Jiva Gosvamin: Gopalacampu, Purvacampu 1.25

व्रजविधो दशास्माकम् ईक्ष्यताम् व्रजविधो दशास्माकम् ईक्ष्यताम्

vrajavidho daśāsmākam īkṣyatām vrajavidho daśāsmākam īkṣyatām

Sanskrit only: no published translation is held for this verse.

जयति तेऽ धिकं जन्मना व्रजः श्रयत इन्दिराप्य् अस्य भूरजः । तद् अपि हाऽजहा नस् त्वम् अत्र भो वयम् इमः कथं वान्यतां प्रभो

jayati te' dhikaṃ janmanā vrajaḥ śrayata indirāpy asya bhūrajaḥ | tad api hā'jahā nas tvam atra bho vayam imaḥ kathaṃ vānyatāṃ prabho

Sanskrit only: no published translation is held for this verse.

परम-जाति-भाग् उत्तमं स्वतः शरदिजं च यत् पङ्कजं ततः । दल-कुलावृतेः कान्ति-देवतां हरसि यद् दृशा शश्वद् एव ताम्

parama-jāti-bhāg uttamaṃ svataḥ śaradijaṃ ca yat paṅkajaṃ tataḥ | dala-kulāvṛteḥ kānti-devatāṃ harasi yad dṛśā śaśvad eva tām

Sanskrit only: no published translation is held for this verse.

कथम् अहो वयं स्वच्छताम् इता भवितुम् ईश्महे तद्-बहिः-स्थिताः । अपि किल त्वया याच्ञया सिताः स्वयम् अमूर् वरेणापि सन्दिताः

katham aho vayaṃ svacchatām itā bhavitum īśmahe tad-bahiḥ-sthitāḥ | api kila tvayā yācñayā sitāḥ svayam amūr vareṇāpi sanditāḥ

Sanskrit only: no published translation is held for this verse.

इति गतास् तव प्रेष्यतां पुनः किम् उ तया दृशा हंसि तास् तु नः? । यद् इह शस्त्रतः केवलं वधः स्फुरति नाक्षितस् तन्-मतं त्व् अधः

iti gatās tava preṣyatāṃ punaḥ kim u tayā dṛśā haṃsi tās tu naḥ? | yad iha śastrataḥ kevalaṃ vadhaḥ sphurati nākṣitas tan-mataṃ tv adhaḥ

Sanskrit only: no published translation is held for this verse.

बहु-विधाद् भयाद् यत् त्वयावितं सकल-गोकुलं काननान्वितम् । तद् अपि मन्महे स्वावनं यतस् त्वद्-अनुरागतः सोऽ पि किं हतः?

bahu-vidhād bhayād yat tvayāvitaṃ sakala-gokulaṃ kānanānvitam | tad api manmahe svāvanaṃ yatas tvad-anurāgataḥ so' pi kiṃ hataḥ?

Sanskrit only: no published translation is held for this verse.

कृपण-पालक श्री-व्रजेश्वरी- तनुज योग्य-धीर् अस्ति नश्वरी । इति तवात्मवल् लिप्ति-रिक्तता परग-पीडया भाति तिक्तता

kṛpaṇa-pālaka śrī-vrajeśvarī- tanuja yogya-dhīr asti naśvarī | iti tavātmaval lipti-riktatā paraga-pīḍayā bhāti tiktatā

Sanskrit only: no published translation is held for this verse.

त्वम् असि नान्यवत् कोऽ पि कोपनः स्फुरसि यत् प्रभो विश्व-गोपनः । तद् इह पद्मजाभ्यर्थितः स्व-भूः परम-सात्वताद् अन्वयाद् अभूः

tvam asi nānyavat ko' pi kopanaḥ sphurasi yat prabho viśva-gopanaḥ | tad iha padmajābhyarthitaḥ sva-bhūḥ parama-sātvatād anvayād abhūḥ

Sanskrit only: no published translation is held for this verse.

इति तवेशितुः सुष्ठु यः करः प्रथित-संसृतेर् भीति-भीकरः । शिरसि नः कुरु श्री-कर-ग्रहं तम् इह नान्यथा भावयाग्रहम्

iti taveśituḥ suṣṭhu yaḥ karaḥ prathita-saṃsṛter bhīti-bhīkaraḥ | śirasi naḥ kuru śrī-kara-grahaṃ tam iha nānyathā bhāvayāgraham

Sanskrit only: no published translation is held for this verse.

व्रजग-भी-हृतौ वीर योषितां शमयसि स्मितेनैव रोषिताम् । तद् इह नान्यथा दण्डनं कुरु प्रकटयानन-श्री-महः पुरु

vrajaga-bhī-hṛtau vīra yoṣitāṃ śamayasi smitenaiva roṣitām | tad iha nānyathā daṇḍanaṃ kuru prakaṭayānana-śrī-mahaḥ puru

Sanskrit only: no published translation is held for this verse.

यद् अपि ते पदं श्री-निकेतनम् वृजिनजिन् महा-पुण्य-केतनम् । तद् अपि गो-गणस्यानुवर्तनं विष-भृतः शिरो-वर्ति-नर्तनम्

yad api te padaṃ śrī-niketanam vṛjinajin mahā-puṇya-ketanam | tad api go-gaṇasyānuvartanaṃ viṣa-bhṛtaḥ śiro-varti-nartanam

Sanskrit only: no published translation is held for this verse.

यद् अधि तत् तद् अप्य् आत्त-दुःस्थिति स्वयम् अभूत् ततः शान्तताक्षितिः । अहह तन् मनाग् नस् तु वक्षसि स्व-विरह-ज्वले किं न रक्षसि?

yad adhi tat tad apy ātta-duḥsthiti svayam abhūt tataḥ śāntatākṣitiḥ | ahaha tan manāg nas tu vakṣasi sva-viraha-jvale kiṃ na rakṣasi?

Sanskrit only: no published translation is held for this verse.

मधुर-लीलया कर्ण-रम्यया विशद-वाक्यया व्यक्त-गम्यया । मुख-सुगन्धितासात्म्यया चिरात् तृषम् इता वयं हन्त ते गिरा

madhura-līlayā karṇa-ramyayā viśada-vākyayā vyakta-gamyayā | mukha-sugandhitāsātmyayā cirāt tṛṣam itā vayaṃ hanta te girā

Sanskrit only: no published translation is held for this verse.

तव कथामृतं तप्त-जीवनं कविभिर् ईडितं कल्मषार्दनम् । प्रवितरन्ति ये तेषु दुर्जनाः सपदि नः कृते ज्ञप्त-वर्जनाः

tava kathāmṛtaṃ tapta-jīvanaṃ kavibhir īḍitaṃ kalmaṣārdanam | pravitaranti ye teṣu durjanāḥ sapadi naḥ kṛte jñapta-varjanāḥ

Sanskrit only: no published translation is held for this verse.

प्रहसितं तव प्रेङ्खि-लोचनं विहरण-क्रमाद् भाव-रोचनम् । मुरलिका-रुतं सर्व-शोचनं विपिनतस् तु नः प्राण-मोचनम्

prahasitaṃ tava preṅkhi-locanaṃ viharaṇa-kramād bhāva-rocanam | muralikā-rutaṃ sarva-śocanaṃ vipinatas tu naḥ prāṇa-mocanam

Sanskrit only: no published translation is held for this verse.

चलसि यर्हि वा धेनु-चारणे दलति धीस् तु नस् तत्र कारणे । शिल-तृणाङ्कुरैर् याव-सन्नता किल भवत्-पदोः सास्मकान् गता

calasi yarhi vā dhenu-cāraṇe dalati dhīs tu nas tatra kāraṇe | śila-tṛṇāṅkurair yāva-sannatā kila bhavat-padoḥ sāsmakān gatā

Sanskrit only: no published translation is held for this verse.

अहह जाज्वलत्य् अन्तराणि नः स्मर निजान् जनान् दीन-मानिनः । चरण-पङ्कजं हृद्य् अमूदृशां रमण हे त्वया धीयतां भृशम्

ahaha jājvalaty antarāṇi naḥ smara nijān janān dīna-māninaḥ | caraṇa-paṅkajaṃ hṛdy amūdṛśāṃ ramaṇa he tvayā dhīyatāṃ bhṛśam

Sanskrit only: no published translation is held for this verse.

अहह यर्हि यास्य् अह्नि काननं कुटिल-कुन्तलं श्रीमद्-आननम् । मुहुर् अपश्यतां तर्हि स क्षणः स्फुरति सर्वदा कल्प-लक्षणः

ahaha yarhi yāsy ahni kānanaṃ kuṭila-kuntalaṃ śrīmad-ānanam | muhur apaśyatāṃ tarhi sa kṣaṇaḥ sphurati sarvadā kalpa-lakṣaṇaḥ

Sanskrit only: no published translation is held for this verse.

किम् इह तच् च वा वाच्यतां व्रजेन् निमिर् अपीह यच् छप्यते व्रजे? । कथम् अहो वयं तास् तु गोपिका न हि भवाम वा तत्र कोपिकाः? ॥ज्ग्च् १,२५।१९॥वितत-गीतिका-जाल-सन्दिताः स्वक-जनान् अतिक्रम्य चार्दिताः । करम् इता महारण्य-भृद् दिशि च्छलमयः स्त्रियः कस् त्यजेन् निशि?

kim iha tac ca vā vācyatāṃ vrajen nimir apīha yac chapyate vraje? | katham aho vayaṃ tās tu gopikā na hi bhavāma vā tatra kopikāḥ? ||JGc 1,25.19||vitata-gītikā-jāla-sanditāḥ svaka-janān atikramya cārditāḥ | karam itā mahāraṇya-bhṛd diśi cchalamayaḥ striyaḥ kas tyajen niśi?

Sanskrit only: no published translation is held for this verse.

प्रहसितं प्रिय प्रेम-वीक्षणं विहसितादिकं वल्गु-लक्षणम् । बृहद् उरः श्रियो धाम वीक्ष्यते निज-विमूढतास्माभिर् ईक्ष्यते

prahasitaṃ priya prema-vīkṣaṇaṃ vihasitādikaṃ valgu-lakṣaṇam | bṛhad uraḥ śriyo dhāma vīkṣyate nija-vimūḍhatāsmābhir īkṣyate

Sanskrit only: no published translation is held for this verse.

दिन-लयेऽ लक-ध्वान्तम् एकतः प्रसृत-गोरजः सन्ध्यम् अन्यतः । मुखतया मतं यामिनीश्वरं दर्शयन् मुहुर् यच्छसि स्मरम्

dina-laye' laka-dhvāntam ekataḥ prasṛta-gorajaḥ sandhyam anyataḥ | mukhatayā mataṃ yāminīśvaraṃ darśayan muhur yacchasi smaram

Sanskrit only: no published translation is held for this verse.

स्व-रति-वृद्धितोऽ नन्य-काङ्क्षिणी भवति वंशिका यत्र साक्षिणी । तम् अधर-द्रवं शोक-नाशनं वितर वीर भोः प्राणदाशनम्

sva-rati-vṛddhito' nanya-kāṅkṣiṇī bhavati vaṃśikā yatra sākṣiṇī | tam adhara-dravaṃ śoka-nāśanaṃ vitara vīra bhoḥ prāṇadāśanam

Sanskrit only: no published translation is held for this verse.

इति तु यत् त्वया काम-कल्पनं किल कलाबलात् तच् च कल्पनम् । वयम् अनारतं स्नेह-भावनाः कथम् अयामहे जातु कामनाः?

iti tu yat tvayā kāma-kalpanaṃ kila kalābalāt tac ca kalpanam | vayam anārataṃ sneha-bhāvanāḥ katham ayāmahe jātu kāmanāḥ?

Sanskrit only: no published translation is held for this verse.

नाहं तेषां सदृग् अपि तु मां लुब्धम् ऊहध्वम् ऋद्धौ प्रेम्णस् तां तद्-विषय-विरहं हन्त कृत्वापि वश्मि । युष्मान् वाच्यं किम् इह मयका मायितावत्-प्रतीतेर् एतद् यन् मे व्यसनम् असकृन् मां च दुःखाकरोति

nāhaṃ teṣāṃ sadṛg api tu māṃ lubdham ūhadhvam ṛddhau premṇas tāṃ tad-viṣaya-virahaṃ hanta kṛtvāpi vaśmi | yuṣmān vācyaṃ kim iha mayakā māyitāvat-pratīter etad yan me vyasanam asakṛn māṃ ca duḥkhākaroti

Sanskrit only: no published translation is held for this verse.