तदात्मतत्त्वं यत्प्रकृतं तदेजति चलति तदेव च नैजति स्वतो नैव चलति स्वतो ऽचलमेव सत् चलतीवेत्यर्थः । किञ्च तद्दूरे वर्षकोटिशतैरप्यविदुषामप्राप्यत्वाद् दूर इव । तद् उ अन्तिके इति च्छेदः । तद्वन्तिके समीपे ऽत्यन्तमेव विदुषामात्मत्वान्न केवलं दूरे ऽन्तिके च । तदन्तरभ्यन्तरे ऽस्य सर्वस्य"य आत्मा सर्वान्तरः"(बृ। उ। ३ । ४ । १) इति श्रुतेः अस्य सर्वस्य जगतो नाम रूपक्रियात्मकस्य तदु अपि सर्वस्य अस्य बाह्यतो व्यापकत्वादाकाशवन्निरतिशयसूक्ष्मत्वाद् अन्तः । "प्रज्ञानघन एव"(बृ। उ। ४ । ५ । १३) इति च शासनान्निरन्तरं च
tadātmatattvaṃ yatprakṛtaṃ tadejati calati tadeva ca naijati svato naiva calati svato 'calameva sat calatīvetyarthaḥ / kiñca taddūre varṣakoṭiśatairapyaviduṣāmaprāpyatvād dūra iva / tad u antike iti cchedaḥ / tadvantike samīpe 'tyantameva viduṣāmātmatvānna kevalaṃ dūre 'ntike ca / tadantarabhyantare 'sya sarvasya"ya ātmā sarvāntaraḥ"(bṛ. u. 3 / 4 / 1) iti śruteḥ asya sarvasya jagato nāma rūpakriyātmakasya tadu api sarvasya asya bāhyato vyāpakatvādākāśavanniratiśayasūkṣmatvād antaḥ / "prajñānaghana eva"(bṛ. u. 4 / 5 / 13) iti ca śāsanānnirantaraṃ ca
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.