विश्वस्तायाः किम् अर्थैर् मे धर्मकामार्थहेतुभिः । राज्ञो ऽर्पयामि तान् सर्वान् यदि मे स्याद् अनुग्रहः ॥ ज्र्त् ब्।६०० ॥ अतस् स्वकीर्तये पूर्तसम्मानस्फूर्तये ऽस्तु मे । यत् तु त्वच्चरणस्पर्शदर्शितानुग्रहं गृहम् ॥ ज्र्त् ब्।६०१ ॥ प्रत्याहृत्य स्वयं स्वीयम् ओषधेर् इव सद्वसु । आशाः प्रकाशयत्व् अर्थपतिर् भास्वान् इवाभितः ॥ ज्र्त् ब्।६०२ ॥ वदन्येन त्वयापेक्ष्यं न तु स्त्रीधनम् इत्य् अतः । रसाया रसम् आदत्ते लोकाप्यायाय भास्करः ॥ ज्र्त् ब्।६०३ ॥ अनेन वसुना राज्ञः फलतु प्रार्थनार्थिनाम् । सरितां वारि गृह्णानो मेघांस् तर्पयते ऽम्बुधिः ॥ ज्र्त् ब्।६०४ ॥ निधीन् अहिभिर् आवेष्ट्य गोपयन्ती मया मही । उपहास्येत नाथेन मद्द्रव्ये दृष्टिकारिणा ॥ ज्र्त् ब्।६०५ ॥ तत्रागतं महीपालं हनिष्यामो वयं बलात् । बध्नीमो वा ततो राजपुत्रो वृद्धिम् उपैष्यति ४
viśvastāyāḥ kim arthair me dharmakāmārthahetubhiḥ / rājño 'rpayāmi tān sarvān yadi me syād anugrahaḥ // JRt B.600 // atas svakīrtaye pūrtasammānasphūrtaye 'stu me / yat tu tvaccaraṇasparśadarśitānugrahaṃ gṛham // JRt B.601 // pratyāhṛtya svayaṃ svīyam oṣadher iva sadvasu / āśāḥ prakāśayatv arthapatir bhāsvān ivābhitaḥ // JRt B.602 // vadanyena tvayāpekṣyaṃ na tu strīdhanam ity ataḥ / rasāyā rasam ādatte lokāpyāyāya bhāskaraḥ // JRt B.603 // anena vasunā rājñaḥ phalatu prārthanārthinām / saritāṃ vāri gṛhṇāno meghāṃs tarpayate 'mbudhiḥ // JRt B.604 // nidhīn ahibhir āveṣṭya gopayantī mayā mahī / upahāsyeta nāthena maddravye dṛṣṭikāriṇā // JRt B.605 // tatrāgataṃ mahīpālaṃ haniṣyāmo vayaṃ balāt / badhnīmo vā tato rājaputro vṛddhim upaiṣyati 4
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.