कविशेखरेतिबिरुदवता ज्योतिरीश्वरेण विरचितः पञ्चसायकः । प्रथमः सायकः । मङ्गलाचरणम् । रतिपरिमलसिन्धुः कामिनीकेलिबन्धुर् विहितभुवनमोदः सेव्यमानप्रमोदः । जयति मकरकेतुर्मोहनस्यैकहेतुर् विरचितबहुसेवः कामिभिः कामदेवः
kaviśekharetibirudavatā jyotirīśvareṇa viracitaḥ pañcasāyakaḥ / prathamaḥ sāyakaḥ / maṅgalācaraṇam / ratiparimalasindhuḥ kāminīkelibandhur vihitabhuvanamodaḥ sevyamānapramodaḥ / jayati makaraketurmohanasyaikahetur viracitabahusevaḥ kāmibhiḥ kāmadevaḥ
Sanskrit only: no published translation is held for this verse.
ग्रन्थकर्तुरात्मपरिचयप्रदर्शनम् । अस्ति प्रत्यहमर्थितापहरणप्रीत्यैकदीक्षागुरुः श्रीकण्ठार्चनतत्परो भुवि चतुःषष्टेः कलानां निधिः । सङ्गीतागमसत्प्रमेयरचनाचातुर्यचिन्तामणिः प्रख्यातः कविशेखराङ्कितपदः श्रीज्योतिरीशः कृती
granthakarturātmaparicayapradarśanam / asti pratyahamarthitāpaharaṇaprītyaikadīkṣāguruḥ śrīkaṇṭhārcanatatparo bhuvi catuḥṣaṣṭeḥ kalānāṃ nidhiḥ / saṅgītāgamasatprameyaracanācāturyacintāmaṇiḥ prakhyātaḥ kaviśekharāṅkitapadaḥ śrījyotirīśaḥ kṛtī
Sanskrit only: no published translation is held for this verse.
दृष्ट्वा मन्मथतन्त्रमीश्वरकृतं वात्स्यायनीयं मतं गोणीपुत्रकमूलदेवरचितं बाभ्रव्यवाक्यामृतम् । श्रीनन्दीश्वररन्तिदेवभणितं क्षेमेन्द्रविद्यागमं तेनाकल्प्यत पञ्चसायक इति प्रीतिप्रदः कामिनाम्
dṛṣṭvā manmathatantramīśvarakṛtaṃ vātsyāyanīyaṃ mataṃ goṇīputrakamūladevaracitaṃ bābhravyavākyāmṛtam / śrīnandīśvararantidevabhaṇitaṃ kṣemendravidyāgamaṃ tenākalpyata pañcasāyaka iti prītipradaḥ kāminām
Sanskrit only: no published translation is held for this verse.
नायकलक्षणम् । साचारः करुणामयः कृतमतिर्दाता ऽवदाताशयः काम्यः कामकलानिधिः सुवचनः स्त्रीणां मतः सुन्दरः । आढ्यो नीतिपटुः क्षमी च कुतुकी शूरः कुलीनो युवा सङ्क्षेपादिह नायको निगदितः सङ्गीतशिक्षान्वितः
nāyakalakṣaṇam / sācāraḥ karuṇāmayaḥ kṛtamatirdātā 'vadātāśayaḥ kāmyaḥ kāmakalānidhiḥ suvacanaḥ strīṇāṃ mataḥ sundaraḥ / āḍhyo nītipaṭuḥ kṣamī ca kutukī śūraḥ kulīno yuvā saṅkṣepādiha nāyako nigaditaḥ saṅgītaśikṣānvitaḥ
Sanskrit only: no published translation is held for this verse.
पीठमर्दलक्षणम् । आचारे विनये नये च सुकृतौ तौर्यत्रिके ऽकृत्रिमः शास्त्रे कौतुकशिल्पनाटकविधौ नानाकलाकौशले । ऊहापोहसमस्तनर्मघटने भावेङ्गितज्ञः पटुर् मन्त्रज्ञः स्थिरसौहृदः सुवचनः स्यात्पीठमर्दः सदा
pīṭhamardalakṣaṇam / ācāre vinaye naye ca sukṛtau tauryatrike 'kṛtrimaḥ śāstre kautukaśilpanāṭakavidhau nānākalākauśale / ūhāpohasamastanarmaghaṭane bhāveṅgitajñaḥ paṭur mantrajñaḥ sthirasauhṛdaḥ suvacanaḥ syātpīṭhamardaḥ sadā
Sanskrit only: no published translation is held for this verse.
पद्मिनीलक्षणम् । सम्पूर्णेन्दुमुखी विलोलनयना पीनस्तनी दक्षिणा मृद्वङ्गी विकचारविन्दसुरभिः श्यामा ऽथ गौरद्युतिः । अल्पाहाररता विलासकुशला हंसस्वना मानिनी लज्जालुर्गुरुदेवपूजनरता सा नायिका पद्मिनी
padminīlakṣaṇam / sampūrṇendumukhī vilolanayanā pīnastanī dakṣiṇā mṛdvaṅgī vikacāravindasurabhiḥ śyāmā 'tha gauradyutiḥ / alpāhāraratā vilāsakuśalā haṃsasvanā māninī lajjālurgurudevapūjanaratā sā nāyikā padminī
Sanskrit only: no published translation is held for this verse.
चित्रिणीलक्षणम् । श्यामा पद्ममुखी कुरङ्गनयना क्षामोदरी वत्सला सङ्गीतागमवेदिनी वरतनुस्तुङ्गस्तनी शिल्पिनी । विद्यालापरता मतङ्गजगतिर्माद्यन्मयूरस्वना विज्ञेया कविशेखरप्रणयिनी चित्रस्वना चित्रिणी
citriṇīlakṣaṇam / śyāmā padmamukhī kuraṅganayanā kṣāmodarī vatsalā saṅgītāgamavedinī varatanustuṅgastanī śilpinī / vidyālāparatā mataṅgajagatirmādyanmayūrasvanā vijñeyā kaviśekharapraṇayinī citrasvanā citriṇī
Sanskrit only: no published translation is held for this verse.
शङ्खिनीलक्षणम् । तन्वङ्गी कुटीलेक्षणा लघुकुचाभोगा मदावेशिनी प्रायो दीर्घकचा स्वभावपिशुना कष्टोपभोग्या रते । पिङ्गा लोलगतिश्च घर्घररवा रक्ताम्बाराह्लादिनी नानास्थाननखप्रदानरसिका सेयं मता शङ्खिनी
śaṅkhinīlakṣaṇam / tanvaṅgī kuṭīlekṣaṇā laghukucābhogā madāveśinī prāyo dīrghakacā svabhāvapiśunā kaṣṭopabhogyā rate / piṅgā lolagatiśca gharghararavā raktāmbārāhlādinī nānāsthānanakhapradānarasikā seyaṃ matā śaṅkhinī
Sanskrit only: no published translation is held for this verse.
हस्तिनीलक्षणम् । पीनस्वल्पतनुर्भृशं मृदुगतिः क्रूरा नमत्कन्धरा स्तोकापिङ्गलकुन्तला पृथुकुचा लज्जाविहीनानना । बिम्बोष्ठी बहुभोज्यभोजनरुचिः कष्टैकसाध्या रते गौराङ्गी करिदानगन्धिमदनस्रावा मता हस्तिनी
hastinīlakṣaṇam / pīnasvalpatanurbhṛśaṃ mṛdugatiḥ krūrā namatkandharā stokāpiṅgalakuntalā pṛthukucā lajjāvihīnānanā / bimboṣṭhī bahubhojyabhojanaruciḥ kaṣṭaikasādhyā rate gaurāṅgī karidānagandhimadanasrāvā matā hastinī
Sanskrit only: no published translation is held for this verse.
पद्मिन्यादीनां रतौ सुखकरास्थितयः । ब्रह्मास्येन्दुशराक्षिसङ्ख्यतिथयः ख्याता नलिन्या रते पौलस्त्यास्यरसाष्टभास्करतिथौ प्रीता भवेच्चित्रिणी । रुद्रानगतुरङ्गशम्भुतिथिषु स्याच्छङ्खिनी मोदिता शेषाः स्युः सुरतोत्सवेषु करिणीजातेः स्त्रियाः प्रीतये
padminyādīnāṃ ratau sukhakarāsthitayaḥ / brahmāsyenduśarākṣisaṅkhyatithayaḥ khyātā nalinyā rate paulastyāsyarasāṣṭabhāskaratithau prītā bhaveccitriṇī / rudrānagaturaṅgaśambhutithiṣu syācchaṅkhinī moditā śeṣāḥ syuḥ suratotsaveṣu kariṇījāteḥ striyāḥ prītaye
Sanskrit only: no published translation is held for this verse.
इति जातिसमुद्देशः । चन्द्रकलानिरूपणम् । अङ्गुष्ठे चरणे नितम्बनिलये जानुद्वये जङ्घयोर् नाभौ वक्षसि कक्षयोर्निगदिता कण्ठे कपोले ऽधरे । नेत्रे कर्णयुगे ललाटफलके मौलौ च वामभ्रुवाम् ऊर्ध्वाधश्चलनक्रमेण कथिता चान्द्री कला पक्षयोः
iti jātisamuddeśaḥ / candrakalānirūpaṇam / aṅguṣṭhe caraṇe nitambanilaye jānudvaye jaṅghayor nābhau vakṣasi kakṣayornigaditā kaṇṭhe kapole 'dhare / netre karṇayuge lalāṭaphalake maulau ca vāmabhruvām ūrdhvādhaścalanakrameṇa kathitā cāndrī kalā pakṣayoḥ
Sanskrit only: no published translation is held for this verse.
सीमन्ते नयने ऽधरे च गलके कक्षातटे चूचुके नाभौ श्रोणितटे मनोभवगृहे जङ्घातटोरुद्वये । गुल्फे पादतले तदङ्गुलितले ऽङ्गुष्ठे च तिष्ठत्यसौ वृद्धिक्षीणतया समं शशिकला लीलाकरी योषिताम्
sīmante nayane 'dhare ca galake kakṣātaṭe cūcuke nābhau śroṇitaṭe manobhavagṛhe jaṅghātaṭorudvaye / gulphe pādatale tadaṅgulitale 'ṅguṣṭhe ca tiṣṭhatyasau vṛddhikṣīṇatayā samaṃ śaśikalā līlākarī yoṣitām
Sanskrit only: no published translation is held for this verse.
चन्द्रकलायाः प्रदीपनविधिः । मौलौ कुन्तलकर्षणं नयनयोराचुम्बनं गण्डयोर् दन्तेनाधरपीडनं हृदि हतिर्मुष्ट्या च नाभौ शनैः । कक्षाकण्ठकपोलमण्डलकुचश्रोणीषु देया नखाः सीमन्ते लिखनं नखैरुरसिजौ गृह्णीत गाढं ततः
candrakalāyāḥ pradīpanavidhiḥ / maulau kuntalakarṣaṇaṃ nayanayorācumbanaṃ gaṇḍayor dantenādharapīḍanaṃ hṛdi hatirmuṣṭyā ca nābhau śanaiḥ / kakṣākaṇṭhakapolamaṇḍalakucaśroṇīṣu deyā nakhāḥ sīmante likhanaṃ nakhairurasijau gṛhṇīta gāḍhaṃ tataḥ
Sanskrit only: no published translation is held for this verse.
कुर्वीताविरतं मनोभवगृहे मातङ्गलीलायितं जान्वङ्गुष्ठपदोरुगुल्फकलनं ह्यन्योन्यतः कामिनोः । इत्येवं कथितं प्रदेशकलनादिन्दोः कलादीपनं कर्तव्यं च नरैर्न विस्तरभयादुक्तः प्रपञ्चो ऽखिलः
kurvītāvirataṃ manobhavagṛhe mātaṅgalīlāyitaṃ jānvaṅguṣṭhapadorugulphakalanaṃ hyanyonyataḥ kāminoḥ / ityevaṃ kathitaṃ pradeśakalanādindoḥ kalādīpanaṃ kartavyaṃ ca narairna vistarabhayāduktaḥ prapañco 'khilaḥ
Sanskrit only: no published translation is held for this verse.
पद्मिनीचन्द्रकलाप्रदीपनम् । गाढालिङ्गनपूर्वकं कररुहैरालिख्य जङ्घास्थलीं दत्त्वा सूक्ष्मनखान्नितम्बफलके पार्श्वे च पृष्ठोदरे । सीत्कारध्वनिजागरूकपुलकामाद्ये दिने पद्मिनीम् इत्थं चन्द्रकलाविदः स्ववशतां कामं नयेयुः स्त्रियम्
padminīcandrakalāpradīpanam / gāḍhāliṅganapūrvakaṃ kararuhairālikhya jaṅghāsthalīṃ dattvā sūkṣmanakhānnitambaphalake pārśve ca pṛṣṭhodare / sītkāradhvanijāgarūkapulakāmādye dine padminīm itthaṃ candrakalāvidaḥ svavaśatāṃ kāmaṃ nayeyuḥ striyam
Sanskrit only: no published translation is held for this verse.
आचुम्ब्याधरपल्लवं स्तनमुखे नेत्रालिके पार्श्वयोर् मूर्धान्ते जघनस्थलोरुफलके कृत्वा नखालेखनम् । मर्षन्तो नखरैः पदाम्बुजयुगं सम्यक्कुरङ्गीदृशं संसेव्याविरतं प्रबुद्धमदनां कुर्युर्द्वितीयादिने
ācumbyādharapallavaṃ stanamukhe netrālike pārśvayor mūrdhānte jaghanasthaloruphalake kṛtvā nakhālekhanam / marṣanto nakharaiḥ padāmbujayugaṃ samyakkuraṅgīdṛśaṃ saṃsevyāvirataṃ prabuddhamadanāṃ kuryurdvitīyādine
Sanskrit only: no published translation is held for this verse.
श्लिष्ट्वा गाढतरं निपीड्य च कुचौ पीत्वा च दन्तच्छदं वामोरौ करजक्षतं भुजलतामूले विशेषात् पुनः । मायूराङ्घ्रिकमर्धचन्द्रछुरितप्रायान्नखानादराद् दद्युर्बाह्यरतोपचारचतुराः प्रायश्चतुर्थ्यां तिथौ
śliṣṭvā gāḍhataraṃ nipīḍya ca kucau pītvā ca dantacchadaṃ vāmorau karajakṣataṃ bhujalatāmūle viśeṣāt punaḥ / māyūrāṅghrikamardhacandrachuritaprāyānnakhānādarād dadyurbāhyaratopacāracaturāḥ prāyaścaturthyāṃ tithau
Sanskrit only: no published translation is held for this verse.
बिम्बोष्ठं परिचुम्ब्य दक्षिणकरेणाकृष्य केशोच्चयं स्वच्छन्देन विमृद्य चूचुकयुगं चुम्बन्प्रियां भावयेत् । आमृश्यात्करजैः सखेलपुलकं भूयो नितम्बस्थलीं पञ्चम्यां द्रवतां नयेत्कमलिनीमित्याह वात्स्यायनः
bimboṣṭhaṃ paricumbya dakṣiṇakareṇākṛṣya keśoccayaṃ svacchandena vimṛdya cūcukayugaṃ cumbanpriyāṃ bhāvayet / āmṛśyātkarajaiḥ sakhelapulakaṃ bhūyo nitambasthalīṃ pañcamyāṃ dravatāṃ nayetkamalinīmityāha vātsyāyanaḥ
Sanskrit only: no published translation is held for this verse.
चित्रिण्याश्चन्द्रकलाप्रबोधनविधिः । चुम्बित्वा ऽलि(ल)कमुन्मदः कररुहैरालिख्य वक्षोजकं श्रोणीपृष्ठभुजाङ्घ्रिकर्णजघनस्थानोरुयुग्मस्थलीम् । पाणिभ्यामुपगूहयन् स्वरमणीं कान्तो दशम्यां तिथौ कन्दर्पं प्रतिबोध्य चन्द्रकलया कुर्यान्निजां चित्रिणीम्
citriṇyāścandrakalāprabodhanavidhiḥ / cumbitvā 'li(la)kamunmadaḥ kararuhairālikhya vakṣojakaṃ śroṇīpṛṣṭhabhujāṅghrikarṇajaghanasthānoruyugmasthalīm / pāṇibhyāmupagūhayan svaramaṇīṃ kānto daśamyāṃ tithau kandarpaṃ pratibodhya candrakalayā kuryānnijāṃ citriṇīm
Sanskrit only: no published translation is held for this verse.
श्लिष्ट्वा कन्धरकन्दलीं भुजलतापाशेन गाढं पुनः पायं पायमजस्रमुत्पलदृशां वक्त्रारविन्दसावम् । नाभीकण्ठनितम्बबिम्बनखरव्यापारपारङ्गमैः षष्ठ्यां चन्द्रकलाकलापनिपुणैर्देया नखाः सर्वतः
śliṣṭvā kandharakandalīṃ bhujalatāpāśena gāḍhaṃ punaḥ pāyaṃ pāyamajasramutpaladṛśāṃ vaktrāravindasāvam / nābhīkaṇṭhanitambabimbanakharavyāpārapāraṅgamaiḥ ṣaṣṭhyāṃ candrakalākalāpanipuṇairdeyā nakhāḥ sarvataḥ
Sanskrit only: no published translation is held for this verse.
ग्रीवायां परिरभ्य गाढमसकृन्नाभिं नखैरालिखन् दन्तौष्ठेन निपीडयन्कुचतटीं कण्ठे मनाक् ताडयेत् । सानन्दं स्मरमन्दिरे करिकरक्रीडायितं कुर्वता नेतव्या तरुणी स्वकीयवशतां चण्डीतिथौ चित्रिणी
grīvāyāṃ parirabhya gāḍhamasakṛnnābhiṃ nakhairālikhan dantauṣṭhena nipīḍayankucataṭīṃ kaṇṭhe manāk tāḍayet / sānandaṃ smaramandire karikarakrīḍāyitaṃ kurvatā netavyā taruṇī svakīyavaśatāṃ caṇḍītithau citriṇī
Sanskrit only: no published translation is held for this verse.
आलिङ्ग्य प्रसभं कपोलनयनश्रोणीश्रुतीश्चुम्बयन् स्थानेष्वेषु नखप्रदानकुशलो दत्त्वा नखान्निर्दयम् । संदश्याधरपल्लवं क्रमवशादाकृष्य केशान् वशे चित्रां संविदधीत सीत्कृतवतीं भानोस्तिथौ नायकः
āliṅgya prasabhaṃ kapolanayanaśroṇīśrutīścumbayan sthāneṣveṣu nakhapradānakuśalo dattvā nakhānnirdayam / saṃdaśyādharapallavaṃ kramavaśādākṛṣya keśān vaśe citrāṃ saṃvidadhīta sītkṛtavatīṃ bhānostithau nāyakaḥ
Sanskrit only: no published translation is held for this verse.
शङ्खिन्याश्चन्द्रकलाप्रदीपनविधिः । कक्षामुल्लसितैर्विलिख्य करजैरालिङ्ग्य दोर्भ्यां मुहुर् गाढं चोरजिसौ निपीड्य सुतरां विष्णोस्तिथौ चन्द्रवित् । आचुम्बेच्च कपोलकण्ठगलकं मृद्गन्नुरोजद्वयं कन्दर्पस्य तिथौ नखक्षतिवशाद्द्राक् शङ्खिनीं द्रावयेत्
śaṅkhinyāścandrakalāpradīpanavidhiḥ / kakṣāmullasitairvilikhya karajairāliṅgya dorbhyāṃ muhur gāḍhaṃ corajisau nipīḍya sutarāṃ viṣṇostithau candravit / ācumbecca kapolakaṇṭhagalakaṃ mṛdgannurojadvayaṃ kandarpasya tithau nakhakṣativaśāddrāk śaṅkhinīṃ drāvayet
Sanskrit only: no published translation is held for this verse.
व्यादष्टौष्ठपुटः कपोलनयनश्रोत्रं नखैरालिखन् सान्द्रानन्दनिगूढकण्ठवलयां भानोस्तिथौ भामिनीम्
vyādaṣṭauṣṭhapuṭaḥ kapolanayanaśrotraṃ nakhairālikhan sāndrānandanigūḍhakaṇṭhavalayāṃ bhānostithau bhāminīm
Sanskrit only: no published translation is held for this verse.
आघातं नखरैश्च नाभिचरणग्रीवाकुचोरःस्थले कृत्वालिख्य च भूतनाथदिवसे कुर्यात्सुधीर्विह्वलाम्
āghātaṃ nakharaiśca nābhicaraṇagrīvākucoraḥsthale kṛtvālikhya ca bhūtanāthadivase kuryātsudhīrvihvalām
Sanskrit only: no published translation is held for this verse.
हस्तिन्याश्चन्द्रकलाप्रबोधनविधिः । आकण्ठं परिरभ्य दोर्लतिकया निष्पीय वक्त्राम्बुजं कक्षान्तःस्तनमण्डलोदरतटीं चञ्चन्नखैरामृशन् । क्षोणीभृत्तनयातिथावथ मुहुः कामालयं संस्पृशन् सन्दश्याधरपल्लवं ग्रहतिथौ कुर्याद्द्रुतां हस्तिनीम्
hastinyāścandrakalāprabodhanavidhiḥ / ākaṇṭhaṃ parirabhya dorlatikayā niṣpīya vaktrāmbujaṃ kakṣāntaḥstanamaṇḍalodarataṭīṃ cañcannakhairāmṛśan / kṣoṇībhṛttanayātithāvatha muhuḥ kāmālayaṃ saṃspṛśan sandaśyādharapallavaṃ grahatithau kuryāddrutāṃ hastinīm
Sanskrit only: no published translation is held for this verse.
सम्पूर्णेन्दुतिथौ परिक्षयदिने तस्यैव तुल्या तिथिस् तस्यामेव वशीकृता शशिकलासम्बोधनैः कामिनी । कामागारचुचूलिकासु करजैर्दन्तैश्च दन्तच्छदैर् आश्लेषैः परिचुम्बनैश्च विविधैरित्याह नन्दीश्वरः
sampūrṇendutithau parikṣayadine tasyaiva tulyā tithis tasyāmeva vaśīkṛtā śaśikalāsambodhanaiḥ kāminī / kāmāgāracucūlikāsu karajairdantaiśca dantacchadair āśleṣaiḥ paricumbanaiśca vividhairityāha nandīśvaraḥ
Sanskrit only: no published translation is held for this verse.
पद्मिन्यादीनां रतिकालनिरूपणम् । यामिन्याः कथितश्चतुर्थचरणः कालो नलिन्या रते प्रारम्भप्रहरे प्रयाति सुखतां चित्रप्रिया चित्रिणी । शङ्खिन्याः समुदीरितः कविवरैर्यामस्तृतीयो रतौ मातङ्गी द्रवतामुपैति नितरां नक्तंदिनस्यार्धयोः
padminyādīnāṃ ratikālanirūpaṇam / yāminyāḥ kathitaścaturthacaraṇaḥ kālo nalinyā rate prārambhaprahare prayāti sukhatāṃ citrapriyā citriṇī / śaṅkhinyāḥ samudīritaḥ kavivarairyāmastṛtīyo ratau mātaṅgī dravatāmupaiti nitarāṃ naktaṃdinasyārdhayoḥ
Sanskrit only: no published translation is held for this verse.
सुखयति न पुमांसं पद्मिनी क्वापि रात्रौ निधुवनमिति तस्यां नैव किञ्चित्प्रयोज्यम् । शिशुरपि यदि कान्तां वासरे तामुपेयाद् विकसति रवियोगात्सा हठात्पद्मिनीव
sukhayati na pumāṃsaṃ padminī kvāpi rātrau nidhuvanamiti tasyāṃ naiva kiñcitprayojyam / śiśurapi yadi kāntāṃ vāsare tāmupeyād vikasati raviyogātsā haṭhātpadminīva
Sanskrit only: no published translation is held for this verse.
नारीणां सत्त्वसमुद्देशः । त्रिवलिवलितमध्या कम्बुकण्ठी विदग्धा कमलसुरभिदेहा केतकीगर्भभव्या । शुचिचरितपवित्रा शीलसन्तोषयुक्ता सुललितपिकवाणी स्यादियं देवसत्त्वा
nārīṇāṃ sattvasamuddeśaḥ / trivalivalitamadhyā kambukaṇṭhī vidagdhā kamalasurabhidehā ketakīgarbhabhavyā / śucicaritapavitrā śīlasantoṣayuktā sulalitapikavāṇī syādiyaṃ devasattvā
Sanskrit only: no published translation is held for this verse.
बहुलचपलदृष्टिर्नृत्यगीतादिदक्षा मधुरबहलसुगन्धा पुष्पमालानुरक्ता । शिशिरसुरभिमासक्रीडनप्रेमपात्री भवति रुचिरमूर्तिः सैव गन्धर्वसत्त्वा
bahulacapaladṛṣṭirnṛtyagītādidakṣā madhurabahalasugandhā puṣpamālānuraktā / śiśirasurabhimāsakrīḍanapremapātrī bhavati ruciramūrtiḥ saiva gandharvasattvā
Sanskrit only: no published translation is held for this verse.
गुरुकुचयुगभारा गौरदेहा नताङ्गी तरुणहरिणनेत्रा कोपना वीतलज्जा । विविधमधुरवाक्या मत्स्यमांसानुरक्ता मुनिभिरियमनर्घा यक्षसत्त्वा प्रदिष्टा
gurukucayugabhārā gauradehā natāṅgī taruṇahariṇanetrā kopanā vītalajjā / vividhamadhuravākyā matsyamāṃsānuraktā munibhiriyamanarghā yakṣasattvā pradiṣṭā
Sanskrit only: no published translation is held for this verse.
गिरिविहरणविज्ञा रात्रिसञ्चारवीरा मलिनपिशुनचित्ता कुत्सिताहारचेष्टा । विकृतवदनचन्द्रा कृष्णवर्णा ऽतिखर्वा मलिनवसनरक्ता कीर्तिता प्रेतसत्त्वा
giriviharaṇavijñā rātrisañcāravīrā malinapiśunacittā kutsitāhāraceṣṭā / vikṛtavadanacandrā kṛṣṇavarṇā 'tikharvā malinavasanaraktā kīrtitā pretasattvā
Sanskrit only: no published translation is held for this verse.