Jayadeva (alias Piyusavarsa): Candraloka 8

यद् व्यज्यमानं मनसः स्तैमित्याय स नो ध्वनिः । अन्यथा तु गुणीभूत-व्यङ्ग्यम् आपतितं त्रिधा

yad vyajyamānaṃ manasaḥ staimityāya sa no dhvaniḥ / anyathā tu guṇībhūta-vyaṅgyam āpatitaṃ tridhā

Sanskrit only: no published translation is held for this verse.

व्यक्तिर् एव क्वचिद् व्यङ्ग्यः क्वचिद् अर्थस्वभावतः । क्वचिच् चारुतरस्याग्रे स विमुञ्चति चारुताम्

vyaktir eva kvacid vyaṅgyaḥ kvacid arthasvabhāvataḥ / kvacic cārutarasyāgre sa vimuñcati cārutām

Sanskrit only: no published translation is held for this verse.

अगूढं कलयेद् अर्थान्तरसंक्रमितादिकम् । विस्मृतः किम् अपांनाथ स त्वया कुम्भसंभवः

agūḍhaṃ kalayed arthāntarasaṃkramitādikam / vismṛtaḥ kim apāṃnātha sa tvayā kumbhasaṃbhavaḥ

Sanskrit only: no published translation is held for this verse.

अपरस्य रसादेश् चेद् अङ्गमन्यद् रसादिकम् । हा हा! मत्कुचकाश्मीर-लिप्तं भिन्नम् उरः शरैः

aparasya rasādeś ced aṅgamanyad rasādikam / hā hā! matkucakāśmīra-liptaṃ bhinnam uraḥ śaraiḥ

Sanskrit only: no published translation is held for this verse.

तथा वाच्यस्य सिद्ध्यङ्गं नौर् अर्थो वारिधेर् यथा । संश्रित्य तरणिं धीरास् तरन्ति व्याधिवारिधीन्

tathā vācyasya siddhyaṅgaṃ naur artho vāridher yathā / saṃśritya taraṇiṃ dhīrās taranti vyādhivāridhīn

Sanskrit only: no published translation is held for this verse.

अस्फुटं स्तनयोर् अत्र कोकसादृश्यवन् मतम् । कुङ्कुमाक्तं स्तनद्वन्द्वं मानसं मम गाहते

asphuṭaṃ stanayor atra kokasādṛśyavan matam / kuṅkumāktaṃ stanadvandvaṃ mānasaṃ mama gāhate

Sanskrit only: no published translation is held for this verse.

संदिग्धं यदि संदेहो दैर्घ्याद्युत्पलयोरिव । संप्राप्ते नयने तस्याः श्रवणोत्तंसभूमिकाम्

saṃdigdhaṃ yadi saṃdeho dairghyādyutpalayoriva / saṃprāpte nayane tasyāḥ śravaṇottaṃsabhūmikām

Sanskrit only: no published translation is held for this verse.

तुल्यप्राधान्यम् इन्दुत्वम् इव वाच्येन साम्यभृत् । कान्ते त्वदाननरुचा ग्लानिम् एति सरोरुहम्

tulyaprādhānyam indutvam iva vācyena sāmyabhṛt / kānte tvadānanarucā glānim eti saroruham

Sanskrit only: no published translation is held for this verse.

असुन्दरं यदि व्यङ्ग्यं स्याद् वाच्याद् अमनोहरम् । सरस्यामीलदम्भोजे चक्रः कान्तां विलोकते

asundaraṃ yadi vyaṅgyaṃ syād vācyād amanoharam / sarasyāmīladambhoje cakraḥ kāntāṃ vilokate

Sanskrit only: no published translation is held for this verse.

काकुस्थं प्रणतो ऽम्भोधिर् अद्य माद्यतु रावणः । इत्य् अष्टधा गुणीभूत-व्यङ्ग्यम् अङ्गीकृतं बुधैः

kākusthaṃ praṇato 'mbhodhir adya mādyatu rāvaṇaḥ / ity aṣṭadhā guṇībhūta-vyaṅgyam aṅgīkṛtaṃ budhaiḥ

Sanskrit only: no published translation is held for this verse.

महादेवः सत्रप्रमुखमखविद्यैकचतुरः सुमित्रा तद्भक्तिप्रणिहितमतिर् यस्य पितरौ । मयूखस्तेनासौ सुकविजयदेवेन रचिते चिरं चन्द्रालोके महति वसुसंख्यः सुखयतु

mahādevaḥ satrapramukhamakhavidyaikacaturaḥ sumitrā tadbhaktipraṇihitamatir yasya pitarau / mayūkhastenāsau sukavijayadevena racite ciraṃ candrāloke mahati vasusaṃkhyaḥ sukhayatu

Sanskrit only: no published translation is held for this verse.