Jaiminīya Upaniṣad Brāhmaṇa (Sāmaveda) 2.12

यत्रो ह वै क्व चैता देवता निस्पृशन्ति न हैव तत्र कश्चन पाप्मा न्यङ्गः परिशिष्यते

yatro ha vai kva caitā devatā nispṛśanti na haiva tatra kaścana pāpmā nyaṅgaḥ pariśiṣyate

Sanskrit only: no published translation is held for this verse.

स विद्यान् नेह कश्चन पाप्मा न्यङ्गः परिशेक्ष्यते सर्वम् एवैता देवताः पाप्मानं निधक्ष्यन्तीति तथा हैव भवति

sa vidyān neha kaścana pāpmā nyaṅgaḥ pariśekṣyate sarvam evaitā devatāḥ pāpmānaṃ nidhakṣyantīti tathā haiva bhavati

Sanskrit only: no published translation is held for this verse.

य उ ह वा एवंविदम् ऋच्छति यथैता देवता ऋत्वा नीयाद् एवं न्येति एतासु ह्य् एवैनं देवतासु प्रपन्नम् एतासु वसन्तम् उपवदति

ya u ha vā evaṃvidam ṛcchati yathaitā devatā ṛtvā nīyād evaṃ nyeti etāsu hy evainaṃ devatāsu prapannam etāsu vasantam upavadati

Sanskrit only: no published translation is held for this verse.

तस्य हैतस्य नैव काचनार्तिर् अस्ति य एवं वेद य एवैनम् उपवदति स आर्तिम् आर्च्छति

tasya haitasya naiva kācanārtir asti ya evaṃ veda ya evainam upavadati sa ārtim ārcchati

Sanskrit only: no published translation is held for this verse.

स य एनम् ऋछाद् एव ता देवता उपसृत्य ब्रूयाद् अयम् मारत् स इमाम् आर्तिं न्येत्व् इति तां हैवार्तिं न्येति

sa ya enam ṛchād eva tā devatā upasṛtya brūyād ayam mārat sa imām ārtiṃ nyetv iti tāṃ haivārtiṃ nyeti

Sanskrit only: no published translation is held for this verse.

यावदावासा उ हास्येमे प्राणा अस्मिंल्लोक एतावदावासा उ हास्यैता देवता अमुष्मिंल्लोके भवन्ति

yāvadāvāsā u hāsyeme prāṇā asmiṃlloka etāvadāvāsā u hāsyaitā devatā amuṣmiṃlloke bhavanti

Sanskrit only: no published translation is held for this verse.

तस्माद् उ हैवं विद्वान् नैवागृहतायै बिभीयान् नालोकतायै एता मे देवता अस्मिंल् लोके गृहान् करिष्यन्ति एता अमुष्मिंल्लोके भवन्ति तस्माद् उ लोकम् प्रदास्यन्तीति

tasmād u haivaṃ vidvān naivāgṛhatāyai bibhīyān nālokatāyai etā me devatā asmiṃl loke gṛhān kariṣyanti etā amuṣmiṃlloke bhavanti tasmād u lokam pradāsyantīti

Sanskrit only: no published translation is held for this verse.

तस्माद् उ हैवं विद्वान् नैवागृहतायै बिभीयान् नालोकतायै एता मे देवता अस्मिंल्लोके गृहेभ्यो गृहान् करिष्यन्ति स्वेभ्य आयतनेभ्य इति हैव विद्याद् एता देवता अमुष्मिंल्लोके लोकम् प्रदास्यन्तीति

tasmād u haivaṃ vidvān naivāgṛhatāyai bibhīyān nālokatāyai etā me devatā asmiṃlloke gṛhebhyo gṛhān kariṣyanti svebhya āyatanebhya iti haiva vidyād etā devatā amuṣmiṃlloke lokam pradāsyantīti

Sanskrit only: no published translation is held for this verse.

तस्माद् उ हैवं विद्वान् नैवागृहतायै बिभीयान् नालोकतायै एता म एतद् उभयं संनंस्यन्तीति हैव विद्यात् तथा हैव भवति

tasmād u haivaṃ vidvān naivāgṛhatāyai bibhīyān nālokatāyai etā ma etad ubhayaṃ saṃnaṃsyantīti haiva vidyāt tathā haiva bhavati

Sanskrit only: no published translation is held for this verse.