Jaiminīya Upaniṣad Brāhmaṇa (Sāmaveda) 1.53

द्वयं वावेदम् अग्र आसीत् सच् चैवासच् च

dvayaṃ vāvedam agra āsīt sac caivāsac ca

Sanskrit only: no published translation is held for this verse.

तयोर् यत् सत् तत् साम तन् मनः स प्राणः अथ यद् असत् सर्क् सा वाक् सो ऽपानः

tayor yat sat tat sāma tan manaḥ sa prāṇaḥ atha yad asat sark sā vāk so 'pānaḥ

Sanskrit only: no published translation is held for this verse.

तद् यन् मनश् च प्राणश् च तत् समानम् अथ या वाक् चापानश् च तत् समानम् इदम् आयतनम् मनश् च प्राणश् चेदम् आयतनं वाक् चापानश् च तस्मात् पुमान् दक्षिणतो योषाम् उपशेते

tad yan manaś ca prāṇaś ca tat samānam atha yā vāk cāpānaś ca tat samānam idam āyatanam manaś ca prāṇaś cedam āyatanaṃ vāk cāpānaś ca tasmāt pumān dakṣiṇato yoṣām upaśete

Sanskrit only: no published translation is held for this verse.

सेयम् ऋग् अस्मिन् सामन् मिथुनम् ऐच्छत ताम् अपृच्छत् का त्वम् असीति साहम् अस्मीत्य् अब्रवीत् अथ वा अहम् अमो ऽस्मीति

seyam ṛg asmin sāman mithunam aicchata tām apṛcchat kā tvam asīti sāham asmīty abravīt atha vā aham amo 'smīti

Sanskrit only: no published translation is held for this verse.

तद् यत् सा चामश् च तत् सामाभवत् तत् साम्नः सामत्वम्

tad yat sā cāmaś ca tat sāmābhavat tat sāmnaḥ sāmatvam

Sanskrit only: no published translation is held for this verse.

तौ वै संभवावेति नेत्य् अब्रवीत् स्वसा वै मम त्वम् अस्य् अन्यत्र मिथुनम् इच्छस्वेति

tau vai saṃbhavāveti nety abravīt svasā vai mama tvam asy anyatra mithunam icchasveti

Sanskrit only: no published translation is held for this verse.

साब्रवीन् न वै तं विन्दामि येन सम्भवेयम् त्वयैव संभवानीति सा वै पुनीष्वेत्य् अब्रवीत् अपूता वा असीति

sābravīn na vai taṃ vindāmi yena sambhaveyam tvayaiva saṃbhavānīti sā vai punīṣvety abravīt apūtā vā asīti

Sanskrit only: no published translation is held for this verse.

सापुनीत यद् इदं विप्रा वदन्ति तेन साब्रवीत् क्वेदम् भविष्यतीति प्रत्यूहेत्य् अब्रवीत् धीर् वा एषा प्रजानां जीवनं वा एतद् भविष्यतीति तथेति तत् प्रत्यौहत् तस्माद् एषा धीर् एव प्रजानां जीवनम् एव

sāpunīta yad idaṃ viprā vadanti tena sābravīt kvedam bhaviṣyatīti pratyūhety abravīt dhīr vā eṣā prajānāṃ jīvanaṃ vā etad bhaviṣyatīti tatheti tat pratyauhat tasmād eṣā dhīr eva prajānāṃ jīvanam eva

Sanskrit only: no published translation is held for this verse.

पुनीष्वेत्य् अब्रवीत् सापुनीत गाथया सापुनीत कुम्ब्यया सापुनीत नाराशंस्या सापुनीत पुराणेतिहासेन सापुनीत यद् इदम् आदाय नागायन्ति तेन

punīṣvety abravīt sāpunīta gāthayā sāpunīta kumbyayā sāpunīta nārāśaṃsyā sāpunīta purāṇetihāsena sāpunīta yad idam ādāya nāgāyanti tena

Sanskrit only: no published translation is held for this verse.

साब्रवीत् क्वेदम् भविष्यतीति प्रत्यूहेत्य् अब्रवीत् धीर् वा एषा प्रजानां जीवनं वा एतद् भविष्यतीति तथेति तत् प्रत्यौहत् तस्माद् एषा धीर् व् एव प्रजानां जीवनम् व् एव

sābravīt kvedam bhaviṣyatīti pratyūhety abravīt dhīr vā eṣā prajānāṃ jīvanaṃ vā etad bhaviṣyatīti tatheti tat pratyauhat tasmād eṣā dhīr v eva prajānāṃ jīvanam v eva

Sanskrit only: no published translation is held for this verse.

पुनीष्वैवेत्य् अब्रवीत्

punīṣvaivety abravīt

Sanskrit only: no published translation is held for this verse.