Jaiminīya Upaniṣad Brāhmaṇa (Sāmaveda) 2.11

स यथा हत्वा प्रमृद्यातीयाद् एवम् एवैतम् मृत्युम् अत्यायन्

sa yathā hatvā pramṛdyātīyād evam evaitam mṛtyum atyāyan

Sanskrit only: no published translation is held for this verse.

स वाचम् प्रथमाम् अत्यवहत् ताम् परेण मृत्युं न्यदधात् सो ऽग्निर् अभवत्

sa vācam prathamām atyavahat tām pareṇa mṛtyuṃ nyadadhāt so 'gnir abhavat

Sanskrit only: no published translation is held for this verse.

अथ मनो ऽत्यवहत् तत् परेण मृत्युं न्यदधात् स चन्द्रमा अभवत्

atha mano 'tyavahat tat pareṇa mṛtyuṃ nyadadhāt sa candramā abhavat

Sanskrit only: no published translation is held for this verse.

अथ चक्षुर् अत्यवहत् तत् परेण मृत्युं न्यदधात् स आदित्यो ऽभवत्

atha cakṣur atyavahat tat pareṇa mṛtyuṃ nyadadhāt sa ādityo 'bhavat

Sanskrit only: no published translation is held for this verse.

अथ श्रोत्रम् अत्यवहत् तत् परेण मृत्युं न्यदधात् ता इमा दिशो ऽभवन् ता उ एव विश्वे देवाः

atha śrotram atyavahat tat pareṇa mṛtyuṃ nyadadhāt tā imā diśo 'bhavan tā u eva viśve devāḥ

Sanskrit only: no published translation is held for this verse.

अथ प्राणम् अत्यवहत् तम् परेण मृत्युं न्यदधात् स वायुर् अभवत्

atha prāṇam atyavahat tam pareṇa mṛtyuṃ nyadadhāt sa vāyur abhavat

Sanskrit only: no published translation is held for this verse.

अथात्मने केवलम् एवान्नाद्यम् आगायत

athātmane kevalam evānnādyam āgāyata

Sanskrit only: no published translation is held for this verse.

स एष एवायास्यः आस्ये धीयते तस्माद् अयास्यः आस्ये रमते तस्माद् व् एवायास्यः

sa eṣa evāyāsyaḥ āsye dhīyate tasmād ayāsyaḥ āsye ramate tasmād v evāyāsyaḥ

Sanskrit only: no published translation is held for this verse.

स एष एवाङ्गिरसः अतो हीमान्य् अङ्गानि रसं लभन्ते तस्माद् आङ्गिरसः यद् व् एवैषाम् अङ्गानां रसस् तस्माद् व् एवाङ्गिरसः

sa eṣa evāṅgirasaḥ ato hīmāny aṅgāni rasaṃ labhante tasmād āṅgirasaḥ yad v evaiṣām aṅgānāṃ rasas tasmād v evāṅgirasaḥ

Sanskrit only: no published translation is held for this verse.

तं देवा अब्रुवन् केवलं वा आत्मने ऽन्नाद्यम् आगासीः अनु न एतस्मिन्न् अन्नाद्य आभज एतद् अस्यानामयत्वम् अस्तीति

taṃ devā abruvan kevalaṃ vā ātmane 'nnādyam āgāsīḥ anu na etasminn annādya ābhaja etad asyānāmayatvam astīti

Sanskrit only: no published translation is held for this verse.

तं वै प्रविशतेति स वा आकाशान् कुरुष्वेति स इमान् प्राणान् आकाशान् अकुरुत

taṃ vai praviśateti sa vā ākāśān kuruṣveti sa imān prāṇān ākāśān akuruta

Sanskrit only: no published translation is held for this verse.

तं वाग् एव भूत्वाग्निः प्राविशन् मनो भूत्वा चन्द्रमाश् चक्षुर् भूत्वादित्यः श्रोत्रम् भूत्वा दिशः प्राणो भूत्वा वायुः

taṃ vāg eva bhūtvāgniḥ prāviśan mano bhūtvā candramāś cakṣur bhūtvādityaḥ śrotram bhūtvā diśaḥ prāṇo bhūtvā vāyuḥ

Sanskrit only: no published translation is held for this verse.

एषा वै दैवी परिषद् दैवी सभा दैवी संसत्

eṣā vai daivī pariṣad daivī sabhā daivī saṃsat

Sanskrit only: no published translation is held for this verse.

गच्छति ह वा एतां दैवीम् परिषदं दैवीं सभां दैवीं संसदं य एवं वेद

gacchati ha vā etāṃ daivīm pariṣadaṃ daivīṃ sabhāṃ daivīṃ saṃsadaṃ ya evaṃ veda

Sanskrit only: no published translation is held for this verse.