यस्मिन्काले यथोक्तात्मनि वा तान्येव भूतानि सर्वाणि परमार्थात्मदर्शनादात्मैवाभूद् आत्मैव संवृतः परमार्थवस्तु विजानतः तत्र तस्मिन्काले तत्रात्मनि वा को मोहः कः शोकः । शोकश्च मोहश्च कामकर्मबीजम् अजानतो भवति । न त्वात्मैकत्वं विशुद्धं गगनोपमं पश्यतः को मोहः कः शोक इति शोकमोहयोरविद्याकार्ययोराक्षेपेण असम्भवप्रदर्शनात् सकारणस्य संसारस्यात्यन्तमेवोच्छेदः प्रदर्शितो भवति
yasminkāle yathoktātmani vā tānyeva bhūtāni sarvāṇi paramārthātmadarśanādātmaivābhūd ātmaiva saṃvṛtaḥ paramārthavastu vijānataḥ tatra tasminkāle tatrātmani vā ko mohaḥ kaḥ śokaḥ / śokaśca mohaśca kāmakarmabījam ajānato bhavati / na tvātmaikatvaṃ viśuddhaṃ gaganopamaṃ paśyataḥ ko mohaḥ kaḥ śoka iti śokamohayoravidyākāryayorākṣepeṇa asambhavapradarśanāt sakāraṇasya saṃsārasyātyantamevocchedaḥ pradarśito bhavati
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.