तथेति प्रतिसन्दिश्य सा पुंवद् धैर्यशालिनी । तद्बुद्धिपरितोषार्थम् एवं सन्देशम् आक्षिपत् ॥ ज्र्त् ब्।६०६ ॥ एकाकी दीर्घधीकृद् यः किम् उद्यच्छेत साहसे । कदाचिन् नोच्चरत्य् एव करेणैकेन तालिका ॥ ज्र्त् ब्।६०७ ॥ सामर्षस् सावलेपत्वात् कम्पनाधिपतिस् त्वया । साहाय्यकार्थम् अभ्यर्थ्यस् सिद्धे कार्ये धृतौजसा ॥ ज्र्त् ब्।६०८ ॥ भवतैव विधार्येयं निराधारत्वनिष्फला । वाताहताश्रया द्राक्षावल्लीवान्येन भूरुहा ॥ ज्र्त् ब्।६०९ ॥ उदयश्रीर् इति श्रुत्वा वाचिकं मतिमान् अपि । तथैवायाचत् साहाय्यं कम्पनेश्वरलक्ष्मकम् ॥ ज्र्त् ब्।६१० ॥ हस्सनस्य जनन्यास् स लक्ष्म्या ध्यायन्न् अपक्रियाः । तस्मिन् प्रत्यपकारेच्छुस् तद् राज्ञे विन्यवेदयत् ॥ ज्र्त् ब्।६११ ॥ मन्त्रिभिर् विवृतस् सो ऽथ गुणवत्सलमत्सरैः । अबोध्य् उदयभद्रस्य दुर्नयं तं नराधिपः ॥ ज्र्त् ब्।६१२ ॥ मन्त्रिणं स्तन्यम् आप्याय स्वकीयम् अभयाय तम् । राज्ञी राज्ञो ऽस्य सुडाख्या पुत्रीयां चक्रुषी स्वयम् ॥ ज्र्त् ब्।६१३ ॥ स पूर्वस्वामिसम्मानव्यृणमार्गोपलब्धये । हस्सनाभ्युदयाङ्गानि प्राणान् अपि त्व् अजीगणत् ॥ ज्र्त् ब्।६१४ ॥ अथ दैवाद् गते तस्मिन् मन्त्रे भेदं महीपतेः । उदयश्रीस् ततो भीतः पलाययत हस्सनम्
tatheti pratisandiśya sā puṃvad dhairyaśālinī / tadbuddhiparitoṣārtham evaṃ sandeśam ākṣipat // JRt B.606 // ekākī dīrghadhīkṛd yaḥ kim udyaccheta sāhase / kadācin noccaraty eva kareṇaikena tālikā // JRt B.607 // sāmarṣas sāvalepatvāt kampanādhipatis tvayā / sāhāyyakārtham abhyarthyas siddhe kārye dhṛtaujasā // JRt B.608 // bhavataiva vidhāryeyaṃ nirādhāratvaniṣphalā / vātāhatāśrayā drākṣāvallīvānyena bhūruhā // JRt B.609 // udayaśrīr iti śrutvā vācikaṃ matimān api / tathaivāyācat sāhāyyaṃ kampaneśvaralakṣmakam // JRt B.610 // hassanasya jananyās sa lakṣmyā dhyāyann apakriyāḥ / tasmin pratyapakārecchus tad rājñe vinyavedayat // JRt B.611 // mantribhir vivṛtas so 'tha guṇavatsalamatsaraiḥ / abodhy udayabhadrasya durnayaṃ taṃ narādhipaḥ // JRt B.612 // mantriṇaṃ stanyam āpyāya svakīyam abhayāya tam / rājñī rājño 'sya suḍākhyā putrīyāṃ cakruṣī svayam // JRt B.613 // sa pūrvasvāmisammānavyṛṇamārgopalabdhaye / hassanābhyudayāṅgāni prāṇān api tv ajīgaṇat // JRt B.614 // atha daivād gate tasmin mantre bhedaṃ mahīpateḥ / udayaśrīs tato bhītaḥ palāyayata hassanam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.