं चैव वर्जयेत्
athābhakṣyāṇi kaurme- vṛntākaṃ jālikā-śākaṃ kusumbhāśmantakaṃ tathā | palāṇḍuṃ laśunaṃ śuklam niryāsaṃ caiva varjayet
Sanskrit only: no published translation is held for this verse.
गृञ्जनं किंशुकं चैव कुकुण्डं च तथैव च । उडुम्बरम् अलाबुं च जग्ध्वा पतति वै द्विजः
gṛñjanaṃ kiṃśukaṃ caiva kukuṇḍaṃ ca tathaiva ca | uḍumbaram alābuṃ ca jagdhvā patati vai dvijaḥ
Sanskrit only: no published translation is held for this verse.
वैष्णवे- भुञ्जीतोद्धृत-साराणि न कदाचिन् नरेश्वर
vaiṣṇave- bhuñjītoddhṛta-sārāṇi na kadācin nareśvara
Sanskrit only: no published translation is held for this verse.
स्कान्दे- न भक्षयति वृन्ताकं तस्य दूरतरो हरिः
skānde- na bhakṣayati vṛntākaṃ tasya dūrataro hariḥ
Sanskrit only: no published translation is held for this verse.
किं चान्यत्र- दोर्भ्यां पाद्भ्यां च जानुभ्याम् उरसा शिरसा दृशा । मनसा वचसा चेति प्रणामो ऽष्टाङ्ग ईरितः ॥ ह्भ्व् ८। १६२ ॥ जानुभ्याम् चैव बाहुभ्यां शिरसा वचसा धिया । पञ्चाङ्गकः प्रणामः स्यात् पूजासु प्रवराव् इमौ ॥ ह्भ्व् ८। १६३ ॥ अत एवोक्तं यामले- यत्र मद्यं तथा मांसम् तथा वृन्ताक-मूलके । निवेदयेन् नैव तत्र हरेर् ऐकान्तिकी रतिः
kiṃ cānyatra- dorbhyāṃ pādbhyāṃ ca jānubhyām urasā śirasā dṛśā | manasā vacasā ceti praṇāmo 'ṣṭāṅga īritaḥ // Hbhv 8. 162 // jānubhyām caiva bāhubhyāṃ śirasā vacasā dhiyā | pañcāṅgakaḥ praṇāmaḥ syāt pūjāsu pravarāv imau // Hbhv 8. 163 // ata evoktaṃ yāmale- yatra madyaṃ tathā māṃsam tathā vṛntāka-mūlake | nivedayen naiva tatra harer aikāntikī ratiḥ
Sanskrit only: no published translation is held for this verse.
अथ नैवेद्यर्पन-माहात्म्यं स्कान्दे- नैवेद्यानि मनोज्ञानि कृष्णस्याग्रे निवेदयेत् । कल्पान्तं तत्-पितॄणं तु तृप्तिर् भवति शाश्वती
atha naivedyarpana-māhātmyaṃ skānde- naivedyāni manojñāni kṛṣṇasyāgre nivedayet | kalpāntaṃ tat-pitṝṇaṃ tu tṛptir bhavati śāśvatī
Sanskrit only: no published translation is held for this verse.
फलानि यच्छते यो वै सुहृद्यानि नरेश्वर । कल्पान्तं जायते तस्य स-फलं च मनोरथः
phalāni yacchate yo vai suhṛdyāni nareśvara | kalpāntaṃ jāyate tasya sa-phalaṃ ca manorathaḥ
Sanskrit only: no published translation is held for this verse.
नारसिंहे- हविः शाल्योदनं दिय्यम् आज्य-युक्तं स-शर्करम् । निवेद्य नरसिंहाय यावकं पायसं तथा
nārasiṃhe- haviḥ śālyodanaṃ diyyam ājya-yuktaṃ sa-śarkaram | nivedya narasiṃhāya yāvakaṃ pāyasaṃ tathā
Sanskrit only: no published translation is held for this verse.
समास् तण्डुल-शङ्ख्याया यावत्यस् तावतीर् नृप । विष्णु-लोके महा-भोगन् भुञ्जानस् ते स-वैष्णवाः
samās taṇḍula-śaṅkhyāyā yāvatyas tāvatīr nṛpa | viṣṇu-loke mahā-bhogan bhuñjānas te sa-vaiṣṇavāḥ
Sanskrit only: no published translation is held for this verse.
विष्णु-धर्मोत्तरे- अन्न-दस् तृप्तिम् आप्नोति स्वर्ग-लोकं च गच्छति । दत्त्वा च संविभागाय तथैवान्नम् अतन्द्रितः । त्रैलोक्य-तर्पिते पुण्यं तत्-क्षनात् समवाप्नुयात्
viṣṇu-dharmottare- anna-das tṛptim āpnoti svarga-lokaṃ ca gacchati | dattvā ca saṃvibhāgāya tathaivānnam atandritaḥ | trailokya-tarpite puṇyaṃ tat-kṣanāt samavāpnuyāt
Sanskrit only: no published translation is held for this verse.
अक्षय्यम् अन्न-पानं च पितृभ्यश् चोपतिष्ठते । ओदनं व्यजनोपेतम् दत्त्वा स्वर्गम् अवाप्नुयात्
akṣayyam anna-pānaṃ ca pitṛbhyaś copatiṣṭhate | odanaṃ vyajanopetam dattvā svargam avāpnuyāt
Sanskrit only: no published translation is held for this verse.
परमान्नं तथा दत्त्वा तृप्तिम् आप्नोति शश्वतिम् । विष्णु-लोकम् अवाप्नोति कुलम् उद्धरते तथा
paramānnaṃ tathā dattvā tṛptim āpnoti śaśvatim | viṣṇu-lokam avāpnoti kulam uddharate tathā
Sanskrit only: no published translation is held for this verse.
घृतौदन-प्रदानेन दीर्घम् आयुर् अवाप्नुयात् । दध्य्-ओदन-प्रदानेन श्रियम् आप्नोत्य् अनुत्तमाम्
ghṛtaudana-pradānena dīrgham āyur avāpnuyāt | dadhy-odana-pradānena śriyam āpnoty anuttamām
Sanskrit only: no published translation is held for this verse.
क्षीरोदन-प्रदानेन दीर्घ-जीवितम् आप्नुयात् । इक्षूणां च प्रदानेन परं सौभाग्यम् अश्नुते
kṣīrodana-pradānena dīrgha-jīvitam āpnuyāt | ikṣūṇāṃ ca pradānena paraṃ saubhāgyam aśnute
Sanskrit only: no published translation is held for this verse.
रत्नानां चैव भागी स्यात् स्वर्ग-लोकं च गच्छति । फाणितस्य प्रदानेन अग्न्य्-आधान-फलं लभेत्
ratnānāṃ caiva bhāgī syāt svarga-lokaṃ ca gacchati | phāṇitasya pradānena agny-ādhāna-phalaṃ labhet
Sanskrit only: no published translation is held for this verse.
तथा गुड-प्रदानेन कामिताभीष्टम् आप्नुयात्
tathā guḍa-pradānena kāmitābhīṣṭam āpnuyāt
Sanskrit only: no published translation is held for this verse.
निवेद्येक्षु-रसं भक्त्या परं सौभाग्यम् आप्नुयात् । सर्वान् कामान् अवाप्नोति क्षौद्रं यश् च प्रयच्छति
nivedyekṣu-rasaṃ bhaktyā paraṃ saubhāgyam āpnuyāt | sarvān kāmān avāpnoti kṣaudraṃ yaś ca prayacchati
Sanskrit only: no published translation is held for this verse.
तद् एव तुहितोपेतम् राजसूयम् अवाप्नुयात् । वह्निष्टोमम् अवाप्नोति यवाकस्य निवेदकः । अति-रात्रम् अवाप्नोति तथा पूप-निवेदकः
tad eva tuhitopetam rājasūyam avāpnuyāt | vahniṣṭomam avāpnoti yavākasya nivedakaḥ | ati-rātram avāpnoti tathā pūpa-nivedakaḥ
Sanskrit only: no published translation is held for this verse.
वैदलानां च भक्ष्याणां दानात् कामान् अवाप्नुयात् । दीर्घ-जीवितम् आप्नोति घृत-पूर-निवेदकः
vaidalānāṃ ca bhakṣyāṇāṃ dānāt kāmān avāpnuyāt | dīrgha-jīvitam āpnoti ghṛta-pūra-nivedakaḥ
Sanskrit only: no published translation is held for this verse.
मोदकानां प्रदानेन कामान् आप्नोत्य् अभीप्सितान्
modakānāṃ pradānena kāmān āpnoty abhīpsitān
Sanskrit only: no published translation is held for this verse.
नाना-विधानां भक्ष्याणां दानात् स्वर्गम् अवाप्नुयात् । भोजनीय-प्रदानेन तृप्तिम् आप्नोत्य् अनुत्तमाम्
nānā-vidhānāṃ bhakṣyāṇāṃ dānāt svargam avāpnuyāt | bhojanīya-pradānena tṛptim āpnoty anuttamām
Sanskrit only: no published translation is held for this verse.
तथा लेह्य-प्रदानेन सौभाग्यम् अधिगच्छति । बल-वर्णम् अवाप्नोति चूष्याणां च निवेदने
tathā lehya-pradānena saubhāgyam adhigacchati | bala-varṇam avāpnoti cūṣyāṇāṃ ca nivedane
Sanskrit only: no published translation is held for this verse.
कुल्माषोल्लासिक-दाता वह्न्य्-आधेयं फलं लभेत् । तथा कृषार-दानेन वह्निष्टोमम् अवाप्नुयात्
kulmāṣollāsika-dātā vahny-ādheyaṃ phalaṃ labhet | tathā kṛṣāra-dānena vahniṣṭomam avāpnuyāt
Sanskrit only: no published translation is held for this verse.
धनानां क्षौद्र-युक्तानां लाजानां च निवेदकः । मुख्यं चैव शक्तूनां वह्निष्टोमम् अवाप्नुयात्
dhanānāṃ kṣaudra-yuktānāṃ lājānāṃ ca nivedakaḥ | mukhyaṃ caiva śaktūnāṃ vahniṣṭomam avāpnuyāt
Sanskrit only: no published translation is held for this verse.
वानप्रस्थाश्रितं पुण्यम् लभेच् छाक-निवेदकः । दत्त्वा हरितकं चैव तद् एव फलम् आप्नुयात्
vānaprasthāśritaṃ puṇyam labhec chāka-nivedakaḥ | dattvā haritakaṃ caiva tad eva phalam āpnuyāt
Sanskrit only: no published translation is held for this verse.
दत्त्वा शाकानि रम्याणि विशोकस् त्व् अभिजायते । दत्त्वा च व्यजनार्थाय तथोपकरणानि च
dattvā śākāni ramyāṇi viśokas tv abhijāyate | dattvā ca vyajanārthāya tathopakaraṇāni ca
Sanskrit only: no published translation is held for this verse.
सु-कुले लभते जन्म कन्द-मूल-निवेदकः । नीलोत्पल-विदरीणां तरुटस्य तथा द्विजः
su-kule labhate janma kanda-mūla-nivedakaḥ | nīlotpala-vidarīṇāṃ taruṭasya tathā dvijaḥ
Sanskrit only: no published translation is held for this verse.
कन्द-दानाद् अवाप्नोति वानप्रस्थ-फलं शुभम् । त्रपुषेर् वारुकं दत्त्वा पुण्डरीक-फलं लभेत्
kanda-dānād avāpnoti vānaprastha-phalaṃ śubham | trapuṣer vārukaṃ dattvā puṇḍarīka-phalaṃ labhet
Sanskrit only: no published translation is held for this verse.
कर्कन्धु-वदरे दत्त्वा तथा पारैवतं कलम् । परूषकं तथाभ्रं च पनसं नारिकेलकम्
karkandhu-vadare dattvā tathā pāraivataṃ kalam | parūṣakaṃ tathābhraṃ ca panasaṃ nārikelakam
Sanskrit only: no published translation is held for this verse.
भव्यं मोचं तथा चोचम् खर्जूरम् अथ दाडिमम् । आम्रातक-स्रुवाम्लोट-फल-मान-प्रियालकम्
bhavyaṃ mocaṃ tathā cocam kharjūram atha dāḍimam | āmrātaka-sruvāmloṭa-phala-māna-priyālakam
Sanskrit only: no published translation is held for this verse.
जम्बू-बिल्वामलं चैव जात्यं वीणातकं तथा । नारङ्ग-बीज-पूरे च बीज-फल्गु-फलन्य् अपि
jambū-bilvāmalaṃ caiva jātyaṃ vīṇātakaṃ tathā | nāraṅga-bīja-pūre ca bīja-phalgu-phalany api
Sanskrit only: no published translation is held for this verse.
एवम् आदीनि दिव्यनि यः फलानि प्रयच्छति । तथा कन्दानि मुख्यानि देव-देवाय भक्तितः
evam ādīni divyani yaḥ phalāni prayacchati | tathā kandāni mukhyāni deva-devāya bhaktitaḥ
Sanskrit only: no published translation is held for this verse.
क्रिया-साफल्यम् आप्नोति स्वर्ग-लोकं तथैव च । प्राप्नोति फलम् आरोग्यम् मृद्वीकानां निवेदकः
kriyā-sāphalyam āpnoti svarga-lokaṃ tathaiva ca | prāpnoti phalam ārogyam mṛdvīkānāṃ nivedakaḥ
Sanskrit only: no published translation is held for this verse.
रसान् मुख्यान् अवाप्नोति सौभाग्यम् अपि चोत्तमम् । आम्रैर् अभ्यर्च्य देवेशम् अश्वमेध-फलं लभेत्
rasān mukhyān avāpnoti saubhāgyam api cottamam | āmrair abhyarcya deveśam aśvamedha-phalaṃ labhet
Sanskrit only: no published translation is held for this verse.
किं च- मोचकं पनसं जम्बू तथान्यत् कुम्भालि-फलम् । प्राचीनामलकं श्रेष्ठं मधुकोड्डुम्बरस्य च । यत्न-पक्वम् अपि ग्राह्यं कदली-फलम् उत्तमम्
kiṃ ca- mocakaṃ panasaṃ jambū tathānyat kumbhāli-phalam | prācīnāmalakaṃ śreṣṭhaṃ madhukoḍḍumbarasya ca | yatna-pakvam api grāhyaṃ kadalī-phalam uttamam
Sanskrit only: no published translation is held for this verse.
हरि-भक्ति-सुधोदये च- यत् किञ्चिद् अल्पं नैवेद्यम् भक्त-भक्ति-रस-प्लुतम् । प्रतिभोजयति श्रीशस् तद्-दातॄन् स्व-सुखं द्रुतम् इति
hari-bhakti-sudhodaye ca- yat kiñcid alpaṃ naivedyam bhakta-bhakti-rasa-plutam | pratibhojayati śrīśas tad-dātṝn sva-sukhaṃ drutam iti
Sanskrit only: no published translation is held for this verse.
ततः प्राग्वद् विचित्राणि पनकान्य् उत्तमानि च । सु-गन्धि शीतलं स्वच्छं जलम् अप्य् अर्पयेत् ततः
tataḥ prāgvad vicitrāṇi panakāny uttamāni ca | su-gandhi śītalaṃ svacchaṃ jalam apy arpayet tataḥ
Sanskrit only: no published translation is held for this verse.
अथ पनकानि, तन्-माहात्म्यं च विष्णु-धर्मोत्तरे- पानकानि सु-गन्धीनि शीतलानि विशेषतः । निवेद्य देव-देवाय वाजिमेधम् अवाप्नुयात्
atha panakāni, tan-māhātmyaṃ ca viṣṇu-dharmottare- pānakāni su-gandhīni śītalāni viśeṣataḥ | nivedya deva-devāya vājimedham avāpnuyāt
Sanskrit only: no published translation is held for this verse.
त्वगेला-नाग-कुसुम-कर्पूर-सित-संयुतैः । सिता-क्षौद्र-गुडोपेतैर् गन्ध-वर्ण-गुणान्वितैः
tvagelā-nāga-kusuma-karpūra-sita-saṃyutaiḥ | sitā-kṣaudra-guḍopetair gandha-varṇa-guṇānvitaiḥ
Sanskrit only: no published translation is held for this verse.
बीज-पूरक-नारङ्ग-सहकार-समन्वितैः । राजसूयम् अवाप्नोति पनकैर् विनिवेदितैः
bīja-pūraka-nāraṅga-sahakāra-samanvitaiḥ | rājasūyam avāpnoti panakair viniveditaiḥ
Sanskrit only: no published translation is held for this verse.
निवेद्य नारिकेलाम्बु-वह्निष्टोम-फलं लभेत् । सर्व-काम-वहा नद्यो नित्यं यत्र मनोरमाः । तत्र पान-प्रदा यान्ति यत्र रामा गुणान्विताः
nivedya nārikelāmbu-vahniṣṭoma-phalaṃ labhet | sarva-kāma-vahā nadyo nityaṃ yatra manoramāḥ | tatra pāna-pradā yānti yatra rāmā guṇānvitāḥ
Sanskrit only: no published translation is held for this verse.
इति । इत्थं समर्प्य नैवेद्यम् दत्त्वा जवनिकं ततः । बहिर्-भूय यथा-सक्ति जपं सन्ध्यानम् आचरेत्
iti | itthaṃ samarpya naivedyam dattvā javanikaṃ tataḥ | bahir-bhūya yathā-sakti japaṃ sandhyānam ācaret
Sanskrit only: no published translation is held for this verse.
अथ ध्यानम् ब्रह्मेशाद्यैः परित ऋषिभिः सूपविष्टैः समेतो लक्ष्म्या शिञ्जद्-वलय-करया सादरं वीज्यमन । मर्म-क्रीड-प्रहसित-मुखो हासयन् पङ्क्ति-भोक्तॄन् भुङ्क्ते पात्रे कनक-घटिते षड्-रसं श्री-रमेशः
atha dhyānam brahmeśādyaiḥ parita ṛṣibhiḥ sūpaviṣṭaiḥ sameto lakṣmyā śiñjad-valaya-karayā sādaraṃ vījyamana | marma-krīḍa-prahasita-mukho hāsayan paṅkti-bhoktṝn bhuṅkte pātre kanaka-ghaṭite ṣaḍ-rasaṃ śrī-rameśaḥ
Sanskrit only: no published translation is held for this verse.
इति । एकन्तिभिश् चात्म-कृतं स-वयस्यस्य गोकुले । यशोदा-लाल्यमानस्य ध्येयं कृष्णस्य भोजनम्
iti | ekantibhiś cātma-kṛtaṃ sa-vayasyasya gokule | yaśodā-lālyamānasya dhyeyaṃ kṛṣṇasya bhojanam
Sanskrit only: no published translation is held for this verse.
अथ होमः नित्यं चावश्यकं होमं कुर्यात् शक्त्य्-अनुसारतः । होमाशक्तौ तु कुर्वीत जपं तस्य चतुर्-गुणम्
atha homaḥ nityaṃ cāvaśyakaṃ homaṃ kuryāt śakty-anusārataḥ | homāśaktau tu kurvīta japaṃ tasya catur-guṇam
Sanskrit only: no published translation is held for this verse.
केऽप्य् एवं मन्वतेऽवश्यम् नित्य-होमं सदाचरेत् । पुरश्चरन-होमस्याशक्तौ हि स विधिर् मतः
ke'py evaṃ manvate'vaśyam nitya-homaṃ sadācaret | puraścarana-homasyāśaktau hi sa vidhir mataḥ
Sanskrit only: no published translation is held for this verse.
पूर्वं दीक्षा-विधौ होम-विधिश् च लिखितः कियान् । तद्-विस्तारश् च विज्ञेयस् तत्-तच्-छास्त्रात् तद्-इच्छुभिः
pūrvaṃ dīkṣā-vidhau homa-vidhiś ca likhitaḥ kiyān | tad-vistāraś ca vijñeyas tat-tac-chāstrāt tad-icchubhiḥ
Sanskrit only: no published translation is held for this verse.
समाप्तिं भोजने ध्यात्वा दत्त्वा गण्डूषिकं जलम् । अमृतापिधानम् असि स्वाहेत्य् उच्चारयेत् सुधीः
samāptiṃ bhojane dhyātvā dattvā gaṇḍūṣikaṃ jalam | amṛtāpidhānam asi svāhety uccārayet sudhīḥ
Sanskrit only: no published translation is held for this verse.
विसृजेद् देव-वक्त्रे तत् तेजः संहार-मुद्रया । नैकन्ती तेजसः कुर्यान् निष्क्रान्तिं इव सङ्क्रमम्
visṛjed deva-vaktre tat tejaḥ saṃhāra-mudrayā | naikantī tejasaḥ kuryān niṣkrāntiṃ iva saṅkramam
Sanskrit only: no published translation is held for this verse.
अथ बलि-दानम् ततो जवनिका विद्वान् अपसार्य यथाविधि । विष्वक्सेनाय भगवन्-नैवेद्यांशं निवेदयेत्
atha bali-dānam tato javanikā vidvān apasārya yathāvidhi | viṣvaksenāya bhagavan-naivedyāṃśaṃ nivedayet
Sanskrit only: no published translation is held for this verse.
तथा च पञ्चरात्रे श्री-नारद-वचनम्- विश्वक्सेनाय दातव्यं नैवेद्यं तच्-छतांशकम् । पादोदकं प्रसादं च लिङ्गे चण्डेश्वराय च
tathā ca pañcarātre śrī-nārada-vacanam- viśvaksenāya dātavyaṃ naivedyaṃ tac-chatāṃśakam | pādodakaṃ prasādaṃ ca liṅge caṇḍeśvarāya ca
Sanskrit only: no published translation is held for this verse.
तद्-विधिः मुख्याद् ईसानतः पात्रान् नैवेद्यांशं समुद्धरेत् । सर्व-देव-स्वरुपाय पराय परमेष्ठिने
tad-vidhiḥ mukhyād īsānataḥ pātrān naivedyāṃśaṃ samuddharet | sarva-deva-svarupāya parāya parameṣṭhine
Sanskrit only: no published translation is held for this verse.
श्री-कृष्ण-सेव-युक्ताय विष्वक्सेनाय ते नमः । इत्य् उक्त्वा श्री-हरेर् वामे तीर्थ-क्लिन्नं समर्पयेत्
śrī-kṛṣṇa-seva-yuktāya viṣvaksenāya te namaḥ | ity uktvā śrī-harer vāme tīrtha-klinnaṃ samarpayet
Sanskrit only: no published translation is held for this verse.
सतंसं वा सहस्रांशम् अन्यथा निष्फलं भवेत्
sataṃsaṃ vā sahasrāṃśam anyathā niṣphalaṃ bhavet
Sanskrit only: no published translation is held for this verse.
पश्चाच् च बलिर् इत्य् आदि श्लोकाव् उच्चार्य वैष्णवः । सर्वेभ्यो वैष्णवेभ्यस् तच्-छतांसं विनिवेदयेत्
paścāc ca balir ity ādi ślokāv uccārya vaiṣṇavaḥ | sarvebhyo vaiṣṇavebhyas tac-chatāṃsaṃ vinivedayet
Sanskrit only: no published translation is held for this verse.
तौ च श्लोकौ - बलिर् विभीषणो भीष्मः कपिलो नारदो ऽर्जुनः । प्रह्लादश् चाम्बरीषश् च वसुर् वायु-सुतः सिवः
tau ca ślokau - balir vibhīṣaṇo bhīṣmaḥ kapilo nārado 'rjunaḥ | prahlādaś cāmbarīṣaś ca vasur vāyu-sutaḥ sivaḥ
Sanskrit only: no published translation is held for this verse.
विष्वक्सेनोद्धवाक्रूरः सनकाद्याः शुकादयः । श्री-कृष्णस्य प्रसादो ऽयं सर्वे गृह्णन्तु वैष्णवाः
viṣvaksenoddhavākrūraḥ sanakādyāḥ śukādayaḥ | śrī-kṛṣṇasya prasādo 'yaṃ sarve gṛhṇantu vaiṣṇavāḥ
Sanskrit only: no published translation is held for this verse.
इदं यद्यपि युज्येत दर्पणार्पणतः परम् । तथापि भक्त-वात्सल्यात् कृष्णस्यात्रापि सम्भवेत्
idaṃ yadyapi yujyeta darpaṇārpaṇataḥ param | tathāpi bhakta-vātsalyāt kṛṣṇasyātrāpi sambhavet
Sanskrit only: no published translation is held for this verse.
अथ बलि-दन-माहात्म्यं नारसिंहे- ततस् तद्-अन्न-शेषेण पार्षदेभ्यः समन्ततः । पुष्पाक्षतैर् विमिश्रेण बलिं यस् तु प्रयच्छति
atha bali-dana-māhātmyaṃ nārasiṃhe- tatas tad-anna-śeṣeṇa pārṣadebhyaḥ samantataḥ | puṣpākṣatair vimiśreṇa baliṃ yas tu prayacchati
Sanskrit only: no published translation is held for this verse.
बलिना वैष्णवेनाथ तृप्तः सन्तो दिवौकसः । शान्तिं तस्य प्रयच्छन्ति श्रियम् आरोग्यम् एव च
balinā vaiṣṇavenātha tṛptaḥ santo divaukasaḥ | śāntiṃ tasya prayacchanti śriyam ārogyam eva ca
Sanskrit only: no published translation is held for this verse.
अथ जल-गन्दुसद्य्-अर्पनं उपलिप्य ततो भूमिं पुनर् गाण्डूषिकं जलम् । दद्यात् त्रिर् अग्रे कृष्णस्य ततो ऽस्मै दन्त-सोधनम्
atha jala-gandusady-arpanaṃ upalipya tato bhūmiṃ punar gāṇḍūṣikaṃ jalam | dadyāt trir agre kṛṣṇasya tato 'smai danta-sodhanam
Sanskrit only: no published translation is held for this verse.
पुनर् आचमनं दत्त्वा श्री-पाण्योः श्री-मुखस्य च । मार्जनायांशुकं दत्त्वा सर्वाण्य् अङ्गानि मार्जयेत्
punar ācamanaṃ dattvā śrī-pāṇyoḥ śrī-mukhasya ca | mārjanāyāṃśukaṃ dattvā sarvāṇy aṅgāni mārjayet
Sanskrit only: no published translation is held for this verse.
परिधाप्य् अपरे वस्त्रे पुनर् दत्त्वासनान्तरम् । पद्यम् आचमनीयं च पूर्ववत् पुनर् अर्पयेत्
paridhāpy apare vastre punar dattvāsanāntaram | padyam ācamanīyaṃ ca pūrvavat punar arpayet
Sanskrit only: no published translation is held for this verse.
चन्दनागुरु-चूर्णादि प्रदद्यात् कर-मार्जनम् । कर्पूरद्य्-आस्य-वासं च ताम्बूलं तुलसीम् अपि
candanāguru-cūrṇādi pradadyāt kara-mārjanam | karpūrady-āsya-vāsaṃ ca tāmbūlaṃ tulasīm api
Sanskrit only: no published translation is held for this verse.
अथ मुख-वसदि-माहात्म्यं विष्णु-धर्मोत्तरे त्र्तीय-खण्डे- पूग-जाति-फलं दत्त्वा जाति-पत्रं तथैव च । लवङ्ग-फल-कक्कोल-मेल-कत-फलं तथा
atha mukha-vasadi-māhātmyaṃ viṣṇu-dharmottare trtīya-khaṇḍe- pūga-jāti-phalaṃ dattvā jāti-patraṃ tathaiva ca | lavaṅga-phala-kakkola-mela-kata-phalaṃ tathā
Sanskrit only: no published translation is held for this verse.
ताम्बूलीनां किशलयं स्वर्ग-लोकम् अवाप्नुयात् । सौभाग्यम् अतुलं लोके तथा रूपम् अनुत्तमम्
tāmbūlīnāṃ kiśalayaṃ svarga-lokam avāpnuyāt | saubhāgyam atulaṃ loke tathā rūpam anuttamam
Sanskrit only: no published translation is held for this verse.
स्कान्दे- ताम्बूलं च स-कर्पूरम् स-पूगं नर-नायक । कृष्णाय यच्छति प्रीत्या तस्य तुष्टो हरिः सदा
skānde- tāmbūlaṃ ca sa-karpūram sa-pūgaṃ nara-nāyaka | kṛṣṇāya yacchati prītyā tasya tuṣṭo hariḥ sadā
Sanskrit only: no published translation is held for this verse.
अथ पुनर् गन्धर्पनं दिव्यं गन्धं पुनर् दत्त्वा यथेष्टम् अनुलेपनैः । दिव्यैर् विचित्रैः श्री-कृष्णम् भक्ति-च्छेदेन लेपयेत्
atha punar gandharpanaṃ divyaṃ gandhaṃ punar dattvā yatheṣṭam anulepanaiḥ | divyair vicitraiḥ śrī-kṛṣṇam bhakti-cchedena lepayet
Sanskrit only: no published translation is held for this verse.
रम्याणि चोर्ध्व-पुण्ड्राणि सद्-वर्णेन यथास्पदम् । सु-गन्धिनानुलेपेन कृष्णस्य रचयेत्तराम्
ramyāṇi cordhva-puṇḍrāṇi sad-varṇena yathāspadam | su-gandhinānulepena kṛṣṇasya racayettarām
Sanskrit only: no published translation is held for this verse.
तथा चागमे ध्यान-प्रसङ्गे- ललाटे हृदये कुक्षौ कण्ठे बह्वोश् च पार्श्वयोः । विराजतोर्ध्व-पुण्ड्रेण सौवर्णेन विभूषितम्
tathā cāgame dhyāna-prasaṅge- lalāṭe hṛdaye kukṣau kaṇṭhe bahvoś ca pārśvayoḥ | virājatordhva-puṇḍreṇa sauvarṇena vibhūṣitam
Sanskrit only: no published translation is held for this verse.
इति । दिव्यानि कञ्चुकोष्णीष-काञ्च्य्-आदीनि पराण्य् अपि । वस्त्राणि सु-विचित्राणि श्री-कृष्णं परिधापयेत्
iti | divyāni kañcukoṣṇīṣa-kāñcy-ādīni parāṇy api | vastrāṇi su-vicitrāṇi śrī-kṛṣṇaṃ paridhāpayet
Sanskrit only: no published translation is held for this verse.
ततो दिव्य-किरीटादि-भूषणनि यथा-रुचि । विचित्र-दिव्य-माल्यानि परिधाप्य विभूषयेत्
tato divya-kirīṭādi-bhūṣaṇani yathā-ruci | vicitra-divya-mālyāni paridhāpya vibhūṣayet
Sanskrit only: no published translation is held for this verse.
अथ महारजोपचरर्पनं ततश् च चामर-च्छत्र-पादुकादीन् परान् अपि । महाराजोपचाराम्श् च दत्त्वादर्शं प्रदर्शयेत्
atha mahārajopacararpanaṃ tataś ca cāmara-cchatra-pādukādīn parān api | mahārājopacārāmś ca dattvādarśaṃ pradarśayet
Sanskrit only: no published translation is held for this verse.
विष्णु-धर्मोत्तरे- यथादेशं यथा-कलं राज-लिङ्गं सुरालये । दत्त्वा भवति राजैव नात्र कार्या विचारणा
viṣṇu-dharmottare- yathādeśaṃ yathā-kalaṃ rāja-liṅgaṃ surālaye | dattvā bhavati rājaiva nātra kāryā vicāraṇā
Sanskrit only: no published translation is held for this verse.
तत्र चामर-माहात्म्यं तथा चामर-दानेन श्रीमान् भवति भू-तले । मुच्यते च तथा पापैः स्वर्ग-लोकं च गच्छति
tatra cāmara-māhātmyaṃ tathā cāmara-dānena śrīmān bhavati bhū-tale | mucyate ca tathā pāpaiḥ svarga-lokaṃ ca gacchati
Sanskrit only: no published translation is held for this verse.
छत्रस्य माहात्म्यं तत्रैव- छत्रं बहु-शलाकं च झल्लरी-वस्त्र-संयुतम् । दिव्य-वस्त्रैश् च संयुक्तं हेम-दण्ड-समन्वितम्
chatrasya māhātmyaṃ tatraiva- chatraṃ bahu-śalākaṃ ca jhallarī-vastra-saṃyutam | divya-vastraiś ca saṃyuktaṃ hema-daṇḍa-samanvitam
Sanskrit only: no published translation is held for this verse.
यः प्रयच्छति कृष्णस्य छत्र-लक्ष-युतैर् वृतः । प्रार्थ्यते सो ऽमरैः सर्वैः क्रीडते पितृभिः सह
yaḥ prayacchati kṛṣṇasya chatra-lakṣa-yutair vṛtaḥ | prārthyate so 'maraiḥ sarvaiḥ krīḍate pitṛbhiḥ saha
Sanskrit only: no published translation is held for this verse.
तत्रैव वान्यत्र- राजा भवति लोकेऽस्मिन् छत्रं दत्त्वा द्विजोत्तमः । नाप्नोति रिपुजं दुःखं सङ्ग्रामे रिपु-जिद् भयेत्
tatraiva vānyatra- rājā bhavati loke'smin chatraṃ dattvā dvijottamaḥ | nāpnoti ripujaṃ duḥkhaṃ saṅgrāme ripu-jid bhayet
Sanskrit only: no published translation is held for this verse.
उपानत्-सम्प्रदानेन विमानम् अधिरोहति । यथेष्टं तेन लोकेषु विचरत्य् अमर-प्रभः
upānat-sampradānena vimānam adhirohati | yatheṣṭaṃ tena lokeṣu vicaraty amara-prabhaḥ
Sanskrit only: no published translation is held for this verse.
ध्वजस्य माहात्म्यं तत्रैव- लोकेषु ध्वज-भूतः स्याद् दत्त्वा विष्णोर् वरं ध्वजम् । शक्र-लोकम् अवाप्नोति बहून् अब्द-गणान् नरः
dhvajasya māhātmyaṃ tatraiva- lokeṣu dhvaja-bhūtaḥ syād dattvā viṣṇor varaṃ dhvajam | śakra-lokam avāpnoti bahūn abda-gaṇān naraḥ
Sanskrit only: no published translation is held for this verse.
किं च- युक्तं पीत-पताकाभिर् निवेद्य गरुड-ध्वजम् । केशवाय द्विज-श्रेष्ठः सर्व-लोके महीयते इति
kiṃ ca- yuktaṃ pīta-patākābhir nivedya garuḍa-dhvajam | keśavāya dvija-śreṣṭhaḥ sarva-loke mahīyate iti
Sanskrit only: no published translation is held for this verse.
यत्-प्रसादे ध्वजारोप-माहात्म्यं लिखितं पुरा । तद् अत्राप्य् अखिलं ज्ञेयं तत्रात्रत्यं इदं तथा
yat-prasāde dhvajāropa-māhātmyaṃ likhitaṃ purā | tad atrāpy akhilaṃ jñeyaṃ tatrātratyaṃ idaṃ tathā
Sanskrit only: no published translation is held for this verse.
किं च भविष्ये- विष्णोर् ध्वजे तु सौवर्णम् दण्डं कुर्याद् विचक्षणः । पताका चापि पीता स्याद् गरुडस्य समीप-गा
kiṃ ca bhaviṣye- viṣṇor dhvaje tu sauvarṇam daṇḍaṃ kuryād vicakṣaṇaḥ | patākā cāpi pītā syād garuḍasya samīpa-gā
Sanskrit only: no published translation is held for this verse.