Jaiminīya Brāhmaṇa of the Sāmaveda (in part) 3.273

अथाकूपारम्

athākūpāram

Sanskrit only: no published translation is held for this verse.

अकूपारो वै कश्यपः कलिभिः सह समुद्रम् अभ्यवैषत्

akūpāro vai kaśyapaḥ kalibhiḥ saha samudram abhyavaiṣat

Sanskrit only: no published translation is held for this verse.

तस्मिन् प्रतिष्ठाम् ऐच्छत्

tasmin pratiṣṭhām aicchat

Sanskrit only: no published translation is held for this verse.

स एतत् सामापश्यत्

sa etat sāmāpaśyat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

ततो वै स समुद्रे प्रतिष्ठाम् अविन्दतेमाम् एव पृथिवीम्

tato vai sa samudre pratiṣṭhām avindatemām eva pṛthivīm

Sanskrit only: no published translation is held for this verse.

ततो ह स्म वै तस्य कलयः पृष्ठ आसते

tato ha sma vai tasya kalayaḥ pṛṣṭha āsate

Sanskrit only: no published translation is held for this verse.

तद् एतत् प्रतिष्ठासाम

tad etat pratiṣṭhāsāma

Sanskrit only: no published translation is held for this verse.

प्रतितिष्ठति य एवं वेद

pratitiṣṭhati ya evaṃ veda

Sanskrit only: no published translation is held for this verse.

समुद्रो वै छन्दोमाः

samudro vai chandomāḥ

Sanskrit only: no published translation is held for this verse.

कश्यपो वै समुद्रम् अतिपारयितुम् अर्हति

kaśyapo vai samudram atipārayitum arhati

Sanskrit only: no published translation is held for this verse.

तद् यद् अत्राकूपारं भवति समुद्रस्यैवातिपारणाय

tad yad atrākūpāraṃ bhavati samudrasyaivātipāraṇāya

Sanskrit only: no published translation is held for this verse.

यद् व् अकूपारः कश्यपो ऽपश्यत् तस्माद् आकूपारम् इत्य् आख्यायते

yad v akūpāraḥ kaśyapo 'paśyat tasmād ākūpāram ity ākhyāyate

Sanskrit only: no published translation is held for this verse.

अथैता द्विपदो भवन्त्य् उक्तब्राह्मणाः

athaitā dvipado bhavanty uktabrāhmaṇāḥ

Sanskrit only: no published translation is held for this verse.

ता एता भवन्ति पवस्व सोम महे दक्षायेति

tā etā bhavanti pavasva soma mahe dakṣāyeti

Sanskrit only: no published translation is held for this verse.

महद्ध्य् एतद् अहर् यद् अष्टाचत्वारिंशम्

mahaddhy etad ahar yad aṣṭācatvāriṃśam

Sanskrit only: no published translation is held for this verse.

तासु विधर्मोक्तब्राह्मणम्

tāsu vidharmoktabrāhmaṇam

Sanskrit only: no published translation is held for this verse.

तच् चतुरक्षरणिधनं भवति चतुष्पदा वै पशवः

tac caturakṣaraṇidhanaṃ bhavati catuṣpadā vai paśavaḥ

Sanskrit only: no published translation is held for this verse.

पशवश् छन्दोमाः पशूनाम् एवावरुद्ध्यै

paśavaś chandomāḥ paśūnām evāvaruddhyai

Sanskrit only: no published translation is held for this verse.

उपो षु जातम् अप्तुरम् इति जनद्वतीर् भवन्ति

upo ṣu jātam apturam iti janadvatīr bhavanti

Sanskrit only: no published translation is held for this verse.

जनद्वद् वै जगत्यै रूपम्

janadvad vai jagatyai rūpam

Sanskrit only: no published translation is held for this verse.

जागतम् एतद् अहः

jāgatam etad ahaḥ

Sanskrit only: no published translation is held for this verse.

गोभिर् भंगं परिष्कृतम्

gobhir bhaṃgaṃ pariṣkṛtam

Sanskrit only: no published translation is held for this verse.

इन्दुं देवा अयासिषुः

induṃ devā ayāsiṣuḥ

Sanskrit only: no published translation is held for this verse.

अर्षा नस् सोम शं गवे धुक्षस्व पिप्युषीम् इषम्

arṣā nas soma śaṃ gave dhukṣasva pipyuṣīm iṣam

Sanskrit only: no published translation is held for this verse.

वर्धा समुद्रम् उक्थ्यम्

vardhā samudram ukthyam

Sanskrit only: no published translation is held for this verse.

इति गोमतीः पशुमतीर् भवन्ति पशूनाम् एवावरुद्ध्यै

iti gomatīḥ paśumatīr bhavanti paśūnām evāvaruddhyai

Sanskrit only: no published translation is held for this verse.

पशवो हि छन्दोमाः

paśavo hi chandomāḥ

Sanskrit only: no published translation is held for this verse.

तम् इद् वर्धन्तु नो गिर इति वृद्धं ह्य् एतद् अहर् यद् अष्टाचत्वारिंशम्

tam id vardhantu no gira iti vṛddhaṃ hy etad ahar yad aṣṭācatvāriṃśam

Sanskrit only: no published translation is held for this verse.